ناڤێ بەربژێرێن خەلاتێ بالۆندۆرێ بزانە

ناڤێ بەربژێرێن خەلاتێ بالۆندۆرێ بزانە

ئەڤرۆ نیۆز،زنار تۆڤی:

رۆژناما فرانس فوتبۆل یا فرنسی ناڤێ 30 یاریزانان ئاشکراکر یێن کو رکابەریێ ل سەر خەلاتێ بالۆندۆرێ دکەن بۆ باشترین یاریزانێ جیهانێ.

یانا ریال مەدرید یا ئیسپانی بۆ ب دەستڤەئینانا چەندین ناسناڤان ل وەرزێ بوری،کو گرنگترین ناسناڤ ژی چامپیۆنزلیگ بوو،ناڤێ هژمارەکا یاریزانێن وێ د وێ لیستێدا هەنە،کو ئەو ژی پێکهاتینە ژ ،مارسیلۆ، ئیسکۆ، کەریم بنزێما، لوکا مۆدریچ ، تۆنی کروس، سێرجیۆ رامۆس و کریستیانۆ رۆنالدۆی.

هەر ئێک ژ لیۆنێل مێسی و لویس سوارێز ژ بارسێلۆنا، کلیان ئێمباپێ، نەیمار داسێلڤا، ئیدینسۆن کاڤانی ژ پاریس سانجێرمان و نگۆلۆ کانتێ و ئیدین هازارد ژ چێڵسی، پاولۆ دیبالا و جیانلویجی بوفۆن ژ یۆڤێنتۆس.

هەروەسا سادیۆ مانێ و فیلیپ کۆتینیۆ ژ لیڤەرپوول، ماتس هۆمێلس و رۆبێرت لیڤاندۆڤسکی ژ بایرن میونشن، یان ئۆبلاک و ئانتوان گریزمان ژ ئاتلەتیکۆ مەدرید،هەروەسا لیۆناردۆ بۆنۆچی ژ ئەیسی میلان، پیێر ئۆبامیانگ ژ بۆروسیا دۆرتموند، رادامێل فالکاو ژ مۆناکۆ، ئیدین دزیکۆ ژ رۆما، دایڤد دیخیا ژ مانچستەر یونایتد، هاری کەین ژ تۆتنهام، درایس مێرتینس ژ ناپۆلی و کیڤن دیبرۆین ژ مانچستەر سیتی،کو ناڤێ ڤان هەموویان د لیستا وێ گۆڤارا فرنسیدا هاتییە.

پێشتر لیۆنێل مێسی پێنج جاران ئەڤ ناسناڤە بریە و هەروەسا کریستیانۆ رۆنالدۆی ژی چار جاران ئەڤ خەلاتە بریە،هەروەسا ب ئەگەرێ ب دەستڤەئینانا زۆربەیا ناسناڤێن وەرزێ بۆری دهێتە چاڤەرێکرن،کو کریستیانۆ رۆنالدۆ ئەڤ سالەژی ڤی خەلاتی ببەت و هەڤشێوێ مێسی ببیتە خودانێ پێنج بالۆندۆران.

کۆمێنتا تە