شو سیاسی!

شو سیاسی!

19

پشكا ئێكێ
د. سالار عوسمان
نزانم ئه‌ڤ زاراڤه‌: (سیاسیشۆ) كو ل مه‌ د ڤێره‌ دا دارێتیه‌، چه‌ند ل گه‌ل وان كه‌سان دگونجیت، كو مه‌به‌ستا مه‌یه‌ د ده‌باره‌ى وان به‌حس بكه‌ین، مه‌ دڤێت به‌حسێ وان كه‌سان بكه‌ین، كو د ناڤ پێگه‌هێ سیاسی دا (شۆ) دكه‌ن، كه‌واته‌ په‌یڤینا مه‌ تایبه‌ته‌ ب بوار و پێگه‌هێ سیاسی، به‌رى هندێ كو ب كویراتى بچینه‌ دناڤ دا و به‌حس لێ بكه‌ین، یا باش ئه‌وه‌ هنده‌ زاراڤ و چه‌مكان ڕوهن بكه‌ینه‌ڤه‌.
شۆ چیه‌؟
شۆ: (Show)، كو ل ناڤ فه‌رهه‌نگان دا، (نیشادان)، (نمایشكرن) د به‌رامبه‌ر دا دانایه‌، د ڕوانگه‌یا ئارمانجا ڤێ گۆتارێ دا، پێكهاتیه‌ ژ كۆما وان لیڤن و نواندن و نه‌مایشا مه‌به‌ستدار په‌یامهه‌لگرانه‌، كو دڤێت د كورتترین ده‌م دا زۆرترین قه‌ناعه‌ت كۆم بكه‌ته‌ڤه‌.
شۆكار كی یه‌؟
ئه‌و كه‌سێ شۆكاریێ دكه‌ت: (شۆكار)، كه‌سه‌كه‌ د ناڤ پیگه‌هێ سیاسه‌تێ دا، كه‌واته‌ مه‌رج نینه‌ سیاسی بیت، ئه‌رێ ده‌مێ وێ ژى نه‌هاتیه‌ بپرسین،:
ـ سیاسیی كی یه‌ و ئه‌وێن د ناڤ پیگه‌هێ سیاسه‌تێ دا كار دكه‌ن كینه‌؟..
ـ ئه‌رێ دروسته‌ بێژینه‌ هه‌موویان سیاسی؟!..
ـ ئه‌رێ ئه‌ڤان ژى پێویستی ب پۆلینكرنێ هه‌یه‌؟!..
به‌لێ پێویستی ب پۆلینكرنێ هه‌یه‌، چونكو چه‌ندین نه‌خوێنده‌وار ـ دیاره‌ مه‌به‌ستامه‌ نه‌خوێنده‌وارێ سیاسی یه‌ ـ، هه‌مدیسا چه‌ندین چه‌ن گه‌مژه‌ و منجڕ و خۆهه‌ڵواسیو ب سیاسه‌ت وا د ناڤ پێگه‌هێ سیاسه‌تێ دانه‌، كه‌ چی نه‌ك هه‌ر هیچ تشته‌كى ژێ نزانن و هیچ تشته‌كى ژێ چێناكه‌ن ژى، به‌لكو سیاسه‌ت و ڕوویێ حزبێن خوه‌ نه‌شیرین كریه‌.
ـ ئه‌وێن هه‌نێ بۆچى وه‌دكن؟!..
ـ بۆ هنده‌ منجڕن وازناهینن؟!..
ـ حزب وان نانیاسیت؟!
ـ ئه‌رێ هه‌كه‌ حزب وان نه‌نیاسیت بۆچى وان دوور نائێخیته‌ڤه‌، یان ژى هه‌ما ب كێمى كێم بۆچى سنۆره‌كی بۆ نادانیت؟!..
ـ ئه‌رێ خه‌لك، خه‌لك چاوا سه‌حدكه‌نێ؟!..
ـ ئه‌رێ ب ڕاستى خه‌لكى ئه‌و خۆش دڤێن؟، یان هه‌ما موجامه‌له‌یا وان دكه‌ن و مه‌عده‌نێ وان دنیاسن؟!..
ئه‌ڤ پرسیارانه‌ و ده‌هان پرسیارێن دیتر ڕاماندكێشنه‌ ناڤ گه‌نگه‌شه‌ و گفتوگۆیه‌كا كویر، لێ زۆر ب كورتی و وه‌ك به‌رسڤه‌كا كۆمكرى بۆ وان هه‌موو پرسیاران، دڤێت ب خه‌مه‌كا كویرتر ڤه‌ بێژین: جڤاكێ كوردی یێ شێوێنراوه‌، دوهێ دوژمنان و ئه‌ڤڕۆ ژى بێبه‌رنامه‌یی و ململانا خرابی یا مه‌ یا ناڤخوه‌ دا، وه‌ل جڤاكى كریه‌، كه‌سێن گه‌مژه‌ ببیته‌ سیاسی و دوعاخوین ببیته‌ دكتۆر و ڕۆژنامه‌نڤیس ببیته‌ جاسووس و ب كورتی، زۆر ب كورتی:
جڤاكه‌ك د برا سزادانێ دا، چه‌پلان بۆ خیانه‌تكاران لێدده‌ت، ب دڵنیای ڤه‌ ئه‌و جڤاكه‌ شێوێنراوه‌، له‌ورا د جڤاكێ شێوێنراو دا هه‌موو ئه‌و حاڵه‌ت، دیارده‌، تێگه‌هشتن، به‌رخورد و كه‌سانێن دبنێ و هه‌نه‌ و به‌رده‌وام ژى هه‌نه‌، به‌لێ گرنگ ئه‌وه‌ ئه‌م به‌حس لێ بكه‌ین و و ده‌نگبینین، ئێكێ د كارى دا، بگره‌ ژ ئه‌ركێن هه‌ره‌ سه‌ره‌كی یێن نڤیسه‌ران ئه‌وه‌ بپه‌یڤیت، ده‌نگهه‌لبڕی، هاوار بكه‌ت و ڕسته‌یێن نه‌هاتینه‌ گۆتن بێژیت، به‌لێ گۆتنه‌كێ وه‌ڵات قازانج ژێ بكه‌ت، نه‌ك هنده‌ كه‌سه‌ك، چونكو دووماهی جار هه‌مى كه‌س دچن و وه‌لات ده‌مینیته‌ڤه‌!..
كێشه‌یا مه‌ یا مه‌زن ل گه‌ل ره‌وشه‌نبیرێن ئۆپۆزیسیۆنێ ئه‌وبوو، نها ژى هه‌ر ئه‌ڤه‌یه‌، كو ڕه‌خنه‌یێن وان، ده‌نگهه‌لبڕین و هاوارێن وان بۆ وه‌لاتى نینه‌، چونكو گه‌ر بۆ وه‌لاتى بایه‌، هه‌موو یێن وه‌كو ئێك ددیت و وه‌لاتی كه‌ر و پارچه‌ نه‌دكر!.. هه‌ر ئه‌و، و ئه‌وێن دیتر ژى دبێ خه‌تا نینن، هه‌رگیز نڤیسه‌ر و ره‌وشه‌نبیرێن ده‌سه‌لاتێ ژى و ئۆپۆزیسیۆن، ڕازی و نه‌ڕازی هه‌موویان وه‌كیه‌ك نه‌دیتیه‌، له‌ورا نها، ل سایا ڤان هه‌موو ده‌قێن سیاسی، ڕه‌خنه‌یین زڤر ب گژیه‌كداچووانێ دا هه‌مووان دماندوونه‌، هه‌مووان حه‌تا كرنه‌ نه‌شیرینكرى و نها ئه‌م هه‌موو دماندووینه‌، شكه‌ستن مه‌ نه‌ڤێت پارچه‌یێن شكه‌تى و په‌رتێن وان كۆم بكه‌ینه‌ڤه‌، كۆمكرنا ڤان هه‌موو پارچێن شكه‌ستى، كو د ئه‌نجام دا پارچه‌یێن نیشتمانن حیكمه‌ته‌ك دڤێت، حیكمه‌ته‌ك خۆنه‌بین و وه‌لاتبین بیت!..

کۆمێنتا تە