جڤاكێ كوردی.. جڤاكێ چاڤى!

جڤاكێ كوردی.. جڤاكێ چاڤى!

19

د.سالار عوسمان
جڤاكناسی: ئه‌و زانسته‌ یێ سروشت و پێكهاته‌یا جڤاكێ ڤه‌دكۆلیت، زانسته‌كێ نوویه‌ و پشتی دروستبوونا جڤاكه‌كێ دروستبوویه‌، زانسته‌كه‌ هه‌ر ته‌نێ سه‌ر ل ناڤ ناسینیا جڤاكى نینه‌، به‌لكی ل ناڤ هه‌می ڕه‌هه‌نده‌كێ نووتره‌ ژى، بۆ میناك ئایین، هزر و سیاسه‌ت و خوه‌ زمان ژى، كلتوور و دیرۆك دهێته‌ڤه‌، من دڤێت بێژم: كۆمه‌ڵناسی ئان جڤاكناسی پێدڤیه‌كه‌ و به‌ری جڤاكناسان ب زانستێ خوه‌ بزانن، پێدڤیه‌ كه‌سێن سیاسی، ئاینناس زانستێ خوه‌ بزانن، ب رامانه‌كا دیتر: باشترین سیاسی ئه‌و سیاسی یه‌، كو جڤاكێ خوه‌ باش بناسیت، ئه‌ڤه‌ بۆ زانایه‌كێ ئوولی ژى هه‌ر ڕاسته‌، لێ به‌لێ پرسیار ئه‌ڤه‌یه‌: ئه‌رێ سیاسیێن كورد ئه‌ڤێ چه‌ندێ دكه‌ن؟!.. واته‌ هه‌وڵ داینه‌ ب جڤاكناسانه‌ و ب تێگه‌هشتنه‌كا جڤاكی سیاسه‌تێ بكه‌ن؟!..به‌رسڤا ڤێ پرسیاره‌ ب ڤه‌كری دێ بجههێلن و ب ڤه‌كری بێژین، هه‌تا ئه‌وێن سیاسی ل هه‌مبه‌ر پرسیاردا ڕابگرن!.. ئاخر سیاسی و پرسیار ژى، سیاسی و هێزا به‌رسڤێ، سیاسی و جۆر و چاوانیا به‌رسڤێ ژى پرسگه‌لێكا كێم به‌حس ژێ كری مه‌عریفى و ئاكام هنده‌ك سیاسی سفڕ ده‌كه‌ن!..
ب بۆچوونا مه‌ جڤاكێ كوردی جڤاكێ چاڤه‌، جڤاكێ چاڤ ب رامان كو ب تێگه‌هشتنه‌كا كێم هزر دكه‌نه‌ڤه‌، واته‌ زۆرتر بینه‌ره‌ نه‌ك هزركه‌ره‌، ل جڤاكێ دا، كو هزر و بیركرن د ئاستێ پێدڤی دا نه‌بێت، وێنه‌ و دیمه‌ن دبن ب هێز، هێز بن واته‌ هه‌ڵخه‌لتێنه‌ر، له‌وما نها هند نه‌مایشكرنا وێنه‌یان ب دره‌وه‌، وێنه‌یێن ڕاسته‌قینه‌ نین، هه‌ر بۆ نموونه‌ ل شه‌ڕی داعشێ دو جۆر وێنه‌ هه‌بوون:
1ـ وێنه‌ێن پێشمه‌رگه‌ و سه‌نگه‌ر و شه‌ڕ و قوربانیدان: وێنه‌ ڕاست.
2ـ وێنه‌ێن خۆهه‌لاوستى ب وێنه‌یێ ئێكێ: وێنه‌ نه‌یێن ڕاست.
ئه‌وا زۆرتر دهاته‌ دیتن، تایبه‌ت ل سۆسیال میدیایێ دا وێنه‌ نه‌یێ ڕاست بوو، كێمترین ده‌رفه‌ت دایه‌ ب وێنه‌یێ ڕاستی!.. ئه‌ڤه‌ رامانا وێ چیه‌؟!.. رامان ئه‌ڤه‌یه‌ جڤاكێ چاڤه‌ پتر ب وێنه‌یێن نه‌ یێن ڕاست دژین، كه‌واته‌ جڤاكێ چاڤ ئانكو جڤاكه‌كه‌ ب چاڤ بریار دده‌ن، نه‌ك ب هزر، له‌وما نكارن و قوره‌تا هندێ نینه‌ هزرێ ل وێنه‌ێن ڕاسته‌ی ژی بكه‌ن !..
حزبێن درۆزن یان یێن دره‌وین زۆرترین وێنه‌یێن دره‌و به‌ڵاڤدكه‌ن هه‌تا زۆرترین جه‌ماوه‌رێ جڤاكی چاڤ بۆ خوه‌ ڕابكێشێت، سیاسیێ نه‌نیشتیمانی و ته‌نانه‌ت مه‌لایێن درۆزن ژى:( مه‌به‌ستا مه‌ ژ مه‌لایێ درۆزن ئه‌ون، كو پیخه‌مه‌ت ده‌قێ پیرۆز دخوازن بگه‌هنه‌ ده‌سهه‌ڵاتێ و مه‌لله‌زاتێن دونیایێ)، چنكی هند وێنه‌ و درووشم و هاوار و فرمێسك بڵاڤ ده‌كه‌ن، نه‌شێن د كووراتیێ دا بژین، مه‌به‌ستا مه‌ ئه‌وه‌ ژ كووراتیێ: وێنه‌ێن ڕاست و گفتوگۆیا ڕاست و ب جهگه‌هاندنا ئه‌ركێن پیرۆز!.
ل دووماهیێ مه‌ دڤێت بێژین:
1ـ هه‌تا جڤاكێ كوردی ژ جڤاكێ چاڤ ڤه‌ نه‌هێته‌ گوهارتن بۆ جڤاكێ بیركه‌ر یان هزری، وێنه‌ و دیمه‌ن و سه‌حكرنا دره‌وان ب هه‌ڕمێن و كاریگه‌رن، لێ هه‌ڕمێن و كاریگه‌ریێن وێ نه‌ڕاست و زیانبه‌خشن !..
2ـ پێدڤیه‌ هه‌رچی زوویه‌ ئه‌ڤ جڤاكه‌ بهێته‌ گوهارتن و ببێته‌ جڤاكه‌كێ هزری، هه‌تا بشێن سپی و ڕه‌ش، باش و جاش ژ ئێكدو جودا بكه‌ن، ئه‌ڤه‌ ژی ئه‌ركێ مه‌ هه‌میانه‌ كو ب دڵسۆزی ب به‌رهه‌مدئینین و هزر ده‌كه‌نه‌ڤه‌ !…

کۆمێنتا تە