ئه‌م و ئه‌و (سناپ چه‌ت) و خوارن؟

ئه‌م و ئه‌و (سناپ چه‌ت) و خوارن؟

39

من نه‌ باوه‌ره‌ ئه‌ڤرۆ ل كوردستانێ كه‌سه‌ك هه‌بیت فه‌یسبۆك و ڤایبه‌ر وسناب شات نه‌بن، ئه‌ز به‌حسێ تویته‌ر و ئه‌نستگرام و واتساب ناكه‌م، چونكی ب مخابنی ڤه‌ و رۆندك ژ چاڤێن من یێن بارن، چونكی گه‌له‌كا نینن و ئه‌و ب خوه‌ دڤێت هه‌بن، چونكی یێن بووینه‌ پشكه‌كێ هه‌ره‌ گرنگ ژ ژیانا مرۆڤان ل سه‌رانسه‌ری جیهانێ، ئه‌ڤجا بۆچی خه‌لكێ مه‌ ئه‌و ژی نه‌بن؟ نه‌خێر بلا ئه‌و ژی هه‌بن چونكی ب راستی فه‌یسبۆك و ڤایبه‌ر و سناب شات نه‌شێن هه‌می چركێن ژیانا مه‌ بۆ خه‌لكی ڤه‌گوهێزن!! ئه‌ی هه‌وار..چ خودێ قه‌بوول دكه‌ت هێشتا هنده‌كان ئه‌و نه‌بن؟ راسته‌ ده‌مێ كچێن مه‌ دچنه‌ زانكۆیان هند نامیننه‌ ب خواندنێ ڤه‌ هندی دمیننه‌ ب سناب شاتی ڤه‌!! خودێ قه‌بوول ناكه‌ت؟ دێ گه‌نجێن مه‌ ب چ رێك شێن نه‌رگیلێن خوه‌ نیشا مه‌ده‌ن؟! ب راستی نه‌حه‌قیه‌!؟ باشه‌ ڤان بهێلن، كا دێ وه‌رن دێ چاوا خانمێن مه‌ به‌ری بچینه‌ سه‌ر سفرا خوارنێ بێژنه‌ مه‌راوستن؟ نه‌روینن؟ دا سناب شات كه‌م!! ل هه‌وه‌ نا ڤه‌شێرم ژی ب خێرا ڤان سنابا و فه‌یسبۆكان مه‌خوه‌ ب خوارنێن خۆش و ب له‌زه‌ت با دا..نه‌یا ژ هه‌وه‌ ڤه‌ ژ به‌ر چاڤێن مه‌ یێن ره‌ش ڤان خوارنێن هنده‌ خۆش و سفرێن جوان و رێك وپێك چێدكه‌ن؟ نه‌خێر خوه‌ گه‌له‌ك خشیم نه‌كه‌ن..ب سه‌رێ من و هه‌وه‌ ڤان تشتان هه‌میان دكه‌ن، دا به‌س كه‌ربێن خووشك و هه‌ڤال و كچ مه‌ت و كچ خاله‌ت و دش و ژن تیا ڤه‌كه‌ن!!. لێ راستی ل هه‌وه‌ نا ڤه‌شێرم..ژ یه‌زدانی دخوازم كو ئه‌ڤ شه‌رێ تكه‌نه‌لۆجیایێ و ئه‌لكترۆنی د ناڤبه‌را ده‌یك و خێزان و خویشك و هه‌ڤال و كه‌س وكارێن وان د به‌رده‌وام بن، چونكی مفادارێ ئێكێ ژ ڤێ هه‌ڤركیێ و دژایه‌تیێ و حه‌سیدیێ و كه‌ربوكینێ، هه‌ر زكێ مه‌ زه‌لامانه‌..راسته‌ ناهێلن ب روونین حه‌تا سناب و فه‌یسبۆك نه‌كه‌ن،لێ پا سوپاس بۆ خودێ كو پشتی وی سنابی و وی فه‌یسبۆكی دێ خوه‌ باده‌ین ب خوارنێن خۆش و ل سه‌ر سفره‌كا جوان..
له‌وما و ژ به‌ر كو نوكه‌ ئه‌ڤ بابه‌ته‌یێ بوویه‌ ئێك ژ بابه‌تێن هه‌ره‌ مه‌زنێن د ناڤا هه‌می مالا، ئه‌ز داخوازێ ژ هه‌می زه‌لامان دكه‌م كو ب زووترین ده‌م ئه‌پلكێشنێن تۆیته‌ر و واتساب و ئه‌نستگرامی بكه‌نه‌ د مۆبایلێن ده‌یك و خووشك و خێزانێن خوه‌ دا دا ڤێجا هوون له‌زه‌تێ ب زاد خوارنا ببه‌ن..تنێ دێ نسیحه‌ته‌كی ل هه‌وه‌كه‌م (ئامۆژگاریه‌كا موهیم) ئه‌و نزانن ڤان تشتان بكه‌نه‌ د مۆبایلێن خوه‌ دا..ڤێجا دێ بێژنه‌ هه‌وه‌ ‌و مه‌ بكه‌د ته‌له‌فۆنێ دا..تو ژی ب دلێ خوه‌ ناڤ وپاسوور دا دانه‌ دا ده‌مێ ته‌بڤێت تشته‌كی ب زانی هینگی گه‌ز و مقه‌س د ده‌ستێن ته‌دا بن و هه‌كه‌ گه‌له‌ك عاقلێ ته‌ژ وێ سوحبه‌تێ نه‌بری، دێ ب ساناهی ألغائ حساب كه‌ی و ولا من شاف و ولا من دری و السلام علیكم ورحمه‌ الله‌و بركاته‌..

کۆمێنتا تە