NO IORG
Authors Posts by دلوڤان ئه‌مجه‌د بارزانى

دلوڤان ئه‌مجه‌د بارزانى

دلوڤان ئه‌مجه‌د بارزانى
9 POSTS 0 COMMENTS

10

دلۆڤان ئه‌مجه‌د بارزانى
ژیان ل ڤی وه‌لاتێَ ئه‌م تێدا دژین، هه‌روه‌كو رۆژ بۆ رۆژێ یا نه‌خۆش دبیت و گه‌له‌كا ب زحمه‌ته‌ ئه‌ز نزانم كا به‌خت و چاره‌نڤیسا مه‌یا وه‌سایه‌ و ژ ده‌ف خودایێ مه‌زن ئه‌ڤ نه‌خۆشیه‌ بۆمه‌ هاتینه‌ یان هنده‌ك كه‌سان ژیان ل كوردستانا من به‌ر ب ژناڤچوونێ ڤه‌بریه‌.
راستی مخابن ئه‌ڤ ملله‌تێ هندێ دلسۆز و باش و ب كه‌رامه‌ت وه‌سا بهێته‌ ره‌زیلكرن و مافێن وان بهێنه‌ پێشێلكرن.
هه‌تا وی راده‌ی كو رێیێن وه‌سا سه‌خت و دژوار دگرنه‌ به‌ر و دزانن ژ ٩٠% ده‌ربازبوونا وان نینه‌ و هه‌ر به‌ر ب وێ رێیێ دچن بۆچی؟ پێخه‌مه‌ت چێ؟
پێخه‌مه‌ت هندێ دا بگه‌هنه‌ وێ ژیانێ ئه‌وا هه‌ژی وان و بگه‌هنه‌ وی وه‌لاتی ئه‌وێ مافێ وان ب دروستی بده‌تێ، چونكی مرن و ژین د ڤێ ره‌وشا نها ئه‌م تێدا وه‌كی ئێكن و چ جوداهی نینه‌.
رۆژانه‌ ئه‌م ب ساخی یێن دمرین و دبینین و روودانا ڤان كاودان ئه‌ڤێن ئه‌م ب چاڤێن خوه‌ دبینین.
كا چاوا بێرێزی و پێشێلكرنا مافان به‌رامبه‌رمه‌ دهێنه‌ كرن.
ب تایبه‌تی خوه‌نده‌ڤانان چ بها نینه‌ ل وه‌لاتێ من.
چ گرنگیه‌ك ب باوه‌رنامێ ناهێته‌دان، ب ره‌نگه‌كێ گشتی دامه‌زراندن نه‌مایه‌.
بلا نه‌هێینه‌ دامه‌زراندن به‌لێ كار ل كه‌رتێ تایبه‌ت ژی نینه‌ و بۆ گه‌نجان ناهێته‌ ره‌خساندن دڤێت رێیه‌چاره‌یه‌ك هه‌بیت دا خه‌لكێ مه‌ بشیت كار بكه‌ت چونكی د ناڤ مه‌دا ل هه‌رێمێ مه‌ گه‌له‌ك گه‌نج و كه‌سێن زیره‌ك و دانا یێن هه‌ین زۆر پێگه‌هشتی خودان هزر و بیرێن باشن تشتێ نوو و ب مفا یێ ل ده‌ف وان هه‌ی، به‌لێ مخابن چاوا بكاربینن ب چ رێك بێ پشته‌ڤانی ب راستی ئه‌ڤه‌ كاره‌ساته‌.
ئه‌رێ چاوا بژین و ب چ بژین؟
هه‌می ته‌مه‌نێ مه‌ چوو هه‌تا بووینه‌ خودان باوه‌رنامه‌، لێ به‌لێ مخابن باوه‌رنامێ ژی چ بهایێ خوه‌ نینه‌.
ب كورتی و دروستی ئه‌م هزر دكه‌ین كو مه‌ چو پاشه‌رۆژ ل ڤی وه‌لاتی نینه‌.
ئه‌گه‌ر مرۆڤ ژی یێ بێ پاشه‌رۆژ بیت وه‌كو مرنه‌كێ یه‌.
ب راستی گه‌له‌كا نه‌خۆشه‌ مرۆڤ یێ بێ كار بیت و چ ل ژیان و پاشه‌رۆژا خوه‌ نه‌زانیت.
هیڤیدارم حوكمه‌تا هه‌رێما كوردستانێ كار بكه‌ت و هنده‌ك پرۆژان دابنیت دا رێژا بێكاریێ كێم ببیت و گه‌نجێن مه‌ژی ببنه‌ خودان كار.

33

دلۆڤان ئه‌مجه‌د بارزانى
هێشتا برینا 16 ئوكتوبه‌رێ ساخنه‌بوو یا نوو بوو ژبۆ مه‌ خه‌لكێ كوردستانێ ب گشتی و كه‌ركووكا خۆراگر ب تایبه‌تی.
جاره‌كا دی ئه‌ڤان هه‌ر خیانه‌تا خوه‌ كر و هه‌ر به‌رده‌وامن ل سه‌ر جاشاتیا خوه‌ و بریارا ل قاسم سوله‌ێمانی وه‌ردگرن، چونكێ ئه‌و چو جاران ل گه‌ل سه‌ربه‌خوه‌یا كوردستانێ نه‌بووینه‌ وه‌كی به‌ری نوكه‌ ژی مه‌دیتی چه‌ند كاندیدێن دیار یێن ئێكه‌تیێ ل دژێ كوردان به‌رگری ژ عیراقێ دكر.
بلا عیراقه‌كا ئێكگرتی و ئێكرێزیا عیراقێ پیرۆزێ ئێكه‌تیا نشتیمانی بیت چونكی وان ئێك پارچه‌یا عیراقێ دڤێت.
هه‌روه‌سا پارتی دیمۆكراتی كوردستانێ هیڤیا وێ ئه‌وه‌ كوردستان ببیته‌ ده‌وله‌ت و ژ عیراقێ جودابین و ب سه‌ربه‌خوه‌یی بژین، چونكێ پارتی بنده‌ستی و جاشایه‌تی چو جاران قه‌بوول نه‌كریه‌ و قه‌بوول ژی ناكه‌ت.
مه‌ كوردستانه‌كا ئێكگرتی و ئێك پارچه‌ دڤێت نه‌ك عیراق.
به‌س د ڤێره‌ دا پارتی دیمۆكراتی كوردستان ژی یا شاشبوو چونكێ نه‌دبوو وه‌سا ب ساناهی باوه‌ریا خوه‌ لایه‌نێ دى ئینا با پشتی 16 ئوكتوبه‌رێ ئه‌و خیانه‌تا مه‌زنا به‌رامبه‌ری ملله‌تێ كورد كری.
پارتی هندی هندا نیازپاك و دلسۆز و راست و دروسته‌ به‌ر هندێ دڤێت هه‌می تشت ب ئاشتی و لێك تێگه‌هشتن چاره‌سه‌ربن.
مه‌زنا یا گۆتی: “ئه‌و كه‌سێ گرت ب شیری به‌رناده‌ت ب پیری “.
ئه‌و حزبێن خیانه‌ت ب شیری یا گرتی و باش بزانن ژی چو جاران به‌رناده‌ت خوه‌ ب پیری ژی.
دڤێت ئه‌م خه‌لكێ كوردستانێ ژی بخوه‌ باش بزانین و تێبگه‌هین كا كێژ پارت و لایه‌ن د به‌رژه‌وه‌ندیا كوردستانێ دایه‌ و بۆ كوردستانێ كاردكه‌ت ئه‌م ل گه‌ل وی لایه‌نی دابین.
به‌س تشتێ سه‌یر د ڤێره‌ دا ئه‌ز نزانم به‌ربژارێ خوه‌ بۆ سه‌رۆك كۆمارێ عیراقێ كرى د وی ده‌می دا كو كه‌سه‌كه‌ ژمه‌ هه‌میان ب چاڤێ خوه‌ دیت نه‌شیا سه‌رۆكاتیا پارته‌كا بچووك ژی بكه‌ت ڤێجا دوورا سه‌رۆك كۆماری یه‌.
به‌س هیڤیا ڤانه‌ به‌س كورسی و پۆسته‌ وه‌كی سه‌رۆكێ به‌ری نها یێ كۆمارا عیراقێ.
هه‌تا نها ژی بلا ئێك بێژیت فلان شۆل یان كارێ بۆ هه‌رێما كوردستانێ كری د ڤان سالێن سه‌رۆك كۆماری كری چ كریه‌؟ چنه‌ كریه‌…!!
وه‌كی گوله‌كا بێ بهێن بوو چ فایده‌ بوو كه‌سێ نه‌بوو.
ل دووماهیێ بلا ئه‌م پسیاره‌كێ ژ خوه‌ بكه‌ین:ـ
ئه‌رێ ئه‌و ئێكه‌تیا كه‌ركووك فرۆتیه‌ عه‌ره‌ب و شیعا وه‌سا ب ساناهی چاوا پۆستێ سه‌رۆك كۆماری وه‌رناگریت؟ ئه‌رێ بێژنه‌ من دێ چاوا دێ پارته‌كێ كه‌نه‌ سه‌رۆك كۆمار كو هه‌ول و كار بۆ دروستكرنا ده‌وله‌ته‌كا سه‌ربه‌خوه‌ دكه‌ت دڤێت ل عیراقه‌كا ئه‌نفالچی و زۆردار جودا ببینن.
ئه‌و ژی پارتی دیمۆكراتی كوردستانه‌ خودان هێز و خه‌مخۆڕا ملله‌تێ كورده‌.

3

دلۆڤان ئه‌مجه‌د بارزانى
ئه‌ز دێ ل ده‌سپێكێ به‌حسێ ده‌سه‌لاتدار و زه‌نگین و پله‌دارێن رۆژهه‌لاتا ناڤین ب گشتی و عیراقێ و هه‌ڕێمێ ب تایبه‌تی كه‌م.
ئه‌گه‌ر مه‌ گۆت زه‌نگین یان ده‌سه‌لاتدار یان پله‌دار و بالاده‌ست یان گه‌له‌كێن دی یێن وه‌سا رامانا وێ ئه‌وه‌ كو مال و سامان و پاره‌كێ بێ هه‌ژمارێ هه‌ی و یێن ده‌ستێن وان دا، به‌س كا دا ته‌ماشای وان بكه‌ین كا ڤی مال و دارایی چاوا بكاردئینن و دمه‌زێخن.
ــ ئه‌رێ ئه‌ڤێن زه‌نگین چاوا پارێ خوه‌ بكاردئینن؟
ــ ب زۆری گرنگیێ ب چ دده‌ن …؟
ــ ئه‌ڤ ده‌سه‌لاتدار و زه‌نگینه‌ زۆرتر ب دووڤ چ ڤه‌نه‌؟
دێ ب ره‌نگه‌كێ تێكه‌ل و كورت به‌رسڤا ڤان پسیاران ده‌م:
ئه‌گه‌ر ئه‌م هزر د ڤان زه‌نگین و ده‌سه‌لاتدار و ئه‌ڤێن خودان داراییه‌كێ زۆر دا بكه‌ین، دێ بۆ مه‌ دیار بیت كو ڕێژه‌یا (95%) ژ سه‌دێ گرنگیێ دده‌نه‌ سێ تشتان ئه‌و ژی:
1ـ ماله‌كا جوان و سه‌رنجراكێش.
2ـ كچكێن جوان و نازك.
3ـ ئۆتۆمبێل یێن ب بها گران و خوارنێ.
ئه‌گه‌ر ئه‌م بچینه‌ سه‌ر راستیێ ئه‌ڤ هه‌رسێ تشته‌ نه‌ د وی ئاستی دانه‌ كو هند گرنگی پێ بهێته‌دان، نابێژم باش نینه‌ و چنینه‌ نه‌ دڤێت هه‌بن.
لێ به‌لێ تشتێ ل ڤان گرنگتر و ب بهاترێ هه‌ی ده‌سه‌لاتدار و زه‌نگینێن رۆژهه‌لاتا ناڤین ب گشتی و هه‌ڕێما كوردستانێ ب تایبه‌تی كو هه‌می مال و سامانێ خوه‌ تێدا بمه‌زێخین و بكاربینین.
هه‌كه‌ هاتوو ڤان ده‌وله‌تێن جیرانێن هه‌رێما كوردستانێ ده‌رگه‌هێن سنۆری یێن خوه‌ ل سه‌ر هه‌ڕێمێ گرتن و نه‌هێلا چ تشته‌ك داخلێ هه‌ڕێمێ بیت، پاشی دێ چ رووده‌ت ئه‌ڤ سێ تشته‌ دێ چ كه‌ن دێ چ گرنگیا خوه‌ هه‌بیت؟.. هیچ.!
له‌وما من دڤێت بێژم یا باش ئه‌وه‌ ئه‌ڤ ده‌سه‌لاتدار و زه‌نگین و پله‌دارێن حوكمه‌تێ وی مال و سامانی و دارایێ خوه‌ د ڤه‌كرنا كۆمپانیێن وه‌به‌رهێنانێ و چاندنا به‌رووبومێ كشتوكالی و ڤه‌كرنا كارگه‌ه و كۆمپانیێن وه‌سا كو هه‌می پێدڤیێن ملله‌تێ مه‌ پێ بهێنه‌ دابینكرن، دا چاڤێن كه‌سێ ل به‌رووبوم و ئالاڤ و داهێنانێن ده‌وله‌تێن جیران و بیانی نه‌بیت هه‌می تشت لێ بهێنه‌ دروستكرن (made in Kurdistan) بن و بێ منه‌تێ ده‌وله‌تێن دی، هه‌روه‌سا ئه‌گه‌ر هاتوو ده‌رگه‌هێن سنووری ژی ل سه‌ر مه‌ هاتنه‌گرتن د ووی ده‌می دا دێ تشته‌كێ ئاسایی بیت و كارتێكرنێ ل وه‌لاتی ناكه‌ت و چ ژێ كێم نابیت.
له‌وما یا فه‌ره‌ گرنگیه‌كا باش ب هه‌می ڤان كارگه‌هو كۆمپانی و پرۆژان بهێته‌دان.
ئه‌ڤه‌ گه‌له‌كا باشه‌ بۆ هه‌ڕێمێ ب تایبه‌تی و عیراقێ ب گشتی، چونكێ دێ بیته‌ ئه‌گه‌رێ نه‌هێلان یان كێمبوونا قه‌یرانا ئابووری ل سه‌ر هه‌ڕێما كوردستانێ.
ئه‌گه‌ر بێمه‌ سه‌ر زه‌نگین و ده‌سه‌لاتدارێن ده‌وله‌تێن بیانی ئه‌و به‌روڤاژی زه‌نگین و ده‌سه‌لاتدارێن روژهه‌لاتا ناڤین.
ئه‌ڤ ده‌وله‌تێن بیانی ئه‌گه‌ر ئه‌م ته‌ماشا بكه‌ین یا دیار و پێش چاڤه‌ كو هه‌می به‌رهه‌م و داهێنانێن وان هه‌ریێن وه‌لاتێ وان بخوه‌نه‌ ئه‌و بخوه‌ هه‌می تشتێ پێدڤی چێدكه‌ن. هه‌روه‌سا فرێ دكه‌نه‌ ده‌وله‌تێن دی ژی.
زه‌نگین و ده‌سه‌لاتدارێن وان هه‌می مال و سامان و پاره‌ی د ڤه‌كرنا كارگه‌هێن جۆراو جۆر و كۆمپانیا و چاندنا به‌رووبومی و گه‌له‌ك تشتێ دی دا دمه‌زێخن.
هه‌تا وی ڕاده‌ی كو یێ هنده‌ك داهێنانان دكه‌ن د هزرا مه‌ژی دا نینه‌ و ئه‌م پێ سه‌رسام دبین.
هه‌روه‌سا چ قه‌یران ژی نه‌شێن كارتێكرنێ ل وه‌لاتێ وان بكه‌ن و خه‌لكێ وان زۆر ب باشی دژین سه‌ره‌رای هندێ ژی كو ڕێژا ئاكنجیێن وان ده‌ه جارا ژی پتری ده‌وله‌تێن رۆژهه‌لاتا ناڤینن.
ئه‌ڤه‌ ژی وێ چه‌ندێ بۆ مه‌ دیار دكه‌ت كو ئه‌ڤ ده‌وله‌ته‌ سیسته‌مێ برێڤه‌برنێ دا گه‌له‌ك زیره‌ك و دانا و شاهره‌زانه‌.
سامان و داراییێ خوه‌ د تشتێ بێ مفادا نامه‌زێخن.
هیڤیدارم ئه‌ڤ زه‌نگین و حوكمه‌ت و ده‌سه‌لاتدارێن رۆژهه‌لاتا ناڤین ب گشتی و هه‌ڕێما كوردستانێ ب تایبه‌تی چاڤ ل ڤان ده‌وله‌تێن پێشكه‌فتی بكه‌ن دا بشێن ڤان ئاریشا چاره‌سه‌ر بكه‌ین و نه‌هێلین.
ئاریشا هه‌ڕێما كوردستانێ ئه‌وه‌ نزانن ڤی دارایی بكاربینن، چونكێ ژلایێ دارایی ڤه‌ ئه‌م ژ هه‌میان زه‌نگینترین به‌س نه‌زانین د سیسته‌مێ بكارئینانێ دا ئه‌مێن به‌ر ب قه‌یرانێ ڤه‌ برین.
ئه‌گه‌ر نه‌ ئه‌م یێن د ناڤ خه‌زینێ دا زێرێ ڕه‌ش، ئاخا عیراقێ هه‌می “گازه‌” چه‌نده‌ها بیر و شه‌ریكێن گازێ یێن هه‌ین ل عیراقێ، ئه‌رێ ئه‌و داهاته‌ هه‌می كێڤه‌ دچیت چلێ دهێت.
ئه‌ز دێ پسیاره‌كێ ژ هه‌وه‌ كه‌م خۆنده‌ڤانێن هێژا هوون به‌رسڤێ بده‌ن:
ئه‌رێ بۆچی خه‌لكێ كوردستانێ د ناڤ گازێ دایه‌ و یێ بێ گازه‌ ژی..؟

22

دلۆڤان ئه‌مجه‌د بارزانى

به‌ربژارێن هێژا سۆز و په‌یمانێن مه‌زن نه‌ده‌نه‌ خه‌لكی كو جێبه‌جێكرنا وان د شیانێن هه‌وه‌ دانه‌بیت.
هه‌می لایه‌نان دڤێت ناما خوه‌ یا تایبه‌ت هه‌بیت هه‌روه‌سا هه‌ر به‌ربژاره‌ك نوونه‌راتیا پارتا خوه‌ دكه‌ت و زۆر ژى ئاسایه‌ به‌ربژار بێژن ئه‌م دێ به‌رنامێ پارتا خوه‌ جێبه‌جێكه‌ین، به‌لێ یا ژ هه‌میێ گرنگتر ئه‌وه‌ كو د په‌رله‌مانی دا ئێكگرتی و ئێك هه‌لۆێست بن، راسته‌ دڤێت پارتا وان و به‌رنامێ پارتا وان ل ده‌ف یا گرنگ بیت و ل دووڤ بچن به‌س دڤێت ب ڕه‌نگه‌كێ گشتی كار بۆ هه‌ڕێما كوردستانێ بكه‌ن.
زۆرا خراپه‌ به‌ربژار به‌رژه‌وه‌ندیێن گشتی بكه‌ته‌ قوربانی به‌رژه‌وه‌ندیێن تایبه‌تی یا پارتا خوه‌ به‌رۆڤاژی ڤێ چه‌ندێ دڤێت به‌رژه‌وه‌ندیێن تایبه‌تی بكه‌نه‌ قوربانی به‌رژه‌وه‌ندیێن گشتی.
به‌لێ ل وی ده‌می دا ئه‌گه‌ر بزانن ئه‌و به‌رژه‌وه‌ندیا گشتی بۆ ته‌ڤایا ملله‌تێ كورد یا باشه‌، چونكی هه‌می به‌ربژار دێ ب نوونه‌راتیا خه‌لكی ب تایبه‌تی وان كه‌سێن ده‌نگێ خودایێ دێ چنه‌ د ناڤ هۆلا په‌رله‌مانی دا.
له‌وما پێدڤیه‌ ئێك ده‌نگ بن هه‌ولا بجهئینانا وان هه‌می په‌یمان و سۆزێن دایه‌ خه‌لكی به‌ری ده‌نگدانێ بده‌ن و ببنه‌ جهێ ره‌زامه‌ندیا خه‌لكی د به‌رژه‌وه‌ندیا خه‌لكی دا كار بكه‌ن.
ل ڤێره‌ دڤێت ئه‌م هه‌می خه‌لك بزانین كا شۆلێ ئه‌ندام په‌رله‌مانی چیه‌ د په‌رله‌مانی دا؟، كا به‌ربژاری شاره‌زایی د چ وار دا هه‌یه‌ و تایبه‌تمه‌ندیا وی چیه‌ و دێ ل دووڤ وی بیاڤێ شۆل كه‌ت یێ ئه‌و تێدا شاره‌زا.
هه‌روه‌سا به‌ربژار ژی نابیت سۆزێن مه‌زن بده‌ته‌ خه‌لكی كو ئه‌م سۆر و سۆر دزانین كو ئه‌و نه‌شێت وێ سۆزێ جێبه‌جێ بكه‌ت.
له‌وما به‌ربژار بلا بارێ خوه‌ گران نه‌كه‌ت بلا وان سۆزان بده‌ت كو د شیانێن وی دا هه‌بن و بشێت ل هه‌مبه‌ر سۆزا خوه‌ ده‌ربكه‌ڤیت دا ئه‌و شه‌رم و زار نه‌بیت و خه‌لك ژی بێ هێڤی نه‌بن و په‌شیمان نه‌بن كو ده‌نگێ خوه‌ یێ دای.
من ل چاڤ پێكه‌فتنه‌كا تی ڤی یێ دا دیت یا خولا چووی یا هه‌لبژارتنا نوونه‌راتیا په‌رله‌مانی عێراقێ دا كو به‌حس ل دستوور و مووچه‌یا دهاته‌كرن.
من دڤێت ڤێ چاڤپێكه‌فتنێ ب نموونه‌ وه‌ربگرم، هه‌رچه‌نده‌ یا به‌ربژارێن نوونه‌راتیا په‌رله‌مانی عیراقێ بوو وان ئه‌ڤ چه‌نده‌ دگۆت به‌س من دڤێت دوباره‌ بكه‌مه‌ڤه‌ دا به‌ربژارێن په‌رله‌مانی هه‌رێما كۆردستانێ ڤێ شاشیێ دووباره‌ نه‌كه‌ن: نابیت به‌ربژار بێژیته‌ خه‌لكی ده‌نگێ خوه‌ بده‌نه‌ من و به‌حسێ دستووری بكه‌ت و بێژیت دێ ڤێ خالا دستووری جێبه‌جێ كه‌م، نه‌خێر چ به‌ربژاره‌ك یان لایه‌نه‌كێ سیاسی نه‌شێت خاله‌كا دستووری بتنێ جێ به‌جێ بكه‌ت.
ئه‌گه‌ر هه‌می لایه‌نێن سیاسی یێن هه‌می پارتێن كوردی پێكڤه‌ كار ل سه‌ر نه‌كه‌ن و نه‌بنه‌ ئێك.
هه‌روه‌سا یا چاره‌سه‌ركرنا مووچه‌یان كو بێژن دێ مووچێ فلان جهی یان باژێری چاره‌سه‌ركه‌ین، نه‌خێر ئه‌و ژی ب تنێ ناهێته‌ كرن چۆنكی په‌رله‌مان دێ ب زۆریا ده‌نگان بڕیاران په‌سه‌ند كه‌ت، لایه‌نه‌ك یان پاڕته‌ك یان به‌ربژاره‌ك ب تنێ نه‌شێت وان تشتان بكه‌ت، ل وی ده‌می دێ گه‌له‌ك ئه‌ندامێن پارتێن دی یێن عه‌ره‌بی نه‌رازی بن ل پێناڤ چاره‌سه‌ركرنا ئاڕیشێن هه‌رێما كوردستانێ و دانا مافێ خه‌لكێ هه‌ڕێمێ.
ل وی ده‌می دا دێ ب زۆریا ده‌نگان بڕیارا هێته‌ په‌سه‌ندكرن.
ژبه‌ر هندێ ئه‌م بۆ په‌رله‌مانێ عیراقێ و نها ژی بۆ په‌رله‌مانی هه‌رێما كۆردستانێ هه‌ر ته‌كه‌زیێ دكه‌ینه‌ سه‌ر ئێكگرتنێ چونكی ئێكگرتن سه‌رێ هه‌میێ یه‌.
بێ ئێكگرتنا هه‌می پارتان چ تشته‌ك ب ده‌ست مه‌ڤه‌ ناهێت، چوونا وان دێ یا بێ مفابیت و دێ وه‌كی ڕووبۆتا بن د ناڤ په‌رله‌مانێ دا لێ هێن، ل ده‌مێ بریاره‌ك دهێته‌ په‌سه‌ندكرن به‌س دێ ده‌ستێن خوه‌ بلند كه‌ن ئه‌و ژی د وی ده‌می دا ئه‌گه‌ر وا خیره‌تكر نه‌چووبنه‌ د هزرێن كویر دا.

22

دلۆڤان ئه‌مجه‌د بارزانى
كاره‌ساتا شنگالێ ئه‌وا ل 3/8/2014، ب سه‌رێ كوردێن ئێزیدی دا هاتی كو كاره‌ساته‌ك، تاوانه‌ك بوو هه‌تا نوكه‌ ژی د هزرا چ مرۆڤان دا نه‌بوو، تاوانه‌كا هندا مه‌زن به‌رامبه‌ری دیانه‌ته‌ك، نه‌ته‌وه‌كا بچووكا هه‌ڕێما كوردستانێ بهێته‌كرن، كو ئه‌و ژی كوردێن ئێزیدینه‌، هه‌روه‌سا یا ژ هه‌میێ گرنگتر كوردێن ڕه‌سه‌نن.
ئه‌گه‌ر ئه‌م بچینه‌ سه‌ر بنیاتێ كوردان، دێ دیرۆك بۆ مه‌ دیاركه‌ت كو ژ ئیزیدیاتیێ یا هاتی، له‌وما دڤێت رێز ل هه‌بوونا وان بهێته‌ گرتن.
ــ ئه‌ڤه‌ چار سال ب سه‌ر كاره‌ساتا شنگالێ دا ده‌ربازبوون، كو ب دڕنده‌ترین و داخبارترین كاره‌ساته‌ ب سه‌رێ ملله‌تێ مه‌یێ ئێزیدی دا هاتی، بێگومان ژی ئه‌ڤ برینا كوڕ چ جاران د دلێ مه‌ و هزرا مه‌دا ده‌رناكه‌ڤیت دێ هه‌ر مینیت برینه‌كا كوور، چونكی چو جاران ل پێش چاڤێن مه‌ ناچیت ئه‌ڤ تاوانا دژێ مرۆڤایه‌تیێ.
ــ هێرشا ده‌وله‌تا ئیسلامی یا ب ناڤێ “داعش” بۆ سه‌ر شنگالێ و ب دڕنده‌ترین كاره‌سات دهێته‌ هژمارتن كو د ڤان سالا دا هاتینه‌كرن، د ڤی ده‌می دا جیهان د بلندیا پێشكه‌فتن و پێشڤه‌چوونان دا بوو.
لێ مخابن ئه‌ڤ هووڤ و درنده‌ ب ناڤێ ئیسلامێ هاتن و ئه‌و بخوه‌ ژی دوور و دژێ ئیسلامێ بوون، هه‌ولدان ناڤێ ئیسلامێ ژی كێم بكه‌ن و ئه‌م هه‌می دزانین كا كویلێن ده‌ستێ كێ بوون و چ ده‌وله‌ت بوون.
هه‌ر ل ده‌سپێكا هاتنا وان بۆ كوردستانێ بوو، چونكی هاتن و هه‌ولا هه‌می ده‌وله‌تێن جیران و ئه‌وێن دی یێن رۆژهه‌لاتا ناڤه‌ڕاست ژناڤبرن و قیركرنا كوردانه‌ ب ئێكجاری، ئه‌گه‌ر ب وان بیت یێ كوردبیت ل سه‌ر روویێ عه‌ردی نامینیت، به‌س هزر و بیرێن وان د به‌تال و فاشلن، چونكی كورد چو جاران ب دووماهى نابن، هندی دنیا ژی هه‌بیت كورد دێ هه‌ر هه‌بن.
ــ لێ وان ڤێجارێ كوردێن مه‌ یێن ئێزیدی كرنه‌ ئارمانج وان دڤیا كوردێن ئیزیدی نه‌هێلن و ب ته‌مامی ژناڤببه‌ن، ب تنێ ژبه‌ر هندێ كو كوردن و ئێزیدینه‌.
بێگومان ژی ئه‌ڤا ب سه‌رێ كوردێن ئێزیدی دا هاتیه‌كرن جینۆسایده‌، ئه‌گه‌ر ئه‌م به‌حسێ هێرشا ل سه‌ر شنگالێ بكه‌ین، دڤێت بێژین جینۆسایدكرنا كوردێن ئێزیدی ژلایێ ده‌وله‌تا ئیسلامی ڤه‌ یا ب ناڤێ “داعش”.
ب راستی ئه‌و تشتێ ئه‌م كوردستانی هه‌می ئێشاندین و برینداركرین كو هندی د ژیانێ دابین ئه‌ڤ برینه‌ د دلێ مه‌دا ساخ نابیت دێ هه‌ر یا ئازریایی و كووربیت، ئه‌و ژی برنا كچ و ژنێن كوردێن مه‌یێن ئیزیدی بوون. ژبلی كوشتن و ژناڤبرنا چه‌ندین زه‌لام و زارۆیان ب ساخی بن ئاخكرن و ب دڕنده‌ترین شێوه‌ ئه‌شكه‌نجه‌دان، ب زۆری دینێ ئیسلامێ ب سه‌ردا دسه‌پاند، هه‌تا وی ڕاده‌ی ئه‌و كه‌سێ نه‌ببا موسلمان دكۆشتن و سه‌ر ژێ دكرن.
هه‌روه‌سا ب زۆری و زۆرداریێ شه‌هده‌ پێ دئینا و نڤێژ پێ دكرن، گوهۆرینا دیانه‌ته‌كێ ب دارێ زۆریێ ب راستی ئه‌و بخوه‌ ژی كاره‌ساته‌كا گه‌له‌كا مه‌زنه‌ د دیرۆكا جیهانی دا.
ــ هه‌روه‌سا چه‌ندین هه‌زار زارۆ و گه‌نج و پیر د چیایێ شنگالێ دا مان بێ نان و ئاڤ ژ برسان و ترسان و تێهنی بوونێ دا مرن و بوونه‌ قوربانی، هه‌تا هێزێن پێشمه‌رگێن قاره‌مان گه‌هشتینێ و رزگاركرین.
له‌وما پێدڤیه‌ ل سه‌ر مه‌ كو به‌حسا كاره‌ساتا شنگالێ دكه‌ین قاره‌مانی و مه‌ردایه‌تیا پێشمه‌رگا ژبیرنه‌كه‌ین كو وان هه‌می هه‌ولێن خودان بۆ ئازادكانا كوردێن ئێزیدی ئه‌وێن ل چیایێ دا مای و شیان ب زووترین ده‌م وانا رزگار بكه‌ن ب هه‌ر ڕه‌نگه‌كێ هه‌بیت.
ــ هه‌روه‌سا دڤێت ئه‌م خه‌لكێ هه‌ڕێما كوردستانێ ب گشتی و كوردێن ئێزدی ب تایبه‌تی هه‌رده‌م سۆپاسیا ده‌ڤه‌را به‌هدینان و خه‌لكێ دهۆكێ و ده‌وروبه‌ر بكه‌ین و چو جاران باشی و ئه‌ركێ وانێ مرۆڤایه‌تیێ ژبیرنه‌كه‌ین، چونكی وان ب هه‌می ڕه‌نگان ده‌رگه‌هێن مالێن خوه‌ و دلێ خوه‌ بۆ ئاوارێن شنگالێ و ده‌وروبه‌ر ڤه‌كرن و هه‌روه‌سا ده‌رگه‌هێن خواندنگه‌هان و مزگه‌فتان ژی هاتنه‌ ڤه‌كرن.
زۆرا ب زحمه‌ته‌ راستی ملله‌ته‌كێ ل سه‌ر ئاخا وان وه‌لاتێ وان زێدێ باب و باپیرێن وان ده‌ربه‌ده‌ر بكه‌ن و ل مال و حالێ وان بكه‌نه‌ ده‌رێ و مال و ملكێ وان تالان بكه‌ن، یا ژ هه‌میێ نه‌خۆشتر د ناڤ وه‌لاتێ خوه‌دا ببنه‌ ئاواره‌ و ئه‌و بخوه‌ خودانێن ڤی وه‌لاتی و ئاخێ بن.
ــ ئه‌ز بخوه‌ سه‌رێ رێز و ته‌قدیرێ و به‌ژنا خوه‌ دچه‌مینم بۆ هه‌می خێزانێن سه‌ربلندێن شه‌هید و قوربانیێن كاره‌ساتا شنگالێ ، بۆ وان هه‌می خه‌باتكار و قه‌هره‌مانان و هه‌می پێشمه‌رگا و شه‌رڤانا ئه‌ڤێن كو هه‌می هه‌ولێن خودایی و شه‌ڤ و رۆژێن خوه‌ كرینه‌ ئێك بۆ رزگاركرنا كه‌سوكارێن مه‌ یێن ئێزدی.
ئه‌ڤان كوردبوونا خوه‌ سه‌لماند، كورد هه‌می ئێكن بێجوداهیا دین و نه‌ته‌وه‌، ئه‌م هه‌می د ڤێ كوردستانێ دا وه‌كی برایان بووینه‌ و دێ هه‌ر مینین برا ژی.
سه‌رشۆڕی و شه‌رمه‌زاری ژی دێ هه‌ر به‌هرا دوژمن و نه‌حه‌ز و نه‌یارێن كوردستانێ بیت.

19

سیاسه‌ت و دیانه‌ت ئه‌ڤ هه‌ردو بابه‌ته‌ یێن بووینه‌ قسه‌ و به‌حسێن ل سه‌ر ده‌ڤێ هه‌می ته‌خوچینێن جڤاكی، هه‌ر ژ زارۆیان بگره‌ هه‌تا گه‌نج و دانعه‌مران.

ـ ل هه‌ڕێما كوردستانێ ب تایبه‌تی و ل رۆژهه‌لاتا ناڤین ب گشتی بچیه‌ هه‌ر جڤاته‌كێ یانژی ده‌ف ئێك یان ژی هنده‌ك ژ هه‌ڤالان یان ژی هه‌ر جهه‌كێ دی كۆ بۆنه‌وه‌رێن ب ناڤێ مڕۆڤ لێ بن.
به‌س به‌حسێ دو تشتان دهێته‌كرن:ـ
1ـ سیاسه‌ت.
٢ـ دیانه‌ت.
ـ ب بۆچوونا من ئه‌ڤ هه‌ردو بابه‌ته‌ د تایبه‌تن و ب كه‌سایه‌تیا مڕۆڤی ڤه‌ دگرێداینه‌؟
لێ مخابن ئه‌ڤه‌ د ناڤ خه‌لكێ كۆردستانێ و رۆژهه‌لاتا ناڤین دا یا بوویه‌ دابونه‌ریت، هه‌تا وی ڕاده‌ی كو ل ده‌سپێكا هه‌ڤنیاسینا دو كه‌سان دا ئه‌ڤ دو پسیاره‌ ل ده‌سێكێ دهێنه‌ كرن ئه‌و ژی:ـ
ـ ئه‌رێ تۆ لایه‌نگیرێ كیژ پارتا سیاسی؟
ـ ئـه‌رێ بیروباوه‌رێن تـه‌ چنه‌؟ تـو ل سـه‌ر چ ئاینی؟
هندی ئه‌م ب دووڤ ڤان تشتان ڤه‌ بین چ جاران ئه‌م پێشناكه‌ڤین و چ جاران ئه‌م د وه‌لاته‌كێ دا و ل بن سێبه‌را ئێك ئالا دا ناژین.
ئه‌ڤ چه‌نده‌یه‌ بۆیه‌ ئه‌گه‌رێ په‌یدابوونا لاوازیا هزری و بێهێزیا پێشڤه‌چوونان ل رۆژهه‌لاتا ناڤین.
ئه‌گه‌ر ئه‌م ب درستی ته‌ماشایێ وه‌لاتێن ئه‌ورۆپی بكه‌ین، پاشی ته‌ماشای رۆژهه‌لاتا ناڤین بكه‌ین، دێ بۆ مه‌ دیاربیت كا ئه‌و چه‌ندێن پێش مه‌دا و چه‌ندێن پێشكه‌فتی.
به‌روڤاژی وان ئه‌م چه‌ندێن ڤه‌مای و د ناڤ پاشكه‌فتنا خوه‌دا ئه‌م یێن نقۆمبووین.
راسته‌ دڤێت ئه‌ڤ هه‌ردو تشته‌ ل ده‌ف مڕۆڤی هه‌بن سیاسه‌ت و دیانه‌ت:ـ
سیاسه‌ت:ـ یه‌عنی نێزیكبوون ژ چاكیێ و دووربوون ژ خربپیێ، سیاسه‌ت هۆنه‌رێ بڕێڤه‌برنا وه‌لاتی یه‌ ل سه‌ر بنه‌مایه‌كێ راست و دروست كو د به‌رژه‌وه‌ندیا گشتی دابیت.
دیانه‌ت:ـ ئه‌وه‌ كو مرۆڤ پێ نێزیكێ خودێ بیت و ڕێیا خودێ پێ بناسیت ، مرۆڤی به‌ر ب باشیێ و میهره‌بانیێ ڤه‌ دبه‌ت، زۆرێ پیرۆزه‌ و یێ گرێدایی یه‌ ب كه‌سی خوه‌ڤه‌ د ناخێ مرۆڤی دا شۆل دكه‌ت و شین دبیت.
لێ به‌لێ هه‌تا نها ژی خه‌لكێ مه‌ ب دروستاهی د ڤان هه‌ردو بابه‌تان نه‌گه‌هشتینه‌ و ب دروستاهی ل ێك ناده‌نه‌ڤه‌، هه‌ر لایه‌نێ نه‌ڕینی دگرن و چو جاران ئه‌ڕینی نه‌بوونه‌.
ـ ئه‌رێ بۆچی ئه‌م خه‌لكێ هه‌ڕێما كۆردستانێ ب تایبه‌تی و رۆژهه‌لاتا ناڤین ب گشتی ئه‌م ناهێین ل جیاتی ڤان هه‌ردو تشتێن ب مرۆڤی ڤه‌ گرێدایی، به‌حسێ بابه‌تێن ره‌وشه‌نبیری و زانین و پێشكه‌فتنا و داهێنانێن نوو بكه‌ین.
دا بشێین خوه‌ وه‌ك كه‌س پێبگه‌هینین و وه‌لاتێ خوه‌ ده‌وله‌تا خوه‌ به‌ر ب پێشڤه‌ ببه‌ین وه‌كی هه‌ر ده‌وله‌ته‌كا دی یا ئه‌ورۆپی.
ئه‌رێ ماچیێ ژ مه‌ كێمه‌ مه‌ژی وه‌كی وان دو ده‌ست و دو چاڤ و دو پێ نینه‌ كو بشێن ببینین و كاربكه‌ین و ل سه‌ر پێم خوه‌ راوه‌ستین.
بێگومان ئه‌م ژی وه‌كی وان مرۆڤین، لێ به‌لێ هزرو بیروبۆچوونێن مه‌ ل گه‌ل هزرو بیروبۆچوونێن وان زۆر زۆر د جودانه‌.
له‌وما دڤێت ئه‌م ده‌سپێكێ ل خوه‌ ده‌ست پێ بكه‌ین، خوه‌ چێكه‌ین مرۆڤایه‌تیێ و ئێكدی قه‌بوولكرنی بكه‌ینه‌ پیڤه‌رێ سه‌ره‌كیێ ژیانا خوه‌، چاڤێن خوه‌ ڤه‌كه‌ین دا بشێین جیهانێ ب رۆنی ببینین د ژیانێ بگه‌هین، ب دله‌كێ مه‌زن هه‌می كه‌سان قه‌بوول بكه‌ین ل سه‌ر بنه‌مایێ مرۆڤایه‌تیێ و ئێكگرتنێ بێ جوداهیا دین و نه‌ته‌وه‌ و هه‌ر تشته‌كێ دی.
بلا هه‌رده‌م ل بیرا وه‌بیت كو”هه‌ڤالینی و براینی ژ هه‌مــی تشتان پیرۆزتر و ب قه‌درترن، به‌س كو ل سه‌ر بنیاته‌یه‌كێ راست و دروست بن”.

23

دلۆڤان ئه‌مجه‌د بارزانى
پارتی دیمۆكراتی كوردستان یا به‌رهه‌ڤیان دكه‌ت بۆ كۆنگرێ هه‌شتێ یێ ئێكه‌تیا لاوێن دیمۆكراتا كوردستانێ، كو هه‌ژی به‌سكرنێ یه‌ بێژین بڕیارا ئه‌نجامدانا كۆنگرێ هه‌شتێ ل رێكه‌فتێ (10/7/2018) هاتبوودان كۆ بهێته‌گێران. ناڤێ كۆنگره‌ی ژی ب ناڤێ كۆنگرێ “پێشمه‌رگه‌”یه‌، وه‌ك ڕێزگرتنه‌ك و به‌رامبه‌ری خه‌بات و تێكۆشان و قاره‌مانیا وان و پیرۆزی و گرنگی و شكۆیا پێشمه‌رگه‌یێن كوردستانێ. كو ئه‌ڤرۆ ئه‌م ملله‌تێ كورد ژ سایا خه‌باتا وا یێن ب ئازادی و ئاشتی و ئارامی ل كوردستانه‌كا سه‌ربه‌خوه‌ دا دژین. له‌وما پێدڤیه‌ ئه‌م ژی خزمه‌ت و جانفیدایا وان ژبیرنه‌كه‌ین. ل رێكه‌فتێ (8/7/2018) رۆژا ئێكشه‌مبیێ سه‌رۆك “مسعود بارزانی ” ل گه‌ل جڤاتا سكرتاریه‌تا ئێكه‌تیا لاوێن دیمۆكراتا كوردستانێ كۆمبوو. د ڤێ كۆمبوونێ دا كۆنگرێ هه‌شتێ هاته‌ پاشخستن كو بڕیاربوو ل رێكه‌فتێ (10/7/2018)، كۆنگرێ ئێكه‌تیا لاوێن دیمۆكراتا كوردستانێ بهێته‌ ئه‌نجامدان. به‌لێ بۆ رێكه‌فتێ (1/8/2018) هاته‌ پاشخستن. ژبه‌ركو سه‌رۆكێ هه‌رێما كوردستانێ گه‌شته‌كێ بۆ ده‌رڤه‌ی وه‌لاتی دكه‌ت و نه‌شێت ل كۆنگره‌ی دا به‌رهه‌ڤه‌بیت له‌وما هاته‌ پاشخستن. سه‌رۆك بارزانی د په‌یڤه‌كێ دا ده‌ستخۆشی ل ستافێ سه‌ركردایه‌تی و هه‌می ئه‌ندامێن ئێكه‌تیا لاوێن دیمۆكراتا كوردستانێ كر و ئاماژه‌ ب رۆل و كاریگه‌ریا ئێكه‌تیێ دا، د قووناغێن جودا یێن بزاڤا رزگاریخوازا گه‌لێ كوردستانێ. هه‌روه‌سا سه‌رۆك بارزانی گۆت ژی پێدڤیه‌ فه‌رهه‌نگا پێشمه‌رگایه‌تیێ ل ناڤ لاوان دا وه‌رارێ بكه‌ت. وه‌كو یا دیاره‌ دێ پارتی گۆرانكاریان ژ ئێكه‌تیا لاوێن دیمۆكراتا كوردستانێ دا كه‌ت ژبۆ ڤێ كۆنگری. هه‌كه‌ ئه‌م بچینه‌ د ناڤ دیرۆكا دێرینا لاوان دا ل هه‌می قووناغێن خزمه‌تا گه‌لێ مه‌، جهێ ده‌ستێ وان یێ دیاره‌. جهێ پێگه‌هاندنێ و په‌روه‌ردا كوردایه‌تیێ و نیشتمانپه‌روه‌ریێ دا چاڤنه‌ترس بوون و د ڤێ رێیێ دا قوربانیێن داین. گه‌نج و لاو رۆلێ هه‌ری گرنگ د وه‌لاتی دا دبینن. بۆ بنیادنانا بنیاتێ ده‌وله‌ته‌كا موكوم و ب هێز و پێشكه‌فتی، ل سه‌ر گه‌نج و لاوێن زیره‌ك و تێگه‌هشتی دمینیت. چونكێ گه‌نج ئاڤاكه‌رێن وه‌لاتینه‌. له‌وما پێدڤیه‌ رێز و بهایێ گه‌نجان نه‌هێته‌ ژبیركرن. دیرۆكا دروستبوونا ئێكه‌تیا لاوێن دیمۆكراتا كوردستانێ ژ سالا (1953) هاته‌ دامه‌زراندن كو حه‌تا نها حه‌فت كۆنگره‌ یێن ئه‌نجامداین. كۆنگرێ ئێكێ ل سالا (1953) یێ هاته‌ ئه‌نجامدان و دووماهی كۆنگره‌ ژی كو كۆنگرێ حه‌فتێ بوویه‌ ب ناڤێ (سه‌ركه‌وتن) ژ سالا (2009) ژ هۆلا سه‌عد و هۆلا پێشه‌وا ل هه‌ولێرا پایته‌خت هاته‌ گێران. هه‌روه‌سا بڕیار یا هاتیه‌دان كو پشتی نه‌ه سالان كۆنگرا هه‌شتێ ب ناڤێ “پێشمه‌رگه‌” د ئه‌ڤ ساله‌ دا ل رێكه‌فتێ (1/8/2018) دێ هێته‌گرێدان. گه‌لێ مه‌ و هێزێن پێشمه‌رگێن كوردستانێ خۆراگری و قوربانیێن داین به‌رامبه‌ر دكتاتۆران راوه‌ستان و شیان ژناڤبه‌ن و بشكێنن. هه‌روه‌سا كار و ئه‌ركێ لاوێن مه‌ ژی د ڤێ ده‌می دا زۆرا ب زحمه‌ت و گرانه‌، چونكی یێن د بارۆدوخه‌كێ گه‌له‌ك نه‌خۆش دا، له‌وما دڤێت پتر خوه‌ بوه‌ستینن و كاربكه‌ن، چونكو ئه‌ركێ لاوێن دیمۆكراتا كوردستانێ خزمه‌تكرنا ملله‌تێ كورد ده‌ هه‌می كاودانان دا ..

40

دلۆڤان ئه‌مجه‌د بازرانى
ئه‌ڤ خیانه‌تكار و جاش و خۆفرۆشێن 16 ئۆكتوبه‌رێ ب بێ شه‌رمانه‌ ب سه‌ربلندی ل كۆمبوونان و ل سه‌ر شاشێن كه‌نالێن كوردی و سۆشیال میدیایێ دا دئاخڤن هه‌ر وه‌كی چنه‌بووی، راستی ئه‌ڤه‌ زۆرێن حه‌لی بووین، ما ئه‌ڤه‌ هه‌ست ب هندێ ناكه‌ن كو د ناڤ ملله‌تێ كورد دا و به‌رامبه‌ری خه‌لكێ كوردستانێ، هه‌رده‌م و هه‌تا هه‌تایێ د سه‌رشۆر و شه‌رمزارن ب تایبه‌تی به‌رامبه‌ری خه‌لكێ ب شه‌ره‌فێ كه‌ركووكێ .بارزانیێ نه‌مر گۆتیه‌” كه‌ركووك دلێ كوردستانێ یه‌).
كه‌ركووك ل ده‌ف بارزانی و قوتابیێن قوتابخانا پیرۆزا وی گه‌له‌كا گرنگ بوویه‌ جهه‌كێ ستراتیژی و ب بها بوویه‌، هه‌رده‌م گرنگیه‌كا باش ب كه‌ركووكێ ب تایبه‌تی و كوردستانێ ب گشتی هاتیه‌دان.
لێ ئه‌وێن دگۆت : “كه‌ركووك قودسا كوردستانێ یه‌ “، ئه‌ز نزانم چ قودسه‌ك بوو؟
بۆچی چ گرنگیا خوه‌ نه‌بوو ژلایێ وان ڤه‌؟
ئه‌رێ چ كه‌س بن یان وه‌لات یان ده‌وله‌تێن زلهێزێن جیهانی بن وه‌ زانیه‌ تشته‌كێ پیرۆزێ خوه‌ یان باژێره‌ك یان جهه‌ك كۆ ل ده‌ف وانێ پێرۆز بیت.
وه‌سا ب ساناهی ب زوویی ب ده‌ست دوژمنێن خوه‌ڤه‌ به‌ربده‌ت و ل گه‌ل دۆژمنان ڕێكبكه‌ڤن و بهێته‌ فڕۆتن.
كو ئه‌ڤرۆ ئه‌مێ دبینین كه‌ركووك ژلایێ چه‌ند كه‌سایه‌تیێن دیارێن ئێكه‌تیا نیشتمانیا كوردستانێ، پشتی ڕیفراندۆمێ و كۆچكرنا (مام جه‌لال تاله‌بانی) هاته‌ فڕۆتن، ب دوژمنێن هه‌ره‌ مه‌زنێن كوردستانێ، ئه‌و ژی حه‌شدا شه‌عبی و ئیرانێ.
ئه‌ڤه‌ ژی بۆ ئه‌گه‌رێ هندێ ته‌ڤایا كوردان غه‌مبار بن ل هه‌مبه‌ر فڕۆتنا كه‌ركووكێ، كورد هه‌ر مژوولێ بهێزكرن و ڤه‌گه‌راندنا كه‌ركووكێ و ناڤچه‌یێن ده‌وروبه‌رێن وێ یێن ڤه‌قه‌تیایی بین ڤه‌گه‌رێنه‌ڤ سه‌ر هه‌ڕێما كوردستانێ.
ئه‌ڤ خیانه‌تا ل 16 ئۆكتوبه‌رێ هاتیه‌كرن ل سه‌ر ده‌ستێ هنده‌ك ژ كه‌سایه‌تیێن دیار و به‌رنیاسێن ئێكه‌تیا نشتیمانی هاته‌كرن ئه‌و ژی (باڤێل تاله‌بانی، لاهۆر شێخ جه‌نگی و هێرۆ ئیبراهیم هه‌ڤژینا مام جه‌لال تاله‌بانی) بوون.
هه‌روه‌سا نه‌هێلان هێزێن پێشمه‌رگا ژی به‌ره‌ڤانیێ ژ كه‌ركووكێ و ده‌وروبه‌رێن وێ بكه‌ن، بوونه‌ ڕێگر و هه‌ره‌شه‌ ژی ل پێشمه‌رگا هاتنه‌ كرن ژلایێ ڤان كه‌سان ڤه‌ كو دگۆت نابیت شه‌رێ حه‌شدی شه‌عبی و پاسدارێن ئیرانێ بكه‌ن و نه‌ دهێلا چ هێزێن دیێن پێشمه‌رگه‌یان داخلێ كه‌ركووكێ ببن بۆ پاراستنا كه‌ركووكێ و خه‌لكی.
هێزێن پێشمه‌رگه‌ى چ گونه‌ها خوه‌ نه‌بوو چونكی ئه‌و ژبه‌ر ڤان جاش و خۆفرۆشان نه‌شیان به‌ره‌ڤانیێ بكه‌ن.
ئه‌گه‌ر نه‌ هێزێن پێشمه‌رگێن قاره‌مان زۆر ل هندێ ژ بهێزتر بوون كو ب ساناهی سه‌نگه‌رێن به‌رگریێ چۆل بكه‌ن بۆ دۆژمنی.
ئه‌م خه‌لكێ كۆردستانێ دبێژین كه‌ركووك دلێ كوردستانێ یه‌، ئه‌م وه‌سا ب ساناهی دلێ خوه‌ بده‌ست كه‌سی ڤه‌ به‌رناده‌ین.
هه‌روه‌سا به‌ری چه‌ند رۆژه‌كا من ل چاڤ پێكه‌فتنه‌كا ئێك ژ كه‌نالێن راگه‌هاندنێ دا دیت كو جاشه‌كێ 16 ئۆكتوبه‌رێ ب بێشه‌رمانه‌ دئاخفت و دگۆت:- ریفراندۆمێ پێگه‌هێ كوردان ل به‌غدا یا بێهێزكری.
ئه‌وا من دڤێت بێژمه‌ وان جاش و خۆفرۆش و كۆیلێن ده‌ستێ عیراقێ و ئیرانێ.
ڕیفراندۆمێ پێگه‌هێ كوردان ل عیراقی و هه‌می جیهانێ یا ب هێزكری، ڕیفراندۆمێ دیاركر بۆ هه‌می جیهانێ كو كوردێن هه‌ین ویێ داوا سه‌رخه‌بوونێ دكه‌ن، ڕیفراندۆم جهێ سه‌ربلندیێ یه‌ بۆ هه‌ر تاكه‌كێ كوردێ ب شه‌ره‌ف.
لێ به‌رۆڤاژی ڤێ چه‌ندێ ئه‌و تشتێ بوویه‌ ئه‌گه‌رێ لاوازكرن و بێهێزكرنا پێگه‌هێ كۆردان ل كۆردستانێ و عیراقی و جیهانێ خۆفرۆش و وه‌لات فڕۆشیا (16) ئۆكتوبه‌رێ بوو كو ب مه‌زنترین خیانه‌تكرن دهێته‌ هه‌ژمارتن ل دژی كوردایه‌تیێ.
هه‌تا نها ژی ئه‌و خۆفرۆشه‌ ب زمان درێژی و بێ شه‌رمانه‌ دئاخڤن ل كه‌نالێن راگه‌هاندنێ و به‌حسێ ڕیفراندۆمێ دكه‌ن.
لێ ئه‌وا ئه‌ز پێ دئێشم ئه‌وه‌ ل ده‌مێ خه‌لكێ عادی هه‌وار دكه‌ن و دبێژن كه‌ركووك هاته‌ فڕۆتن.
ب راستی ژی ئه‌ڤه‌ دلێ من و دلێ هه‌می خه‌لكێ كوردستانێ بریندار دكه‌ت.

43

دلۆڤان ئه‌مجه‌د بارزانى
كوردستان ب گشتی و ئه‌م كورد ب تایبه‌تی، بۆ عه‌ره‌بان په‌ناگه‌هێن ئاشتی و ئارامیێ بووینه‌، هه‌می ده‌مان مه‌ هاریكاریا وان یاكری د هه‌ر كاودانه‌كێ دا، هه‌تا نوكه‌ ژی كو ڕێژه‌یه‌كا زۆرا ئاواره‌یێن عه‌ره‌ب یێن ل كوردستانێ نیشته‌جێی كه‌مپان بووی، ده‌مێ ده‌وله‌تا ئیسلامی یا ب ناڤێ “داعش” هاتی كوردستانێ ده‌رگه‌هێن خوه‌ بۆ ڤه‌كرن و ئه‌و حه‌واندن ب هه‌می ڕه‌نگان هاریكاریا وان كر، به‌لێ نوكه‌ ژى پتریا وان یێن دبێژن كورد دوژمنێن خودێنه‌.
ئه‌رێ هه‌وه‌ چ بۆ كوردان كریه‌؟: ل ده‌مێ (٥٠٠٠) هزار كه‌س زارۆ و گه‌نج و پیر ل هه‌لبجه‌ وه‌ كیمیاباران كرن.
(٨٠٠٠) هزار زه‌لام یێن بارزانیان پتریا هه‌وه‌ ل گه‌ل رژێما به‌عس ئه‌نفال و بێ سه‌روشوون و كۆمكۆژ كرن.
چه‌ند هزار كوردێن فه‌یلی وه‌ ئه‌نفاڵ كرن، هه‌روه‌سا چه‌ند هزار كه‌س ل گه‌رمیانێ وه‌ ئه‌نفالكرن.
(182000) كورد هه‌وه‌ ئه‌نفالكرن، هوون هه‌ر تێر نه‌بوون ل سه‌ر رێتنا خوینا كوردان.
ل سه‌ر ڤێ هه‌میێ ڕا كوردستانێ ده‌رگه‌هێ خوه‌ بۆ هه‌وه‌ ڤه‌كر و هاریكاریا هه‌وه‌ كر و هوون حه‌واندن، چونكی كوردستانێ دیمۆكراسیا هه‌یی، مافێ مڕۆڤی و مڕۆڤاتیا ل نك خه‌لكێ كوردستانێ هه‌ی.
ئه‌رێ ئه‌م دۆژمنێن خودێ ینه‌ یان هوون، ئه‌وێن وه‌ دبێژن؟
( إنَّا إنزلناه قرانا عربیا لعلكم تعقلون)، ئه‌رێ ئه‌ڤ ئایه‌ته‌ بۆ كێ هاتیه‌ خارێ بۆ كوردان یان عه‌ره‌با؟
خودایێ مه‌زن چه‌ند “پێغه‌مبه‌ر ” سلاڤێن خودێ ل سه‌ر بن بۆ هه‌وه‌ هنارتن دا بۆخوه‌ ئاقل ببن و تێبگه‌هن، هه‌تا “قورئانا پیرۆز” ژی ب زمانێ عه‌ره‌بی فرێكر، به‌س مخابن هینگ هه‌ر ئاقل نه‌بوون.
نزانم ئه‌ڤه‌ چ قه‌ومه‌كه‌ ل چ تێ ناگه‌هن هه‌ر كوشتن و خیانه‌ت و بنپێكرنا مافێن مڕۆڤان و دكتاتۆریێ جێبه‌جێ دكه‌ن.
هه‌بوونا كوردا بۆ وه‌لاتێن نه‌یارێن كوردان ب گشتی و عه‌ره‌بان ب تایبه‌تی وه‌كی نه‌خۆشیا “شیرپه‌نجێ/سرگان” یه‌، له‌وما دڤێت ئه‌م ژی وان ب ڤێ نه‌خۆشیێ بكۆژین.
به‌س دێ چاوا ڤان كۆژین ب ڤێ نه‌خۆشیێ؟

ئێكگرتن و ئێكرێزیا ملله‌تێ كورد و لایه‌نێن سیاسی دێ نه‌یارێن كوردستانێ هێدی هێدی ب ڤێ نه‌خۆشیێ ژناڤبه‌ت.
دڤێت وێژی دیار بكه‌م كو هه‌ر وه‌ڵاته‌كێ یان كه‌سه‌كێ ئه‌گه‌ر دوژمن نه‌بن، بلا بزانیت یێ فاشله‌ و كه‌س بۆ یێ گرنگ نینه‌، له‌وما یێ بێ نه‌یار و نه‌حه‌زه‌.
چێدبیت ئاخفتنا وان ڕاست بیت ئه‌م كورد دوژمنێن خودێ بین؟.
چونكی ل ده‌مێ ده‌وله‌تا ئیسڵامی یا ب ناڤێ “داعش” مووسل و ده‌وروبه‌ر داگیركری.
عه‌ره‌ب ئاواره‌ بوون هاتینه‌ كوردستانێ مه‌ نه‌حه‌واندبان و هه‌می كۆمكۆژ و ئه‌نفال كربان ل وی ده‌می ئه‌م نه‌دبووینه‌ دوژمنێن خودێ، چونكی دا وه‌كی وان لێ هێین یێن ئه‌قلیه‌تا وان دا فێربن.
ئه‌و هند تشت ئینانه‌ ب سه‌رێ مه‌ هه‌ر مه‌ وه‌كی برایان دادنان، مخابن پێغه‌مبه‌ر سلاڤێن خودێ ل سه‌ر بن نه‌شیان وان تێبگه‌هینن، دێ چاوا ئه‌م تێگه‌هینین و ئاقل كه‌ین؟.
قال تعالی (ألاعراب أشد كفرا و نفاقا) بۆچی خودایێ مه‌زن نه‌ دگۆت “ألاكراد ” مانه‌ قورئان ب عه‌ره‌بی هاته‌ خاڕێ و به‌حسێ نیفاقا وان دكه‌ت؟ ئه‌ڤه‌ ژی باشترین به‌لگه‌یه‌ بۆ وان.
ئه‌گه‌ر ئه‌م بچینه‌ سه‌ر راستیێ ئه‌و جۆرێ عه‌ره‌بان و پتریا وان دوژمنێن خۆدێ نه‌، چونكێ یا وان كری كه‌سێ نه‌كریه‌، نه‌ڤیێن پێغه‌مبه‌ران و پێغه‌مبه‌ر سلاڤێن خودێ ل سه‌ربن، كوشتن و ژنوو دهێن و دچنه‌ سه‌ر جادا ب ده‌نگه‌كێ بلند هه‌می پێكڤه‌ دبێژن (ألاكراد أعدا‌و الله)، ئه‌رێ نزانن یان خوه‌ تێناگه‌هینن كا ئه‌ڤ ئاخفتنه‌ بۆ كێ دهێت؟.
هه‌روه‌سا یا نه‌خۆش د ڤێره‌ دا ئه‌وه‌ هنده‌ك كه‌سێن هه‌ین و كوردن و نه‌ ل گه‌ل سه‌ربه‌خوه‌بوونا كۆردستانێ دانه‌.
بلا ئه‌و كه‌سه‌ به‌س پیچه‌ك هزرا خۆ بكه‌ن و ته‌ماشه‌ی ڤان عه‌ره‌بان بكه‌ن ئه‌ڤێن ب درێژیا دیرۆكا كوردان و به‌س كورد كوشتین و ئه‌نفال و كیمیاباران كرین، هه‌می مافێن مه‌ كوردان بنپێ كری و نها ژی یێن بێژن “كورد دوژمنێن خودێ نه‌”.
ب هه‌می ڕه‌نگان یێ ل دژی چاره‌نڤیسێ هه‌ڕێما كوردستانێ ڕادبن.
ئه‌و كه‌سێن كو به‌رى ده‌مه‌كى دگۆتن:”نه‌خێر” بۆ سه‌رخوه‌بوونێ، ئه‌و كه‌سه‌ چ ژڤان عه‌ره‌بان زێده‌تر نینه‌، ئه‌و جاش و كۆیلێن ده‌ستێن دوژمنێن كوردستانێ نه‌، نه‌یارن دوژمنن وه‌لات فڕۆشن، خۆفڕۆشن و مڕۆڤێن كێم و بێ كه‌سایه‌تینه‌.
ئه‌رێ هوون بێژنه‌ من كه‌س هه‌یه‌ كورد بیت و كوردپه‌روه‌ربیت ل كوردستانێ بژیت یان ده‌رڤه‌ بیت چ جوداهی نینه‌، سه‌ڕه‌رای ڤان هنده‌ شه‌هید و ئه‌نفالێن خوینا خوه‌ كرینه‌ قوربانی كوردستانێ به‌س دا نه‌مینینه‌ بنده‌ستێ ڤان شۆڤینیان ژهنده‌ك خودانێن عه‌گالان، ل گه‌ل سه‌رخوه‌بوونا كوردستانێ نه‌بیت؟.
نه‌خێر نینه‌، چونكی هیڤیا هه‌می كورده‌كى سه‌رخوه‌بوونه‌ ئازادیه‌ ده‌وله‌تا كوردستانێ یه‌.
ئه‌و كه‌سێن دبێژن “نه‌خێر” نه‌ كوردن بلا بزانن خۆفڕۆشن چ ب ده‌ست وان ڤه‌ ناهێت.
كۆردان چ جاران كڕین و فڕۆتن ب عه‌بدان نه‌كرینه‌.
كوردان چ جاران كچێن شه‌ش سالی نه‌داینه‌شی و چ جاران كچێن خوه‌ ب ساخی بنئاخ نه‌كرینه‌.
كوردان چ جاران دژایه‌تیا”پێغه‌مبه‌ران” سڵاڤێن خودێ ل سه‌ر بن نه‌ كرینه‌.
ئه‌رێ كورد دوژمنێن خودێنه‌ یان ئه‌و كه‌س ژ خودانێن عه‌گالان؟
یا دیاره‌ د دێڕۆكێ دا كا كێ بوون دوژمنێن خودێ، كا كێ بوون ب شیر و ته‌عدایی بوسلمان بووی.
كا ئه‌وێن دڤێت دگه‌ل وان بن، ئه‌وێن دبێژن ئه‌م دگه‌ل عیراقێ بین بۆ مه‌ باشتره‌، دێ كه‌ره‌مكه‌ن هه‌رن بگه‌هنه‌ ڤان، چونكێ هوون ژی هه‌ر وه‌كی ڤانه‌ نه‌ زێده‌تر!.

website security