ئه‌م و ئه‌و عه‌بادی ژی ل سه‌ر سه‌رێ بوو سۆپه‌رمان!؟

ئه‌م و ئه‌و عه‌بادی ژی ل سه‌ر سه‌رێ بوو سۆپه‌رمان!؟

29

به‌ری روزدانێن سالا ٢٠٠٣ و ئازادكرنا عیراقێ ژ لایێ ئه‌مریكا و هه‌ڤپه‌یمانێن وێ ڤه‌، ئۆپۆزسیۆنا هه‌را به‌رچاڤ و دیار و كارتێكه‌ر ل دژی رژێمێن جودا جودا یێن عیراقێ، تنێ كورد بوون، راسته‌ مه‌ جار جاران گوه ل ناڤێ ئه‌حمه‌د چه‌له‌بی و ئه‌یاد عه‌لاوی و ئه‌لحه‌كیم دبوو، لێ باوه‌ر بكه‌ن من ب خوه‌ وه‌كو میدیا كاره‌ك چ جاران گوه ل ناڤێن مالكی و عه‌بادی و جه‌عفه‌ری و فه‌تلاوی ووو .. هتد نه‌ببوو و هه‌تا مه‌ گوه ل چ ناڤێن موقته‌دا ئه‌لسه‌در و عه‌مار ئه‌لحه‌كیم ژی نه‌ببوو، هه‌ر چه‌نده‌ ژ دو بنه‌مالێن ئاینی یێن به‌رنیاسن ل ده‌ڤه‌رێ و ناڤا شیعان، ئه‌ما یێن دی ئه‌وێن من ناڤێن وان ئیناین و ل گه‌ل وان دا ب سه‌دان ناڤێن دی كو كه‌س چ ژمێژو و رابردویێ وان نزانیت كا چ بوون و چ دكر و ل كیڤه‌ بوون ده‌مێ مه‌ كوردان خوین درێژت و به‌ره‌ڤانی ژ كوردستانا خوه‌ دكر به‌رامبه‌ر هه‌می رژێمێن عیراقێ ئێك دووڤ ئێكێ و ب مخابنی ڤه‌ ئه‌ڤرۆ وان ژی بۆ مه‌ دیار كر كو عیراقی چ جاران یێن باوه‌ریێ نینن و نابیت ژ ئه‌ڤرۆ پێڤه‌ ئه‌م ب چو ره‌نگه‌كی باوه‌ریێ ب عیراقیا بینین؟ یا ئه‌ز دزانم ژ به‌ر هنده‌ك ناكۆكیا د ناڤبه‌را مه‌ كوردان و هنده‌ك لایه‌نێن سیاسی ل به‌غدا ب تایبه‌ت ئیبراهیم ئه‌لجه‌عفه‌ری، مه‌ كوردان مالكی ژێ گرت یێ كو د خه‌ونێ دا ژی نه‌دیت رۆژه‌كی ژ رۆژا ببیته‌ سه‌رۆك وه‌زیرێن عیراقێ (هه‌می خه‌ونا وی ئه‌و بوو پشتی ژ سووریێ ڤه‌گه‌ری ئه‌و بوو ببیته‌ مودیر عامه‌ك ل جهه‌كی)، لێ ده‌می ناڤێ وی هاتیه‌ بلندكرن شوونا جه‌عفه‌ری بگریت و هه‌ر ناڤه‌كی كوردان ره‌زامه‌ندی ل سه‌ر نه‌با وی ده‌می چ جاران نه‌دبوو چ، ئه‌وبوو كورد رازی بوون كو مالكی ببیته‌ سه‌رۆك وه‌زیر شوونا جه‌عفه‌ری و وی مالكی نه‌ تنێ سه‌روبه‌رێ مه‌ كوردان تێك دا؟ به‌لكو سه‌روبه‌رێ هه‌می عیراقێ تێك دا و ئه‌و مالوێرانكرنا نوكه‌ عیراق دبینیت هێشتا پاشمایێن حوكمداریا وی یا دو جاركی بوو وه‌كو سه‌رۆك وه‌زیر و ژ به‌ر كو ئه‌م كورد ژی چ جاران بۆ خوه‌ مفای ژ شاشیێن خوه‌ وه‌رناگرین، ئه‌م رابووین مه‌ دژایه‌تیا مالكی كر و مه‌هه‌ڤڕكه‌ك بۆ د ناڤا ده‌ستهه‌لاتداریا عیراقێ دا په‌یدا كر و هه‌ر مه‌ كوردان ل به‌غدا ل گه‌ل هنده‌ك لایه‌نێن دی ناڤه‌كی كه‌س نه‌نیاسیت و هه‌تا هند ده‌نگ د هه‌لبژارتنا دا نه‌بربوون كو هه‌ژی هندێ بیت ناڤێ وی بهێته‌ بلندكرن بۆ پۆستێ سه‌رۆك وه‌زیراتیێ، لێ ما یێ مه‌ كوردان خوه‌ لێ كره‌خودان دێ هه‌ر كه‌ینه‌ تشته‌ك.. ئه‌وبوو ئه‌م كورد رازی بووین عه‌بادی ببیته‌ سه‌رۆك وه‌زیر كو ئه‌وی ژی وه‌كو یێ به‌ری خوه‌ مالكی د خه‌ونێ دا ژی نه‌دیت رۆژه‌كی ژ رۆژان ڤی پۆستی وه‌رگریت! كابرای ژی باوه‌ر نه‌كر ئه‌ڤ پۆسته‌ وه‌رگرتی و چونكی یێ بڤێت د عیراقا ئه‌ڤرۆ دا بسه‌ركه‌ڤیت، دڤێت به‌ری هه‌می تشتان دژایه‌تیا كوردان بكه‌ت!! له‌وما كابرای ژی خوه‌ ل سه‌ر سه‌ر مه‌ كوردان كره‌ سۆپه‌رمان و ئه‌ڤرۆ یێ ب پشتگه‌رمی و بێ منه‌ت ل گه‌ل مه‌ دئاخڤیت و شه‌رت و شریتا ل گه‌ل مه‌ دكه‌ت پشتی دیتی كو جیهانێ هه‌میێ ئه‌م هێلاین و چوونه‌ پشتا وی، چونكی خودان وه‌لاته‌ و هه‌ر چه‌نده‌ ئه‌و وه‌لاتێ وێرانه‌، لێ پا دهێته‌ هژمارتن وه‌كو وه‌لات مه‌ بڤێت و نه‌ڤێت.. تشتێ ل ڤێره‌ ئه‌ز گه‌له‌ك خه‌ما ژێ دخۆم تنێ ئه‌وه‌ كو ئه‌رێ سه‌ركردێن مه‌ كوردان پتر شاره‌زایی و خه‌بات و به‌رخودان د ناڤ سیاسه‌تا ناڤخوه‌یی و جیهانێ دا هه‌بوو یان مالكی و عه‌بادی و جه‌عفه‌ری پتر هه‌بوو؟ هه‌لبه‌ت سه‌ركرده‌ و لایه‌نێن مه‌ یێن سیاسی پتر هه‌بوو، لێ شوونا ده‌ستان بكه‌نه‌ د ده‌ستێن ئێكدا، رابوون مالكی و عه‌بادی و جه‌عفه‌ری و عه‌ره‌بێن عیراقێ هێلان و به‌ربوونه‌ سه‌روچاڤێن ئێكودو هه‌تا هه‌میان پێكڤه‌ زه‌ره‌ره‌كا مه‌زن ل ڤی گه‌لی و ل ڤی ملله‌تی كری!؟ ئه‌ڤ ده‌لیڤا بۆ مه‌ هه‌لاتی پشتی ٢٠٠٣ یێ زۆر سال پێدڤێن هه‌تا جاره‌كا دی دهێته‌ڤه‌، لێ ترسا من ئه‌وه‌وێ جارێ ژی ئه‌م وه‌كو هه‌ر جار مفای ژ خه‌له‌تیێن به‌رێ وه‌رنه‌گرین!؟ دڤێت ژ ئه‌ڤرۆ وێڤه‌ هه‌می ئیتیفاقیاتێن كوردان ل گه‌ل عه‌ره‌بێن عیراقێ بنڤیسین و شاهدێن ده‌ولی بن چونكی ئه‌و هه‌ر دبێ باوه‌ری نه‌ ..

کۆمێنتا تە