دهۆك دێ‌ ب هێز  ڤه‌گه‌ڕێته‌ خولا عیراقێ‌

دهۆك دێ‌ ب هێز  ڤه‌گه‌ڕێته‌ خولا عیراقێ‌

7

ئه‌ڤرۆ،

دهێته‌ چاڤه‌ڕێكرن ئه‌ڤرۆ تیما ته‌پا پێی یا یانا دهۆك ده‌ست ب راهێنانێن خوه‌ بكه‌ت خوه‌ به‌رهه‌ڤكرن بۆ وه‌رزێ‌ نوو یێ‌ خولا پلا ئێكا عیراقێ‌ و ده‌ربازبوون بۆ نایاب ئه‌وا لدویڤ بڕیارا ئێكه‌تیا ته‌پا پێی یا عیراقێ‌ ل دووماهیا ڤێ‌ هه‌یڤێ‌ هه‌ڤڕكیێن وێ‌ ب پشكداریا 28 یانا بهێنه‌ ئه‌نجامدان و سیسته‌مێ‌ وێ‌ دێ‌ ب شێوێ‌ خول دو قۆناغ هێنه‌ به‌لاڤكرن لسه‌ر دو كۆمان، سه‌ركه‌فتیێ‌ ئێكێ‌ یێ‌ هه‌ر كۆمه‌كێ‌ دێ‌ ده‌ربازبیته‌ پلا نایاب و باشترین یانه‌ یا خودانا رێزا دویێ‌ ژ هه‌ردو كۆمان دێ‌ یاریه‌كا ڤه‌بڕ هه‌مبه‌ری خودانا رێزا 18ێ‌ یا پلا نایاب كه‌ت ژبۆ وه‌رگرتنا پلێتا سێیێ‌ بۆ وه‌رزێ‌  2021- 2022 یێ‌ خولا پلا نایابا عیراقێ‌ كه‌ن.

لدور دووماهی به‌رهه‌ڤیێن تیما یانا دهۆك بۆ خولا عیراقێ‌ محه‌مه‌د عه‌بدی سه‌رپه‌رشتێ‌ تیمێ‌ و جێگرێ‌ سه‌رۆك یانه‌ بۆ رۆژناما ئه‌ڤرۆ گوت: بۆ به‌رهه‌ڤیێن تیما ته‌پاپێی یا خولا پلا ئێكا عیراقێ‌ كارگێریا یانا دهۆك رژده‌ باشترین شێوه‌ و بهێز تیما خوه‌ ڤه‌گه‌ڕێته‌ د ناڤ هه‌ڤڕكیان دا پێخه‌مه‌ت دووباره‌ دهۆك دناڤ تیمێن پلا نایاب بهێته‌ دیتن، له‌ورا هه‌ر ژ ده‌ستپێكا ڤاڤارتنێن ده‌ربازبوونێ‌ بۆ پلا ئێك مه‌ بزاڤێن مه‌زن كرینه‌ ژبۆ دانانا پلانه‌كا باش و ئینانا یاریزانێن شاره‌زا و زیره‌ك پێخه‌مه‌ت بهێزكرنا تیمێ‌، سه‌رباری ئاسته‌نگێن كه‌فتینه‌ د رێكا مه‌ دا ئه‌وژی پرانیا یاریزانێن مه‌ دڤیاین پشكداری پلا نایاب عیراقێ‌ بوون و دیسان ل چه‌ند یانێن پلا ئێكی دا پشكدار بوون، لێ‌ ئه‌ڤچه‌نده‌ نه‌ بوو رێگر ئه‌م بێی ئۆمێد نه‌بین به‌لكو په‌یوه‌ندیێن مه‌ به‌رده‌وامبوون ل گه‌ل چه‌ند یانێن هه‌رێمێ‌ و ناڤه‌راست و باشورێ‌ عیراقێ‌ ژبۆ لێگه‌ریانا باشترین یاریزانان و هه‌تا نوكه‌ كۆمه‌كا باش هاتینه‌ و چاڤه‌ڕێ‌ نه‌ لدیڤ یا پێدڤی بۆ تیمێ‌ هنده‌ك یاریزانێن دی ژی بهێن.

هه‌روه‌سا ناڤهات گوت: زێده‌باری یاریزانێن مه‌ یێن نافخو مه‌ هنده‌ك یاریزانێن دی ژ ده‌رڤه‌یی پارێزگه‌هێ‌ ئینانیه‌ دناڤ رێزێن تیمێ‌ دا ئه‌وژی، گۆلپارێز عه‌لی تالب، ل هێلا به‌ره‌ڤانیێ‌ پیشه‌كارێ‌ سوری عه‌لا شبلی، مسته‌فا ته‌ها، سامر مسته‌فا و بۆ هێلا ناڤین زولفه‌قار مالك، كامیران خالد، مورته‌زا جاسم، وریا كامیران، دیسان هێرشبه‌ران، یاسر ناجی، زه‌ید نه‌جاح، دانا عوسمان هه‌روه‌سان چاڤه‌ڕێ‌ یه‌ پیشه‌كارێ‌ نێجیری ژی په‌یوه‌ندیێ‌ ب راهێنانێن تیمێ‌ بكه‌ت و ئارمانجا مه‌ یا سه‌ره‌كی ده‌ربازبوون بۆ پلا نایابه‌ و رژدین لسه‌ر ڤێ‌ پێگاڤێ‌.

کۆمێنتا تە