NO IORG
Authors Posts by هه‌يفا دوسكي

هه‌يفا دوسكي

هه‌يفا دوسكي
29 POSTS 0 COMMENTS

17

هه‌یفا دۆسكى
(پێدڤیه‌ ئه‌م به‌س به‌حسا یه‌كسانیێ بكه‌ین، به‌لكو هه‌ولا دادپه‌روه‌ریێ بكه‌ین ل سه‌ر هه‌ر بابه‌ته‌كێ سیاسى و ئابوورى و جڤاكى)
د ناڤ جڤاكى دا به‌حسا هه‌شتى مارس ل سه‌ر رۆپه‌لێن رۆژنامه‌ و گۆڤارا و تۆرێن جڤاكى دهێته‌كرن و ب جاران ب گه‌رمى گه‌نگه‌شه‌ ل سه‌ر بابه‌تێ مافێ ئافره‌تێ دهێته‌كرن هه‌تا جاران ب توندى به‌رسڤ ل سه‌ر كۆمێنت و بابه‌تى ده‌ن و هزر دكه‌ن مافێ ئافره‌تێ هێلا سۆڕه‌، ئانكو جاران ئه‌و كه‌سێن به‌حسا مافێ ژنێ ژى دكه‌ن مرۆڤێن جودانه‌ د جڤاكى دا و كه‌سانێن سه‌یرن، لێ تشتێ مه‌ دڤێت ئه‌م به‌حس بكه‌ین هه‌شتى ئادارێ چ دگه‌هینیت و بۆچى هاتیه‌ كو ل كارگه‌هه‌كا رستن و چنینێ ل ل باژێرێ نیۆیۆرك ل ئه‌مریكا ژماره‌كا ژنان وه‌ك كرێكار لێ كاركر ل سالێن 1856 ئه‌ڤان كرێكاران كار دكر، لێ پشتى گه‌له‌ك مافێن وان دهاتنه‌ بنپێكرن، ئینا ئه‌ڤان ژنان بوون به‌لێ مووچێ زه‌لامان ژ یێ ژنان پتر بوو دستوورى پتر بۆ زه‌لامان دهاتنه‌دان، لێ ژن ب زارۆیێن خوه‌ڤه‌ كاردكر و هه‌تا ده‌ستوورى و مووچێ ژنان كێمتر بوون ژبه‌ر هندێ ئه‌و نه‌خۆشى و ده‌رده‌سه‌ریا ب سه‌رێ ژنان دهات گه‌هشته‌ گۆپیتكێ و ئێدى ژن نه‌شیان هه‌دارێ بكه‌ن رابوون ب گێرانا به‌یانامه‌ و دیسا خوه‌ نیشادانه‌كێ، كو مافێ وان به‌س بهێته‌ خوارن و ئه‌و ب كێمى بهێنه‌ دیتن د ناڤ جڤاكى دا، راسته‌ د ڤێ كارگه‌هێ ڤه‌ ژنان كاردكر، لێ ئه‌و كه‌سێن ئه‌ڤ چه‌نده‌ ب سه‌رى ڤان ژنان دئینا هه‌ر ئه‌و زه‌لام بوون یێن ژ وه‌لاتێ وان ب سه‌رى وان دئینا و ئه‌و وه‌لاتێ ئه‌م هزر دكه‌ین یێ ل گۆپیتكا ره‌وشه‌نبیرى و تێگه‌هشتنێ، ئه‌و ژنه‌ ژى رابوون ئه‌ڤ خوه‌نیشادانه‌كرن و ل دۆرێن وێ سالێ ب هزاران ژن بوونه‌ قوربانى، چونكى پتریا زه‌لامان ئه‌و چه‌نده‌ ره‌تكرن و ئه‌و ئێشاندن و برینداركرن و هه‌تا گه‌له‌ك ژ وان هاتنه‌ سۆتن، بتنێ داكو ده‌نگێ ژنێ نه‌مینیت و هه‌ر كویله‌ و ژوار و ل بن ده‌ستێ زه‌لامى بیت، ئانكو ئه‌ڤ چه‌ند گه‌له‌ك ژمێره‌ ل سه‌ر ده‌ستێ زه‌لامان هاتینه‌ كرن و هه‌مى ده‌ما هه‌ول دایه‌ ژن كویله‌كا ژار بیت و هه‌ر گوهدارى وى بیت وه‌كو به‌نده‌یه‌ك بیت دبن فه‌رمانێن زه‌لامى ڤه‌، ژبه‌ر هندێ ئه‌ڤان ژنان ئه‌ڤ چه‌نده‌ ره‌تكرن و تووشى گه‌له‌ك توندوتیژیى و نه‌خۆشى و ئازارا بوون، ئینا پشتى هینگێ ب چه‌ند سالا كو 1908 كو نێزیكى60 ژنان گیانێ خوه‌ ژ ده‌ستدایى و د وێ كارگه‌هێ ڤه‌، چونكى پشتى خوه‌نیشادانێ ئه‌و هه‌مى هاتنه‌ سۆتن و گه‌له‌ك ژ وان گیانێ خوه‌ ژده‌ستدا، ژبه‌ر ڤێ چه‌ندێ ل سالا 1908 گه‌له‌ك چالاكى و بزاڤ هاتنه‌كرن و بۆ هندێ ده‌مژمێرێن كارى ژنێ بهێنه‌كێمكرن و زارۆ كار نه‌كه‌ن مووچێ ژنێ ژى وه‌كو یێ زه‌لامى بیت نه‌ك یێ كێمتر بیت هه‌تا ده‌مێن بهێن ڤه‌دانێ بۆ ژنێ هه‌بن ژبه‌ر چاڤدێریا زارۆیێن وێ زێده‌بارى ره‌فتاره‌كا نه‌رم ل گه‌ل وێ بهێته‌ ئه‌نجامدان، به‌روڤاژى ئه‌ڤێ هه‌میێ ل سالا 1909 ژلایێ ژماره‌كا ژنێن سه‌ركرده‌ ل نه‌ته‌وێن ئێكگرتى هه‌ول دان ئه‌و درووشم و پۆسته‌ر و ئاخفتنێن وان هاتنه‌ په‌سندكرن و رێز ل خه‌بات و قوربانیا وان ژنا هاته‌دان ئه‌ڤه‌ رۆژه‌ ساخدكر و گرنگى پێ دا هه‌تا سالا 1977 ل كۆنگره‌كێ (نه‌ته‌وێن) هاته‌ په‌سه‌ندكرن كو ل هه‌مى سالان هه‌شتى ئادارێ ببیته‌ رۆژا جیهانى یا ئافره‌تان و ب چالاكى و درووشم و بزاڤ بهێته‌ ساخكرن وه‌كو بیرئینانه‌ و ڤه‌گه‌ریانه‌ك بۆ هه‌ر كه‌سه‌ك بكه‌ت به‌رانبه‌ر رۆل و مافێ ژنێ ل جڤاكى و خێزانێ ب تایبه‌ت، ژبه‌ر ڤێ ئێكێ ژى هه‌شتى ئادارێ رۆژا جیهانێ یا شۆره‌شا ژنێ یه‌ و ئه‌و به‌رگرى و نه‌خۆشى و ئازارێن ژن دبه‌ته‌ سه‌ر ل سه‌ر ده‌ستێ ره‌گه‌زێ نێر و هه‌تا جاران بلا ئه‌م دراستگۆ بین ژن ژى دژى ژنێ ئێش و ئازارا ده‌تێ و دڤێت زه‌لامى هانده‌ت دژایه‌تى و ئه‌زیه‌تێ ل به‌رانبه‌ر ژنێ بكه‌ت، گرنگه‌ ئێدى پێ بگه‌هین ژن ته‌مامكه‌را زه‌لامى یه‌ د هه‌ر كاره‌كى دا و نابێژم مه‌ زه‌لامێن توندره‌و نینن، لێ گه‌ر بیرا خوه‌ ل قوربانیێن ژنا كورد بینین دێ هه‌ست پێ كه‌ین گه‌له‌ك خه‌بات و بزاڤ هه‌ول دان كرینه‌ داكو بشێت هه‌ڤكاره‌كا چه‌له‌نگ بیت د هه‌ر بیاڤه‌كێ زه‌لام تێدا كار دكه‌ت و دڤێت خێزانا خوه‌ راگریت، چونكى پتریا جاران په‌سنه‌ و ئاڤاكرنا خێزانێ بۆ رۆلێ زه‌لامى ڤه‌دگه‌ریت و دبیت جڤاك هزر نه‌كه‌ت كه‌سه‌ك هه‌یه‌ ڤى زه‌لامى ئاڤا دكه‌ت هه‌تا شیایى ڤێ خێزانێ ل سه‌ر پێن وێ بهێلیت، ل دووماهیێ ژى دبێژم پێدڤى یه‌ ئه‌و داخوازا یه‌كسانیێ نه‌كه‌ین، به‌لكو یا دادپه‌روه‌ریێ بكه‌ین ل سه‌ر هه‌ر بابه‌ته‌كێ د ناڤبه‌را ژن و زه‌لامى دا د بیاڤێ سیاسى و ئابوورى و جڤاكى و.. هتد.

2

هه‌یفا دۆسكى

ژبه‌ر گرنگیا رۆلێ ژنێ د پێگه‌هاندنا پیگه‌هێ جڤاكى دا ب ئاشكه‌رایى رۆل هه‌یه‌ ژبه‌ر ئه‌گه‌ر ژن نیڤا جڤاكى بیت، ئه‌ز دبێژم نیڤا دى یا جڤاكى په‌روه‌رده‌ دكه‌ت، چونكى ده‌سته‌كێ بلند هه‌یه‌ د پێگه‌هێ جڤاكى دا تایبه‌ت د ڤان كاودانێن ژیانا نۆكه‌ یا كوردستان تێدا دبۆریت ژ ئالیێ پراكتیكى و ڤى كار دكه‌ت ژبۆ هه‌ڤكاریا ره‌گه‌زێ نێر به‌رۆڤاژى ڤێ یه‌كێ ژى ئافره‌تا كورد هه‌ر دكه‌ڤن داو تا نۆكه‌ شیایه‌ كه‌سانێن ئه‌كتێف د ناڤ بارودۆخه‌كێ ئالۆز ژى دا به‌رهه‌ڤ بكه‌ت و بكه‌ته‌ نموونێن ژیانێ ژ هه‌ر دو ره‌گه‌زان، لێ ئه‌م پێدڤى پتر ره‌وشه‌نبیركرنا ئافره‌تێ نه‌ د ژیانێ ژ هه‌ر بیاڤه‌كێ هزرى و ره‌وشه‌نبیرى و سیاسى و ئابوورى  و ده‌روونى دا.  قوربانیا ژنێ د جڤاكى دا هه‌ر دكه‌ڤن دا و هه‌تا نوكه‌ ژنا كورد قوربانى بۆ داینه‌ پێخه‌مه‌ت ئاڤاكرنا جیلێن پێشكه‌فتى د ژیانێ دا و د هه‌ر ب واره‌كى دا، هه‌روه‌سا ژى ئه‌ز دبێژم 10% ژى كه‌لتوورێ عه‌شائیرى باوه‌رى ب شیان و بزاڤا ژنێ نه‌بوویه‌ و ژبه‌ر هندێ هه‌ر روودانه‌كا جڤاكى ئابوورى و ده‌روونى روودابیت ئه‌گه‌ر كه‌فتینه‌ د ستوویێ ژنێ دا و ئه‌و هاتیه‌ گونه‌هباركرن یان ژ ئالیێ نامووسێ ڤه‌ ئه‌گه‌ر كوته‌كى ژى لێ هاتبیته‌كرن ئه‌و هایته‌ كوشتن ب مه‌ره‌ما پاقژكرنا نامووسێ و ئه‌ڤه‌ ترسناكترین روودان بوویه‌ ژنێ قوربانى پێ داین، هه‌ر دیسا ژى ڤه‌قه‌تیانا كچى ژ خواندنێ و تێگه‌هاندنا كچ بتنێ بۆ خزمه‌تكرنا كورى و برایێ وێ و وه‌كو خزمه‌تكاره‌ك هاتیه‌ هه‌ژمارتن بۆ ره‌گه‌زێ نێر، لێ یادى هه‌ر گۆتن و بریاره‌كا هه‌بیت یا زه‌لامى یه‌ و مرۆڤ دشێت بێژیت ژن وه‌كو كه‌ره‌سته‌ك هاتیه‌ هژمارتن لێ هنده‌ك نموونه‌ هه‌بووینه‌ یێن بووینه‌ نموونێن پێشكه‌فتى و سه‌ركێشین ژنان د ناڤ جڤاكێ كوردستانى دا.  سه‌باره‌ت به‌رگریا ژنێ بوو وه‌لاتى چۆنكى ژن دكه‌لتورێ كوردى دا خودان ئیراده‌یه‌كا ب هێز بوویه‌ و شیایه‌ ئه‌گه‌ر چنه‌بیت بیته‌ دایكه‌ك و خووشكه‌ك بۆ هێزا پێشمه‌رگه‌ و به‌رده‌وام خزمه‌تكرن و شیره‌ت و رێنما و تێگه‌هێ سه‌ركه‌فتن و پشته‌ڤانیا مه‌عنه‌وى بۆ زه‌لامى كریه‌ و ئه‌ڤه‌ مه‌زنترین به‌رگریه‌ بۆ ملله‌تێ كوردستانێ كرى، دیسا ژى كێماسیه‌ك هه‌یه‌ هێزه‌كا پێدڤى بو ئافره‌تا كورد نه‌بوویه‌ ل كوردستانێ و ئه‌ڤێ ڤالاتیه‌ك په‌یداكریه‌ د مه‌یدانا هه‌لگرتنا چه‌كى و د ناڤ مل ب ملێ زه‌لامى شه‌ركربیت و ب تنێ هنده‌ك نموونه‌ نه‌بن، یادى ئه‌و بوویه‌ ژنى ب پێنڤیس و ره‌وشه‌نبیریا خوه‌ به‌رگرى ژ ملله‌تى كریه‌. ژن ئه‌ڤرۆ وه‌كو هه‌ر جار نینه‌ و به‌لكو ئه‌ڤرۆ گه‌له‌ك یا هه‌ول ده‌ت خوه‌ پێ بگه‌هینیت و دا بشێت خێزانه‌كا تژى ئه‌ته‌كێتێن سه‌رده‌م مه‌زن بكه‌ت و دیسا د كارێ خوه‌ژى دا خودان سه‌ربۆره‌ و شیانێن مودرێنه‌، ژبه‌ر هندێ ژى چه‌سپاندنا هه‌ر كاره‌كى كو بهێته‌ پێش ژنێ تایبه‌ت ل ڤێ دووماهێى خوه‌ ل گه‌له‌ك بابه‌تێن جودا ده‌ت داكو زارۆ  قوتابى و كه‌سانێن ل به‌ر ده‌ستێ وێ په‌روه‌رده‌ دبن، یادى ئه‌و بوو تایبه‌ت د نها دا ژنێ هه‌ول دایه‌ بزاڤێن خوه‌ خورتر لێ بكه‌ت دا بشێت بگه‌هیته‌ هیڤى و ئارمانجێن خوه‌ یێن سه‌رده‌م ژبۆ خزمه‌تكرنا ملله‌تى، هه‌تا راده‌یه‌كى ئه‌م گازندێ ژ هندێ دكه‌ین نه‌ رۆلێ ژنان یێ لاوازه‌ د بریاردانێ دا ئه‌ڤه‌ دزڤریته‌ نه‌دانارێكێ وه‌كو پێدڤى بۆ ئافره‌تێ كو بشێت بریارێ بده‌ت و پێ جهێ خوه‌ بگریت و ئه‌ڤه‌ ب ده‌هان نموونه‌ هه‌بووینه‌. تایبه‌ت فه‌ره‌ چاكسازیێن ڤێ دووماهیێ ژن ژى پتر خوه‌ وێره‌كتر بكه‌ت و خوه‌ بینته‌ د مه‌یدانا كارى دا و بشێت وه‌كو پێدڤى هاریكاریا هه‌ڤالان بكه‌ت. چۆنكى ئه‌م د ڤێ گوۆرینانان پێدڤى پتر هێزا ژناینه‌ ژبه‌ر ئه‌كه‌ر ئه‌ڤ پشته‌ڤانیا ژنێ وه‌كو چه‌سپاندنا بریارێن ژنێ فه‌ره‌ زه‌لام هزر ل هندێ بكه‌ن كو ئێدى ده‌مێ ژنێ و خزمه‌تكرنا وێ به‌رچاڤه‌.

7

هه‌یفا دۆسكى
ئه‌م گه‌له‌ك به‌حسا مافێ ژنێ دكه‌ین ل رۆپه‌لێن رۆژنامه‌ و كۆڤار و كه‌نالێن تیڤیان دا بۆ هندێ ب كوته‌كى به‌حسا هه‌شتى ئادارێ بكه‌ین ئانكو ژنوى بیرا مه‌ ل گه‌له‌ك ئێش و ئازار و نه‌خۆشى و گله‌ و گازندێن ژنێ دهێت، به‌روڤاژى ڤێ چه‌ندێ هه‌كه‌ به‌حسا روودانا هه‌شتێ ئادارێ بكه‌ین ئه‌وان ئه‌وا هاتیه‌ ل روودان ل نیۆیۆرك كو پشتى ئافره‌تێن د كارگه‌هه‌كا درینێ ڤه‌، گه‌له‌ك سته‌ ملێ هاتیه‌كرن و بهێنڤه‌دان و دیسا موله‌تا دایكینى و خوان و ڤه‌خوارن و مووچێن وان دكێمبوون و به‌روڤاژى زه‌لامێن د وێ كارگه‌هێ ڤه‌ هه‌موو ماف هه‌بوون ئینا ئه‌وان ژنان هه‌ول دا سه‌رهلدانه‌كێ بكه‌ن بۆ هندێ ببنه‌ سومبولێن جیهانێ و داخوازا وان مافان بكه‌ن یێن دكارى دا و رێز و بها بۆ وان هه‌بیت و داكو ئه‌و بشێن زارۆیێن خوه‌ ب خودان بكه‌ن و بشێن نانێ ژیانێ بۆ وان دابین بكه‌ن، ژبه‌ر ڤێ ئێكێ ژى گه‌له‌ك مافێ وان دهاتنه‌ بنپێكرن هه‌تا وى راده‌یى كار ب زارۆیان ژى دهاته‌كرن ئه‌و كه‌سێ بێ ده‌ستهه‌لات دكه‌فته‌ دبن فشارا توندوتیژى و سته‌مێ ڤه‌، ئه‌ڤێ چه‌ندێ گه‌له‌ك ڤه‌كێشا هه‌تا سالا 1908 ئه‌و هه‌موو ئافره‌ت كو ب رێژه‌یى ل گوره‌یى وان پێزانێن هاتینه‌ ئاشكه‌را كرن كو رێژا وان پترى 60 ئافره‌تان بوون ئینا خونیشاندانه‌ك كر ل جادێن نیۆیۆرك یێ ئه‌مریكا و هه‌ر پوست بلند كرن داخوازا مافێ ژنێ و پشتگیریا ئافره‌تێ كرن، ئینا گه‌له‌ك ژ وان ژنان هاتنه‌ كوشتن و سۆتن و توندوتیژى به‌رانبه‌ر وان ب دژوارى هاته‌ كرن ئه‌ڤێ چه‌ندێ ره‌نگڤه‌دانا خوه‌ په‌یدا كر ل گه‌له‌ك جڤاك و باژێر و گۆند و وه‌لاتان هه‌تا ده‌مێ ئه‌ڤ روودانه‌ په‌یدا بوویى و تا سالا 1977 ب فه‌رمى ل سه‌ر رۆژا جیهانى یا ئافره‌تێ هاته‌ راگه‌هاندن ل كونگرێ نه‌ته‌وه‌ێن ئێكگرتى هاته‌ راگه‌هاندن كو هه‌شتێ ئادارێ بهێته‌ ساخكرن وه‌كو رێزگرتنه‌ك به‌رانبه‌ر گیانێن ئه‌وان ژنان و داكو پشتگیریا مافێ ژنێ د هه‌موو كاره‌كى بهێته‌كرن و مافێن وێ نه‌هێنه‌ پێشیلكرن و هه‌ژى ئاماژێ یه‌ ژبه‌ر ل كوردستانێ ژى تا راده‌یه‌كێ باش ئه‌و بیره‌وه‌ریه‌ دهێته‌ ساخكرن و ب هه‌موو جۆران گرنگى ب پرسا ئافره‌تێ دهێته‌ دان، لێ یا جهێ مه‌نده‌هوشیێ ئه‌وه‌ فه‌ره‌ رێكخستنێن ئافره‌تان ل هه‌مى رێكخراوێن ژنان پێدان چوون بۆ خه‌باتا پرسا ژنێ بهێته‌كرن چونكى ئاهنگ و كه‌یف و خۆشى ده‌برینێ ژ وان ئێش و ئازارێن ژنێ ناهێته‌كرن یا كو ئه‌ڤرۆ دكاودانێن نۆكه‌دا ژن تێدا دبۆریت، به‌لكو هوشیاریا ژنێ بۆ ئه‌رك و ماف و ئاڤاكرن و پێگه‌هاندنا ژنێ ژ خه‌لاته‌كى و دیسا گرنگى ب كه‌یسا ئافره‌تێ و دیسا خالا سه‌ره‌كى زارۆ چۆنكى هه‌شتى مارس ده‌ربرینه‌ ژ وان كه‌سێن بێ ده‌ستهه‌لات یێن مافێن وان هاتینه‌ خوارن و بنده‌ستكرن، له‌ورا ژى توندوتیژیى به‌رانبه‌ر وان ئافره‌تێن كرێكار یێن كو د ناڤ بیاڤێ كارى دا كار دكه‌ن و دكه‌ڤیته‌ به‌ر توندوتیژیا دره‌وونى و ژ ئالیێ ئابوورى و مافێن قانوونى و ئایدولۆژى گرنگى پێ بهێته‌دان. ژبه‌ر د قادا خه‌باتێ دا ئافره‌ت قووناغێن باش ده‌رباز كرینه‌ و شیایه‌ ببیته‌ كه‌سایه‌تیه‌كا ب هێز كو ئه‌ڤرو ئافره‌ت یا داخواز دكه‌ت یه‌كسان هه‌بیت د به‌لاڤكرنا پۆستان دا و تایبه‌ت د كابینا نوو یا حوكمه‌تێ گرنگى ب ژنان ژى بهێته‌دان، چونكى ئه‌ڤرۆ و ژمێژه‌ ژى ژنا كورد ب هێزه‌كا ئاشكه‌را یه‌ د ناڤ جڤاكى دا و رۆله‌كێ ئه‌كتیف هه‌یه‌ لێ بۆ كاودانێ نوكه‌ و ساخكرنا هه‌شتى ئادارێ تایبه‌تمه‌ندیا خوه‌ هه‌یه‌ ژبۆ پتر ئێكرێزیا ژنێ د بیاڤێ نه‌ته‌وه‌یى و سیاسى دا.

34

هه‌یفا دۆسكى
رێكخراوا ئێكه‌تیا ئافره‌تێن كوردستانێ كو ل سالا 1952 هاتیه‌ دامه‌زراندن ل سه‌ر ده‌ستێ مه‌لا مسته‌فا بارزانى كو پشتگرى و پشته‌ڤانیه‌كا ب هێز بۆ ئافره‌تان كو پتر ئافره‌ت بهێته‌ د قادا خه‌بات و به‌رخوه‌دانێ دا هه‌تا وى راده‌یى كو پارتى باوه‌ریه‌كا ب هێز ب ژنێ هه‌بوویه‌ و نه‌ مه‌ره‌م پێ جوداكرنه‌كه‌ ژ جڤاكى،س به‌لكو ئافره‌تێ تایبه‌مه‌ندى جودا تر هه‌بووینه‌، ژ به‌ركو د هه‌ر قووناغه‌كێ دا ئافره‌ت دشێت پشكداریێ د پرۆسێسا سیاسى و جڤاكى و ئابوورى ساخله‌مى و دبلوماسى دشێت كار بكه‌ت، هه‌ره‌ ژ به‌ر گرنگیا ئه‌ڤێ چه‌ندێ بارزانى یێ نه‌مر دۆبات ل سه‌ر وێ ئێكێ كر كو رێكخراوێن جه‌ماوه‌رى بهێنه‌دانان و ئێكه‌تیا ئافره‌تان ژى سه‌ر پشكا هه‌مى رێكخراوا بۆ ئه‌ڤه‌ ژى پشتى گۆنگرێ سیێ یێ پارتى دیمۆكراتى كوردستان بریار ل سه‌ر هاتیه‌دان بۆ هندێ ژنا كورد رۆلێ خوه‌ د بیاڤێ سیاسى دا بگێریت و چونكى پارتى رێك دا رێخستنا ئافره‌تان دهه‌ر پێكهاته‌كا جڤاكى دا دشێت ئه‌رك و رۆلێ خوه‌ ئه‌نجام بده‌ت، به‌رۆڤاژى ئه‌ڤێ ئێكێ ژى ئێكه‌تیا ئافره‌تان هه‌ر ژ كه‌ڤن دا به‌رده‌وامى دا بزاڤ خه‌بات و تێكۆشینا خوه‌ ژبۆ هندێ ئێكه‌تیا ئافره‌تان پاشه‌رۆژه‌كا گه‌ش هه‌یه‌ و ئه‌ڤه‌ یا بێ گومانه‌، چونكى رێخستنا ئێكێ یا جڤاكێ سڤێل بۆ كاروبارێن ئافره‌تان هاتیه‌ دامه‌زراندن، زێده‌بارى ڤێ خه‌باتا به‌رده‌وام یا ئێكه‌تیا ئافره‌تان كو ئه‌ڤ رێكخراوه‌ ل سه‌ر ده‌ستێ كۆمه‌كا ژنێن هشیار و خه‌باتكه‌رێن وه‌لاتێ مه‌ هاته‌ هه‌بوونێ سه‌خمه‌راتى چه‌ند ئارمانجه‌كێن پیرۆز، ژ وانا راكرنا وان زولم و حه‌یفا ئه‌وێن هه‌مبه‌رى ژنێ دهاتنه‌ كرن، كۆمكرن و رێخستنا هێزا ژنێن كوردستانێ د ئێك رێكخستن دا ژ بۆ بده‌ستڤه‌ئینانا مافێن ئافره‌تان و نه‌هێلانا وان ئاسته‌نگا ئه‌وێن دكه‌ڤنه‌ د رێیا ژنێ دا، پشكداریكرنا ژنێ دهه‌مى بیاڤێن ژیانێ دا، نه‌خاسمه‌ ئاڤه‌دانیا وه‌لاتى و وه‌ك كاراكته‌ره‌كا ئه‌كتیڤ د ناڤ رێخستیێن سیاسی دا جهێ خوه‌ بكه‌ت و دیسا ببیته‌ هێز و پشته‌ڤانه‌كا به‌رده‌وام بۆ شۆره‌ش و سه‌ركێشیا بزاڤا ئازادیخوازا كوردستانێ. هه‌لبه‌ت ئه‌ڤ ئارمانجێن پیرۆز بوونه‌ میتۆد و پرۆگرامێ ڤێ رێخستیا ژنوو ژ دایكبووى و ڤان خه‌باتكه‌را شه‌ڤ و رۆژێن خوه‌ كرنه‌ ئێك بۆ بده‌ستڤه‌ئینانا وان و گه‌له‌ك زوى ئه‌و شیان جهێ خوه‌ د ناڤ جڤاكا كوردستانێ دا بكه‌ن و ببنه‌ هێزه‌كا گه‌له‌ك ب بزاڤ و ل سه‌رانسه‌رى كوردستانێ چالاكى پێكئینان و دیسا خوه‌ ژ ڤێ چه‌ندێ ژی نه‌گرت، ئه‌ڤ رێكخراوه‌ شیا تێكهه‌لیێن خوه‌ ل گه‌ل چه‌ندین ناڤه‌ندێن دونیایێ دروست بكه‌ت و ده‌نگێ ئازادیخوازێ كوردستانێ بگه‌هینیته‌ وان ناڤه‌ندا و ئه‌ڤه‌ بۆ ده‌رگه‌هه‌كێ مه‌زن كو حه‌قانیه‌تا كوردا بگه‌هیته‌ هه‌مى دونیایێ و گوهـ لێ بهێته‌ گرتن، كو ل وى سه‌رده‌مى ئه‌ڤه‌ كاره‌كێ گه‌له‌ك بزه‌حمه‌ت و بترس بۆ. نوكه‌ژى ئێكه‌تیا ئافره‌تێن كوردستانێ یا ل هه‌مبه‌رى چاره‌نڤیسێ مله‌ته‌كى و ئه‌ركێت گه‌له‌ك گران ل به‌راهیا وێنه‌ بكه‌ت و ئه‌م یێ دوێ باوه‌ریێدا كو ئه‌ڤ رێكخراوه‌ دێ شێت ڤى بارێ گران هه‌لگریت و مل ب ملێ هێز و رێكخستیێت سیاسى و جڤاكا مه‌ده‌نى، كوردستانێ ژ ڤێ قوناغێ ده‌ربازى قوناغه‌كا باشتر و پر ئاڤه‌دانیتر كه‌ت و شوین تبلێت ڤێ رێكخراوێ دێ پتر ژ یێت هه‌ر ئالییه‌كى دیار و به‌رچاڤ بن.

31

(ژن نه‌ تۆلڤه‌كه‌ره‌ ل گه‌ل زه‌لامى، به‌لكو هێمایێ ڤیان و لێبۆرین و ڤیانێ یه‌)
هه‌یفا دۆسكى
هه‌وا به‌رهنگاربوونا توندوتیژیا دژى ژنان ل جیهانێ بابه‌ته‌كێ گه‌رمه‌ ل ته‌ڤایا راگه‌هاندنێ دهێته‌ به‌حسكرن و حه‌تا وى راده‌یى كو ژن هه‌ولدانا دكه‌ن د ڤان رۆژان هه‌ر ئاكامه‌كێ توندوتیژیێ ژنێ دیتى ئاشكه‌را دكه‌ت و دكه‌ته‌ هه‌وار و داخوازا كێمكرنا ڤێ توندوتیژیێ دكه‌ت و ئه‌ڤه‌ ل هه‌ر جڤاكه‌كێ تێدا دژیت ده‌ته‌ به‌رچاڤكرن و به‌حس ل ئێش و ئازار خوه‌ دكه‌ن، ژبه‌ر هندێ ژى ئه‌ڤ چه‌نده‌ بوویه‌ هانده‌ره‌كێ ب هێز كو ژن داخوازا مافێ خوه‌ دكه‌ن و جاران بۆ زه‌لامى دبیته‌ بارگرانیه‌ك و هه‌ست ب ترسه‌كێ دكه‌ت به‌رانبه‌ر ژنان، تایبه‌ت ڤه‌دگه‌ریته‌ ئه‌گه‌رێ سه‌ره‌كى یێ دكه‌ڤن دا ژن ل هه‌ر وه‌لاته‌كى ب گۆره‌یى دابونه‌ریتێن وان تووشى توندوتیژیێ بوویه‌ و ل هنده‌ك وه‌لاتان ژى تا نوكه‌ یا به‌رده‌وامه‌ و د ڤێ ئازارێ دا دژین، ل كوردستانێ ژى چونكى ژنا كورد خودان كه‌رمه‌ت و هێز و كه‌سایه‌تیه‌كا ب هێز بوویه‌، هه‌تا مل ب ملێ زه‌لامى بوویه‌ كه‌سه‌كا خودان ئیراده‌ و شیان و خوه‌ ل به‌ر گه‌له‌ك ئاتافێن جڤاكى گرتیه‌ و رۆلێ خوه‌ وه‌ك ژنا كورد گێرایه‌، به‌رۆڤاژى ڤێ یه‌كێ ملله‌تێ كورد رێزه‌كا مه‌زن ل ژنێ گرتیه‌ د گه‌له‌ك بیاڤان دا و هه‌ر قوناغه‌كێ ژنێ پێشكه‌فتنه‌ك ب خوه‌ دیتیه‌ و بووینه‌ خودانێن جهێ بریارێ به‌لێ بلا ئه‌م چاڤێن خوه‌ ل گه‌له‌ك ئازارێن ژنێ نه‌گرین یێن تووش بوویێ، هه‌تا جاران زه‌لامى خوه‌ ژبیركریه‌ كو ئه‌و ئافراندیێ دزكێ ژنه‌كێ دایه‌ هاتیه‌ دونیایى و هه‌ر دیسا ژبیر دكه‌ته‌ ژنه‌كه‌ ئه‌و مه‌زن كرى و كریه‌ خودان هه‌ڤژین و زه‌لام، دیسا هه‌ڤژینا وى زه‌لامى ژى هه‌ر ژنه‌ لێ د هه‌ر كێماسیه‌كا دا بیت ئه‌ڤ زه‌لامه‌ ده‌ستێ خوه‌ بۆ ژنێ رادكه‌ت و دئیشیت و ئه‌ڤجا هه‌ر جۆره‌كێ توندوتیژیێ ژنا كورد سه‌ر ده‌ستێ زه‌لامى دیتیه‌ ئه‌ڤجا بگره‌ ژ كوشتن و لێدان و سۆتن و خوه‌كوشتنا ژنێ ژ ئه‌گه‌رێن زه‌لامى و نه‌ گرنگیا وى بو ئێش و ئازار و ژیانا ژنێ به‌روڤاژى ڤێ چه‌ندێ توندوتیژیا ده‌روونى و ب هه‌مى شێوان ژنێ سه‌ر ده‌ستێ زه‌لامى دیتیه‌، ژبه‌ر هندێ ژى ده‌نگێ ئێش و ئازارێن ژنێ ل هه‌مى جێهانێ ده‌نگ ڤه‌ دا و كوردستان ژى بۆ پشكه‌ك ژ ڤێ جێهانێ ژبو ئێشانا ژنێ و ئه‌ڤ نه‌خۆشى و ده‌رده‌سه‌رێن ژنێ ل هه‌مى جیهانێ برین ل كوردستانێ ژى برینه‌، ئه‌ڤه‌ راستیه‌كه‌ نموونه‌ ژى دۆل و نه‌هالێن كوردستانێ و چۆله‌ك و گاز و پانزینێن مه‌ هه‌مى ئالاڤێن ژنێ گیانێ پێ ژ ده‌ستدایى، ل ڤێره‌ و بلا ئه‌م گه‌له‌ك بابه‌تى ل سه‌ر خوه‌ نه‌ وه‌رگێرین و پشتا خوه‌ بده‌ینه‌ ده‌نگێ ژنێ، چونكو جاران بێده‌نگیا ژنێ ڤۆلكانێن مه‌زن ژێ دوه‌شن، چونكو ئه‌ڤ چه‌رخه‌كێ دى یه‌ ئێدى ل سه‌ر ئاسته‌كێ بلند ژنێ وه‌راره‌كا مه‌زن ب خوه‌ ڤه‌ دیت و بوو سومبوله‌ك ل هه‌مى جیهانێ.

43

هه‌یفا دۆسكى:
د ڤان رۆژان دا گه‌له‌ك به‌حس ل هندێ هاته‌كرن، ئه‌رێ خه‌لك دێ چنه‌ سه‌ر سندۆقێن ده‌نگدانێ یانه‌، ئه‌ڤ گۆتنه‌ گه‌له‌ك ره‌نگڤه‌دایه‌، به‌لێ گرنگه‌ بده‌ینه‌ ئاشكه‌را كرن كو ملله‌تێ كورد تایبه‌ت جه‌ماوه‌رى پارتى گه‌له‌ك ژ هندێ ب هێزتره‌ دێ ل رۆژا ده‌نگدانێ قه‌ستا سه‌ر سندۆقێن ده‌نگدانێ كه‌ن و دێ شێن ئه‌وێ ئاڤه‌دانكرنا كوردستانێ به‌ردوامیێ ده‌نێ ژبۆ ده‌ستكه‌فتێن زێده‌تر، به‌لێ خالا گرنگ ئه‌وه‌ به‌حسا رۆلێ ئافره‌تێ بكه‌ین د رۆژا كو چاره‌نڤیسێ مه‌ ل سه‌ر بیت، ئه‌و ژى رۆژا ده‌نگدانێ ئافره‌ت چونكى جڤاك هه‌مى كو یا ئاشكه‌رایه‌ كو رۆلێ ئافره‌تێ د ناڤا هه‌لبژارتنان دا رۆله‌كێ سه‌ره‌كى یێ هه‌ى ژبه‌ر هه‌ر خێزانه‌كا بیت، ئافره‌ت یا لێ ئاكنجیه‌ دشێت كاریگه‌ریێن مه‌زن بكه‌ته‌ سه‌ر هاندانا ئه‌ندامێن خێزانێ و جه‌ماوه‌رى، ئه‌ڤه‌ ب تایبه‌ت ده‌مێ ل رۆژا ده‌نگدانێ ئافره‌ت ب هه‌مى رۆمالا خوه‌ ڤه‌ ئاگه‌داریا هه‌مى ئه‌ندامێن خێزانێ دكه‌ت وه‌ك رۆژه‌كا نوو د كوردستانێ دا ژبه‌ركو ده‌مێ ئافره‌ت ب هه‌سته‌كێ نه‌ته‌وه‌یى رادبیته‌ ڤه‌ ب نموونه‌ رۆژه‌كا نوو یا وه‌ك جه‌ژن ئه‌ندامێن خێزانێ هایدار دكه‌ت دبیته‌ سه‌ده‌ما هندێ كو هه‌مى پێكڤه‌ ب دله‌كێ گه‌شبین و ئارام خوه‌ كار بكه‌ن و قه‌ستا بنگه‌هێن ده‌نگدانێ بكه‌ن، نه‌خاسمه‌ ژى ئه‌و خێزانێ تووشى گه‌له‌ك ئاریشه‌ و گرفتێن ئابوورى یێن به‌رته‌نگ بو وین دژیانێ بوویه‌ ئه‌گه‌رێ هندێ كو لاوازه‌یك كه‌فتیه‌ دهه‌ستێ گه‌له‌ك تاكێن جڤاكى دا، ژبه‌ر هندێ گرنگه‌ به‌حسا هندێ ژى بكه‌ین ئه‌ڤ فشارێن چه‌ند رۆژه‌ د بانگه‌شا هه‌لبژارتنان ل سه‌ر ده‌روون و مێشكێ جڤاكى پتر گڤاشتن په‌یدا كریه‌ و بوویه‌ خاله‌كا نه‌رێنى و كاریگه‌رى سه‌ر بۆچوون و بریارا گه‌له‌ك كه‌سان، به‌لێ رۆلێ ئافره‌تێ ئاها ل ڤێره‌ دیار دبیت ده‌مێ ئافره‌ت ب هه‌مى هێز هاندانا ئه‌ندامێن خێزانێ دكه‌ت و چاره‌نڤیسێ ملله‌تێ خوه‌ ده‌ته‌ به‌ر چاڤێ زارۆ و كه‌سایه‌تیێن د ناڤا خێزانێ دا، ئه‌ڤه‌ ب تایبه‌ت ژى ده‌مێ هاندانا جه‌ماوه‌رى بو لیستا 184 بهێته‌ ده‌ستنیشان كرن چونكى هه‌ر ئو بویه‌ مافێ ژنێ و رۆلێ وێ دایه‌ به‌رچاڤكرن و ئه‌ڤه‌ ئومێده‌كا نوو د ناخێ دایك و ئافره‌تان دا په‌یدا دكه‌ت كو ب هه‌سته‌كێ مه‌زنتر و ب هێز پشته‌ڤانیێ ل ئافره‌تێ بكه‌ن ژبۆ ده‌نگدانێ و لیستا پارتى دیمۆكراتى كوردستان، به‌لكو سه‌رۆك لیستا پارتى دیموكراتى كوردستان ئافره‌ته‌ ئه‌ڤه‌ ناڤه‌كێ مه‌زن ژبو هندێ كو پارتى بویه‌ لیستا ئێك دایه‌ ژنێ رۆلێ خوه‌ دناڤ ده‌ستهه‌لاتێ دا بینیت و ببیته‌ نمونه‌ ئافره‌ته‌كا سه‌ركرده‌ ل ده‌ڤه‌رێ و ببیته‌ نوینه‌را كوردا ل په‌رله‌مانێ عیراقێ، چونكى گه‌له‌ك جارا ئه‌م ئافره‌ت دلگران بووینه‌ كا بۆچى لایه‌نیێن سیاسى ریكێ ل پێكه‌فتنا ئافره‌تێ د جهێن بریاردانێ دگرن و ناهێلن دروست رۆلێ خوه‌ بینن، په‌یام ئه‌ڤه‌ هه‌مى رێك و بنیاته‌ بۆ ئافره‌تێ دڤه‌كرینه‌ ئه‌ڤ جاره‌ ب هێز و ئیراده‌یه‌كا ب هێزتر ببیته‌ به‌ره‌ڤان و نموونا ئافره‌تێن سه‌ركه‌فتى د لیستا پارتى و نموونه‌ بیت بو لیستێن دى كو پشتى پارتى ئافره‌ت كریه‌ سه‌رۆك لیست ژنوى ئه‌وان ئافره‌ت هه‌لبژارت سه‌رۆك لیست ژنوى لایه‌نێن دى یێ، سیاسى چاڤ كره‌ پارتى و ئافره‌ت هه‌لبژارت سه‌رۆك لیست، ئه‌ڤه‌ پتر مه‌ ب ئومێد دكه‌ت كو گه‌له‌گ ده‌ستكه‌فتێن دى دریكێ دانه‌ و ئافره‌ت دشێت ل رۆژا ده‌نگدانێ پتر ئه‌وى چاره‌نڤیسى بده‌ته‌ دیاركرن ب رێكا شیان و هاندانا خوه‌ بۆ ئه‌ندامێن خێزانێ وه‌ك رۆژه‌كا جوداتر ژ هه‌مى رۆژێن دى ئه‌و ژى ته‌ڤایا ئه‌ندامێن خێزانێ ببه‌ته‌ سه‌ر سندۆقێن ده‌نگادنێ و ده‌نگى بده‌نه‌ پارتى دیموكراتى كوردستان، ئه‌ڤه‌ یا گرنگه‌ كو ئافره‌ت ببیته‌ هێمایێ پتر شیان و هێزا خوه‌ دێ ده‌ته‌ دیاركر كو ل پاشه‌رۆژێ ئه‌و باوه‌ریا ب هێز ب ته‌خا ئافره‌تا بهێته‌ دان كو ئه‌و ئافره‌ت دشێن رۆلێ خوه‌ دقادا سیاسى دا ببینن و دێ سه‌ركه‌فتى بن و ژ كێمتر نینن ژ زه‌لامى به‌لكو هه‌ر دوو ته‌مامكه‌رێن هه‌ڤن ژبو سه‌ركه‌فتنا سیاسه‌تا وه‌لاتى و پێشئێخستنا ئاڤه‌دانكرنا هه‌رێما كوردستانێ.

38

هه‌یفا دۆسكى
گه‌له‌ك یا فه‌ره‌كو ب راستگۆیى رۆلێ ژنێ دانینه‌ به‌رچاڤ و كانێ د ڤێ قووناغێ دا هێزێن سیاسی یێن كوردستانێ چاوا سه‌ره‌ده‌رى ل گه‌ل ڤێ دۆزێ كریه‌، بێگومان بێ جوداهى هه‌مى هێزێن سیاسى دیتنا وان بۆ رۆلێ ژنێ د ناڤ ژیانا سیاسی دا نێزیكى ئێكه‌ و چ جوداهیه‌كا وه‌سا یا به‌رچاڤ ناهێته‌ دیتن و هه‌ر رۆله‌كێ ب ژنێ ژی هاتبیته‌دان، یان رێك ل به‌رهاتبیته‌ ڤه‌كرن بۆ كاره‌كێ سیاسى، تنێ بۆ هندێ بوویه‌ كو ببێژیته‌ جڤاكى ئه‌ڤه‌ ئه‌ز هۆسا رێزێ ل ژنێ دگرم و دده‌مه‌ پێشیا زه‌لامى و وه‌كهه‌ڤى باوه‌ریه‌كا نه‌لڤه‌ ل ده‌ڤمه‌ بۆ هه‌ردو توخمان، ئانكو ژن و زه‌لامى.
ئه‌ڤه‌ژى وێ چه‌ندێ ناگه‌هینیت كو ژنا كورد یا كێم شیان و نه‌زانه‌ د ڤى بیاڤی دا، به‌لكو به‌روڤاژى، ژنێ ژی وه‌كى زه‌لامى ئه‌و شه‌هره‌زایى و زانین یا هه‌ى یا زه‌لامێ كورد هه‌ى، به‌لێ زه‌لامى به‌رده‌وام رێك ل به‌رژنێ گرتیه‌ كو بشێت ڤى رۆلى بگێریت و ببیته‌ سه‌ركێشه‌كا سیاسى، یان ناڤه‌نده‌كا سیاسى برێڤه‌ببه‌ت و زه‌لامى به‌رده‌وام ب چاڤه‌كێ كێم سه‌حكریه‌ شیانێن ژنێ و ده‌مێ ڤیاى رێیێ ل به‌ر ڤه‌كه‌ت ژی بۆ هنده‌ك مه‌ره‌مێن خوه‌ یێن پیسبوویه‌، نه‌كو ژ ڤه‌رێژا تێگه‌هشتنا وى بوویه‌ د ڤى بیاڤی دا.
هه‌روه‌كى به‌رى نوكه‌ مه‌ گۆتى بێ جوداهى هه‌مى حزب و هێزێن سیاسى ل كوردستانێ، ئه‌و رێك و بیاڤ ل به‌رژنێ نه‌ڤه‌كریه‌ كوژن بشێت بگه‌هیته‌ ناڤه‌نده‌كا سیاسى یا هه‌ژى شیان و پێچێبوونێن وێ، ئه‌ڤ مژاره‌ ژی پێدڤى ب ڤه‌كۆلین و دووڤچوونێن كویر و زانستى هه‌یه‌، كانێ ئه‌گه‌رێن ڤێ چه‌ندێ بۆ چ تشت دهێنه‌ زڤراندن، كانێ ئه‌ڤه‌ (پره‌نسیپه‌كه‌) و هێزێن سیاسى باوه‌رى پێ نینه‌، یان ژی كه‌سن ڤێ رێكێ لێ دگرن بۆ پاراستنا به‌رژه‌وه‌ندیێن خوه‌ یێن كه‌سى.
بێگومان ئه‌ڤه‌ ب تنێ گونه‌ها زه‌لامى نینه‌ كو نوكه‌ ئه‌ویێ ل سه‌رهه‌مى گه‌هێن سیاسى زاله‌، ئه‌ڤه‌ گونه‌ها ژنێ بخوه‌یه‌ ژی، چونكو هه‌تا نوكه‌ وێ ژی یێ خوه‌ به‌ردایه‌ڤه‌ و به‌ره‌ڤانى ژ مافێ خوه‌ نه‌كریه‌ و خوه‌ یا هێلایه‌ ب خێر و دلۆڤانیا زه‌لامێ سیاسى ڤه‌، هه‌ر بۆ میناك رێكخستى و كۆم به‌ستێن ژنا هه‌مى بزاڤان دكه‌ن كو دهه‌لبژارتنان دا ژن ب سیسته‌مێ كۆتا بهێته‌ هه‌لبژارتن كو ئه‌ڤه‌ بخو زولمه‌كه‌ ژن ل خوه‌ دكه‌ت، ب دیتنا مه‌ پێدڤیه‌ ل شوونا ڤێ چه‌ندێ هێزێن سیاسى چاوا پشته‌ڤانیا كادرێن خوه‌ یێن زه‌لامدكه‌ن بۆ سه‌ركه‌ڤتنا وان د هه‌لبژارتنان دا، پتر پشته‌ڤانیا ژنێ بهێته‌كرن و بینیته‌ پێش و رێیا ل به‌ر خۆش بكه‌ت بۆ سه‌ركه‌ڤتنێ و چاوا ریكلام بۆ كادرێ زه‌لام دهێته‌كرن دو هند بۆ ژنێ بهێته‌كرن داكو ئه‌و ب حه‌قێ خوه‌ بهێته‌ هه‌لبژارتن نه‌كو خێر پێ بهێنه‌كرن.
چۆنكى دێ به‌حسا هندێ كه‌ین كو ئێك نموونا زیندى د ناڤ ل كه‌لتوورێ كوردى د اكو دكه‌ڤن دا مێر ب ژنێ هاتیه‌ نیاسین و گۆتیه‌ كوڕێ فلانێ یان ب ناڤێ هه‌ڤژینا وى یان دایكا وى گازیكریێ، چونكى كه‌سه‌كا ئه‌كتیڤ و به‌رنیاس بوویه‌ و د ناڤ بنه‌مالێ دا هێز و هه‌یبه‌تا وێ یا ئاشكه‌را بوو و شیایه‌ خێزانێ، خویندار پێك بینیت و ده‌سته‌كێ بلند و خودان رێز هه‌بوویه‌ د ناڤ جڤاكێ كوردى دا، یا ئاشكه‌رایه‌ كو ل ڤێ دووماهیێ و پشتى سالێن نۆتان چه‌ند پتر جڤاك پێش دكه‌ڤیت رۆلێ ژنان ل جهێن بریاردانێ دا كێم بوویه‌ چه‌ند ئه‌م به‌ر ب پێش دچین ژبلى هندێ كو رێژه‌كا كێم یا ئافره‌تێ یا دیار بیت ئه‌م هه‌ر د رازى نینین ئه‌ڤه‌ نابیته‌ پێڤه‌ر بێژن ئه‌م، رێ ده‌ینێ و چونكى سیاسه‌ت مولكێ كه‌سێ نینه‌ به‌لكو یێ وه‌لاتى یه‌، به‌رۆڤاژى ڤێ چه‌ندێ ژى هه‌ر گوهۆرینێن سیاسى دا بۆ هه‌ر چه‌ند ساله‌كا و ل هه‌رێما كورستانێ كار دهێته‌كرن گوهۆرینێن سیاسى هه‌بن هندێ دهێته‌ كرن و ئه‌ڤ گوهۆرینه‌ كاریگه‌ریه‌كا ئه‌رێنى بیت بۆ ره‌وشا كوردستانێ، ئه‌رێ هه‌كه‌ ب تنێ زه‌لام بن دێ ئه‌رێنى تێدا بیت!! لایه‌نێ دى ژى پارتێن سیاسى ده‌مێ د ناڤ پۆستان د هزرا لێكگۆهارتن و راسپاردنا كه‌سان دكه‌ن ژبۆ برێڤه‌برنا پارتێ و كارێن سیاسى یێن پارتێ، خۆشبه‌ختانه‌ كو ئه‌ڤ گوهۆرینه‌ دهێنه‌كرن و یێ بێ گومانه‌ كو گوهۆرین هه‌كه‌ چ نه‌بیت نیاسین و گوهۆرینا ژینگه‌هێ و كه‌سانێن دى نه‌ ل دۆرهێلێ كارى، به‌لێ ئه‌گه‌ر لایه‌نێ دى یێ دڤێت ل سه‌ر باخڤین ئه‌وه‌ ئه‌رێ ده‌مێ هزرا هندێ دهێته‌كرن، بۆچى 5% ژى ئه‌م ره‌گه‌زێ ئافره‌ت د ناڤ ئه‌ڤان سه‌ركردایه‌تیا دا نابینین، حه‌ز ناكه‌م بێژن كار دكه‌ن و حه‌زژ رێكلاما خوه‌ ناكه‌ن نه‌خێر، به‌لكو ئه‌و كه‌سێ دیاره‌ یێ كار دكه‌ت، مه‌ شیانێن به‌رچاڤ دڤێن ژبۆ رێخستنا ژنان و ب هێزكرنا جڤاكه‌كى ئاڤاكرى یا به‌رچاڤ بیت و د ناڤ ره‌ه و ریشالێن سیاسى و ئابوورى و جڤاكى دا ده‌سته‌كێ بلند هه‌بیت. تایبه‌ت ژى هه‌كه‌ به‌حسا سیاسه‌تێ بكه‌ین كه‌سێ سیاسى مولكێ خه‌لكى یه‌ و نه‌ك یێ تاكانه‌ و ل پشت هنده‌ك كورسیكان كار بكه‌ت، دیسا من به‌حسا وان ژنان نینه‌ یێ ل شاشان كاره‌كێ راگه‌هاندنێ بكه‌ن، مه‌ره‌م ژێ كارێ سیاسى و دیسا به‌شداریا ئافره‌تێ و د ناڤ مه‌یدانا سیاسى دا، ئه‌رێ دانانا وێ نابیته‌ هۆكار كو مه‌ جڤاكه‌كێ ساخله‌م هه‌بیت، چونكى چ ملله‌ت پێشناكه‌ڤن هه‌تا ته‌ ئافره‌ته‌كا پێشكه‌فتى نه‌بیت، ژ به‌ر ئه‌و بیناتێ ملله‌تان دانیت چونكى ئاڤاكرنا تاكه‌كى ئاڤاكرنا جڤاكه‌كى یه‌، لێ ب گشتى ل كوردستانێ مه‌ ده‌ستهه‌لاته‌كا سیاسى یا نێر یا هه‌ى ل ناڤ هه‌مى پارتێن سیاسى دا بێ ده‌ستنیشانكرنا لایه‌نه‌كێ سیاسى، ئانكو دێ بینى ل هه‌ر جهه‌كێ سیاسى دا ل كوردستانێ رێژا ژنێ ل جهێن بریارێ ب تنێ زه‌لامن و هه‌كه‌ ژى ژنه‌ك هه‌بیت بۆ روویسپیكرنا وێ جهى یه‌ك و دا بێژن ئه‌م رێكێ ده‌ینه‌ ژنێ و مه‌ نه‌ رێگرین د رێكا وێ دا هه‌كه‌ ژى به‌حسا لایه‌نێ دى بكه‌ین كو ئافره‌ت وێ ئازادیێ ناده‌ته‌ خوه‌ ئه‌رێ كه‌نكى رێك بۆ هاتبیته‌دان و وێ ئافره‌تێ رۆلێ خوه‌ نه‌دیت بیت، ژبلى هندێ كو پشته‌ڤانى ل ئێكێ هاتبیته‌كرن و ماوه‌كى بۆ هنده‌ك به‌رژه‌وه‌ندیان و جاره‌كا دى پشت دابیتى پشتى كو ئه‌و ب هێز و شیانێن خوه‌ نه‌شیایى خوه‌ ل سه‌ر پێن خوه‌ بگریت، ئه‌ڤه‌ بێ بهانه‌ دێ روونیت و د ناڤ مه‌یدانا سیاسى دا به‌رزه‌بیته‌ڤه‌، ئه‌گه‌ر ژى بێژن شیانێن وێ دلاوازن و به‌هانێ بكه‌نه‌ ئه‌و خالا ڤه‌شارتى و هزر بكه‌ن كو سوحبه‌ت ل سه‌ر ناهێته‌كرن چونكى ژنێ ئه‌و زه‌لامێ سه‌ركرده‌ ئاڤاكریه‌ و ئه‌ڤرۆ ل سه‌ر كورسیا ده‌ستهه‌لاتێ ملله‌تى برێڤه‌ دبه‌ت.

115

ھەیفا دۆسکی:
بابەتێ ھەوا بەرھنگاربوونا توندوتیژیا دژێ خێزانێ ھەر سال شازدە رۆژان ڤەدکێشیت و جاران پێھەلتر دچن و ل دووڤ خشتێ چالاکیان دمینیت و ل ھەیڤا 11 ھەتا یا دوازدە ڤەدکێشن و ب ھەمی جۆرێن چالاکین ئەڤ ھەوە دھێتە ساخکرن و ئەو ژی ل دووڤ جۆر و شێوەیێن توندوتیژیێ دراوەستیت، کا چەند دھێتەکرن، ژ بەر ھندێ ھەمی سالان ئەم یێ کار ل سەر دکەین ئەڤ توندوتیژیە کێم بیت، لێ ئەم یێ بەرێ خوە ددەینێ ژ ئالیەکی ڤە یا کێم دبیت و ژ ئالیەکێ دیڤە ژی ب رێژەیەکا مەزن یا بەرفرەە دبیت.

ئەڤجا چ توندوتیژیا سیاسی و ئابووری و جڤاکی و ھزری و دەروونی و پاشی جەستەیی چونکی ئەڤان جۆران جڤاک یێ کریە د قووناغەکا ھەستیار دا و رەوشا گەلەک وەلاتیان ژلایێ ئیرادەیی یا دکەڤیتە د لاوازیێ دا و یا دیارە کا دەست ل سەر چ برینێ یە و چاوا بریندار بوویە و چاوا پێدڤی ساخکرن و سارێژکرنا وان برینایە.

ئەز گەلەک بەحسا توندوتیژیا دژی ئافرەتێ ناکەم، چونکی ھەتا رادەیەکی باش پشتی ڤەکرنا نڤیسینگەھێن توندوتیژیا دژی خێزانێ ئێدی ھزرەک وەک ترس بۆ ئافرەتێ دھێتەکرن کو نەھێتە قوتان و کۆشتن، وەکو دی توندوتیژیا دەروونی و ھزری ژن د نوکە دا یا کریە د رەوشەکا ئێکجار خراب دا، نموونە ژی دەرێخستنا وێ ژ مال و نە بەردەت و نە ژی دڤەگەرینیت و ھەتا زارۆیێن وی ژی لێ دوور دکەن و خەرجیێن وێ ژی لێ ھاتینە برین چونکی د قانوونێ دا نە یا بەردایە، بەلکو ژبەر شەرما ژ جڤاکی و عەشیرەتێ نەڤێت ناڤێ بەردانێ بھێتە سەر، ئەڤجا نەچارە ئەڤ ژنە شەڕێ دەروونی ڤە بنالیت و ل ڤێرە ژی دێ ھەر کەس ھزر کەت کا ئەو ژی ل بەر چ کەڤتیە د ڤێ رەوشێ دا و چپێ نەڤێت یا چارچووڤە کریە د خالا رەوشتی دا و ھەر ئێک بۆ خوە شرۆڤەدکەت و ئەڤە ل دووڤ وژدانا تاکان دراوەستیت، یان ھەکە بەحسا وان کچێن د ژیێ سنێلەیی دا بکەین و ئەڤ نەخۆشیا ئەو د ناڤ دا دنالن و کەفتینە دپەیوەندیا ل گەل کوڕان و د سەر ڤێ ئێکێ را ئەو کوڕە گەفێن ھەتکربرنا وان لێ دکەن و توندوتیژیا سکسی ل گەل وان ئەنجام دەن و ب تنێ ئەو ل گەل وان بمینن و ھەر جارا ڤیا حەزا خوە یا غەریزەیی ژێ تێر بکەن ئەڤێ جۆرێ پەیوەندیێ ژی ئەگەرێن خوە یێن تایبەت ھەنە، مینا بێ پارەیی و ڤەقەتیانا ھەڤالینیا د ناڤبەرا سنێلە و گەنج و دایکوبابان دا و دیسا دوور ژ دلۆڤانی و حەزژێکرنا دەوروبەران و روودانا ڤالاتیێ کچ تووش دبیتێ.

خالا دی توندوتیژیا دژی زارۆیی قوتان و ترسا ژ لایێ دایک و بابا و پاشڤەبرن و شکاندنا ھەستێ وان، دیسا ژی کارکرنا وان ل سەر جادە و ل ناڤ کولان و بازاری و دیاردا خازۆکیێ ھەر کەس ژلایێ خوەڤە سڤکاتیێ پێ دکەت و ھەتا ژی کار ب وان کرن ل سەر ئاستەکێ خراب و ئاریشێن بەد رەفتاری و بەرەلا، یان ژی ھەکە بەحسا کەسانێن بێ دەستھەلات بکەین ل ناڤ دامودەزگەھێن کاری دا ئەڤجا چ میری یان حزبی یان کەرتێ تایبەت دا بیت و دیسا رێز نەگرتنا مرۆڤی ل وی کەسی و کار پێکرنەکا بێ توخیب و جوداھیا جەستەیی ئەڤە ژی خالەکا جودایە ژ توندوتیژیێ.

ژ لایەکێ دیڤە ژی توندوتیژیا ل گەل کەسانێن دانعەمر دھێتە کرن کو ب درێژیا ژیێ خوە کاردکەن و پشتی ب ناڤ سال ڤە چووین ئەو ب شێوێ ئەرک ل سەر ملێن زارۆیێن وان باشترین شێوە ناھێنە ب خودان کرن و ھەر چەند رۆژان ل دەڤ زارۆیەکی یە داکو پێڤە نە وەستیێن ئەڤ دایک و بابە ژی ھەکە جھەکی ب خودانکرنا خوە ببینن دبیت ئەو قەستا وێرێ بکەن و دیسا ژی ھەکە شەرم نەبیت کەس و کارێن وان دانعەمران دێ وان بەنە جھێن تایبەت یان ھندەک مرۆڤێن بیانی بۆ گرن چاڤدانا وان بکەن ئەڤجا دلۆڤانی پێ بەن یانە ئەو ژی گرێدایی رەفتار و وژدانا وی کەسی یە و ئەڤە ب سەدان نموونێن وەسا د ناڤ جڤاکی دا یێن رووددەن.

بەروڤاژی ڤێ یەکێ ژی یا ژ ھەمیان پتر ئەم لێ سەرسورمان دبین توندوتیژیا ھزری و سیاسی و ئابووری و دەروونی ئەڤێ چەندێ ھەمیێ نەخۆشیێن گەلەک مەترسی یێ لێ پەیدا دبن کو ل پاشەرۆژێ ئەم ل چارەیێن دەولی بگەرین، نموونە ئەڤ دانا گەلەک شەھیدان ژ ئەنجامێ شەڕێن دژوار ل سەر ھەرێما کوردستانێ و دانا شەھیدان و ئەنجامێ ڤێ ل پشت ڤان شەھیدان ب سەدان ژن و کچ و دایکێن گەنج بوونە بێ ھەڤژین و ئەو ژی یێ د رەوشەکا گەلەک یا ئالۆز دا و کەس نینە گەرەنتیا ژیانا وان بکەت وەکو ھەڤژین و ھەکە ژی ھەبن بخوازن دێ کوڕ یان زەلام چەند خودان ژیەکێ مەزن بیت دێ چیت ل کچەکا دبن ژیێ بیست سالی دا گەریت ئەڤێن ھەنە ب وێ پیرۆزیێ ڤە دمینن بێ ھەڤژین و د ناڤ کەلتۆرەکێ ژ گەلەک وەلاتێن جیران دا بۆ مە مایی و ئەم ل سەر پەروەردە بووین دێ ژیت.

شەرێ ھزری و سیاسی ژی کو ئابوور نەما و مووچە و بۆدجە ھاتن و چوون ئەڤێ توندوتیژیا دژوارتر لێ کری، چونکی ئیرادەیا خەلکی ژ ھەر تشتی مەزنترە دکەڤیتە د مەترسیێ دا و ئیرادا گەلی ل رێزا ئێکێ دھێت بۆ پێشھاتەکا ل کوردستانێ پەیدا دبیت، گرنگە یا پاراستی بیت و چارەیێن ب لەز بھێنە ڤەدیتن و ئەڤ جۆرێن توندوتیژیا دوی بوونێ دا بھێنە چارەکرن.

40

روودانێن ڤێ دووماهیێ ژ پشتى ریفراندۆمێ هاتین و ئه‌و پێش هاتێن د دویفرا و بگره‌، كه‌ش و هه‌وایه‌ك دروست كر و گه‌له‌ك تشتێن ب له‌ز ل گه‌ل خوه‌ ئینان بابه‌تێ وێ ب گشتى، تا وى رادده‌ى حه‌ز و هه‌ست و پێشبینیێن خه‌لكى هه‌مى ته‌ڤلیهه‌ڤ كرن. د ره‌وشه‌كا ب ڤى ره‌نگى دا، كو هه‌میان خه‌ون ب ده‌وله‌تبوونێ ڤه‌ ددیتن و ئه‌و خه‌ونا ب سه‌ده‌ها ساله‌ باب و باپیرێن مه‌ سه‌ر ئێك گهورین تیدا په‌یدا بۆ دچه‌ند رۆژان دا، دیوارێن وێ هه‌مى دهزرا گه‌له‌كان دا ژ به‌ر ئێك چوون و زێده‌تر خه‌لك توشى سه‌رسورمانێ و راوه‌ستیانێ كرن، ده‌رگه‌هـ ل به‌ر خه‌لكى ڤه‌بوو و هه‌مییان پێشبینى و خواندنێن خوه‌ دانه‌ بارودوخى و تا وى رادده‌ى، هه‌ر كه‌سێ مرۆڤ بێهنه‌كێ ژى ل ده‌ف روونشتبا، سیاسى با یان ره‌وشه‌نبیر، رۆژنامه‌ڤان و خوه‌ ئابوورناس و نۆشدار و كرێكار و دوكاندار ژى، نه‌ ب تنێ ئه‌ڤه‌، ژنێن به‌رمالى ژى ده‌ما ل ده‌ف ئێك د روونشتن، خواندنێن خوه‌ و شرۆڤه‌كرنێن خوه‌ بۆ بارودۆخى هه‌بوون.
راسته‌ گشتپرسى هاته‌كرن و هه‌ر وه‌ك مه‌ ڤیایى ئه‌نجامێن دووڤ وێ یه‌كێ را هاتین د خوه‌ش نه‌بوون و مه‌ ب دلێ مه‌ نه‌بوون بوون چۆنكى هه‌ر تشت هاته‌ گۆهۆرین پشتى ئه‌نجامێن هاتینه‌ راگه‌هاندن، لێ تشتێ گرنگ، خه‌لكى بگشتى وژدانا خوه‌ راست كرن و ده‌نگێ خوه‌ دان و بۆ جیهانێ هه‌میێ دیار كرن، كو كوردان سه‌ربه‌خویا خوه‌ دڤێت، تا ڤێره‌، ئه‌ڤه‌ خواندنه‌كا بچكی بوو ژبو بارودوخى، لێ یا من دڤێت د ڤێ گۆتارێ دا به‌حس بكه‌م، ده‌ركه‌فتنه‌ ژ بابه‌تێ ریفراندۆمێ و ئه‌گه‌رێ پشت گوهدانا جڤاكێ نیڤده‌وله‌تى بۆ كوردان، ئه‌و ژى، ده‌ما ئه‌م هه‌مى دبین سیاسه‌تڤان، ئه‌م هه‌مى دبینه‌ شرۆڤه‌كارێن سیاسى و هه‌ر وه‌ك مه‌ دڤێت بابه‌تان هه‌لسه‌نگینین و پێشبینى و خواندنێن خوه‌ ب به‌ر خه‌لكى وه‌ردكه‌ین، هینگێ ئه‌م گه‌له‌كان گونه‌هبار دكه‌ین و گه‌له‌كان ژى بێ ئۆمێد دكه‌ین و ئه‌ڤه‌ بخوه‌ ژى شكه‌ستنه‌كا دى یه‌، ئه‌م نه‌خوشیه‌كا ده‌رونى لده‌ف خه‌لكێ خوه‌ دروست بكه‌ین و بێ وره‌یێ ل ده‌ف زارۆیێن شه‌هیدان و مالباتێن وان په‌یدا بكه‌ین، كو بابێن وان خوینا خوه‌ ژ بۆ كوردستانێ رێتى یه‌ و ئه‌م پێشبینیێن شاش ددانینه‌ به‌ر چاڤێن وى، ژبه‌ركو ئه‌م كورد، ب ده‌هان سالانه‌ ئه‌م دشوه‌رشێ دا و تا نوكه‌ ژى ئه‌و شۆره‌ش یا به‌رده‌وامه‌، ئه‌م یێ خه‌بابتێ دكه‌ین و ژمێژه‌ هاتیه‌ گۆتن، كوردان ب تنێ چیا هه‌نه‌، لێ ببنه‌ خوه‌دان، بوویه‌ ب هزرا من، نابیت هه‌ر كه‌سه‌ك ژمه‌ ژلایێ خوه‌ ڤه‌ شرۆڤه‌كرنان بده‌ت و وڕه‌یێن خه‌لكى بینته‌ خوارێ و هه‌ر گاڤا ئه‌م فێربووین، هه‌ر ئێك ژمه‌ د چوارچووڤێ كارێ خوه‌ دا پێش كه‌فتنێ و داهێنانێ بكه‌ت، ئه‌م دێ ده‌رفه‌تان بۆ سه‌ركه‌فتنان په‌یدا كه‌ین و هه‌ر كه‌سه‌ه‌كێ چوویه‌ قوتابخانێ ژى لبیرا وى یه‌ ده‌ما دوانا كوردیێ دگۆت (گۆشت بۆ گۆشتفرۆشى) و یا فه‌ره‌ هه‌ر كه‌سه‌ك ب تنێ كارێ خوه‌ بكه‌ت و نه‌ك هه‌ر كه‌س خوه‌ ته‌ڤله‌هى سیاسه‌تێ بكه‌ت و مایێ خوه‌ د بابه‌تێن جودا یێن حوكمه‌تێ دا بكه‌ت، چۆنكى هه‌ر كه‌س مژوولى كار و ژیانا خۆیه‌، یا گرنگه‌ ژى گونه‌هێ نه‌كه‌ینه‌ ئه‌گه‌رێ ریفراندۆمێ چونكى مه‌زنترین ده‌ستكه‌فتێن نه‌ته‌وه‌یى دێ ل پاشه‌رۆژێ هه‌بن و ئه‌م دبێ ئومێد ژى نینن، له‌ورا قه‌له‌مێن مه‌ بلا بۆ نڤیسینێن ب وژدان بن نه‌ك ئێشاندنا ب هزاران برینین ملله‌تێ مه‌.

84

ره‌نگه‌ بابه‌ت پیچه‌ك یێ ئالۆز بیت بۆ خواندنێ، تایبه‌ت ژ لایێ خوێنده‌ڤانێ زه‌لام ڤه‌، ژ به‌ر كو بۆ زه‌لامى نه‌خه‌مه‌ یان هه‌ر نه‌ڤێت هزرێ ژى تێدا بكه‌ت كا چ ئاسته‌نگى درێیا ژنان دا هه‌نه‌، پێنه‌ڤێت ئه‌ڤا ئه‌ز دبێژم نه‌ بۆ هه‌مى زه‌لامان، ئه‌و زه‌لامێن هێشتا عه‌شایرگه‌ریێ ده‌مارێن وان به‌رنه‌داین و رێ ل پێشكه‌فتنا ژنێ دگرن.
بێده‌نگیا ژنێ ل سه‌ر گه‌له‌ك ماف و ئه‌ركێن پێدڤى یێن رۆژانه‌ و یێن پاشه‌رۆژێ جاران مرۆڤى دلگران دكه‌ن، به‌لێ راستیا ئه‌م پێ دلخۆش دبین، هه‌ر گۆهرینه‌كا جڤاكى و ئابوورى و سیاسى رووبده‌ت، چ پێ نه‌ڤێت ژنێ پشكداریا تێدا هه‌ى و ئه‌م یێ هه‌ولا هندێ دده‌ین ژن، خودان ئیراده‌یه‌كا ب هێز بیت د ناڤ هه‌ر كاره‌كێ بیت، ژبه‌ر بێده‌نگیا ژنێ، ته‌په‌سه‌ركرنا ژنێ د هه‌ر بزاڤه‌كا ژیانێ دا نه‌ ب تنێ ئه‌و ژنا د ناڤ ده‌ستهه‌لاتێ دا، به‌لكو هه‌ر ژنه‌كا دبیته‌ نوونه‌را خێزانه‌كێ و دایكا هه‌ر مێیه‌كا دهێته‌ دونیایێ، به‌لكو ژى د بنیاتێ هه‌ر توخیبه‌كێ پێشكه‌فتنا ژن تێدا بیت بۆ ره‌گه‌زێ نێر یا گرانه‌ ژن ببیته‌ خودانا ده‌ستهه‌لاته‌كا ب هێز ل وه‌لاتى و ئه‌م ژى ژڤێ بارۆڤێ دبێ به‌هر نینین و ب سه‌دان و ب هزاران ژن د سالێن بوورى و یێن نوكه‌ یێ سه‌رێ خوه‌ ژبۆ ڤێ چه‌ندێ ددانن ئاخێ، لێ تشتێ دلێ مرۆڤى پێ گه‌شبین دبیت ئه‌وه‌ ژنا كورد ل كوردستانێ ئێدى به‌ر ب باشتر یا هه‌ول ده‌ت، ئه‌و شیان و هێزا هه‌یى بده‌ته‌ كارى كو شیانا د جانێ وێ دا ببیته‌ كارى و ژبۆ سه‌ركه‌فتنا پرسا ژنێ سه‌ربكه‌ڤیت، یا ژ ڤێ پتر ئه‌م ل سه‌ر راوه‌ستین، ئه‌وه‌ ئه‌م جاران د گومانێ دا دژین ئه‌رێ ژن ل كوردستانێ دێ به‌ر ب كیڤه‌ ده‌ته‌ رێ؟، چونكو هێشتا ئه‌م ژن مژوولى هندێنه‌ كه‌س ل به‌راهیا مه‌ ژنان نه‌كه‌ڤیته‌ كاروانى و ئه‌م دژاتیا ئێك بكه‌ین و نه‌هێلین هه‌ڤال و كه‌سان ل دۆرێن مه‌ بهێته‌ پێش و ئه‌و پێ ئالینك و ئاسته‌نگان بۆ په‌یدا دكه‌ین، دا كو بمینته‌ ل پشت مه‌ و ئه‌م ترسین ئه‌و مه‌ بهێلیت و ئه‌م د جهێ خوه‌ دا بمینین، له‌ورا ژى باشه‌ ئه‌گه‌ر ئه‌م هه‌ڤركیا پێشكه‌فتنێ بكه‌ین، به‌لێ نه‌ هه‌ڤڕكیا شكاندنا ئێك و دروستكرنا هنده‌ك تۆمه‌تێن نه‌ به‌رئاقل د ناڤ جڤاكى دا، تشتێ گرنگ ئه‌وه‌، سه‌ركه‌فتنا هه‌ر ژنه‌كێ سه‌ركه‌فتنا ژماره‌كا ژنانه‌ ل كوردستانێ و ئه‌م پێدڤى پشته‌ڤانیا ئێكین بۆ سه‌ركه‌فتنا پرسا ژنێ، ژ به‌ر خوه‌ ناسكرن و خوه‌ ئاڤاكرن بۆ پتر به‌ر ب پێش گه‌له‌ك یا ب زه‌حمه‌ت نابیت و باشتره‌ ئه‌م هه‌ولا سه‌ركه‌فتنا ئێك بكه‌ین د هه‌ر قووناغه‌كا ژیانێ دا دا كو حوكمه‌ت و ده‌ستهه‌لات ژى ئه‌و په‌ڕێ باوه‌ریێ د ناڤ هه‌ر كاره‌كى جڤاكى و ئابوورى و سیاسى دا باوه‌ری ب هێزا ژنێ هه‌بیت و ل دووماهیا ڤێ گۆتارێ ژى وه‌ك په‌یامه‌ك بۆ هه‌مى ژنان، به‌رۆكێ مه‌ د ناڤ جڤاكى دا گه‌له‌ك یێ به‌رفرهه‌یه‌ و گه‌له‌ك كار ل سه‌ر ملێن مه‌یه‌ ئه‌م مافێن ژنان و هزرا جڤاكى ل به‌رامبه‌رى ژنان بگوهۆرین و ئه‌گه‌ر مه‌ ژنان بخوه‌ ژى هه‌ڤڕكى ل گه‌ل ئێك هه‌بیت، پێنه‌ڤێت ئه‌و به‌رۆكێ من ژێ به‌حسكرى دێ ب زه‌حمه‌تر كه‌ڤیت و دێ زێده‌تر ماندى بین هه‌تا ئه‌م بشێین وه‌ك ژن و چالاكڤانێن ژن، ل سه‌ر مافێن ژنان باخڤین.

website security
WP Facebook Auto Publish Powered By : XYZScripts.com