هێزێن عێراقی بەرپرسێ گشتی یێ دەرگەه و زالگەهێن داعشێ ل مۆسل کوشت

هێزێن عێراقی بەرپرسێ گشتی یێ دەرگەه و زالگەهێن داعشێ ل مۆسل کوشت

ئەڤرۆ نیۆز،زنار تۆڤی:
فەرماندێ هێزێن پۆلیسێن فیدرالی یێن عێراقێ فەریق رائید جەودەت دا دیارکرن،کو ئەڤرۆ 18.6.2017هێزێن پۆلیسێن فیدرالی یێن عێراقی هەموو چەپەرێن داعشان ڤەکرینە و نوکە یێ پێشرەویێ دکەن ژ گەراج بەغداد بۆ جادەیا کۆرنیش و بەرلێڤێن رووباری،ژ پێخەمەت بشێن کۆنترۆلکرنەکا تەمام ل سەر دەڤەرێن بابلـبەیز و بابلجەدید و بابلتۆب و هەروەسا رزگارکرنا ئاڤاهیێ بەرەڤانیا باژێری بکەن و گۆت ژی:هێزێن مە تیرۆرستێ بناڤێ کەنعان جەیاد عەبدولا یێ ناسیار ب ئەبۆ ئامینە ل بابلبەیز کوشتیه،کو ناڤهاتی بەرپرسێ گشتی یێ دەرگەه و زالگەهێن ویلایەتا نەینەوا بوو،دیسا ژ کەرتێ باشۆری ڤە هێزێن مە ب کووراتی چووینە دناڤ تاخێ شیفادا،ژ پێخەمەت کۆنترۆلێ ل سەر ئاڤاهیێ کۆلیژا نۆشداری بکەن و هەروەسا ئەم شیاینە ب چەکێن گران هێلا بەرگریا داعشێ بۆمبەباران بکەین.

کۆمێنتا تە