سێ راهێنەر بەربژێرن بۆ وەرگرتنا ئەرکێ راهێنەراتیا ریال مەدرید

سێ راهێنەر بەربژێرن بۆ وەرگرتنا ئەرکێ راهێنەراتیا ریال مەدرید

 
ئەڤرۆ نیوز،زنار تۆڤی:

 

نوکە راهێنەرێ یانا ریال مەدرید یا ئیسپانی زێدان د بارودۆخەکێ خرابدا دەربازبیت،ب ئەگەرێ وان ئەنجامێن د ماوێ بوریدا ب دەستڤە ئیناین،راپۆرتێن رۆژنامەڤانی ژی ناڤێ سێ راهێنەران وەک بەربژێر بۆ وێ یانێ دیارکرینە.
ریال مەدریدا قارەمانا وەرزێ بوری یێ چامپیۆنزلیگێ و لالیگا یێ دڤی وەرزی دا ب شێوەکێ بەرچاڤ ئاستێ وێ هاتیە خوار و ئەنجامێن وێ وەک پێدڤی نینن، ئەڤێ ژی دەنگۆیێ دوورخستنا راهێنەری زێدەکریە و راهێنەر ل ژێر فشارەکا زۆردایە،ب تایبەتی پشتی دەرخستنا ریالێ ل سەر دەستێ یانا لیگانیس د جامێ شاهێ ئیسپانیا دا.
مالپەرێ سپۆرتیس کیدا ناڤێ سێ راهێنەران بۆ جهگرتنا زیدانی دیارکرینە،ژ ئەگەرێ چوونا زێدان یان دوورخستنا وی.

 

وی مالپەری گوتیە،ماوریسیۆ پوچێتینۆ، راهێنەرێ یانا تۆتنهام یا ئنگلیزی باشترین کەسە بۆ سەرپەرشتکرنا یانا ریال مەدرید،ب تایبەتی ب ئەگەرێ وان ئەنجامێن باش یێن د وەرزێ بوریدا ل گەل وێ یانێ ب دەستڤە ئیناین، پێشتر راپۆرتێن رۆژنامەڤانی یێن ئنگلیزی راگەهاندینە،کو مەرجێ پوچێتینۆ بۆ راهێنەراتیا ریال مەدرید ڤەگوهاستنا محەممەد سەلاحی و پاوڵۆ دیبالایە.
سپۆرتس کیدا یواکیم لۆف راهێنەرێ هەلبژارتیێ ئەلمانیا وەک کەسێ دویێ بۆ جهگرتنا زێدانی دەستنیشانکریە.
هەروەسا کارلۆ ئەنچیلۆتی راهێنەرێ ئیتالی ئێکێ دیترە ژ بەربژێران، بۆ هندێ کو جارەکا دیتر پۆستێ راهێنەراتیا یانا شاهانە وەربگریت،هەروەسا بەری نوکە ژی کارلۆی راهێنەراتیا ریالی کریە و ل سالا 2014 ل گەل ریالێ چامپیۆنس لیگ ب دەستڤە ئینایه.

کۆمێنتا تە