رێکخراوەک 100 گۆھۆرکێن کارەبێ بۆ شنگال دابیندکەت

رێکخراوەک 100 گۆھۆرکێن کارەبێ بۆ شنگال دابیندکەت

ئەڤرۆ نيوز، ئەمیر ئەترووشی:

رێکخراوا (UNDP) یا نێڤدەولەتی ژ بۆ باشترکرنا سیستەم و رەوشا کارەبێ، نێزیکی 100 گوھۆرکێن کارەبێ بۆ قەزا شنگال و دەوروبەرێن وێ دابیندکەت.

سەیدو چەتۆ، ئەندامێ جڤاتا پارێزگەھا نەینەوا، بۆ ئەڤرۆ دیار کر، ل سالا 2014 دەمێ داعش ب سەر شنگالێ دا گرتی و داگیرکری، سیستەمێ کارەبێ ژناڤبریە و نێزیکی 90% ستوون و گوھۆرکێن کارەبێ ھەلوەشاندینە و کارەبا شنگالێ ھەموو ژناڤ چوویە، لەوما رێکخراوا (UNDP) یا نێڤدەولەتی ئەو ھزرە کر کو سیستەمێ کارەبێ ل شنگال جارەکا دی رێکبێخیت و سەر ژ نوو گوھورکێن کارەبێ چێکەتەڤە.

ئاشکرا ژی کر، نێزیکی 100 گوھۆرکێن کارەبێ ژ لایێ رێکخراوا دیارکری ڤە ھاتینە دابینکرن و نھا دەست ب دانانا وان ھاتیە کرن و دێ ل ناڤ سەنتەرێ قەزا شنگال و ل کۆمەلگەھـ و گوندێن شنگالێ ھێنە دانان.

کۆمێنتا تە