NO IORG
Authors Posts by مه‌هدی گلی

مه‌هدی گلی

مه‌هدی گلی
13 POSTS 0 COMMENTS

7

مه‌هدى گلی
ژ لایێ كه‌ناڵێن سه‌ر ب گڕۆپێن خیانه‌تكار یێن (١٦) ئۆكتۆبه‌رێ؟ ئه‌رێ كینه‌ ئه‌وێن ل تۆڕێن جڤاكى هێرش دكه‌نه‌ سه‌ر پارتی و حوكمه‌تا هه‌رێما كوردستانێ؟ ئه‌رێ ئه‌و په‌رله‌مانتارێن ل به‌غدا دژایه‌تیا حوكمه‌تا هه‌رێمێ دكه‌ن كینه‌؟ ئه‌رێ ئه‌و كینه‌ دووبه‌ره‌كیێ د ناڤ رێزێن ملله‌ت دا درو ست دكه‌ن و خه‌لكی دكه‌نه‌ دوژمنێ حوكمه‌تا هه‌رێما كوردستانێ؟. ئه‌و كی بوون ل زاخۆ چه‌ك بكارئینان، دا وه‌كو رێپیڤانه‌كا ئاشتیانه‌ بكه‌نه‌ رێپێڤانه‌كا خویناوی! وه‌ هه‌ر وه‌سانژیك بۆ ل پشت وان ڕابوون گولله‌ بارانا خه‌لكه‌كێ سڤێل و پێشمه‌رگه‌ و كارمه‌ندێن پۆلیسان كرنه‌ ئارمانج، داوه‌كو پارتی پێ تاوانبار بكه‌ن. وه‌ك چاوا هه‌ڤده‌ی شواتێ ل خوه‌نییشادانا سلێمانیێ خه‌لكه‌ك ل سه‌ر ئاڤاهیێن نێزیك ل باره‌گایێ پارتی ته‌قه‌ ل خوه‌نیشانده‌ران كرن و د ئه‌نجامدا چه‌ند هه‌ڤوه‌لاتیه‌ك برینداربوون و هه‌ڤوه‌لاتیه‌ك ب ناڤێ (ماكوان) شه‌هید بوو!؟. ئه‌رێ ئه‌و كی بوون ل پشت خوه‌نیشاندان یێن شێلادزێ و مه‌ره‌ما وان چ بوو و ژبه‌ر چ بهه‌جه‌تا گیرۆبوونا مووچه‌ و دامه‌زراندن ئاژاوه‌ ل وێ ده‌ڤه‌رێ دروستكرن!؟. پرسیار گه‌له‌ك و گه‌له‌كن لێ ئه‌ز ب كورتی به‌رسڤا خوه‌ دده‌م دبێژم. دروستكرنا ئاڵۆزیێ ئاشكرایه‌ كینه‌ ل پشت ئه‌وێ هه‌مى گره‌ شێوێنێ و تێكدانا سه‌قامگیریا كوردستان، ئه‌و ژی (ینك، پ ك ك، نه‌وه‌ی نوێ وكۆمه‌ڵا ئیسلامی، یه‌كگرتوو، بزوتنه‌وه‌ی ئیسلامی)!! ل سالا ١٩٩٦ ٫٫ ینك په‌ك ك، ملبملێ له‌شكرێ پاسداران دڤیان پارتی نه‌هێلن وكوردستانا باشۆر بكه‌نه‌ هیلاله‌كێ شیعی و ب ڕێیا چه‌ته‌یێن كوردی!. لێ بارزانی هه‌ولێر ڕزگاركر و د هه‌مان ساڵ دا پارتی ده‌ستكر ب ئاوه‌دانكرنا هه‌ولێر و د ماوه‌یێ نێزیكێ هه‌ڤده‌ (١٧) سالان كره‌ پایته‌خته‌ك كو د هزرا هیچ كه‌سه‌ك نه‌بوو ئه‌و هه‌ولێرا ئه‌ڤرۆ ئه‌م دبینین وه‌لێبهێت و بیته‌ پایته‌ختا سیاسی و ئابووری.. ب هه‌ر حاڵ دێ به‌حسا كه‌ركووك دكه‌م و دبێژم، گومان تێدا نینه‌ كو بێژم فرۆتنا كه‌ركووك ئه‌و باژێرێ جه‌لال تالبانی دگۆتێ (قودس) ژ لایێ ینك د ماوه‌یێ دو ده‌مژمێران هاته‌ فرۆتن!! ئه‌و باژێرێ یێ كو بابێ ڕوحی مسته‌فا بارزانی دگۆت كه‌ركووك دلێ كوردستانێ یه‌ و چجاران و چ زه‌مانان ده‌ست ژ كه‌ركووكا دلێ كوردستان بارناده‌ین؟ بارزانیێ نه‌مر شۆڕشه‌ك ل سه‌ر كه‌ركووك داناو دونیایه‌ك قوربانیان ژى بۆ دا؟. لێ ینك ب ساناهی كه‌ركووك ڕاده‌ستێ دوژمنكر و شه‌رف و نامووسا كوردان ئێخسته‌ ژێر پێلاڤا عه‌رب و فارسان!.. مخابن نها ژی هه‌ر، ینك و پ ك ك، دڤێن مونافقیێ بكه‌ن و دڤێن ئاژاوه‌ ل ده‌ڤه‌را به‌هدینان خۆڕاگر و لانكا كوردایه‌تێ و شۆڕشان درست بكه‌ن؟. لێ خه‌لكێ مه‌ ژ وان هزریێن دوژمنكارانه‌ ئه‌وێن د خزمه‌تا دوژمنێن گه‌لێ مه‌نه‌. هه‌ر ئه‌ڤه‌نه‌ ئه‌ڤرۆ ناهێلن هه‌ولێر و به‌غدا بگه‌هنه‌ رێگه‌چاره‌ك دیارن كینه‌!؟ ئه‌ڤه‌ ئه‌و كه‌سن سه‌ر ب گڕۆپێن (١٦) ئۆكتۆبه‌ر وه‌ك چه‌ند په‌رله‌مانتاره‌ك سه‌ر ب ینك و گۆڕان و نه‌وه‌ی نوێ و كۆمه‌ڵا ئیسلامی؟ مخابن وه‌سا بۆ من دیار دبیت پایته‌ختێ ڕه‌وشه‌نبیریێ ببیته‌ پایته‌ختێ جاشایه‌تی و خیانه‌تكاریێ و ل دژێ گه‌لێ خوه‌ و بۆ خاترا رازیكرنا ئیرانێ!! ئه‌ز پشتراستم هه‌ر گه‌لێ مه‌ د ماوه‌یه‌كێ نێزیك دا دێ ب سه‌ر وان كۆده‌تایان و خیانه‌تكارا گه‌ڤیت و گشت كێشه‌ یێن هه‌لاویستی چاره‌سه‌ر دبن و ل دووماهیك هه‌ر ڕووڕه‌شیێ بۆ خاین و خۆفڕۆشان دمینیت و دێ ریسوا و شه‌ر مه‌زار دبن و ڕاستیان بۆ هه‌مه‌ خه‌لكێ كوردستان دیار دبیت كا كێ ب دروستایێ د خه‌زمه‌تا گه‌ل و وه‌لاتێ خۆ دایه‌.

25

مه‌هدی گلی
ئاخفتن گه‌له‌ك و گه‌له‌كن، هه‌كه‌ ئه‌م ل دووڤ هنده‌ك بابه‌تان بچین، لێ ئه‌ز ل سه‌ر بابه‌ته‌ك دئاخڤم و دبێژم “هه‌كه‌ مرۆڤ ترومبێله‌ك ژماره‌ كاتی بكڕیت و ژمارا بۆ گرێبده‌ت دڤێت (1200$) دۆلار، ب تنێ بده‌یه‌ رێڤه‌به‌ریا پۆلیسێن هاتنوچوونێ!؟. ئه‌ڤه‌ ژبلی ژینگه‌هێ و.. هتد!. ڤێجا سه‌ره‌ڕای ماندیبوون و رۆتینیان!.. خوه‌ هه‌كه‌ ته‌ واسته‌ هه‌بیت، هند نا وه‌ستێی و جوانترین ژماره‌ ژی دێ بۆ ته‌گرێ دده‌ن!. چه‌ند رۆژه‌ك هه‌تا تو ترمبێلا ژمارا كاتی بكه‌یه‌ ژمارا ئه‌و پارێزگه‌ها تو لێ، ئانكو ته‌ بڤێت. بۆ وه‌ك هه‌ولێر، دهۆك، سلێمانی. ڤێجا وه‌ره‌ هه‌تا تو معامه‌لا دروست دكه‌ی دونیایه‌كا قه‌هران دخۆی ژبه‌ر رۆتینیاتان؟!. سه‌یرتر ئه‌وه‌ ل ده‌مێ تو ژمارێ وه‌ردگری، دێ پێنچ هزار دیناران ژی ژته‌ وه‌ردگرن بۆ دو برغیێن پلاستیكى!. دمینیت ل وێرێ دانا سه‌نه‌ویێ (سنویه‌)، ئه‌و رۆژ یا ژماره‌ بۆته‌ گرێدده‌ن دبێژنه‌ ته‌، پشتی حه‌فت رۆژێن دی وه‌ره‌ سه‌نه‌ویا خوه‌ وه‌ربگره‌!. باشه‌ خێره‌ سه‌نویه‌ هه‌ند گیرۆ بیت؟! ئه‌ڤه‌ سه‌باره‌ت ب گرێدانا ژمارێ، ئه‌ڤجا بلا ئه‌م به‌حس ل ژینگه‌هێ بكه‌ین، بۆ ژینگه‌هێ ئه‌و ژی كۆژمه‌كێ پاره‌ی ژ مرۆڤی وه‌ردگرن!. ئه‌ز تێناگه‌هم مه‌ چ ژینگه‌ه هه‌یه‌؟!، باشه‌ حوكمه‌ت بۆچی نابێژیته‌ خودان موه‌لیدان پارێ ژینگه‌هێ بده‌ن؟. ئه‌م هه‌می دبینین ل ده‌مێ مولیده‌ی دده‌نه‌ كارى ل به‌رامبه‌ری هزار ترومبێلان ژینگه‌هێ پیس دكه‌ت!. من دڤێت ل دووماهی بۆچوونا خوه‌ خاله‌كى دیار بكه‌م و بێژم ل سالێن هه‌شتێیان دا. ل وی سه‌رده‌می ته‌ ڤیابا ژمارا كاتی بكه‌یه‌ ژماره‌، ب فه‌رمی دا چی یه‌ رێڤه‌به‌ریا هاتنوچوونا باژێرێ خوه‌. د ماوه‌ی دو رۆژان دا ژماره‌ و سه‌نه‌ویه‌ ددانه‌ ته‌ ب (20ـ30) دیناران، و كه‌س ژی نه‌ د وێریا واسته‌یێ بكه‌ت!. لێ نوكه‌ دونیایه‌كا پاران ژته‌ وه‌ردگرن!. ب ڕاستی ئه‌ڤ چه‌نده‌ ژی جهێ دونیایه‌كا پرسیارانه‌ كو بێژم خێره‌ ئه‌ڤ هه‌می پاره‌ ژ هه‌ڤوه‌ڵاتیان دهێته‌وه‌رگرتن؟!.

12

مه‌هدی گلی
مژار خاپاندنا سیاسى یه‌، هه‌روه‌كو هه‌رده‌م خیانه‌ت به‌رده‌وام بوویه‌ د ناڤ رێزێن شۆره‌شێ دا!؟ ئه‌ڤجا به‌رێ خوه‌ بده‌نێ كا چاوا به‌رده‌وام بوویه‌.. سكرتێرێ گشتى یێ یه‌نه‌كێ یێ وه‌غه‌ركرى و ئیبراهیم ئه‌حمه‌د ل گه‌ل خێزانا خوه‌، هه‌روه‌سا عومه‌ر مسته‌فا كو به‌رنیاس ب (عه‌مه‌ر دبابه‌) و عه‌لی عه‌سكه‌ری ل ناوپردان و ده‌وروبه‌ر نیشته‌جێ بوون و جه‌لال تاله‌بانی بۆ ماوه‌یه‌ك ل قه‌سرێ و ماكۆسان د ماله‌كێ دا بوو ل باره‌گایێ بارزانی دما، پاشى جه‌لال تاله‌بانی بۆ ده‌مه‌كێ كورت ڤه‌ما و ئێدی چوو ژده‌رڤه‌ی كوردستانێ. سه‌باره‌ت ب ئه‌ڤێ ئێكێ د پرتووكا (بزاڤی رزگاریخوازی كوردی) ل (٦۰) به‌رگی (3) سیێ به‌شێ (2) دووێ، ئاماژه‌ ب ڤێ خاپاندنێ هاتیه‌كرن كو “شۆرشا ئیلۆنێ ل 1961 ـ 1975، پشتی ڤه‌گه‌ریانا وان بۆ ناڤ رێزێن شۆره‌شێ، عه‌مه‌ر ده‌بابه‌ و عه‌لی عه‌سكه‌ری هه‌ردو ب تنێ هاتنه‌ ده‌ف من و دگۆتن ئه‌م ڤێ ده‌رفه‌تێ ژ ده‌ستێن خوه‌ ناده‌ین كو ژ مه‌ بچیت و ئه‌م هاتین دا وه‌كو بزڤرینه‌ڤه‌ ناڤ رێزێن پارتی و شۆڕه‌شێ دا وه‌كو جاره‌كا دی ده‌ست ب خه‌باتا خوه‌ بكه‌ین وه‌ك كادره‌كێ پارتی مه‌ چو په‌یوه‌ندی ب كه‌سێن دی ڤه‌نینه‌، به‌لكو مه‌ دڤێت د خزمه‌تا گه‌ل و وه‌لاتدا بین و ئه‌ڤه‌ژی بڕیارا مه‌ یا دووماهیێ یه‌، لێ ئه‌م رازی نابین ناڤێ جه‌لالی ل سه‌ر مه‌ دابنن! هه‌روه‌سا ئه‌ڤ دو كه‌سه‌ گه‌له‌ك ب خراپی به‌حسێ (ئیبراهیم ئه‌حمه‌د، جه‌لال تالبانی) دكرن و دگۆتن كو جه‌لال تاله‌بانی بڕه‌ پاره‌ و دارایی یێن چه‌تاتیا شێست و شه‌شێ هه‌می بۆ خوه‌ برن! ب ڤی ره‌نگی ئیبراهیم ئه‌حمه‌د و جه‌لال تاڵه‌بانی ب تاوانبار دهه‌ژمارتن كو ئێك ملیۆن و چارسه‌د هه‌زار دینار كو دبوونه‌ چار ملیۆن و دوسه‌د هه‌زار دۆلار!! بۆ خوه‌ برن و فرێكرنه‌ به‌نكه‌كێ ل كۆێتێ. جه‌لال داخواز كر رێ بده‌نێ داكو بچیته‌ ده‌رڤه‌ی وه‌لاتی ب هێجه‌تا هندێ كو ژنا وی یا نه‌ساخه‌ ئه‌و بوو داخوازیه‌ك ژ وه‌لاتێ كوێتێ بوو هاتبوو، رێ پێ هاته‌دان و چوو. و ل وه‌لاتێ كوێتێ چوو بۆ لوبنان و ل ولاتێ لوبنان ژی خوه‌ گه‌هانده‌ مسر، ب هاریكاریا عه‌زیز شێخ محه‌مه‌د رزا كه‌سه‌ك بوو ل گه‌ل شۆڕشێ دا بوو، ناڤبری ڕاپۆرته‌ك ل سه‌ر هه‌ول و بزاڤێن جه‌لال د شۆره‌شێ دا بۆ مه‌ فرێكر كو تێدا دیاركر بوو كا جه‌لال چ ل به‌ره‌ ل دژی شۆره‌شێ بكه‌ت.
ل جهه‌كێ دى ژى هاتیه‌ كو:”ئه‌وا د مه‌ژیێ ئیبراهیم ئه‌حمه‌د دا بوو هه‌می هزر و هه‌لویستێن وی ژ بۆ شكاندنا شۆره‌ِش و بارزانیێ نه‌مر بوو، نه‌وه‌ك ژبۆ سه‌ركه‌فتنا كورد و شۆره‌شا ئیلۆل! ژبه‌ر كو وان ژلایه‌كی هاریكاریا ڕژێما به‌عسیا دكر داكو شۆره‌شا ئیلۆنێ ژناڤبچیت!. هه‌كه‌ ئه‌م رۆژا 16 ئۆكتۆبه‌را 2017 بئینینه‌ به‌رچاڤێن خوه‌ كا چاوا ئه‌و بنه‌ ماڵه‌ خیانه‌ت ل كوردان كرن! كا چاوا ده‌ستێن دوژمنێ گه‌لێ مه‌ ئینانه‌ ناڤ وی باژێرێ كو جه‌لال دگۆتێ كه‌ركووك (قودساكوردستانێ یه‌)! د ماوێ شه‌ڤ و رۆژه‌كێ دا پاسدار و حه‌شدا وه‌حشی و له‌شكرێ عیراقێ ئینانه‌ ناڤ قودسا كوردستانێ!..
گۆتنه‌كا كورده‌واری یا هه‌ی و دبێژیت “مه‌زن ئاڤێ دڕێژیت و بچووك پیێ خوه‌ ل سه‌ر دخشینیت”
مه‌به‌ستا من ئه‌وه‌ كو بێژم ئه‌و ره‌وته‌ چ جاران ده‌ست ژ خیانه‌تێ به‌رناده‌ن و ئێك بۆ ئێك ئه‌و كاره‌ قیزه‌وه‌نه‌ ل دژی گه‌ل و وه‌لاتێ خوه‌ ئه‌نجامدده‌ن و جاره‌كا دی كێشه‌یا كوردی دێ زڤریننه‌ڤه‌ سه‌ر خالا سفرێ؟.

12

مه‌هدى گلى

ئه‌ڤ بارودۆخه‌ وه‌سا دیار دكه‌ت كو عیراق د ململانه‌كا مه‌ترسیدایه‌ و ئه‌و ململانێ ژی د ناڤبه‌را ئه‌مریكا و ئیرانێ دایه‌؟ ئه‌ڤ خۆنیشادانێن كو ل ئوكتۆبه‌را 2019 ده‌ستپێكری و هه‌تا نوكه‌ ژی گه‌لدا بیت ل چه‌ند باژێره‌ك یێن عیراق به‌رده‌وامه‌، دڤێت پارتێن كوردستانی د ڤێ ده‌می دا ئێكرێزیا ناڤمالێ كوردی ل به‌رچاڤوه‌رگرن و ببنه‌ خودان ئێك هه‌لویست ژبۆ پاراستنا به‌رژه‌وه‌ندی یێن كورد كوردستان. هه‌ر وه‌سا فه‌ره‌ ل په‌رله‌مانا عیراقێ پتر خوه‌ وه‌تینن پێخه‌مه‌ت بده‌ستڤه‌ئینانا مافێن كورد. ل ده‌ما جه‌نابێ سه‌رۆكێ هه‌رێما كوردستانێ كاك نێچیرڤان بارزانی سه‌ره‌دانا لایه‌نێن كوردستانی ل باژێرێ سلێمانێ كرى و داخواز ژ هه‌میان كر كو ل به‌غدا ببنه‌ خودان ئێك هه‌لویست. پێدڤیه‌ ل سه‌ر هه‌میان پشتگیریا جه‌نابێ وی بهێته‌كرن و ل به‌غدا خودان ئێك هه‌لویست و ئێك بۆچوون بن، ئه‌ڤه‌ ئه‌م هه‌می دبینین ئالی یێن شیعه‌ ل كه‌سه‌كی دگه‌ریێن یا وان دڤێن!؟ هه‌لبه‌ت دوور نینه‌ كه‌سه‌ك بیت كارێ هه‌ره‌ سه‌ره‌كی یێ ئه‌و كه‌س دژایه‌تیا هه‌ولێر بكه‌ت؟ ئه‌ڤ چه‌نده‌ ژی بۆ بجهئینانا ئه‌جینده‌یێن ئیرانێ یه‌. ژ به‌ر كو ئیران و توركیا و عه‌ره‌ب یێن شۆفێنێ چاڤه‌ریێ ئه‌وێ رۆژێنه‌، كورد پارچه‌پارچه‌ ببیت و هه‌ر ئێك ژ پارتێن كوردستانی هه‌لۆیسته‌كێ جودا هه‌بیت پێخه‌مه‌ت ژناڤبرنا هه‌رێما كوردستانێ!. هه‌ر وه‌سا ب بۆچوونا من عیراق به‌ر ب سیسته‌مێ دكتاتۆریه‌تێ ڤه‌ دچیت! چونكو په‌یاما سه‌رۆك مسعود بارزانی بۆ رێگیریكرنێ ل ڤه‌گه‌ریانا سیسته‌مێ دیكتاتۆری ل عیراقێ، ژ به‌ر هندێ پێدڤیه‌ گشت پارتێن كوردستانی پشته‌ڤانیا په‌یاما جه‌نابێ سه‌رۆك مسعود بارزانی بكه‌ن، ژبه‌ر ئه‌ڤ بارودۆخێ كو عیراق تێدا ده‌ربازدبیت. چونكو په‌یاما جه‌نابێ كاك مسعود بارزانی د جهێ خوه‌دایه‌ و پێدڤیه‌ ل سه‌ر هه‌مى ئالیێن كوردستانی خوه‌ تێبگه‌هینن و به‌رژه‌وه‌ندیێن كورد و كوردستانێ ل پێشێ هه‌ر بابه‌ته‌كى بیت. ئه‌م هه‌می باش دزانین دوژمن ل هیڤیا وێ رۆژێ یه‌ هه‌رێما كوردستانێ ژناڤ بچیت و ل دووڤ دا هه‌ردو پارچێن دی كوردستانا رۆژئاڤا و رۆژهه‌لات.

29

مه‌هدى گلى
گه‌له‌ك جاران خه‌لكه‌كێ ئاست نزم و نه‌فام د ناڤ كۆڕ و كۆمبوونان دا ب شێوه‌یه‌كێ نه‌شرین و نه‌وه‌یی شرۆڤا كوردستانێ دكه‌ن، ڤێجا من دڤێت به‌رسڤا وان بده‌م ب ڕێیا ڕۆژناما ئه‌ڤرۆ، ئه‌م هه‌مى باش دزانین ده‌ڤه‌را كه‌سك، ده‌وله‌ت سه‌رێ خاین و خوه‌فڕۆشان ل ژێر ده‌ستهه‌ڵاتا ئیرانێ یه‌ و ئه‌ڤ چه‌نده‌ ژی نه‌یاڤه‌شارتی یه‌؟، ل خوه‌نیشادانێن17 شواتێ هێرشكرنا خوه‌نیشاده‌ران هاتنه‌ ئاراسته‌كرن بۆ سه‌ر لقا چاریا پارتی دیمۆكراتی كوردستان و لیژنا ناڤچا رانیه‌ و قه‌لادزێ ئه‌و بوو ئاگربه‌ردانه‌ لیژنا ناڤچا قه‌لادزه‌ و چه‌ند كادریێن لیژنێ هاتنه‌ سۆتن!، پرسیار ئه‌وه‌ كو بێژم ئه‌و كی بوون خه‌لك هاندایه‌ سه‌ر باره‌گای یێن پارتی دیمۆكراتی كوردستان؟. ئه‌رێ هه‌ر ئیتلاعاتا ئیران و په‌كه‌كێ نه‌بوون؟ ئه‌رێ هه‌ر ئیران نه‌بوو هه‌ولدا بارودۆخێ هه‌رێما كوردستانێ تێكده‌ت؟. نوكه‌ ژی دگه‌ل دا بیت هه‌وڵا هندێ دده‌ت ل سلێمانی ژی ڕاپه‌رین دروست بیت ل دژێ حوكمه‌تا هه‌رێما كوردستانێ كا چاوا به‌ری چه‌ند ساله‌كان مه‌ دیت ل پایته‌ختێ ب ناڤ ره‌وشه‌نبیری چاوا خه‌لك ئێخستنه‌ سه‌ر جادان و چ جۆره‌ درووشمه‌ك ل دژی حوكمه‌تا هه‌رێمێ دگۆتن؟. هه‌لبه‌ت ئیران وه‌كی من گۆت و یا دیار چاوا ل لبنان و یه‌مه‌ن و لیبیا و سووریا و فه‌له‌ستین ده‌ستێ تێكدانێ تێدا هه‌یه‌ ل سلێمانیێ ژی ب هه‌مان شێوه‌یه‌ ئه‌و چه‌نده‌ ژی ده‌وله‌ت سه‌رێ گرۆێن خیانه‌تكار!. ئه‌ڤرۆ ئه‌ز دبینم كابینا نه‌هێ ژدل هه‌ول دده‌ت له‌شكره‌كێ ئێكگرتی پێكبئینیت و هه‌می پارت یێن كوردستانی تێدا پشكدار بن، ئه‌م ژی وه‌ك هه‌ر وه‌لاته‌ك ببینه‌ خودان له‌شكره‌كێ ئێكگرتی، لێ باوڕناكه‌م ئه‌و چه‌نده‌ سه‌ربگریت، چونكو هندی ئێران جیران بیت و هه‌ندی خاین و خاك فڕۆش هه‌بن، له‌شكره‌كێ وه‌سا نابینین!. ب هه‌رحال یا من دڤێت بێژم ئه‌وێن به‌لبه‌ێ دكه‌ن هه‌رده‌م ڕه‌ش بینن و هه‌رده‌م خه‌لكی دكه‌نه‌ دوژمن و نه‌یارێن گه‌ل و وه‌ڵات بلا به‌س كه‌ن و بلا ئه‌و هزر یێن باش ل ده‌ف خه‌لكی یێ هه‌ی تێكنه‌ده‌ن و خه‌لكی نه‌كه‌نه‌ دوژمێ ملله‌تێ خوه‌. مانێ دوژمن هه‌رده‌م ل هیڤیا هندێ یه‌ كه‌لینه‌ك ل ناڤ كۆمه‌ڵگه‌ها كوردی دروست بیت و وێ كه‌لینێ ژی بۆ خوه‌ كه‌یس كه‌ت، من دڤێت پرسیارا ڤان جۆره‌ ناڤ ره‌وشه‌نبیرانه‌ بكه‌م و بێژم ئه‌رێ ل ده‌مێ كه‌ركووك و ناڤچه‌یێن دی ژ لایێ خیانه‌تكاران هاته‌ فرۆتن بۆ خاترا چه‌ند ملیار دیناره‌ك و د ئه‌نجامدا نێزیكێ سێ هه‌زار سه‌ر خێزان ئاواره‌بوون هوون شیان بێژن بۆچی لاهۆر و هه‌ڤالێن خوه‌ ئه‌و باژار فرۆتن؟! به‌رسف نه‌خێر كه‌س ژ هه‌وه‌ ده‌ڤێ خوه‌ ڤه‌نه‌كر و به‌لكو هوون خۆش حال بوون و نوكه‌ هوون دبێژن پارتی شنگال و زمار و ده‌ڤه‌رێن دی فرۆتن! نه‌خێر پارتی به‌رگری ژ شه‌ره‌ف و نامووسا مه‌ كوردان كر هه‌ر پارتی بوو ل پردێ و سحێلا راوه‌ستیا و به‌رسڤا حه‌شدا وه‌حشی و چه‌ته‌ یێن وی دا، هه‌ر په‌كه‌كه‌ و یه‌نه‌ك بوون رێخۆشكه‌ر ژبۆ هاتنا حه‌شد كو بهێته‌ ناڤ ئاخا كوردستانێ، هه‌ر ینه‌ك و په‌كه‌كه‌ بوون، دڤیان كوردستانێ ژناڤببه‌ن وه‌ك پیشه‌یێ هه‌رجار چونكو چ جاران ده‌ست ژ خیانه‌ت و ملله‌ت و خاك فڕۆشێ به‌رناده‌ن؟. هه‌ر په‌كه‌ك بۆ ڕۆژئاڤا گه‌هانده‌ ئه‌ڤرۆ، دیسا دبێژم هه‌ر هه‌ڤشێوه‌یێ وانا مه‌به‌ستا من ژ یه‌نكه‌ بوون زانیاریان ل سه‌ر كوردێن ڕۆژهه‌لات ل باژێرۆكا كۆیسنجه‌ق دانه‌ له‌شكرێ ئیرانێ و ئه‌و و باره‌گایێ ئێك ژ پارت یێن ڕۆژهه‌لات كه‌ته‌ به‌ر بارانكرنا تۆپخانا ئیرانى؟. هه‌ر یه‌نه‌ك و په‌كه‌كه‌ بوون ل سالا 1996 ئیران ئینانه‌ ناڤ ئاخا كوردستانێ و ب قوڕسترین مووشه‌ك مووشه‌ك بارانكرن! مانێ ئه‌ڤان خالان ژی دبێژن د كۆڕ و كۆمبوونێن سه‌ر جاده‌ چایخانه‌ و جڤاتان دا، ل دووماهیێ من دڤێت پرسیاره‌ك ئاراسته‌ی ئه‌و ره‌وشه‌نبیر یێن دبێژنه‌ خوه‌ ئه‌م سه‌ربه‌خوه‌ و كوردستانی نه‌ بكه‌م و بێژه‌ وانا ئه‌رێ باشه‌ بۆچی هوون ل هه‌مبه‌ر ئه‌وێ هه‌می خیانه‌تا ل كورد و كوردستان هاتینه‌كرن، بۆچی پێنڤسێن هه‌وه‌ ڕاوه‌ستیان؟. هه‌ردیسا دێژمه‌ وان ره‌وشه‌نبیران هوون خه‌لكی هاندده‌ن كو كاڵا و شتومه‌ك یێن تركی بایكۆت كه‌ن! لێ د ده‌مه‌كی دا ڕژێما تیرۆرستێن ئیرانێ پتری سه‌دان گه‌نجێن كوردستانا رۆژهه‌ڵات كوشتن و ب به‌رده‌وام دكوشن و دیسا پێنڤسێن هه‌وه‌ هه‌ر بێده‌نگه‌ و به‌حسێ بایكۆتكرنا كاڵایێن ئیرانێ چو جاران ناكه‌ن!. ژبه‌ركو هوون به‌رژه‌وه‌ندیا خوه‌ ددانن ل پێشا به‌رژه‌وه‌نیێن ملله‌تێ خوه‌. ئه‌رێ ئه‌ڤاهه‌نێ هه‌می نه‌ خیانه‌تن؟ ئه‌رێ خیانه‌ت ما یا ب شاخه‌؟!.

27

مه‌هدى گلى
ل رێڤه‌به‌ریه‌كێ بابه‌ته‌كی سه‌رنجا من ڕاكێشان بێگومان هه‌ر ئێك ژ مه‌ و ل دووڤ باوه‌رنامه‌ و كارێ وی ل وێ رێڤه‌به‌ریێ كارێ خوه‌ ئه‌نجامدده‌ت ژبۆ پێشڤه‌برن و خزمه‌تكرنا گه‌ل و وڵاتى، ل ڤێرێ من مه‌به‌سته‌ك یا هه‌ی گرێدای ب ئێشا مرۆڤ مرۆڤكانێ و عه‌شیره‌تگه‌ریێ د ناڤ داموده‌زگه‌هێن میری دا. ئه‌ڤه‌ ژبلی داموده‌زگه‌هێن نه‌ میری و حزبی دا؟ ئه‌ز دێ ل سه‌ر دكتاتۆریه‌تا د ناڤ ده‌زگه‌هێن میری دا ئاخڤم و دێ بێژم. گه‌ر رێڤه‌به‌ره‌ك ل رێڤه‌به‌ریه‌كێ وه‌ك نموونه‌ به‌حس بكه‌م و بێژم (گلی) بیت ئێدی به‌رپرسێن پتریا پشكان سه‌یدایێ رێڤه‌به‌ر دێ نێزییێن خوه‌ دانیت!؟ باشه‌ پرسیار ل ڤێرێ ئه‌وه‌ كو بێژمه‌ ڤان جۆره‌ رێڤه‌به‌ران كه‌سێن ژ هه‌ژیتر و شیانتر ژ مرۆڤێن ته‌ نینه‌ یان ب تنێ یێن ته‌ هه‌ژینه‌ و تێگه‌هشتینه‌؟ باشه‌ جه‌نابێ رێڤه‌ربه‌ ته‌خێره‌ ب ڤی شێوه‌ی فه‌رق و جوداهیێ دئێخیه‌ د ناڤبه‌را فه‌رمانبه‌رێن خوه‌؟ ئه‌رێ ما تنێ مرۆڤێن ته‌ د تێگه‌هشتی و شاره‌زانه‌، وه‌سا دیاره‌ یێن دی ئه‌ڤه‌ چه‌ند ساله‌ پیڤاز دچاندن؟!. هه‌كه‌ ئه‌م بچینه‌ هنده‌ك رێڤه‌به‌ریان ل دهۆكێ دێ بینین جه‌نابێ رێڤه‌ر به‌ر و به‌پرس یێن كارگێری/خۆیه‌تی و ژمێریاری و هووربین و سه‌رۆكێ لیژنا كرینێ. مرۆڤێن سه‌یدای نه‌، ئانكو عه‌شیره‌تا جه‌نابێ سه‌یداینه‌!. ب ڕاستی یێ وه‌لێهاتی خوه‌ عه‌شیره‌تگه‌ری یا كه‌تیه‌ د ناڤ رێڤه‌به‌ریان دا، من هزر دكر تنێ د هه‌لبژارتنان دا عه‌شیره‌تگه‌ریێ بكاردئینن؟! ئه‌ڤ ئێشا گران كه‌فتیه‌ د ناڤ رێڤه‌به‌ریان دا؟ هه‌لبه‌ت دلگرانیا من ئه‌وه‌ كو بێژم سه‌رجه‌م ڕێڤه‌به‌رێن رێڤه‌به‌ریان ئه‌ون یێن كو ده‌رچوویێن زانكۆیێ نه‌ و زانكۆ واته‌ جهێ زانست و ره‌وشه‌نبیرێ. وه‌سا دیاره‌ پشكه‌ك ژ خواندنا ل زانكۆیان گرێدای چاوانیا دروستكرنا عه‌شیره‌تگه‌ریێ یه‌، له‌وما ئه‌م دبینین رێڤه‌به‌رێن مه‌ كو ده‌رچوویێن زانكۆیانن كه‌سوكار و خزمێن خوه‌ یێن داناین ل پشكێن هه‌ستیار ل ناڤ رێڤه‌به‌ریێن خوه‌، من دڤێت نموونه‌كێ بێخمه‌ به‌ر ده‌ستێن خوانده‌ڤانێن برێز، ل ئێك ژ رێڤه‌به‌ریێن باژێرێ دهۆكێ، سه‌یدایێ رێڤه‌به‌ر و به‌رپرسێن پشكێن رێڤه‌به‌ریێ ئێك عه‌شیره‌تن!؟ ئه‌رێ باشه‌ بۆچی ئه‌ڤ جۆره‌ دیاردا پاشكه‌فتی ل ده‌ف مه‌ هه‌بیت؟ پا ئه‌م هه‌موو ب ناڤێ ره‌وشه‌نبیریێ و پێشكه‌فتنخوازیێ دئاخڤین ! لێ ئه‌م نه‌وه‌ساینه‌ و ب تنێ گۆتنه‌، هندی من دیتی هه‌رده‌م گه‌نده‌لێ ل وان رێڤه‌به‌ریان یا هه‌ی، ستاف هه‌موو مرۆڤێن ئێكن. ئانكو به‌ری بگه‌هنه‌ ئێك ل رێڤه‌به‌ریه‌كێ هه‌ڤالێن ئێك بووینه‌، ئانكو هه‌ر ژ بچووكاتیێ و یان ل ده‌ما خواندنێ ل ئاماده‌یی و هه‌تا دگه‌هیته‌ زانكۆیێ!.. پێدڤیه‌ ئه‌ڤ جۆره‌ دیارده‌ بهێته‌ چاره‌سه‌ركرن و ئه‌ڤ فه‌رق و جوداهیه‌ نه‌مینیت، چونكو ئه‌م هه‌موو كورێن ئێك باژێرین و ئه‌م هه‌موو پێكڤه‌ د خزمه‌تا گه‌ل و ووڵاتێ خوه‌داینه‌، كه‌واته‌ مه‌ هه‌مووان ئێك ئارمانج هه‌یه‌، ئه‌و ژی رێڤه‌برن و پێشڤه‌چوون د خزمه‌تا گه‌ل و وولات دا.

16

مه‌هدی گلی
به‌ری چه‌ند ساله‌كان UPK , ANK و لایه‌نێن سیاسی ل ڕۆژئاڤا، ب ئاماده‌بوونا جه‌نابێ سه‌رۆك بارزانی و ل گه‌ل سالح موسلم ل هۆتێلا ژیان. دهۆك كۆمبوونه‌ك ل سه‌ر پاشه‌ڕۆژا كوردان ل ڕۆژئاڤا ئه‌نجامدان، سه‌رۆك بارزانی گه‌له‌ك هه‌ولدا دا وه‌كو بگه‌هنه‌ ئه‌نجامه‌كی، تاكلایه‌نی نه‌مینیت و هه‌می وه‌ك برایێن هه‌ڤدو و ده‌ست ل ناڤ ده‌ستێن ئێكودو ڕۆژئاڤا ئاڤه‌دانكه‌ن و شه‌رعیه‌ته‌كێ بده‌نه‌ خوه‌، هه‌لبه‌ت مه‌به‌ستا بارزانی ژ شه‌رعیه‌تێ ئه‌و بوو كو هه‌لبژارتنه‌كا پێشده‌م بهێته‌ ئه‌نجامدان ژ بۆ ئه‌نجوومه‌نێ نیشتیمانی، ل دووماهیا كۆمبوونێ، رێككه‌فتن ل سه‌ر پێشنیارا جه‌نابێ بارزانی، لێ پشتی زڤرینه‌ڤه‌ ڕۆژئاڤا چ خاڵێن وێ ڕێككه‌فتنێ نه‌هاتنه‌ جێبه‌جێكرن!. لێ مخابن ئه‌نجام مه‌دیت كو دوهى نه‌ پێر رێكه‌فتی19 ڤێ مه‌هێ ب ناڤبژیڤانیا ڕۆسیا هه‌ردو لایه‌نێن سووری و یه‌په‌گه‌ گه‌هشتنه‌ ڕێككه‌فتنه‌كێ كۆ له‌شكرێ سووریا راسته‌وخوه‌ ب زووترین ده‌م بچیته‌ د هه‌وارا كوردان ل رۆژئاڤا!؟.. ب هه‌ر حال. مه‌به‌ستا من ئه‌وه‌ كو بێژم هه‌كه‌ یه‌په‌كه‌ و یێن دی گوهێ خوه‌ دابانه‌ جه‌نابێ بارزانی ئه‌وا ئه‌ڤرۆ ئه‌م دبینین و مه‌ دیت ڕوونه‌ ددا، لێ دیسا من دڤێت بێژم په‌كه‌كه‌ به‌رپرسێ هه‌ره‌ سه‌ره‌كی یه‌ ل ڤان هه‌می ڕوودانان ئه‌وێن ڕووداین. من دڤێت ل دوومایێ بێژم نوكه‌ ژی چ ژێ نه‌چوویه‌ بلا هه‌رهه‌می پارتێن كوردستانی ل هه‌ر چار پارچه‌یێن كوردستان ب زووترین ده‌م كۆمبوونه‌كێ ب سه‌رۆكایه‌تیا جه‌نابێ كاك مسعود بارزانی ئه‌نجامبده‌ن بۆ پاشه‌ڕۆژێ، چونكو هێشتا ملله‌تێ مه‌ د مه‌ترسیێ دایه‌، داوه‌كو ب ئێك هه‌لویست ده‌ركه‌ڤن ژبۆ پاراستنا ئه‌ڤان ده‌ستكه‌فتان یێن كو نوكه‌ هه‌ین.

46

مه‌هدى كه‌ركووكى

ئه‌رێ كه‌ركووك د به‌رژه‌وه‌ندیا كوردستانێ دا ب گشتی و كوردێن كه‌ركووكێ ب خوه‌ نینه‌، ب تایبه‌ت پشتی روودانێن ئوكتوبه‌رێ ب هه‌می شێوه‌یه‌كی ژ لایێ سیاسی ئه‌منی جڤاكی ژ لایێ گرۆپێن له‌شكری و ملیشیاتێن عه‌ره‌بی ڤه‌ بزاڤا گوهۆرینا دیمۆگرافیا كوردستانبوونا كوردستانێ دده‌ن، ئه‌ڤه‌ ژی ئێك ژ مه‌ترسیترین كریارانه‌ كو ب درێژاهیا دیرۆكا عرۆبه‌تێ به‌رده‌وامی دایێ، ژ بلی وێ چه‌ندێ كو هێرشێن به‌رده‌وام دئێنه‌كرن ل سه‌ر پارێزگه‌هێ، ب ڤان ئه‌گه‌ران و ب شێوه‌كێ ئێكسه‌ر هه‌ڤوه‌لاتیێن كورد كرینه‌ ئارمانج و گومان دهێته‌كرن كو ده‌سته‌كێ عه‌ره‌بی ل پشت ڤان ره‌فتاران بیت بۆ كرنه‌ده‌را هه‌ڤوه‌لاتیێن كورد ل ده‌ڤه‌رێ، چێدبیت ئه‌و گرۆپێن تێكدانێ دروست دكه‌ن و خه‌لكی دره‌ڤینن و دكوژن چێدبیت هنده‌ك ژ وان گرۆپان داعش نه‌بن و بناڤ و جلكێن وان چالاكیان دژی كوردان ئه‌نجامدده‌ن، وه‌سا دیار دكه‌ت كو عیراق خوه‌ ژ هه‌ڤپشكیا برێڤه‌برنا ده‌ڤه‌رێ ددزیت ل گه‌ل كوردستانێ، كو ئه‌و ژی جێبه‌جێكرنا مادا 140، دیاره‌ جێبه‌جێكرنا ڤی ماده‌ی ئانكو ژده‌ستدانا كه‌ركووكێ ژ لایێ عیراقێ ڤه‌ و بهێزكه‌فتنا كوردستانێ، ژ به‌ر ڤێ چه‌ندێ كورد دشێن ڤان دو مه‌رجان بدانن به‌ر هه‌ڤپه‌یمانێن نیڤده‌وله‌تی و ده‌وله‌تێن ده‌ردور و عیراقێ بخوه‌ یا جێبه‌جێكرنا مادێ سه‌د و چل یان هه‌رێمكرنا كه‌ركووكێ وه‌ك هه‌رێمه‌كا سه‌ربخوه‌، ئه‌ز باوه‌رم كورد دشێن ب رێكا توركیا ڤی پرۆژه‌ی جێبه‌جێ بكه‌ن، ژ به‌ركو مفاداریا توركومه‌نا ئارمانجا سه‌ره‌كی یا سیاسه‌تا توركیایه‌ ل ده‌ڤه‌رێ ژ به‌ر ڤێ چه‌ندێ كورد دشێن مفای ژ ڤێ چه‌ندێ بینن. هه‌رێمكرنا كه‌ركۆكێ وه‌ك هه‌رێمه‌كا سه‌ربخوه‌ باشترین بژاره‌یه‌ بۆ كه‌ركووكا نها، چێدبیت ژ لایێ جڤاكێ نیڤده‌ولی ڤه‌ ژی پێشوازی لێ بهێته‌كرنێ و د هه‌مان ده‌م دا كه‌ركووك دێ مینیت وه‌ك پارێزگه‌هه‌ك سه‌ر ب عیراقێ ڤه‌ و دێ كوردێن كه‌ركووكێ ژی سه‌ربه‌خوه‌یه‌كێ وه‌رگرن ل هه‌رێما كه‌ركووكێ، هه‌روه‌سا ئاریشێن د ناڤبه‌را هه‌ڤلێر و به‌غدا ژی دێ كێم بنه‌ڤه‌، ژ به‌ر وێ چه‌ندێ ئه‌ڤ بژاره‌ بژاره‌كا هه‌وارهاتنێ یه‌ بۆ باره‌دۆخێ كه‌ركووكێ یێ كو نها تێدا ده‌ربازدبیت، راسته‌ كو ئه‌ڤ كاره‌ ب ساناهی ژ لایێ به‌غداڤه‌ ناهێته‌ په‌ژراندن، به‌لێ یا دیاره‌ كو كورد زۆرینه‌یا پارێزگه‌هێ پێكدئینن و هه‌رێما كوردستانێ ژی دشێت بۆ قووناغا نها بكه‌ڤیت شه‌رێ دستووری دگه‌ل عیراقێ بۆ جێبه‌جێكرنا ڤی پرۆژه‌ی و سه‌رخستن و ده‌ربازكرنا كوردێن كه‌ركووكێ ژ زولم و زۆڕداریێ و د هه‌مان ده‌م دا سنۆرێ پارێزگه‌هێ ل گه‌ل پارێزگه‌هێن دی بده‌ن دیاركرن، كێشا كه‌ركووكێ یا ئالۆزه‌، ژ به‌ركو ژ سێ پێكهاتان پێكدهێت، كورد عه‌ره‌ب توركمان ئه‌گه‌ر بژارده‌كا گونجای بۆ ڤان سێ پێكهاتا نه‌هێت دیتن زۆر زه‌حمه‌ته‌ ئه‌ڤ باژێره‌ ئارامیێ ب خوه‌ڤه‌ ب بینیت، له‌و ژ ده‌رڤه‌ی ڤی پرۆژه‌ی باوه‌ر ناكه‌م كو رێگه‌چاره‌یه‌كا دی هه‌بیت، ژ به‌ر وێ ئه‌ڤ باژێره‌ ل ژێر مه‌ترسیێن ژناڤچوونێ یه‌ و د هه‌مان ده‌مدا گه‌له‌ك یا دوور نینه‌ كو ناسناما وێ ب ئێكجاری ژ ناڤبچیت و ئه‌و كارێن ژ لایێ دوژمنان ڤه‌ دهێنه‌ دارشتن له‌وانه‌یه‌ سه‌ربگرن و كه‌ركووك ببیت باژێره‌كێ عرۆبه‌تێ، ژ به‌ر ڤێ چه‌ندێ پێدڤیه‌ كورد به‌رگریه‌كا ئێكجار ژ بۆ ده‌ربازكرنا كه‌ركووكێ ژ ڤان مه‌ترسیان بگرنه‌ به‌ر، هه‌ر وه‌ك مه‌ ئاما ژه‌ پێدای باشترین رێك ل به‌ر كوردان بۆ چاره‌سه‌ركرنا ڤێ كێشێ، بزاڤ بۆ هه‌رێمكرنا كه‌ركووكێ بهێنه‌دان وه‌ك هه‌رێمه‌كا سه‌ر بخوه‌، ئه‌و ژی ب رێكا دانوستاندنێ ل گه‌ل كومه‌لگه‌هێن نیڤده‌وله‌تی و لایه‌نێن عیراقى یه‌، ئه‌و ژی كو د ناڤ دستوورێ عیراقێ دا رێكێ د ده‌ت كو هنده‌ك هه‌رێمێن دی د ناڤ عیراقێ دا دروست ببن، بێگومان ئه‌ڤ چه‌نده‌ دشێت بهێت ئه‌نجامدان ب رێكه‌فتن و هنده‌ك مه‌رجێن سیاسی، ماده‌م ل عیراقێ هه‌رێم هه‌نه‌ و د هه‌مان ده‌م دا كورد زۆرینه‌یا كه‌ركووكێ پێكدئینن، كورد دشێن بۆ قووناغا نها هه‌ولێن هه‌رێمبوونا كه‌ركووكێ بده‌ن، ئه‌گه‌ر ئه‌ڤ هه‌وله‌ نه‌هێنه‌دان ئه‌گه‌رێن ژ ده‌ستدانا كه‌ركووكێ هه‌نه‌ بۆ ده‌مه‌كێ نه‌ دیار، عیراقا نها یا ئه‌م د بینین رۆژ بۆ روژێ یا ب هێز دكه‌ڤیت ژلایێ چه‌ك و له‌شكر و پشته‌ڤانیا ده‌ره‌كی ڤه‌، له‌و باشتره‌ كورد ڤێ رێیێ هه‌لبژێرن، زڤرینا كوردان بۆ ناڤ ئیداره‌یا هه‌ڤپشك دا ل ده‌ڤه‌رێ باشتره‌ ژ وێ كو ب ئێكجاری ژ ده‌ست بچیت، ئه‌ڤ چه‌نده‌ چ كارتێكرنێ ناكه‌ت ل پێشكه‌فتنا كوردان، ئه‌گه‌ر نه‌ دێ كه‌توار بریارێ ل سه‌ر رۆژه‌ڤێ ده‌ت و دێ كه‌ڤیته‌ بن كونترۆلا تانك و تۆپا و وێ زولم و زۆرداریا ساله‌ها سالان كوردان ل سه‌ر ده‌ستێ ئێك ل دووڤ ئێكێن حوكمرانیا عیراقێ دیتی، ئه‌ڤ چه‌نده‌ ژی هه‌لبه‌ت دێ زیانا وێ پتر بیت ژ قازانجا وێ، هه‌رچه‌نده‌ لایه‌نێ عیراقێ ڤێ ژی قه‌بوول ناكه‌ت، لێ نابیت بهێته‌ژ بیركرن كو باژێر ژی تژیه‌ ژ كوردان، له‌و ل وێ باوه‌رێ مه‌ كو هه‌ڤلێر ژی ل سه‌ر ڤێ زۆرداریێ یا رازی نابیت، چونكو ئه‌گه‌ر هه‌ڤلێر یا رازی بیت ئه‌ز باوه‌رم دێ كورد ب گشتی باجا ڤێ بێ ده‌نگیێ ده‌ن، راسته‌ چه‌ند لایه‌نێن كورد ل كه‌ركووكن، به‌لێ دڤێت پرسیار بكه‌ین ئه‌رێ رۆلێ وان چی یه‌؟ هه‌لبه‌ت نه‌شێن ئێك گه‌نجێ كورد ژ بن چه‌نگێن حه‌شدا شه‌عبی بیننه‌ده‌ر، ئه‌ڤه‌ وێ چه‌ندێ رادگه‌هینیت كو ژ لایێ وان لایه‌نانڤه‌ دانپێدانێ ب كه‌تواریه‌تا ده‌ڤه‌رێ دده‌ن، جهێ شه‌رمزاریێ یه‌ كو باژێر یێ وان بیت و نه‌شێن به‌ره‌ڤانیێ ژ ملله‌تێ خوه‌ بكه‌ن، نه‌شێن ده‌ستێ زالمێ حه‌شدێ رابگرن و ب سه‌رشۆری ب تنێ ته‌ماشه‌ڤانیێ بكه‌ن، خوه‌ بۆ نینه‌ چه‌كی ل ناڤ باره‌گایێ خوه‌ ژی دا هه‌لبگرن.

45

بێگومان كورد هه‌ڤبگرن، كه‌س نه‌شێت زه‌فه‌رێ پێ ببه‌ت، له‌و دبینین رۆژانه‌ دژایه‌تى ل گه‌ل دهێته‌كرن ژلایێ (ئیراق، ئیران، تركیا)، وه‌كو سالێن پێش كه‌فتنا رژێما سه‌ددامى، ئه‌ڤرۆ ژى وه‌كو وان رۆژان برایێن دوژمن ل هه‌ڤ جڤیان لێ ڤێ جارێ ل سه‌ر ئاسته‌ك بلندتر، ل جهى َوه‌زیرێن ده‌رڤه‌ یێن هه‌ر سێ ده‌وله‌تان سه‌رۆك كۆم دبن و ب ده‌نگه‌كێ بلند گه‌فان دكه‌ن، چه‌ندین پروپاگنده‌یێن نه‌ڕوا دئێخنه‌ پاڵ كوردستانێ، وه‌سا خه‌لكێ خوه‌یێ ساویلك و شۆفینیزم تێدگه‌هینن كو (ئیسرائیل) ل پشت ریفراندۆما كوردستانێ یه‌ و دڤێن ئاخا موسلمانان پارچه‌ پارچه‌ بكه‌ن!.
پرسیاره‌ ئه‌وه‌ ئه‌رێ كه‌نگى موسلمان ئێكگرتى بوونه‌، دا بهێنه‌ پارچه‌كرن!؟ ئه‌و ئیسرائیل یا عه‌ره‌ب كه‌ف لێ دكرن و نها نفرینان لێ دكه‌ن و گرۆپێن ئیسلامه‌وى نه‌فره‌تبار دكه‌ن، ما ئالایێ وێ د جه‌رگێ ئه‌عرابستانێ نه‌یێ چكلاندیه‌، ل ئوردون و میسرێ، ل تركیا سولتان ئه‌ردۆگانى، ئه‌رێ ئه‌زهه‌را نه‌شه‌ریف بۆچێ وان ژ قاهیره‌ یا عه‌ره‌ب و ئیسلامێ ده‌رنائێخیت و پاشى فه‌توا ل دژى كوردان بده‌ت!؟
یا سه‌یر ئه‌وه‌ ده‌ستێن وان د ناڤ ده‌ستێن پسمامێن وان یێن ئیسرائیلینه‌؟ ژ هه‌مى سه‌یرتر ئه‌وه‌ هه‌تا به‌رى ڕاپڕسیێ ژى په‌یوه‌ندیێن (سه‌فه‌وى ـ ئوسمانلى)، د ناله‌باربوون، هه‌ر تركى گۆت (ئه‌م ناهێلین هیلالا شیعى ل به‌رامبه‌ر مه‌ سه‌ربگریت)، هه‌ر ئه‌و تورك بوو هه‌تا دوهى گه‌ف ل كاربده‌ستێن دكر و ب تائیفگه‌ریێ.
لێ (په‌رێ وه‌ك به‌رێ)، ده‌ما كوردان بڕیارا ریفراندۆمێ دایێ ته‌پ هاتێ و كینا وان خوه‌ د مه‌نجه‌لێن سفرى ژى نه‌گرت، ده‌ملده‌ست ماسكێ خوه‌ هاڤێژت، دا ره‌شه‌ روویێ وان یێ كرێت ئاشكرابیت، ب رۆهنى دوژمنایه‌تیا خوه‌ ئاشكرا كرن.
لێ خۆشبه‌ختانه‌، نه‌ ئه‌و زرته‌كێن رۆژا گۆینێ نه‌ و نه‌ كورد.. كوردێن جارانه‌، لێ وه‌سا دیاره‌ (هه‌كه‌ عه‌جه‌لێ بزنێ هات، نانى َشڤانى دخۆت)، ئه‌ڤرۆ جڤاكێ نێڤده‌وله‌تى و نه‌خشه‌یا رۆژهه‌لاتا ناڤه‌راستا نوى وه‌سا دیاردكه‌ن، كو ده‌مه‌ سه‌ركردێن زرته‌ك و ده‌وله‌تێن كه‌ف و مه‌ترسیدار ل سه‌ر ئاسایشا نێڤده‌وله‌تى كو بهێنه‌ لغاڤكرن.

50

یا دیار و ئاشكرایه‌ به‌رى پرۆسه‌یا ئازادیا ئیراقێ هه‌ر چه‌نده‌ كابووسێ ره‌وشا دكتاتۆر ل گه‌ل ڕاپه‌رینا بوهارا (1991) ل هه‌رێما كوردستانێ نه‌ما ب دووماهی هات، به‌لێ هه‌ستكرن ب نه‌بوونا دكتاتۆر جۆره‌ك ژ نه‌ ئارامیێ و نه‌سه‌قامگیرى ژ لایێ جڤاكى و ئابوورى، خه‌لكێ كوردستان په‌یدا كربوو هه‌تا ڕادده‌یه‌ك خه‌لكى ب ڤى جۆرى یا كو نوكه‌ به‌رچاڤ دكه‌ڤیت د شیانێن واندا نه‌ بوو ژ بۆ گه‌شه‌كرن ب ئاڤاركرنا هه‌رێمێ بده‌ن, به‌لێ پشتى پرۆسا ئازادكرنێ مه‌به‌ستا من ل (2003) ئاسۆیه‌كێ ئارام په‌یدا بوو ئه‌و ژی ده‌وله‌ت سه‌رێ پێشمه‌رگه‌ و كارمه‌ندێن ئه‌منى ل هه‌رێمێ دبینین كوردستان ب شێوه‌یه‌كێ گشتى و هه‌ولێرا پایته‌خت ب تایبه‌ت ئاڤه‌دانى و پێشكه‌فتنه‌كا ئێك جار ب خوه‌ڤه‌ دیتیه‌، هه‌لبه‌ت ئه‌ڤ چه‌نده‌ ژی دزڤریته‌ڤه‌ ژ بۆ ئاسایش و ئارامیا یا كو خه‌لكێ كوردستان تێدا دژین پرۆسا ئاڤاكرنا كوردستانێ درێژى پێ بهێته‌دان، هه‌لبه‌ت ئه‌ڤرۆ وه‌ك یا دیار و به‌رچاڤ ڕاستیه‌كه‌ ژ بۆ هندێ كو بێژین هه‌رێما كوردستانێ به‌راورد ل گه‌ل پارێزگه‌هێن دى یێن عیڕاقێ زۆر جوداتره‌، ب هه‌ر حال من دڤێت ل دووماهیا گۆتارا خوه‌، ئاماژه‌ ب هه‌ندێ بده‌م ئه‌وا ل هه‌رێما كوردستانێ روودای و ئه‌گه‌را وێ روودانێ ژی دكه‌ڤیته‌ د ستۆیێ ئێران و گوڕان و PKK دا ب مه‌ره‌ما كۆده‌تا ل سه‌ر حوكمه‌تا هه‌رێمێ ب رامانه‌كا دى كۆمارا ئیسلامیا ئیرانێ دڤیا دیرۆكا كۆمارا مهاباد دو باره‌ بكه‌ته‌ڤه‌، به‌لێ ڤێجارێ ل باشۆرێ كوردستانێ!، ئه‌ڤ چه‌نده‌ ژی یا بوویه‌ جهێ دلگرانیا خه‌لكێ كوردستانێ!, دیرۆك بۆ مه‌ دیار دكه‌ت كو هه‌رده‌م شۆڕشێن كوردى ب خیانه‌تا ناڤخۆیى و كۆده‌تا و ل دووڤ داتر دروستكرنا جاشاتێى ژ ناڤچوویه‌ باشترین به‌ڵگه‌ ژى ل ساڵا (1966) و هه‌تا دگه‌هیته‌ سالێن به‌رى ڕاپه‌رینا به‌هارا (1991) ئه‌ڤه‌ ژ لایه‌كى ڤه‌، ژ لایه‌كێ دی ڤه‌ نێزكترین هه‌وڵدان ژبۆ كوده‌تا ل سه‌ر حوكمه‌تا هه‌رێمێ و دووڤدا ژناڤبرنا پارتى دیمۆكراتى كوردستان و پاشى ژ ناڤبرنا سه‌رجه‌م كه‌وادرێن پێشكه‌فتى و پاشى ژ ناڤبرنا مالا بارزان؟, هه‌روه‌ ك چاوا كۆمارا مهاباد هاته‌ بنبڕكرن، هه‌روه‌سان ڕابوون ب دادگه‌هكرنا سه‌رجه‌م سه‌ركرده‌ و وه‌زیر و سه‌رۆك كۆمار!، هه‌لبه‌ت ئاماده‌بوونا نوونه‌رێ كۆمارا ئیسلامى ل ئه‌نجوومه‌نى نیشتمانى كوردستان ده‌ستپێكا جێبه‌جێكرنا كۆده‌تا و ب هه‌ڤكاریا وان لایه‌نێن ل سه‌رى دیاریكرى یا بوویه‌ ته‌مامكه‌ر ژبۆ پیلانێن دوژمنێن كورد و كوردستانێ. ڕاسته‌ په‌ندێن پێشینان گۆتینه‌ هه‌كه‌ كرمێ دارى ژ دارى نه‌بیت ئه‌و دار نارزیت، ل ڤێرێ من دڤێت بێژمه‌ گۆڕان بۆ خوه‌ وانه‌یان ژ دیرۆكا چه‌تێن یێن به‌رى خوه‌ وه‌ربگرن، كا چاوا ل به‌رامبه‌ر پارتى و ماڵباتا بارزانى ریسوا شه‌رمه‌زار بووینه‌ و هه‌تاهه‌تایێ خاڵه‌كا ڕه‌شه‌ ب ئه‌نیا وانڤه‌ و هه‌وه‌ ژی هه‌مان پله‌ ب ده‌ستخوه‌ڤه‌ ئینا و به‌لێ ئه‌ڤجاره‌ ل بن ده‌ستێن سه‌فه‌ویان و جاشاتیه‌كا نوو, ئه‌رێ هوون وه‌كو جاشێن سه‌فه‌ویان وێراینه‌ بیژنه‌ كۆمارا ئیسلامى (STOP) ل سێداره‌دانا كوڕێن كورد؟. دیسا دبێژم ئه‌رێ هوون ب سه‌یدایێن خوه‌ڤه‌ دشێن وه‌سا ب ساناهى سه‌ركه‌فتی بن د كریارێَن خوه‌یێن دوژمنكارانه‌ دا ل به‌رامبه‌ر هه‌رچار پارچه‌ێن كوردستانێ؟ په‌یڤا من یا دووماهیك ئه‌وه‌ كو پێشمه‌رگه‌ ل به‌رامبه‌ر تیرۆرستان به‌رگریێ دكه‌ن و ل پشتڤه‌ ژی گوڕان و PKK و سه‌فه‌ویه‌ت دڤێن ڤان هه‌مى ده‌ستكه‌فتن ژ ناڤببه‌ن! داعش شێره‌ كوڕێن كورد سه‌ر دبڕیت و هه‌نگ ژیك پێشمه‌رگه‌ دسۆت.

website security
WP Facebook Auto Publish Powered By : XYZScripts.com