بۆ جارا ئێكێ‌ ل سالا خواندنێ‌ 59- 60 خواندن ل قوتابخانا بو...

بۆ جارا ئێكێ‌ ل سالا خواندنێ‌ 59- 60 خواندن ل قوتابخانا بو كوردی 

27

ئه‌ڤرۆ، به‌رپه‌رێ‌ په‌روه‌رده‌ و زانكۆ:

مامۆستا به‌شیر سه‌عید، ل سالا 1939 ژ دایك بوویه‌، ل سالا 1945 ل قوتابخانا ئاسهێ‌ یا سه‌ره‌تایی خواندی یه‌ و ناڤنجیێ‌ ل زاخۆ و مویسل و دووف دا خانا مامۆستا یا بلند ل مویسل ب دووماهی ئینایه‌ بوویه‌ مامۆستا 27 سالان خزمه‌ت ل كه‌رتێ‌ په‌روه‌ردێ‌ كریه‌، دژیانا خوه‌ دا چه‌ندین په‌رتووك دروستكرینه‌ و دو په‌رتووك دبه‌رهه‌ڤن بۆ چاپێ‌.

مامۆستا به‌شیر سه‌عید عه‌بدوالرحمان بۆ به‌رپه‌رێ‌ په‌روه‌رده‌ و زانكۆ  گۆت: قوتابخانا ئاسهێ‌ و بێتاسێ‌ كه‌ڤنترین قوتابخانێن ده‌ڤه‌را سلێڤانه‌ی یا بوون و مامۆستایێن جوهی  ل ئه‌وان قوتابخانا وانه‌ هه‌بوون وی ده‌می مامۆستایێن مه‌ موسلمان و ئزدی ژی هه‌بوون، هه‌رسال سه‌ركه‌فتیێ‌ ئێكێ‌ بووم ل قوتابخانێ‌ و هه‌تا قوناغا شه‌شێ‌ ژی من ب دووماهی ئینای هه‌ر سال ئێكێ‌ بووم، ل سالا 1952 چوومه‌ ناڤنجی یا به‌درخان ل زاخۆ و قوناغا ناڤنجی من ل مویسل بدووماهی ئینا  و دووف دا چوومه‌ خانا مامۆستا یا بلند كو ئێكه‌م خول بوو  ل مویسل هاتبوو ڤه‌كرن، ل رێكه‌فتی 13/10/1959 جارا ئێكێ‌ وه‌ك رێڤه‌به‌رێ‌ قوتابخانێ‌ ل قوتابخانا كورێ‌ ل ده‌ڤه‌را سلێڤانه‌ی یا هاتمه‌دانان وی ده‌می زمانێ‌ كوردی دهاته‌ خواندن وی ده‌می مامۆستایێن زمانێ‌ كوردی نه‌بوون و بتنێ‌ چه‌ند رۆژان مامۆستا چوونه‌ خولێن زمانێ‌ كوردی .

هه‌مان مامۆستا گۆت: من ل هه‌ر سێ‌ سالێن 1959-1960 و 1961  ده‌وام ل قوتابخانا كورێ‌ كر، ل سالا 1959 ده‌مێ‌ ل خانا مامۆستا وێ‌ سالێ‌ هاتمه‌ رێكخستن دناف رێزێن پارتی دیموكراتی كوردستان دا وی ده‌می سه‌ر ب شێخان ڤه‌ بووم و دووف دا هاتمه‌ ڤه‌گوهاستن بۆ زاخۆ وه‌ك حزبی، ده‌مێ‌ شوره‌شا شه‌وافی ل سالا 1959  ل مویسل وی ده‌می ل قوتابخانێن مویسل من راهێنه‌ری ئانكو ته‌بیق دكر دا ببمه‌ مامۆستا وی ده‌می من بچاڤ دیت چه‌ند خه‌لك هاته‌ كوشتن، ئه‌وا روودانا دا تشتێ‌ گه‌له‌ك سه‌رنج راكێش هاتنه‌كرن و شوعیان گه‌له‌ك قومی و به‌عسی كوشتن و گه‌له‌ك جاران شخاته‌ دهلاڤێت و هه‌كه‌ خوه‌ گرت با دا كوژن و گه‌له‌ك خوین هاته‌ رێتن.

هه‌مان مامۆستایێ‌ كه‌ڤن، گۆت: ل سالا 1961 گه‌هشتمه‌ شوره‌رشێ‌ ل گه‌ل ئه‌سعه‌د خوشه‌ڤی هه‌تا سالا 1964 ده‌مێ‌ ره‌حمه‌تی مه‌لا مسته‌فا بارزانی دانوستاندن ل گه‌ل سه‌رۆك كومارێ‌ عیراقێ‌ عه‌بدوسه‌لام كرین و ئێك ژ مه‌رجێن دانوستاندنا ئه‌و بوو كو مامۆستا و فه‌رمانبه‌رێن هاتینه‌ده‌ركرن ژ به‌ر كێشێن سیاسی ڤه‌گه‌رنه‌ سه‌ر كارێ‌ خوه‌، وی ده‌می سالح یوسف زینداكربوو و هاته‌ ئازادكرن و هه‌ر ئێكسه‌ر هاته‌ زاخۆ، وی ده‌می من خوارنگه‌هه‌ك ل زاخۆ هه‌بوو چنكو مامۆستا بووم هاتبوومه‌ ده‌ركرن، سالح یوسف گازی من كر و گۆت هه‌ره‌ سه‌ر كارێ‌ خوه‌  و كاغه‌زه‌ك بوومن دروستكر و 50 رۆژان مامه‌ ب مامه‌لێ‌ ڤه‌ هه‌تا زڤریم و پشتی ڤه‌گه‌ریانێ‌ هاتم بوومه‌ مامۆستا ل بامه‌رنێ‌ و هاڤین بوو و هه‌رسێ‌ هه‌یڤێن هاڤینێ‌ به‌رامبه‌ر سالا خواندنێ‌ یا دروست وه‌ك هاریكاری بۆ خه‌لكێ‌ كوردستانێ‌ و قوتابی ژ قوناغه‌كێ‌ چوونه‌ قوناغه‌كا دی و ئه‌ڤه‌ ل سالا 1965 بوو و دووف دا بۆ شه‌ر و دوف دا هاتمه‌ ڤه‌گوهاستن بۆ قوتابخانا وه‌رده‌كێ‌، بورغریه‌ و قوتابخانه‌ گه‌له‌ك چووم، ل سالا 1967 رێڤه‌به‌رێ‌ قوتابخانا قه‌سرا مه‌لا ته‌یب بووم و دووف دا چوومه‌ سلێمانیێ‌ چنكو حوكمه‌تا مویسل ده‌مێ‌ ده‌ركرنا مه‌ بوومه‌ نه‌هژمارت و سلێمانیێ‌ دهژمارت و ماوێ‌ سێ‌ سالان مامه‌ ل سلێمانیێ‌ و دووف دا من پێشكێشی زانكۆیه‌كا ئێڤاریان كر ل به‌غدا و هاتمه‌ وه‌رگرتن و به‌لێ‌ نه‌هاتمه‌ ڤه‌گوهاستن بۆ به‌غدا و ئێكسه‌ر هاتمه‌ ڤه‌گوهاستن بۆ میسان و سێ‌ سالان چوومه‌ پارێزگه‌ها میسان من مامۆستایی كر و دووف دا هاتم مویسا پاش هاتمه‌ دهۆكێ‌ ل سالا 1976 بوو،ل 1/7/1986 ل قوتابخانا مهاباد من خوه‌ خانه‌نشین كر وی ده‌می 27 سالان من خزمه‌ت ل كه‌رتێ‌ په‌روه‌ردێ‌ دا كر

هه‌مان مامۆستا گۆت: به‌ری شوره‌شێ‌ فه‌رمانا گرتنا من ده‌ركربوو و دووف دا ب ئێك فه‌رمان ئه‌م 11 مامۆستا  هاتینه‌ده‌كرن ل سه‌رانسه‌ری پارێزگه‌ها دهۆكێ‌ و چار سالان هاتینه‌ دورخستن .

ل دور سالێن ده‌ست ب نڤێسینا په‌رتوكا كری، مامۆستایی گۆت:  ده‌مێ‌ ل سلێمانیێ‌ مامۆستا عه‌بدوارحمان مزویری مامۆستایێ‌ جوگرافیێ‌ بوو، پشتی ده‌وامێ‌ مامۆستایێن دهۆكێ‌ ل سلێمانیێ‌ دگه‌هشتینه‌ ئێك وی ده‌می عه‌بدوالرحمان مزویری خواست بخوه‌ پكڤه‌ خانیه‌كی بگرین و هه‌ر ئێك ژ مه‌ د ژووره‌كێ‌ ڤه‌ بوو، ده‌مێ‌ په‌رتووكێن من دیتین و خوینم گۆت تو په‌رتووك دروست كه‌ی وه‌ك نڤیسه‌ر من گۆتێ‌ نوزانم وی گۆت ئه‌زدێ‌ نشاته‌ده‌م و ب پشته‌ڤانیا وی بوومه‌ نڤیسه‌ر و ئه‌ڤه‌ ل سالا 1968 بوو وێ‌ سالێ‌ زانكۆیا سلێمانیێ‌ هاته‌ڤه‌كرن، په‌رتووكا (كوردستان جنوب) به‌رهه‌فه‌ بۆ چاپكرنێ‌( بارزان) به‌رهه‌ه‌ 400 لاپه‌ره‌، په‌رتووكا (به‌هدینان عشائرها) من دروستكر، (زعیم جبل شنگال حمو باشا) من دروستكر.

ل دور خوشترین سالێن ژیانا وی، مامۆستای گۆت: هه‌رسێ‌ سالێن باشورێ‌ عیراقێ‌ و ده‌مێ‌ ئه‌حمه‌د حه‌سه‌ن به‌كر ژی ده‌ست هه‌لات وه‌رگرتی ل عیراقێ‌ دخوش بوون، جهێ‌ ئاماژه‌كرنێ‌ یه‌ كو مامۆستایێ‌ ناڤبری ئه‌ندامێ‌ سه‌ندیكا رۆژنامه‌ڤانێن كوردستانێ‌ یه‌ و 48 گوتارێن به‌لاڤه‌كری ل گوڤار و رۆژناما هه‌نه‌.

کۆمێنتا تە