مۆدریچ یێ رژدە ژ ریال مەدرید بچیت

مۆدریچ یێ رژدە ژ ریال مەدرید بچیت

ئەڤرۆ نیوز ، زنار تۆڤی:

رۆژنامه‌کا بریتانی ئاشكراكریە، کو لوكا مۆدریچ یاریزانێ كرواتی، كارگێریا یانا ریال مه‌درید یا ئیسپانی تووشی شۆكێ كریە، دەمێ بریارا خوە یا دووماهیێ دای دەر‌باره‌ی چوونا خوە ژ رێزێن یانا شاهانە.

رۆژناما سه‌ن یا بریتانی گۆتیە، سه‌ره‌رای پاشخستنا كۆمبوونا دناڤبەرا مۆدریچی و فلۆرێنتینۆ پێرێزی سه‌رۆكێ وێ یانێ، مۆدریچی دووماهی بڕیارا گەهاندیە به‌رپرسێن وێ یانێ و گۆتیە وان یێ رژدە‌ ژ ریال بچیت.

وێ رۆژنامێ گۆتیە: پشتی کو مودریچی هه‌موو تشت ل ‌گه‌ل ریال مه‌درید برین‌، وی دڤێت ئه‌زموونەکا نوو ل گەل یانا ئینته‌رمیلان یا ئیتالی ده‌ست پێبكەت و نڤێسیە، ئینته‌رمیلان ده‌سته‌واره‌کێ مەزن‌ و سه‌رنجراكێش پێشكێش كریه‌، ئینته‌رمیلان یا ئاماده‌یه‌ مووچه‌کێ 10 ملیۆن یۆرۆیی سالانه بدەتە مودریچی، د دەمەکێ دا ئه‌و نوکە 5.8 ملیۆن یۆرۆیان د‌ سالێكدا ل ریال مه‌درید وه‌ردگریت.

دیسا رۆژناما سەن دیارکریە، کو ریال مه‌درید یا ئاماده‌یه‌ گرێبه‌ستەکا نوو پێشکێشی مۆدریچی بكەت و مووچێ وی دو جارا هندە لێ بکەت، به‌لێ ئەو یاریزانه‌ یێ‌ رژدە ریالێ و خولا ئیسپانیا بجهبهێلیت.

کۆمێنتا تە