بۆ خاترا ھەڤالێن خوە سەرداری گرێبەستا سامرا ھەلوەشاند

بۆ خاترا ھەڤالێن خوە سەرداری گرێبەستا سامرا ھەلوەشاند

10

زاخۆ،عەلی حاجی :

یاریزانێ باژێرێ زاخۆ و یانا ئارارات یا ھەولێرا پایتەخت سەردار عومەر دیارکر کو بۆ خاترا ھەڤالێن خوە یێن باژێرێ زاخۆ گرێبەستا یانا سامرا ئەوا د خولا پلا ئێکا عیراقێ دا یاریێ دکەت ھەلوەشاند سەرباری چو ئاریشە ل گەل کارگێریێ و کادرێ راھێنانێ و یاریزانان نەبوو.

زێدەتر ناڤھاتی بۆ رۆژناما ئەڤرۆ گۆت: ھەرچەندە راھێنەر ئەحمەد کازم و کارگێریا یانا سامەرا پشتەڤانیەکا بەرچاڤ  ل من دکرن وەکو یاریزانێ ئێکانە کورد دناڤ پێکھاتیێ وان دا لێ ھندەک ئەگەر ھەبوون کو نەشیام بەردەوامیێ بدەمە یاریکرنێ ژوانا نەشیام دگەل سەقایێ وێ دەڤەرێ خوە ب گونجینم و نەچاربووم گرێبەستا خوە ب ھەلوەشینم و ئەگەرێ سەرەکی یێ گرێبەستێ ل گەل ئارارات ژبەر ھەبوونا ھەڤالێن من ئەمیر خانی و عومەر بیبو کو پێنگاڤا ئێکێ یا ڤێ بڕیارێ بوون.

ھەروەسا ناڤھاتی گوت: بۆ یاریێن بھێت ل گەل تیما خوە بشێوەکێ باشتر ڤەگەڕێمە دناڤ خولا کوردستانێ دا و گەشبینم دێ ھەڤڕکیێ لسەر رێزێن پێشیێ کەین ژبەرکو ئارمانجا ئارارات یا مەزنە و جھێ خووشحالیێ ژی یە کو دەلیڤە دایە من ئەز ل گەل یانا مووسل د ڤاڤارتنێن دەربازبوونێ بۆ پلا ئێکا عیراقێ یاریێ بکەم پشتی یانا مووسلی داخواز ژ من کری بۆ پشکداریکرنێ ل گەل تیما وان.

کۆمێنتا تە