گڤانده‌ 2 عه‌لۆ و ئه‌فه‌ندى

گڤانده‌ 2 عه‌لۆ و ئه‌فه‌ندى

47

محه‌مه‌د چه‌لكى
ـ ها … مامێ عه‌لۆ ته‌خێره‌، وه‌سا دادشه‌پكى و سڵاڤه‌كێ ناكه‌ى؟
ـ بلا ب خێرا ” هه‌سنێ سویلى”* بیت، گویزێن خوه‌ ل سه‌ر دلێ من نه‌شكێنه‌، من گێولێ ته‌ نینه‌!
ـ ته‌خێر دیاره‌، تۆ گه‌له‌كێ پندڤى. ما تشته‌ك قه‌ومیه‌ و من نه‌زانى بیت؟
ـ ژمن بگه‌رهه‌، من تاقه‌تا ئه‌فه‌ندیا نه‌مایه‌.
ـ ئها ته‌گۆت ئه‌فه‌ندى! ما ئه‌فه‌ندیا چ ل ته‌ كریه‌؟
ـ كۆڕۆ! خوه‌ دوو به‌روى و مازیه‌ك ل گه‌لیێ “زه‌ندۆره‌ى”* ژ داره‌كێ بكه‌ڤن، ئیلا تبلا ئه‌فه‌ندیه‌كى یا تێدا.
ـ ته‌ وه‌كو وێ گۆتنا مه‌زنا لێكر، ئه‌وا دبێژیت:” نه‌شیا كه‌رى، هلدا پاڵیێ”.
ـ به‌گم! تۆ چه‌وا هزربكه‌ى، بكه‌ … به‌س ئه‌ڤه‌ من چاڤێن خوه‌ ڤه‌كرین، ڤان ئه‌فه‌ندیا نه‌هێلایه‌، ریسێ مه‌ ببیته‌ جانگ.
ـ بێبه‌ختیا نه‌كه‌ مامێ عه‌لۆ!
ـ بێبه‌ختى ئه‌ون، یێت هوین ئه‌فه‌ندى دكه‌ن. هه‌ر رۆژه‌كێ بقه‌وانه‌كى دئاخڤن و ملله‌تى دكه‌نه‌ زه‌ڤیا تاقیكرنێن خوه‌…
ـ نموونه‌كێ بێژه‌؟
ـ ژ ئه‌فه‌ندیێن ئه‌ڤرۆ یان یێن به‌رى ڤان !
ـ ئهه…
ـ ها ئه‌فه‌ندى، ده‌ڤێ ته‌ تێك ئالها!
ـ ژ یێن كه‌ڤن.
ـ ئها وه‌كو نوكه‌، حوكمه‌تێ لاوێن مه‌ دكوشتن، ئه‌فه‌ندیان رێكا به‌غدا گرت و ده‌ستكیسى بۆ كر و خوه‌ ل به‌ر شرین كر، دا هنده‌ك مه‌ره‌مێن وان بجه بینیت. هێشتا نموونا بینم؟
ـ ڤێجا دێ كیڤه‌ چى؟
ـ ئه‌و نه‌شولا ته‌یه‌!
• هه‌سنێ سویلى كه‌سه‌كى چیڤانۆكیه‌، نیشانا مرۆڤێ ساده‌یه‌.
• گه‌لیێ زه‌ندۆره‌ى، گه‌لیه‌كێ پرى كویره‌، ب دار مازى، به‌روى و دیندارى بناڤ و ده‌گه‌، ل نابه‌ینا گوندێ هۆركێ و شیڤره‌زانێ یه‌ ئانكو سنۆرێ باكورێ كوردستانێ و باشۆرێ كوردستانێ یه‌.

کۆمێنتا تە