كورده‌كێ پشكدارى د كۆنفرانسێ راوێژكاریا سالانه‌ یا رێكخراوێن نه‌ حكومى یێن سه‌ر...

كورده‌كێ پشكدارى د كۆنفرانسێ راوێژكاریا سالانه‌ یا رێكخراوێن نه‌ حكومى یێن سه‌ر ب (UNHCR)ڤه‌ كر

ئه‌ڤرۆ نیۆز،زنار تۆڤى:
سه‌لاح یاسین به‌رپرسێ رێكخراوا هاریكار ل دهوکێ ئه‌و كورده‌ یێ كو پشكداریێ د كۆمبوونا راوێژكاریا سالانه‌ یا رێكخراوێن نه‌ حكومى ئەوێن کار دکەن بۆ(UNHCR) ل جنێف كریه‌ و بتنێ ئه‌و وه‌ك كورده‌ك پشكدارى دڤى كونفرانسى دا كریه‌ و هه‌روه‌سا كه‌سێ ژ عێراقێ پشكدارى نه‌كریه‌ و بۆ ئه‌ڤرۆ نیۆز دبێژیت:د گه‌نگه‌شا كۆنفرانسى دا من فۆكس ئێخسته‌ سه‌ر بارودۆخێ په‌نابه‌ران و ئاواره‌یان ل كوردستانێ،ئه‌ز شیام د چه‌ند سمیناران دا ده‌نگ و كێماسى و پێدڤیێن په‌نابه‌ران ب گه‌هینمه‌ خودانێن بریارێ دكۆنفرانسى دا،ئه‌ز یێ گه‌شبینم ب ڤى كۆنفرانسى،لێ نه‌ ب وى ئاوایێ مه‌ دڤێت:هێشتا دبێژیت:ئه‌ڤ كۆنفرانسه‌ ل دوور بارودۆخێ په‌نابه‌را و ئاواره‌یان بوویه‌ ل سه‌رانسه‌رى جیهانێ،د ته‌وه‌ره‌كێ دى یێ وى كۆنفرانسى دا به‌حس هاته‌ كرن،كو پشته‌ڤانیا ئاواره‌ و گه‌نجێن كوردستانێ بكه‌ن كو نه‌چنه‌ ئورۆپا و دێ ڤه‌كۆلینه‌ك دڤى وارى دا هێته‌ ئه‌نجامدان،چونكى ئه‌ڤ چه‌نده‌ یا بوویه‌ جهێ نه‌خۆشیێ بۆ وه‌لاتێن ئورۆپى،ناڤهاتى دیاركر ژى:هه‌ر چه‌نده‌ كۆنفرانس ل دوور مافێ ئاواره‌ و په‌نابه‌ران بوو،لێ ئه‌ز شیام به‌حسێ ریفراندۆمێ و سه‌ربخۆیا كوردستانێ ژى ل گه‌ل هنده‌ك لایه‌نێن جۆدا دا بكه‌م و من چه‌ند ئالایێن كوردستانێ ل گه‌ل خوه‌ بربوون،من دانه‌ هنده‌ك هه‌ڤالێن كۆنفرانسى داكو پشته‌ڤانیا پرۆسا ریفراندۆمێ بكه‌ن،هه‌روه‌سا ل ده‌رڤه‌ى كۆنفرانسى ژى من ل گه‌ل دو رێكخراوان ئاخفتیه‌ كو پشته‌ڤانیا ریفراندۆمێ و ده‌وله‌تبوونێ بكه‌ن،چونكى كارێ وان هه‌ردو رێكخراوان یێ گرێداى هندێ یه‌،هه‌روه‌سا به‌رپرسێ رێكخراوه‌كێ ژ وان دیاركر،هه‌كه‌ هه‌وه‌ بڤێت هوون پشته‌ڤانیا جیهانى ب ده‌ست خوه‌ڤه‌ بینن،دڤێت هوون به‌رى ده‌ست ب پرۆسا ریفراندۆمێ بكه‌ن،پێدڤیه‌ هوون وه‌ك حوكمه‌ت داخوازا پشته‌ڤانیا جڤاكێ نێڤده‌وله‌تى وه‌ربگرن و خوه‌ تۆمار بكه‌ن ل باره‌گایێ یۆئێنێ ل نیویۆرك و ل باره‌گایێ مافێ مرۆڤى ل جنێف.
سه‌لاح هێشتا دبێژت:د سمینارا خوه‌ یا دوماهیێ دا من جه‌خت ل سه‌ر سێ خالان كر و ئه‌و ژى ئه‌ڤه‌ بوون:كو هاریكاریا هه‌موو خه‌لكێ بهێته‌ كرن،نه‌ بتنێ بۆ په‌نابه‌را و ئاواره‌یان،هه‌روه‌سا هه‌ما هه‌نگى دناڤبه‌را هه‌موو رێكخراوا و حوكمه‌تان بهێته‌كرن،داكو خزمه‌تا ملله‌تى بهێته‌كرن،هه‌روه‌سا من داخواز ژێكر كو بارودۆخێ ئابوورى ل كوردستانێ پێشڤه‌ ببه‌ن،هه‌روه‌سا پتر هاریكاریێن مرۆڤایه‌تى و گه‌شه‌پێدانێ بۆ كوردستانێ بهێته‌كرن د هه‌موو واران دا.

کۆمێنتا تە