عه‌بادى به‌رامبه‌رى خونیشاندانێن هه‌رێم و عیراقێ بانه‌ك و دوو هه‌وا

عه‌بادى به‌رامبه‌رى خونیشاندانێن هه‌رێم و عیراقێ بانه‌ك و دوو هه‌وا

ئه‌ڤرۆ نیوز، نه‌وزاد هلورى:

به‌رى هه‌لبژارتنێن عیراقێ بهێنه‌كرن شه‌پوله‌كا نه‌رازیبوون و خونێشاندانان ل هه‌رێما كوردستانێ دژى نه‌بوونا موچه‌ و پاشه‌كه‌فتێ موچه‌ى ڤه‌گرت و ل وى ده‌مى عه‌بادى د چه‌ندین لێدوان و پوستێن خوه‌ ل تورێن جڤاكى ددایه‌ دیاركرن كو پێدڤى یه‌ ده‌ستهه‌لاتدارێن هه‌رێمێ ره‌فتاره‌كا نه‌رم و لسه‌ر خوه‌ و ب شێوازه‌كێ شارستانى و دویر ژ توندوتیژى به‌رسڤا خونێشاندانان بده‌ن ، به‌لێ ئه‌و بخوه‌ نها هه‌مبه‌رى خونێشاندانێن باژێرێن عیراقێ توندوتیژیێ بكاردئینیت و داخواز ل جهێن شوله‌ژێ و هێزێن ئه‌منى دكه‌ت كو به‌رسنگێ خوپێشاندانان بگرن و ب هێز به‌رسڤا وان بده‌ن و فه‌رمانا ته‌قه‌یێن ئێكسه‌ر بو خونێشانده‌ران ده‌كریه‌.

چاڤدێرێن سیاسى هه‌لویستێ عه‌بادى ب بانه‌ك و دوو هه‌وا دده‌ن دیاركرن، و دوپات ل وێ یه‌كێ دكه‌ن كو عه‌بادى شكه‌شتن هه‌مبه‌رى ب رێڤه‌برنا عیراقێ ئینایه‌ و دخوازیت شكه‌ستێن خوه‌ ب هێز به‌رامبه‌ر خونێشانده‌ران ڤه‌شێریت.

به‌رى هه‌لبژاردتنێن عیراقێ ب دوو هه‌یڤان شه‌پوله‌كا خونێشاندانان چه‌ند باژێرێن هه‌رێمێ ب تایبه‌تى هه‌ولێر و سلێمانى ڤه‌گرت ، و سه‌ره‌راى كو خونێشاندانێن هه‌رێمى د توندوبون و هژماره‌كا باره‌گایێن حزبى و حوكمى و ترومبێل سوتن و دویر ژ ره‌فتارێن شارستانى ل هه‌ند جهان تێكدان ژى هاته‌كرن به‌لێ حوكمه‌تا هه‌رێمێ ب ره‌نگه‌ك شارستانى و هێمنانه‌ دانوستاندن ل گه‌ل خونێشانده‌ران كرن و راستیا بابه‌تى بو هه‌مووان روونكر ،و ل وى ده‌مى عه‌بادى داخواز ل هێزێن هه‌رێمێ كرن كو ب ره‌فتاره‌ك شارستانى و بێ توندوتیژى ره‌فتارێ ل گه‌ل خونێشانده‌ران بكه‌ن ، و دنها ئه‌و بخوه‌ دژى خونێشانده‌رێن عیراقێ راوستایه‌، و ئێكه‌م پێنگاڤ ژى ب گرتنا هه‌موو تورێن جڤاكى و ئه‌نترنێتێ ده‌ست پێ كر و نها ژى فه‌رمان ل هێزێن ئه‌منى دكه‌ت كو ب چه‌ك به‌رسڤا خونێشانده‌ران بده‌ن و د چه‌ند رۆژێن بورى دا هه‌تا نها زێده‌تر 13 كه‌سان ل چه‌ند باژێرێن عیراقێ هاتینه‌ كوشتن و برینداركرن ب تایبه‌تى ل به‌سرا و نه‌جه‌ف.
ب گوره‌رى چه‌ند پێگه‌هێن عیراقى فه‌رمان ل هێزێن ئه‌منى هاتیه‌كرن كو ئه‌گه‌ر خونێشاندانێن عیراقێ ب تایبه‌تى ل ناسریه‌ به‌ر ب دژوارتر بچن به‌رسڤا وان ب گوله‌یێن ئێكسه‌ر بهێته‌دان.
خوپێشاندانێن عیراقێ د ده‌مه‌كێ دایه‌ كو زێده‌تر هه‌یڤه‌كێ یه‌ هه‌لبژارتن هاتینه‌كرن و هه‌تا نها لایه‌نێن سه‌ركه‌فتى نه‌شیاینه‌ حوكمه‌تا داهاتیا عیراقێ پێكبینن، و ئه‌ڤ یه‌ك بویه‌ ئه‌گه‌را سه‌ره‌كى كو حوكمه‌تا نها یا عیراقێ نه‌شیایه‌ كارێن خوه‌ بكه‌ت ب تایبه‌تى ددابینكرنا خزمه‌تگوزارێن مینا كاره‌ب و ئاڤ ، و دانه‌كار یا گه‌نجان و په‌یداكرنا ده‌لیڤێن كارى.

کۆمێنتا تە