چار یانێن کوردستانێ بۆ وەرزێ بھێت ماڤێ پشکداری دخولا عیراقێ دا...

چار یانێن کوردستانێ بۆ وەرزێ بھێت ماڤێ پشکداری دخولا عیراقێ دا ھەیە

448

زاخۆ,ھشیار دوبانکی:
چاڤەرێ دھێـتەکرن ل ٢٩ ڤێ مەھێ لژنەیا روپێدانێ یا ئێکەتیا ئاسیا یا تەپا پێ ئەوا سەرەدانا ھەمی یاریگەھێن عیراقێ بکەت ئەوێن بۆ وەرزێ بھێت دێ پشکداری دخولا عیراقێ یا پلا نایاب دا کەن کو ژ ئەوانا ناڤێ چار یانێن کوردستانێ د ناڤدا یە ئەوژی ھەولێر، زاخۆ، گاز باکور و سلێمانیێ و ناڤێ یانا دھۆک د لیستا لژنەیا دیڤچوونا رێپدانێ دا نەبوو ژبەرکو یانا دھۆک ئەو خالێن ھاتینە دیارکرن ژلایێ ئێکەتیا عیراقی و ئاسیا ڤە ب جە نە ئینان ھەر چەندە دەلیڤەیەکا دی ھەبوو یانا دھۆک جارەکا دی پشکداری دخولا عیراقێ دا بکەت لێ بۆ وەرزێ بھێت ژی یانا دھۆک دێ یا بێ بار بیت ژ خولا نایابا عیراقێ.
ئەوێ لژنەیێ بریار دایە ل ١٨ ڤێ مەھێ دەست ب کارێ خوە بکەن و سەرەدانا یاریگەھێن عیراقێ بکەن کو بریارە ل ٢٩ ڤێ مەھێ سەرەدانا یاریگەھا یانا زاخۆ بکەن و دیڤچوونا ئەوان خالێن ئەوان ب جە ئیناین و بریارا دووماھیێ ل سەر بدەن و رۆژا دیڤدا بریارە سەرەدانا یاریگەھا ھەولێر بکەن ل ٣١-٧ دێ بەر ب باژێرێ کەرکوک چن بۆ یاریگەھا گاز باکور و دووماھی گەھشتا ئەوان ل ھەرێما کوردستانێ دێ بۆ یانا سلێمانیێ بیت ل ئێکێ مەھا بھێت .

کۆمێنتا تە