ژ به‌ر ڤان ئه‌گه‌ران جلكێن نوو بێ شووشتن ل به‌ر نه‌كه‌ن

ژ به‌ر ڤان ئه‌گه‌ران جلكێن نوو بێ شووشتن ل به‌ر نه‌كه‌ن

ئه‌ڤرۆ نيوز:

پشكه‌ك ژ خه‌لكى وه‌سان هزر دكه‌ن كو ئه‌و جلكێن نوو دكرن، پێدڤى ب شووشتنێ ناكه‌ن و د پاقژن، به‌لێ نوشدار زێده‌تر ژ ئه‌گه‌ره‌كى بۆ شووشتنا وان جلكان به‌رى ل به‌ر خوه‌كرنێ ديار دكه‌ن.

دۆنالد بيلسيتۆ، پرۆفيسۆرێ نه‌خۆشيێن چه‌رمى ل ناڤه‌ندا نوشدارى يا زانكۆيا كۆلۆمپيا يا ئه‌مريكا دبێژيت: “ئه‌و جلكێن نوو يێن دكرن، دڤێت ل ده‌سپێكێ بهێنه‌ شووشتن پاشان ل به‌ر خوه‌ بكه‌ن”.

بسپۆرێ نه‌خۆشيێن پيستى دبێژيت: “دوور نينه‌ ئه‌و جلێن نوو يێن نه‌شووشتى ببنه‌ ئه‌گه‌رێ چه‌ندين نه‌خۆشى و ئاريشێن چه‌رمى، ژ وان ژى هه‌ستيارى و گوڕى و كه‌روويى.

بيلسيتۆ دبێژيت ژى: “ئه‌و كه‌سێن جلكێن نوو دكرن، هزرا هندێ ناكه‌ن كو به‌رى هنگى ئه‌و د چاوان بوون و چاوان سه‌ره‌ده‌رى ل گه‌ل هاتيه‌ كرن”، ئاشكه‌را ژى كريه‌ كو گه‌له‌ك ژ وان جلكان به‌رى بهێنه‌ كرين ژ لايێ چه‌ندين كه‌سان ڤه‌ دهێنه‌ تاقيكرن كا ب كێرى وان دهێن يان ل گه‌ل كه‌ساتيا وان د گۆنجن پاشان دكرن.

ليندسى بۆردۆن، نوشدارێ نه‌خۆشيێن چه‌رمى ل هه‌مان ناڤه‌ند دبێژيت: “ل ده‌مێ باركرنێ دا، گه‌له‌ك ماددێن پارێزه‌ر دكه‌نه‌ سه‌ر وان جلكا دێ بێنێن نه‌خۆش ژێ نه‌هێن و بهێنه‌ پاراستن و خراب نه‌بن، هه‌كه‌ ئه‌و مادده‌ ژى بكه‌ڤنه‌ سه‌ر چه‌رمى د خرابن.

کۆمێنتا تە