روونكرنه‌ك ل سه‌ر بابه‌تێ ناڤهاتنا شوونووارێن خه‌نس د قورئانا پيرۆز دا

روونكرنه‌ك ل سه‌ر بابه‌تێ ناڤهاتنا شوونووارێن خه‌نس د قورئانا پيرۆز دا

ئه‌ڤرۆ نيوز:

مالپه‌رێ ئه‌ڤرۆ نيوز راپۆرته‌كا شيكارى ل سه‌ر شوونووارێن خه‌نس به‌لاڤ كربوو كو تێدا رۆژنامه‌ڤان نه‌وزاد زاده‌ هلۆرى پشت به‌ستن ل سه‌ر پرتووكا دكتور حه‌سه‌ن ئه‌حمه‌د قاسم رێڤه‌به‌رێ شوونوواران ل پارێزگه‌ها دهۆكێ كربوو.

دكتور د پرتووكا خوه‌ دا ئاماژێ ب وێ چه‌ندێ دكه‌ت كو ناڤێ شوونووارێن خه‌نس د قورئانا پيرۆز دا هاتيه‌ و ئه‌ڤ چه‌نده‌ ژى بوويه‌ جهێ سه‌رنجا رۆژنامه‌ڤانى و هه‌ر ژ به‌ر هندێ ژى رابوويه‌ ب به‌رهه‌ڤكرنا بابه‌ته‌كێ ژ ڤى ره‌نگى و پاشان ل سه‌ر په‌يجێ فه‌يسبۆكى يێ ئه‌ڤرۆ نيوز و چه‌ندين مالپه‌رێن تۆڕێن جڤاكى ژى وه‌سان هاتيه‌ دياركرن كو رۆژناما ئه‌ڤرۆ يان مالپه‌رێ ئه‌ڤرۆ نيوز تشته‌كێ ژ ڤى ره‌نگى يێ گۆتى و يێ دووره‌ ژ راستيێ.

مه‌ وه‌كو مالپه‌رێ ئه‌ڤرۆ نيوز چه‌ندين جاران ئاماژه‌ ب وێ چه‌ندێ كريه‌ كو ده‌ما تشته‌ك ژ لايێ ئه‌ڤرۆ نيوز يان هه‌ر ژێده‌ره‌كێ ده‌نگوباسان دهێته‌ گۆتن ئه‌و ل سه‌ر زارێ ده‌زگه‌هێ راگه‌هاندنێ ب خوه‌ ناهێته‌ گۆتن، به‌لكو ئه‌وان پشت به‌ستن ل سه‌ر ژێده‌ره‌كى كريه‌، ئه‌ڤجا چ جۆرێن ژێده‌ران بيت، له‌ورا ژى چه‌ند يا راست و خه‌له‌ت بيت ده‌ربڕينى ژ وى جهى دكه‌ت يێ بوويه‌ ژێده‌ر ئه‌ڤجا چ كه‌سه‌ك بيت يان ژى ده‌زگه‌هه‌ك يان ژى پرتووك.. هتد.

د ڤێ راپۆرتێ دا، رۆژنامه‌ڤانێ ناڤبرى پشت به‌ستن ل سه‌ر پرتووكا “حه‌سه‌ن ئه‌حمه‌د قاسم به‌روارى” يان ل ژێر ناڤێ “شوونووارێن خه‌نس” كريه كو د وێرێ دا ژى ب ره‌نگه‌كێ گه‌له‌ك ئاشكه‌را به‌حس ل وێ چه‌ندێ دكه‌ت كو ناڤێ شوونووارێن خه‌نس يێ د قورئانا پيرۆز دا هاتى، هه‌ر چه‌نده‌ نڤيسكاريا ئه‌ڤرۆ نيوز چ گۆمانه‌ك ژى ل سه‌ر راستيا بابه‌تى هه‌بيت، ئه‌ڤه‌ ئه‌وه‌ يا نڤيسه‌رى گۆتى و گه‌له‌ك جاران ژى ئه‌و بابه‌تێ ل ئه‌ڤرۆ نيوز به‌لاڤ دبيت، ل گه‌ل بۆچوونا ئه‌ڤرۆ نيوز يان ژى رۆژنامه‌ڤانى ناگۆنجيت، به‌لێ راستيا كارێ رۆژنامه‌ڤانى يه‌ و دڤێت بهێته‌ به‌رچاڤ كرن و بڕيار دان يا وان كه‌سايه‌ يێن بابه‌تى دخوونن و هه‌ر ئێك وه‌كو خوه‌ هزر لێ دكه‌ت.

خنس
د وێ نڤسينا خه‌تا سۆر ل بن هه‌يى، ب روونى ئاشكه‌را دكه‌ت كو د ڤێ پرتووكێ دا ئيشاره‌ت دايه‌ وێ چه‌ندێ كو ناڤێ خنس د قورئانێ دا هاتيه‌

بۆ ديتنا راپۆرتێ ڤێره‌ كليك بكه‌ن

کۆمێنتا تە