NO IORG
Authors Posts by جوان به‌روارى

جوان به‌روارى

جوان به‌روارى
19 POSTS 0 COMMENTS

16

جوان به‌روارى
سوكرات دبێژیت: نێڕینا هه‌ركه‌سه‌كێ بۆ راستیێ نابت پیڤه‌ر، به‌لێ نێڕینا كه‌سێ زانا/ حه‌كیم بۆ وى مرۆڤى و وێ جه‌ماعه‌تێ دبت پیڤه‌ر.
ل ڤێره‌ هه‌ر تشتێ ژ ژیهاتیبوونا مرۆڤان ده‌ردكه‌ڤیت، بنگه‌هێ خوه‌ ناسكرن و ئاڤابوونا ناسناما مرۆڤایه‌تیێ یه‌. له‌ورا گاڤا مرۆڤ ل سه‌ر ره‌هندێ هێز و ته‌ڤاهیایێ نه‌هات هه‌بوون و پێگه‌هشتنێ، هێنگێ زانین و ئاوایێ خوه‌ ناسكرنێ ژى ب زه‌حمه‌ت دكه‌ڤت و گومان د راستیا ڤه‌شارتنان ده‌ دیار دبیت.
چاخێ كو مرۆڤ ل سه‌ر ئه‌قلێ كه‌سایه‌تى كاربكت، واته‌ مرۆڤى هزرا پرسیار و ئازادیێ ژى هه‌یه‌، ژ به‌ر ڤێ یه‌كێ ژى ئه‌و كه‌سێن ل سه‌ر ئه‌قلێ كه‌سایه‌تى هزربكن، هینگێ دكارن گوهۆرینێ په‌یدابكن و كار بۆ ئه‌نجامێ وێ بكن، ئها ل وى ده‌مى جهێ هه‌ر پرسیاره‌كێ گومانه‌ك دروست دبت، ده‌ما مرۆڤ ل سه‌ر وێ گومانێ به‌رسڤان په‌یدانه‌كت، هینگێ عه‌قل ژى ب دروستى كارێ خوه‌ ئه‌نجام ناده‌ت. له‌ورا د بنیاتێ ئاڤابوونا جڤاكان دا، هۆسان دیار دبت، هه‌ر تاكه‌كێ ب بیته‌ خودان ماف، هه‌لویست، بریار، ئه‌رك و ئازادى ئه‌وى بنه‌مایێ ژ نفشه‌كێ ته‌ندروست و فیداكار وه‌رگرتى. چونكو ئه‌و نڤشێَ ل به‌رى وى كار و قوربانى داین، ژ بۆ خوه‌شكرنا زه‌مین و داهاتوویێ وى بوویه‌، واته‌ هه‌ر نڤشه‌كێ دهێت لڤین و گوهۆرینێ د ناڤ ئه‌قل و ئازادیا تاكى ده‌ په‌یدادكت.
مخابن ئه‌و جڤاكێ فه‌ودال بت و ل سه‌ر ئه‌ساسێ هۆز و بنه‌مالێ هات بیت رێخستن، بێ گومان دێ جڤاكه‌كێ چه‌وساندى و نه‌زان بت. واته‌ دێ تاكه‌كێ هۆسا ئاڤاكت، كو هه‌رده‌م ئه‌قلێ خوه‌ راده‌ستى شیره‌ت و گۆتنێن وى جڤاكى بكت. پاشى ل گۆر وێ هزرێ نكاریت داهێنانێ د ماف و رێخستنا خوه‌ ژى دا بكت. ئانكو دێ ل دووڤ جڤاكێ داخستى هزرا خوه‌ پێش ئێخیت، ئها هێنگێ تاك ل سه‌ر زانستێ نه‌ته‌وه‌ى، سیاسى و كه‌سایه‌تى ده‌ نا ژیت. به‌لكو دێ د ناڤ ژیانا ده‌رده‌ سه‌رى ویرانكاریێ دا ژیت.
نموونه‌: جڤاكێ روژهه‌لاتێ، هه‌رده‌م ناسكرنێ ب جه، ده‌م و دیرۆكێ ڤه‌ گرێدده‌ن، ئانكو ناسكرنا خوه‌ د جه‌وهه‌رێ ناڤ، جه و ره‌وشه‌نبیریێ دا نابینن. به‌لكو هه‌رده‌م هزر و ئه‌تیكا خوه‌ ژ نفشێ كه‌ڤن وه‌ردگریت. له‌ورا تاك، ل سه‌ر ئه‌قلێ ته‌ڤاهیى دبیته‌ خودان هه‌لویست و بریارێن خوه‌یێن هه‌بوونێ. مخابنن گاڤا كو مرۆڤ ل سه‌ر ئه‌قلێَ ته‌ڤاهى، بوو خودان سالوخه‌ت و بریار هێنگێ دوور نینه‌ مرۆڤ ئازادیا خوه‌ ژ ده‌ست د ده‌ت و خوه‌ راده‌ستى فه‌له‌كێ دكت.
به‌لێ ئه‌م بنێرین ده‌ما كو ره‌وشنگه‌ریێ، د ناڤ جڤاكێن پێشكه‌ڤتى ده‌ هلداى، ل وى ده‌مى تاك هاتنه‌ ئاڤاكرن ل سه‌ر دو بنه‌مایێن گرنگ.
یائێكێ: زانست، بۆ بنگه‌هێ بوهژاندنا ئه‌قلێ تاكى. یادوویێ: سیاسه‌ت و قانوون، بوونه‌ رێك و پره‌نسیپ بۆ ئاڤاكرن و هشیاربوونا وى. ئها ل وى ده‌مى د ناڤ وان جڤاكان ده‌، تاكێن ژیر و زانا په‌یدایوون. پاشان ده‌ست ب داهێنان و لڤینێن جودا جودا كرن و فكر و زانین په‌یداكر. له‌ورا جڤاك بوو خودان سالوخه‌تێن ساخله‌م و مه‌عریفى.
ل ڤێره‌ دیاردبت هنده‌ك ژ تاكێن كورد، دبیت هزر بكن وكار بوو پرسیار و ئازادیێ بكن. به‌لێ وێ كاركرنێ ژى ژ بوو دانوستاندنا به‌رژوه‌ند و سه‌لماندنا كه‌سایه‌تى و تایبه‌تمه‌ندیێ خوه‌ به‌رهه‌ڤ دكت . ئانكو ل دووڤ په‌یره‌وا كه‌سێن دیتر ده‌ ناچیت، كو وان ژى نێزیكى هه‌مان هزر و دیتن بكت. له‌ورا گه‌ره‌كه‌ ئێدى تاكێ كورد نه‌ ب تنێ ل گۆر ئاخڤتن و شیانێن كلتوور و داكه‌ڤتنا هێزا دیرۆكى، حیزبى و جڤاكى دا بچیت. به‌لكو پێویسته‌ دانپێدانێ ب هشیاربوونا خوه‌ بكت و ل دووڤ بریار و هزر و ئه‌قلێ خوه‌ یێ كه‌سایه‌تى بچیت. داكو به‌رده‌وام پراكتیزا ئازادى و چاره‌نڤیسێ خوه‌ یێ داهاتوو بكت و ببیته‌خودان سالوخه‌تێن بها و واته‌دار د سه‌رهلدانا چه‌مێن سیاسى و ئه‌قله‌كێ ساخ و ته‌ندروست ده‌.

30

جوان به‌روارى

1ـ سیاسه‌ت ده‌ستوور، په‌روه‌رده‌، فێركرن و قانوونه‌.
2ـ كورد ب شێوه‌یه‌كێ زاتیانه‌ سه‌ره‌ده‌ریێ ل گه‌ل سیاسه‌تێ دكه‌ن، هه‌تا وى ئاستى كو بابه‌تى وندا دكن.
سیاسه‌ت هونه‌ره‌، ئانكو كارێ وێ مۆرال و ئارمانجا ده‌وله‌تێ یه‌، چونكو ئه‌وا د سیاسه‌تێ ده‌ دروست دبیت، ژ بۆ خێر و ته‌ڤاهیا به‌رژوه‌ندیا گشتى و برێڤه‌برنا ملله‌تى یه‌.
كه‌سێ ده‌ستهه‌لاتدار چاوا خوه‌ ل هه‌مبه‌ر سیاسه‌تێ به‌ر پرسییار دبینت، واته‌ جهێ وێ په‌رپرسیاریێ ل كیڤه‌ دایه‌؟ ژ بۆ بده‌ستڤه‌ئینا به‌رسڤا ڤێ پرسێ هزرا سیاسى یا كه‌ڤن و هه‌ڤچه‌رخ پێكدهینت، چونكو ئه‌ڤ پرسیاره‌ ژ بۆ كه‌سێن سیاسه‌تمه‌دار یا گرنگه‌، ژ به‌ر كو سیاسه‌ت كاره‌كێ ئاسان نینه‌، به‌لكو باندۆره‌كا مه‌زن ل سه‌ر ژیان و گۆزه‌رانیا مرۆڤان ده‌ هه‌یه‌.
گرنگیا مژارێن به‌رپرسیارى و هزرا سیاسى یا هه‌ڤچه‌رخ د عه‌قلێ هه‌ڤوه‌لاتى و كه‌سێن سیاتمدار ده‌، دبن بابه‌تێن رۆژه‌ڤێ. چونكو سیاسه‌ت، ب دو شێوازان خوه‌ به‌رپرسیار دبینت، یائێكێ، ئه‌و كه‌سێ سیاسى بیت دێ سه‌كرده‌یێ سیاسى ب پله‌یا باوه‌رى و رازیبوونێ ل به‌رامبه‌ر جڤاكى به‌رزكه‌ت. یا دووێ په‌رپرسیاریا سه‌ركرده‌ى ب وێ باوه‌ریێ دێ بابه‌تێ ژیانا خوه‌ ل به‌رامبه‌رى بابه‌تێ ژیانا جڤاكى زانیت، چونكو هه‌كه‌ پشكه‌كێ جڤاكى باوه‌رى پێ ئینا پشكه‌كێ باوه‌رى پێ نه‌ئینا، هینگێ باوه‌رى و ئێكرێزى د ناڤبه‌را شه‌خسان و كه‌سێن سیاسى ده‌ نامینت. ژ ئاله‌كێ دیڤه‌ دیتن ژى بو ده‌م و وه‌ختان د ناڤبه‌را كارێ سیاسى ده‌، دهێته‌ گوهه‌رین. له‌ورا هه‌گه‌ر بنێرین كورد ب شێوه‌یه‌كێ زاتیانه‌ سه‌ره‌ده‌ریێ ل گه‌ل سیاسه‌تێ دكن، هه‌تا وى ئاستى كو بابه‌تى وندا دكن. چونكو د هه‌ر كاودان و هه‌لویست و ئه‌نجامه‌كێ ده‌، سیاسه‌تا ئازاد نه‌خواستیه‌ و خوه‌ هێلایه‌ دبن چارچووڤێن ره‌خنه‌یا خراپكار ده‌. واته‌ ئه‌ڤێ یه‌كێ باندۆر ل سه‌ر ره‌وش و سیمایێ سیاسه‌تێ دیاركركو جهێ خوه‌نه‌گریت.
سیاسه‌ت ب درێژاهیا دیرۆكێ ده‌ ئه‌ركێ گشتیێ ژیانى دبینت. ئانكو دكاریت وێ هه‌ڤسه‌نگیا د ناڤبه‌را هێزێن ناكوك ده‌ بپارێزیت و جۆرێن په‌یوه‌ندییان ل ناڤبه‌را وان ده‌ دروست بكت. ئها ل ڤێره‌ پرسه‌ك بۆ مه‌ دهێت گه‌لۆ بوچى د ناڤبه‌را دژه‌ سیاسه‌تێ و سیاسه‌تا رزگاریخواز ده‌، ناڤه‌رۆكا گشتى به‌ر ب قوناغا رێكه‌ڤتن و ململانێ ده‌ دچیت؟ چونكو ل چو سه‌رده‌مه‌كێ ده‌ سیاسه‌تا رزگاریخواز ب دووماهیك ناهێت و ل ناڤ ناچیت. ژ به‌ركو كارێ وێ جۆره‌ سیاسه‌تێ پارازتنا بوها پره‌سیپێن ئازادبوونێ نه‌ و ژ بۆ چاره‌سه‌ریا هشیاربوون ئازادیا حوكمێ مرۆڤان دهێته‌ بكارینان. ره‌نگه‌ كه‌سێن كو دخوازن سیاسه‌ته‌ك ئازاد هه‌بت هێنگێ كارێ وێ سیاسه‌تێ ژى دێ جۆرێن ئازادیێ خوازیت. ژ به‌ر ڤێ ئێكێ ژى ئه‌و گه‌لێ بخوازیت سیاسه‌ته‌ك رزگاریخواز ئاڤا بكت، پێویسته‌ كار بۆ ئازادیا وێ ژى بكت.
ل گور واقعێ نها ئه‌م د ناڤ دژه‌ سیاسه‌تێ ده‌ دژین، به‌لێ ئه‌ڤه‌ نابیته‌ هه‌گه‌ر كو ده‌ست ژ سیاسه‌تێ به‌ر ده‌ین. ژبه‌ركو د دارشتنانا سیاسه‌تێ ده‌ هۆسا دیار بوویه‌، كو مرۆڤ به‌رده‌وام رووبه‌رویى چه‌وساندن و ئێشا نه‌ زانینێ دبت. واته‌ به‌رامبه‌رى وێ رووبه‌روبوونێ بیروبۆچوونێن مرۆڤى به‌ر ب گوهه‌رینێ دچن هه‌تا ئه‌داله‌ت په‌یدادبت. له‌ورا ئه‌و كاركرنا د سیسه‌ته‌مێن سیاسى ده‌، هه‌گه‌ر ل گۆر ئه‌قلێ كه‌سى نه‌بت، هینگێ چ جوداهى و په‌یوه‌ندى د ناڤبه‌را زات و كوله‌داریا وێ ده‌ نینه‌. ژ به‌ر ڤێ یه‌كێ ژى كه‌سێن كو دخوازان خوه‌ هشیاربكن، گه‌ره‌گه‌ به‌رده‌وام هه‌ول و رێخستنا وێ یه‌كێ بده‌ن، كو كار بۆ سیاسه‌ته‌ك هشیارو بهادار و په‌رپرسیار بكن. چونكو كومه‌لگه‌ه وجڤاك ب یاسا و رێسایێن سیاسه‌تا ئاڤاكه‌ر دبن خودان هه‌لویست و په‌رپاكرنا ئازادیا خوه‌.
نموونه‌: ل دووڤ وێ بریارێ یا كو ئه‌مریكا، كریه‌ پیڤه‌رێ ستانده‌رتیا خوه‌ دخوازیت توركیا، سیاسه‌تا ده‌رڤه‌ بگوهه‌ریت و په‌یوه‌ندیێن سیاسى دیبلۆماسى نویخواز دگه‌ل رۆسیا، ئیسرائیل، مسر، سووریا گرێده‌ت. ئها ل ڤێره‌ دیاره‌ كو باندۆرا ڤێ سیاسه‌تا نویخواز ئه‌و بت، یا كو ب بیته‌ ئێكه‌م مه‌رجێ سه‌ره‌كى بۆ ژ ناڤبرنا بزوتنه‌وه‌یا رزگاریخوازا گه‌لێ كورد. له‌ورا دره‌وشه‌ك هۆسا ناله‌بار ده‌، پێویستیا كوردیێن باكۆر یا ب پێنگاڤێن هه‌ڤپشك ڤه‌ هه‌ى د گه‌ل به‌رچاڤ وه‌رگرتنا باشۆرێ كوردستانێ.
ل داوایێ دبێژم: هه‌تا كو ملله‌ت ل بن وه‌چه‌رخانا سیاسه‌تا خه‌له‌ت رزگاردبت پێویستیا وى نه‌بتنێ ب گه‌هاندنا واقعێ سیاسى یه‌، به‌لكو پێویستیا وى ب تێگه‌هشتن، زانین و پراكتیزه‌كرنا هونه‌ر و دورهیلێ سیاسى یه‌. له‌ورا د چارچوڤێ سیاسه‌ته‌ك هۆسا ده‌ پێویسته‌ گه‌لێ كورد، خوه‌ هشیاربكت ل هه‌مبه‌رى ده‌وله‌تێن زلهێزو سه‌رده‌ست. چونكو سیاسه‌ت ده‌ستوور، په‌روه‌رده‌، فێركرن و یاسا یه‌.ژبه‌رڤێ یه‌كێ ژى ته‌ڤگه‌رێن كوردى هه‌رده‌م ل بن پروسسا “تورك، ئه‌ره‌ب و فارسان” ده‌ربازى ب رێڤه‌برنا خوه‌ بووینه‌. ئها ل ڤێره‌ هه‌تا كو ته‌ڤگه‌رێن كوردى ده‌ربازى بنگه‌هێن “ئه‌تیكا كوردى و نه‌ته‌وا كوردى” ب بن گه‌ره‌كه‌ خوه‌ فێرى داهێنان و په‌یوه‌ندیێن سیاسى و به‌ر پرسیارى بكن، هه‌تا كو بكارن پراكیتزا سیاسه‌ته‌ك ئاڤاكه‌رو چاره‌ نڤیساز بكن.

41

ئه‌وا تا نها دهاته‌ پراكتیزه‌كرن د هزرا تاكێ كورده‌ سیاسه‌ته‌ك فامكرى بوو.
عیراقێ دخواست هه‌ڤركى دوژمنكاریێ د ناڤ هه‌رێمێ دا په‌یدا بكت.
پشتى بۆرینا بیست و پێنج سالێن نه‌خۆشى، زولم زۆردارى و به‌دخۆراییا مافێن كوردان ژ ئالێن ده‌وله‌تێن دوژمن ڤه‌، ئێدى كوردان ژى دخواست كار ل سه‌ر پرۆژه‌یێن نویخوازى و دامه‌زاندنا ماف و چاره‌نڤیسێ خوه‌ بكن، ژبۆ وێ یه‌كێ دا كو هێزا تاكێ كورد ب بیته‌ جهێ ئه‌مانێ و خوینا شه‌هیدان ب ئالایێ ده‌وله‌تبوونێ بهێته‌ نه‌خشكرن. چونكو ئه‌و كه‌د و خه‌باتا گه‌لێ كورد و خوینا شه‌هیدێن قه‌هره‌مان داى پێدڤى ب سه‌ر هلدانا شوره‌شه‌كا هێزى و بنگه‌هێ ده‌وله‌ته‌كا ئاڤاكرى بوو. له‌ورا ژى ده‌ما كو د گوتارا خوه‌ دا جه‌نابێ سه‌رۆكى بریار داى ل روژا 25/9/2017 گه‌لێ كورد رابن سه‌ر خوه‌ و بریارا ڤێ یه‌كێ هاتیه‌ ده‌ركرن، وى ده‌مى ده‌وله‌تێن سه‌ره‌ ده‌ست نه‌د خواست ئێدى كورد ژى ببن خوه‌دى مافێن خوه‌یێن ئازاد و رابوون ب ئازراندنا ناكوكیان دناڤبه‌را هه‌ریمێ ده‌ستكه‌ڤتێن وێ ده‌. ئه‌ڤێ یه‌كێ ژى هنده‌ك ژ بارودۆخێ سیاسه‌تێ گوهارت و به‌ر ب ئاوایه‌ك دیڤه‌ بر، ژ به‌ر كو ئه‌وا تا نها دهاته‌ پراكتیزه‌كرن د هزرا تاكێ كورده‌ سیاسه‌ته‌ك فامكرى بوو.
لێ ل ڤێره‌ ئه‌و سیاسه‌تا هه‌یبه‌تا خوه‌ نیشانى تاك نه‌دت ، گه‌لۆ ما دبیت مرۆڤ ل سه‌ر وێ سیاسه‌تێ فه‌لسه‌فان ئاڤا بكت؟ دیاره‌ هه‌رده‌م ئه‌م كورد یێن فێرى وێ یه‌كێ بووین دبێژین ئه‌وا هێزێن سه‌ره‌ده‌ست نیشانى مه‌ د ده‌ن ئه‌و ده‌ستكه‌ڤتێن هه‌رى گرنگن ژ بومه‌، له‌ورا ژى ئه‌م دیرۆكا خوه‌ ب پێداچوونێ مێزه‌نا كه‌ین، هه‌گه‌ر ئه‌م بێنرین ئه‌وا ئیرۆ هلداى د ناڤا هه‌رێمێ و عێراقێ ده‌ ژ بۆ مه‌ كوردان خه‌ته‌رێن مه‌زن بوون، چونكو پشكه‌ك ژ ده‌ستكه‌ڤتێن مه‌ هاتن ژ ناڤبرن. له‌ورا ژى ده‌ما كو مه‌ به‌حسا ئازادبوونا خوه‌ كرى عێراقێ نه‌دخواست ده‌ستكه‌ڤتێن مه‌ وه‌ك خوه‌ ب مینن به‌لكو د خواست هه‌ڤركیێ دوژمنكاریێ د ناڤا هه‌رێمێ دا دروستبكه‌ت، ئه‌ڤێ یه‌كێ ژى گاریگه‌رێن هه‌رى مه‌زن خستن ناڤا رۆلێ ده‌ستهه‌لات، ئۆپۆزسیۆنێ و جڤاكى ده‌. ژ به‌ر ڤێ چه‌ندێ ژى گرنگیا كو ده‌ستهه‌لات و ئوپۆزسیۆنێ خوه‌ تێدا دیتى رابوو ب ئازراندنا هزرا خه‌لكه‌كێ و دیسان رولێ ڤێ خواسته‌كێ میدیایێ پتر دا به‌ر داسێن ئازراندنێ، له‌ورا دبیت چجاران ده‌ ستهه‌لاتێ ئه‌و ئیراده‌ نه‌دا یه‌ به‌ر چه‌نگێن خوه‌ كو بكاریت رێزێ ل یاسا و پره‌سپێن خوه‌ بگریت، به‌لكو هه‌رده‌م خواستیه‌ بویه‌رو تراژیدێن بورى دوباره‌بكت و ل سه‌ر وێ دوباره‌كرنێ ئیهانه‌تێ ل قه‌له‌م بده‌ت. بنێره‌ روژئاڤا، تراژیدێن خوه‌ ژ بو مفاوه‌رگرتن و هشیاربوونا عه‌قلێ خوه‌ بكاردئینت. گاڤا كو وان خواست دیرۆكێ ته‌ماشه‌بكن، هه‌ولدده‌ن بهایێ دیرۆكا خوه‌ ب داهێنانێن ئاڤاكه‌ر پێشكێشى جیهانێ بكن. له‌ورا ژى دیرۆكا وان ب پیرۆزى دهێته‌ راگرتن و پاراستن. لێ ل روژهه‌لاتێ ئه‌م خوه‌ ب پیروزى نیشانى هه‌ڤدوو نا ده‌ین. به‌لكو دیرۆكا چوى د گه‌ل یا نها تێكهه‌لى هه‌ڤ دكه‌ین و جوداهیا وێ فام ناكه‌ین. چونكو ئه‌م رێزێ ل یا چوى ناگرن و پێداچونێ تێدا ناكن، ژ به‌ر ڤێ ژى هه‌رده‌م دبینه‌ خودان دیرۆكه‌ك پرى شاشى و هه‌ڤركى.
ل ڤێره‌ هه‌گه‌ر مه‌ بڤێت دیرۆكا خوه‌ ناس بكه‌ین، گرنگه‌ ل سه‌ر بنگه‌هێ هزرا ئازاد ئه‌م پێشهاتێن هه‌ڤدۆ قه‌بوول بكن. ئه‌ڤجا گه‌ره‌كه‌ ئێدى تاك، ده‌ستهه‌لات ، ئوپۆزسیون روحا ئێگرتنێ بپارێزێن و ب هزرو كریارێن راست هه‌ڤدو ناس بكن. ژ به‌ر كو ئه‌وا ئیرۆ هلداى پارچه‌ك ژجه‌وهه‌رێ وێ كورداتیێ هات ژ ناڤبرن و ئیهانه‌تكرن. ئه‌ڤێ یه‌كێ ژى ئیرادا تاكێ كورد به‌ره‌ڤ هزره‌ك نه‌چاڤه‌رێكرى بێ باوه‌ریێ ده‌ بر، چونكو گاریگه‌ری كه‌فت دناڤبه‌را ده‌ستكه‌فت و چاره‌نیڤیسان ده‌ و ئه‌نجامدانا گشتپرسیێ بوگه‌لێ كورد هیڤێن مه‌زن بوون ژ به‌ر كو كوردان د ڤێ ره‌وشێ ده‌ هه‌لویستێ خوه‌ بۆ ده‌وله‌تێن جیهانێ هه‌موویان دا دیاره‌كرن كو ئێدى د خوازن ب بن خودان مافێن خوه‌ێن ره‌وا و خوینا شه‌هێدێن وان بهێته‌ بلندكرن ل سه‌ر ئاخا كوردستانێ. لێ ئیرادا كوردان یا به‌ر هه‌رڤنه‌بوو ژ بوو ڤى چارچوڤه‌ى، ئه‌ڤێ یه‌كێ ژى لاوازیا كوردان ئیسپات كر بو ده‌وله‌تێن دوژمن و سه‌ره‌راى وێ یه‌كێ ژى ده‌وله‌تێن كو دخواست هاریكارى پشته‌ڤانیا خوه‌ ژبو گه‌لێ كورد دیاربكن د لایه‌كێ ده‌ مان بێده‌نك و نه‌هاتن ل سه‌ر خه‌ت . ئه‌ڤه‌ ژى بو ئێك ژ وان هه‌لویستێن بێ لایه‌ن كو گاریگه‌رى كره‌ ل سه‌ر ره‌وشا هه‌ریمێ، ژ لایه‌كێ دیڤه‌ یۆ ئێن ب خوه‌ ژى كه‌ڤته‌ دبن بارێ ڤشارێ ده‌ به‌لكو خواستا وێ بو ئێگرتنا كوردان نه‌بوو.
له‌ورا پێویسته‌ گه‌لێ كورد و هه‌موو پارتێن سیاسى رێزێ ل هه‌لویستێن هه‌ڤدو بگرن و ده‌ست بكن د ناڤ ده‌ست رولێ خوه‌ یێن دیمكراسى د ناڤ هه‌ریمێ ده‌ پیشان بده‌ن و ژ بو ده‌وله‌تێن دوژمن دیاربكن كو كورد هه‌رده‌م شیاینه‌ د ناڤا چه‌په‌رێن شه‌ران ده‌ به‌رخودان و هێزو ئیرادا خوه‌ ب خوراگرى بلند بكن. دا كو ئێك رێزییا مالا كوردى د چارچوڤێ دیمكراسیه‌تێ بهێته‌ پاراستن و ده‌وله‌تێن سه‌ره‌ده‌ست ب چاڤێن كه‌یڤێ ته‌ماشه‌ى گه‌لێ كورد نه‌كن . ژ به‌ر كو ده‌ما شه‌رێن رێكخراوا تیرویا داعش هلداى پیشمه‌رگێن قاره‌مان ل هه‌مبه‌رى ڤێ هێرشێ شیان هێزا خوه‌ نیشانى هه‌موو جیهانێ بده‌ن ئه‌ڤێ یه‌كێ ژى به‌رسفا ده‌وله‌تێن دوژمن دا كو كورد خودان ئیراده‌نه‌ به‌لكو د هه‌ر ده‌م و كاودانه‌كێ ده‌ دكارن ئێك رێزییا ناڤ مالا كوردى ب پارێزن بێ جیاوازى و هێز و وه‌رارا وان دكاره‌ خوه‌ ل به‌ر سینگێ هه‌ر دوژمنه‌كێ كاودانه‌كێ بگره‌، له‌ورا بلا كورد ئێدى خوه‌ ب دوباره‌كرنا ڤان تراژیدیان نه‌خاپینن ڤه‌ و نه‌ بن دارده‌ستێن ده‌وله‌تێن دوژمن داكو ده‌وله‌تبوونا خوه‌ مسوگه‌ر بكن .

31

شكسپیر دبێژت:”بۆ سه‌لماندنا شارستانى و تێگه‌هشتنا هه‌ر ملله‌ته‌كێ ئاستێ تێگه‌هشتنا ئافره‌تا وان بهه‌لسه‌نگینه‌”. من دڤێت ئه‌وا ل سه‌ر وێنه‌گه‌هێ هه‌ڤبه‌ركرنا ئه‌خلاقێ ژنى هاتیه‌ راسته‌ رێكرن بده‌م زانین، ژن دكه‌ڤن دا وه‌سا هاتبوو پێناسه‌كرن كو ب تنێ ئه‌و دكاریت وارێ پێكئینانا خێزانێ، په‌یداكرنا زارۆیان، تێركرنا حه‌زان ب كه‌دا خوه‌ڤه‌ بگریت. لێ دیاره‌ ژن د جڤاكێن پێشكه‌فتى دا ل سه‌ر بیرۆكه‌كێ هاته‌ ئاڤاكرن كو ئێدى ره‌وشتێ وێ دكارت خالێن ژیانێ به‌ر ب ره‌وشنگه‌ریێ ببت و بۆ ئێك ژ هێمایێن ئالته‌رناتیڤیا ته‌یوورێن هه‌بوونا ئازادیا خوه‌. گرنگیا ژنێ ل سه‌ر ئه‌ڤێ چه‌ندێ هاته‌ په‌یره‌وكرن كو ئێدى دكارت پشكدارى هه‌ر پرۆسێسه‌ك و چالاكیه‌كێ ببت.
ئها ل ڤێره‌ گه‌لۆ چ بوو ئه‌گه‌ر كو ژن به‌ر ب ڤى ئاستى ده‌ربچیت و هه‌ڤبه‌ركرنا مه‌عریفێ و ره‌وشنگه‌ریێ د فكرا خوه‌ دا بده‌ته‌ خواندن و ئه‌خلاقه‌كێ پێگه‌هشتى د ناڤا جڤاكێ خوه‌ دا په‌یره‌و بكه‌ت؟ دیاره‌ ئه‌وا ل سه‌ر ئه‌خلاقێ ژنێ هاتیه‌ هه‌ڤبه‌ركرن، پێگریكرن بوو د ئاست و رۆلێ وێ دا، كو ژ بلى ره‌گه‌زبوونا خوه‌ مرۆڤه‌ و خوه‌دان بیرۆكه‌كا ب هێز و بریار و پره‌نسیپه‌ و هه‌ر تشت ل سه‌ر زولم زۆردارى و توندوتیژیا خوه‌ دا زانین كو ئێدى ئه‌و نه‌ ب تنێ بۆنه‌وه‌رك خوه‌زایى/ مێ یه‌ به‌لكو دا دیاره‌كرن كو ئێدى ئه‌و دكاریت ل دووڤ هه‌ر پێنگاڤه‌كێ رێكخراوه‌كێ درۆست بكه‌ت و ئه‌قلێ خوه‌ بۆ كارێن “جڤاكى، سیاسى، كومه‌لایه‌تى، فكر و فه‌لسه‌فێ و… هتد”بده‌ته‌ كاركرن. ڤێ یه‌كێ جهێ ژنێ د ناڤ جڤاكێن پێشكه‌ڤتى دا كره‌ رۆناهیا هه‌رى مه‌زن و فكر و ئه‌خلاقێ وێ ل سه‌ر تیۆرێ زانستى دا ئاڤاكرن ئه‌ڤ ئێك ژى بوو رێیه‌ك هه‌رى ئاسان ژ بۆ ژنێ ل گۆر پێكۆل و بزاڤێن ئازادی و ئه‌خلاقى شیا سه‌ركردایه‌تیا خوه‌ د جومكه‌یێن ده‌ستهه‌لاتێ دا بده‌ ته‌ ئاراسته‌كرن. له‌ورا ژى ئه‌ڤێ یه‌كێ ژن هلدا كو ئێدى ئه‌و ب كێرى جڤاكا خوه‌ وه‌ره‌ و گرنگیا په‌یوه‌ندیێن ئازادبوونا خوه‌ ل قه‌له‌م بده‌ت و بۆ خه‌لكه‌كێ بسه‌لمینت كو ئه‌و ژى خوه‌دان هێز و هزرمه‌نده‌.
مخابن دیاره‌ هه‌تا نها د ناڤا رۆژهه‌لاتا ناڤێن دا ژنێ رۆله‌كێ كێم جهێ خوه‌ هه‌بوویه‌ ئه‌ڤێ یه‌كێ ژى باندۆره‌كا نه‌رینى كره‌ سه‌ر ئه‌خلاق و ره‌وشنگه‌ریا ئازادیا وێ ل ده‌ڤه‌رێ. چونكو ده‌ستپێكا هه‌بوونا ژنێ ل سه‌ر به‌گراوه‌ندێ بنه‌ره‌ت هاته‌ پێناسه‌كرن و ژن ب وێ بێ هێزى لاوازبوونا خوه‌ ڤه‌ نه‌ شیا ڤاڤارتنا ماف و ئازادیا خوه‌ بكت. ڤێ چه‌ندێ ژى هێدى هێدى هه‌بوونا ژنێ دامراندن و هێزا وێ هاته‌ ترساندن هه‌موو كه‌ڤته‌ بن باندۆرا هێزا ره‌گه‌زێ نێر دا، له‌ورا ب تنێ وه‌ك ئالاڤ كه‌فت به‌رده‌ست و ل سه‌ر پاشخانێن دیرۆكا كه‌ڤنار وه‌ك ژنه‌ك ساده‌ سه‌ره‌ده‌رى ل گه‌ل دهاته‌كرن هه‌تا هنده‌ك جاران سڤكایه‌تى ب ژن و ئه‌خلاقێ وێ دهێته‌كرن. ل ڤێره‌ پرسه‌ك خوه‌ نیشامه‌ دده‌ت گه‌لۆ بۆچى هه‌تا نها ژنێ ئه‌و پرس ل خوه‌ نه‌كریه‌ كا وه‌ك بوونه‌وه‌ر وێ چ دڤێت؟ دیاره‌ بنده‌ستیا وێ رهێن خوه‌ یێن به‌رداینه‌ د ناڤا فكر و خوه‌ نه‌ ناسكرنا وێ دا و خاله‌كا دیتر ب هزرا من گرنكترین پێڤه‌رێ گاریگه‌رى كریه‌ سه‌ر نه‌رین و بیروبۆچوونێن ژنێ پرانیا ژێده‌رێ فكرا وێ ژ په‌یره‌وێ “جڤاكى، ئۆلى، كلتوورى و… هتد”. ئاڤا بوویه‌ كو دو رێك ل به‌ر ژنێ ته‌سكتربووینه‌ نه‌مازه‌ ژن د كاودانه‌ك هۆسا دا پێدڤى ب قووناغێن لێگه‌ریانا گونجاندن و دابرنا ژیانا ئازادا نه‌یه‌. وه‌كى دكتۆر عه‌لى ئه‌لوه‌ردى دبێژت: “ب شێوه‌كێ گشتى نه‌یا هێسانه‌ پره‌سیپێن جڤاكى ب شێوه‌كێ ئیسكه‌ر ژ ناڤ دلێن خه‌لكى بچن. ڤان پره‌نسیپان ره‌هێن خوه‌ كوور یێن برینه‌ دنه‌ستى دا و ركێ دگرن دا كو خوه‌ راگرین بۆ ده‌مه‌كێ درێژ تاكو دگه‌هیته‌ وێ راده‌ى ره‌فتاران بكه‌ته‌ دبن كۆنترۆلا خوه‌ دا سه‌ره‌راى وێ یه‌كێ كو نها بارودۆخ یێ گونجاى نینه‌ بۆ وان ره‌فتاران”, دیاره‌ ئه‌ڤ پره‌نسیپه‌ بوونه‌ ئه‌گه‌رێن سه‌ره‌كى ژ بۆ پاشكه‌ڤتنا ژنێ، ل سه‌ردا پوشینا ئه‌ڤى په‌رده‌ى ژنێ خوه‌ دا نخافتن و نه‌ هێلا ئازادى یه‌كسانیا وێ بهێته‌ به‌ر پاكرن. لێ ئه‌ڤ تێگه‌هشته‌ بوو بنگه‌هێ ئه‌خلاقى ل جه‌م ژنێ و د ئاله‌كێ دى دا ژنێ نه‌خواست ئه‌و په‌روه‌ردا دبیته‌ بنگه‌هێ چاكسازیی دیمۆكراسیه‌تا وێ ل سه‌ر ئازادیا وێ بهێته‌ سه‌پاندن. لێ تشتێ كو ژن ب گرنگیا خوه‌ د زانت پێویسته‌ د دره‌نگمانا خوه‌ دا نه‌ دت كاركرن، چونكو بنگه‌هێ ئازادیا ژنێ ژ ده‌ستپێكرنا سیسته‌مێ شارستانیا داهاتیێ ئه‌ده‌ب و خوه‌ ناسكرن و هێزا وێ دهێته‌ به‌ر ره‌هێن چه‌سپاندنێ. له‌ورا گرنگه‌ ژن د ماوێ مایى دا پتر ل سه‌ر بیروكه‌ و راستیا پره‌سیپێن ئه‌خلاقى ناسكرنا خوه‌ بسه‌كنیت و ئه‌خلاقێ خوه‌ ل سه‌ر مانته‌لیته‌یا سۆسیۆلوگى ئاڤا بكت.

32

هه‌ر تشت ل گۆر پیێكهاتا جڤاك، ئۆل، نه‌ته‌وه‌، چاند و هونه‌ر دهێته‌ ژیانكرن و تێكستكرن، بێگومان قه‌یرانێن جودا جودا ل هه‌ر وه‌لاته‌كێ روو دد‌ن، لێ ب ئاستێن جودا، ل وه‌لاتێن كو قانوون تێدا سه‌روه‌ر، هه‌ر قه‌یرانه‌كا په‌یدا دبت نێزیك یا دی یه‌ و جۆره‌كێ په‌یوه‌ندیێ ل گه‌ل هه‌یه‌، ژ به‌ر كو جڤاك ل سه‌ر بنگه‌هه‌كێ قانوونی و بوها و پره‌نسیپێن ته‌ڤاهی هاتیه‌ دامه‌زراندن، له‌ورا ژی گاڤا كو چاره‌سه‌رییان دبینن، قه‌یران ل سه‌ر هه‌موو ئاستان سڤك دبن. دیاره‌ هه‌ر وه‌لاته‌كێ مێتۆده‌كا پێشكه‌ڤتنێ بۆ خوه‌ هلبژارتیه‌ ئه‌و ژی ل سه‌ر ماهیه‌تا جڤاكێ وه‌لاتی دمینت، بنێره‌ حوكمه‌تا وه‌لاتیێن رۆژهه‌لاتا ئاسیا و ئه‌مریكا لاتینى شێوازه‌كێ جودا بخوه‌ هه‌لبژارتیه‌، ل وه‌لاتێن رۆژهه‌لاتا ئاسیا، گرنگى دانه‌ كه‌رتێ په‌روه‌ردێ دا كو تاكه‌ك هشیار و ره‌وشه‌نبیر ئاڤا ببت، به‌لێ ل ئه‌مه‌ریكایا لاتینى ده‌ستهه‌لات گرنگیێ ب هه‌ست و هزرا نه‌ته‌وه‌یی دده‌ت و وه‌سا هه‌ڤوه‌لاتیه‌كێ ئازا و به‌رهه‌مهێنه‌ر ئاڤا دكت، كو خزمه‌تا وه‌لاتێ خوه‌ بكت، به‌رژوه‌ندیا گشتى بپارێزت، زێده‌باری پاراستنا به‌رژه‌وه‌ندیا تاكه‌كه‌سی و گه‌شه‌كر‌نا ئاستێ ژین و ژیارا خێزانێ هه‌تا كو ل دووماهیێ جڤاكه‌كێ خوه‌دان هیمه‌ت ئاڤا دبت و ل سه‌ر سیسته‌مه‌كێ ساز و دورست به‌رده‌وام ببت.‌ لێ سه‌ره‌راى ڤان هه‌موو پێشهات و نموونه‌یان: تا نها رۆژهه‌لاتا ناڤه‌راست ئه‌ڤ ئیك نه‌دایه‌ فامكرن، چو مێتۆدێن ئاشكه‌را بۆ پێشكه‌ڤتنا تاك و جڤاكی نه‌بوونه‌، له‌ورا ژی قه‌یرانان سه‌رهلدانه‌ و ل جهێ دیتنا هنده‌ك چاره‌سه‌ری و ئالته‌رناتیڤان و پێشبینییان بۆ داهاتوویی ده‌ستودار ئالووز بوویه‌، وه‌ك كو كورد دبێژن د ده‌ست هه‌موویان ده‌ رۆهن بوویه‌! ئێك ژ سه‌ده‌مێن سه‌ره‌كی بۆ ڤێ ره‌وشێ، نه‌بوونا گرنگی و پویته‌دانێ ب زانست و مه‌عریفێ یه‌. جڤاكێ كوردی هه‌رده‌م قوربانی پێخه‌مه‌ت ماف و دۆزا خوه‌ یا ره‌وا دانه‌، به‌لێ مخابن هه‌تا نها نه‌شیایه‌ وه‌ك پیدڤی خزمه‌تا وێ دۆزێ بكت یان مافێن خوه‌ یێن ره‌وا ته‌كه‌ز بكت و سه‌ده‌م ژی نه‌بوونا هزر و ئه‌قله‌كێ ره‌وشه‌نه‌، كو نه‌شیایه‌ قوربانیێن خوه‌ ب ئاوایه‌كێ دورست ته‌وزیف بكت.‌ دیاره‌ جڤاك هینگێ ب هێز دبت ده‌مێ كو تاكه‌ك ئازاد و به‌رهه‌مدار ئاڤا دبت، به‌لێ به‌ری هینگێ گه‌ره‌كه‌ زه‌مینه‌ و حازینه‌ بۆ تاكی هه‌بت، ‌ئه‌و ژ ئالێ مانه‌وی ڤه‌ و ژ ئالێ ماددی ڤه‌ ژی، چو گرینگی ب ئالاڤ و ئه‌له‌مه‌نتێن ژیانا سه‌رده‌م نه‌هاته‌ دان، داهات و سه‌روه‌ت و سامان ب جاره‌كێ ب هه‌ده‌ر دچن، له‌ورا ژی تاك ژ هه‌ردو ئالان ڤه‌ هه‌ژاره‌، هه‌م ژ ئالێ مانه‌وی هه‌م ژی ژ ئالێ ماددی ڤه‌. زێده‌باری وێ باندۆرا خراب ل سه‌ر كارێكته‌را تاكی، هه‌بوونا هنده‌ك پرسگرێكێن هه‌لاویستی و قه‌یرانێن جودا د وارێ سیاسی، قانوونی، ئابووری و دارایی دا، ئالیسه‌نگی د پسیكۆلۆژییا تاكه‌كه‌سی دا كریه‌، ئێدی هه‌ست ب ئه‌مان و ئاشتیێ ناكت، هه‌تا وێ رادێ جوداهیێ د ناڤبه‌را خه‌ون و مافێن خوه‌ دا نزانت. د غیابا تاكه‌كه‌سه‌ك نه‌هشیار، هه‌ژار و نه‌ دورست ده‌، نه‌كاره‌ ئه‌م وه‌كو هه‌رێمێ ببن هێزه‌ك كو سه‌رده‌ست هزره‌كێ بۆ بكن، ل ده‌مه‌كێ كو ئه‌وان كارێن مه‌زن ل سه‌ر ژێرخانه‌ و سه‌رخانێن خوه‌ كرینه‌ و تاكه‌كێ ئاماده‌ ئاڤاكرینه‌. مرۆڤێن كو نه‌خوازن كار بكن، ده‌می دكن به‌هانه‌ و دبێژن دره‌نگه‌، به‌لێ ئه‌ز دبێژم دره‌نگ نینه‌ ب تایبه‌ت بۆ كارێن باش، له‌ورا گه‌ره‌كه‌ سیاسه‌ته‌كا نوو بهێته‌ دارژتن كو زه‌مینه‌ و حازینه‌ك خوه‌ش و ساز ئاماده‌ بكت، ئه‌ڤجا كار ل سه‌ر هه‌موو ئاستان بهێته‌ كرن سه‌خمه‌راتی ئاڤاكرنا تاكه‌كێ هشیار، زانا و ده‌وله‌مه‌ند ژ هه‌ر ئالی ڤه‌ و هینگێ ئه‌م دكارن بێژن كو جڤاكه‌كێ ساخله‌م دێ په‌یدا بت، چونكو تاك بنسترا جڤاكی یه‌ و جڤاك بنسترا ده‌وله‌تێ یه‌.

39

كورد ب هه‌بوون ناسكرنا خوه‌ یا ده‌سپێكى په‌یدابوونا شۆره‌شێن ئالۆز و بنده‌ستى و ته‌ڤایه‌تیا پێكڤه‌ژیانێ به‌رده‌وامى دا رێیا خۆناساندنێ ب هه‌ر شێوه‌كى ل سه‌رده‌مێ ئه‌فسانه‌یێن كه‌ڤنار هزر دكر كو گوهۆرین بێ توندو تێژى ناهێته‌ كرن، د دیرۆكا هه‌ر گه‌له‌كێ دا چه‌ندین تراژیدى هه‌نه‌ و هه‌ر تراژیدیه‌ك ژى ب شێوه‌كێ دهێته‌ پێش لێ گرنگیا ڤان تراژیدیان هه‌تا نها گه‌لێ كورد چه‌ند شیایه‌ وه‌ك په‌ند وه‌ربگریت، گه‌لێ كورد د ڤان بۆیه‌رێن ب ئێش دا خوه‌ هه‌ژمارتیه‌ كو گه‌لێ مرۆڤاتیێ، ئولى، نه‌ته‌وه‌ى، كو ئه‌گه‌ر ئه‌م ملله‌ته‌كین ل سه‌ر ڤان هه‌ر سێ په‌ندان، چبین ئه‌م هه‌تا نها د ڤێ قووناغێ دا د بن هێلێن سۆر دا بووین، ژ به‌ر كو ئه‌م د چه‌ند گرێیه‌كاندا ماینه‌ بێ ڤاڤارتن، هه‌ر دیرۆكه‌كا توندوتیژى ل سه‌ر هاتبیته‌ سه‌پاندن ل به‌ر ده‌رزاینگا كرفتان دا ده‌ربازنه‌بوویه‌ ئه‌گه‌ر ئه‌م به‌رێ خوه‌بده‌ینه‌ وه‌لاتێ تونس گوهۆرینا ده‌ستهه‌لاتێ بێ توندوتێژى هاته‌كرن، ل ڤێره‌ مه‌رج نینه‌ كو شۆره‌ش بهێنه‌ گوهۆرین له‌ورا هه‌كه‌ بنێرین ب درێژهیا دیرۆكا كوردانه‌ كو جه‌نكێن دژوار ل گه‌ل دوژمنان كرین، لێ بۆ شۆره‌شێ نه‌هاتینه‌ گوهۆرین! چونكو ته‌ڤگه‌رێن كورد و بهارا عه‌ره‌بى هند گرنگى نه‌ دایه‌ پاشخانێن هزرى و فه‌لسه‌فێن شۆره‌ش و گوهۆرینێ، به‌لكو پتر وه‌ك مافێن نه‌ته‌وه‌ى سیاسى كار بۆ ته‌ڤگه‌را هاته‌ كرن ژ به‌ر كو پشتى ڤان هه‌ردو نموونان مه‌ نه‌شیا كار بۆ ته‌ڤگه‌را شۆره‌شێ و جڤاكان پشتى گوهۆرینێ بكه‌ین و ئه‌ڤه‌ ژى بوو ئه‌گه‌رێ ئالۆده‌بوونا دیرۆكه‌كا نژیارگه‌رى، جڤاكێ پشتى كوهۆرینا شۆره‌شێ په‌یدابوو بێ كو هزرگه‌رى دیمۆگرافى په‌یدابیت و گه‌ل ها تنا بایێ عه‌وله‌ مه‌كا بێ میكانزمى سه‌رهلدا و د ڤێ وه‌چه‌رخانێ دا گه‌لێ گورد كه‌ڤته‌ د بن سێ هوشمه‌ندیان دا ئه‌و ژى، دیرۆكى و تیرۆرى و پراكتیكى، ل ڤیرَه‌ هوشمه‌ندیا دیرۆكى ده‌ربرینێ ژ دوهى دكه‌ت و هوشمه‌ندیا تیرۆرى ده‌ربرینێ ژ ئه‌ڤرۆ دكه‌ت و هوشمه‌ندیا پراكتیكى ده‌ربرینێ ژ سوبه‌هى دكه‌ت “ئه‌ڤجا ب ڤێ تێگه‌هشتنێ شۆره‌شا خۆگوهۆرینێ نه‌ گریداى هه‌ژارى، گه‌نده‌لى هه‌تا دووماهیێ یه‌…به‌لكو گرێداى وێ چه‌ندێ یه‌ ئه‌رێ؟ ئه‌م ئه‌ڤرۆ چه‌ند پێدڤى ب خۆره‌وشنبیركرنێ و خۆچێكرنێ یه‌ د ئاڤا هیێ خوه‌ دا، ئه‌رێ؟ ئه‌م چه‌ند خو بینن كه‌سێن خودان ماف ئه‌رك د سه‌متا هوشمه‌ندیێ دا دكو بكارێن بزاڤا ده‌ستڤه‌ئینانێ بكه‌ین، دیاره‌ وه‌ك سه‌ر پێهاتێن شۆره‌شان به‌رچاڤ دكه‌ن، له‌ورا ئه‌ڤرۆ ئه‌م پێدڤى چه‌ندین رێك و ریشالیا ره‌وشتى و ژینگه‌ها هزرینه‌ ل هه‌مبه‌ر شۆره‌ش و دیرۆكا گه‌لێ خوه‌ چونكى ئه‌ڤ پاشخانه‌یا نها ئه‌م تێدا ده‌ربرینێ ژ وێ ئێكێ ناكه‌ت كو ئه‌م یێ د بێ شۆره‌شه‌ك نه‌ هزرگه‌رى نه‌خزمه‌تى دا ده‌ربارزبووین، لێ ئه‌ڤ وه‌رچه‌رخانا نها ئه‌م تێدا ده‌ربازبیت پێدڤى ب هه‌ستێن دیرۆكى هزرى هه‌ڤقه‌بوولكرن پێكڤه‌ ژیان و دیالۆگى ینه‌ داكو به‌ر ب پتر ره‌وشه‌نبیرى عه‌قلانى و ئازادیێ ڤه‌ بچین، چنكى دیرۆك وێ ژمه‌ ناخوزایت ئه‌م د پاشدا چووی بین، به‌لكو پتر ل سه‌ر سه‌وه‌ریا هه‌ڤخوازى نووبوونێ پێشكه‌ڤتنێ ڤه‌ بچین.

122

خه‌مۆكى ئێك ژ وان فاكته‌رانه‌ كو پڕانیا جاران ژ نیشكه‌كێ ڤه‌ په‌یدا دبیت و دبیته‌ ئه‌گه‌رێ ب هێزێ لاوازیا مرۆڤى دچه‌ندین كاروكریاران دا، لێ خالێن هه‌ره‌ گرنگ كو په‌یدابوونا خه‌مۆوكیێ ئه‌وه‌ ده‌مێ میشكێ مرۆڤى به‌ر ب خاله‌كا نه‌رێنى دچیت وى ده‌مى خه‌مۆكى ده‌ست پێ كه‌ت ل ڤێره‌ گه‌له‌ك جۆرێن خه‌مۆكیێ هه‌نه‌ ئه‌و ژى ئه‌گه‌رێ (بایۆلۆجى، ده‌روونى، نه‌خۆشى) زۆر جاران ئه‌ڤ جۆرێن خه‌مۆكیێ د زكماكى دا رۆلێ خوه‌ هه‌یه‌ هنده‌ك جاران ژى بێ زكماكى په‌یدا دبن، لێ ئه‌ڤ كه‌سێ ئه‌ڤ پێكهاته‌ بێ زكماكى هه‌بیت ئه‌و یێ به‌رهه‌ڤه‌ تووشى نه‌خۆشیێ بیت هه‌ر دیسان هنده‌ك فاكته‌رێن دى یێن هه‌ین كو هاریكارن بۆ په‌یدابوونا خه‌مۆكیێ ژ وان ژى به‌رئاتاڤبوون و كاودانێن ده‌روونی یێن دژوار، دیسان كێمیا ڤه‌گوهێزنه‌رێ ده‌ماران هورمونان (سیروتونین) د مێشكى دا دبیته‌ ئه‌گه‌رێ په‌یدابوونا ئالۆزى تێكچوونا هنده‌ك ده‌مارێن دى د كارڤه‌دانا مێشكى دا ل ڤێره‌ عاجزى و تۆره‌بوون په‌یدا دبیت، لێ خالا من دڤێت ئاماژێ پێ بكه‌م ئه‌وه‌ كو زۆربه‌یا جاران خه‌مۆكی ژ ئه‌گه‌رێ ژ ده‌ستدانا تشته‌كێ زۆرێ گرنگ د ژیانا مرۆڤان دا په‌یدا دبیت یان ژى تێكچووونا په‌یوه‌ندیێن ئه‌ندامێن خێزانى هه‌روه‌سا ژێك جودابوونا دایك و بابان گهۆرینه‌كا ئیكجار زۆر دكه‌ته‌ سه‌ر فشارا مێشكێ مرۆڤى د ژیانا رۆژانه‌ دا و پڕانیا وان كه‌سێن هه‌ست ب هه‌بوونا خه‌مۆكیێ دكه‌ن ئه‌ڤ نیشانه‌ ل نك په‌یدا دبن ئه‌و ژى گێولێ وى یان وێ تێك دچیت پۆسیده‌ دبیت، به‌رده‌وام هزرێن ره‌شبین خوه‌ ل مێشكێ وان دده‌ن هه‌روه‌سا هزر دكه‌ن كو شانسێ وان د ژیانێ دا نینه‌ پاشه‌رۆژا وان یا گه‌شبین نینه‌ هیڤى و ئومێد نامینن هه‌ست دكه‌ن كو تشت ژ بیرێ دچن، دیسان تێكچوونا خه‌وێ ل نك په‌یدا دبیت به‌هرا پتر خه‌وا وان كێم دبیت ره‌نگه‌ ئێڤارى بنڤیت به‌لێ ب شه‌ڤ ده‌مژمێر دوى شه‌ڤێ دێ هشیار بیت و خه‌وا وى یان وێ ناهێت دیسان تێكچوونا خارنێ ژى ل ده‌ڤ په‌یدا دبیت یان زێده‌ دبیت و ته‌ هند دیت سه‌نگێ وان به‌ره‌ڤ بلندبوونێ یان نزمبوونێ چوو و به‌رده‌وام حه‌ز كه‌ن ل جهه‌كى ب تنێ بن ڤه‌ده‌ر بن ده‌نگ نه‌چیتێ له‌شێ وان گران دبیت و نه‌شێت یێ چالاك بیت و پرانیا جاران هزرێن وان به‌ره‌ڤ نێگه‌تڤیێ ڤه‌ دچن و هه‌ست ب گونه‌هباریێ دكه‌ن تا بگه‌هنه‌ حاله‌تێ بێزاربوونێ و خوه‌كوشتنێ، لێ ئه‌ڤه‌ ژى دێ گه‌هیته‌ ئاستێ چاره‌سه‌كرنا ده‌روونى ژلایێ نۆشداران ڤه‌ ده‌رمانان دێ بكارئینن تاكو ژ ژیوارێ خه‌مۆكیێ ده‌رباز دین وه‌كى گه‌له‌ك جاران خودانێن ڤان جۆره‌ نه‌خۆشیان ئاماژه‌ دایه‌ وێ چه‌ندێ كو بكارئینانا وان هنده‌ك جاران یا باشه‌ هنده‌ك جاران به‌ره‌ڤ خرابیێ دچن ل ڤێره‌ باشترین رێك و چاره‌سه‌رى ئه‌وه‌ دێ چاوا ئه‌ڤ كه‌سێن خودان نه‌خۆشیێن ده‌روونى خوه‌ ژ وێ خه‌مۆكیێ رزگار دكه‌ن بێ كو سه‌ره‌دانا نۆشداران بكه‌ن یان ژى هزرێن وان بزڤرن بۆ كارڤه‌دانێن ئه‌رێنى ڤه‌؟ جاره‌كا دى ئه‌و ژى ئێكه‌م پێنگاڤ ئه‌وه‌ كو رێكێ نه‌ده‌ته‌ مێشكێ خوه‌ هزرێ بكه‌ت و به‌رده‌وام خوه‌ بكاران ڤه‌ موژیل بكه‌ت و رۆژانه‌ رابیت ب كرنا وه‌رزشه‌كا چالاك داكو هه‌مى ئه‌ندامێن له‌شێ وى ئه‌كتیڤ بن و هه‌ر دیسان به‌رده‌وام پێكولێ بكه‌ت ژ وى جهێ ب تنێ بوونێ خوه‌ دوور بكه‌ت قه‌ستا ناڤا مرۆڤان بكه‌ت و بكه‌ڤیته‌ دانوستاندنێ و رۆژانه‌ لاپه‌رێن نوویاتیان د مێشكێ خوه‌ دا ئاڤا بكه‌ت و پرۆڤان ل سه‌ر وان نوویاتیان بكه‌ت و هزرێن نه‌رێنى د مێشكێ خوه‌ دا ئیهمال بكه‌ت و بگهۆریت بۆ هزرێن ئاڤاكه‌ر و ئه‌رینى، دا كو ژ ژیوارێ خه‌مۆكیێ رزگار بیت و تووشى حاله‌تێ خوه‌كوشتنێ نه‌بیت.

45

كوردستان ژئالیێ ناڤخۆیى و جوگرافى جیبوپولوتیكى ڤه‌ د ناڤبه‌را چار ده‌وله‌تان دا دابه‌ش بوویه‌، ئه‌و ژى ل ژێر درووشمێن ئۆتۆنۆمى، فیدرالى، سه‌ربخۆبوونێ پێنگاڤا دهاڤێژیت، ئانكو دكارین ب گۆره‌یى زمانێ سیاسى بێژین دو گرۆپێن كوردى ب ناسنامێ ڤه‌ گرێدایه‌ و باشترین رێیا چاره‌سه‌ریێ و ده‌لیڤێن باش و رێكێن هزرێن درێژخایه‌نن د وێ باوه‌ریێ دایه‌ كو چاره‌سه‌ریا ئۆتۆنۆمى و فیدرالیێ و پرۆژێن ده‌مكورت ده‌مكینه‌، دیسان ڤى گرۆپى ره‌وشته‌كێ سیاسى هه‌یه‌ پتر رژدیێ ل سه‌ر رێزگرتنا جڤاكێ كوردى مافێ تاكه‌كه‌سى و ئێكرێزیا ناڤمالا كوردى دكه‌ت. لێ ئه‌گه‌ر ئه‌م ته‌ماشه‌ بكه‌ین كو سه‌رخوه‌بوون كاره‌كێ نه‌مومكینه‌ و دبێژن چ پارته‌ك نكاریت ڤێ بكه‌ته‌ راستى و د وێ باوه‌رێ دانه‌ كو ریفراندۆم نه‌بتنێ گرێدای ئیرادا گه‌لێ كورده‌، به‌لكو پتر یاگریدای بیردۆزێن سیاسی یه‌ ل ده‌ڤه‌رێ و به‌رژه‌وه‌ندێن ده‌وله‌تان، له‌ورا خالا هه‌ره‌ گرنگ ئه‌و بوویه‌ كو كارتێكرنێن نێگه‌تیڤ د چاره‌نفیسێ كوردان داكریه‌، ده‌لیڤێن مفا وه‌رگرتنێ ژ ده‌مێ سیاسى و كاودانێن سیاسى نه‌ئێگرێزیا ناڤمالا كوردى نه‌بوونا په‌یڤه‌كا هه‌ڤپشكا سیاسى بوویه‌، وه‌كى نها ئه‌م دبینین كو رۆژ بۆ رۆژێ كوردستان یا به‌ره‌ڤ پێشكه‌فتنێ دچیت و پێنگاڤێن باش ژلایێ سه‌ركردێن مه‌ڤه‌ دهێنه‌ هاڤێنن، لێ مخابن هنده‌ك ژ مه‌ كوردان بزاڤێن تێكدانا بارودوخێ كوردستانێ و ژ ده‌ستدانا ده‌ستكه‌فتان دكه‌ن سه‌ره‌راى وێ چه‌ندێ ژى كو ملله‌تێ كورد ژى مه‌زنترین نه‌ته‌وه‌یه‌ ل جیهانێ بێ ده‌وله‌ت دژیت و مینا وه‌رچه‌رخانه‌كا دوور و درێژ و خه‌باته‌كا بێ راوه‌ستیان به‌رده‌وامى د ناڤبه‌را چار ده‌وله‌تێن هه‌ڤسوز دا كریه‌، تا نها ژى كورد د ناڤا ڤان مه‌رجان دا ل عیراقێ ب سه‌ده‌ما ته‌په‌سه‌رى و زۆرداریێ ژ ئالیێ درووشمێ عیراقێ بووینه‌ مانشێنین چه‌ندین رۆژنامه‌ و میدیایێن جیهانى و ل سالا 1991 كوردێن عیراقێ رێڤه‌برنا ده‌ڤه‌رێن كوردى ب ده‌ستخوه‌ڤه‌ گرت و ژچه‌ندین ساله‌ هه‌تا ئه‌ڤرۆ مینا ده‌وله‌تا هه‌رێما كوردستانێ تا نها شیایه‌ رێڤه‌برنا خوه‌ بكه‌ت، هێزا گه‌لێ كورد پشتى رووخانا رژێمێ زێده‌تر بوو، سه‌رۆك بارزانى د په‌یڤ و گوتارێن خوه‌ دا هه‌رده‌م رژدی ل سه‌ر پشته‌ڤانیكرنێ بۆ سه‌رخوه‌بوونێ كریه‌، نها ژى گه‌له‌گ جاران ئه‌ڤ بابه‌ته‌ ب گه‌رم و گۆرى ل رۆژنامه‌ و ده‌زگه‌هێن مێدیایى ب بیروبۆچوونێن جودا دهێنه‌ ئازراندن و ئاراسته‌كرن، لێ ل ڤێره‌ پرسیاره‌ك دهێنه‌ پێش كو ئه‌رێ مه‌رجێن و بزاڤێن كوردان ژ فیدرالیێ به‌ر ب سه‌ربخۆبوونێ دبه‌رهه‌ڤن؟ ژبۆ ده‌ستڤه‌ئینانا به‌رسڤێ سه‌ربخۆیی مافه‌كێ ره‌وا و سروشتیه‌، كورد ئه‌ڤرۆ یێ هه‌مى بزاڤێن خوه‌ دكه‌نه‌ د چارچوڤێ ده‌ستكه‌فتێن نه‌ته‌وه‌ى دا، له‌ورا دبێژم ئه‌رێ كارێ ره‌وشنبیران د ناڤ هه‌ر ملله‌ته‌كى دا چى یه‌؟ به‌رسڤ، چینا ره‌وشنبیر و ئه‌ندازیار و زانا مامۆستایان هه‌ر چینه‌كا دى ئه‌وه‌ بلا د ناڤ جڤاكێ خوه‌ دا ژبۆ به‌رژه‌وه‌ندیا ملله‌تێ خوه‌ كاركه‌ن و دگه‌ل وێ چه‌ندێ ژى هه‌مى تێگه‌هێن سیاسى ببنه‌ ئێك ده‌ست و ئێك بریار و ئێكرێزیا ناڤمالا كوردى بپارێزن و ئه‌م هه‌مى پێكڤه‌ بێژین به‌لێ بۆ ریفراندۆمێ داكو دوژمنێن مه‌ ئه‌ڤ جاره‌ ژى وان ده‌ستكه‌فتنا ژ مه‌ نه‌وه‌رگرن و مه‌ بنبر نه‌كه‌ن، بلا ئه‌م ب هزره‌كا زانستى نه‌ته‌وه‌ى ته‌ماشه‌ى وه‌لاتێ خوه‌ بكه‌ین و ببینه‌ خودان وه‌لاته‌كێ سه‌ربخۆ و ل بن سیبه‌را ئالایێ خوه‌ سرودا خوه‌ پێشكشى جیهانێ بكه‌ین و خوینا شه‌هیدێن خوه‌ بلند بكه‌ین داكو ئه‌م ژى وه‌كو هه‌ر وه‌لاته‌كى ببینه‌ خودان ده‌وله‌ت.

164

هه‌موو ملله‌تان كه‌لتور، گۆتن دابونه‌ریتێن خوه‌ هه‌نه‌ و د ڤى ژیوارى دا هه‌ر جڤاكه‌ك ل سه‌ر وى كه‌لتورى ب رێڤه‌ دچیت وه‌كى ده‌ستووره‌كێ دهێته‌ دانان كو هه‌ر كه‌سه‌كێ پێدڤی ب وى ده‌ستوورى هه‌یه‌ و بوویه‌ پشكه‌ك ژ ژیانا مه‌ یا رۆژانه‌ و هه‌تا نها ژى گه‌له‌ك پێگریێ پێ ده‌كه‌ن، لێ ل ڤێره‌ تشێ هه‌ره‌ گرنگ كو پتر مه‌ د ناڤا ڤێ شێل و بلێ دا دبه‌ت ئه‌وه‌ كو هه‌تا نها ئه‌ڤرۆیا مه‌یه‌، هێشتا ئه‌م نه‌شیاینه‌ ڤاڤارتنه‌كێ بێخینه‌ وان گۆتنان ئه‌وێن كو ئه‌م بزانێن دێ ب كێر مه‌ هێن، لێ تشتێ سه‌یر و گرنگ د ڤێ مژارێ دا كو من دڤێت ئاماژێ پێ بده‌م! ئه‌وه‌ كو ئه‌گه‌ر ئه‌م به‌حسێ ناڤه‌رۆكا كچێ بكه‌ین كو هه‌بوونا كچێ د ناڤا جڤاكى دا دبیته‌ فاكته‌ره‌كێ هه‌رى گرنگ د مژار و پێگه‌هان دا چ جوداهى د ناڤبه‌را كچ و كۆڕى دا نینه‌ كچ ژى ئێك ژ وان كه‌سایه‌ كو ده‌ستپێكێ ل سه‌ر پێگه‌هه‌كێ ره‌وشت به‌رزیێ هاتیه‌ په‌روه‌ده‌كرن و مه‌زنكرن و رۆژ بۆ رۆژێ ژ ژیوارێ نه‌زانینێ ده‌ركه‌ڤتیه‌ تاكو گه‌هشتیه‌ قووناغا تێگه‌هشتنێ و هه‌بوونا وێ د ناڤا جڤاكى دا ده‌نگ ڤه‌دایه‌ و بوویه‌ پالده‌ره‌ك و مل ب ملێ كورى كار كریه‌ تاكو شیایه‌ به‌رێخودانا خوه‌ د ڤى ورى دا بكه‌ته‌ ره‌نگڤه‌دانه‌ك بۆ ئاڤاكرنا جڤاكى خوه‌، لێ ئه‌و شێل و بێلا ئه‌م نها تێدا دژین، ئه‌و بوویه‌ كو مه‌ خه‌لكه‌ك هه‌یه‌ كچێ د ژییه‌كێ كێم دا دهژمێریت قه‌یره‌ كچ!، لێ ئه‌گه‌ر ئه‌م ته‌ماشه‌ بكه‌ین كو د ڤى سه‌رده‌مى دا پێشكه‌فتن رۆژ بۆ رۆژێ یا به‌ر ب ئاستێن بلند دچیت و د ڤى ژیوارى دا نه‌بتنێ كچ دبیته‌ قوربانى ڤان دابونه‌ریتان، به‌لكو كۆڕ ژى د ڤى ئیتارى دا دبیته‌ قوربان، به‌س ئه‌ڤ په‌رده‌پوشیا قه‌یره‌بوونێ پتر كچێ ڤه‌دگریت ژ كۆڕى! چونكى كچ مالێ خه‌لكى یه‌ و دێ چیته‌ د ماله‌كا دى دا.
ل ڤێرێ دیسان هه‌ر كچن خوه‌ دبینن ره‌وشنبیریا گوندان و ژیار و ده‌ستوورێن عشیره‌تیێ! ب راستى ئه‌م ژبیر دكه‌ین كو ئه‌ڤرۆ مه‌ حكوومه‌ته‌ك و چه‌ندین رێكخروێن گرێداى مافێن ئافره‌تان هه‌نه‌ و مه‌ پلان و ستراتیجیێن خوه‌ هه‌نه‌ ژبۆ هه‌ر پرسه‌كێ گه‌شه‌پێدانه‌كێ، یان گهۆرینێن پێشداچوونێ، هه‌روه‌سا دگه‌ل ڤێ چه‌ندێ كو مه‌ په‌رله‌مانتارێن ئافره‌ت و كه‌سێن خودان شیان و شاره‌زا خوه‌دى سه‌بۆر هه‌نه‌ كو بشێن پشكداریێ د دانا بریاران و پلان و وه‌را پێشداچوونێن جڤاكی دا و سه‌ركێشیا گهۆرینان بكه‌ن، لێ ب مخابنى ڤه‌ كو ئه‌ڤرۆ چه‌ندین چیرۆك سه‌رهاتیێن كچێن قه‌یره‌ د ناڤا جڤاكێ مه‌ دا ده‌نگڤه‌دانه‌ك هه‌یه‌ كو رۆژ بۆ رۆژێ یێ به‌ر ب رێژه‌كا زۆر دچن و تانوكه‌ ژى وه‌كو ئالیێن په‌یوه‌ندیدار ژلایێ حكوومه‌تێ ڤه‌ چ بۆ نه‌هاتیه‌ كرن وه‌كو دابینكرنا مووچه‌یه‌كى، ئانكو هه‌بوونا هاریكاری و مه‌زاختیێن پێدڤیێن وان هه‌ردیسان رۆلێ رێكخراوێن ئافره‌تان وه‌كو دانا سمینار و ورك شوپان بۆ زڤرینان هزروبیرێن دایك و بابێن وان، چونكى گه‌له‌ك جاران ژبه‌ر چه‌ندین ئه‌گه‌رێن خێزانى و بنه‌مالێ كچ دمنیت قه‌یره‌، ئانكو چه‌ندین خولێن كاركرنێ بۆ ڤان كچان ئه‌ڤه‌ هه‌مى ئه‌گه‌ر هه‌بووینه‌ ژى ژلایێ رێكخراوێن مافێ ئافره‌تان كو ب رێژه‌كا زۆر كێم بوویه‌، له‌ورا پێدڤیه‌ حكوومه‌ت و رێكخراو و ره‌وشنبیر و شاره‌زایێن جڤاكى ب رۆله‌كێ كاریگه‌ر رابن به‌رامبه‌ر ڤێ كاره‌ساتێ، داكو ئه‌ڤرۆ كچ نه‌بیته‌ هێمایێ قوربانیدانا دابونه‌ریتان، ئانكو د ژیوارێ خێزانێ دا نه‌بیته‌ قوربان، یاگرنگه‌ رۆنكرنه‌كا باش ل سه‌ر كه‌یسێن هوسا بهێته‌ شرۆڤه‌كرن دا كو كچ هه‌ست پێ بكه‌ت ئه‌ڤرۆ جڤاكى پێدڤی یا ب خزمه‌تا وێ هه‌ى و نه‌هاتیه‌ پێش گوهاڤێتن و خوه‌نه‌ هه‌ژمێرن (قه‌یره‌ كچ).

92

مرۆڤ زۆر جاران بیر ل هنده‌ك پێشاهاتان دكه‌ت كو ئه‌و پێشهات دبنه‌ داكوكیكرن د ناڤ ناخێ مرۆڤى دا و به‌رده‌وام بزاڤێ دكه‌ن خوه‌ بكه‌نه‌ د ناڤا ژیواره‌كى دا و خوه‌ بگونجینن دگه‌ل وى ژیوارى، ل ڤێره‌ دیار دبیت د پۆچوونێن هه‌ر كه‌سه‌كى دا دهێته‌ دیاركرن، كو ئاڤاكرنه‌ك یا هه‌ى به‌رده‌وام جۆرێن ره‌گه‌زان دڤێت د ناڤه‌رۆكا لاپه‌رێن ژیانا خوه‌ دا بزاڤێن ئاڤاكرنا خوه‌ بكه‌ن و هه‌رده‌م ئارمانجه‌ك بۆ خوه‌ ده‌ستنیشان كریه‌ و ئه‌وێ ئارمانجێ بكه‌نه‌ ره‌نگڤه‌دانه‌ك بۆ پاشه‌رۆژا خوه‌ و ناخێ خوه‌ رۆژ بۆ رۆژێ ئاڤا بكه‌ن، لێ سه‌ره‌راى ڤێ چه‌ندێ ژى پرانیا گه‌نجێن ڤى سه‌رده‌مى بزاڤێ دكه‌ن دێ چاوا كه‌سایه‌تیا خوه‌ یا ره‌وشه‌نبیری ئاڤا كه‌ن و ب پیڤه‌رێن ڤێ ئاڤاكرنێ بنه‌ كه‌سێن ناڤدار و پله‌ بلند، ئه‌ڤه‌ ژى دیالۆكه‌كا هه‌رى مه‌زنه‌ كو ئه‌ڤرۆ كوردستانێ پێدڤیا ب قه‌له‌م و ره‌وشنبیریا گه‌نجان هه‌ی و هه‌ر ئه‌وێن یێن بنه‌ ئالیگرێن دۆز و نه‌ته‌وه‌یا خوه‌، لێ ل ڤێره‌ كو رێكێن هه‌رى ب ئاسانتر و پتر ب رۆنكرنێ ئه‌وه‌ من دڤێت كو ئاماژێ بده‌مێ!.
راسته‌ گه‌نجێ مه‌ دڤێت خوه‌ ئاڤا بكه‌ت ره‌وشنبیر بكه‌ت، لێ نزانیت چاوانیا ڤێ ئاڤاكرنێ دێ ب چ رێك و رێباز بیت و به‌رده‌وام دێ بزاڤێ كه‌ت كو چاڤلێكرنێ بكه‌ت و ل دووڤ زارڤه‌كرنا كه‌سێن ناڤدار دچیت ئه‌ڤه‌ ژى دبیته‌ ئه‌گه‌رێ شكه‌ستنێ (بۆ نموونه‌ چارلى چاپلن كه‌سه‌ ك بوو دڤیا خوه‌ بكه‌ته‌ مرۆڤه‌كێ ناڤدار ده‌مێ ده‌ست ب به‌رهه‌مئینانا فلمان كرى ده‌رهێنه‌رێ وى گه‌له‌ك بزاڤ كرن كو ئه‌و بیته‌ ئه‌كته‌ره‌كێ به‌رنیاس لێ وى ده‌مى، چارلى ب سه‌رنه‌كه‌فت، تاكو زارڤه‌كرنا كه‌سایه‌تیا خوه‌ ب خوه‌ كرى) ئه‌ڤجا ل ڤێره‌ ئه‌م چه‌ند دشێین كاریگه‌ریا زارڤه‌كرنا خوه‌ بێخینه‌ د ناڤا مشكێ خوه‌ دا، یان ژى د رۆژێن خوه‌ دا چه‌ند ده‌مژمێران ئه‌م بزاڤێ بكه‌ین پێزانینان وه‌رگرین، ئانكو ده‌ست ب نڤیسانه‌كێ بكه‌ین كو ئه‌و نڤیسین دێ مه‌ ئارام كه‌ت و مشكێ مه‌ به‌ر ب پێكهاته‌كا نووڤه‌ به‌ت، هه‌ر دیسان ئه‌م چه‌ند ماوێ خوه‌ ته‌رخان دكه‌ین بۆ خواندنا پرتووكان بۆ وى تشتى ئه‌وێ ئه‌م دزانین دێ بۆ مه‌ بیته‌ جهێ مفا وه‌رگرتنێ بێگومان ئه‌ڤه‌ رێژه‌یه‌كا هه‌رى كێمه‌ د ناڤا گه‌نجێ مه‌ دا كو رۆژانه‌ رابیت ب دانانا خشته‌یه‌كى كو ئه‌و خشته‌ یێ گرێداى بیت ب كارێن رۆژانه‌ڤه‌، له‌ورا یاگرنگه‌ تو مرۆڤه‌ك بى په‌یره‌وێ ته‌ ژ سالۆخه‌ت و شیانێن ته‌ دیار ببیت، چونكى ئه‌گه‌ر ئه‌م هزر بكه‌ین چ جاران سه‌رڤه‌یا دو كه‌سان وه‌كى ئێك نابیت و جوانیا ده‌نگێ ته‌ ئه‌وه‌ یێ ب تنێ بیت و باشترین گۆتنا ته‌ ئه‌وه‌ یا ئاشكرا ببیت، هه‌ر دگه‌ل ڤێ چه‌ندێ ژى مرۆڤێ زیره‌ك و چه‌له‌نگ ئه‌وه‌ یێ ڤیانا خوه‌ بۆ ئارمانجێن خوه‌ ته‌رخان بكه‌ت و به‌رده‌وام یێ بزاڤێ دكه‌ت كو شكه‌ستنان بگهۆریت و بكه‌ته‌ قازانج و مرۆڤێ نه‌زان ئه‌وه‌ یێ دو كاره‌ساتان ژ كاره‌ساته‌كێ دروست كه‌ت، له‌ورا هه‌رده‌م ب ئه‌رێنى به‌رێ خوه‌ بده‌ كاران هه‌ر كاره‌كێ پشتى دانپێدانا شاشیێن دیاربوونا وێ گومان تێدا نینه‌ دێ مفا و په‌ند ژ وێ شاشیێ هێته‌ وه‌رگرتن دێ بزاڤ هێته‌كرن جاره‌كا دی راستى وێ شاشیێ نه‌بى، هوسا دێ ژیانا خوه‌ كه‌یه‌ كه‌ته‌لوكه‌ك بۆ سه‌ركه‌فتنێ.
مانشێت: مروڤێ نه‌زان ئه‌وه‌ یێ دوو كاره‌ساتان ژكاره‌ساته‌كێ دروست كه‌ت

website security
Facebook Auto Publish Powered By : XYZScripts.com