NO IORG
Authors Posts by چیان مهدی

چیان مهدی

چیان مهدی
29 POSTS 0 COMMENTS

68

زانین و به‌رچاڤكرنا هه‌می راستی و روودانێن سیاسیێن هه‌رێما كوردستانێ كاره‌كێ زێده‌ ب زه‌حمه‌ته‌، هه‌روه‌سا تێكدانا وان ژی یا ب زه‌حمه‌ت نینه‌، ب تایبه‌تی بۆ وان ئه‌وێن نه‌شیاین د ڤێ قووناغێ دا رۆل و سه‌نگێ خوه‌ یێ دروست دیار بكه‌ن و ببنه‌ پشكه‌ك ژ نه‌خشێ پاشه‌رۆژا ڤی وه‌لاتی و پشتی هه‌رێم راستی گه‌فێن نه‌حه‌زێن كوردستانێ بووی و روویێ ئابووری ڤه‌ كه‌فتیه‌ به‌ر مه‌ترسیێ و تووشی ڤێ قه‌یرانا دارایی بووی و پێشمه‌رگه‌ و ده‌زگه‌هێن ئه‌وله‌هیێ یێن ڤی وه‌لاتی بووینه‌ قه‌لغانێ پاراستنا كه‌رامه‌تا كوردستانیان و ژماره‌كا زێده‌ یا ئاواره‌یان به‌رێ خوه‌ دایه‌ كوردستانێ. هیڤیه‌ك هه‌بوو كو هێزێن كوردستانێ هه‌ست ب مه‌ترسیا ڤێ قووناغێ بكه‌ن و هه‌ست ب ئێكرێزی و ئێك هه‌لویستی و ئێك گوتاریێ بكه‌ن و ده‌ستا ژ تێكدانا وێنه‌یان به‌رده‌ن، به‌لێ ب مخابنی ڤه‌، نه‌ ب تنێ نه‌شیان راستیان بۆ خه‌لكی ڤه‌گوهێزن، به‌لكی ده‌ست ب تێكدانا وێنه‌یان كر و ب حه‌زه‌كا زێده‌ و زاخه‌كا زێده‌ و ب هه‌مان زمان و هه‌مان ره‌فتارا به‌ری ڤان روودانان ده‌ست ب موزایدێن سیاسی كرن و ده‌ست ب هێرشكرنێ و ره‌خنه‌گرتنێ كرن، مه‌ باوه‌ری ب هندێ هه‌یه‌ كو ره‌خنه‌گرتن و ئازادیا راده‌ربرینێ و خه‌باته‌كا پیرۆزه‌ و خوینه‌كا زێده‌ ژ پێخه‌مه‌تی هاتیه‌ رێتن، كو خه‌باتا وان بوو ئه‌وێن نها هێرش ل سه‌ر دهێته‌كرن و دهێنه‌ برینداركرن، له‌ورا دبێژم ئه‌وێن ره‌خنه‌گرتنا بێ بنه‌ما دكه‌ن مفا ژ وی به‌رهه‌می وه‌رگرتیه‌ كو پیرۆزیان بێ قیمه‌ت دكه‌ن، ئه‌ڤجا هه‌كه‌ ئه‌ڤه‌ د خه‌ما خه‌لكی دا بان، بلا د ده‌مێ خوه‌ دا وان ئالیان پرسا ده‌ستووری ئێخستبا د كارێ په‌رله‌مانی دا و كار ل سه‌ر وی پرۆژه‌ی هاتبا كرن و ده‌ستووره‌ك بۆ ڤێ هه‌رێمێ دانابا و ئێدی د ڤالاهیا ده‌ستووری دا نه‌ ژیاباین، دا كو وه‌لات ب ڤالاهیه‌كا زێده‌ یا بێ سه‌رۆك ده‌رباز نه‌بیت، هه‌تا كو نه‌چار بووین ماوێ سه‌رۆكاتیێ درێژ بكه‌ن، كو هه‌می هێز ب خوه‌ خودان بریار بوون و نها ژی كو بارودۆخێ هه‌رێما كوردستانێ ژ روویێ گه‌فا تیرۆرستان و دارایی ڤه‌ نه‌یا ئارامه‌ و پێشمه‌رگه‌ و سه‌رۆك د خه‌ما پاراستنا سه‌روه‌ریا ڤی وه‌لاتی دانه‌، خه‌لكه‌كی بارودۆخ بۆ خوه‌ ب ده‌لیڤه‌ دیتیه‌ كو خوه‌ بكه‌نه‌ قاره‌مان، لێ ئه‌و نزانن ڤی ملله‌تی بریار دایه‌ و پاشه‌رۆژا خوه‌ ب ده‌ستێ خوه‌ دیار بكه‌ت نه‌ ب گۆتنا چه‌ند درووشمێن ته‌یسۆك و بێ كریار، كو ڤێ گاڤێ ژی هوون رێگربوون ژ دستووره‌كی و هه‌وه‌ نه‌هێلا ئه‌ڤ وه‌لاته‌ ببیته‌ خودان سه‌روه‌ریه‌كا دی، دڤێت خه‌لكێ كوردستانێ ژ راستیا وێنه‌یان پرسیار بكه‌ت و بزانن هوون به‌رده‌وام وێنه‌یان ب شكه‌ستی و ب وی شێوێ هه‌وه‌ دڤێت نیشا بده‌ن و راستی دێ هه‌ر دیاربن.

53

حوكمرانیا ناڤه‌ندی و خرڤه‌كرنا هه‌می ده‌ستهه‌لاتان ل عیراقێ د ده‌ستێ ئێك كه‌سی و ئێك گرۆپ و ئێك ئالی دا، كو به‌ری نها ل عیراقێ هه‌بوو ب دووماهی هاتیه‌ و ل گۆر ده‌ستوورێ 2005ێ هاتیه‌ په‌سه‌ندكرن سیسته‌مه‌كێ دی یێ حوكمرانیێ كو فیدرالیه‌ ل عیراقێ دهێته‌ په‌یره‌وكرن. له‌ورا به‌هرا پتر یا بۆچوونان دبێژن كو عیراقا به‌رێ چ جارا نازڤریته‌ڤه‌، باشه‌ چ فاكته‌ر بوون ئه‌و بۆچوون زێده‌تر لێ كرین و واقعه‌كێ هوسا سه‌پاندی كو پێكهاتێن دی یێن ناڤا عیراقێ، ب تایبه‌تی سونه‌ و توركمان و ئه‌وێن دی ژی ل دویف دروستكرنا كیانه‌كێ بگه‌ڕن كو واتایا سه‌ربخۆیا بریاردانێ تێدا بیت.
بێگومان حوكمرانیه‌كا دكتاتۆرانه‌ كو نها د دونیایا نوو دا جهێ ڤێ مۆدێلێ نینه‌ و ناگونجیت. ئه‌ڤه‌ هنده‌ك بابه‌تێن گه‌له‌ك هوور و مێژوویی نه‌ و ره‌هه‌ندێن وێ هند دكورت نینن كو د بابه‌ته‌كی دا جهێ وان بێته‌ كرن. لێ ب تنێ بۆ به‌رچاڤكرن من ئاماژه‌ پێ كر. هه‌كه‌ بزڤرینه‌ حوكمرانیا نوری مالكی كو دخواست عیراقێ بۆ به‌ری 2003 یێ بزڤرینیت، لێ بزاڤ نه‌كرن بۆ به‌لاڤكرنا داهاتیان و هه‌ڤپشكیا راسته‌قینه‌ یا پێكهاتان دا كو بشێت حه‌زا عیراقه‌كا نووتر د چاڤێ وان پێكهاتان دا بچه‌سپینیت. به‌لكی به‌رده‌وام مژوولی هندێ بوو كا كیژ رێك ب سه‌ناهیتره‌ كو وه‌كی دكتاتۆره‌كی ره‌فتارێ بكه‌ت و كیژ قانوون دێ شێت ده‌ستهه‌لاتێ د ده‌ستێ وی دا خرڤه‌كه‌ت، ل هه‌مان ده‌می بزاڤ دكرن كو باوه‌ریێ د ناڤ پێكهاتێن عیراقێ دا لاواز بكه‌ت. هه‌تا كو نها بۆچوونا پشكه‌كا سیاسیان ئه‌وه‌، ده‌ركه‌فتنا داعش یا گرێدایه‌ ب ئه‌نجامێن سیاسه‌تا مالكی ڤه‌. ئه‌ڤجا ب ئاشكرایی نابینم كو عیراق د كه‌شه‌كێ سه‌قامگیر دا بمینیت و هه‌ر بزاڤه‌ك ژی بۆ ئێكگرتنا عیراقێ ژبلی دروستكرن و كووركرنا هه‌ڤركیێ چ به‌رهه‌مه‌كێ دی نابیت، چونكی ئه‌ڤه‌ ل سه‌ر ئاستێ نه‌ته‌وه‌ و مه‌زهه‌ب و پێكهاتیان كه‌ڤن بوویه‌، به‌لكو بابه‌تێ فیدرالیێ و شیانا ئاڤاكرنا عیراقه‌كا دی هه‌یه‌، نه‌كو بزاڤكرن بۆ ب هێزكرنا عیراقه‌كێ ب تنێ ل به‌ غدا حوكم لێ بێته‌ كرن!.
ژ ئالیه‌كێ دی هه‌تا نها دیار نینه‌ ئه‌رێ شه‌رێ داعش هه‌تا كیژ قووناغێ دێ ل عیراقێ مینیت؟ ئه‌رێ سونه‌ دێ چنه‌ به‌ره‌یێ دژی داعش و ب ئێكجاری بریاره‌كا ژ وی جۆری دده‌ن؟ ئه‌رێ كورد دێ بسه‌ركه‌ڤن و دێ چ بریار ده‌ن؟ چونكی كورد تاكه‌ پێكهاتیه‌ ل عیراقێ ئه‌گه‌ر بڤێت دێ نه‌خشه‌ی گهۆریت. هه‌روه‌سا هه‌تا چ راده‌ كاودانێن ناڤخۆیی و جیهانێ دێ بۆ بریارێن سه‌ركردایه‌تیا سیاسیا كوردی دهاریكار بن؟ ئه‌رێ شیعه‌ و ب تایبه‌تی مه‌رجه‌عێن وان دێ گه‌هنه‌ وێ باوه‌ریێ كو ئه‌و نه‌شێن ب تنێ حوكمی ل عیراقێ بكه‌ن؟ لێ ب دیتنا من عیراقێ هند شیان نه‌ماینه‌ ڤان هه‌می هه‌ڤڕكی و ئاریشێن ناڤخۆیی هه‌لگریت، زێده‌باری كو چ پێكهاتێن عیراقێ ڤی به‌رهه‌ڤ نینن ل بن سیبه‌را ئێك پارچه‌یا عیراقێ بمینن.

65

شه‌ڕێ داعشێ ب تنێ ئه‌گه‌رێ هندێ نه‌بوو جیهان ئه‌ڤرۆ ب وێ مه‌نده‌هوشیێ و ب وێ ئیرادا كوردان و قه‌هره‌مانیا وان هه‌ڤسۆز بیت، به‌لكی پشكه‌ك ژ وێ گرنگیا جیهانیبوونا كوردان یا گرێدایه‌ ب سیاسه‌تا خوه‌گونجاندنێ، ب تایبه‌تی راگرتنا هه‌می هه‌ڤكێشێن ده‌ڤه‌رێ و جیهانی و ل به‌رچاڤگرتنا به‌رژه‌وه‌ندیا خوه‌ ل به‌ری وان هه‌می به‌رژه‌وه‌ندیێن بووینه‌ پارچه‌ك ژ هه‌ڤڕكیێ. ئه‌ڤ سیاسه‌ته‌ یا ب ساناهی نه‌بوو، هه‌كه‌ ‌بارێ ناڤخۆیی ب تایبه‌تی ئێك هه‌لویستی و ئێك ده‌نگی پشته‌ڤان نه‌بایه‌، چاڤێ بارا پترا میدیا و ناڤه‌ندێن ڤه‌كۆلینێ یێن جیهانی نها ل سه‌ر پرسا كوردان نه‌دبوو.
بۆچوون و ڤه‌كۆلین جهێ هیڤیه‌كا زێده‌ مه‌زنن، هه‌می ئاماژه‌ ‌دبێژن: پێگه‌هێ كوردان د ده‌ڤه‌رێ دا هه‌میێ ب هێزه‌، هه‌ر وه‌سا نیشانا ب ده‌ستڤه‌ئینانا پشته‌ڤانیه‌كا زێده‌تره‌. ئه‌ڤ خاله‌ یا گرنگه‌ ‌بۆ كوردان و بۆ هه‌ڤپه‌یمانێن كوردان ژی، كو د پاشه‌رۆژه‌كا نێزیك دا دێ وه‌رچه‌رخانه‌كا مێژوویی ل ده‌ڤه‌رێ روو ده‌ت، یا گرنگ ئه‌وه‌ كورد بشێن ب ڤێ سیاسه‌تێ و ب ڤێ سه‌قامگیریێ و ب وێ باوه‌ریا ب دیمۆكراسیێ هه‌ی پارچه‌ك بن ژ وی نه‌خشێ نوو دهێته‌ دارێشتن. بۆچوونێن هنده‌ك ژ ڤه‌كۆله‌ران سه‌باره‌تی شه‌ڕێ داعش دروستن، به‌لێ زێده‌باری ڤێ ئێكێ ژی بلا ژبیر نه‌كه‌ین كو ئه‌ڤه‌ ب باوه‌ری و سه‌ركردایه‌تیه‌كا پێشمه‌رگان و ‌ ته‌حه‌دیا به‌رامبه‌ر هاتیه‌كرن، هه‌روه‌سا دوژمن و نه‌یارێن مه‌ ئه‌و ترسه‌ هه‌یه‌ كو نه‌خشێ پاشه‌رۆژێ یێ ده‌ڤه‌رێ به‌رهه‌مێ وێ بۆ كوردان بیت، ئه‌ز پشتراستم ژی به‌رهه‌مێ وێ ب ڤێ سیاسه‌تێ هه‌ر بۆ نه‌ته‌وه‌یه‌كا وه‌كی كوردایه‌ و ب وێ رێبه‌رایه‌تیا جه‌نابێ سه‌رۆك مه‌سعود بارزانی سه‌رۆكێ هه‌رێما كوردستانێ و ب وێ پشته‌ڤانیا مه‌زنا خه‌لكێ كوردستانێ.
نها قووناغ یا د هندێ دا بیروبۆچوونێن حزبی د به‌رژه‌وه‌ندا ئێك هه‌لویستی و ئێكگرتنا پرسا كوردی دانه‌. ئه‌ڤه‌ ‌ئه‌ركه‌كێ نه‌ته‌وه‌یی و نشتیمانی دسه‌پینیت بسه‌ر وان هێزێن به‌رۆڤاژیا زۆربه‌یا خه‌لكێ كوردستانێ ره‌فتارێ دكه‌ن و نه‌ڤێت ئه‌ڤ قووناغه‌ ب مه‌زنی و هه‌یبه‌تا كوردان ب دووماهیك بێت و بگه‌هینه‌ وی كه‌نارێ ئارامێ ئارمانجه‌كا مێژوویی و نه‌ته‌وه‌یی و خه‌باته‌كا چه‌ند سالیا تژی قوربانی یا ملله‌تێ مه‌ ‌بوویه‌. ئه‌رێ ئه‌م دشێین چ پێنگاڤ ب هاڤێژین؟ راسته‌ پێنگاڤ ب ساناهی نینن، به‌لێ پا ئیراده‌ یا هه‌ی. پێدڤیه‌ كورد د ڤێ قووناغێ دا خوه‌ بۆ وی واری پتر به‌رهه‌ڤ بكه‌ن. هیزێن سیاسی یێن كوردستانێ ده‌ستان ژ موزایدێن سیاسی و یاریكرنێ ب هه‌ستێ خه‌لكی به‌رده‌ن. میدیا گرنگیێ بده‌نه‌ ‌وان بابه‌تێن دبنه‌ پشته‌ڤان یان جهێ هشیاریا زێده‌ترن بۆ ئاراسته‌كرنا تاكی د كۆمه‌ڵگه‌هێ دا و به‌ر ب ئارمانجا نه‌ته‌وه‌یی و نیشتیمانی بچن. ریكخراوێن جڤاكێ مه‌ده‌نی هه‌ست ب به‌ر پرسیاریه‌كا مه‌زنتر بكه‌ن و بزانن ئه‌ڤ قووناغه‌ دووماهیكا وێ بۆ نه‌ته‌وه‌یه‌كی یه‌ قوربانی و خوینه‌كا زێده‌ رشتیه‌. ئه‌گه‌ر ئه‌ڤ هه‌ستكرنه‌ و ئینتیمایه‌ هه‌بیت، هینگێ كاریگه‌ریا بزاڤێن پیسێن نه‌یارێن مه‌ نه‌شێن ده‌رزا بێخنه‌ د ‌ناڤ ئێكرێزیا كوردان دا و هینگێ ژی ب هێز و باوه‌ریه‌كا نه‌ته‌وه‌یی دێ د نه‌خشه‌یێ نوو یێ ده‌ڤه‌رێ دا بینه‌ خودان كیانه‌ك، كو كه‌رامه‌تا نه‌ته‌وه‌یی یا كوردان تێدا یا پاراستی بیت و ب شێوه‌كێ ئاشتیانه‌ دگه‌ل ملله‌تێن ده‌ڤه‌رێ بژین.

48

ژ وێ‌ ئارمانجا سه‌رۆك مه‌سعوود بارزانی سه‌رۆكێ‌ هه‌ریما كوردستانێ‌ سه‌حكه‌ینه‌ ئیكگرتنا هێزا پێشمه‌رگێ‌ كوردستانێ‌ وه‌كی پێنگاڤه‌كا نه‌ته‌وه‌یی و نیشتمانی و ب دامه‌زرایكرنا پێشمه‌رگه‌ی، دێ باشتر شێین هه‌لسه‌نگاندنێ‌ بۆ قووناغێن پاشه‌رۆژا هێزا پێشمه‌رگه‌ی و پرسا نه‌ته‌وه‌یی كه‌ین. هێزا پێشمه‌رگه‌ی ل رابووری و د نها دا ب هێزترین هێزه‌ ژ روویێ‌ ئیراده‌ وباوه‌ری ب هه‌بوونا نه‌ته‌وه‌كی و خه‌بات ژ پێخه‌مه‌ت مان و به‌رگری و كه‌رامه‌تا ڤی ملله‌تی، ژ روویێ‌ سه‌ربازی ژی ڤه‌ هه‌ر چ نه‌بیت شیایه‌ ده‌سپلین و بنه‌مایێن یاسایی و مرۆڤی بپارێزیت، به‌لێ‌ نه‌بوونا دامه‌زراوه‌یه‌كا ئێكگرتی (مه‌ره‌ما من وه‌زاره‌تا پێشمه‌رگه‌ی نینه‌) چونكی وه‌كی هه‌یكه‌ل ئه‌ڤ وه‌زاره‌ته‌ سیل وانا گشتی یا ڤان هه‌می هێزانه‌، به‌لێ‌ مه‌ره‌ما من ئارمانجا سه‌رۆك بارزانی یه‌ كو ره‌نگڤه‌دانا حه‌زا نه‌ته‌وه‌یی یا كورده‌ و هێزا پێشمه‌رگه‌ی ب خوه‌یه‌، ئه‌و ئارمانج ژ روویێ‌ بنه‌مایێن یاسایی دێ‌ ڤێ‌ چه‌ندێ‌ بۆ مه‌ دیاركه‌ت یا ئێكێ‌: هێزا پێشمه‌رگێ‌ كوردستانێ‌ ب ئێك هه‌یكه‌لێ‌ سه‌ربازی یێ‌ ب هێز ل سه‌ر ده‌سپلینان ببیته‌ هێزه‌ك پێ‌ دڤێت قووناغا پاشه‌رۆژا ڤی نه‌ته‌وێ‌ ل سه‌ر بهێنه‌ دانان ژ روویێ‌ سه‌ربازی ڤه‌. دو: باشتركرنا ژین و ژیارا ڤێ‌ هێزا كو هه‌ر بریار و فه‌رمان و ئیمتیازه‌ك ئه‌گه‌ر بیت بۆ دابینكرنا ژیانا وی، نه‌ ل سه‌ر بنه‌مایێ‌ حزبی و پاشی میزاجا تاكه‌ كه‌سی. سێ: هێزه‌كا ئێكگرتی ژ روویێ‌ دابینكرنا پێدڤیێن سه‌ربازی ب ساناهیتره‌ ژ هندێ‌ ئه‌ڤ هێزه‌ل بن سیبه‌را حزبان بیت، ئه‌ڤه‌ خه‌ونا هه‌می وان كه‌سانه‌ ئه‌وێن خوینا خوه‌ ژ پێخه‌مه‌ت وه‌لاتی پێشكێش دكه‌ن، یا چارێ‌: وی ده‌مێ‌ هێزه‌كا ب هێز دهێته‌ دروستكرن، راهێنان و مه‌شقێن سه‌ربازی دێ‌ ب ساناهیتربن بۆ نووكرنا وان هێز و شیانێن زانستی و جه‌سته‌یی و سه‌ربازی وزانیاریان دا ب هێزتربن. یا پێنجێ‌: دێ‌ هێزه‌ك بیت واتایه‌كا دی یا كوردستانی هه‌بیت و دێ‌ بیته‌جهێ‌ پشتراستیا زێده‌تر یا وه‌لاتیان، هه‌ر چه‌ند نوكه‌‌ ب تنێ‌ ناڤێ‌ پێشمه‌رگه‌ی پشتراستیه‌ بۆ خه‌لكی، به‌لێ ل وی ده‌می دێ ژیبوونا بۆ وێ هێزێ زێده‌تر لێ‌ بهێت. هێزه‌كا ئێكگرتی د ڤێ‌ قووناغێدا پێدڤیه‌كا گه‌له‌ك ب مفایه‌، د شه‌رێ دژی داعشێ‌ دا ڤێ‌ پێدڤی یێ‌ سه‌رۆك بارزانی پالدا بوو ڤێ‌ ئارمانجێ‌، كو دڤێت وه‌زاره‌تا پێشمه‌رگه‌ی پێنگاڤێن ئێكگرتنا هێزا پێشمه‌رگه‌ی ده‌ست پێ‌ بكه‌ت، چونكی ڤێ‌ هێزێ ئه‌و راستی سه‌لماند هێزه‌كا كوردستانی یه‌ و دشێت رووبروو ته‌حه‌دیان بیته‌ڤه‌. نوكه‌ ژی كو چاڤێ‌ دنیایێ‌ یێ‌ ل سه‌ر سه‌ركه‌فتن و باوه‌ریا پێلایی یا پێشمه‌رگه‌ی پێنگاڤه‌كا ل ڤی جۆری ئیعتبارا ڤێ‌ هێزێ‌ دێ‌ زیده‌تركه‌ت و حه‌زا هاریكاریكرنا پێشمه‌رگه‌ی ژ لایێ‌ وه‌لاتێن هه‌ڤپه‌یمانڤه‌ دێ‌ ب مفاتر كه‌ت. ڤێ‌ پێنگاڤێ‌ ب تنێ‌ سیاسی و حزب و حوكمه‌ت به‌س نینن پشته‌ڤانیێ‌ لێ‌ بكه‌ن و ئیرادا ب سه‌رخستنا ڤێ‌ بریارێ‌ ب سه‌ربێخن، به‌لكی ئه‌ڤه‌ ئه‌ركێ‌ ره‌وشه‌نبیر و مامۆستا و ناڤه‌ندێن ئه‌كادمی و رێكخراوێن كۆمه‌لگه‌هیا مه‌ده‌نی و.. . هتد كو گرنگیا هێزه‌كا نه‌ته‌ویی و نیشتمانی د چارچووڤێ‌ دامه‌زراوه‌یه‌كێ‌ وه‌كی وه‌زاره‌تا پێشمه‌رگه‌ی شرۆڤه‌ بكه‌ن و زێده‌ترین گفتۆگۆ ل سه‌ر بێته‌كرن بۆ هندێ‌ د پێنگاڤا دا بۆچوون بهێنه‌ كۆمكرن ب مه‌ره‌ما ده‌وله‌مه‌ندكرنا ڤی پرۆژه‌ی، نه‌وه‌كی كه‌سه‌كی ب به‌رته‌نگی هزر بكه‌ت و ڤێ‌ پێنگاڤێ‌ بخینیت و هێرشی ڤێ‌ حزبێ‌ و وێ‌ حزبا هه‌نێ‌ بكه‌ت. ئه‌ز دبێژم ئه‌ركێ‌ میدیایا كوردیه‌، پرسه‌كا هۆسا نه‌ئێخیته‌ دچارچووڤێ‌ هه‌ڤركی و بیر و بۆچوونێن جودا نه‌ ئیننه‌ پێشچاڤ، به‌لكی هه‌ولبده‌ت زێده‌ترین زانیاریان و زێده‌ترین گفتۆگۆیێن به‌رهه‌مدار بده‌ته‌دیاركرن ژ پێخه‌مه‌ت رۆل دیتنێ‌ د ڤێ‌ پروسێ‌ دا كو پاشه‌رۆژا نه‌ته‌وه‌یه‌كی پێڤه‌ یا گرێدای یه‌.

73

زێده‌گاڤی نینه‌ كو خه‌سله‌تێن نه‌ته‌وه‌یی و كریارێن سه‌رۆك (مه‌سعود بارزانی) وه‌كی خوه‌ بێنه‌ گۆتن پاشی بكه‌نه‌ نموونه‌ دا مێژوو بنڤیسیت و نها ژی مفای ژێ وه‌ربگرین، نه‌ ئه‌م وه‌كی نه‌ته‌وا كورد به‌لكی ئه‌وێن دژایه‌تیكرنا كوردان وه‌كی درووشمه‌كی هه‌لگرتی و ته‌خسیریێ ناكه‌ن د ئێشاندنا ڤی ملله‌تی دا. ئه‌ڤ سه‌رۆكه‌، كو هه‌ژی یه‌ (پێشمه‌رگه‌) ناسناڤێ وی بیت راسته‌ وه‌كی ئه‌ركێ فه‌رمی و یاسایی (سه‌رۆكێ هه‌رێما كوردستانێ یه‌) به‌لێ ب كریار و ب خه‌مخۆری شیا ناسناڤێ خوه‌ كو شانازیێ پێڤه‌ دكه‌ت (پێشمه‌رگه‌) بینیته‌ به‌رچاڤێن هه‌می دونیایێ.
ل وی ده‌مێ داعش و ئه‌وێن ل پشت هێرشێن داعشێ بووین هه‌وله‌ك بوو ژ وان هه‌می هه‌ولێن هاتینه‌دان بۆ تێكشكاندنا ئیرادا كوردان و ژناڤبرنا هه‌بوونا نه‌ته‌وه‌كی، ئه‌و نه‌شێن ب ساناهی د ڤێ قووناغا مه‌زن دا كوردان قه‌بوول بكه‌ن، ژبه‌ر هندێ ڤیا ب ڤان هێرش كوردان بێشینن دا ژ هه‌یبه‌ت و مه‌زنیا كوردان كێم بكه‌ن، راسته‌ سه‌ركه‌فتنه‌كا ده‌مێ بده‌ستڤه‌ئینا، به‌لێ ئه‌ڤ سه‌ركه‌فتنا وان بوو هێزه‌كا كاریگه‌ر دا كو كورد ب ئیراده‌یه‌كا مه‌زنتر و ب سه‌رۆك و پێشمه‌رگێ جاران روو ب روو وێ ته‌حه‌دیێ ببیته‌ڤه‌ و مه‌ دیت چ گورزه‌كێ گران و ب هێز ل وان تاریپه‌رستان دا و ئه‌و ده‌ڤه‌ر ژێ ستاندنه‌ڤه‌ ئه‌وێن ڤیاین خوینا كوردان تێدا حه‌لال بكه‌ن.
گوتارا سه‌رۆك و پێشمه‌رگه‌ مسعوود بارزانی ل چایێ شنگالێ نیشاندانا هیڤیا خوه‌ یا مه‌زن كو گۆت هیڤیا من ئه‌وبوو ل ڤێرێ مزگینیا سه‌ركه‌فتنێ رابگه‌هه‌ینم، واتایه‌كا مه‌زن بوو و به‌رسڤه‌ك بوو بۆ دوژمن و نه‌یارێن كوردان و وێ هێزا درنده‌ یا داعش و پشته‌ڤانێن داعش، كو ئه‌م ملله‌ته‌كین ب ده‌ست و باز و ئیرادا خوه‌ و قوربانیدان و ب باوه‌ری به‌رگریێ دكه‌ین و ئه‌ردێ مه‌ كورستانه‌ بۆ ئه‌وێن ده‌ستێ خوه‌ بۆ ئازادی یا نه‌ته‌وه‌یی و نیشتیمانیا مه‌ درێز دكه‌ن. وی هه‌ستێ سه‌رۆك بارزانی ل چیایێ شنگالێ واتایه‌كا كوور یا سه‌ركه‌فتنا راست و ئیراده‌یه‌كا مه‌زنا نه‌ته‌وه‌یی بوو، ب ته‌مامی ده‌ربرین ژ هه‌یبه‌تا پێشمه‌رگه‌ی دكر. ئه‌و پێشمه‌رگێ دنیا مه‌نده‌هۆشكری ب قاره‌مانی و رووبریبوونێن خوه‌ ل به‌رامبه‌ر هێزه‌كا درنده‌یا وه‌كی داعش، كو ل دووڤ چ بنه‌مایه‌كێ ئاینی و ئه‌خلاقی و جڤاكی و مافێن مرۆڤی ناچن. پێشمه‌رگه‌ شییا هه‌یبه‌ته‌كێ پێشكێش بكه‌ت و سه‌رۆك بارزانی ژی وه‌كی پێشمه‌رگه‌ و سه‌رۆك نوونه‌راتیا وێ هه‌یبه‌تێ بكه‌ت. ژ به‌ر هندێ سه‌ركه‌فتنا ئیرادا راسته‌قینه‌یا كوردان یا گرێدایه‌ ب ڤان سه‌ركه‌فتن و شانازیێن كوردان د ڤی شه‌ریدا كو كورد ژ پێش هه‌می دنیایێ ڤه‌دكه‌ت بۆ هه‌میان دیاربوو و سه‌رۆك بارزانی ژی زڤرانده‌ڤه‌ وه‌ك پێشمه‌رگه‌یه‌ك بۆ هه‌مان وان مێژوویێن سه‌رۆكی د ژیانا خوه‌ یا خه‌باتێ دا بجهئینای.

80

به‌رخودان و شۆره‌شا كوردان چ وه‌خته‌كی نه‌یا گرێدای كه‌توارێ پارچه‌كریێ كوردستانێ بۆ چار پارچان بوویه‌، ل هه‌ر جهه‌كی ژ پێخه‌مه‌ت ئازادی و نه‌ته‌وه‌یی قوربانی هاتینه‌دان، هه‌كه‌ نه‌تێكه‌لیا خوینا كورێن هه‌رچار پارچێن كوردستانێ بایه‌ ب دل پشكداری خه‌ما هه‌ڤدو نه‌دبوون، شۆره‌شا ئیلونێ نموونه‌كا زیندیه‌ بۆ ده‌ربازكرنا وی كه‌توارێ كوردستان كریه‌ چار پارچه‌، كو ژ ده‌رڤه‌ی حه‌زێن كوردان بوویه‌ د ڤێ شۆره‌شێ دا چ سنوورێن ده‌ستكرد كاریگه‌ری نه‌كریه‌ ل سه‌ر پشكداریكرنا كورێن كورد و سه‌رخستنا شۆره‌شێ و ئارمانجێن وێ. نها ژی ژ ئه‌گه‌رێ ڤی بارودۆخێ هاتیه‌ پێش كوردستان پارچه‌كا گرنگ و خودان رۆله‌ د روو ب رووبوونا تیرۆرێ دا ل ده‌ڤه‌رێ، هه‌ر كورده‌ك ب هه‌ستا نه‌ته‌وه‌یی خوه‌ ب پێشمه‌رگه‌ دزانیت و به‌ره‌ڤانیێ ژ هه‌ر بهۆسته‌كا ئاخا كوردستانێ دكه‌ت، وه‌ختێ كورده‌كێ پارچه‌یه‌كا كوردستانێ ل باشووری خوینا خوه‌ پێكێش دكه‌ت بۆ پاراستنا ئه‌زموونا كوردستانێ، واتایه‌كا مه‌زنتر پێشكێی نه‌ته‌وه‌یی و ئارمانجێن نه‌ته‌وه‌یی دكه‌ت، ب هه‌مان شێوازی وه‌ختێ پێشمه‌رگێن باشوورێ كوردستانێ ب حه‌ماسه‌كا قه‌هره‌مانانه‌ سنوورێ دو وه‌لاتا دبڕن و به‌رب كۆبانێ ل رۆژئاڤایێ كوردستانێ دچن سه‌روه‌ریه‌كا مه‌زنه‌ بۆ نه‌ته‌وا مه‌.
د هه‌ڤدیتنا سه‌رۆكێ هه‌ریما كوردستانێ دا دگه‌ل وان پێشمه‌رگێن قاره‌مان ئه‌وێن ژ كۆبانێ ڤه‌گه‌ریاین سه‌رۆك بارزانی گۆته‌ وان ((هه‌وه‌ سه‌روه‌ریه‌كا مه‌زن بۆ خوه‌ و خێزانێن خوه‌ و وه‌لاتێ خوه‌ تۆمار كر، شه‌ره‌فا هاریكاریا خووشك و برایێن مه‌ ل پارچه‌یه‌كا دی یا كوردستانێ به‌رهه‌وه‌ كه‌فتیه‌ و ئه‌و سه‌روه‌ریه‌كا گه‌له‌ك مه‌زنه‌)) بێگومان مه‌زنیا ڤێ سه‌روه‌ریێ پشكه‌ك بۆ بریارا حه‌كیم و خه‌مخۆریا سه‌رۆك بارزانی ڤه‌دگه‌ریت، چونكی هنارتنا هێزا پێشمه‌رگه‌ی بۆ كۆبانێ ده‌رێخستنا مه‌زنترین بریار و مه‌زنترین وێره‌كی تێدابوو، مێژوویه‌كا هۆسا دروست كر هه‌می كورد ب ئێك ئاراسته‌ شانازیێ پێ بكه‌ن و ببیته‌ هێڤێنێ ئێكرێزیا نه‌ته‌وه‌یی و روو ب رووبوونا هه‌می نه‌حه‌ز و دوژمنێن كوردان. د وارێ سه‌ربازی دا. چوونا پێشمه‌رگه‌ی بۆ كۆبانێ دوژمنێن كوردان ب ره‌نگه‌كی بێ هیڤی كرن كو ئێدی نه‌شێن د ئێخستنا دوبه‌ره‌كیێ د ناڤ كوردان دا سه‌ركه‌فتی بن، چونكی پێشمه‌رگه‌ی و شه‌رڤانان پێكڤه‌ سه‌ركه‌فتنا كۆبانێ تۆماركر و ب ئێك ده‌نگ به‌رسڤا تیرۆرستان و نه‌حه‌زێن كوردان دا. ئه‌ڤ سه‌روه‌ریا مه‌زنا كو سه‌رۆك بارزانی ئاماژه‌ پێدای، هه‌ژی هندێ یه‌ ببیته‌ هۆكاره‌كێ دی یێ بهێزكرنا ئێكرێزیا هه‌می لایه‌نێن كوردستانێ ل هه‌ر پارچه‌یه‌كا كوردستانێ بن و نه‌خشێ سه‌ركه‌فتنا مه‌زن ل پێنگاڤا ئێكرێزی و ئێكده‌نگی و قه‌بوولكرنا هه‌ڤدو گه‌شتر بكه‌ن.

61

عیراق وه‌كی وه‌لاته‌كێ ئێك پارچه‌ كو هنده‌ك شۆفینیێن شیعه‌ و سونه‌ دده‌نه‌ دیاركرن، چ گرنگیه‌كا سیاسی و ئابووری و جڤاكی نه‌مایه‌، به‌لكی ئه‌و عیراقا ئه‌و به‌حس دكه‌ن خه‌ون و وه‌لاته‌كێ ب زۆری پێكڤه‌ گرێدای بوو. نها ئه‌ڤ وه‌لاته‌ یێ نێزیكی ره‌وشا خوه‌ یا راسته‌قینه‌ بووی و ژێكڤه‌بوونێ ب تنێ راگه‌هاندنه‌ك دڤێت، هه‌كه‌ هه‌تا نها ژی هنده‌ك كه‌اسن ئه‌و هیڤی هه‌بیت كو ئێك پارچه‌یا خاكێ عیراقێ سه‌قامگیری و ئاشتی و پێكڤه‌یی د دووڤ دایه‌، لێ ژبلی دوباره‌كرنا ناكۆكی و ململانێ و شه‌رێ تائیفی و تێكدانێ چ دی نینه‌، چونكی ئه‌زموونا پشتی 2003 یا ڤی وه‌لاتی چ نیشانه‌ك نه‌هێلایه‌ كو هیڤیا ئێك پارچه‌یێ پێڤه‌ بیت، سه‌ره‌ده‌ریا ده‌ستهه‌لاتداران ب تاكره‌ویانه‌ و سه‌ره‌ده‌ریا زۆلم لێكریا ب ره‌نگێ ژێكڤه‌بوونێ باشترین نموونه‌یه‌ كو ئێدی عیراق ب واتا سه‌روه‌ریا وه‌لاته‌كێ ئێك پارچه‌یی ب تنێ درووشمه‌. ده‌ركه‌تنا داعشێ ل عیراقێ قووناغه‌كا دی یا عیراقا دابه‌ش بوویه‌، چونكی ئه‌ڤرۆ سنۆره‌كێ به‌رفره‌هێ سونه‌نشینێ عیراقێ یێ ل بن ده‌ستێ گرۆپه‌كا تیرۆرستی كو پاشخانا هزرا عه‌ره‌بیه‌ و هه‌ر هه‌وله‌كا هه‌ڤپشكا سێ پێكهاته‌یان ژی (كورد، سوننه‌، شیعه‌) بۆ روو ب رووبوونا ڤێ گرۆپا تیرۆریستی، وێ رامانێ ناده‌ت كو هه‌ر سێ لایه‌ن درازینه‌ ل سه‌ر پاراستنا ئێك پارچه‌یا عیراقێ، به‌لكی ئه‌گه‌ره‌كێ بهێزه‌ بۆ ژێكڤه‌بوونه‌كێ كو هه‌ر لایه‌ك خوه‌ بپارێزیت و به‌ره‌ڤانیێ ژ خوه‌ بكه‌ت بۆ بهێزكرنا خاك و سنوور و ولاتیێن خوه‌، راسته‌ فشارا نیڤده‌وله‌تی ب تایبه‌تی ئه‌مریكا و ئیران ب وی ئاراسته‌یه‌ كو هه‌رسێ پێكهاته‌ قووناغا روو ب رووبوونا داعشێ و حوكمه‌ته‌كا وه‌كی هه‌می جاران كو دبێژنێ بنكه‌فراوان پێك بینن و پشكداربن د پاشه‌رۆژا عیراقێ دا. به‌لێ كه‌توارێ سیاسی و جوگرافی و زمان و كلتوور و هزركرن و ئابووری ئه‌ڤ قووناغه‌ ده‌رباز كریه‌. د ڤێ قووغاێ ژی دا گرنگترین قووناغ بۆ كوردان پشتی بده‌ستڤه‌ئینانا پشكه‌كا خاكا خوه‌ ژبن ده‌ستێ داعشێ، لێزڤرین د ستراتیژیه‌تا هه‌ڤپشكا هێزێن سیاسیێن كوردستانێ دا باشترین پێنگاڤه‌ وه‌كی ئاماده‌سازیه‌ك د داویێ دا كورد بشێن مفایێ نه‌ته‌وه‌یی بینیته‌ ناڤ گۆره‌پانا سیاسی، د ڤێ رێ ژی دا زه‌مینێ نیڤده‌وله‌تیێ هاریكاره‌ ب تایبه‌تی ئه‌و هه‌ول و په‌یوه‌ندیێن دپلۆماسی یێن سه‌رۆك بارزانی سه‌رۆكێ هه‌رێما كوردستانێ كو ب راده‌یه‌كێ باش شیا په‌یوه‌ندیێن ل گه‌ل وه‌لاتێن جیهانێ ب مفایێ پرسا نه‌ته‌وه‌یی یا كوردان بشكێنیت و سه‌ركه‌فتیانه‌ ئه‌زموونا هه‌رێما كوردستانێ وه‌كی كارته‌كا گرنگا سه‌ره‌ده‌ریكرنا ل گه‌ل روودانان و هه‌روه‌سا پرسێن گرنگێن ده‌ڤه‌رێ نیشا بده‌ت، كو چه‌ند ئه‌م جودا ژ عیراقێ دشێین مه‌ رۆل هه‌بیت د بهێزكرنا بنه‌مایێن دیمۆكراسی و ئاشتی و پێكڤه‌ژیان و سه‌قامگیریا د ده‌ڤه‌رێ دا.

73

بنده‌ستی و سته‌م و زۆرداری ل هه‌مبه‌ر كوردان، نه‌ شیایه‌ كارتیكرنێ ل سه‌ر ره‌وشتێ لێبۆرینێ و پێكڤه‌ژیانا نه‌ته‌وه‌یی و پێكهاتێن ئاینی و ره‌نگێن جوداجودا دروست بكه‌ت، به‌لكی هه‌می گاڤات ب هێزی و باوه‌ریا پێكڤه‌ژیانێ ل ده‌ف كوردان به‌رسڤا دوژمنان بوویه‌. شۆره‌شا كوردی ب تایبه‌تی رێبه‌ر بارزانیێ نه‌مر د ئارمانجێن سه‌ره‌كی یێن خوه‌ دا به‌رده‌وام گیانێ لێبۆرین و پێكڤه‌ژیانێ به‌ر ب پێشڤه‌ بریه‌ و نموونێن زێندی یێن هه‌ین د ناڤ شۆره‌شا كوردی دا كو چ به‌رنامه‌ و هه‌وله‌كا نه‌یارێن كوردان نه‌شیایه‌ لێبۆرینا كوردان و باوه‌ریا پێكڤه‌ژیانێ د ناڤ جڤاكێ كوردیدا لاواز بكه‌ت چونكی كوردان ب تنێ بۆ ئازادیا خاك و نیشتمانی شه‌ڕ نه‌كریه‌، به‌لكی د دژوارترین رۆژێن ژیانا كوردان دا لێبۆرین هه‌بوویه‌، د ده‌مه‌كی دا كو سته‌ما به‌عسیان د گوپیتكێدا بوو، كوردان د دانوستاندنان دا یان گه‌نگه‌شان دا لێبۆرین وه‌كی سمبوله‌كێ ناسینا كوردان دایه‌ نیشادان، پشتی راپه‌رینا بهارا سالا 1991 لێبۆرین و پێنگاڤێن پێكڤه‌ژیانا كوردستانێ د ئیك ئارمانجدا خڕڤه‌ببوون. د عیراقێدا پێكهاته‌ و ئۆل و نه‌ته‌وان زێده‌ترین قوربانیدان، نه‌شیاینه‌ د سه‌رهلدانا شۆره‌شا ئاشتی و پێكڤه‌ژیانێ دا لێبۆرینێ بكه‌نه‌ بنه‌مایێ سه‌ره‌ده‌ریا سه‌رده‌می (مودرن) كو نها گرنگیه‌كا زێده‌ یا جیهانی یا هه‌ی، به‌روڤاژی ئاستێ درنده‌یا هنده‌ك لایه‌نان گه‌هشته‌ هندێ كو كریستیان، ئێزدی، شه‌به‌ك، سائیبه‌ و.. . هتد بهێنه‌ ژناڤبرن. شانازیه‌ د ناڤ ڤێ هه‌می كوشتار و ته‌په‌سه‌ریا ل عیراقێ دا ب تایبه‌تی و ده‌ڤه‌رێ ب گشتی هه‌ی، ب تنێ جهێ ئارامی و سیبه‌را لێبۆرین و پێكڤه‌ژیانێ كوردستان بیت، ئه‌ڤ شانازیه‌ بوو ئه‌گه‌رێ وێ چه‌ندێ كو بارا پترا وه‌لاتێن جیهانێ گرنگیا كوردستانێ د ده‌ڤه‌رێ دا بزانن و بكه‌نه‌ نموونه‌ك بۆ پێكئینانا شۆره‌شا لێبۆرین و پێكڤه‌ژیانێ. پێدڤی یه‌ هه‌می كورد د چه‌سپاندنا زێده‌ترا كلتوورێ پێكڤه‌ژیان و لێبۆرینێ دا فشاره‌كێ ل سه‌ر وان پارت و لایه‌نێن دی دروست بكه‌ن كو گیانێ ره‌تكرنێ هه‌ی ‌و نه‌شێن ڤی كلتوورێ تژی شانازی وته‌ناهی قه‌بوول بكه‌ن، ب تایبه‌تی د ڤی ده‌می دا كو پتر پێدڤیه‌ هه‌می كورد ب ئێك ئارمانج و ئێك ده‌نگ و هه‌لویست ب پێكڤه‌لێبۆرینێ پێنگاڤا بهاڤێژین به‌ر ب بنیاتدانانا ده‌وله‌ته‌كا نه‌ته‌وه‌یی یا خودان ئۆل ومه‌زهه‌ب و بیر و بۆچوونێن سیاسی یێن ئازاد.

61

ملله‌تێ كورد ب درێژایا مێژوویێ راستی روودانێن سیاسی یێن نه‌خۆش بوویه‌ و دوژمنان ب ئاوایه‌كێ دره‌ندانه‌ و نه‌مرۆڤانه‌ سه‌ره‌ده‌ری دگه‌ل كوردان هاتیه‌ كرن و زیانه‌كا مه‌زن گه‌هاندیه‌ كوردان، به‌لێ چ جاران نه‌شیاینه‌ كوردان لاواز بكه‌ن و نه‌شیاینه‌ ئیرادا ملله‌تێ كورد لاواز بكه‌ن و نه‌هێلن، پێشمه‌رگه‌ هه‌ر ئه‌و پێشمه‌رگه‌یه‌ كو ل سه‌رێ چای و به‌رۆكێن شه‌ری دا ب ئیراده‌ و وره‌یا بلند شه‌رێ دوژمنی كری.
پێشمه‌رگه‌ و ملله‌تێ كورد د شۆره‌شێن ئیلول و گولانێ دا ئیرادا خوه‌ نیشا وه‌لاتێن هه‌رێماتیك دایه‌ كو خودان ئیراده‌یه‌كا پوولاییه‌ و ناهێته‌ هه‌ژاندن، له‌ورا ئه‌و كاره‌ستاتێن ب سه‌رێ ملله‌تێ كورد هاتین كو د چارچوڤێ ژناڤبرنا نه‌ته‌وه‌یه‌كی دا بوویه‌، ئیرادا خوه‌ ژ ده‌ست نه‌دایه‌ و نه‌ كه‌فتیه‌ بن چ باره‌كێ سیاسی كو ژ ده‌رڤه‌ی خواستێن وی بسه‌ر دا هاتبیته‌ سه‌پاندن، هه‌تا ل ڤێ دووماهیێ گرۆپا ب ناڤێ ده‌وله‌تا ئیسلامی ل عیراقێ و شامێ كو دبێژنێ داعش هاتیه‌ مه‌یدانێ و پێشمه‌رگه‌ی ژی ب وێ ئیرادا نه‌ته‌وه‌یی و نشتیمانی شه‌رێ ل دژی تیرۆرستێن داعش كریه‌ و پێش هه‌می جیهانێ ڤه‌ به‌رسینگێ ڤێ گرۆپا تیرۆرست گرتیه‌ و ب چه‌ك و كه‌رسته‌یه‌كێ كێمتر ژ یێ داعشێن تیرۆرست خوه‌ ل هه‌مبه‌ری وان گرتیه‌ و راستی شكه‌ستنێ كرینه‌.
د ڤی شه‌ری دا كو نوكه‌ كورد ب قوربانیێن خوه‌ دسه‌ربلندن و مه‌زنترین ئیراده‌ د هێزا پێشمه‌گه‌ی دا دهێته‌ دیتن، راسته‌ ژ لایه‌كی ڤه‌ هێزێن ناڤ نه‌ته‌وه‌یی ب وان هاریكاریێن پێشكێشی كوردان و پێشمه‌گه‌ی كرین بۆ بهێزكرنا په‌یوه‌ندیان نیشا هه‌میا دا كو په‌یوه‌ندیێن دبلوماسی یێن جه‌نابێ سه‌رۆك بارزانی سه‌رۆكێ هه‌رێما كوردستانێ جهێ هیڤیه‌كا مه‌زن و رێكه‌كا سه‌ركه‌فتیانه‌یه‌، به‌لێ پا ژ لایه‌كێ دی ڤه‌ ئیرادا پێشمه‌رگه‌ی و سه‌رۆك بارزانی بوو كو شیایی نه‌بتنێ داعش ژ پێشكه‌فتنێن وان ب راوه‌ستینیت به‌لكو شیان بشكێنن و پاشڤه‌ ببه‌ن و شكه‌ستن ل دووڤ شكه‌ستنێ ب سه‌رێ وان بینن و نێزیكی شكه‌ستنێ بكه‌ت.
ئه‌ڤ ئیرادا كو پێشمه‌رگه‌ی هه‌ی پێدڤی ب پشته‌ڤانیكرنا خه‌لكی و هێزا كوردستانێ هه‌یه‌ و فه‌ره‌ هه‌می پێكهاتێن خه‌لكێ كوردستانێ پشته‌ڤان و به‌رده‌وامده‌رێن وێ ئیرادێ بن به‌رامبه‌ر دوژمنێن كوردان، ل ڤێرێ بارێ سه‌ر ملێن هه‌ر تاكه‌كی ژ وێ ده‌ست پێ دكه‌ت كو د جهێ خوه‌ دا به‌ر پرسیاریا مێژوویی یا سه‌ر ملێن خوه‌ وه‌رگریت و رۆل هه‌بیت د بلندكرنا ئیراده‌ و وره‌یا پێشمه‌گه‌ی دا، هه‌تاكو ئه‌ڤ قووناغه‌ ژی دبیته‌ مێژوویه‌كا تژی سه‌روه‌ری بۆ كورد و كوردستانێ.

website security
WP Facebook Auto Publish Powered By : XYZScripts.com