گێلاس ئێکە ژ‌ بچووكترین فێقیێن ب مفا

گێلاس ئێکە ژ‌ بچووكترین فێقیێن ب مفا

ئەڤرۆ نیوز ، زنار تۆڤی :

زانا وەسا دیار دکەن کو‌ گێلاس دبیته‌ ئێك ژ هۆكاران بۆ چاره‌سه‌ركرنا نه‌خۆشیێن توشبووین ب‌ شه‌كرێ ، هەروەسا زانایان ئەو ژی روون کریە ‌، کو گێلاسێ چه‌ندین مفا بۆ لەشێ مرۆڤی هه‌نه‌ ، کو كانزایێن كالسیوم ، فۆسفۆر، پۆتاسیوم، مەگنسیوم تێدا هەنە.

هەروەسا‌ گوتیە د گێلاسێ دا دوهنەکێ كێم و ڕیشالێا زۆر تێدا هەنە ‌،‌ بۆ رێكخستنا خوینێ و‌ سیستەمێ هه‌رسكرنێ گەلەک یا ب مفایە ‌، ژه‌هرا له‌شی ده‌ردئێخیت و بۆ كاركرنا ریكووپێكیا دلی و ریخۆلێن و گه‌دێ گەلەک یا ب مفایه‌.

شارەزایەکێ خوارنێ دەر‌باره‌ی گێلاسێ گوتیە‌ : ب خوارنا گێلاسێ پتر دلێ مرۆڤی دچیتە زاد خوارنێ ، یا ئارامبه‌خشه‌ و ئارامیێ ددەته مێشكی و هێزا هزرکرنێ زێدە دکەت و ئەگەرێ رووخۆشیێ یە‌ و هەروەسا یا هاریکارە بۆ دابه‌زاندنا كێشا له‌شی ، رێگره‌ ب توشبوونا ئیلتیهاباتان ، ئێكه‌ ژ وان فێقیێن‌ نازک یا پرە ژ‌ مادێن كانزایی وه‌ك (كالسیوم ، فۆسفۆر ، پۆتاسیوم، مەگنسیوم، گوگرد ، ئاسن ، مس ، كۆپالت ، تۆتیا).

هەروەسا گێلاس گەلەک یا ب مفایە بۆ وان كه‌سێن نه‌خۆشیا رۆماتیزمێ هه‌ی ، هەڤدەم گێلاس یا ب مفایە بۆ وان کەسێن توشبووی ب نه‌خۆشیێن به‌رێ گولچیسکان‌‌ و گێلاس خوینێ و گه‌دێ پاقژ دکەت ‌، لەوما پێدڤیه‌ مرۆڤ رۆژانه‌ 250 بۆ 350 گرامێن گێلاسان د هەر دانەکێ خوارنێ دا بخوت و ب تایبەتی بۆ وان كه‌سێن دڤێت مفای ژێ ببینن.

د‌ هەر 100 گم گێلاسێدا رێژا (70 یا كالۆری، 82گم ئاڤ، 14_18ملگم كاربۆهیدراتی، 1، 8ملگم پرۆتینی ، 25ملگم پۆتاسیۆمی ، 25ملگم كالیسیۆمی ، 18ملگم ڤیتامین سی تێدا هەیه‌) ، هەروەسا گێلاس دەستپێکێ ل وەلاتێ سویسرا هاتیە دیتن ‌، پشتی هنگێ ل وەلاتێن ئه‌لمانیا و فرنسا دا بەلاڤبوویە ، پاشی هاتیە وەلاتێن ئاسیا یی.

کۆمێنتا تە