NO IORG
Authors Posts by ئه‌حمه‌د سادق زاویته‌ی

ئه‌حمه‌د سادق زاویته‌ی

ئه‌حمه‌د سادق زاویته‌ی
35 POSTS 0 COMMENTS

7

ئه‌حمه‌د سادق زاویته‌ى
گه‌ر مروڤ ب كویراتى ته‌ماشه‌ى سیاسه‌تا ئه‌ردوگان و پارتا وى ئاكپارتیێ بكه‌ت، د ماوێ ده‌ستهه‌لاتداریا وا ن دا، دێ دیاربیت كو سیاسه‌تا وان و ده‌سهه‌لاتداریا وان یا پره‌ ژ شاشى و نه‌دادپه‌روه‌رى و تاگیرى و ئاریشه‌ و ئالۆزى و ململانا سیاسى و په‌رزنینا كێشه‌یان و هه‌بوونا حوكمی تاكلایانه‌ و حه‌تا كو كه‌سى ئه‌و ژى كو چ نیشانێن دیمۆكراسیێ پێڤه‌ د دیار نینن و ڤى وه‌لاتى سه‌قامگیرى و ئارامى ب خوه‌ڤه‌ نه‌گرتیه‌ و هه‌رده‌م په‌یره‌وكرنا سیاسه‌تا سه‌پاندنێ یه‌ و هه‌لگرتنا درووشمێ كه‌ربوكین و نه‌وه‌كهه‌ڤی و تۆلڤه‌كرنێ و نه‌ته‌وه‌په‌رستیێ، نه‌ پێكڤه‌ژیانێ و ژناڤبرن و لادانا ركه‌به‌رێن خوه‌یه‌ و كرن پێچه‌وانه‌ى ئه‌و بریار و رێنه‌مایێن نه‌ته‌وه‌یێن ئێكگرتى یێن گرێدایى مافێ مرۆڤى ڤه‌ و.. هتد. كو هه‌مى هه‌ول و بزاڤان دكه‌ن كو كورسیا ده‌سهه‌لاتێ تاپۆ بكه‌ن و به‌رده‌وام بن ل سه‌ر ڤێ ده‌سهه‌لاتێ ب هه‌ر ره‌نگه‌ك و شیوه‌یه‌كى بیت، ئه‌و ژى پشتگوهاڤێتنا لایه‌نێن دیتره‌ یێن سیاسی و پێشێلكرنا پرۆسه‌یا سیاسى ل ڤى وه‌لاتى كو ئه‌ڤ یه‌كه‌ به‌روڤاژى قانوونێن توركیا یه‌ و هه‌ر د ڤى بیاڤى دا هه‌ده‌ركرنا مالێ گشتى ئه‌و ژى بۆ مه‌ره‌مێن خوه‌ یێن سیاسى و سه‌ربازى و هه‌والگیرى كو ئه‌ڤه‌ هه‌مى بنپیكرنا دیمۆكراسیه‌تێ نه‌ كو ب ناڤێ ڤێ دیمۆكراسیه‌تێ خوه‌ دیار دكه‌ن و دده‌نه‌زانین. ئه‌ڤ چه‌نده‌ ژى هندێ دسه‌لمینیت كو ئه‌ڤه‌ چه‌ندین هه‌لبژارتنن ئه‌ردوگان و پارتا وى پرانیا ده‌نگان ب ده‌ستخوه‌ڤه‌ دئینن، چه‌كو هه‌ر تشته‌ك د ده‌ستێن وان دایه‌ نه‌كو ژ نیازپاكیا وانه‌ مه‌ره‌م ژ ڤان هه‌مى ره‌فتاران داكو ته‌مه‌نێ ده‌سهه‌لاتا خوه‌ درێژ بكه‌ن و به‌رده‌وامیێ بده‌نێ هه‌ر د ڤى كڤانى دا كو ئه‌ردوگان و ئاكپارتى رێ ناده‌نه‌ كه‌سانێن به‌رنیاس و خودان سه‌ربۆر د ناڤا پارتا خوه‌دا، ئه‌وژى كو سه‌رێن خوه‌ ژ كه‌ڤلوژانكی خوه‌ بینه‌ده‌ر و د ئازادبن د راوبۆچوونێن خوه‌دا كو خوه‌ بۆ پۆستێ سه‌رۆك كۆمارێ توركیا به‌ربژار بكه‌ن وه‌ك مه‌ دیتى د ڤێ گه‌را هه‌لبژارتنان دا ئه‌و ژى سه‌باره‌ت عه‌بدولا گول سه‌رۆك كۆمارێ توركیا یێ به‌رێ كو ئه‌ڤ كه‌سایه‌تێن مه‌به‌حس ژێ كرى سه‌نگ و ناڤ و جهێن خوه‌ د ناڤا ناڤه‌ندا بریارێ دا هه‌بیت وه‌ك مه‌ ئاماژه‌ پێ داى عه‌بدولا گول سه‌رۆك كۆمارێ توركیا یێ به‌رێ و سه‌رۆكێ جڤاتا وه‌زیران ئه‌حمه‌د داوود ئوغلۆ و..هتد. گومان تێدا نینه‌ كو ئه‌ردوگان وه‌كى مارێ ئازراندى و تۆپزێ ل كه‌ندالى لێ هاتیه‌ و یا وى بڤێت دێ ئه‌و بیت ودی كه‌ت و بریار بریارا ویه‌ و مافى دده‌ته‌ خوه‌ بۆ هه‌ر كریاره‌كێ و ب ده‌ستیوه‌ردانه‌كێ و له‌شكر كێشیه‌كێ. ئه‌ڤجا ژبه‌ر ڤێ سه‌رره‌قیێ رۆژ بۆ رۆژێ ره‌وشا ڤى وه‌لاتى خرابتر و ئالۆزتر لێ دهێت و خودێ دزانیت دێ به‌ره‌ ب كیڤه‌ چیت و به‌ت چنكو ته‌شى وه‌سا یا درێسیت كو ئه‌ڤ یه‌كه‌ باندۆره‌كا خراب و كارتێكرنێ دكه‌ته‌ سه‌ر وه‌لاتێن ده‌ردور ژى ژهه‌مى لایان ڤه‌ وكارتێكرنه‌كا نێگه‌تیڤ كریه‌، سه‌رهه‌مى ده‌مارێن ژیانێ ل توركیا. هه‌ر د ڤى بیاڤى دا كو ئه‌ردوگان خوه‌ ژ عه‌ره‌بان عه‌ره‌بتر ددانیت و خوه‌ ژ موسلمانان موسمانتر ددانیت، هه‌ما چ نه‌مایه‌ دێ بریارێ ده‌ت ودێ بێژیت ئه‌ز ئومبراتورێ موسلملنامه‌ ئه‌و ژى كو دچاڤپیكه‌فتن و د داخۆیانێن وی دا دیاره‌ كو ته‌ڤره‌كى ل ڤیره‌ دده‌ت و یێ د ل وێراهه‌ چ باش بیت یان چ خراب بیت. هه‌ر وه‌سا ژ كارێن وى یێن نه‌ره‌وا و نه‌مرۆڤایه‌تى بنپیكرن ژناڤبرنا پێڤاژۆیا ئاشتێێ بوو دگه‌ل په‌كه‌كێ و ده‌سپێكرنا شه‌رى و رژدى و به‌رده‌وامبوون سه‌باره‌ت ئوپه‌راسیوون و له‌شكركێشیان ل گه‌ل په‌كه‌كێ كه‌فتنا وى دناڤا ته‌ڤنێ ئالۆزێ سووریێ دا و بابه‌تێ داگیركرنا باژیرێ عه‌فرینێ و ده‌ستێوه‌ردانێن وى د كار و ئه‌ركێن وه‌لاتێن ده‌ردور دا وه‌ك عیراق و سووریا و قوبرس و قه‌ته‌ر وه‌ك نموونه‌ و ل ڤێ داویێ گرتنا ژیده‌رێن ئاڤا عیراقێ، هه‌ر وه‌سا گرتن و بنچاڤكرنا چالاكڤان و سیاسه‌تمه‌دارێن كورد و بزاڤا فه‌تحوللا گۆله‌ن و په‌رله‌مانتار و سه‌رۆكێن شاره‌داریان كو وه‌سا دیاره‌ ڤایرۆسێ كه‌ربوكین نه‌ته‌وه‌په‌رستیێ جهێ خوه‌ د ناڤا مێشكێ وان دا كریه‌ و نه‌شێن ده‌ستان ژڤێ ئێكێ به‌رده‌ن و ب تایبه‌تى ل گه‌ل كوردان و سه‌باره‌ت دۆزا وان یا ره‌وا ئه‌ڤێن مه‌ ئاماژه‌ پێ داى هه‌مى بووینه‌ هانده‌ر ژبۆ دووركه‌فتنا وێ ژ قۆلپا نیتۆ و ئێكه‌تیا ئه‌ورۆپى و نێزیكبوونا وێ ل گه‌ل رۆسیا و ئیرانێ كو ئه‌ڤ چه‌نده‌ بوویه‌ جهێ دلگرانیا ئه‌مریكا و قۆلپا نیتۆ و ئێكه‌كتیا ئه‌ورۆپى. ئه‌ز وه‌سا دبینم كو پشتى هه‌لبژارتنان ئه‌ردوگان پتر دێ به‌ره‌ف غروورێ و شاشیان ڤه‌ چیت و دێ ب گه‌له‌ك ده‌ستدرێژیان وده‌ستێوه‌ردانان ڤه‌ ئه‌نجام دده‌ت، ئه‌و ژى كو د پرۆژێ وى دایه‌ كو له‌شكركیشێ بكه‌ته‌ سه‌ر قه‌ندیل و شنگال و مه‌خموور، ئه‌ڤجا وه‌لاتێ توركیا تووشى چه‌ندین قه‌یرانان كریه‌ ژ وان ژى یێ ئابوورى، ئه‌و ژى نزمبوونا لیره‌یێ توركى كو چ جاران نه‌گه‌هشتیه‌ ڤێ رادێ و تێكچوون و لاوازبوونا په‌یوه‌ندیێن ده‌ره‌كى و جیهانى و ده‌بلۆماسى و هه‌بوونا بێكاری و بلندبوونا بهایێ كه‌لوپه‌لان ل بازارى وه‌ك دیتن و نه‌رینا من ئه‌ردوگان د ڤێ گه‌را هه‌لبژارتنان دا نه‌د به‌رژه‌وه‌ندیا خه‌لكێ توركیا دایه‌، ئه‌و ژى كو دێ ره‌وش به‌ره‌ف خراببوونێ ڤه‌ به‌ت و دێ برینا وه‌لاتى، ئانكو یێ توركیا كویرتر لێكه‌ت كو دڤیا نه‌خشه‌یه‌كێ سیاسى ژبۆ ڤى وه‌لاتى هاتبا دانان كو ئه‌ڤ نه‌خشه‌یێ سیاسی یێ ڤێ گاڤێ هاتبا گوهۆرین.

13

ئه‌حمه‌د سادق زاویته‌ى
ژڤانه‌ كو ل رێكه‌فتى 24\6\2018 هه‌لبژارتنێن پێشده‌م یێن توركیا بهێنه‌ ئه‌نجامدان، ئه‌وژى كو دێ ركابه‌رى ل سه‌ر ((550)) كورسیان هێته‌كرن ژبۆ ب ده‌ستڤه‌ئینانا پۆستێ سه‌رۆك كۆمارێ توركیا كو ئه‌ڤ هه‌لبژارتنه‌ دێ هێنه‌ ئه‌نجامدان و هێشتا ماوێ قانوونى یێ هه‌لبژارتنان مایه‌ پتر ژ شه‌ش هه‌یڤان كو دێ ((59)) ملیۆن كه‌سان مافێ ده‌نگدانێ هه‌بیت. بۆ زانین كو دێ ((حه‌فت)) به‌ربژار ركابه‌ریێ ل سه‌ر ڤى پۆستى كه‌ن، ژ وان ژى پارتێن مه‌زنن و خودان جه‌ماوه‌رن وه‌ك پارتا دادوگه‌شه‌پێدان ئه‌كه‌په‌ د گه‌ل دا پارتا مه‌هه‌پێ كو به‌ربژارێ .. هه‌ڤپشكێ هه‌ردویان سه‌رۆك كۆمارێ ڤێ گاڤێ ره‌جه‌ب ته‌ییب ئه‌ردوگانه‌ و پارتا جه‌هه‌پێ (پارتا گه‌ل یا كۆمارى) كو به‌رارێ وێ موهه‌رم ئینجه‌یه‌ و پارتا دیمۆكراتیكا گه‌لان هه‌ده‌پێ كو به‌ربژارێ وێ هه‌ڤسه‌رۆكێ وێ یێ زیندانكرى سه‌لاح ئه‌لدین ده‌میرتاشه‌ و هه‌ر وه‌سا پارتا (ایی) (واته‌ پارتا باش و جاك) كو به‌ربژاری وێ مه‌رال ئا كشنه‌ر و پارتا سه‌عاده‌ت كو به‌ربژێێرێ وێ كه‌ره‌م قه‌ز ئوغلو یه‌ و پارتێن نیشتیمانى كو به‌ربژارێ وان دوغو بارینجاك و پارتا (داد) كو به‌ربژارێ وێ نه‌جده‌ت ئۆز. بۆ زانین كو مه‌ترسیا پارچه‌بوونا ئاكپارتێێ هه‌بوو كو ئه‌ڤ یه‌كه‌ د ئارادابوو، ئه‌و ژى كو (50) په‌رله‌مانتارێن ڤێ پارتێ ئانكو ئه‌كه‌پێ بچنه‌ د ناڤ رێزێن پارتا سه‌عاده‌ت دا كو ئه‌ڤ یه‌كه‌ دا بیته‌ ئه‌گه‌رێ كێمبوونا ده‌نگێن ئاكپارتیێ د ڤان هه‌لبژارتنان دا كو پارتا سه‌عاده‌ت هه‌مى بزاڤ كرن كو ئه‌ڤ پرۆژه‌ سه‌ربگریت به‌س سه‌ر نه‌گرت كو ئه‌ڤ په‌رله‌مانتارێن مه‌ ئاماژه‌ پێ دایى ژ لایه‌نگرێن عه‌بدولا گوول بوون، سه‌رۆك كۆمارێ به‌رێ یێ توركیا مه‌ره‌م ژێ كو عه‌بدولا گوول خوه‌ به‌ربار بكه‌ت ژبۆ ڤى پۆستى، لێ ڤێ ئێكێ سه‌ر نه‌گرت ژئه‌گه‌رێ فشارێن ئه‌ردۆگانى و پارتا وى ئه‌كه‌پێ ل سه‌ر عه‌بدولا گوول. هه‌ژى گۆتنی یه‌ كو ئه‌گه‌ر ئه‌ڤ چه‌ندا مه‌ به‌حس ژێ كرى ئه‌نجامێن باش ب ده‌ستخوه‌ڤه‌ ئینابانه‌ و سه‌رگرتبا دا بیته‌ ئه‌گه‌رێ بنكه‌فتنا ئاكپارتێی و كه‌سایه‌تیا ئه‌ردوگانى د ڤان هه‌لبژارتنان دا كو ڤان هه‌لبژارتنان گرنگیا خوه‌ هه‌یه‌ بۆ كوردان كو دڤیا هه‌مى پارت و لایه‌نێن كوردى و هه‌ده‌په‌ ب ئێك لیسته‌ پشكدار ببان د ڤان هه‌لبژارتنان دا. ب دیتن و نه‌رینا من كو دڤێت كورد ب وه‌ریسێ چ كه‌سه‌كێ و ب چ لایه‌نه‌كێ نه‌چنه‌ كه‌ڤرى و باوه‌ریا خوه‌ پێ نه‌هینن، چنكو سیاسه‌تا وان چ گه‌ورێن ناكه‌ڤنێ سه‌باره‌ت دۆزا كوردان ل ڤى وه‌لاتى و چ ژ یا ئه‌ردۆگانى و ئاكپارتیێ كێمتر نینه‌، وه‌ك ئه‌و ژى ل سه‌ر ده‌سهه‌لاتێ كو كورد خودان سه‌ربۆرن د گه‌ل دا و ب تایبه‌تى جه‌هه‌پی كو ڤان هه‌لبژارتنان دێ جوداهى هه‌بیت به‌راورد ل گه‌ل یێن ریفراندۆما 16\4\2017 كو ئه‌كه‌پێ (317) كورسى ب ده‌ستخوه‌ڤه‌ ئیناین ژ به‌ر چه‌ند ئه‌گه‌ره‌كان ژ وان ژى شه‌ڕێ ناڤخوه‌یێ ل گه‌ل په‌كه‌كێ و گرتن و بنچاڤكرنا سیاسه‌تمه‌دار و چالاكڤانین كورد و هه‌ر وه‌سا ب هه‌مان شێوه‌ ل گه‌ل په‌رله‌مانتار و هه‌ڤسه‌رۆكێن هه‌ده‌پێ ژ وانژى هه‌ڤسه‌رۆكێ ڤێ پارتێ سه‌لاحه‌ددین ده‌میرتاش كو دادگه‌ها توركیا ئازادكرنا وى حه‌تا نوكه‌ ره‌دكریه‌ و گرتن و بنچاڤكرنا گرۆپی (فه‌تحولا گوولن) ب بهانه‌یا كۆده‌تایا 16 \3\ 2016 و له‌شكركێشیا وێ بۆ سه‌ر باژێرێ عه‌فرینێ و بنپێكرنا و پێشیلكرنا مافێ مرۆڤ و ناكۆكیێن د ناڤبه‌را ئاكپارتێێ ب خوه‌ دا و نزمبوونا ئاستێ لیره‌یێ توركى د بازارى دا و ب تایبه‌تى ل سه‌ر ئاستێ جیهانێ و ده‌ستیوه‌ردانێن وێ دكار و ئه‌ركێن وه‌لاتێن ده‌ردۆر دا و ب تایبه‌تى سووریایێ و هه‌ر وه‌سا دووركرنا سه‌رۆكێن شاره‌داریان كو ره‌گه‌ز كوردن و دانانا قه‌یوومان ل جهێ وان و هه‌ده‌ركرنا مالێ گشتى كو زۆربه‌ى وێ دهێته‌ ته‌رخانكرن و مه‌زاختن ژبۆ مه‌رمێن وى و پارتا وى و ب تایبه‌تى، یێن له‌شكرى و مخابراتى و هه‌والگیرى و هه‌ر وه‌سا و ل ڤێ داویێ كو ژ كارێن وى یێن نه‌ره‌وا و نه‌مرۆڤایه‌تى، ئه‌و ژى گرتنا ژێده‌رێ ئاڤا عیراقێ و د مه‌ها پیرۆزا ره‌مه‌زانێ دا كو دڤێت راده‌یه‌ك بۆ بهێته‌ دانان، ئه‌و ژى كو نه‌خشه‌یێ سیاسی ل ڤى وه‌لاتى بهێته‌ گه‌ورین ب هه‌ر ره‌نگه‌كێ بیت، چنكو وه‌سا بۆ ئه‌ردۆگانى ژى ناچیته‌ سه‌رى كو هه‌ما ل دووڤ حه‌ز و ئاره‌زۆیێن خوه‌ كار بكه‌ت و خوێیا خوه‌ بكه‌ته‌ د ناڤ هه‌مى گراران و هه‌ر د ڤى بیاڤى دا تێكچوونا په‌یوه‌ندیێَن توركیا ل گه‌ل پتریا وه‌لاتێن جیهانێ ژ وان ژى ئه‌مریكا و به‌رتانیا و ئه‌لمانیا و ئیسرائیل و یۆنان و قوبرس و حه‌تا عه‌ره‌بستانا سعوودى و. هتد وه‌سا دیاره‌ كو د ڤان هه‌لبژارتنان دا عه‌له‌وى ده‌نگێن خوه‌ ناده‌نه‌ ئاكپارتیێ و دێ ده‌نگێن وان چن بۆ هه‌ده‌پێ و جه‌هه‌پێ كو (10) مه‌لیۆن عه‌له‌ویان مافێ ده‌نگدانێ هه‌یه‌ ل توركیا، له‌ورا دێ بینى رۆژانه‌ گه‌فێن ئه‌ردوگانى سه‌باره‌ت هێرشكرنێ بۆ سه‌ر قه‌ندیل و شه‌نگال و مه‌خموور، ئه‌و ژى ژبۆ پتر ب ده‌ستڤه‌ئینانا ده‌نگێن توركێن شۆفێنى و نه‌ته‌وه‌په‌رست. وه‌سا دبینم كو نه‌دووره‌ د ڤێ گه‌را هه‌لبژارتنان دا ده‌نگێن ئاكپارتێى به‌ر ب كێمڤه‌بوونێ ڤه‌ بچن ژ ئه‌گه‌رێ مه‌ ئاماژه‌ پێ داى به‌س ب نه‌رینا من كو دێ هه‌ر ئه‌ردوگان و ئاكپارتى مینیت ل سه‌ر كورسیا ده‌سهه‌لاتێ، ژبه‌ر كو هه‌ر تشته‌ك د ده‌ستێن وان دایه‌، وه‌سا دیاره‌ كو دێ ئه‌كه‌په‌ و جه‌هه‌په‌ كه‌ڤنه‌ د ركابه‌ریێ دا و هه‌ر د ڤى چارچووڤه‌ى دا كو گه‌له‌ك به‌ربژارێن هه‌ده‌پێ ره‌گه‌ز توركن و نه‌نیاسن، به‌روڤاژى هه‌لبژارتنێن به‌رى نوكه‌، ئه‌ڤه‌ ژى بوویه‌ ئه‌گه‌رێ دلگرانیا كوردان سه‌ره‌راى بلندبوونا ده‌نگێن نه‌رازیبوونێ سه‌باره‌ت زیندانكرنا هه‌ڤسه‌رۆكێ هه‌ده‌پێ سه‌لاحه‌دین ده‌میرتاش، كو چێدبیت ده‌نگێن هه‌ده‌پێ نه‌ د ئاستێ پێدڤى دابن، ئه‌و ژى ژ به‌ر ئه‌ڤ به‌ربژێران نه‌ كورد د ناڤا هه‌ده‌پێ دا، چنكو كورد ده‌نگێن خوه‌ ناده‌نه‌ ڤان به‌ربژاران یین نه‌ كورد و نه‌نیاس كو ئه‌ڤ به‌ربژاره‌ ب دلێ كوردێن باكۆ نینن كو ره‌خنه‌یێن دژوار ل هه‌لویستێ هه‌ده‌پێ دكرن، چنكو یێ گۆتى یێ بیانى ب ده‌رێ گۆشتێ رانى هه‌ر دێ بى په‌شێمانى، ئه‌ڤه‌ ژى سیاسه‌ته‌كا شاشه‌ سه‌باره‌ت هه‌ده‌پی كو دێ زیان گه‌هنه‌ هه‌ده‌پێ و مفادارێن ئێكێ دێ ئه‌ردوگان و ئاكپارتى بن كو ب ڤێ چه‌ندی دێ ره‌وشا كوردان ل توركیێ گه‌له‌ك خرابتر و ئالۆزترلێ هێت وه‌سا دبینم كو هه‌ده‌په‌ وه‌كى جاران بشێت پرانیا ده‌گێن كوردان ب ده‌ستخوه‌ڤه‌ بینیت، كو چه‌ندین كه‌سێن هه‌ژى و خودان شیان د ناڤا جڤاكێ كوردى ل كوردستانا باكۆردا هه‌نه‌ كو نوونه‌راتیا وان بكه‌ن و ببنه‌ به‌ربژارێن وان كو ب ڤێ ئێكێ دێ كورد ژى پشته‌ڤانیێ لێ كه‌ن و دێ ده‌نگێن خوه‌ ده‌نێ به‌روڤاژى ڤێ ئێكێ ئه‌و ژى كو ئاكپارتیێ گه‌له‌ك كه‌سێن كورد كو به‌رى نوكه‌ د ناڤا لیستا وێ دا بوون ده‌رئێخستینه‌ ئه‌و ژى پشتى رێككه‌فتن كرى ل گه‌ل پارتا نه‌ته‌وه‌په‌رست كو ئه‌گه‌ر هه‌ده‌په‌ ب ڤى كارێ شاش نه‌راببا، دا پرانیا ده‌نگێن كوردان ب ده‌ستخوه‌ڤه‌ ئینیت و دا شێت پشتا ئه‌ردۆگانى و ئاكپارتێی شكێنیت، چنكو وه‌كو دبێژن ماستێ ئه‌ردۆگانى و پارتا وى ئه‌كه‌پی ترش بوویه‌. كو ب ڤێ یه‌كێ هه‌ده‌په‌ دێ وه‌كه‌ت كو جاره‌كا دى كوردێن باكۆر ده‌نگێن خوه‌ بده‌نه‌ هنده‌ك پارت و كه‌س و
لایه‌نێن دى.

8

ئه‌حمه‌د سادق زاویته‌ى

رۆژى ستوونا سیێ یه‌ ژ ستوونین ئایینێ ئیسلاما پیرۆز، پشتى شادێ (شهاده‌تێ) و نڤێژێ، رۆژى ل سالا دووی مشه‌ختی یا هاتیه‌ سه‌پاندن ل سه‌ر ئوممه‌تا محه‌مه‌دی، سلاڤێن خودێ ل سه‌ر بن، رۆژى ئه‌ركه‌كه‌ ل سه‌ر كێ؟ هه‌ر كه‌سه‌كێ موسلمان بیت و یێ ب عاقل بیت و هوشمه‌ند بیت و گه‌هشتبیته‌ قووناغا بالغبوونی و شیانێن رۆژى گرتنی هه‌بن، ئانكو یێ نه‌ساخ نه‌بیت و یێ ئاكنجى بیت و نه‌یی ریڤینگ و كاروانیى بیت (مسافر بیت) مه‌ها ره‌مه‌زانێ مفایێن خوه‌ هه‌نه‌، سه‌باره‌ت مرۆڤێ رۆژیگر، د ڤێ هه‌یڤێ دا، خێزانێن ده‌ستكورت و هه‌ژار و كیم ده‌رامه‌ت چاڤه‌رێ كه‌سانێن ده‌وله‌مه‌ندن ژبۆ درێژبكه‌ن ب رێیا هاریكارى و زه‌كات و سه‌ده‌قاتێن مالێ خوه‌، كو ئه‌ڤ خێزانێن فه‌قیر و هه‌ژار ب هاتنا ڤێ مه‌ها پیرۆز ژ هه‌ر كه‌سه‌كێ دیتر پتر دكه‌یفخۆش و د شاد و د مفادارن، مرۆڤێ ب رۆژى هه‌ست ب ئارامبوونی دكه‌ت و یێ دلۆڤانه‌ و گرنگیێ دده‌ته‌ مرۆڤاتیێ و خودان سه‌بر و هه‌داره‌ و مرۆڤه‌كێ ل به‌ر خوه‌ راوه‌ستیایه‌ و ب چ ره‌فتارێن نه‌باش و نه‌شرین نارابیت و گرنگیێ دده‌ته‌ ساخله‌میا خوه‌ و رۆژیان مفایێن خوه‌ هه‌نه‌ و ب تایبه‌تى كو ئاشكی مرۆڤى (مه‌عیده‌) بێهنا خوه‌ ڤه‌دده‌ت د ڤان (30) رۆژان دا وهه‌ر وه‌سا كو مرۆڤێ رۆژیگر گه‌له‌ك نڤێژ و سونه‌ت و ته‌راویحان دكه‌ت، ئه‌ڤێ ئێكێ ژى مفایێن خوه‌ هه‌نه‌ و یا ژ هه‌موویان گرنكتر مرۆڤێ ب رۆژى هه‌ست ب وان خێزانان دكه‌ت یێن هه‌ژار و به‌لنگاز كو په‌یداكرنا پاریه‌كی نانێ رۆژانه‌ ل ده‌ڤ وان زۆر یا ب زه‌حمه‌ت بیت و هه‌ر د ڤى كڤانى دا شادبوونا وه‌لاتیان ب ئه‌نجامدانا ئێك ژڤان پێنچ ئه‌ركێن خودێ كرینه‌ ئه‌رك ل سه‌ر مرۆڤین موسلمان واته‌ و رامانێن خوه‌ هه‌نه‌ و ب تایبه‌تى شادبوونا زارۆیان ب دووماهك هاتنا ڤی َ هه‌یڤێ و هاتنا جه‌ژنێ خۆشیه‌كا دیتر ل ده‌ڤ مرۆڤى په‌یدادكه‌ت سه‌ره‌راى هندێ كو هه‌ر خیزانه‌ك گۆژمه‌كێ هه‌ره‌ مه‌زن یێ پاره‌ى ژبۆ پێدڤیێن ڤێ مه‌ها پیرۆز دمه‌زێخیت ئه‌گه‌ر مرۆڤ به‌راوه‌ر دكه‌ت ل گه‌ل خه‌رجیێن مه‌ هه‌یین، دێ لێ ئه‌ڤه‌ ژى ژبۆ خێزانێ دبیته‌ ئه‌جر و سه‌ده‌قه‌ و هه‌ر د ڤى بیاڤى دا ئالوگۆركرنا خوارنێن جۆره‌ و جۆر به‌رى فتارێ د ناڤبه‌را جیرانان دا جوانیه‌كا دیتر و خۆشیه‌كا دیتر دده‌ته‌ ڤی مه‌ها پیرۆز، ئه‌و ژى كو په‌یوه‌ندیێن جڤاكى و خێزانى ب هێزتر دئێخن، ژبه‌ر كو مرۆڤێ ب رۆژى دلێ وى هه‌ر تشته‌كى دخوازیت و هه‌ر وه‌سا پێداویسیێن ڤێ مه‌هێ دزۆرن به‌س خودێ هاریكار و پشته‌ڤانه‌ و ب ساناهى ده‌رباز دبیت و خودێ سه‌هل دكه‌ت د سه‌ر هندێ را كو ئه‌م نها كه‌فتینه‌ د قه‌یرانه‌كا كوژه‌ك دا كو كارتێكرنه‌كا نێگه‌تیڤ كریه‌ سه‌ر هه‌مى ده‌مارێن ژیانێ و نه‌دلره‌حه‌تیه‌ك ل جه‌م خه‌لكى په‌یداكریه‌.

22

ژڤانه‌ كو ل رێكه‌فتى 12\5\2018 هه‌لبژارتنێن په‌رله‌مانێ عیراقێ بهێنه‌ ئه‌نجامدان كو د ڤان هه‌لبژارتنان دا دێ (24) ملیۆن كه‌سان مافێ ده‌نگدانێ هه‌بیت و (205) كیانێن سیاسى، خوه‌ تۆماركرینه‌ ل ده‌ڤ كومسیۆنا بالا یا هه‌لبژارتنان كو ژمارا هه‌ڤپه‌یمانان دبنه‌ (27) هه‌ڤپه‌یمانى، ئه‌و ژى كو ژلایێ كوموسیۆنێ ڤه‌ هاتینه‌ په‌سه‌ندكرن و باوه‌رى پێكرن كو ژمارا پارت و لایه‌نێن سیاسى یێن ڤان هه‌ڤپه‌یمانان دبنه‌((88 )) پارت و لایه‌ن ئه‌و ژى كو دێ ركه‌به‌رى ل سه‌ر 329 كورسیێن په‌رله‌مانى كه‌ن و ژمارا به‌ربژێران دبنه‌ ((6904)) هزار به‌ربژار هه‌ژى گۆتنێ یه‌ كو (96) به‌ربژار هاتینه‌ دوورخستن ژ لایێ لیژنا ده‌ستپاكیێ ڤه‌ كو ل دووڤ داخوازیا كومسیۆنێ دڤێت لایه‌نێن سیاسى هنده‌ك به‌بژارێن دى ل جهێن وان بهێنه‌ ده‌ستنیشانكرن كو دێ (245) هزار فه‌رمانبه‌ر ژلایێ كومسیۆنێ ڤه‌ چاڤدێریا ڤان هه‌لبژارتنان كه‌ن كو كورسیێن پارێزگه‌هێن هه‌رێما كوردستانێ دبنه‌ (46) كورسى دهۆك (11) كورسى + ئێك كورسى كۆتا بۆ برایێن كریستیان) و هه‌ولێر 15 كورسى) + ئێك كورسى كۆتا بۆ كریستیانان) و(سلێمانیێ ل گه‌ل حه‌له‌بچه‌ 18 كورسى) یا دیاره‌ و ته‌شى ژى وه‌سا یا درێسیت كو دێ گه‌رموگۆریه‌كا هه‌ره‌ ب هێز هه‌بیت ل پارێزگه‌ها سلیمانیێ دهه‌وا هه‌لبژارتنان دا پتر ژهه‌ر پارێزگه‌هه‌كا دیتر. سه‌باره‌ت شیعه‌یان دابه‌ش بووینه‌ ل سه‌ر سێ لیسته‌یێن سه‌ره‌كى و هنده‌كێن ناڤنجى و بچوویك دابه‌ش بووینه‌ لیستا ئێكێ بناڤێ لیستا سه‌ركه‌فتنا عیراقێ (النسر) ب سه‌رۆكاتیا حه‌یده‌ر عه‌بادى كو پێكدهێت ژ هنده‌ك كه‌سانێن بێلایه‌ن و ئه‌كادیمى و كته‌كا كێم یا حه‌شدا شه‌عبى و هنده‌ك پارت و لایه‌نێن سیاسى و ره‌وتێ ئه‌لحیكمه‌ ب سه‌رۆكاتیا عه‌ممار ئه‌لحه‌كیم و پارتا فه‌زیله‌ و هنده‌ك كه‌سانێن عه‌شائیرى و د گه‌ل دا لیسته‌یا ئیبراهیم ئه‌لجه‌عفه‌رى و كۆتله‌یا منته‌سیرۆن و هه‌ر وه‌سا كوتله‌یا عیراقا بێلایه‌ن كو دبنه‌ ((50)) گرۆپ و كیانێن سیاسى ئه‌گه‌ر ڤان هه‌رسێ كوتله‌یان خوه‌نه‌ ڤه‌كێشا بیت ژ كۆتله‌یا حه‌یده‌ر عه‌بادى كو جێدبیت گه‌له‌ك گوهۆرین د ڤان هه‌رسێ لیسته‌یێن مه‌زن دا په‌یداببن. لیسته‌یا دووێ ژێر ناڤێ لیسته‌یا ئه‌لقانوون ب سه‌رۆكاتیا نوورى ئه‌لمالكى كو پێكدهێت ژ هنده‌ك گرۆپێن حه‌شدا شه‌عبى و هنده‌ك پارت و لایه‌ن و كه‌سانێن سیاسى و پرۆفیشینه‌ل (بێلایه‌ن) و ئه‌كادیمى و عه‌شائیرى و ل گه‌ل دا لیسته‌یا ته‌یار ئه‌لوه‌سه‌ت ب سه‌رۆكاتیا موه‌فق ئه‌لروبیعى و هنده‌ك كه‌سایه‌تیێن سوننه‌ وه‌ك وه‌زیرێ به‌ره‌ڤانیا عیراقێ یێ به‌رى خالد ئه‌لعوبیدى، هه‌ر وه‌سا لیسته‌یا (سێێ)، ئه‌و ژى ژێر ناڤێ (ئه‌لفه‌تح) ب سه‌رۆكاتیا هادى ئه‌لعامرى كو پێكدهێت ژ هێزا به‌در و هنده‌ك گرۆپێن حه‌شدا شه‌عبى یێن رادیكال (توندره‌و)، وه‌ك عه‌سائیب ئه‌هل ئه‌لحه‌ق و سه‌رایا ئه‌لنوجه‌با و سه‌ید ئه‌لشوهه‌دا و ئه‌بۆ فه‌زل ئه‌لعه‌باس و سه‌رایا عاشورا‌و و حزب الله‌، هه‌ر وه‌سا ل گه‌ل دا لیسته‌یا منته‌سیرۆن و جڤاتا ئیسلامیا عیراقێ ب سه‌رۆكاتیا دكتۆر. هومام حه‌مودى و هه‌ر وه‌سا د گه‌ل دا لیسته‌یا عیراقا بێلایه‌ن. ئه‌ز وه‌سا دبینم و ب نه‌رینا من كو دێ ئیرانێ رۆله‌كێ ئه‌كتیف هه‌بیت د ڤان هه‌لبژارتنان دا ئه‌و ژى كو هه‌ر لیسته‌یه‌كا ژڤان هه‌ر سێ لیسته‌یان پشته‌ڤانیا وێ بكه‌ت دێ ب سه‌رئێخیت، هه‌ر وه‌سا لیسته‌یه‌كا دیتر ئه‌و ژى لیسه‌تیا موقته‌دا ئه‌لسه‌در ب سه‌رۆكاتیا موقته‌دا ئه‌لسه‌در كو پێكدهێت ژ هنده‌ك پارت و لایه‌ن و كیانێن سیاسى و پرۆفیشینه‌ل ( بێ لایه‌ن ) و ئه‌كادیمى و عه‌شائیرى و ل گه‌ل دا سه‌رایا ئه‌لسه‌لام كو ئه‌ڤ لیسته‌یه‌، ژى خودان جه‌ماوه‌ره‌كێ زۆره‌، هه‌ر وه‌سا هه‌ڤپه‌یمانیا سائیرۆن ب سه‌رۆكاتیا حه‌سه‌ن ئه‌لعاتولى سه‌رۆكێ پارتا ئه‌لموسته‌قبه‌ل كو پێكدهێت ژپارتا ئیستیقلال و پارتا شیۆعى (كومونێست) ب سه‌رۆكاتیا رائید فه‌همى سكرتێرێ ڤێ پارتێ و پارتا هه‌ڤپه‌یمانیا عیراقێ ب سه‌رۆكاتیا سه‌عد عاسم ئه‌لجه‌نابى سه‌رۆكێ ڤێ پارتێ وپارتا ئه‌لده‌وله‌ و دادپه‌روه‌ریێ ب سه‌روكاتیا غه‌سان ئه‌لجبۆرى و پارتا هه‌ڤپه‌یمانیا گه‌نجان و گۆرانێ ب سه‌رۆكاتیا عه‌دنان ئه‌لعه‌زاوى و پارتا ئه‌لته‌ره‌قى و چاكسازى ب سه‌رۆكاتیا موزر شه‌وكه‌ت و هه‌ر وه‌سا لیسته‌یا هه‌ڤپه‌یمانیا چاكسازیا نیشتیمانى دگه‌ل دا چه‌ندین كه‌ سایه‌تى و لایه‌نێن دى ب سه‌روكاتیا دكتور ئیبراهیم ئه‌لجه‌عفه‌رى وهه‌ر وه‌سا هه‌بوونا چه‌ندین لیسته‌یێن دى ژێر چه‌ندین ناڤان و هه‌ر وه‌سا لیسته‌یا نیشتیمانى ب سه‌رۆكاتیا دكتۆر ئه‌یاد عه‌لاوى كو پێكدهیت ژ لیسته‌یا سه‌لیم ئه‌لجبۆرى و لیسته‌یا سالح ئه‌لموتلك و هنده‌ك كه‌سانێن ئه‌كادیمى و عه‌شائیرى و پرۆفیشینه‌ل (بێ لایه‌ن) و هنده‌ك كه‌سانێن شیعه‌یێن میانره‌و( معتدل) كو ئه‌ڤ لیسته‌یه‌ (30) پارت و لایه‌ن و كیانێن سیاسى بخوه‌ڤه‌ دگریت هه‌ر وه‌سا لیسته‌یا هه‌ڤپه‌یمانیا قرار ئه‌لعیراقێ ب سه‌رۆكاتیا ئوسامه‌ ئه‌لنوجیفى كو ئه‌و ژى پێكدهیت ژ چه‌ند پارت ولایه‌ن و كه‌سایه‌تیێن سیاسى و بێ لایه‌ن وئه‌كادیمى و دگه‌ل دا لیسته‌یێا پرۆژێ ئه‌لقرارا ئه‌لعیراقى ب سه‌رۆكاتیا خه‌میس ئه‌لخه‌نجه‌ر كو پێكدهێت ژ كه‌تله‌یا سه‌لمان ئه‌لجومه‌یلى و زافر ئه‌لعانى و ئه‌حمه‌د ئه‌لمه‌سارى و خه‌میس ئه‌لخه‌نجه‌ر ئه‌گه‌ر ڤان هه‌ر چاران ژى خوه‌ نه‌ڤه‌كێشابیت ژلیسته‌یا ئۆسامه‌ ئه‌نوجه‌یفى و لیسته‌یا نه‌ینه‌وا ناسناما مه‌یه‌ ب سه‌رۆكاتیا هاشم الیاس سلتان ئه‌لجه‌ماس كو ئه‌وژى ژ چه‌ند كه‌سایه‌تى و ئه‌كادیمى و كه‌سایه‌تیێن بێ لایه‌ن پێكدهێت. گومان تێدا نینه‌ كو د ڤان هه‌لبژارتنان دا دێ هه‌ڤركى و ركه‌به‌ریه‌كا هه‌ره‌ ب هێز هه‌بیت دناڤبه‌را لیسته‌یا عه‌بادى و مالكى و هادى ئه‌لعامرى دا و بتایبه‌تى د ناڤبه‌را لیسته‌یا عه‌بادى و لیسته‌یا هادى ئه‌لعامرى ئه‌وژى كا دێ كى بیته‌ به‌خۆكى به‌ران و دێ پێت خوه‌ د كورسیا ده‌ستهه‌لاتێ عیراقێ دانیت وه‌سا دیاره‌ كو د ڤان هه‌لبژرتنان دا دێ شیعه‌ زورینه‌یا كورسیان ب ده‌ستخوه‌ڤه‌ ئینن كو ئه‌ڤ چه‌نده‌ ڤه‌دگه‌رێت ژبۆ لاوازبوونا پێگه‌یێ كوردان وسوننه‌یان وهه‌ر وه‌سا كو شیعه‌ ((65-66% ژرێژه‌یا عیراقێ پێكدهینن)) هه‌ر وه‌سا كو زۆربه‌ى ده‌ڤه‌رێن سه‌ننه‌یان ژى ئارامى و سه‌قامگیریێ لێ نه‌به‌ر قرار بوویه‌ و ئاواره‌نه‌ و هێشتا نه‌ڤه‌ ڤه‌ریاینه‌ سه‌ر جه و مالێن خوه‌ و ده‌ڤه‌رێن كوردنیشین ئه‌ڤێن به‌ر ده‌ڤه‌رێن كێشه‌دار دكه‌ڤن دبن كونترۆلا حه‌شد ئه‌لشه‌عبى ڤه‌نه‌ كو وه‌سا دیاره‌ ئه‌ڤ ده‌ڤه‌رێن مه‌ ئاماژه‌ پێ داى رێژه‌یا پشكداربوونێ دێ نه‌ دئاستێ پێدڤى دابیت. هه‌ر وه‌سا لیسته‌یه‌كا دیتر ب ناڤێ هه‌ڤپه‌یمانیا (به‌غداد) ب سه‌رۆكاتیا مه‌حموود ئه‌لمه‌شهه‌دانى دگه‌ل دا چه‌ند لایه‌ن و كه‌سایه‌تیێن سووننى و ئه‌كادیمى و پرۆفیشینه‌ل (بێ لایه‌ن). هه‌ر وه‌سا لیسته‌یه‌كا دى ژێر ناڤێ هه‌ڤپه‌یمانیا (ته‌مه‌دون) ب سه‌رۆكاتیا مه‌ئمول ئه‌لسامه‌رائى كو ئه‌و ژى ژ چه‌ند لایه‌ن و كه‌سایه‌تیێن سوننى پێكدهێت كو زۆربه‌ى به‌ربژێرێن وى ئافره‌تن. ئه‌ڤه‌ سه‌باره‌ت شیعه‌ و سوننه‌یان سه‌باره‌ت كوردان دڤان هه‌لبژارتنان دا زۆربه‌ى وان دێ ب لیسته‌یێن جودا جودا پشكدار بن وه‌ك پارتى و ئێكه‌تى و گۆران و كومه‌ل و هه‌بوونا سێ هه‌ڤپه‌یمانیان وه‌ك هه‌ڤپه‌یمانیا ئێگرتوویا ئیسلامى یا كوردستانێ دگه‌ل بزوتنه‌وه‌یا ئیسلامى و چاكسازیا ئیسلامى یا دووێ هه‌ڤپه‌یمانیا ڤه‌لڤینا نه‌وه‌ى نووێ ل گه‌ل ته‌ڤگێرا ئازادى و هه‌ڤپه‌یمانیا دیمۆكراسیا گه‌ل و یاسێێ هه‌ڤپه‌یمانیا نیشتیمانى بۆ دیمۆكراتیێ و دادپه‌روه‌ریێ دگه‌ل پارتا زه‌حمه‌تكێشێن كوردستانێ. كو كورد بێدڤى ب هه‌ڤپه‌یمانیه‌كێ نه‌ پشتى هه‌لبژارتنان ئه‌ڤ نه‌پشداربوونا كوردان ب ئێك لیسته‌یه‌ ڤه‌دگه‌رێت ژ بۆ لاوازبوونا پێگه‌یێ كوردان دچارچووڤه‌یێ عیراقا ڤێ گاڤێ دا كو دڤیا ب ئێك لیسته‌ پشكدار ببانه‌ كو ئه‌ڤه‌ هه‌مى ڤه‌دگه‌رێن ژبۆ ناكۆكیێن د ناڤبه‌را پارت و لایه‌نێن كوردى دا و هه‌بوونا ده‌رزان د ناڤ ناڤمالیا وان دا و نه‌ئێكگرتن و نه‌ ئێكرێزیا وان، هه‌ر وه‌سا ناكۆكیێن د ناڤبه‌را به‌غدا وهه‌ولێرێ دا و بۆیه‌رێن (16) ئوكتوبه‌رێ وهه‌بوونا قه‌یرانا ئابوورى یا كۆژه‌ك. هه‌ر د ڤى بیاڤى دا كو دێ توركومان د ڤان هه‌لبژارتنان دا پشكدار بن ب لیسته‌یه‌كێ ب سه‌رۆكاتیا ئه‌رشه‌د ئه‌لسالحى كو پێكدهێت ژچه‌ند كه‌سایه‌تیێن تركومان و بێ لایه‌ن و هه‌ر د ڤى كڤانى دا كو هنده‌ك توركومانێن شیعه‌ مه‌زهه‌ب خوه‌ دایه‌ دگه‌ل لیسته‌یێن شیعه‌یان وه‌ك لیسته‌یا مالكى و عه‌بادى وعامرى و سه‌در و حه‌كیم و…هتد و هه‌ر وه‌سا لیسته‌یه‌ك ژێر ناڤێ لیسته‌یا كلدوئاشۆر و سریان كو دێ هه‌ڤركیێ ل سه‌ر كودا كه‌ن كو نه‌دوره‌ وب دیتن و نه‌رینا من ژبه‌ر ناكۆكیێن ڤێ گاڤێ د ناڤبه‌را شیعه‌یان دا و ب تایبه‌تى وه‌ك مه‌ به‌حس ژێ كرى د ناڤبه‌را عه‌بادى و مالكى و عامرى و سه‌در و حه‌كیم دا ئه‌وژى كو ئه‌گه‌ر شیعه‌ خوه‌ نه‌كه‌نه‌ ئێك پشتى هه‌لبژارتنان وه‌سا دبینم ئه‌وژى كو ئه‌گه‌ر سونه‌ د ئێكگرتى بن دێ نێزیكى پۆستێ سه‌رۆك وه‌زیران بن به‌س ئه‌ڤ یه‌كه‌ سه‌ر ناگریت ژبه‌ر وه‌ك مه‌ ئاماژه‌ پێ داى ده‌ستتێوه‌ردانێن راسته‌وخوه‌یێن ئیرانێ، ئه‌و ژى كو سوننه‌یان ژى سه‌ربۆرێن هه‌ین دگه‌ل شیعه‌یان د ڤى بیاڤى دا ئه‌وژى د هه‌لبژارتنێن رابردو دا وه‌ك لیسته‌یا ئه‌لعیراقیه‌ ب سه‌رۆكاتیا دكتور ئه‌یاد عه‌لاوى كو زۆرینه‌یا وان ژ سه‌ننه‌ مه‌زهه‌بان پێكدهات وه‌ك پرانیا ده‌نگان ب ده‌ست خوڤه‌ ئیناین كو ئه‌ڤ چه‌نده‌ شیعه‌یان قه‌بوول نه‌كرى وعیراق ماوه‌یه‌كێ مایه‌ بێ حوكمه‌ت و هه‌ر ل داویێ ئه‌ڤ پۆسته‌ بۆ شیعه‌یان ماى و نوورى ئه‌لمالكى بوویه‌ سه‌رۆك وه‌زیران چنكو ئه‌م هه‌موو دزانین هه‌ڤسارێ ده‌ستهه‌لاتا عیراقێ د ده‌ستێن ئیرانێ دایه‌ ئه‌وژى كو چاوا وێ بڤێت دێ وه‌سا بخوه‌ ره‌فتارێ و سه‌ره‌ده‌ریێ وجموجۆلێ پێ كه‌ت كو ب هه‌ر ره‌نگه‌كى رێ ناده‌ت و ناهێلیت كو سوننه‌ مه‌زهه‌ب ده‌ستهه‌لاتێ وه‌ربگرن ل عیراقێ چونكو ل ده‌ڤ وان هێلا سۆره‌. هه‌ژى گۆتنێ یه‌ كو دڤێت ژبیر نه‌كه‌ین ئه‌و ژى كو دێ مه‌زهه‌بیێ و عه‌شیره‌ت گه‌ریێ رۆله‌كێ به‌رچاڤ و كاریگه‌ر هه‌بیت و دێ بگشتى رێژه‌یا پشكداربوونێ نه‌ د ئاستێ پێدڤى دابیت د ڤان هه‌لبژارتنان دا.
نڤێسه‌ر\ ئه‌حمه‌د سادق زاویته‌ى

24

ئه‌حمه‌د سادق زاویته‌ى
ئه‌شكه‌رایه‌ كو خۆپێشاندان مافه‌كێ ره‌وایێ ژ هه‌ر ملله‌ته‌كى یه‌ و باشترین و چاكترین بژاره‌یه‌ ژبۆ لادانا هه‌ر رژێمه‌كێ رژێما ئیرانێَ وه‌ك نموونه‌ كو ئه‌ڤ رژێمه‌ ب ئاگر و ئاسنى سه‌ره‌ده‌ریێ ل گه‌ل بارودۆخێ ئیرانێ دكه‌ت. یا خۆیایه‌ كو ئه‌ڤه‌ ده‌مه‌كه‌ خۆنیشادانێن نه‌رازیبوونێ د به‌رده‌وامن ل ڤى وه‌لاتى ئه‌و ژى ل رێكه‌فتى 28\12\ 2017 كو ئه‌گه‌رێ په‌یدابوونا ڤان خۆنیشاندانان ڤه‌دڤه‌رێت ژبۆ هه‌بوونا گه‌نده‌لیێ و بێكاریێ و بلندبوونا بهایێ كه‌لوپه‌لان ل بازارى و نه‌دادپه‌روه‌ری و ده‌ستێوه‌ردانێن رژێما ئیرانێ د ئه‌رك و كارێن هنده‌ك وه‌لاتان دا، سووریا و عیراق و لوبنان و یه‌مه‌ن و به‌حره‌ین وه‌ك نموونه‌، هه‌ر وه‌سا بنپێكرنا ئازادیا راده‌ربرینێ و راگه‌هاندن و میدیا ئازاد و پرۆفیشینه‌ل (بێ لایه‌ن) و پێشێلكرنا مافێ مرۆڤ و به‌رده‌وامیا پرۆسه‌یا سێداره‌دانێ و فرامۆشكرنا كێم نه‌ته‌وه‌یان ژ هه‌ر مافه‌كێ وان یێ ره‌وا كورد و عه‌ره‌بێن ئه‌حواز وه‌ك نموونه‌ و هه‌ر وه‌سا سه‌رپێچى كرن ل سه‌ر مال و مالك و سامانێ گشتى و سه‌پاندنا چه‌ندین یاسایان ل سه‌ر ملله‌تێن ئیرانێ ژ وان ژى سه‌پاندنا ل سه‌ر ئافره‌تێ سه‌باره‌ت بكارئینانا ده‌رسۆكێ و هنده‌ك سزایێن گرێداى ب ئاینى ڤه‌، ئه‌و ژى ژ لایێ ویلایه‌ت ئه‌لفه‌قیه‌ ڤه‌ كو هێچ په‌یوه‌ندى ب ئاینێ ئیسلامێ ڤه‌ نینه‌، هه‌ر د ڤى بیاڤى دا كو رژێما ئیرانێ خۆیا خوه‌ دكه‌ته‌ د ناڤ هه‌مى گراران دا و بوویه‌ ژێده‌ره‌كێ په‌یدابوونا ئاژاوه‌گێریێ و گرژیان ل ده‌ڤه‌رێ كو ئه‌ڤ یه‌كه‌ ب نه‌رێنى بۆ ئیرانێ دزڤریت وه‌ك پشتڤانیكرنا راسته‌ وخوه‌ ژ بۆ رژێما سووریایێ و حزب الله‌ لوبنانى و بزاڤا حوسیان ل یه‌مه‌نێ و حه‌شدا شه‌عبى ل عیراقێ و بزاڤا گه‌نجان ل سومالێ و بزاڤا حه‌ماس ل فه‌لستینێ و..هتد. مه‌ره‌م ژ ڤێ چه‌ندێ ئه‌و ژى كو یارۆهن و ئاشكه‌رایه‌ كو د خه‌یالا وێ دایه‌، ئه‌و ژى جێبه‌جێكرنا هیلا وێ یاشیعى یه‌ ل ده‌ڤه‌رێ و ئه‌نجامدانا پرۆسه‌یا هیموگرافى و ته‌شیعكرنا ده‌ڤه‌رێ یه‌ و ژ لایه‌كێ دیڤه‌ كێشه‌ و ناكۆكیێن ئیرانێ ل گه‌ل گرۆپێ (5+1) سه‌باره‌ت ئه‌تۆمیێ ئیرانێ كو ژ به‌ر ڤێ ئێكێ چه‌ندین سزا هاتینه‌ سه‌پاندن ل سه‌ر ئیرانێ كو تا نوكه‌ ئه‌و وه‌لاتێن ئاشكه‌را پشته‌ڤانیا ڤان خۆنیشادانان كرى، ئه‌مریكایه‌ و ئیسرائیل و عه‌ره‌بستانا سعوودى. ئه‌ڤجا ژ به‌ر ڤێ ئێكێ رژێم نه‌چار بوویه‌ كو لایه‌نگر و دووڤه‌لانك و په‌سیج و سیخورێن خوه‌ هانبده‌ت كو برژیێنه‌ سه‌ر شه‌قامان ل ژێر ناڤێ خۆنیشادانێن پشته‌ڤانیكرنێ ژبۆ رژێمێ كو درووشمێن وان مرن بۆ ئه‌مریكا و ئسرائیل و عه‌ره‌بستانا سعوودى كو وه‌سا دیاره‌ ئه‌گه‌ر ئه‌ڤ خۆنیشادانه‌ د به‌رده‌وام بن نه‌دوره‌ كو ته‌ڤن ل ڤى وه‌لاتى زۆر ئالۆز بیت وه‌ك سووریایێ به‌س پا جوداهیا د ناڤبه‌را ڤان هه‌ردو وه‌لاتان دا ئه‌وه‌ كو سووریا به‌ر ئه‌ڤا دبێژنێ بهارا عه‌ره‌بى كه‌فت، لێ ئیران به‌ر زڤستانا نه‌ عه‌ره‌بى كه‌فتیه‌. گومان تێدا نینه‌ كو روخاندنا رژێما مه‌لایان ل ئیرانێ د به‌رژه‌وه‌ندیا هه‌مى خه‌لكێ ئیرانێ وده‌ڤه‌رێ .دایه‌ یا دیاره‌ كو رژێما ئیرانێ شیا شۆره‌شا كه‌سك ژناڤببه‌ت و سه‌ركوت بكه‌ت لێ نه‌شێت شۆره‌ش و ئیرادا ملله‌تێن ئیرانێ ژ ناڤببه‌ت كو تا نوكه‌ (25ـ30) كه‌سانێن خۆنیشاده‌ر گیانێ خوه‌ ژده‌ست دایه‌ ژلایێ په‌سیج و سیخور و ده‌زگه‌هێن ئێمناهیێ ڤه‌ كو ڤێ چه‌ندى كارڤه‌دانێن جودا بخوڤه‌ گرتى نه‌ وژلایه‌كێ دیڤه‌ رژێمێ هه‌مى هێلێن په‌یوه‌ندى كرنێ قوتكرى نه‌ ژ وان سوشیال میدیا .. هتد. مه‌ره‌م ژێ لاوازبوونا چالاكیێن خۆنیشاندانان و ڤه‌شارتنا ئه‌جامدانا كارێن وان یێن دروندانه‌ ژ وان ژى پێشێلكرن و بنپێكرنا مافێ مرۆڤ و سه‌ركوتكرنا ئازادیا راده‌ربرینێ ب بهانه‌یا سه‌پاندنا قانوونى، ئه‌و ژى كو ب هه‌ر ره‌نگه‌كى ڤه‌مراندنا چریسكا شۆره‌شا خۆنیشاندانان. هه‌ژى گۆتنێ یه‌ كو درووشمێن خۆنیشاده‌رێن نه‌رازیبوونێ وه‌ك مرن بوو بۆ كوژه‌كێ رژێمێ عه‌لى خامه‌نائى رێبه‌رێ شۆره‌شا ئیسلامیا ئیرانێ، هه‌ر وه‌سا باركه‌ن باركه‌ن ده‌سته‌كا مه‌لایان جهێ هه‌وه‌ ل ئیرانێ نه‌مایه‌ و هه‌ر وه‌سا ده‌ست ژكار كێشانا سه‌رۆكێ ئیرانێ حه‌سه‌ن روحانى و ئه‌نجامدانا گشتپرسیێ سه‌باره‌ت راست ڤه‌كرنا هنده‌ك قانوونن بۆ زانین كو وه‌لاتێن پشته‌ڤانیا رژێما ئیرانێ دكه‌ن سه‌باره‌ت ڤان خۆنیشادانان، ئه‌ڤه‌نه‌ كوریا باكۆر و فه‌نزه‌ویلا و كۆبا ورژێمێن عیراقێ و سووریایێ، چنكو ده‌ستهه‌لات و هه‌فسارێ ڤان هه‌ردو وه‌لاتان د ده‌ستێن رژێما ئیرانێ دایه‌ سه‌باره‌ت توركیا هێشتا هه‌لویستێ وێ نه‌یێ زه‌لاله‌ یا ته‌ڤره‌كى ل ل ڤێرێ دده‌ت ویێ دى ل وێراهه‌، چنكو گۆتن و داخۆیانیێن توركیێ وه‌كى تڤه‌نگێن ده‌واتیانه‌.

33

ئه‌حمه‌د سادق زاویته‌ى
مانشێت
(هه‌ر رژێمه‌كا ژرژێمێن ڤان وه‌لاتان چ بهێنه‌ گوهۆرین یان ژناڤبچن ئه‌و ده‌سته‌كێن دهێنه‌ سه‌ر ده‌ستهه‌لاتێ سیاسه‌تا وان هه‌ر دمینیت)
گۆتنه‌كا پڕ رامانه‌ و یا د جهێ خوه‌دایه‌، واته‌ كو چو جاران دوژمنێ بابێ نابیته‌ دۆستێ كوڕى. ئه‌و ژى كو جڤاك و جڤاكێ مه‌یێ كورده‌وارى و ملله‌تێ مه‌یێ كورد خودان سه‌ربۆره‌ د ڤى بیاڤى دا و بۆ خوه‌ مفاى ژ ڤان سه‌ربۆران وه‌رناگریت كو ئه‌ڤ بابه‌ته‌ دو ته‌وه‌ران، ب خوه‌ڤه‌ دگریت ته‌وه‌رێ ئێكێ كو وه‌ك مه‌دیتى د درێژاهیا دیروكێ دا كو ملله‌تێ مه‌یێ كورد چه‌ندین سه‌ربۆر ب سه‌رداهاتینه‌ و خودان سه‌ربۆره‌ وه‌ك مه‌ ئاماژه‌ پێ داى ئه‌شكه‌رایه‌ كو ئه‌ڤ ملله‌ته‌ پارچه‌ پارچه‌ كریه‌ و دابه‌شكریه‌ ل سه‌ر چار وه‌لاتان، ئه‌و ژى كو به‌رهه‌مێ رێككه‌فتنامه‌یا سایكس پیكو یه‌ ل سالا 1916 پشتى شكه‌ستنا ده‌وله‌تا ئوسمانى ئه‌وا دگۆتێ زه‌لامێ نه‌ساخ كو ئه‌ڤ رێككه‌فتنامه‌یه‌ د ناڤبه‌را فه‌ره‌نسا وبه‌رتانیا دا بوو و هه‌ر وه‌سا كو ملله‌تێ كورد هاتیه‌ بێ به‌هر كرن ژمافێ ده‌وله‌تبوونێ ل رێككه‌فتنامه‌یا سیڤه‌ر ل رێكه‌فتى10\8\1920
• ب راستى ئه‌ڤ هه‌ردو وه‌لاته‌ ئانكو فه‌ره‌نسا و به‌ریتانیا قه‌رزارێن ملله‌تێ كوردن، چنكو وان زولما لێ كرى كو ئه‌ڤ هه‌ر چار وه‌لاتێن كورد لێ د دابه‌شكرى ب ئاگرى و ئاسنى وب زه‌مانێ زڤر وره‌فتارێن نه‌باش رژێمێن وان سه‌ره‌ده‌ریێ ل گه‌ل بارودۆخ وره‌شا ملله‌تێ كورد دكر ئه‌و ژى كو بێ به‌هر كرینه‌ ژ هه‌ر مافه‌كێ وان یێ ره‌وا كو سێ ژ ڤان وه‌لاتان ژ لایێ نه‌ته‌وه‌یى ڤه‌ دجودانه‌ كو هه‌ر ئێكى نه‌ته‌وه‌یێ خوه‌ هه‌یه‌، ئه‌وژى كو تورك و عه‌ره‌ب و فورسن كو ڤان هه‌سێ نه‌ته‌وه‌یان كه‌ربوكینه‌كا هه‌ره‌ مه‌زن ژ ملله‌تێ هه‌لگرتى یه‌ ئه‌وژى كو هه‌ر بزاڤه‌ك یان جموجوله‌ك یان شۆره‌ش و سه‌رهلدانه‌ك كوردان ل ڤان وه‌لاتان كربا دا ئه‌ڤ وه‌لاته‌ هه‌مى هه‌ول و بزاڤان كه‌ن كو ژناڤ ببه‌ن و سه‌ركوت بكه‌ن كو تا نوكه‌ ئه‌ڤێ یه‌كێ ژى سه‌رگرتى یه‌، چنكو هه‌ر رژێمه‌كا ژرژێمێن ڤان وه‌لاتان چ بهێنه‌ گوهۆرین یان ژى ژناڤبچن یان ژى برۆخیێن ئه‌و ده‌سته‌كێن یان ئه‌و رژێمێن دهێنه‌ سه‌ر كورسیا ده‌ستهه‌لاتێ سیاسه‌تا وان چ گوهۆرینان بخوه‌ڤه‌ ناگریت و دێ هه‌ر ل سه‌ر سیاسه‌تا به‌رێ ب رێڤه‌چن كو دێ ئه‌و كه‌ربوكین و هزرێن توندره‌و شۆفینى و گه‌نى و گه‌مارگرتى هه‌ر دێ مینن و چ جاران خلاس نابن، ئه‌و ژى كو چ جاران ده‌ستێ برایینیێ درێژ نه‌كریه‌ و ناكه‌ن ژبۆ ڤى ملله‌تێ هه‌ژار وته‌په‌سه‌ر مه‌حاله‌ ژیر و وێڤه‌ كورد ل ڤان هه‌ر چار وه‌لاتان دگه‌ل رژێم و نه‌ته‌وه‌ییێن وان بگونجێن و دبن ئێك ره‌شمال ڤه‌ بژین ژبه‌ر كو دلێن پاقژ و نازك د ناڤ عه‌قلێن گه‌نى و گه‌مار گرتى دا ناگونجێن چنكو هه‌ر ئه‌وبوون وه‌ك مه‌ به‌حس ژێ كرى كو زولم و سته‌م و نه‌دادپه‌روه‌رى بكاردئینا به‌رامبه‌ر ملله‌تێ كورد. ئه‌ڤجا ئه‌ڤ پرۆسه‌یه‌ دێ یابه‌رده‌وام بیت، چنكو چ جاران ئه‌و بوو باب و باپیرێن مه‌ ژى نه‌بووینه‌ دۆست و برا و هه‌ڤال و هندى ژ وان هاتى هه‌ر بوومه‌ بیر و كولاینه‌ و خه‌فك ڤه‌داینه‌ و دێ د ئاینده‌ى ژى دا هه‌مى هه‌ول و بزاڤان كه‌ن كو نڤشێ مه‌ژى ببرینن و ڤى ملله‌تى ژناڤبه‌ن و هه‌ر د ڤى چارچووڤه‌ى دا كو یا رۆن و ئه‌شكه‌رایه‌ و راستیا خوه‌ هه‌یه‌ كو ڤان هه‌ر سێ نه‌ته‌وه‌یان ژى ئێكدو نه‌ڤێت به‌س دێ بینى هه‌ر ده‌م ئه‌م كورد وان دكه‌ینه‌ ئێ و ئه‌م نابینه‌ ئێك كو ئه‌ڤ وه‌لاته‌ بخوه‌ ڤێ یه‌كێ ب ده‌لیڤه‌ دده‌نه‌ زانین و پتر ده‌ستێن خوه‌ ده‌ستێوه‌ردانێن خوه‌ دئێخنه‌ د ناڤ ئه‌رك و كار و ناڤمالیا ملله‌تێ كورد دا و هه‌ر ئه‌ون ناهێلن تا نوكه‌ ئه‌ڤ ملله‌ته‌ كو خودان (40) مه‌لیۆن كه‌سه‌ بگه‌هته‌ مافێن خوه‌ یێن ره‌وا و مافێ چاره‌نڤێس كو ملله‌تێ كورد مه‌زنترین ملله‌ته‌ ل رۆژهه‌لاتا ناڤه‌راست كو هێشتا نه‌خودان كیانه‌كێ سه‌ربخوویه‌ كو د ڤى بیاڤى دا وه‌لاتێن زلهێز و نه‌ته‌وه‌یێن ئێكگرتى و رێكخراوێن گرێداى ب مافێ مروڤ ڤه‌ دخه‌مسارن و نه‌خودان هه‌لویستن هه‌ر وه‌كو كو ئه‌ڤ ملله‌ته‌ ئانكو ملله‌تێ كورد نه‌ دچارچوڤه‌یێ نه‌خشێ جیهانێ دایه‌ ئه‌ڤجا دڤێت ئه‌م كورد باوه‌ریا خوه‌ ب ڤان وه‌لاتان نه‌ئینین ئه‌ڤێن مه‌ ئاماژه‌ پێ داى، ئه‌و ژى كو تورك و عه‌ره‌ب و فورسن كو دڤێت ئه‌گه‌ر مه‌ هه‌ڤالینیه‌ك یان په‌یوه‌ندیه‌ك ژى دگه‌ل دا هه‌بیت بلا باش بزانین دیوارێ ل سه‌ر به‌فرێ یه‌، چنكو هه‌رده‌م خه‌نجه‌را وان یا ئاماده‌یه‌ كو ل پاشیێ ڤه‌ دانه‌ مه‌. گومان تێدا نینه‌ وه‌ك مه‌به‌حس ژێ كرى كو ڤى ملله‌تى د درێژاهیا دیرۆكێ دا ب هزاران سه‌ربۆرێن هه‌یین ل گه‌ل ڤان وه‌لاتان وه‌ك ژناڤبرنا شۆره‌ش سه‌رهلدانێن كوردێن باشۆر وه‌ك شۆره‌ش و سه‌رهدانێن بارزان ل سالێن 1931 و 941ا و 1942 و سه‌رهدانا شێخ عه‌بدولسه‌لام بارزانى ل سالا 1914 كو د وێ سالێ دا هاتیه‌ سێداره‌دان ل مووسل ل سه‌ر ده‌ستێ ئوسمانیان، هه‌ر وه‌سا سه‌ركوتكرنا شۆره‌شا شێخ مه‌حموود ئه‌لحه‌فید ل سالا1919 و ڤه‌مراندنا چریسكا شۆره‌شا ئیلۆنێ ل سالا1975 و ئه‌نفالێن ره‌ش و كیمیا بارانكرنا باژێرێ حه‌له‌بچه‌ ل سالا 1988 كو بوویه‌ ئه‌گه‌رێ كوشتنا (500) هزار كه‌سان و سه‌ركوتكرنا سه‌رهلدانا بهارا سالا 1999 و بۆیه‌رێن (16) ئوكتوبه‌رێ ل كه‌ركووك و ده‌ڤه‌رێن كێشه‌دار و0000هتد و هه‌ر وه‌سا ژناڤبرنا و سه‌ركوتكرنا كۆمارا مه‌هاباد ل كوردستانا رۆژهه‌لات ل سالا 1945 و سێداره‌دانا قازى محه‌مه‌د و ژناڤبرنا بزاڤ و شۆره‌شێن سمكۆ شكاك ل د ناڤبه‌را سالێن 1920 و 1930 دا و ژناڤبرن و سه‌ركوتكرنا چه‌ندین سه‌رهلدان و بزاڤ و شۆره‌شێن به‌درخانیان و شۆره‌شا ئاگرێ و ئارارات ل سالا1927 و شۆره‌شا عه‌بدولا نه‌هرى ل سالا1880 و شۆره‌شا شێخ سه‌عید پیران ل سالا 1925 و ده‌سته‌سه‌ركرنا سه‌رۆكێ په‌كه‌كێ عه‌بدولا ئوجه‌لان ل رێكه‌فتى 15\3\1999 و كوشتارا رۆبۆسكى ل رێكه‌فتى 28\12\2011 ل كوردستانا باكۆر، هه‌ر وه‌سا ل كوردستانا رۆژئاڤا سه‌ركوتكرنا سه‌رهلدانا باژێرێ قامشلۆ ل رێكه‌فتى15\3\2013ێ و بۆیه‌رێن سینه‌ما عامودێ كو بوویه‌ ئه‌گه‌رێ سۆتن و فه‌تساندنا (283) زارۆیان گونه‌ها وان ئه‌وبوو كو كورد بوون ئه‌وژى ل سالا19600 ته‌وه‌رێ دووێ ئه‌وژى دێ بینى كو ئه‌ڤ پرۆسه‌یه‌ دهێته‌ د رۆژه‌ڤێ دا و د هه‌مى وارێن ژیانێ دا چ یاگرێداى بیت ب خێزانێ ڤه‌ یان ژى یا تاكه‌كه‌سى بیت واته‌ كو ئه‌و كه‌سێ یان ئه‌و خێزانێن به‌ر ڤێ یه‌كێ دكه‌ڤن هه‌ر بابوبابیرێن وان ژى ب هه‌مان شێوه‌ بووینه‌ ئارمانجێن هنده‌كان كو به‌ر كه‌رب وكینا وان كه‌فتینه‌، چنكو د ڤى چارچووڤه‌ى دا تو چ بكه‌ى یان ژى تو چ بده‌یه‌ وان تا تو بكه‌یه‌ دلێ خوه‌ دا بێ مفایه‌، چنكو ئه‌و كه‌سێ تو نه‌ڤێى یان خێزانا ته‌ نه‌ڤێت هه‌ر گاڤه‌كا ده‌رفه‌ت بۆ چێبوو دێ دربێ خوه‌ دانیته‌ ته‌ و خێزانا ته‌ یان وه‌ك مه‌ گۆتى ملله‌تێ ته‌ واته‌ كو ئه‌ڤ جۆره‌ مرۆڤه‌ ل گه‌ل مرۆڤى و مالباتا مرۆڤى ب تنێ بۆراندنا ده‌مى نه‌ وبخو پلیپتكانا خوه‌ ب مرۆڤى و مالباتا مرۆڤى دكه‌ن و مرۆڤى و مالباتا مرۆڤى ب خشیمى دده‌نه‌ زانین چنكو ئه‌گه‌ر چ پێ چێنه‌بیت دێ دژى به‌رژه‌وه‌ندیێن مرۆڤى و مالباتا مرۆڤى راوه‌ستێن و ناهێلن كو خێره‌ك بگه‌هته‌ مرۆڤى و مالباتا مرۆڤى خودێ مه‌ ژ ڤان جۆره‌ مرۆڤان بپارێزیت و ملله‌تێ مه‌ یێ كورد ژ پیلانێن ڤان وه‌لاتان ئه‌ڤێن مه‌ به‌حس ژێ كرى قورتال بكه‌ت و ئه‌و بیرێن ئه‌و دكۆلن ژبۆ مه‌ ئه‌و بخوه‌ بكه‌ڤنێ، چنكو یێ گۆتى یێ بۆ ئێكى بكۆلیت له‌ندێ ئه‌و بخو دێ كه‌فته‌ كه‌ندێ كو انشا‌و الله‌ ئاگرێ وان ژ ده‌همه‌نا وان ب خوه‌ به‌ربیته‌ وان.

23

ڤێ گۆتنێ راستیا خوه‌ هه‌یه‌ و گۆتنه‌كا پڕبهایه‌ و یا د جهێ خوه‌ دایه‌ واته‌ ئه‌وه‌ كو دێ بینى د ده‌مێ به‌رفره‌هیى و ئارامى و سه‌قامگیریێ دا كا دێ بۆ مرۆڤى و ملله‌تێ مرۆڤى دیار و ئاشكه‌را بیت كا دێ چه‌ند هه‌ڤال و هۆگر و هه‌ڤسۆز و كه‌سوكار هه‌بن به‌س هه‌ر گاڤه‌كا ئه‌ڤ یه‌كا مه‌ به‌حس ژێ كرى هاته‌ گوهۆرین و ره‌وشه‌كا نه‌له‌بار هاته‌ د رۆژه‌ڤێ دا دێ بینى كا چاوا دێ ل مرۆڤى یان ملله‌تێ مرۆڤى پشته‌رێ كه‌ڤن و دێ ب زه‌مانێ زڤر سه‌ره‌ده‌رى و ره‌فتارێ ل گه‌ل مرۆڤێ و ملله‌تێ مرۆڤى داكه‌ن، مه‌به‌ستا من ژ ڤى بابه‌تى ملله‌تێ كورده‌ و هه‌رێما كوردستانێ یه‌ و ب تایبه‌تى ل ڤێ داویێ، ئه‌و ژى پشتى هه‌رێما كوردستانێ ب پرۆسا ریفراندۆمێ رابووى و ئه‌نجامداى ل رێكه‌فتى 25\9\2017 مه‌ دیت كا چاوا هه‌ڤال و هه‌ڤسۆز و هه‌ڤسه‌نگه‌رێن مه‌ و ملله‌تێ مه‌ ل مه‌ پشته‌رێ كه‌فتن و ده‌ملده‌ست هاتنه‌ گوهۆرین و پاتكا خوه‌ دا مه‌ هه‌ر وه‌كى نه‌ ئه‌و سووك و نه‌ ئه‌و بازار كو گونه‌ها ڤى ملله‌تى ئه‌و بوو داخوازیا مافێن خوه‌ یێن ره‌وا دكه‌ن ئه‌و ژى كو به‌نده‌كه‌ ژبه‌ندێن نه‌ته‌وه‌یێن ئێكگرتى یێن گرێداى ب مافێ مرۆڤ و چاره‌نڤیس ڤه‌ كو ئه‌ڤه‌ هه‌مى ئه‌وبوون یێن رۆژانه‌ وان و شاندێن وان قه‌ستا هه‌رێما كودستانێ دكر و ب مالا خوه‌ یا مه‌زن و جهه‌كێ ئارام و سه‌قامگیر و ده‌ڤه‌ره‌كا ڤه‌حه‌واندنێ ددا زانین كو زۆربه‌ى وان ئه‌وبوون ل سه‌ر ده‌مێ رژێما سه‌دامى دڤه‌حه‌واندیبوون و رێز لێ دهاته‌ گرتن ل هه‌رێما كوردستانێ و هه‌رده‌م دگۆت دڤێت ئه‌م چ جاران قه‌نجیێن كوردان ژبیر نه‌كه‌ین و هه‌ر وه‌سا هه‌لویستێ وان یێ جوامێرانه‌ و مرۆڤایه‌تى كو هه‌رده‌م ده‌رگه‌هێن وان ژبۆ مه‌ و هه‌مى خه‌لكێ عیرقێ یێ ڤه‌كرى یه‌ و بێ جیاوازى و ب تایبه‌تى ڤه‌حه‌واندنا ئاواره‌یان كو ب هه‌مى شیانێن خوه‌ د هاریكار و پشته‌ڤان بوون ژبۆ دابینكرنا هه‌ر پێدڤیه‌كێ كو ڤێ گاڤێ ژى زۆربه‌ى ئاواره‌یێن وان د ئاكنجینه‌ ل هه‌رێما كوردستانێ، به‌س مه‌ دیت وه‌ك مه‌ ئاماژه‌ پێ داى و ب تایبه‌تى پشتى بۆیه‌رێن 16ئوكتوبه‌رێ 2017 مه‌ دیت كا چاوا ئه‌وێن ئه‌م د داناین برایێن خوه‌ یێن خۆشتڤى و مه‌باوه‌ریا خوه‌ پێ دئینا هه‌لگه‌رێن هزرێن توندره‌و خودانێن نه‌فسێن گه‌نى و گه‌مارگرتى و دووڤه‌لانكێن ئیرانێ هاتنه‌ گوهۆرین و به‌رێ تۆپ و تانك و مۆشه‌ك و سۆپا و حه‌شدا خوه‌یا شه‌عبى و مه‌زهه‌بى دا كوردستانێ و ب تایبه‌تى ده‌ڤه‌رێن كێشه‌دار. كو ل دووڤ دستوورى نابیت هێز بهێته‌ بكارئینان ژبۆ چاره‌كرنا كێشه‌یێن ناڤخوه‌یى ئه‌و ژى كو ئه‌ڤ چه‌نده‌ هاته‌ ئه‌نجامدان ژلایێ ده‌ستهه‌لاتا عیراقا نه‌ئێكگرتى ڤه‌ مه‌ره‌م ژێ دا كو داگیر بكه‌ن و په‌یره‌وكرنا پرۆسا هیمۆگرافى ل ڤان ده‌ڤه‌ران، هه‌ر وه‌سا سه‌پاندنا چه‌ندین سزایێن توند ل سه‌ر هه‌رێما كوردستانێ، ئه‌و ژى ب هه‌ر بهانه‌یه‌كێ ژ وان ژى گرتنا فرۆكه‌خانه‌یان و..هتد. ئه‌ها ئه‌ڤه‌نه‌ خودانێن پارى و ئه‌گه‌ر ل ته‌ هه‌لكه‌ت ژى ناهێته‌ هارى و دێ بته‌ڤه‌ده‌ن وه‌كى مارى!. من دڤێت بێژم پا كانێ برایه‌تى و هه‌ڤالینیا مالباتا حه‌كیمى و ره‌وتێ حیكمه‌ كو هه‌ر ده‌م دگۆت دناڤبه‌را مه‌ و كوردان دا براینیه‌كا بێ سنۆر هه‌یه‌ و ئه‌م و ئه‌و ماله‌كین، هه‌ر وه‌سا ره‌وتا سه‌دڕ كو هه‌رده‌م ل گه‌ل سیاسه‌تا رژێما عیراقێ نینه‌ و ناگونجیت، هه‌ر وه‌سا مالباتا نوجێفى و كه‌سایه‌تیا عه‌لاوى و په‌یوه‌ندیێن مه‌ و شیعه‌یان كو ل سه‌رده‌مێ رژێما به‌عسا روخیاى ئه‌م هه‌ردو دفه‌رامۆشكرى و دته‌په‌سه‌رى بووین، هه‌ر وه‌سا كه‌سایه‌تیا عه‌بادى كو رۆژانه‌ زه‌ڤله‌كێن خوه‌ بۆ مه‌ كوردان دیاردكه‌ت كو ب پشته‌ڤانیا كوردان گه‌هشتیه‌ ڤى پۆستى. به‌س وه‌كو دبێژن هنده‌ك جاران نانێ مرۆڤى ژى دبیته‌ به‌لا سه‌رێ مرۆڤى. هه‌ر وه‌سا چ لێهاتن په‌یوه‌ندیێن مه‌ وه‌لاتێن عه‌ره‌بى و جیهانى و ئیسلامى كو هه‌مى دبێ هه‌لویست بوون وچاڤێ خوه‌ نقاندن د ڤێ هێرشا هۆڤانه‌ و درندانه‌ دا ئه‌ڤا هاتیه‌ ئه‌نجام دان ل سه‌ر ده‌ڤه‌رێن كێشه‌دار كو بێ ئومێه‌ك و نه‌دل ره‌حه‌تیه‌ك ل جه‌م خه‌لكێ كوردستانێ په‌یداكر. ئه‌رێ سالانه‌ كانێ چه‌ند ملله‌ت وچه‌ند وه‌لات ب رێیا ریفراندۆمێ داخوازیا مافێ خوه‌یێ چاره‌نڤێس دكه‌ن و كه‌سه‌ك رێگریێ لێ ناكه‌ت و ناگریت كو ب ڤى شێوه‌ى رژێما عیراقێ ره‌فتارێ د گه‌ل مه‌ دا دكه‌ت ئه‌رێ ئه‌م ژى نه‌ ملله‌ته‌كین دچارچووڤه‌یێ ڤێ جیهانێ دا به‌س وه‌سا دیاره‌ كو هه‌موویان ئه‌م دڤێن ژبۆ پاریكێن خوه‌ و ژبۆ به‌رژه‌وه‌ندیێن خوه‌ كو مه‌ بكاربینن نه‌ك ژبۆ مه‌ره‌مه‌كا دى واته‌ كو بخوه‌ پلیپتكانا خوه‌ ب مه‌ دكه‌ن. ئه‌شكه‌رایه‌ كو هه‌ر كاره‌كێ ئه‌م بكه‌ین یان ژى داخوازیا هه‌ر مافه‌كێ بكه‌ین دێ بێژن نه‌دستوورى یه‌ و پێچه‌وانه‌ى دستوورى یه‌ كو ئه‌و بخو دپابه‌ند نینن ب ڤى دستوورى و هه‌ر ده‌م پێشێل دكه‌ن. به‌س من دڤێت ئه‌ز جاره‌كا بێژمه‌ ڤان جۆره‌ مرۆڤان ئه‌ون یێن به‌ران دهاڤێژنه‌ كانیا ئاڤ دایه‌ وان و هه‌ر وه‌سا وێ دارێ دبڕن یا كو ستاف دایه‌ وان و هه‌ر وه‌سا وێ لاندكێ دشێنن و دپه‌لخینن یا كو ناڤ دایه‌ وان ئه‌ڤه‌ هه‌مى ڤه‌دگه‌رێن كو جیاوازیه‌كا هه‌ره‌ مه‌زن هه‌یه‌ د ناڤبه‌را ره‌وشت و وژدانا مه‌ وان دا كو ئه‌م خودان بیرو باوه‌ر و ره‌وشتین و گرنگیێ دده‌ینه‌ مرۆڤایه‌تیێ و مافێ مرۆڤ و ئه‌گه‌ر مه‌ هه‌ڤالینیا ئێكى كر دێ یا ژدل بیت نه‌ك وه‌ك وان دێ دیوارێ ل سه‌ر به‌فرێ بیت یان ژى دێ یاگرێداى بیت ب به‌رژه‌وه‌ندیان ڤه‌ به‌س باوه‌ر بكه‌ن خودانێن پاریك و ئالیكان دێ هه‌ر رۆژه‌كێ بنه‌ نێچیرا هنده‌كان یان ژى كه‌ڤنه‌ ژێر ده‌ستێن هنده‌ك لایه‌نێن سته‌مكار و زالمان وه‌ك دبێژن هه‌ر دینسزه‌كى ئیانسسه‌ك ڤێ دكه‌ڤیت، چونكو زولم و سته‌م و خیانه‌ت و بێوژدانى و نه‌دادپه‌روه‌رى ل خودێ ژى خۆش ناهێت كو مه‌ كودان ژى خودێیه‌ك یێ هه‌ى و باوه‌ریه‌كا موكوم یا ب ڤى خوداى هه‌ى كو دێ مه‌ ژ هه‌ر ته‌نگاڤیه‌كێ قورتالكه‌ت، ژ به‌ر كو ڤى ملله‌تى د درێژاهیا دیرۆكێ دا تووشى چه‌ندین كاره‌سات و ده‌ربه‌ده‌رى و تراژیدیا بوویه‌ و گه‌له‌ك سه‌ربۆر ب سه‌ردا هاتینه‌ و ئه‌م بخوه‌ مفاى ژ ڤان سه‌ربۆران ناوه‌رگرین؟(چنكو ئه‌و كه‌سێ یان ئه‌و ملله‌تێ ژ كانیا سه‌ربۆران نه‌ ڤه‌خۆت دێ ل بیابانان ژتێهنا دا مریت)، كو ئه‌ڤ گۆتنه‌ یا پر رامانه‌ وه‌سا دیاره‌ كو ئه‌ڤه‌ ژى قه‌ده‌را مه‌ كوردان كو دڤێت سه‌ركردایه‌تیا كوردستانێ پێداچوونه‌كى د ڤێ یه‌كێ دا بكه‌ت كانێ ئه‌گه‌رێ ڤێ چه‌ندێ بۆ چ ڤه‌دگه‌رێت و هه‌ڤكارێن وێ چ نه‌ یا دیار و به‌رچاڤه‌ كو خالا ژ هه‌موویان گرنكتر ئه‌وه‌ لاوازبوون و نه‌ئێكرێزیا ناڤمالیا كوردى یه‌ كو دبیته‌ ئه‌گه‌رێ سه‌ره‌كى ژبۆ هه‌بوون و په‌یدابوونا ڤان بۆیه‌ران، هه‌ر وه‌سا هه‌بوونا ده‌رزان د ناڤ ڤێ ناڤمالیێ دا.

20

 ‎ل‎ ‎سالا٢٠١٤‏‎ ‎ھاتیە‎ ‎دامەزراندن‎ ‎ئەو‎ ‎ژی‎ ‎ل‎ ‎دووڤ‎ ‎داخوازیا‎ ‎مەرجەعێ‎ ‎وان‎ ‎یێ‎ ‎مەزھەبی‎ ‎ئایەت‎ ‎اللە‎ ‎سیستانی‎ ‎و‎ ‎ب‎ ‎تایبەتی‎ ‎پشتی‎ ‎ھاتنا‎ ‎داعش‎ ‎و‎ ‎کۆنترۆلکرنا‎ ‎وێ‎ ‎چەندین‎ ‎دەڤەرێن‎ ‎عیراقێ‎ ‎کو‎ ‎ئەڤ‎ ‎رێکخراوا‎ ‎تیرۆرستی‎ ‎بوویە‎ ‎ھەرەش‎ ‎و‎ ‎مەترسی‎ ‎ل‎ ‎سەر‎ ‎عیراقێ‎ ‎ب‎ ‎گشتی‎ ‎و‎ ‎شیعە‎ ‎مەزھەبان‎ ‎ب‎ ‎تایبەتی‎ ‎کو‎ ‎ئەڤ‎ ‎حەشدە‎ ‎ب‎ ‎سەر‎ ‎وەزارەتا‎ ‎بەرگریا‎ ‎عیراقێ‎ ‎ڤەیە‎ ‎و‎ ‎راستە‎ ‎و‎ ‎خوە‎ ‎یا‎ ‎سەرۆکێ‎ ‎ھێزێن‎ ‎چەکدارێن‎ ‎عیراقێ‎ ‎سەرۆک‎ ‎وەزیران‎ ‎حەیدەر‎ ‎عەبادی‎ ‎ئەو‎ ‎ژی‎ ‎پشتی‎ ‎ھاتیە‎ ‎پەسەندکرن‎ ‎ژلایێ‎ ‎ئەنجوومەنێ‎ ‎نوونەران‎ ‎ڤە‎ ‎ب‎ ‎پرانیا‎ ‎دەنگان‎ ‎ژبەر‎ ‎کو‎ ‎زۆربەی‎ ‎وان‎ ‎شیعە‎ ‎مەزھەب‎ ‎بوون‎ ‎کو‎ ‎بۆدجەیەکا‎ ‎ھەرە‎ ‎مەزن‎ ‎بۆ‎ ‎ھاتە‎ ‎تەرخانکرن‎ ‎کو‎ ‎ئەڤ‎ ‎حەشدە‎ ‎چەندین‎ ‎گرۆپان‎ ‎بخوڤە‎ ‎دگریت،‎ ‎ژ‎ ‎وان‎ ‎ژی‎ ‎عەسائیب‎ ‎ئەھل‎ ‎ئەلحەق‎ ‎و‎ ‎لیواء‎ ‎ئەبۆ‎ ‎فەزل‎ ‎ئەلعەباس‎ ‎و‎ ‎حزبوللا‎ ‎و‎ ‎سەرایا‎ ‎ئەلنوجەبا‎ ‎ء‎ ‎سەرایا‎ ‎ئەلسەلام‎ ‎و‎ ‎خوراسان‎ ‎و‎ ‎ھێزا‎ ‎بەدر‎ ‎و‎ ‎گرۆپێ‎ ‎بابیلۆن‎ ‎یێ‎ ‎کریستیانان‎ ‎و‎ ‎گرۆپەکێ‎ ‎ئێزدیان‎ ‎و‎..‎ھتد‎ ‎کو‎ ‎دشێن‎ ‎بێژین‎ ‎رۆژا‎ ‎دامەزراندنا‎ ‎ڤێ‎ ‎ھێزێ‎ ‎ب‎ ‎رۆژەکا‎ ‎رەش‎ ‎دھێتە‎ ‎ل‎ ‎قەلەمدان‎ ‎ل‎ ‎جەم‎ ‎مە‎ ‎کوردانن‎ ‎چنکو‎ ‎وەسا‎ ‎دیار‎ ‎بوون‎  ‎و‎ ‎دەرکەفتن‎ ‎دوژمنێن‎ ‎سەرەکی‎ ‎یێن‎ ‎مللەتێ‎ ‎کورد‎ ‎و‎ ‎ھەر‎ ‎د‎ ‎ڤی‎ ‎چارچووڤەی‎ ‎دا‎ ‎من‎ ‎دڤێت‎ ‎ئاماژە‎ ‎پێ‎ ‎ب‎ ‎دەم‎ ‎کو‎ ‎زۆربەی‎ ‎ڤان‎ ‎گرۆپان‎ ‎گرێداینە‎ ‎راستەوخوە‎ ‎ب‎ ‎رژێما‎ ‎ئیرانێ‎ ‎ڤە،‎ ‎ڤێجا‎ ‎تە‎ ‎نەڤێت‎ ‎دچاوا‎ ‎بن‎ ‎کو‎ ‎گوستیرکن‎ ‎د‎ ‎دەستێن‎ ‎وێ‎ ‎دا‎ ‎چاوا‎ ‎بڤێت‎ ‎وەسا‎ ‎بۆخوە‎ ‎سەرەدەریێ‎ ‎و‎ ‎جموجۆلێ‎ ‎پێ‎ ‎دکەت،‎ ‎مەرەم‎ ‎ژ‎ ‎ئافراندنا‎ ‎ڤان‎ ‎گرۆپان‎ ‎جێبەجێکرنا‎ ‎رێنما‎ ‎و‎ ‎بریار‎ ‎و‎ ‎خەونا‎ ‎رژێما‎ ‎ئیرانێ‎ ‎یە،‎ ‎ئەو‎ ‎ژی‎ ‎ھیلالا‎ ‎وێ‎ ‎یا‎ ‎شیعی‎ ‎و‎ ‎مەزھەبی‎ ‎یە‎ ‎ل‎ ‎دەڤەرێ‎ ‎و‎ ‎پەرزنینا‎ ‎کێشەیان‎ ‎ل‎ ‎گەل‎ ‎سوننە‎ ‎و‎ ‎کوردان‎ ‎و‎ ‎رووبروبوونا‎ ‎داعش‎. ‎کو‎ ‎ڤان‎ ‎گرۆپان‎ ‎دەستەکێ‎ ‎بالا‎ ‎ھەبوو‎ ‎د‎ ‎ھەوا‎ ‎ھۆڤانە‎ ‎دا‎ ‎یا‎ ‎باژێرێ‎ ‎کەرکووک‎ ‎و‎ ‎دەڤەرێن‎ ‎کێشەدار‎ ‎کو‎ ‎بوویە‎ ‎ئەگەرێ‎ ‎کوشتن‎ ‎و‎ ‎بریندارکرنا‎ ‎ب‎ ‎سەدان‎ ‎ھەڤوەلاتیان،‎ ‎ھەر‎ ‎وەسا‎ ‎بەرزەبوون‎ ‎و‎ ‎بێ‎ ‎سەروشوونکرنا‎ ‎ب‎ ‎سەدان‎ ‎کەسان‎ ‎و‎ ‎سۆتن‎ ‎و‎ ‎کاڤلکرن‎ ‎و‎ ‎تالانکرنا‎ ‎ب‎ ‎ھزاران‎ ‎مالێن‎ ‎ھەڤوەلاتیان‎ ‎و‎ ‎شەلاندن‎ ‎و‎ ‎سۆتن‎ ‎و‎ ‎دزینا‎ ‎ب‎ ‎سەدان‎ ‎کەلوپەلێن‎ ‎مالێن‎ ‎ھەڤوەلاتیان،‎ ‎ب‎ ‎سەدان‎ ‎سەنتەر‎ ‎و‎ ‎مارکێت‎ ‎و‎ ‎دوکانێن‎ ‎خەلکێ‎ ‎دەڤەرێ،‎ ‎ھەر‎ ‎وەسا‎ ‎سۆتن‎ ‎و‎ ‎دزینا‎ ‎ب‎ ‎سەدان‎ ‎ئوتومبێلێن‎ ‎خەلکی‎ ‎و‎ ‎دەزگەھێن‎ ‎میری‎ ‎و‎ ‎یێن‎ ‎پارتێن‎ ‎سیاسی‎ ‎و‎ ‎ب‎ ‎تایبەتی‎ ‎یێن‎ ‎پارتی‎ ‎و‎ ‎ئێَکگرتو‎ ‎و‎ ‎پارتا‎ ‎شیوعی‎ (‎کۆمنیست‎) ‎و‎ ‎سوشیالست‎ ‎و‎ ‎یێن‎ ‎ھندەک‎ ‎کادرێن‎ ‎ئێکەتی‎ ‎نیشتیمانی‎ ‎کوردستان‎ ‎و‎ ‎ھەروەسا‎ ‎کەلوپەل‎ ‎و‎ ‎مال‎ ‎و‎ ‎بارەگایێن‎ ‎ھندەک‎ ‎پارتێن‎ ‎تورکومانی‎ ‎ئەوێن‎ ‎کو‎ ‎نەل‎ ‎ل‎ ‎دووڤ‎ ‎ھزر‎ ‎و‎ ‎ئارەزۆیێن‎ ‎وان‎ ‎و‎ ‎ھەر‎ ‎د‎ ‎ڤی‎ ‎بیاڤی‎ ‎دا‎ ‎ب‎ ‎سەرداگرتنا‎ ‎چەندین‎ ‎زەڤیێن‎ ‎گشتوکالی‎ ‎یێن‎ ‎ھەڤوەلاتیێن‎ ‎کورد‎ ‎و‎ ‎ب‎ ‎تایبەتی‎ ‎ل‎ ‎خورماتوو‎ ‎و‎ ‎ھەرەشەکرن‎ ‎و‎ ‎دەست‎ ‎درێژکرنێن‎ ‎رۆژانە‎ ‎ل‎ ‎سەر‎ ‎ھەڤوەلاتیێن‎ ‎کورد‎. ‎ھەر‎ ‎د‎ ‎ڤی‎ ‎کڤانی‎ ‎دا‎  ‎کو‎ ‎دڤێن‎ ‎ژبیر‎ ‎نەکەین‎ ‎ئەو‎ ‎ژی‎ ‎گوھۆرینا‎ ‎ناڤێن‎ ‎چەندین‎ ‎درووشم‎ ‎و‎ ‎جە‎ ‎و‎ ‎پەیکەرێن‎ ‎کەساتی‎ ‎و‎ ‎شەھیدێن‎ ‎شەڕێ‎ ‎داعش‎ ‎و‎ ‎دانانا‎ ‎ناڤێن‎ ‎عەرەبی‎ ‎و‎ ‎تورکومانی‎ ‎پەیکەرێ‎ ‎شەھید‎ ‎شێرکۆ‎ ‎شوانی‎ ‎وەک‎ ‎نموونە‎ ‎سەرەرای‎ ‎بێرێزکرن‎ ‎ب‎ ‎کەسایەتی‎ ‎و‎ ‎ئالایێ‎ ‎کوردستانێ‎ ‎ل‎ ‎کەرکووک‎ ‎و‎ ‎دۆزخۆرماتوو‎ ‎و‎ ‎مەخمۆر‎ ‎و‎ ‎دەڤەرێن‎ ‎دەشتا‎ ‎نەینەوا‎ ‎ئەڤە‎ ‎ھەمی‎ ‎کو‎ ‎بووینە‎ ‎ئەگەرێ‎ ‎ئاوارەبوونا‎ ‎ب‎ ‎ھەزاران‎ ‎ھەڤوەلاتیان‎ ‎بۆ‎ ‎ھەرێما‎ ‎کوردستانێ‎ ‎کو‎ ‎د‎ ‎ژێر‎ ‎ژیانەکا‎ ‎سەخت‎ ‎و‎ ‎دژوار‎ ‎دا‎ ‎دژین‎ ‎کو‎ ‎جھێ‎ ‎شۆلەژی‎ ‎وەک‎ ‎پێدڤێ‎ ‎خوە‎ ‎لێ‎ ‎نەکریە‎ ‎خودان‎ ‎و‎ ‎د‎ ‎بێ‎ ‎ھەلویستن‎ ‎سەرەرای‎ ‎سەپاندنا‎ ‎چەندین‎ ‎سزایان‎ ‎ل‎ ‎سەر‎ ‎ھەرێما‎ ‎کوردستانێ‎ ‎ژ‎ ‎لایێ‎ ‎رژێما‎ ‎بەغدا‎ ‎ڤە‎ ‎ھەمی‎ ‎ژی‎ ‎ب‎ ‎بھانەیا‎ ‎ئەڤ‎ ‎یەکا‎ ‎مە‎ ‎بەحس‎ ‎ژێ‎ ‎کری‎ ‎کو‎ ‎ڤێ‎ ‎چەندێ‎ ‎بارێ‎ ‎ھەرێما‎ ‎کوردستانێ‎ ‎گرانتر‎ ‎لێ‎ ‎کری‎. ‎بێ‎ ‎گومان‎ ‎کو‎ ‎ئەڤ‎  ‎ھێرشا‎ ‎ھۆڤانە‎ ‎ئەڤا‎ ‎ڤان‎ ‎دووڤەلانک‎ ‎و‎ ‎گرۆپێن‎ ‎گرێدای‎ ‎ب‎ ‎رژێما‎ ‎ئیرانێ‎ ‎ڤە‎ ‎و‎ ‎ب‎ ‎پشتەڤانیا‎ ‎پاسداران‎ ‎و‎ ‎ب‎ ‎سەرۆکاتی‎ ‎و‎ ‎ب‎ ‎سەرپەرشتیا‎ ‎قاسم‎ ‎سولەیمانی‎ ‎و‎ ‎ئێقال‎ ‎پۆر‎ ‎کو‎ ‎ئەڤ‎ ‎ھەوا‎ ‎وان‎ ‎یا‎ ‎درندانە‎ ‎نەیا‎ ‎چاڤەرێکری‎ ‎بوو،‎ ‎ئەڤجا‎ ‎ترس‎ ‎و‎ ‎سەھمەک‎ ‎خستە‎ ‎د‎ ‎دلێ‎ ‎خەلکێ‎ ‎ڤان‎ ‎دەڤەران‎ ‎دا،‎ ‎یێن‎ ‎بەر‎ ‎ھەوێن‎ ‎وان‎ ‎کەفتین‎ ‎کو‎ ‎دشێن‎ ‎بێژین‎ ‎شەرەکێ‎ ‎دەروونی‎ ‎بوو‎ ‎کو‎ ‎کارتێکرنا‎ ‎نەرێنی‎ ‎و‎ ‎باندۆرەکا‎ ‎خراب‎ ‎کریە‎ ‎سەر‎ ‎پرۆسەیا‎ ‎خواندنێ‎ ‎کو‎ ‎تاوانێن‎ ‎حەشدا‎ ‎شەعبی‎ ‎چ‎ ‎ژ‎ ‎تاوانێن‎ ‎داعش‎ ‎کێمتر‎ ‎نەبوون‎ ‎و‎ ‎نینن،‎ ‎ئەڤە‎ ‎نە‎ ‎سەرەدەری‎ ‎و‎ ‎رەفتارێن‎ ‎وان‎ ‎بەرامبەر‎ ‎مە‎ ‎کوردان‎ ‎کو‎ ‎ھەڤال‎ ‎و‎ ‎ھەڤسەنگەرێن‎ ‎وان‎ ‎بووین‎ ‎د‎ ‎شەرێ‎ ‎داعش‎ ‎دا‎. ‎یا‎ ‎دیار‎ ‎و‎ ‎ئەشکەرایە‎ ‎ئەو‎ ‎ژی‎ ‎کو‎ ‎ھەر‎ ‎گاڤەکا‎ ‎کێشەیەک‎ ‎‎ ‎یان‎ ‎ژی‎ ‎بۆیەرەک‎ ‎د‎ ‎ناڤبەرا‎ ‎مە‎ ‎و‎ ‎سۆپایی‎ ‎عیراقێ‎ ‎و‎  ‎حەشدا‎ ‎شەعبی‎ ‎دا‎ ‎روودا،‎ ‎کانێ‎ ‎ئەم‎ ‎چاوا‎ ‎رێزێ‎ ‎ل‎ ‎وان‎ ‎دگرین‎ ‎و‎ ‎چاوا‎ ‎سەرەدەریێ‎ ‎د‎ ‎گەل‎ ‎دا‎ ‎دکین‎ ‎و‎ ‎چاوا‎ ‎سەر‎ ‎و‎ ‎سامانێ‎ ‎وان‎ ‎دپارێزین‎ ‎و‎ ‎گرنگیێ‎ ‎ددەینە‎ ‎مرۆڤایەتیێ‎ ‎و‎ ‎مافێ‎ ‎مرۆڤ،‎ ‎ھەر‎ ‎وەسا‎ ‎ئازادکرنا‎ ‎دیلێن‎ ‎وان‎ ‎کو‎ ‎ژبەر‎ ‎ڤێ‎ ‎یەکێ‎ ‎دێ‎ ‎بینی‎ ‎ب‎ ‎ھزاران‎ ‎خێزانێن‎ ‎عەرەب‎ ‎و‎ ‎تورک‎ ‎و‎ ‎کریستیان‎ ‎قەستا‎ ‎ھەرێما‎ ‎کوردستانێ‎ ‎کریە‎ ‎و‎ ‎لێ‎ ‎ئاکنجی‎ ‎بووینە‎ ‎ئەڤە‎ ‎ھەمی‎ ‎ڤەدگەرێت‎ ‎کو‎ ‎جیاوازیەک‎ ‎ھەیە‎ ‎د‎ ‎ناڤبەرا‎ ‎رەوشتێ‎ ‎مە‎ ‎وان‎ ‎دا،‎ ‎ژبۆ‎ ‎نموونە‎ ‎وەک‎ ‎پێشمەرگەی‎ ‎دەڤەرەکا‎ ‎وان‎ ‎رزگاردکر‎ ‎ژ‎ ‎دەستێن‎ ‎تیرۆرستێن‎ ‎داعش‎ ‎کا‎ ‎چاوا‎ ‎رەفتار‎ ‎د‎ ‎گەل‎ ‎وان‎ ‎دکر‎ ‎کو‎ ‎ئەڤە‎ ‎ھەمی‎ ‎ھندێ‎ ‎دسەلمینیت‎ ‎وەک‎ ‎مە‎ ‎ئاماژە‎ ‎پێ‎ ‎دای‎ ‎کو‎ ‎جیاوازیەکا‎ ‎ھەرە‎ ‎مەزن‎ ‎ھەیە‎ ‎د‎ ‎ناڤبەرا‎ ‎مە‎ ‎وان‎ ‎دا‎. ‎کو‎ ‎ئەڤ‎ ‎تاوانە‎ ‎ئەنجامدان‎ ‎وەکو‎ ‎ئەو‎ ‎دبێژن‎ ‎ب‎ ‎بھانەیا‎ ‎پرۆسەیا‎ ‎سەپاندنا‎ ‎یاسای‎ ‎و‎ ‎ب‎ ‎بھانەیا‎ ‎ئەنجامدانا‎ ‎ھەرێما‎ ‎کوردستانی‎ (‎کشتپرسیێ‎).‎

14

بێگومان دیار و ئاشكه‌رایه‌ كو نها ده‌ڤه‌را رۆژهه‌لاتا ناڤه‌راست د گرژى و ئالۆزیان دایه‌، كو دشێین بێژین ل سه‌ر سێله‌كا شاریایه‌ و ته‌ڤن زۆرێ ئالۆزه‌ ل زۆربه‌ى وه‌لاتێن وێ و ب تایبه‌تى پشتى هاتنا ئه‌ڤا دبێژنێ بابه‌لیسكا بوهارا عه‌ره‌بى وه‌ك دبینین چ ل عیراقێ یان ژى ل سووریێ، هه‌ر وه‌سا ل یه‌مه‌ن و لوبنان بیت، ژ ئه‌گه‌رێ ئالۆزى و ناكۆكیێن به‌رده‌وام د ناڤبه‌را پێكهاتێن ڤان وه‌لاتان دا وده‌ستێوه‌ردانێن ده‌ره‌كى ژ وان ژى توركیا و ئیران وه‌لاتێن كه‌نداڤا عه‌ره‌بى، سعوودیه‌ وه‌ك نموونه‌ هه‌ر وه‌سا د ده‌مه‌كى دا وه‌ك هه‌بوونا رێكخراوا قاعیده‌ یا تیرۆرستى و پشتى هینگێ هاتنا داعش ل 2014، ئه‌و ژى كو چه‌ندین ده‌ڤه‌رێن عیراقێ و سووریێ كونترۆلكرن و راگه‌هاندنا ده‌وله‌تا خیلافه‌تا خوه‌ یا ب ناڤێ ده‌وله‌تا ئیسلامێ ل عیراق و شامێ كو ڤێ یه‌كێ كارتێكرنه‌كا نه‌رێنى و باندۆره‌كا هه‌ره‌ خراب كریه‌ سه‌ر ده‌ڤه‌رێ ب گشتى ژ هه‌مى لایان ڤه‌، ژ وان ژى په‌یدابوونا قه‌یرانێن سیاسى و ئابوورى و مرۆڤایه‌تى و.. هتد. ئه‌ڤه‌ ژلایه‌كى ڤه‌ و ژ لایه‌كێ دیڤه‌، ئه‌و ژى كو بابه‌تێ مه‌ یێ پێڤه‌گرێدایه‌ كو وه‌ك یا هه‌ره‌ گرنك ئه‌وه‌ كو دڤێت ئه‌م كورد د ڤى بارودۆخى دا دهشیار بین و دهشیار باینه‌ و ژ هه‌ر ده‌مه‌كێ دیتر مه‌ چێتر ناڤمالیا خوه‌ ئێكگرتى كربا و رێخستبا و ئێكرێزیا خوه‌ پاراستبا و باوه‌ریا خوه‌ ب چو كه‌س و لایه‌نه‌كى نه‌ ئینابا چ لایه‌نێ شیعى بیت یان ژى یێ سوننى بیت یان ده‌ره‌كى بیت تا یێ جیهانى بیت و ب وه‌ریسێ وان نه‌چووباینه‌ كه‌ڤرى، چنكو وه‌ك دبێژن (سیارێ خه‌لكى هه‌ر یێ په‌یایه‌) ئه‌ڤێ گۆتنێ ژى واته‌یا خوه‌ هه‌یه‌، ئه‌گه‌ر ئه‌ڤا مه‌ دیتى نه‌دهاته‌ د رۆژه‌ڤێ دا ژ وان ژى بۆیه‌رێن ل ڤێ داویێ ل كه‌ركووكێ و ده‌ڤه‌رێن كێشه‌دارل 16\10\2017 كو ئه‌ڤه‌ هه‌مى ڤه‌دگه‌رێت بۆ ئه‌ڤ چه‌ندنا مه‌ ئاماژه‌ بێ داى. چنكو مه‌ بڤێت و مه‌ نه‌ڤێت ئه‌م كورد ژى ڤێ گاڤێ یێن ل سه‌ر ئه‌ڤ سێلا شاریاى ئه‌ڤا مه‌ به‌حس ژێ كرى، چنكو وه‌ك دبینن دوژمنێن مه‌ دده‌ته‌ نگاڤیان دا دێ بۆ مه‌ ده‌ستێ برایینیێ درێژ كه‌ن و دێ په‌یوه‌ندیێن خوه‌ ل گه‌ل مه‌ نۆرمال كه‌ن به‌س گاڤا بۆخوه‌ ب ده‌رفه‌ت دیت یانژى گاڤا پیچه‌كێ به‌ر پێ خوه‌ دیت و خوه‌ ل سه‌ر پیان گرت، دێ ره‌فتارێن خوه‌ ل گه‌ل مه‌ گوهۆرن و دێ ب زه‌مانێ زڤر ره‌فتارێ و سه‌ره‌داریێ د گه‌ل مه‌ دا كه‌ن و هه‌ر گاڤه‌كا مه‌ كوردان كێشه‌یه‌ك یان ئارێشه‌یه‌ك ژى په‌یدابوو ل گه‌ل لایه‌نه‌كى ل عیراقێ چ شیعه‌ بیت یان سوننه‌ بیت، وێ گاڤێ ژبه‌ر مه‌ كوردان دێ بنه‌ ئێك كو ئه‌م كورد هه‌ر ده‌م وان دكه‌ین ئێك و هه‌ر د ڤى چارچووڤه‌ى دا ئه‌و ژى كو هه‌ر كه‌سكى یان هه‌ر لایه‌نه‌كى كو بڤێت بسه‌ربكه‌ڤیت یان ئه‌نجامێن باش ب ده‌ستخوڤه‌ بینیت و ب تایبه‌تى دهه‌لبژارتنان دا، دێ بینى كو دێ دژایه‌تیا كوردان كه‌ت ئه‌ڤه‌ ژى قه‌ده‌را مه‌ كوردانه‌ كو ئه‌م دبینه‌ ئه‌گه‌رێ ئێكبوونا وان. واته‌ كو چ جاران عه‌ره‌ب عه‌ره‌بان ناده‌نه‌ ب مه‌ كوردان ئه‌گه‌ر ئه‌م خو وان بكه‌ینه‌ دبیبیكا چاڤێن خوه‌دا و د هه‌ر هه‌ڤكێشه‌كێ دا ئه‌م كورد ده‌ردكه‌ڤین د بیانى و ل ده‌ره‌ڤه‌ى بازنه‌ى و د بێ پرسیار و د بێ مام خال. هه‌ر د ڤى كڤانى دا وه‌سا دیاره‌ سه‌پاندنا بارودۆخى ژى یێ بوویه‌ فاكته‌ره‌ك كو ب ڤێ ئێكێ رابن، ئاشكه‌رایه‌ كو زۆربه‌ى وان ئه‌ون كو هێشتا نه‌شێن بێژن هه‌رێما كوردستانێ (كو دبێژن شمال العراق) ژبه‌ر كه‌ربوكینا وان یا شۆفێنى و هه‌ر وه‌سا په‌یڤا پێشمه‌رگه‌ د ده‌ڤێ وان را ناهێت كو پێشمه‌رگه‌ ئه‌وه‌ یێ به‌ره‌ڤانى ژئاخا عیراقێ كرى ب گشتى و بێ جوداهى ئه‌گه‌ر دا ڤێ گاڤێ ژى زۆربه‌ى باژێر و باژێركێن وان دبن كونترۆلا داعش ڤه‌بن كو ڤى پێشمه‌رگه‌ى نوونه‌راتیا هه‌مى جیهانێ دكر د شه‌ڕێ داعش دا و ئه‌فسانه‌یا داعش شكاند كو هه‌ر ئه‌وبوون ل سه‌ر ده‌مێ رژێما سه‌دامى د ڤه‌حه‌واندى بوون ل كوردستانێ و رێز لێ دهاته‌ گرتن، به‌س ئه‌ڤه‌ ئه‌و جۆره‌ مرۆڤن یێن به‌ران دهاڤێژنه‌ كانیا ئاڤداى كو هنده‌ك جاران نانێ مرۆڤى ژى دبیته‌ به‌لا سه‌رێ مرۆڤى. كو مخابن ۆ، چونكو د درێژاهیا دیرۆكێ دا هه‌رده‌م باب و باپێرێن مه‌ هه‌ر ڤان عه‌ره‌بان رۆژه‌كێ ژى ده‌ستێ دلۆڤانى و براینیێ بۆ نه‌درێژكریه‌ و هه‌رده‌م زولم و سته‌م و فێلبازى و نه‌حه‌قێ لێ كریه‌ و دێ هه‌ر كه‌ن، هه‌ر گاڤه‌كا ده‌رفه‌ت بۆ چێبوو واته‌ كو دڤێت ئه‌م بزانین كو چ جاران دوژمنێ بابێ نابیته‌ دۆستێ كوڕى و هه‌ر وه‌سا سه‌باره‌ت تورك و عه‌جه‌مان ژى ب هه‌مان ره‌فتار سه‌ره‌ده‌رى ل گه‌ل مه‌ كوردان كریه‌ و مه‌ گه‌له‌ك رۆژانێن ته‌حل و ره‌ش د گه‌ل دا بۆراندینه‌ و سه‌ربۆرێن نه‌خۆش مه‌ د گه‌ل دا هه‌نه‌، د درێژاهیا دیرۆكێ دا كو ئه‌م تووشى چه‌ندین تراژیدیا كرینه‌ و هه‌رده‌م ب زه‌مانێ هه‌ره‌شه‌ و توندوتیژیێ سه‌ره‌ده‌رى د گه‌ل مه‌ دا كریه‌، چونكو مه‌ كوردان باوه‌ریا خوه‌ پێ ئینایه‌ ژ بۆ نموونه‌ وه‌ك مه‌ دیتى رێككه‌فتنامه‌یا خیانه‌تكاریا جه‌زائیر ل سالا\1975 و ژناڤبرن و سه‌ركوكرنا چریسكا شۆره‌شا ئیلۆنێ و سه‌ركوتكرنا سه‌رهلدانا بهارا سالا1991 و بۆیه‌رێن كه‌ركووكێ و ده‌ڤه‌رێن كێشه‌دار وه‌ك مه‌ ئاماژه‌ پێ داى ل 16\1.\ 2017 ژێر ناڤێ پرۆسه‌یا سه‌پاندنا یاساى و ببهنه‌ یا ریفراندۆمێ كو ئه‌مریكا وه‌لاتێن زلهێز یێن بریار د ده‌ستان دا رێك دایه‌ دوژمن و نه‌حه‌زێن كوردان و پشتا خوه‌ دایێ كو وه‌سا دیاره‌ هه‌ڤالینیا وان وه‌كو دیوارێ ل سه‌ر به‌فرێ یه‌ كو ئه‌م كورد بۆخوه‌ سه‌ربۆران ژێ ناوه‌رگرین هندێ ئه‌ڤ ئه‌مریكایا بێ وژدان و نه‌خودان هه‌لویست هه‌رده‌م فێلبازیان ل هه‌ڤال و هه‌ڤپه‌یمانێن خوه‌ ده‌ت ئه‌م كورد وه‌ك نموونه‌ و ئه‌م هه‌ر ده‌م باوه‌ریا خوه‌ پێ دئینین، ژ به‌ر كو ئه‌م كورد ملله‌ته‌كێ ساده‌ینه‌ و دلۆڤانین و خودان بیروباوه‌رین، ئه‌ڤجا ل ده‌ڤ كوردان كو لایه‌نێ به‌رامبه‌ر ژى وه‌ك خوه‌ ددانن ئه‌ڤه‌یه‌ هه‌لویستێ وه‌لاتێن بریار د ده‌ستان دا و زلهێز و نه‌ته‌وه‌یێن ئێكگرتى و جڤاتا ئاسائیشا نیڤده‌وله‌تى و رێكخراوێن گرنگیێ دده‌نه‌ مافێ مرۆڤ و مرۆڤاتیێ و ملله‌تێن هه‌ژار و ته‌په‌سه‌ر و بنده‌ست كو نه‌خودان هه‌لویست بوون و چاڤێن خوه‌ ل ڤان ره‌فتارێن ڤێ داویێ ل كه‌ركووكێ و ده‌ڤه‌رێن كێشه‌دار نقاندین و ئه‌م كورد هێلاینه‌ ب تنێ د ده‌ستێن ڤان گرۆپێن توندره‌وێن گرێداى ب ئیرانێ ڤه‌ كو رۆژانه‌ بكارێن پێشیلكارانه‌ رادبن دژى مرۆڤایه‌تیێ و مافێ مرۆڤ كو ئه‌م كورد بووینه‌ ئارمانجێن هۆڤانه‌ یێن عه‌ره‌بێن شۆفینى و ڤان گرۆپێن توندره‌و ل عیراقێ وب پشته‌ڤانیا راسته‌وخوه‌ یا رژێما ئیرانا سێداره‌دانێ و نه‌ڤیێن ئه‌تاتوركى كو بۆ مه‌ كوردان دیار و ئه‌شكه‌رابوو كو مه‌ كوردان كه‌سه‌ك نینه‌، ژبلى پێشمه‌رگه‌ى كو د ناڤ خوینا هه‌ر كورده‌كى دایه‌ كو هه‌ستا نه‌ته‌وه‌یێ ل جه‌م هه‌بیت و هه‌ر وه‌سا چیایێن مه‌ كو هه‌ر ده‌م هه‌ڤال و هه‌ڤ سه‌نگه‌رێن مه‌نه‌. ل دووماهیێ مه‌ پێدڤى ب ئێكرێزیه‌كا باش هه‌یه‌ و بیر و باوه‌ره‌كا راست و دروست و موكوم و هه‌ر ئێك ژ مه‌ ته‌فشیێ به‌روكێ خوه‌ نه‌بیت و باوه‌ریا خوه‌ ب كه‌سه‌كێ نه‌ئینین و ب وه‌ریسێ كه‌سه‌كێ نه‌چینه‌ كه‌ڤرى دابشێن د پاشه‌رۆژێ دا ببینه‌ خودان ئێك گۆتار و ئێك ده‌نگ بین و ببینه‌ ئێك سه‌نگه‌ر د رێیا دوژمن و دوژمنكاران دا چونكو ئه‌ڤا چووى چو نازڤرته‌ ڤه‌ دڤێت بخوه‌ مفایى ژێ وه‌ربگرین و پتر مه‌ ژ دو چاڤان و دو گوهان هه‌بن و ب عه‌قلانه‌ سه‌ره‌ده‌ریێ ل گه‌ل بارودۆخى بكه‌ین و ئه‌م ل دووڤ فیتكا و حه‌ز و ئاره‌زویێن چ كه‌س و چ لایه‌نان نه‌چین و كار نه‌كه‌ین كو دڤێت د ڤێ هه‌ڤكێشه‌یێ دا مه‌ كوردان هه‌لویسته‌كێ هه‌ڤسه‌نگ هه‌بیت هه‌مبه‌ر هه‌ر كێشه‌یه‌كێ د پاشه‌رۆژێ دا.

16

یا دیار و ئه‌شكه‌رایه‌ كو ئه‌ڤه‌ چه‌ند ساله‌كه‌ ئه‌ڤ قاره‌مانه‌ هاتیه‌ د گۆره‌پانا له‌شكرى دا و ناڤبری بوویه‌ جهێ به‌حس و خه‌به‌رێن راگه‌هاندنێ و به‌نیشتێ ده‌ڤێ هه‌ر كه‌سه‌كى، ئه‌و ژى وه‌ك مه‌ ئاماژه‌ پێ داى قاسم سوله‌یمانى یه‌ فه‌رماندێ سوپایێ قودسَ ئیرانى كو سه‌ركێشی و سه‌رپه‌رشتیا هه‌ر ئوپه‌راسیۆنا له‌شكرى كریه‌ و دێ كه‌ت چ ل سووریێ بیت یان چ ل عیراقێ بیت و ب تایبه‌تى پشتى داگیركرنا داعش چه‌ندین ده‌ڤه‌رێن عیراقێ و سووریێ و خستینه‌ دبن كونترۆلا خوه‌ڤه‌ و راگه‌هاندنا خیلافه‌تا ده‌وله‌تا خوه‌ یا ئیسلامى ل عیراق و شامى كو ئیرانێ و قاسم سوله‌یمانى ئه‌ڤ یه‌كه‌ بخو ب ده‌لیڤه‌ دا زانین كو بخوه‌ كره‌ بهانه‌ كو ده‌ستێوه‌ردانێ دكاروبارێن چه‌ندین وه‌لاتان دا بكه‌ت و ب تایبه‌تى سووریێ و عیراقێ و هه‌ر وه‌سا یه‌مه‌نێ و لوبنان و به‌حره‌ین ئه‌ڤه‌ ژ لایه‌كى ڤه‌ و ژ لایه‌كێ دیڤه‌ وه‌ك ئه‌و دبنین ب بهانه‌یا پاراستنا جهێن پیرۆزێن شیعه‌یان ل عیراقێ وه‌ك كه‌ربه‌لا و نه‌جه‌ف و كۆفه‌ و هه‌ردو مه‌زارێن ئیمامێن عه‌سكه‌رى ل سامه‌را ‌و هه‌ر وه‌سا مه‌زارێ سه‌یده‌ زه‌ینه‌ب ل شامێ وه‌ك نمونه‌. مه‌ره‌م ژێ داكو ئیرانێ پێگه‌یه‌كێ ب هیز هه‌بیت ل ڤان وه‌لاتان و جێ به‌جێكرنا پرۆسه‌یا تۆلڤه‌كرن و په‌زنینا كێشه‌یێن خوه‌ ل گه‌ل سوننه‌یان و كوردان و پالپشتیكرنا رژێمێن ڤان وه‌لاتان و ب تایبه‌تى عیراقێ و سووریێ كو ئیران و ئه‌ڤ وه‌لاته‌ بانه‌ك و باگوردانه‌كن كو ده‌ستهه‌لاتا ڤان وه‌لاتان دهێته‌ برێڤه‌برن ژلایێ شیعه‌ مه‌زهه‌بان ڤه‌ و هه‌ر د ڤى چارچووڤه‌ى دا لاوازكرنا رۆل و پێگه‌هێ سوننه‌ و كوردان ل ڤان وه‌لاتان داكو رژێمێن ڤان وه‌لاتان خوه‌ ل سه‌ر پیان بگرن و به‌رده‌وامیێ ب ده‌نه‌ ده‌ستهه‌لاتێن خوه‌، چونكو وه‌ك دبینین ته‌ڤن زورێ ئالۆزه‌ ل ڤان هه‌ردو وه‌لاتان و ژ لایه‌كى دیڤه‌ و ئه‌م هه‌مى دزانین جێبه‌جێكرنا خه‌ونا رژێما ئیرانێ كو ئه‌و ژى هیلالا وێ یا شیعى یه‌ ل ده‌ڤه‌رێ كو وه‌ك دبینین رۆژ بۆ رۆژێ ئه‌ڤ پرۆژه‌ یێ به‌ر ب دووماهیێ ڤه‌ دچیت و ئه‌نجامێن باش ب ده‌ستخوه‌ڤه‌ دئینین و خه‌ونا وێ یا دبیته‌ راست ئه‌ڤه‌ هه‌مى ڤه‌دگه‌رێت بۆ هه‌بوونا فێلبازێ درامایێن كۆمارا ئیسلامى یا ئیرانا سێداره‌دانێ ل ده‌ڤه‌رێ قاسم سوله‌یمانى كو رۆژ بۆ رۆژێ ره‌شا ڤان وه‌لاتان ئالۆزتر، لێ دكه‌ت و برینا وان كویرتر لێ دكه‌ت و ناكۆكیێن د ناڤبه‌را سوننه‌ و شیعه‌یان و شیعه‌ و كودان دا ئالۆزتر و خرابتر لێ دكه‌ت كو ناڤ برى فاكته‌ره‌كێ سه‌ره‌كى یه‌ بۆ ئافراندنا كێشه‌یان، ئه‌و ژى كو پتر ده‌رزان دئێخته‌ د ناڤا ناڤمالیا پێك هاتێن ڤان وه‌لاتان دا ژ به‌ر كو ناڤ برى كه‌سانه‌كێ نه‌خۆشه‌ویسته‌ ل جه‌م زۆربه‌ى خه‌لكێ عیراقێ و شامێ شیعه‌ مه‌زهه‌ب تێ نه‌بن و دلگرانیه‌ك و نه‌دلره‌حه‌تیه‌ك په‌یداكریه‌ ل خه‌لكێ ده‌ڤه‌رێ دێ بینین تا كو ئه‌ڤ قاره‌مانه‌ عیراقێ ژى ب جه ب هێلیت كانێ دێ چ ل پاش خوه‌ هێلێت و دێ ئه‌نجامێن وى چ بن، چنكو ژ حه‌ز و ئاره‌زۆیێن ئیرانێ ئه‌وه‌ كو چو وه‌لاته‌ك نانه‌كێ ب ره‌حه‌تى نه‌خۆت و ئارامى، لێ به‌رقرار و سه‌قامگیر نه‌بیت كو یا رژده‌ ل سه‌ر ڤێ سیاسه‌تا خوه‌ یا خرابكارانه‌ و ره‌گه‌زپه‌رستانه‌ كو دڤێت خۆیا خوه‌ بكه‌ته‌ د ناڤ هه‌مى گراران دا داكو ب ڤێ چه‌ندێ كارێ خوه‌ یێن دورندانه‌ و شۆفینیانه‌ ڤه‌شێریت و په‌رده‌پۆش بكه‌ت ژ وان ژى رۆژان سێداره‌دانا چه‌ندین وه‌لاتێن ئیرانێ و ب تایبه‌تى كورد و سوننه‌یێن عه‌ره‌بێن ئه‌هواز ئه‌و ژى ب هه‌ر بهانه‌یه‌كێ وهه‌ر وه‌سا په‌رده‌پوشكرنا باده‌كا خۆیا ئه‌تۆمى ل گه‌ل وه‌لاتێن (5+ 1) و پێشێلكرنا ماڤێ مرۆڤ و..هتد و هندى رژێما ئیرانى و قاره‌مانێ وێ قاسم سوله‌یمانى هه‌بوونا خوه‌ هه‌بیت ل ده‌ڤه‌رێ ده‌ڤه‌ر ئارام و سه‌قامگیر نابیت و مه‌حاله‌ ژ ئیرۆ پێڤه‌ سوننه‌ و شیعه‌ شیعه‌ و كورد و كورد عه‌ره‌ب دبن ئێك ره‌شمال ڤه‌ بژین كو ب هه‌بوونا ناڤبرى ئه‌ڤ چه‌نده‌ پتر ئازراندیه‌ و خلخلاندیه‌ و ئالۆز كریه‌. ئه‌ڤجا سوننه‌ نه‌چار كرینه‌ كو بخوه‌ په‌نایێ ب به‌نه‌ ده‌ڤ هنده‌ك وه‌لاتێن سوننه‌نیشین وه‌ك سعودیێ و مه‌سرێ و توركیا و.. هتد و ئه‌م كورد ژى ماینه‌ و هێلاینه‌ ب تنێ و نێچیرا گۆرك و درندان كو بوومه‌ دیار بوو ب تنێ مه‌ كوردان چیا هه‌نه‌ و هه‌ڤالێن مه‌ چیانه‌. كو ب مخابنى ڤه‌ ئیران و قاسم سوله‌یمانى و ئێقبال پۆر بڤ ان ره‌فتار و ب ڤان سه‌رپێچى و پێشێلكاریان رادبن ل ده‌ڤه‌رێ وه‌لاتێن زلهێز و نه‌ته‌وه‌یێن ئیك گرتى و جڤاتا ئاسایشا نیڤده‌وله‌تى و رێكخراوێن گرێداى ب مافێ مرۆڤى ڤه‌ دبێ ده‌نگن و نه‌خودان هه‌لویستن و چاڤێن خوه‌ ل ڤێ یه‌كێ دنقینن و ب تایبه‌تى ئه‌مریكا كو نه‌جهێ باوه‌ریێ یه‌ كو ئه‌ڤ چه‌ندین جاران ئه‌م كورد تووشى شكه‌ستنان كرین، ژ بۆ نموونه‌ ل سالا\1975 و رێككه‌فتنامه‌یا جه‌زائر یا خیانه‌تكارى و سه‌رهلدانا سالا 1991 و پشتى ریفراندۆما 20\9\2017 ئه‌و ژى بۆیه‌رێن كه‌ركووك و ده‌ڤه‌رێن كێشه‌دار ل 16\10\2017 ئه‌و ژى وه‌ك گلۆپا كه‌سك هه‌لكرى بوو چه‌كدارێن حه‌شد ئه‌لشه‌عبى و ب سه‌رپه‌رشتی و سه‌ركێشیا قاسم سوله‌یمانى و پاسداران و ب هه‌ڤكاریا باله‌كێ لایه‌نه‌كێ كوردى كو ب مخابنى ڤه‌ كه‌ركووك و هنه‌ك ده‌ڤه‌رێن كێشه‌دار كه‌فتنه‌ به‌ر هه‌وێن هۆڤانه‌ یێن ڤان لایه‌نان ئه‌و ژى كو ریفراندۆما هه‌رێما كوردستانێ كریه‌ به‌هانه‌. به‌س وه‌سا دیاره‌ وه‌لاتێن زلهێز یێن كو بریار د ده‌ستان دا و نه‌ته‌وه‌ێن ئێكگرتى و جڤاتا ئاسائیشا نیڤده‌وله‌تى هه‌ما ناڤن. ئه‌رێ پا بۆچى هوون دبێژن پاسدارێن ئیرانێ یێن د ناڤ لیستا تیرۆرێ دا و ئه‌بۆ مه‌هدى ئه‌لموهه‌ندس تیرۆرته‌ پسیار ئه‌ڤه‌یه‌ ئه‌رێ ئه‌ڤ پاسداره‌ و كه‌سایه‌تیا ئه‌بۆ مه‌هدى ئه‌لموهه‌ندس رۆله‌كێ سه‌ره‌كى و كاریگه‌ر نه‌بوو د ڤێ هێرشێ دا و ئه‌و گرۆپێن گرێداى ب وان ڤه‌ ب چه‌ندین كارێن دورندان و پێشێلكاریانه‌ رابوویه‌ ژ وان ژى عه‌سائیب ئه‌هل ئه‌حه‌ق و حزب الله‌ كو تا نوكه‌ چه‌ندین پێشمه‌رگه‌یان د ڤان هێرشان دا جانێ خوه‌ قوربانى ئاخا پیرۆزا كوردستانێ كریه‌ كو ئه‌و پێشمه‌رگه‌ بوو یێ ب قاره‌مانانه‌ نوونه‌راتیا وان هه‌موویان دكر د شه‌رێ دژى داعش دا به‌س ئه‌ڤ هه‌ڤیره‌ دێ ئاڤێ ڤه‌خۆت به‌س وه‌كه‌ دبێژن ئه‌و جهێن بریار د ده‌ستان دبێژن به‌س ناپێژن.

website security