NO IORG
Authors Posts by رێژين نهێلێ

رێژين نهێلێ

رێژين نهێلێ
7 POSTS 0 COMMENTS

22

رێژین نهێلى
گومان تێدا نینه‌ كو ئه‌ڤرۆ پرانیا ئه‌و لایه‌نێن خوه‌ ب خزمه‌تكار و ده‌لیڤه‌زان دبینن بۆ گه‌لێ كوردستانێ د دوورن ژ راستیێ، ژبه‌ر كو ئه‌و لایه‌نه‌ ئه‌ون یێن د تارى و ده‌مێن پێدڤى دا ب قوربانیدانێ بۆ ملله‌تى و ئالۆزیێن ئیدارى، چاڤێ وانژى ل قورتالكرنێ بوویه‌ نه‌ك پێكۆلكرن بۆ هندێ خه‌لكى َخوه‌ قورتالبكه‌ن. ئه‌ڤرۆ ژى وه‌كى ئه‌م دبینین كو نێزیكى پرۆسا ده‌نگدانێ بووینه‌ بۆ په‌رله‌مانێ كوردستانێ و حه‌تا راده‌یه‌كێ ئارامى و ئاڤه‌دانى وه‌لات گرته‌ڤه‌، جاره‌كا دى هاتن و رویێ خوه‌یێ قاچاغ و ترسنۆك ب هنده‌ك پرۆپاگندێن بێ بنه‌ما ل به‌ر خه‌لكى تازه‌بكه‌ن، لێ سوپاس بۆ خودێ كو مێژوویا كوردینیا دروست و رێبازا پارتى و بارزانى، ئه‌م فێركرینه‌ كانێ كیژ روو یێ دروسته‌ و كیژ یێ خاپاندنێ یه‌، و مێژوو خه‌باتا پارتایه‌تیێ ئه‌م فێركرین مفاى ژ ئه‌زمۆنێن به‌رى نوكه‌ وه‌ربگرین و نه‌هێلین چ لایه‌ن یاریا ب ده‌ستكه‌فت و خه‌باتا دروستاهى یا كوردستانێ و پێشمه‌رگێ قاره‌مان بكه‌ن. ئه‌ڤجا وه‌كى خولێن ده‌ربازبووى یێن هه‌لبژارتنان ڤێ جارێ ژى خودانێن ریفراندۆمێ، ب ئیراده‌یه‌كا ب هێز به‌رهه‌ڤن لیستا، زه‌ر، ل سه‌ر هه‌موو لیستان و ب رێژه‌یه‌كا به‌رز سه‌ربێخن، بۆ ڤێ چه‌ندێ ژى هه‌ر وه‌ك د راپرسیه‌كا مه‌كته‌با لێكۆلینێن پارتیا دیمۆكراتى كوردستانێ دا ل دوور ڤان هه‌لبژارتنان هاتیه‌كرن دیاربوویه‌ كو 68% دى َپشكدارى هه‌لبژارتنان بن و ل دووڤ وێ لێكۆلینا هه‌رژوار پارێزگه‌هێن هه‌رێمێ هاتیه‌كرن ئده‌رئه‌نجام وه‌سا هاتینه‌ دیاركرن كو دێ پارتى 41% یاده‌نگان بده‌ست خوه‌ڤه‌ئینیت ، لێ دیسان ژى دڤێت ئه‌م هه‌ولبده‌ین زێده‌تر ژى بده‌ستڤه‌بینین. هه‌روه‌كى د وێ په‌یاما بانگه‌شه‌یا هه‌لبژارتنان یا ل هه‌ولێرا پایته‌خت هاتیه‌ گۆتن ژلایێ؛ جێگرێ سه‌رۆكێ پارتى دیمۆكراتى كوردستان نێچیرڤان بارزانى؛ دا گۆتیه‌: دڤێت ل رۆژا ده‌نگدانێ نه‌به‌س ده‌نگى بده‌ینه‌ لیستا 183 یا پارتى، به‌لكو ئه‌م هه‌ول بده‌ین ده‌نگێن زێده‌تر كۆم بكه‌ین داكو مه‌ هێزه‌كا زوورتر هه‌بیت بۆ داهاتیێ كوردان، چونكو رابردوویى سه‌لماندیه‌ كا پارتى دیمۆكراتى كوردستان چه‌ندا باوه‌رپێكرى و ئه‌مین و خودان رابردروویه‌كێ پاك بۆیه‌ و شیایه‌ ببیته‌ جهێ ره‌زامه‌ندیا زۆرینه‌یا گه‌لێ كوردستانێ و جێگرێ سه‌رۆكى َپارتى گۆتژى: هێزا پارتى ژ غه‌یبێ نه‌هاتیه‌، به‌لكو ژ جه‌ماوه‌رێ وێ هاتیه‌ و د هه‌لبژاتنێن عیراقێ دا خه‌لكه‌كێ فاتیحه‌ ل سه‌ر پارتى خواندبوو، لێ پارتى شیا دیسا ببیته‌ هێزا ئێكێ ل سه‌ر ئاستێ عیراقێ و كوردستانێ. ژ به‌ر ڤێ چه‌ندێ ژى پارتى ئێكه‌م هێزبوویه‌ ل سه‌ر ئاستێ رۆژهه‌لاتا ناڤین و چو جاران دره‌و ل خه‌لكێ خوه‌ نه‌كریه‌ و هه‌رده‌م نه‌یارێن خوه‌ ئێخستینه‌ سه‌رچۆكان، ئه‌ڤه‌ ژى نیشانا هێز و ئیراده‌یا پارتى یه‌ بۆ ئاخ و وه‌لاتى. راسته‌ مه‌ زۆر گازنده‌ و ئاریشه‌ و كێماسى هه‌نه‌ د وه‌لاتى َخوه‌ دا، لێ واتا وێ ئه‌و نینه‌ كو سه‌رۆك وه‌زیر ئاگه‌ه ژێ نینه‌، به‌لكو د گۆتنێن خوه‌دا ئاماژه‌ ب هندێ كریه‌ ده‌ما نێچیرڤان بارزانى دبێژیت: ژ گازندێن خه‌لكى تۆره‌ نابین، چونكو هه‌بوونا نه‌رازیبوونێ نیشانا زیندیبوونا جڤاكى یه‌. ژبه‌ر ڤێ چه‌ندى َپێدڤى ب ئیراده‌ و باوه‌ریه‌كا موكمتر ل رۆژا 30/9 به‌ر ب سندۆقێن ده‌نگدانێ بچین و ده‌نگى بده‌ینه‌ لیستا پارتى دیمۆكراتى كوردستان، ئه‌و لیستا هێزێ دده‌ته‌ گه‌ل و وه‌لاتى و بێ هیڤیبوونێ دئێخیته‌ هێزین به‌رامبه‌ر دا.

14

رێژین نهێلى
گومان تێدانیه‌ كو هه‌ر حزبه‌كا سیاسى باوه‌رى ب دیمۆكراسیه‌تێ هه‌بیت دڤێت بێى مه‌رج باوه‌رى ب هه‌لبژارتنان هه‌بیت، به‌لێ هه‌لبژارتن ژى نه‌ ته‌نها درووشمه‌ك بن، به‌لكو دڤێت هه‌موو پیڤه‌رێن هه‌لبژارتنێن دروست و پاك بهێنه‌ ئه‌نجامدان و ل گه‌ل هندێ ژى دڤێت ئه‌و حزبا سیاسیا پشكداریێ د هه‌لبژارتنان دا دكه‌ت باوه‌رى ب ئه‌نجامێن هه‌لبژارتنان هه‌بیت و باوه‌رى ب سه‌ركه‌فتن و خوه‌ساره‌تیێ هه‌بیت، حه‌تاكو رویێ دروست یێ دیمۆكراسیێ په‌یره‌و بیت ل كوردستانێ.
نوكه‌ ژى هه‌لبه‌ت ئه‌م یێ ل قووناغه‌كا زوور هه‌ستیار را دبۆرین وه‌كو هه‌رێما كوردستانێ و گوهۆرینێن زوور ب له‌ز ل ده‌ڤه‌رێ دروست دبن و هه‌ر گوهۆرینه‌كا ئه‌م خوه‌ بۆ به‌رهه‌ڤ نه‌كه‌ین دێ ئه‌نجامێن وێ ل سه‌ر كێشا كوردى خراب بن، له‌ورا ل ڤێ قووناغێ پێدڤیه‌ پێداچوونا هه‌موو چومكێن سیاسى و حوكمرانیێ بهێنه‌كرن ل كوردستانێ و پێدڤیه‌ حوكمه‌ته‌ك بهێته‌ پێكئینان یا ب هێزبیت و خودان به‌رنامه‌بیت تاكو وه‌كو چاڤدێره‌ك ل سه‌ر پرۆسا حوكمرانیێ هه‌بیت ژبۆ به‌رژه‌وه‌ندیا گشتى تایبه‌ت به‌رژه‌وه‌ندیا خه‌لكێ كوردستانێ، به‌لێ گه‌له‌ك ب مخابنى ڤه‌ پتریا حزبێن سیاسى كه‌فتینه‌ ل بن باندۆرا ئه‌نجامێن پێشده‌م یێن هه‌لبژارتنان، ئانكو ژبه‌ر ترسا وان یا ل ئه‌نجامێن هه‌لبژارتنان هه‌ى وێ رێ ناده‌ته‌وان كو ب شێوه‌یه‌كێ باش هزربكه‌ن و به‌ره‌ ب هه‌لبژارتنان ڤه‌ بچن و حه‌تا نوكه‌ ژى تاكه‌ حزبا هه‌لویستێ وێ ئاشكه‌را، پارتى دیمۆكراتى كوردستان، بوویه‌ و ئه‌ڤ چه‌نده‌ ڤه‌دگه‌ریت ژبۆ هند هۆكاران ژ وان ژى سه‌ره‌راى كێموكاسى و هه‌بوونا گه‌نده‌لیێ ره‌وشا كوردستانێ ب هه‌موو پیڤه‌ره‌كێ باشتر لێدهێت و دیسا هه‌لویستێن پارتى یێن نه‌ته‌وه‌ى خاله‌كا دى یا ب هێزه‌ كو پارتى مه‌ترسى ژ ئه‌نجامێن هه‌لبژارتنان نه‌بیت و زێده‌بارى پێگه‌هێ پارتى د گوهۆرینێن عیراق و ده‌ڤه‌رێ دا باشترین رێك ژبۆ قووناغا داهاتى هه‌لبژارتنن و پێدڤى یه‌ پارتى مفاى ژ ڤان هه‌لبژارتنانى وه‌ربگریت ژبۆ پێكئینانا حوكمه‌ته‌كا ب هێز كو ل پاشه‌رۆژى خزمه‌تا خه‌لكى بهێته‌كرن ب ره‌نگه‌كى كو شایسته‌یى قورباندانێن خه‌لكێ كوردستانێ بیت و ئێكه‌م كارێ حوكمه‌تا داهاتى بكه‌ت شه‌رێ دژى گه‌نده‌لیێ و نه‌دادپه‌روه‌ریێ بیت و ب دیتنا من؛ پارتى و هه‌لبژارتن، دو چه‌مكێن زوور ئاشنانه‌ ل گه‌ل ئێك و پارتى دشێت هه‌لبژارتنان ژبۆى پتر بهێزكرنا پێگه‌هێ خوه‌ بكاربینیت.

23

رێژین نهێلى
گومان تێدا نیه‌ كو ئه‌ڤرۆ گه‌نده‌لى وه‌كو بابه‌ت كه‌فتیه‌ د ناڤ هه‌موو كه‌رت و بیاڤێن ژیانا مرۆڤى دا چ ئه‌ڤ بیاڤه‌ سیاسى یان ئابوورى یان جڤاكى بن و ل سه‌ر هه‌موو ئاستان ژى به‌ربه‌لاڤه‌, لێ بابه‌تێ گه‌نده‌لیا سیاسى، كو زوور ژ حزبێن سیاسى یێن نوو دهێنه‌ چێكرن یان دقووناغێن مێژووى دا هه‌نه‌ چه‌ق و بال لێ دهێنه‌ ژێڤه‌كرن, یانژى هنده‌ك ب كراسێن نوو و درووشمێن ته‌یسۆك دهێنه‌ دروستكرن ب ئێك ئارمانج، ئه‌وژى لێدان یان شكاندنا پارته‌كا سیاسى و ل ڤێرێ دا گه‌نده‌لیا سیاسى ده‌سپێدكه‌ت, چونكو هه‌ر پارته‌كا سیاسى وه‌زیفه‌كا خوه‌ یا راسته‌قینه‌ كو درستكرنا سه‌قامگیریا سیاسى یه‌ دروست نه‌كه‌ت یان كار بۆ ئه‌وێ سه‌قامگیریێ بكه‌ت ده‌كه‌ڤیته‌ لبن چارچووڤێ گه‌نده‌لیا سیاسى دا و ل ڤێرێ رۆلێ حوكمه‌تێ و داواكارێ گشتى یێ لاوازه‌, ئه‌گه‌ر رێكێ ناده‌ت هه‌ر حزبه‌ك یان قه‌واره‌یه‌ك ژ بازنێ یاسا حزبێن سیاسى ده‌ربكه‌ڤیت و ئه‌ڤرۆ ب زوور رێكا ئه‌ڤ سه‌قامگیریه‌ دهێته‌ خرابكرن و ژناڤبرن, ژ وان: ب رێكا راگه‌هاندنێ و به‌لاڤكرنا بابه‌تێن دوور ژ راستیى َو گه‌له‌ك ژ وان بابه‌تان د ئاراسته‌كرینه‌ بۆ سۆزا خه‌لكى و تێكدانا ره‌وشا هه‌یى و ئه‌ڤ بابه‌ته‌ ب ناڤێن جودا جودا دهێنه‌ به‌حسكرن و گه‌له‌ك جار راستیا بابه‌تان ژى دهێته‌ به‌رزه‌كرن, وه‌كو به‌حس ل گه‌نده‌لیێ بكه‌ین ل زوور ئاستا گه‌نده‌لى هه‌یه‌، به‌لێ چونكو حزبێن سیاسى بۆ شكاندنا حزبێن دى ئه‌ڤى بابه‌تى دچارچووڤێ وى یێ راستاقینا ده‌ردئێخن, گه‌نده‌لى بخوه‌ دهێته‌ پشتگوه هاڤێتن و كار ل سه‌ر گۆتارا سیاسى یان ڤان حزبان دهێته‌كرن, ب رێیا مالپه‌رێن جڤاكى دونیایه‌كا په‌یج و مالپه‌ران هاتینه‌ دروستكرن راستیا ژیانا سیاسى ل كوردستانێ ل به‌رامبه‌رى خه‌لكێ كوردستانێ لاوازكریه‌ و به‌رزه‌كرینه‌, كادر و به‌رپرسێن ڤان حزبێن سیاسى ژ ئه‌نجامێ فه‌شه‌لا وان یا سیاسى په‌نایێ دبه‌نه‌ به‌ر شێواندنا ره‌وشا سیاسى یا كوردستانێ وه‌كو به‌هانه‌یه‌ك بۆ شكه‌ستنێن خوه‌ یێن به‌رده‌وام. له‌ورا ل ڤێرێ رۆلێ حوكمه‌تا هه‌رێمێ و تایبه‌ت داواكارێ گشتى لاواز دیاردكه‌ت، ئه‌وژى چه‌ند فاكته‌ر و هۆكار هه‌نه‌ سه‌ره‌راى هندێ كو حوكمه‌تا هه‌رێما كوردستانێ هه‌موو ده‌مه‌كێ هه‌ولدان كرینه‌ و تایبه‌ت خودى جه‌نابێ سه‌رۆك وه‌زیران كو بۆ دروستكرنا سه‌قامگیریا سیاسى پتر ل به‌رژه‌وه‌ندیا خوه‌ ل به‌رژه‌وه‌ندیا خه‌لكێ كوردستانێ دگه‌ریت. ژبه‌رڤێ چه‌ندى َپێدڤى یه‌ قانوونا حزبێن سیاسى ئه‌كتیف بیت و حزب وه‌كو كۆمه‌كا ئایدولۆژى و خودان په‌یره‌و و پرۆگرام كارێ خوه‌ بكه‌ت نه‌ك ببیته‌ ئالاڤَێ تێكدانێ و هۆسا دێ شێین گه‌نده‌لیا سیاسى ژناڤبه‌ین.

15

رێژین نهێلى
خوه‌نیشادانێن ده‌ڤه‌رێن عیراقێ، باشۆرێ عیراقێ بۆ هه‌یاما پتر ژ دو حه‌فتیانه‌ دبه‌رده‌وامن و چه‌ند دچیت گه‌رمتر لێدهێن و گه‌ر ئه‌ڤ شێوازه‌ به‌رده‌وام بیت، دوور نینه‌ عیراق بشێت ب ساناهى كونترۆلێ ل سه‌ر ره‌وشێ بكه‌ت. ئه‌ڤه‌ ژى هه‌مى ژبۆ سۆزێن نه‌راست و نه‌گرنگیا حوكمه‌تا عیراقێ ب داخوازى و مافێن خه‌لكێ وێ دزڤریت هه‌روه‌كى ل ده‌مێ هاتنا تیرۆرستێن داعش ل ده‌مێ هێرشا ل سه‌ر مووسل و پارێزگه‌ها نه‌ینه‌وا، كو ب هزاران هه‌ڤوه‌لاتیێن كورد و شه‌به‌ك و كریستیان و شیعه‌ كه‌فتنه‌ ده‌ست داعشێ، ئه‌ڤجا خه‌مساریا حوكمه‌تا عیراقێ یاكو تانوكه‌ نه‌شیاى تشته‌كێ ل چاره‌نڤیسێ وان ره‌ڤاندى و قوربانیان بزانن یان ئاماره‌كا دروست به‌لاڤبكه‌ن، ئه‌ڤه‌ و زێده‌بارى نه‌بوونا خزمه‌تگوزارى و ئاڤه‌دانیێ بۆ ناڤچه‌یێن عیراقێ تایبه‌ت یێن، ل سه‌ر ده‌ستێ داعشێ هاتینه‌ وێرانكرن كو خه‌لكێ وێ ژبلى قوربانیدانێ تووشى زیانێن مه‌زنێن دارایى بوون، بۆ ئه‌ڤێ چه‌ندێ ژى پێدڤى ب پاره‌یه‌كێ دیاریكرى هه‌بوویه‌ ژبۆ دوباره‌ ژیانێ لێ به‌نه‌ سه‌رى، لێ حه‌تا نوكه‌ حوكمه‌تا عیراقێ نه‌شیایه‌ ئێك خانى ژى بۆ وان لێقه‌ومى و قوربانیان ئاڤابكه‌ت. ئه‌وا حه‌تا نوكه‌ هاتیه‌كرن ژى به‌لكو ب هاریكاریا رێكخراوێن نێڤده‌وله‌تى و هنده‌ك ناڤچه‌یان بوویه‌، كو پێداویستیێن ده‌سپێكى بۆ ته‌رخانكرنه‌. ئه‌ڤجا ئه‌ڤ رژیانا ل سه‌ر جادده‌ و كۆلانێن باشۆرێ عیراقێ دروستبووى، هه‌موو ژبۆ وێ بێ خه‌مى و سۆزێن نه‌راست یێن حوكمه‌تا به‌غدا دزڤریت، سه‌ره‌راى هندێ كو هه‌موو بۆدجه‌ د ده‌ستێ وێ حوكمه‌تێ دایه‌ و داهاتێ ساله‌كێ یێ عیراقێ كو دبیته‌ 140 ملیار و نه‌شیابن 4 چار ده‌مژمێرێن دروست كاره‌بێ بۆ خه‌لكێ خوه‌ به‌رده‌ن، ئه‌ڤه‌ هه‌موو ئه‌گه‌رن كو هه‌ڤوه‌لاتیێن عیراقێ به‌رده‌وامیێ دده‌نه‌ خونیشادانێن خوه‌. لێ بلا ل بیرا مه‌نه‌چیت كو گه‌له‌ك ده‌م بسه‌رڤه‌نه‌ چوویه‌ ده‌مێ حوكمه‌تا عیراقێ ده‌ست ب برینا بۆدجا حوكمه‌تا هه‌رێما كوردستانێ و كێمكرنا مووچه‌یێن وان كرى و بووینه‌ ئه‌گه‌رێ گرتنا هند رێك و به‌نده‌ران و رێكێن ئاسمانى… ب هه‌موو شێوان بۆ هندێ ئه‌و باوه‌رى و ئاڤه‌دانیا ل كوردستانێ هه‌ى نه‌هێلن و بێ باوه‌ریێ د ناڤ خه‌لك و حوكمه‌تا هه‌رێمێ دا دروست بكه‌ن. لێ خوه‌شبه‌ختانه‌ ره‌وش بن كونترۆلى ده‌رنه‌كه‌فت و ئه‌گه‌ر وه‌كى وان ڤیاى ژى دروست ببیت هه‌ر زوو ژناڤچوو، چونكو حوكمه‌تا هه‌رێمێ خودان پێگه‌هه‌كێ ب هێزه‌ نه‌به‌س ل سه‌ر ئاستێ ناڤخوه‌یێ، به‌لكو ل سه‌ر ئاستێ ده‌رڤه‌ ژى و جیهان شانازیێ ب وێ دپلۆماسیه‌تا ل ده‌ف سه‌رۆكێ حوكمه‌تا هه‌رێما كوردستانێ ؛نێچیرڤان بارزانى؛ دبه‌ت. ژبه‌ر كو هه‌ر زوو شیا ب وى داهاتێ كێم یێ ل به‌رده‌ست و شه‌فافیه‌ت د دانا مووچه‌ و نه‌هێلانا بندیواران و… به‌رده‌وامیى بده‌ته‌ خزمه‌تگوزاریێن هه‌ڤوه‌لاتیان و ئاڤه‌دانیێ و ره‌وش كونترۆلكر و به‌ر ب باشتر ژى بر. ئه‌ڤجا ئه‌و حوكمه‌تا عیراقێ یا ل ده‌مێ به‌ته‌نگیا ڤیاى ب هێجه‌تا دادوه‌ریێ ل ده‌ف خوه‌ و پاراستن و ئاڤه‌دانیێ مایتێكرنێن نه‌رێنى ل سه‌ر كوردستانێ بكه‌ت، بلا نوكه‌ بشێت ب دروستى وێ چه‌ندێ بۆ خه‌لكى َخوه‌ بكه‌ت كو رۆژانه‌ یێن قوربانیێ د ڤان خونیشادانان دا دده‌ن بۆ هندێ كویێ داخوازا مافێ خوه‌ دكه‌ن. لێ ئاریشا حوكمه‌تا عیراقێ/ به‌غدا ئه‌وه‌ كو نوكه‌ ژى وێ ده‌ستهه‌لاته‌كا ڤه‌شارتى هه‌یه‌، ئه‌و ژى ده‌سهه‌لاتا ده‌ره‌كى یه‌ یا عیراقێ برێڤه‌دبه‌ت. ئه‌ڤجا ئه‌ڤ سیسته‌مێ نوكه‌یى َعیراق ل سه‌ر رێڤه‌دچیت خه‌لك ل خوه‌ بێ باوه‌ركریه‌ و دیسا ڤى سیسته‌مى دێ كارتێكرنه‌كا به‌رچاڤ ل سه‌ر پرۆسا پێكئینانا حوكمه‌تا نوو هه‌بیت و ل دووماهیێ ژى دێ هه‌ر حوكمه‌ت هێته‌ پێكئینان، چونكو مومكن نینه‌ هه‌لبژاردن بهێنه‌ ڤه‌ دوباره‌ركرن.

15

رێژین نهێلى

پشتى ریفراندۆما 25/9/2017ێ  ئه‌وا ژبۆ سه‌ربه‌خوه‌یا كوردستانێ هاتیه‌ ئه‌نجامدان زوور كاریگه‌ریێن جودا جودا ل سه‌ر هه‌رێما كوردستانێ دروستبوون. ژ به‌ر ئێك ده‌نگیه‌كا وه‌سا بده‌ستخوه‌ڤه‌ئینا، د خه‌یالا حوكمه‌تا به‌غدا دا نه‌بوویه‌، ژ به‌ر ڤێ چه‌ندێ ژى هه‌موو ئه‌و فشارێن ژ لایێ حوكمه‌تا به‌غدا كه‌فتینه‌ سه‌ر هه‌رێما كوردستانێ هه‌موو ب بهانه‌یا ئه‌نجامدانا ریفراندۆمێ بوون، لێ د راستى دا ئه‌ڤه‌ تشته‌كێ به‌روه‌خت چێكرى بوو دیسا هیچ جاره‌كێ ژى هه‌رێما كوردستانێ خێر د حوكمه‌تا به‌غدا نه‌دیتیه‌ و نه‌ڤیا خێران ژى ل گه‌ل بكه‌ت. به‌لكو به‌رده‌وام سه‌ركردایه‌تیا كوردستانى ب سه‌رۆكاتیا سه‌رۆك (مه‌سعود بارزانى) سه‌رۆكێ هه‌رێما كوردستانێ و (نێچیرڤان بارزانى) سه‌رۆكێ حوكمه‌تا هه‌رێمێ، به‌رده‌وام ب هه‌ڤرا خواستیه‌ كو ل دووڤ ده‌ستوورى دروستێ عیراقێ و مادده‌یێن وێ، مافێ گه‌لێ كوردستانێ پێ بهێته‌دان، لێ هه‌ر ل سه‌ر ده‌مى َحوكمه‌تا به‌عسى یا ژناڤچوویى و هه‌تا نوكه‌ ل سه‌ر ده‌مێ عه‌بادى و ده‌ست بۆ ده‌ستى ب خرابترین شێوه‌ سه‌ره‌ده‌رى و كارپێكرن ب وان مادده‌یێن ده‌ستوورى یێن ل دووڤ به‌رژه‌وه‌ندیا حوكمه‌تا خوه‌ به‌غدا یا سه‌ره‌ده‌ریى َد گه‌ل هه‌رێما كوردستانێ دكه‌ن، هه‌ر جار و ب به‌هانه‌یه‌كێ هه‌روه‌كى یا ل ڤێ دایێ دیار و كارڤه‌دانێن خوه‌ یێن خراب ل سه‌ر خه‌لك و حكومه‌تا هه‌رێما كوردستانێ دیاركرین و جیهان پێ ئینایه‌ ده‌نگ، ئه‌ڤجا ژ كێمكرنا بودجه‌ى ژ17% بۆ 12% و برینا مووچێ فه‌رمانبه‌رێن كوردستانێ و گرتنا ده‌ریێن سنۆرى و هند ژ ئاخا كوردستانێ و فرۆكخانه‌ و بیرێن نه‌فتێ.. لێ وه‌سا دیاره‌ كو وه‌كه‌ به‌غدا پیلان بۆ ڤێ چه‌ندێ داناى هێدێ هێدى یاب داوى دهێت نه‌خاسمه‌ پشتى سه‌رۆكێ حوكمه‌تا هه‌رێما كورستانێ نێچیرڤان بارزانى؛ ل سه‌ر ئاستێن بلند و دگه‌ل سه‌رۆك و سه‌ركرده‌ و سیاسه‌تمه‌دارێن جودا جودا ل سه‌ر ئاستى َجیهانێ هه‌ڤدیتن كرى و كۆمبووى، ئه‌ڤ چه‌نده‌ ژى بوویه‌ ئه‌گه‌ره‌كێ ب هێز كو ئێدى حوكمه‌تا به‌غدا، لێ زڤرینه‌كێ ل سه‌ره‌ده‌ریا خوه‌ یا نه‌راست و ده‌ستوورى ل گه‌ل هه‌رێما كوردستانێ بكه‌ت، ژ به‌ر ڤێ یه‌كێ ژى هه‌روه‌ك د كۆنگرێ ڤى َداویێ یێ میونشن ل ئه‌لمانیا، كو سه‌رۆك وه‌زیرێن هه‌رێما كوردستانێ دگه‌ل مه‌سرۆر بارزانى و شاندێ دگه‌ل دا ل وى كۆنگره‌یى ژى چه‌ندین كۆمبوونێن گرنگ ب ده‌ڤه‌ت دیتنه‌ ژبۆ به‌رژه‌وه‌ندیا ئابوور و ئێمناهى و سیاسى ل هه‌رێمێ، دیسا شیان ل گه‌ل؛ عه‌بادیێ سه‌رۆك وه‌زیرێ عیراقێ ژى كۆم ببنه‌ڤه‌ ژبۆ به‌حسكرن ل په‌یوه‌ندیێن هه‌ولێر و به‌غدا و ئه‌و لیژنه‌یێن كو ژلایێ به‌غدا بخوه‌ هاتین ژبۆ پێداچوونا لیستێن مووچه‌یێن هه‌ردو وه‌زاره‌تێن؛ ته‌ندروستى و په‌روه‌ردێ؛.لێ هه‌روه‌ك پشتى كۆمبوونا ڤێ داویێ ل ئه‌لمانیا د ناڤبه‌را شاندێ هه‌رێمێ و عه‌بادى،  هنده‌ك بۆچووننێن جوداتر ل ده‌ف  عه‌بادى دروست بووینه‌. هه‌وه‌ك د داخویانیا كه‌نالێ (دى ده‌بلو یێ ئه‌لمانى) حه‌یده‌ر عه‌باد گۆتیه‌: ئێدى دێ په‌یوه‌ندیێن د ناڤبه‌را هه‌ولێر و به‌غدا ئاسایى بن و دێ گه‌شتێن هه‌ولێر و سلێمانیێ ده‌ستپێكه‌نه‌ڤه‌، لێ دیسا؛ سه‌رۆك وه‌زیرێ عیراقێ مه‌رجه‌ك دیاركریه‌ و دڤێت خوه‌پشتراست بكه‌ن كو دێ ده‌ستهه‌لاتداریا حوكمه‌تا عیراقێ ل سه‌ر وان فرۆكخانه‌یان هه‌بیت و د گۆتنه‌كا دن ژى دا ئاماژه‌ ب هنارتنا مووچى فه‌رمانبه‌رێن هه‌رێما كوردستانێ كریه‌، لێ تا ئه‌و هووربینیێن خوه‌ ل سه‌ر ڤێ چه‌ندێ ب داویى دئینن، چونكو وه‌ك عه‌بادى د داخۆیانیا خوه‌دا گۆتى ئه‌ڤه‌ مافه‌كێ سروشتى یێ حوكمه‌ت عیراقێ یه‌. لێ د هیچ گۆتنه‌كا خوه‌ دا ده‌مێ بجهئینانا ڤان ئه‌رك و كاران دیارنه‌كریه‌ ژبه‌ر ڤێ چه‌ندێ ژى دیسا دێ دچاڤه‌رێبوونى َدابین.

51

رێژین نهێلى
پشتى كو بۆ هه‌یاما پتر ژ سێ مه‌هانه‌ حوكمه‌تا به‌غدا ژ لایه‌كى و ته‌هرانێ ژلایه‌كێ دى ڤه‌، چه‌ندین فشارێن جودا جودا چ ژ گرتنا سنۆران یان په‌ترۆلگه‌ه و به‌نداڤ و برین و كێمكرن و بڕینا بودجه‌ و مووچێ خه‌لكى كو ب ڤێ چه‌ندێ باره‌كى َ گران خستیه‌ ل سه‌ر حوكمه‌تێ و هه‌رێما كوردستانێ، لێ دیاره‌ كو ئێدى ده‌م هات به‌غدا و ئیران په‌شیمان ببن ل سه‌ر وان پێنگاڤ و بریارێن خوه‌ یێن نه‌دروست و نه‌قانوونى، هه‌روه‌كى د ڤان گازیكرنێن به‌غدا و ئیرانێ ل سه‌ر داخوازكرنا سه‌ره‌دانان بۆ، سه‌رۆك وه‌زیرێن هه‌رێما كوردستانێ بۆ لایێ وان كو پشتى ئه‌نجامدانا ریفراندۆما سه‌رخوه‌بوونا كوردستانێ یا 25/9 ئێكه‌م جاره‌ ئه‌ڤ سه‌ره‌دانێن سه‌رۆك وه‌زیرێن هه‌رێما كوردستانێ بۆ لایێ وان دهێته‌كرن و ب گرنگترین سه‌ره‌دان ل ڤى ده‌مى دا دهێته‌ دیتن، ژ به‌ر كو هێشتا ئه‌م ل به‌ربه‌ست و شه‌ڕ و پیلانێن وان دلنیا نه‌بووینه‌. لێ دڤێت ژبیر نه‌كه‌ین ژى كو ئه‌گه‌ر مه‌ حوكمه‌ته‌كا خودان هه‌ولێن دیپلۆماسى و بهێنفره‌ه و ئاشتى خواز نه‌ و خودان هه‌ولێن جددى نه‌بایه‌، ئه‌وا كو ب سه‌رۆكاتیا رێزدار؛ نێچیرڤان بارزانى؛ كو ب هه‌موو شێوه‌كى و هه‌ولێن ئاسایكرنا په‌یوه‌ندیێن دیپلۆماسى یێن هه‌رێمێ دایه‌ دگه‌ل وه‌لاتێن دى. ل ڤى ده‌مى ده‌مێ هه‌ستیاردا خودانێن پیلانان داخوازا سه‌ره‌دانان ل سه‌رۆكى َحوكمه‌تێ نه‌دكر. هه‌ر چه‌نده‌ هه‌موو هه‌ولێن حوكمه‌تا هه‌رێمێ ژى ئه‌و بوینه‌ كو هه‌موو كێشه‌یه‌ك ب دانوستاندن و ل سه‌ر مێزا گفتوگۆیێ ب ئاشتیانه‌ چاره‌ببن. ژ به‌ر ڤێ چه‌ندێ ژى دڤێت خه‌لكى َهه‌رێما كوردستانێ ژى پالپشت و خودان ئیراده‌بیت ب حوكمه‌تا خوه‌، نه‌ك ل به‌رته‌نگاڤیان خوه‌ ته‌را و به‌را بكه‌ن و رێیا دوژمنان بۆ ناڤ ئاخ و وه‌لات و ده‌ستكه‌فتێن خوه‌ خوه‌ش بكه‌ن، هه‌روه‌ك یا ل 16ى ئوكتوبه‌رێ رووداى، كو ڤێ رۆژێ كارتێكرن و زه‌ره‌ره‌كا مه‌زن ل ده‌ستكه‌فت و پلان و قوربانیدانا هزاره‌ها شه‌هیدێن پێشمه‌رگه‌ و دلسۆزێن وه‌لاتى كریه‌، لێ دیسا ژى كۆ مه‌ بڤێت خۆه‌ شه‌رمه‌زارى مێژوویا خوه‌نه‌كه‌ین، نوكه‌ ژى ده‌لیڤه‌یێن باش ل پێشیامه‌نه‌، مه‌ گه‌له‌ك ده‌ربازكر و كێم مایه‌ كو به‌رهه‌مێ هیڤیێن ملله‌ته‌كێ ژبۆ ئازادیێ شه‌ركرى و قوربانى داى جینۆساید و ئه‌نفال و كۆچكرن و تووشى كومه‌لكوژیان بووى. ئه‌ڤرۆكه‌ ژى هه‌موو جیهان شاهده‌یێ ل سه‌ر خواست و ئاشتى خوازى و قوربانیدانێن ڤى ملله‌تى دكه‌ت، هنده‌ك كه‌سێن كێم نه‌بن یێن د ناڤ ڤى ملله‌تى دا دژین و خێرا ڤى ملله‌تى نه‌ڤێت، لێ ئێدى هه‌ر تشت ئاشكه‌رایه‌ و دڤێت ئه‌م چاڤ و هیڤیێن خوه‌ بۆ پاشه‌رۆژه‌كا گه‌ش ل كوردستانێ ڤه‌كه‌ین و زێده‌تر ل به‌ر خیانه‌ت و خوه‌جوداكرنێ ل ده‌لیڤه‌یێن به‌ر ته‌نگدا ل وه‌لاتێ خوه‌نه‌گه‌رین و نه‌كه‌ین.

53

ریفراندۆم ئێك ژ بنه‌مایێن هه‌ره‌ گرنگێن دیمۆكراسیێ یه‌، ژ پره‌نسپێن گرنگێن جێبه‌جێكرنا دیمۆكراسیه‌تێ یه‌ د جیهانێ دا و مافه‌كێ سروشتى یه‌ بۆ هه‌موو ته‌خ و گه‌لان و د چار نامه‌یێن نیڤده‌وله‌تى دا، لێ جێبه‌جێكرنا وێ د پراكتیكیدا چ ئاسته‌نگێن وه‌سا یێن قانوونى نینن. ئه‌ڤجا ئه‌وا ل هه‌رێما كوردستانێ ژى روودا ل 25/9/2017 ئێك ژ پێشكه‌فتیترین پێنگاڤان هاتینه‌هاڤێتن د دیرۆكا عیراقێ دا و هه‌تا د دیرۆكا ده‌وله‌تێن مه‌ یێن رۆژهه‌لاتا ناڤین ژى دا، هه‌موو د وارێ دیمۆكراسه‌تێ دا، ده‌رئه‌نجامێ ڤێ ریفراندۆمێ ژى كو پرانیا ده‌نگده‌ران ده‌نگ ب به‌لێ بۆ سه‌ربه‌خوه‌یا كوردستانێ دا و مه‌ره‌م ژ ل ڤێ ریفراندۆمێ ئه‌و بوو ده‌ستهه‌لاتا هه‌رێما كوردستانێ بزانیت كا ئه‌رێ خه‌لكێ كوردستانێ هه‌تا چ راده‌ ل گه‌ل هندێ نه‌ ئه‌و دسه‌ربه‌خوه‌بن، ریفراندۆم ده‌رباز بوو چوو د ناڤ دیرۆكا گه‌لێ كوردستانێ دا و مه‌ شه‌نگه‌سته‌كا گرنگ ژى د قانوونێ دا هه‌یه‌، كا چ ده‌ستهه‌لات هه‌یه‌ ماف هه‌یه‌ بریاره‌كێ ده‌ربێخیت، د هه‌مان ده‌م دا ئه‌وێ ده‌ستهه‌لاتێ ماف هه‌یه‌ وێ قانوونێ بهه‌لوه‌شینیت یان ژى ده‌ستهه‌لاته‌كا بلندتر. لێ د ڤى حاله‌تى دا خه‌لكى ده‌نگێ خوه‌ بۆ ریفراندۆمێ دایه‌ و بالاترین ده‌ستهه‌لات د ناڤ ده‌وله‌تێ و هه‌تا د ناڤ هه‌ر پارچه‌كێ دا؛ گه‌له‌ و دیسا مه‌ ده‌ستهه‌لاتێن جێبه‌جێكه‌ر و دادوه‌رى و قانوونى ژى هه‌نه‌ و ئه‌ڤه‌ هه‌ر سێ ژى پێكڤه‌ كۆم ببن و هه‌لوه‌شینن ڤێ بریارێ مومكن نینه‌، بشێن بریارا هه‌لوه‌شاندنا ریفراندۆمێ بده‌ن. ژ به‌ر ڤێ چه‌ندێ ژى بلا ئه‌م ژده‌نگ و بریارا خوه‌ دلگران نه‌بیت. هه‌ر چه‌نده‌ حوكمه‌تا, عه‌بادى ل به‌غدا كار ل سه‌ر هندێ دكه‌ت كو ئه‌نجامێن ریفراندۆمێ بهێنه‌ هه‌لوه‌شاندن و چ بنه‌ما و شوونوار بۆ نه‌مینن، لێ ئه‌ڤ چه‌نده‌ ناهێته‌ بجه و كه‌سێ ده‌ستهه‌لاتا ژناڤبرنا وێ نینه‌، نه‌ حوكمه‌ت و نه‌چ حزبان ژ بلى، گه‌لى ب خوه‌، ل دۆر رۆنكرنا دادگه‌ها ئیتیحادى كو وان گۆتیه‌ بۆچ لایه‌نان نیه‌ خوه‌ سه‌ربخوه‌ بكه‌ن و ژ عیراقێ جودابن، حوكمه‌تا هه‌رێمێ ژى پێگیریا خوه‌ ب بریارا دادگه‌ها فیدرالى دیاركر و ئه‌ڤه‌ ژى د به‌رژه‌وه‌ندیا ملله‌تێ مه‌ دایه‌ كو ببیته‌ رێخۆشكرنه‌ك بۆ دانوستاندنان و دیسا ئه‌ڤه‌ ژى نه‌تشته‌كێ نووى یه‌، چونكو هه‌تا به‌رى ئه‌نجامدانا ریفراندۆمێ ژى سه‌رۆك بارزانى و سه‌روكێ حوكمه‌تێ، دوپاتى ل وێ چه‌ندێ دكر و گۆت: مه‌ ئه‌ڤ پێنگاڤه‌ هاڤێت، مه‌ره‌ما مه‌ ئه‌و نینه‌ ئێكسه‌ر سه‌ربخوه‌یێ راگه‌هینین. به‌لكو راوستیانه‌ك بوویه‌ ل سه‌ر بریارا خه‌لكى ل سه‌ر بابه‌ته‌كێ ده‌ست نیشانكرى و چاره‌نڤیساز. ئه‌ڤجا بلا ئه‌م ب چاڤه‌كێ ڤه‌كرى سه‌ح بكه‌ینه‌ ڤێ بریارێ و پێشوازیا وێ ژ لایێ حوكمه‌تا هه‌رێما كوردستانێ، ئه‌ڤه‌ تشته‌كێ زوور گرنكه‌ ل ڤى ده‌مى و په‌یامێن جودا جودایێن جه‌نابى َسه‌رۆكێ حوكمه‌تێ و دانوستاندنێن وى ل گه‌ل هه‌موو ئالیان، چونكو ئه‌ڤ رێكاره‌نه‌ دبنه‌ ئه‌گه‌ر كو رێك ل هه‌مبه‌ر دانوستاندنێن ب جدد ڤه‌ بیتن. ژ به‌ر كو نوكه‌ فشاره‌كا زوور ژلایێ ئه‌مریكا و نه‌ته‌وه‌یێن ئێكگرتى و ئێكه‌تیا ئه‌ورۆپا ل سه‌ر هه‌ردو حوكمه‌تێن هه‌رێما كوردستانێ و عیراقێ هه‌نه‌, ژ بۆ هندێ كو هه‌ردو لایه‌نان ل سه‌ر مێزا دانوستاندنێ كۆم بكه‌ن، ئه‌ڤجا هه‌ر ده‌سپێشخه‌ریه‌كا ژلایێ سه‌رۆكێ حوكمه‌تێ نێَچیرڤان بارزانى؛ جهێ ده‌ستخۆشى و رێزگرتنێ یه‌، لێ ب مه‌رجه‌كێ كارتێكرن ل سه‌ر ماف و ئیمیازات و ده‌ستكه‌فتێن گه‌لێ كورد نه‌كه‌ت. ژ به‌ر كو حوكمه‌تا به‌غدا ژبلى زمانێ چه‌ك و گه‌فان ژ رێیێن دى هێشتا نه‌دیتینه‌ ژبۆ چاره‌كرنا ئاریشه‌یان. ئه‌ڤ زمانێ وانێ گه‌فێ ژى نه‌ ژ هێزا وانه‌ هه‌مبه‌رى هه‌رێما كوردستانێ، به‌لكو تشته‌كێ رۆن و ئاشكه‌رایه‌ كو ده‌ستتێوه‌ردانێن نیڤده‌ولى و ده‌وروبه‌ر ژى د گه‌ل دانه‌. ئه‌گه‌رنه‌، ئه‌م هه‌موو دزانین و دبینین كو حوكمه‌تا عیراقێ زۆر لاوازه‌ و نه‌خودان ئه‌و هێزه‌یه‌ كو بشێت كونترۆلێ ل سه‌ر هه‌رێما كوردستانێ بكه‌ت هه‌م ژلایێ چه‌كى و هه‌م ژ لایێ هێزێ. ژ به‌ر ڤێ چه‌ندێ ژى سه‌رۆكێ حوكمه‌تێ نێچیرڤان بارزانى ب وردبینانه‌ یێ ده‌ست ب دانوستاندنان دكه‌ت د گه‌ل هه‌موو ته‌خوچینان، ناڤخوه‌یى و ده‌ره‌كى, بۆ‌و هندێ كو ڤێ ره‌وشێ ب سه‌ركه‌فتیانه‌ و مفاوه‌رگرتن ژ ئه‌زموونان ده‌رباز بكه‌ت.

website security