NO IORG
Authors Posts by د.سالار عوسمان

د.سالار عوسمان

د.سالار عوسمان
87 POSTS 0 COMMENTS

13

پشكا ئێكێ
سه‌ره‌كوه‌زیرێ نه‌رویج ل وێرێ بوو ..
ـ ئه‌ڤ پێشانگه‌هانه‌ جیهانه‌ه‌كا بچووكه‌، هه‌موو نه‌ته‌وه‌یان، ده‌وله‌ت و هه‌رێمان، ڕه‌نگ و ڕوانگه‌یێن وان، ڕاسته‌ ب رێیا كتێبێ ڤه‌ و كتێبێ كۆمكرینه‌، لێ جیهانه‌كا بچووكا كلتووری ژى یه‌ بۆ دیالۆگێ و بازرگانیێ و ل پالی ژى دا سیاسه‌ت، سیاسه‌تڤانان ب گرنگی یه‌ڤه‌ لێدنێرن و سالانه‌ كۆمه‌كا سیاسیی یا مه‌زن، ل نێڤا وان ژى دا سه‌رۆكێن وه‌لاتان دهێن و هه‌ر ساله‌كێ ژى وه‌لاته‌ك دبیته‌ مێڤانێ شه‌ره‌ف و هۆلیه‌كا مه‌زن ژى دهێته‌ ته‌رخانكرن بۆ مێڤانێ شه‌ره‌ف، هه‌تا به‌رهه‌مێن كلتوورێن وان تێدا نه‌مایش بكه‌ن.
ـ ئه‌ڤ ساله‌ نه‌رویج بوو یه‌ مێڤانێ شه‌ره‌ف، ب ڤێ هه‌لكه‌فتا گرنگ، ڕێوڕه‌سمه‌كێ مه‌زن و هۆله‌كا مه‌زن و نه‌مایشه‌كا مه‌زن هاتبوو رێخستن، كو تێدا ژبلى چه‌ندین سیاسه‌تڤان و ڕۆناكبیرێ مه‌زن، سه‌ره‌كوه‌زیرێن نه‌رویج (ئێرنا سۆڵ بێرگ) ژى ئاماده‌ بوو و گۆتاره‌ك ژی ب ڤێ هه‌لكه‌فتێ پێشكه‌ش كریه‌.
ـ ئه‌وا ئه‌ز به‌حسی ژێ دكه‌م، مه‌به‌ستا من ڕێوڕه‌سمه‌كه‌، ئێڤاریا 15 ئۆكتۆبه‌رێ بوو، كو هه‌ڤالان ل گه‌ل ڕۆژنامه‌نڤیس (یووسف مه‌نتك) ل وێرێ بووین و مه‌ پشكداری كر د یتنا هۆلا مێڤانێ شه‌ره‌ف، كو بێ ئه‌ندازه‌ جوان و باڵكێش هاتبوو ڕێخستن و كۆمه‌ك نمایش و به‌رهه‌مێ وان ژى بنین، كو ڕاستیه‌ك پتر سه‌لماند، كو ده‌وڵه‌ت و هه‌رێم ساڵانه‌ كار و كۆششێ دكه‌ن بۆ وێ چه‌ندێ ببینه‌ ب مێڤانێ شه‌ره‌ف، چونكو هۆلا مێڤانێ شه‌ره‌ف، باشترین پانتایا خوه‌ناساندنا كلتوورێ نه‌ته‌وه‌ و ده‌وڵه‌تانه‌ بۆ هه‌موو جیهانێ.
هه‌ر بابایه‌ دێت و كتێب ده‌با !…
ـ 16 ئۆكتۆبه‌ر، ڕۆژا ئێكێ یا پێشانگه‌هێ بوو، ئه‌م هه‌موو ل وێرێ بووین، ل پڕ (جان دۆست) و هه‌ڤژینا وى گه‌هشتن، جان دۆست كۆمه‌ك ژ به‌رهێن وى ژى ئێنابوون، ڕێوڕه‌سمێن واژۆكرنا كتێبێن وى ده‌ستپێكر و ناڤا وان ژى دا، دووڤدا به‌حسكرن ژ دووماهى به‌رهه‌مێن وى، سه‌باره‌ت هونه‌رێ نڤیسینێ مه‌ گفتوگۆ دكر، تایبه‌ت ئه‌و نڤیسینێن دچنه‌ د ناڤ مێژوویێ دا!.
ـ (جان دۆست) نڤیسه‌ر و ڕۆماننڤیسه‌كێ ب ناڤوده‌نگێ كورده‌ و ب بنیات خه‌لكێ كۆبانێ یه‌ و هه‌رده‌م ل گه‌ل ژانێن گه‌لێ خوه‌ دا دژیت و بیر دكه‌ته‌ و دنڤیسێت و هه‌ر ئه‌وێ ژى وه‌كریه‌ كو زووی شیره‌تێ وه‌ربگریت، نها جان دۆست ناڤه‌كێ دیارێ ناڤا ئه‌ده‌بیاتێن هه‌ڤچه‌رخێ كوردی یه‌ و خه‌ریكه‌ سنووران ببریت و جهێ شانازیێ یه‌!..
ـ مێڤانێن جودا جودا، ژ نه‌ته‌وه‌ێن جودا جودا سه‌ردانا ستاندێ كوردستانیان دكرن و ب خۆشحالی ڤه‌ مه‌ پێشوازی لێ دكر، هه‌ر د ڤێره‌ دا پێدڤیه‌ ناڤێ تیما وه‌زاره‌تا ره‌وشه‌نبیری و لاوان یا حوكمه‌تا هه‌رێما كوردستانێ بنڤیسین، كو پێكهاتى یه‌ ژ ڤان بڕێزان: رێڤه‌به‌ریا گشتی یا راگه‌یاندنێ ب وه‌كاله‌ت شێروان عه‌وڵا، یاریده‌ده‌رێ ڕێوڤبه‌ریا گشتی یا كتێبخانه‌یان سه‌رباز جه‌وهه‌ر، خه‌رمان هیرانی و فرمێسك مسته‌فا وه‌ك دو شاره‌زا و به‌نده‌، ئه‌ڤ تیمێ فه‌رمى ب هه‌ڤكاریا ڕۆژنامه‌نڤیس یوسف مه‌نتك، كاروبارێن ستاندا كوردستانێ بڕێڤه‌دبر.
ـ ڕۆژا ئێكێ، واته‌ 16/10/2019، هۆلا مێڤانێ شه‌ره‌ف و هۆلا سێ و پشكه‌ك ژ هۆلا پێنج ب سه‌ركرده‌ ڤه‌، دا ژبیرا من نه‌چیت، ستاندا كوردستانێ ل هۆلا 5، ژماره‌ 141 C بوو، كو ژ نێزیك مه‌ژى دا وه‌زاره‌تا ره‌وشه‌نبیری یا لوبنان و ئیمارات و مسر و عیراق و چه‌ند وه‌لاته‌كێن عه‌ره‌بی ژى هه‌بوون، كو ب به‌راوردى ل گه‌ل ستاندێ كوردستانێ مێڤانێن د كێم بوون، تایبه‌ت عیراق، كو پتریت جاران، نه‌ك هه‌ر مێڤانێن وان دكێم بوون، به‌لكو وه‌ك كاك لوقمان به‌رزنجی ـ یێ ڕۆژنامه‌نڤیس دگۆت: ستاندا كۆمارا عیراقێ كه‌س لێ نینه‌ و هه‌ر بابایه‌ دهێت و كتێب دڤیان!..
كۆڕێن پێشانگه‌ها فرانكفۆرت و په‌رۆشی كوردانی دیاسپۆرا
پشكه‌ك ژ چالاكیێن ستاندێ كوردستانێ ل پێشانگه‌ها فراكفۆرت، كۆڕێن وان بوون، ڕۆژا 19 ئۆكتۆبه‌رێ، ڕۆژا هه‌ره‌ قه‌ره‌باڵغێ بوو:
ـ د. حه‌مه‌ مه‌نتك: ده‌روازه‌یه‌ك بۆ ڕه‌خنا ئه‌ده‌بێ كوردی، كۆڕگێڕ: خه‌رمان هیرانی.
ـ به‌ختیار عه‌لی و به‌یان سه‌لمان: تاراوگه‌ و پرۆسا نڤیسینێ، كۆڕگێڕ: فرمێسك مسته‌فا.
ئه‌وا سه‌رنجا من ڕاكێشاى، په‌ڕۆشا كوردێن دیاسپۆرا بوو بۆ چالاكیێ و ئاماده‌بوون و گفتوگۆیا كوردانه‌، هه‌ر ئێك ژ وان ب ده‌هان پرسیار و سه‌دان سه‌ره‌به‌حس و هزاران خه‌مێن پیرۆز هه‌بوون!…
ڕێزلێنان له‌ ماندوویبوویان
ـ پشه‌ك ژ چالاكیێن مه‌ ل پێشانگه‌ها نێڤده‌وه‌لتی یا فرانكفۆرت، ڕێزلێنان بوو ل كۆمه‌كا هونه‌رمه‌ند و شاعیر و ڕۆژنامه‌نڤیس و چالاكڤانان، كو ماندوویێن ڕێیا وه‌لاتن، وه‌لاته‌ك، كو هه‌تا نهار ژى هه‌ر خه‌ونان ده‌بینن و خه‌مان دخۆن!..
ـ به‌رزان هه‌ستیار ـ ی شاعیر
ـ دانا عه‌لی سه‌عید ـ ی شانۆكار
ـ لوقمان به‌رزنجی ـ ی ڕۆژنامه‌ڤان
ـ به‌كر شوانی ـ ی وه‌رگێڕ
ـ وه‌جیهه‌ عه‌بدوڵڕه‌حمان ـ یێ چالاكڤان
ئه‌و زاته‌ د دڵسۆز و ماندیبووى بوون، كو وه‌زاره‌تا ره‌وشه‌نبیری و لاوان بوو، ئه‌ڤ ساله‌ ڕێز لێ هاتبووكرن بزاڤێن داهێنانێن وان به‌رز نرخاندبوون.

پێشانگه‌ها فرانكفۆرت یا نێڤده‌وله‌تی و پتر ژ په‌یڤه‌كێ!
پشكا دویێ و دووماهیێ
د. سالار عوسمان
مێڤانێن ناڤخوه‌ی چ ل پاش خوه‌ هێلان؟
مه‌به‌ستا من ژ مێڤانێن ناڤخوه‌یی، ئه‌وه‌ مێڤانێن كوردن، كو وه‌ك خانه‌خوێ ڕووی ل ستاندا خوه‌ دكر، هه‌ر وان ژى ستاندێ وانه‌، چونكو ناڤێ ستاندى كوردستانه‌، له‌ هه‌ر كوێش ئه‌و ناڤه‌ هه‌بیت، دڤێت یێ كۆمكار بیت، دڤێت كوردستان هه‌مویان كۆمبكه‌ته‌ڤه‌ و چه‌ترائاسا مه‌ لێك نێزیك بكه‌ت.
ئه‌ڤ ساله‌ كه‌ گه‌له‌ك گوهدارى كر و مه‌ كێم په‌یڤى، سروشتیا ئه‌رك و به‌رپرسیاریێ ژى هه‌ر دڤێت یا وه‌سا بیت، دڤێت كه‌مدوو و گه‌له‌ك گوهگیر بیت و د گه‌ل دا ژى كۆمكارا كار بیت!..
كورتیا په‌یڤینێ خانه‌خوێكان ئه‌وه‌بوو، كو:
ـ پتر بایه‌خ ب ستاندا كوردستان بهێته‌ دان.
ـ جه به‌رفره‌هتر لێبهێت.
ـ دیزاین جوانتر و سه‌رنجڕاكێشتر بیت.
ـ كورد ئێكڕیزتر بن.
ـ ساڵانه‌ پێدڤیه‌ كۆمه‌كا كتێبه‌كان، تایبه‌ت بۆ پێشانگه‌هێ بهێنه‌ ئاماده‌كرن، كو ئامانجدار بیت و كورد و واقعێ كوردستانێ بۆ ئه‌وێن دیتر، گه‌لان و زمانێن دیتر ب دونیایێ بناسینیت.
ـ زنجیره‌ سیمینار، كو سروشته‌كی دیالۆگێ هه‌بیت، ب هه‌ماهه‌نگی ل گه‌ل ڕۆناكبیر و ئه‌كادیمیستێن بیانی، گه‌رم و گه‌نگه‌شه‌خوڵقێن بهێته‌ رێخستن و ل وێرێ، لوێ پانتایێ، دیالۆگه‌كا زانستی ل گه‌ل ناڤه‌ند و ڕۆناكبیرێن دونیایێ بهێته‌ سازكرن.
ـ ڕایه‌ل و پر و په‌یوه‌ندیدار بیت ل گه‌ل ده‌زگه‌ه و ناڤه‌ند و خانه‌ هزریی و كلتووری و چاپه‌مه‌نیی و میدیایێن دونیایێ، كو ئارمانج تێدا ده‌ربازكرنا كوردستانێ بیت، ده‌ربازكرن ل ناڤخوه‌ دا بۆ ده‌رڤه‌ و هه‌مدیسا ئێنانا ده‌ره‌ویشان بۆ ناڤ كوردستانێ.
پێشانگه‌ها فرانكفۆرت، پره‌ك بۆ ده‌ربازكرنێ!..
دیسا یه‌كه‌م ڕستا ڤێ گۆتارێ دوباره‌ دكه‌مه‌ڤه‌: (ئه‌ڤز پێشانگه‌هه‌ جیهانه‌كا بچووكه‌)1، ڕاسته‌ كورد ل سالا (1991) ڤه‌ ته‌ڤلی ڤێ جیهانا بچووك بووینه‌ و شوێن پێین خوه‌ خستینه‌ و سه‌رجه‌م بزاڤێن خوه‌، دگه‌ل هه‌بوونا بارێ سه‌رنجێ، جهێ سۆپاسیى َیه‌، لێ پرسیار ئه‌ڤه‌یه‌:
ـ شیایه‌ وان شوێن پییان جێگیر بكه‌ت، دیاره‌ مه‌به‌ستا من ژ چه‌مكێ جێگیربوون، ب مانا و تێگه‌هیشتنا كلتووریێ خوه‌ یه‌؟..
ـ ئه‌رێ شیایه‌ په‌یوه‌ه‌ندیه‌كێ چاك و به‌رهه‌مدار ل گه‌ڵ ده‌زگه‌هێن ب ناڤوبانگ یێن كلتووریی و ڕۆژنامه‌ڤانی و چاپه‌مه‌نیێن دونیایێ دروست بكه‌ت؟..
ـ ئه‌رێ ژ ڕوویێ بیزنسێ كلتووری و میدیایی ڤه‌ چی كریه‌؟..
ـ ئه‌رێ د وێ جیهانا بچووك دا، كو ساڵانه‌ كێمترین دیالۆگ تێدا بڕێڤه‌ دچیت، شیایه‌ دیالۆگێ بكه‌ت و ب ڕێیا دیالۆگێ ده‌ربازببیت؟..
ـ ساڵانه‌ پلان و به‌رنامێ داڕێشتى و هوور و ئامانجدارى هه‌بوویه‌؟..
ـ ئه‌رێ ساڵانه‌ چه‌ند كتێب بۆ ڤێ پێشانه‌هێ، ب زمانێن جودا یێن دونیایێ حازر كرینه‌؟..
ـ ئه‌رێ شاشیه‌ ڕۆناكبیر و بیرمه‌ندێن دونیایێ بانگهێشت بكه‌ت؟
ـ ئه‌رێ د وێ جیهانا بچووك دا، ڕۆناكبیر و بیرمه‌ندێن كورد خستینه‌ د ناڤ گه‌نگه‌شه‌ و گفتوگۆیه‌كا جیهانی دا؟.
ـ ئیزافه‌یه‌كێ دروستكرى د وارێ دیالۆگێ دا، كو كورد پتر ژ هه‌موو نه‌ته‌وه‌یێن دونیا پێدڤی كریه‌؟..
ـ ئه‌رێ كارێ ژدل كریه‌ بۆ وێ چه‌ندێ ببیته‌ مێڤانێ شه‌ره‌ف؟.. وه‌ك پێشتر مه‌ به‌حس كرى، كو ساڵانه‌ وه‌ڵات، نه‌ته‌وه‌ و هه‌رێمه‌ك دبنه‌ مێڤانێ شه‌ره‌ف، دیاره‌ ئه‌ڤ ساله‌ نه‌رویج بوو 2، بۆ سالا دادێ كه‌نه‌دایه‌ و سالا (2021) ئیسپانیایه‌.
ـ كورتترین پرسیار و گرنگترین ئه‌ڤ پرسیاره‌یه‌: كورد و كوردستان شیاینه‌ پێشانگه‌ها نێڤده‌وله‌تی یا فرانكفۆرت بكه‌نه‌ پرا ده‌ربازركرنا كلتووری؟!..
سه‌رجه‌ما ئه‌ڤان پرسیاران و یێن ل دووڤداتر به‌رسڤ و پاشى جوداهی ل ڕوانگه‌هێن وان، ئه‌و ڕاستیا ننه‌ڤه‌شارتینه‌، كو كورد د وى وارێ ژى دا، یا باشتر بێژم، د وى ئه‌ركى ژى دا باشی نه‌كریه‌ و دڤێت زۆر باشتر ژ وێ جیهانا جوان و بچووك و مانادار دا حزور هه‌بیت، حزوره‌ك بارته‌قایا كێشێن ڕه‌وا و مه‌زن بیت، حزوره‌ك، كو یا كۆمكاربیت دونیاڕاكێش و به‌رهه‌مدار بیت و شیانێن ده‌ربازكن و گوهارتنێ هه‌بیت.
1 پێشانگه‌ها نێڤده‌وله‌تی یا كتێبیچ فرانكفۆرت ل ڕۆژێن 16 حه‌تا 20 ئۆكتۆبه‌را 2019 بڕێڤه‌چوو، مێڤانێ شه‌ره‌فێ ئه‌ڤ ساله‌ وه‌ڵاتێ نه‌رویج بوو، 7500 ده‌زگه‌هێن چاپ و به‌لاڤكرنا كتێبێ ژ 109 وه‌لاتان پشكداربوون، 302,267 مێڤانان سه‌ردانا پێشانگه‌هێ كرینه‌، 10000 ڕۆژنامه‌نڤیسان ڕۆمالا میدیای كریه‌ و زێده‌تر ژ 4000 كۆڕ و سیمیناران پێشكێش كرینه‌.
د ئاهه‌نگا ڤه‌كرنا پێشانگه‌هێ دا، كو پتر ژ 2200 مێڤان پشكداربوون و ل ده‌مژێر پێنجی ئێڤاری 15.10.2019 دست پێ كریه‌، ئه‌و كه‌ساتیێن په‌یڤ و گۆتار پێشكێشكرین: سه‌رۆكی پێشانگه‌ها نێوده‌وڵه‌تیا كتێبێ فرانكفۆرت یۆرگن بۆس، سه‌رۆكێ ڕێكخراوا بۆرسا بازرگانی یا كتێبا ئه‌ڵمانی هاینڕیش ڕایت مووله‌ر. ئیرنا سۆڵ بێرگ سه‌ره‌كوه‌زیرێ نه‌رویج، هایكۆ ماس وه‌زیرێ ده‌ره‌ڤه‌ یێ ئه‌ڵمانیا، پێته‌ر پلێتمان پارێزگارێ باژارێ فرانكفۆرت، فۆڵكه‌ر بۆفیه‌ر سه‌رۆكوه‌زیرێ هه‌رێما هێسن.
هه‌ژی گۆتێیه‌ شاهژنا نه‌رویج مێتا ماری و هه‌ڤسه‌رێ وێ هاكۆن ماگنۆس و وه‌زیری ره‌وشه‌نبیری یێ نه‌رویج ترینا سكای گراند ئاماده‌ی وێ ڕێوڕه‌سمێ بوون.
٢- سه‌باره‌ت وه‌لاتێ شه‌ره‌فێ ئه‌ڤ ساله‌، كه‌ نه‌رویج بوو، 7600 چاپه‌مه‌نێن نه‌رویجی هاتینه‌ فرۆتن، 250 سیمینارێن TV تێدا ڤه‌كرینه‌، 960 هه‌والێن ڕادیۆیێ تێدا په‌خشكرینه‌، 100000 كه‌س سه‌ردانا كردینه‌، 120 سیمینار تێدا سازكرینه‌، 200 نڤیسه‌ر سیمینار هه‌بووینه‌ و 100 نڤیسه‌ر پرۆگرامێن جودا هه‌بووینه‌.

17

شه‌ش ڕۆژ ل سنه‌
سالار عوسمان
پشكا سیێ و دووماهیێ
نابیت ڕۆژنامه‌نڤیس یێ په‌لامارده‌ر بیت!.
د ڤێ گه‌شتا كلتووری دا، زۆر تشتان سه‌رنجا من ڕاكێشا، لێ یا دیارترین ب زۆزی میدیاكاران بوو، كو واز لێ نه‌دهینا هه‌تا نووچه‌، داخویانى و په‌یڤینێن وان چنگ نه‌كه‌فتبانه‌، ژبلى میدیا فه‌رمی، هه‌ر چه‌ند گه‌نجه‌كان سه‌رێن خوه‌ پێكڤه‌نابوون و ماڵپه‌ڕ، یا ڕۆژنامه‌كا دیجیتال بۆ خوه‌ دروست كرینه‌ و ب زۆز و ڕۆحسڤك ب دووماهی هه‌والن.
ب مه‌به‌ستا ل پا ب زۆزی دا من به‌حس ل ڕۆحسڤیكا وان دكر، چونكو ڕۆژنامه‌نڤیس دڤێت یێ رحسڤك بیت، ده‌ڤێت ڕاكێشه‌ر بیت، دڤێت جوان ڕه‌فتارێ بكه‌ت و د خزمه‌تا گشتی دا بیت، ب كورتی من دڤێت بێژم: ڕۆژنامه‌نڤیس نابیت په‌لامارده‌ر و هێرشبه‌ر و ڕوح زڤر و زمان زبر بیت، كو ب داخ ڤه‌ ل ڤێره‌ و ل وێرێ هنده‌ك دبینین زۆر نه‌شرینن، نه‌شیرنن هه‌تا وى ڕاده‌ی مرۆڤ بێزیان لێ ده‌كاته‌وه‌ !.
ئێك ژ هه‌والێن نه‌خۆش یێن ژیانا من!..
كو د سلێمانیێ دا تێپه‌ڕین و ل رێیێ ژى، كو به‌ر ب سنه‌ ڤه‌ دچووین، چه‌ند جاران ل گه‌ل هه‌ڤگه‌شتێ من به‌حس كر، كو زۆر بیر ل دكتۆر عزه‌دین مسته‌فا ڕه‌سوول دكه‌م و ل ڤه‌گه‌ڕیانێ ژى دا ده‌رفه‌ت هه‌یه‌ و دچینه‌ خزمه‌تێ، لێ، وه‌ك ئه‌وا ل نه‌سته‌ما مه‌رگێ وى زه‌لامێ مه‌زن هه‌ڵگرتبوو، ل سنه‌، ل نێڤ گه‌رما كارێن پێشانگه‌ها نێڤده‌وله‌تی یا كتێبێ په‌یامه‌ك گه‌هشته‌ من، په‌یامه‌كت زۆرا نه‌خۆش، په‌یامه‌ك، دكارم بێژم، ئێكێ ژ په‌یامێن زۆر نه‌خۆشێن ژیانا من، په‌یامێ مه‌رگێ د. عیزه‌دین ـ یێ مامۆستا من یێ مه‌زن!..
له‌ دووماهى ڕۆژێن پێشانگه‌هى بووین، برایێ منێ عه‌زیز د. به‌ختیاڕ سه‌جادی ته‌له‌فۆن بۆ من كر و و ئه‌ز هایداركرم، كو كۆڕه‌كێ بیرهاتنێ بۆ وه‌غه‌را پڕ خه‌مبار بۆ د. عیزه‌دین مسته‌فا دێ هێته‌ ڕێخستن و بریاره‌ ئه‌و و به‌نده‌ به‌حسه‌ بكه‌ین و چه‌ند په‌یڤه‌وفایه‌ك بكه‌ینه‌ گه‌ردنائازایا ڤى كۆڕێ بیرهاتنێ، من زۆرم پێ باش بوو و خوه‌ كو ئاخفتنا مه‌ ل وى كۆڕی كرى، مه‌ گۆت ئه‌ڤ وه‌فایه‌ بۆ پیاوه‌كێ مه‌زن، پیاوه‌ك كه‌ هه‌موو كورد دڤێت شانازیێ پێ بكه‌ت!..
وه‌كو ڤه‌گه‌ڕاینه‌ڤه‌، ل سلێمانیێَ ئێكه‌م وێستگه‌ها مه‌ سه‌ردانا وێ پرسێ بوو، ل وێرێ، هه‌ڤال ل گه‌ڵ مامۆستایێ منێ شیری دكتۆر دلێر مسری، چووینه‌ تازیێ و قه‌یره‌ك ژ كول و كۆڤانان ژ لایێ ڕۆناك خان و دكتۆره‌ یار و باده‌ خان ماینه‌ڤه‌ و ب قوڕگ و ئاخینك و گریان ژى ڤه‌ مه‌ سلێمانی بجههێلا!.
ڕۆژا دووڤداتر ژى ل گه‌ڵ هه‌ڤالێن خوه‌ ل هه‌ولێر و ل مزگه‌فت جه‌لیل خه‌یات، ژپیڤه‌ ل تازیا پرۆفیسۆر و زانا و دانا و مامۆستایێ من وه‌ستاین و… ئێدى ل وێ مه‌ودایێ، ب بێ پرۆفیسۆر، ژیان و جڤاتا ئه‌ده‌بی و كلتووری یێن مه‌ چ مانایه‌؟!..
ل به‌رامبه‌ر شیعر و سۆزا ڕێزلێنانێ و قورئانی نگڵ!..
هه‌ر ئه‌و ڕۆژا یادا پرۆفیسۆر دكتۆر عزه‌دین مسته‌فا ڕه‌سوول ـ مه‌ كر، كۆمه‌ك ژ شاعیران به‌رامه‌ پژین كرین و هه‌ردیسا چه‌ندین په‌یڤین سه‌باره‌ت شیعر و دووڤداتر ژى ڕێوڕه‌سم پڕ سۆزی ڕێزلێنان ل كۆمه‌كا داهێنه‌ر و شاعیران، مه‌ هه‌موویان ب دیار چرایێن وه‌فایێ كۆمكرین، كو ڕێدار سابیری شاعیر ئێك بوو ژ وان شاعیرێن، كو هه‌م شیعرا خوێندێ و هه‌م ژى ڕێز لێ هاته‌ كرن، كو دیاره‌ ناڤبرى ئێك بوو ژ ئه‌ندامێن شاندێ وه‌زاره‌تا ره‌وشه‌نبیری و لاوان.
دووماهى ڕۆژ ژى وه‌كو هاتینه‌ڤه‌، ل ڕێیێ و ل ناڤ شووسه‌ و سه‌وللا ل سه‌رێیا مه‌ ل مزگه‌فتا نگل دا، كو قورئانا نگڵ ـ یا لێ و دیاره‌ ڕیوایه‌تا جودا ژى سه‌باره‌ت ڤێ قورئانا ده‌ستووسه‌ مێژوویی یه‌ هه‌س!..
له‌ دووماهیێ دا دڤێت ناڤێ شاندى ژى بۆ مێژوویێ بنڤیسم، كو پێكهاتى بوون ژ (ڕێدار سابیر، سمكۆ محمد، مه‌هدی بێداوی، ئه‌یوب ڕۆسته‌م، نه‌هرۆ هه‌ینی، عه‌تا محمود، سه‌لام عه‌لی، هۆشیار عوسمان، جه‌لال ئه‌حمه‌د، ئه‌یاد نه‌قیب، شێروان فاروق و سالار عوسمان)٫
ـ دووماهى په‌یڤ ژى، سۆپاس بۆ هه‌موو ئه‌وێن به‌ره‌كى دئێخه‌نه‌ سه‌ر دیوارێ كه‌ڵه‌كا ره‌وشنبیریا كوردی!..

8

د. سالار عوسمان
پشكا ئێك
بۆ جارا سیێ یه‌ دچینه‌ ڕۆژهه‌لاتا كوردستانێ، ئه‌ڤ جاره‌ ژى (ئێكی ئۆكتۆبه‌را 2019)، وه‌كو گه‌هشتینه‌ سنوورێ باشماخێ، خه‌مه‌كا كوور ئه‌م داگرتین، مانێ دڤێت بۆ سنوورێن مه‌، ڕێگوبان و ده‌روازه‌یێن مه‌ د وه‌سا بن، ب ناز و ب خزمه‌ت؟!…
حورمه‌ته‌كا زۆر ل مه‌ گرتن و هه‌ڤالێن ل گه‌ل شاندێ فه‌رمی ئه‌م په‌ڕینه‌ڤه‌، لێ ئه‌وجهێ دى خراپتر بوو!.. دێ، ژ وان پشكه‌ك ژ قه‌ده‌را مه‌ دیتی ئه‌و دیمه‌نێن بێ نه‌زانه‌ بیت!.. له‌ورا (سوهراب) گۆت: پێدڤیه‌ به‌رده‌وام چاڤێن خوه‌ بشۆین!..
ها، ل ژبیرا من نه‌چیت، ئه‌ز به‌حسێ سه‌فه‌را شاندێ وه‌زاره‌تا ره‌وشه‌نبیری و لاوان یا حوكمه‌تا هه‌رێما كوردستان دكه‌م بۆ سنه‌یێ، بۆ پشكداریكرن د نه‌هه‌مین پێشانگه‌ها نێڤده‌وله‌تی یا كتێب دا له‌ سنه‌.
پشتى نیڤڕۆ گه‌هشتینه‌ مه‌ریوان، ئه‌و باژارێ زۆر ماندى و خه‌مه‌كا زۆر ژى له‌ نیگاكانیا، پشتى نانخوارنێ، سه‌ره‌ك مه‌ ل بازاڕى دا، وه‌ك هه‌ردو سه‌فه‌رین پێشین، له‌ سه و سایه‌ و سێبه‌را دار و دره‌ختێن مه‌ریوان مه‌ چایه‌ك ڤه‌خوار و دووڤدا به‌ده‌م ڤه‌گه‌ڕیاینه‌ڤه‌
گه‌هشتینه‌ سنه‌، دیسا ئاویه‌ر ل ئامێزا وێ گرتینه‌ڤه‌، سنه‌ و ئاویه‌ر، وه‌ك هه‌ولێر و قه‌ڵات، سلێمانی ئه‌زمڕێ، دایك و كوڕ ژێك جودانابن، له‌ هۆتێلا بزگوڕمان نڤستین، هه‌نده‌ك ژ مه‌ ل هۆتێل جهانگه‌ردی و هنده‌ك ژ مه‌ ل هۆتێلا شادی، كو ستافێ هه‌ردو هۆتێلێن میڤاندۆستن و ب خوارن و خزمه‌تێ ژى، كورد و ته‌نێ، ئه‌لحه‌قی دبێ قسویرن!..
رۆژا دی، واته‌ دوی ئۆكتۆبه‌رێ، پشتى تێشتێ، به‌رى ل ده‌ستپێكا ڕێوڕه‌سملن، مه‌ سه‌ره‌ك ل ستاندێ وه‌زاره‌تێ دا و پتریا كار د ته‌مام كربوون و ئه‌و سه‌رنجانه‌ ژى، كو هه‌مان بوو، پێكڤه‌ مه‌ چاره‌سه‌رمان كر.
ڕێوڕه‌سمان ده‌ستپێكر، كۆمه‌كا گۆتاران پێشكه‌شكرن، گۆتارا وه‌زاره‌تا ره‌وشه‌نبیری و لاوان ـ مه‌ پێشكێشكر. ژ پێشوازیێ، بێده‌نگیا هۆڵێ و چه‌پڵه‌ڕێزانا ئاماده‌بوویان ئه‌وا مه‌ خواندی، كو گۆتار زۆر ب دلى بوو، دووڤداتر ژى، ل دیمانه‌ و دیدارێن لابه‌لا ژى هه‌ر ئه‌و بهیستى، كو گۆتارا وه‌زاره‌تا ڕه‌وشه‌نبیری و لاوان یا حوكمه‌تا هه‌رێما كوردستانێ ب دلى چه‌سپی بوو، ڕاسته‌ مه‌ به‌حسێ چه‌مكگه‌ل یا (په‌یوه‌ندی، كلتوور، كتێب و ئاشتی دناڤبه‌را گه‌لان دا) كر، لێ ئه‌وا پتر سه‌رنجا ئاماده‌بوویان ڕاكێشاى، ڕۆحا كوردێن گۆتارێ بوو، تایبه‌ت ده‌مێ مه‌ گۆتى: “سنه‌ و هه‌ولێر هه‌مان سۆزمان پێده‌به‌خشن و ئێمه‌ میوان نین و ئێوه‌یش كه‌ دێنه‌ هه‌رێمی كوردستان میوان نین!.”
ئه‌ڤ ساله‌ ژى، واته‌ بۆ سالا سیێ شه‌ریتا پچڕاندى یا پێشانگه‌هێ ب مه‌ هاتنبوو ده‌سپێرین و ئه‌م ژى ب سۆپاسى ڤه‌ پێشانگه‌هێ ڤه‌دكه‌ین و ل وێرێ و ل ڤێره‌ ژى هیڤیا سه‌ركه‌فتنێ و به‌رفره‌هبوونێ بۆ پێشانگه‌هێ دخوازین.
كۆمبوون ل گه‌ل بریكارێ وه‌زاره‌تا ره‌وشه‌نبیری یا ئێرانێ
هه‌ر ل ڕۆژا ئێكێ دا، ل گه‌ڵ خانم (د لادن حه‌یده‌ری)، بریكارێ وه‌زاره‌تا فه‌رهه‌نگ و ئیرشادت كۆماری ئیسلامی یا ئێرانێ كۆمبووین، ئه‌وان ناڤ ل وه‌زاره‌تا ره‌وشه‌نبیری ناڤێ فه‌رهه‌نگ و ئیرشادێ، ئه‌ڤ جوداهی ناڤ و ناڤلێنانا ل هه‌موو دونیایێ دا هه‌ی، هه‌تا تێكه‌لكرنا بوارێن وێ ژى، بۆ نموونه‌ وه‌رزش و لاوان یا مه‌ تێكهه‌لی ره‌وشه‌نبیریێ كریه‌ و پێشتر ژى دو وه‌زاره‌تا جودا و سه‌ربه‌خوه‌ بوون، هه‌ندێ وه‌لات گه‌شتوگوزار و هندێ وه‌لاتێ وان ئایین خستینه‌ ناڤ كلتوورى و ئێدى هه‌ر وه‌ڵات ل دووڤ تێگه‌هشتن و ئارمانجێن ڤێ ناڤلێنانێ و تێكه‌لكاریێ د بوارێن وێ دا هه‌س!..
(خانم حه‌یده‌ری) ژنه‌كا هێمنه‌، دكتۆرا د یاسایێ دا هه‌یه‌ و به‌رى هندێ ببیته‌ ب بریكار، ڕێڤه‌به‌را یاسایى یا دیوانا وه‌زاره‌تێ بوویه‌ و جارا ئیكێ یه‌ ژى پشكداریێ د پێشانگه‌ها نێڤده‌وله‌تی یا كتێبێ دا دكه‌ت له‌ سنه‌.
د ڤێ دیدارێ دا مه‌ به‌حس له‌ په‌یوه‌ندیێن كلتووری دا كر و ڕۆڵێ مه‌ یێ كتێبان د ژیانا گه‌لان دا و پرس و پرۆسا خستنه‌ڕوویێ و هیڤیا وێ چه‌ندێ ژى مه‌ خواست، كو بایه‌خه‌كێ پتر ب پێشانگه‌ها پارێزگای كوردستان/سنه‌ بده‌ت و به‌رفره‌هتر لێبهێت.
هه‌ر د ڤێ دیدارێ دا مه‌ به‌حس له‌ بایه‌خ و گرنگیا هه‌ردو پێشانگه‌هێن نێڤده‌وله‌تیی هه‌ولێر و تاران ژى كر و مه‌ جه‌خت ژى ل وێ ئێكێ كر، كو دبیت كلتوور ئاشتیانه‌ ب جوداهى گفتوگۆیێ بكه‌ت.
دمینیته‌ڤه‌ بێژم: پێش ڤێ كۆمبوونێ، ئه‌و ده‌مێ ل گه‌ڵ (خانم حه‌یده‌ری) سه‌ردانا ستاندێ وه‌زاره‌تا ره‌شه‌نبیری و لاوان یا حوكمه‌تا هه‌رێما كوردستانێ كرى، ب دیاری كتێب مه‌ پێشكێش كر، كو تایبه‌ت بوو ب زمان و مێژوو و جوگرافیا هه‌ورامانێ.

به‌شی دوویێ
د. سالار عوسمان
قوتابخانا ئه‌برار، نموونه‌یه‌كا بالكێش و جوان!..
له‌ ڕۆژا سیێ ژ گه‌شتا مه‌، ل سه‌ر داخوازا خوه‌ مه‌ سه‌ردانا قوتابخانا ئه‌برار كر، ئه‌و قوتابخانا كچێن وێ نه‌ك هه‌ر د زیره‌ك بوون، ژیر و دووربین ژى بوون، پێشوازیه‌كا گه‌رم ل مه‌ كرن، بابێ هنده‌ك ژ قووتابیان ژی، ب مه‌به‌ستا دیدار و گه‌نگه‌شێ، ته‌شریف ئێنابوو!..
مامۆستایان و ڕێڤه‌به‌رێ قوتابخانێ ژى زێده‌ى رادێ په‌رۆشێ زانست و پێشكه‌فتنێ بوون، زۆر ب په‌رۆشى داخوازیا وان دكر، نموونا قوتابخانا سه‌ركه‌فتى بوو، مه‌ دیتن و به‌حس ل چیرۆكا سه‌ركه‌فتنا خوه‌ ژى بۆ ئه‌وانێن دیتر بكه‌ن، من ژى به‌ڵێنی وێ چه‌ندێ پێ دان، كو ڤى به‌سى ل گه‌ڵ هه‌ڤالێ منێ عه‌زیز وه‌زیرێ په‌روه‌رده‌ بكه‌م.
نموونا بالكێش چ بوو؟ .. ئه‌وان هۆلا خواندنێ یا تایبه‌ت بۆ مامۆستایان ڤه‌كربوو، نه‌ك بۆ قوتابیان، بۆ نموونه‌ هۆلا جوگرافیێ، تایبه‌ته‌ ب مامۆستایێ جوگرافیایێ ڤه‌ و یێن دیتر قوتابیانن، ل هه‌ر پۆله‌كێ بن، كو وانه‌یا جوگرافیا وان هه‌كه‌ هه‌بوو دێ هێنه‌ وێ هۆلێ و … ژبیرا من ژى نه‌چیت، هه‌ر هۆله‌كێ ب گۆره‌ى سروشتا وانێ جوان ڕازینراوى، بۆ نموونه‌ هۆلا جوگرافیێ پێكهاتی یى ژ نه‌خشه‌ و هێما و ئاماژێن زانستێ جوگرافیێ و یێن دیتر ژى بۆ زمانێ ئینگلیزی ژى هۆڵه‌كا تایبه‌ت و ڕازاو و په‌یوه‌ندار ب زمانێ ئینگلیزی و …هتد.
ـ ژ دل مه‌ ده‌ستخۆشی لێكرن و 100 دانه‌ ژ كتێبێن كوردی رژى مه‌ وه‌ك دیاری پێشكێشی كتێبخانا وان كر.
هه‌ڤژینا (عه‌باسی كه‌مه‌ندی) گله‌یی ژ هونه‌رمه‌ندان هه‌یه‌!..
هه‌ر ل میانا وێ گه‌شتا كلتووریا شه‌ش ڕۆژی دا، سه‌ردانا مالا خانما شاعر (سیمین چایچی) مه‌ كر و مه‌ گۆه ل په‌رۆشا وێ خانمێ گرت، سه‌باره‌ت دونیایا ئه‌ده‌بیاتان، چونكو خانم چایچی هه‌ر ته‌نێ شیعرێ نانڤیسیت، د ئه‌ده‌بێ زارۆیان ژى دا خودان بیرۆكه‌ و به‌رهه‌م و خه‌م كویره‌!..
هه‌ڤال ل گه‌ل شاندى چووینه‌ مالا هونه‌رمه‌ندێ مه‌زنێ كورد (عه‌باس كه‌مه‌ندی)، ل وێرێ سرۆر خانا خێزانا وى و سه‌میره‌ خان كچا وى پێشوازیه‌كا كوردانه‌ ل مه‌ كرن و به‌ده‌م شه‌وچه‌ر ڤه‌، به‌شێ ل لاپه‌رێ یادگاریا ئالتۆنیێن (كه‌مه‌ندی) گه‌وره‌مان هه‌ڵدایه‌وه‌ و له‌ ناڤ په‌یڤینان دا سروور خانا هه‌ڤژینا كه‌مه‌ندی گله‌یی ل پشه‌ك ژ هونه‌رمه‌ندانه‌ كر، كو ژبلى وێ چه‌ندێ كو ئیزنێ وه‌رناگرن، ب سه‌قه‌تی گوهۆرینێن كه‌مه‌ندی دبێژن مه‌زاج و ڕۆحا كه‌مه‌ندی و یا مه‌ و هه‌وادارانێ ده‌شێوێنن!.. پێش وان دو سه‌ردانان ژى، ئێڤاری سه‌ره‌ك مه‌ ل گۆڕه‌پانا ناڤداران دا، كو ل به‌رزایانێن ئاویه‌ر و د باخچه‌یه‌كێ جوان دا په‌یكه‌رێ كۆمه‌كا ناڤداران ب مه‌زنی ڤه‌ دچنه‌ سنه‌، ل وێرێ ڕۆحا مه‌ تژی كر ژ مه‌زنیێ، چونكو كورد كه‌سایه‌تیێ زۆر مه‌زنێ هه‌ست و پێدڤیه‌ به‌رده‌وام، نه‌وه‌ پشتى نه‌وه‌ى ب مه‌زنیڤه‌ بنیاسین و یادا وان بكه‌ین!..
د حزوورا ڕۆحا (سه‌ید عه‌لی ئه‌سغه‌ری كوردستانی) دا
كو ل گه‌ڵ هه‌ڤالێ عه‌زیزى (ڕێدار سابیر) شاعر و ب یاوه‌ریا برایێ به‌ڕێز (حه‌مید ڕه‌زا) برێكه‌فتین بۆ (سه‌ڵوات ئاوا)، قه‌یرێك مه‌ به‌حس ل مه‌زناهیا وى زاتى كر، كو چاوا شه‌ڕێ سه‌رده‌مێ خوه‌ كریه‌ و پڕ ب مه‌زنیا زێڕینا خوه‌ هاوار كریه‌: (ڕۆژی جه‌ژنه‌ چاوه‌كانم مه‌وسیمی ئازادیه‌ …).
نێزیك بووینه‌، مه‌زاره‌كێ ب هه‌یبه‌ت، مه‌ هه‌موویان، وه‌ك وێ چه‌ندێ ئێك هه‌ست مه‌ هه‌بیت، بێده‌نگ بووین، ب بێده‌نگی له‌سه‌ر مه‌زاره‌كى دا وه‌ستاین و نزا و دروودا مه‌ بۆ ڕۆحا پاكا وى مرۆڤێ مه‌زن هنارت.
هه‌ر بۆ پتر زانیاری، مه‌زارێ بابێ وی ژى ل ته‌ك خوه‌دایه‌ و هه‌قه‌ ئه‌ڤێ ژى بێژین، كو ل ناڤ خێزانه‌كا ئایینی دا و ل وى سه‌رده‌مى و ڕووكرنا هونه‌رێ سترانێ، هه‌لویست دڤێت، هه‌ڵویسته‌كێ پڕ و پڕ ژ شانازیێ!..
كورته‌یه‌ك ژ ژیانا هونه‌رمه‌ندێ مه‌زن.
سه‌ید عه‌لی ئه‌سغه‌ری كوردستانی، كو هند ل توێژه‌ران و مێژوونڤیسان ب پێشه‌نگێ سترانا كوردی دادنن، كوڕێ سه‌ید نیزامه‌دینێ كوڕێ سه‌ید جامی ـ یه‌ و ل سالا 1882 له‌ ئاوایێ (سه‌ڵوات ئاوا) نێزیك باژارێ (سنه‌) ژدایك بوویه‌.
ل ته‌مه‌نێ 22 سالی دا ل گه‌ل (ماه شه‌ره‌ف خاتوون) ژیانا هه‌ڤسه‌ریێ پێكئێنایه‌ و پێنج زارۆ ب ناڤێن: (عه‌بدولئه‌حه‌د، مه‌سیح، سه‌ید عه‌لی ئه‌شره‌ف، زارا و شه‌رافه‌ت) بووینه‌.
كوردستانی، شیعرا شاعیرێن مه‌زنێن كورد كرینه‌ ستران و زێده‌تر ژ 14 مه‌قام و سترانێن ب نرخ بۆ بجێهێشتووینه‌.
هونه‌رمه‌ندێ مه‌زنێ كورد (سه‌ید عه‌لی ئه‌سغه‌ری كوردستانی) ل ته‌مه‌نێ 55 سالی دا وه‌غه‌ركریه‌ و له‌ ئاوایه‌كێ خوه‌ی دا ب خاكسپاردیه‌.

30

د. سالار عوسمان
ڕێگه‌چاره‌ چنه‌؟..
وه‌كو دبێژین جه‌هل و برساتی دو گرفتێن مه‌زنێن ل ناڤا ژیانا كورده‌وارییێ نه‌، هه‌رده‌م گرفتێن دیتر یێن نه‌هێنه‌ دیتن ناگرین، ئێك ژ كۆمێنتێن نڤیسای: خیانه‌ت ژى گرفته‌كا مه‌زنه‌، ئێكا دیتر ژی ژ ب نامه‌یه‌كێ بوو، كو: حه‌سوودى … ئێدى دبیت ڤان گرفتێن دى ژى لێ زێده‌ بكه‌ین، لێ دیسا دبێژمه‌ ڤه‌: سه‌رچاوه‌یێ هه‌موو گرفتێن دیتر ژى هه‌ر جه‌هل و برسیاتی یه‌، هه‌كه‌ مرۆڤ، خێزان و جڤاك ب زانین ڤه‌، زانینێ ژى دگه‌ل خوه‌دا به‌رهه‌مهێنانا وێ هۆشیاریا ئینسانی بیت، كو مرۆڤ سه‌نته‌ره‌ و چێدبیت، هه‌موویان وه‌ك ئێك دبن سایا قانوونێ دا سه‌روه‌ر بن، ئێدى ئه‌و زانین و وه‌كهه‌ڤى، دگه‌ل ژی دا په‌روه‌رده‌یه‌كا پته‌و، وه‌لێ دكه‌ت كو ژیان ب ڕاسته‌ڕێیا خوه‌ڤه‌ بچیت و هه‌رگیز مرۆڤ بیر ل خراپیێ نه‌كه‌نه‌ڤه‌.
دیسا وه‌سا دبینم، ئه‌ڤ جه‌هله‌ چاڤێن مرۆڤ تاری دكه‌ت و حه‌ساده‌تێ ژ ڕۆناهێی ڤه‌دكه‌ت، ئه‌و برسیاتی مرۆڤى ژ زێنده‌وه‌ره‌كێ ئینسانیه‌ڤه‌ دكه‌ته‌ گه‌نده‌له‌كێ دڕه‌نده‌ و وه‌سا دبینیت كو حه‌رام و حه‌لال هه‌ر یا وى یه‌، له‌ورا دڤێت ژێده‌رێ گرفتان بكۆژین، كو جه‌هل و دووڤداتر برساتی یه‌!..
به‌ر وێ كو بهێمه‌ سه‌ر ڕێكه‌چاره‌یان، پێدڤیه‌ به‌رسڤا وێ چه‌ندێ بده‌ینه‌ڤه‌، كو د فیتڕه‌ت دا هنده‌ كه‌س، بۆ نموونه‌ حه‌سوودن، یان ڕه‌زیلن، یانژی خیانه‌تكارن، ژینگه‌ و په‌روه‌رده‌ و سیسته‌م د وى په‌ڕێ باش ژى دابیت، ژیان سه‌راپا زانین و تێریی و یه‌كسانێی ژى بیت، ئه‌ڤ جۆره‌ خه‌لكه‌ هه‌ر ئه‌ون و ب كورتی، گه‌ر گرفت د فتیڕه‌ت دا بیت جودایه‌ و دڤێت جۆرێ گفتوگۆیێ و چاره‌سه‌ره‌یێن سه‌ریه‌كی ژى بگوهۆڕین، لێ ئه‌وا ئه‌م به‌حسی ژێ دكه‌ین، گرفتێن ده‌رڤه‌ی فیتڕه‌تا ئینسانى یه‌.
خواندن و دادپه‌روه‌ریی، دو ڕێكا چاره‌ی بنه‌ره‌تی

بۆ ڤان دو گرفتێن سه‌ره‌كی (جه‌هل و برساتی)، هه‌م دیسا بۆ هه‌مى گرفتێن دیتر ژى، مه‌ پێدڤی ب چاره‌سه‌ریا بنه‌ڕه‌تی هه‌یه‌، كو یا ئێكێ ژ وان خواندنه‌، خوێندنا باش، نه‌ك ئه‌و خواندنا، ب داخڤه‌ ل وه‌لاتێ مه‌ هه‌ی، خواندنه‌ك كه‌ساتیه‌كێ بۆ دروست بكه‌ت و ده‌ستێن ته‌ بگریت بۆ به‌رسڤا هه‌مى پرسان، خواندنه‌ك هێزا بیركرن و دانوستاندنێن ته‌ پێ ببه‌خشیت!..
ئه‌ڤ خواندنه‌ مرۆڤى ب هێز دئێخیت، دپه‌ڕێنته‌ڤه‌ بۆ ره‌وشه‌نبیریێ، مانێ جوداهی د ناڤبه‌را خواندنا مه‌ و ئه‌ورۆپیان دا ئه‌وه‌، كو ئه‌و ژ رویێ خواندنێ ڤه‌ دپه‌ڕنه‌ڤه‌ بۆ ره‌وشه‌نبیریێ و یا مه‌ ژى ئه‌وه‌ حالێ زانكۆیێن مه‌ و ئه‌و ژى حالێ زانایێن ب باوه‌رنامه‌، كو پشكه‌كا زۆرا وان نكارن، خوه‌ هه‌لگرێ پرسیارا كویر ژى بن، نه‌ك ڕۆڵ دیتنن ل د دانا به‌سڤێ دا ژى، ئه‌ڤه‌ ژبلى وێ ئێكێ كو هێزا بیركرنێ و دیالۆكێ د جڤاكێ كوردی دا زۆرا خرابه‌!..
دادپه‌روه‌ریا چاره‌سه‌ر یا دوویێ یه‌، دڤێت هه‌ر حوكمه‌ت نه‌، هه‌مى پێكڤه‌ دادپه‌روه‌ر بن، ئه‌ڤ تێگه‌هشتنه‌ یا وه‌سایه‌، كه‌ هه‌ر حوكمه‌ت به‌رپرسه‌ ژ دادپه‌روه‌ریێ، تێگه‌هشتنه‌كا سیاسی یه‌ نه‌ك زانستی، ب كورتی: دادپه‌روه‌ریی كاری هه‌میانه‌، ل ده‌ستپێكێ ژى یا خێزانانه‌، ئه‌ڤجا قوتابخانه‌ و پاشى یاسا و دووڤداتر حوكمه‌ت، هه‌كه‌ دادپه‌روه‌ری وه‌ك كلتوور، وه‌ك بنه‌مایێ قانوونی و دووڤداتر ژى وه‌ك هێزا جێبه‌جێكرنێ هه‌بیت، ب پشتراستى ڤه‌ زۆر ژ گرفتێن مه‌ چاره‌سه‌ر دبن، چونكو هینگى هه‌ڤوه‌لاتی هه‌ست ب سته‌م و نه‌یه‌كسانیێ ناكه‌ت و ڕێك وه‌ك پشداره‌ك به‌رپرسیاریێ ب ستویى ڤه‌ دگریت وه‌لات و بهایێن وى، به‌رپرسیاتی و ئه‌ركێن وى ژى ب یێن خوه‌ دزانیت!..
ل دووماهێی من دڤێت بێژم: جه‌هل ده‌رده‌كێ مه‌زنه‌ و ب خواندنێ و ڕه‌وشه‌نبیریێ چاره‌سه‌ر دبیت و برساتى ژى پڕه‌ ژ هاوارێن تێكده‌رانه‌، دادپه‌روه‌ریی، ئێمن و ئارام ڕێكدئێخیت!..
وه‌لات، ژیان، ل سه‌رێ هه‌مى ئارشیانه‌ مرۆڤى پێدڤی ب ژیانه‌كا ڕۆهن هه‌یه‌ و ل ناڤ وێ ژیانێ ژى دا پێدڤیه‌ ئارام و یه‌كسان بژی، یانكو ل پێناڤى ژیانێ یه‌، بلا جه‌هل و برسیاتیێ بكۆژین!!..

10

د. سالار عوسمان
وه‌ك هه‌ر نه‌ته‌وه‌یه‌ك، كوردان ژى گرفتا تایبه‌ت ب خوه‌ڤه‌ هه‌یه‌، ب من وه‌ره‌، ب دووڤ ته‌مه‌ن، خواندن و ئه‌زموونا خاكه‌ڕای یا خوه‌ پێگه‌هشیم، سه‌ره‌كیترین گرفتا كوردان ژ (جه‌هل) و (برسیه‌تی) پێكدهێت. جه‌هل، ئاسته‌نگا مه‌زنا ل به‌رامبه‌ر بیركرن و نێرینیێ یه‌!.. كو جاران دگۆتن (جه‌هل تاریكی یه‌ و زانین ڕۆناهی یه‌)، گۆتنه‌كا زۆرا ڕاسته‌ و هه‌تا ژیان مایه‌، پێدڤیه‌ ئه‌ڤ حیكمه‌ته‌ ب پیتا ئاڵتۆنى بهێته‌ ناساندن، چونكو: ـ جه‌هل لێناگه‌ڕێت بیرلێ بهێته‌ كرن. جه‌هل لێناگه‌ڕێت بگه‌هیته‌ سه‌رچاوه‌یێن ڕۆناهیێ. ـ جه‌هل مرۆڤى به‌ر ب خوارێ ڤه‌ دبه‌ت. ـ جه‌هل ناهێلێت ب یه‌كسانی هه‌موو ژیان، گۆشه‌ و جیاوازیان ببینیت. ـ جه‌هل بینینكوژه‌ و تو د تاریێ دا جێدێڵێت!.. ل دووڤ ڤان كورته‌ پێناسه‌یان، جه‌هل نه‌خۆشی و ئافاته‌كا مه‌زنه‌ دناڤا ژیانێ دا، له‌وه‌ته‌ی هه‌ین ل گه‌ل ڤێ نه‌خۆشیێ دا دژین، ل كۆیا ده‌رفه‌تا ئازادیێ ڕه‌خسا بیت و ئازادانه‌ ژیابین، شه‌ڕی جه‌هلێ مه‌كریه‌، لێ دوژمن، دوهی ب به‌رنامه‌ڤه‌ جه‌هل خستیه‌ ناڤ ژیانا مه‌، ئه‌ڤڕۆ و نها ژى یا به‌رده‌وامه‌، هه‌ر بۆ نموونه‌: ئه‌ڤ ده‌ردێ پۆپۆلیزم، یان ئه‌ڤ زمانپیسیا ل ناڤ میدیا سیاسی دا هه‌ی و خوه‌ پشكه‌ك ژى ژ وێ ڕق و كینا كوور ل ناڤ تاكێن جڤاكى ژى دا یا هه‌ی، هه‌موو سه‌رچاوێ وى جه‌هله‌، ئه‌و جه‌هلا دوژمنى ب به‌رنامه‌ ڤه‌ دروستی كری و مه‌ ب خوه‌ ژى نه‌شیاینه‌ چاره‌سه‌ر بكه‌ین، ئه‌گه‌ر نه‌ كیش سیاسیێ كورد هه‌یه‌ ل زیان و كاریگه‌ریا خراپ یا پۆپۆلیزم تێنه‌گه‌هیت و كیش میدیاكارێ كورد هه‌یه‌ ژ ئاكامێ پڕ ئافاتا ڕژاندنن ژه‌هرا زماپیسیێ دا زال نه‌بیت و هه‌م دیسا كیش زانا و دانایێ كورد هه‌یه‌، د وێ ڕاستیا سه‌لماندى نه‌گه‌هیت، كو ڕقا ڕۆخێنه‌ر و دڤێت ئه‌م هه‌موو ژ دژی كه‌رب و كینێ دا رابوه‌ستین، كه‌واته‌ ئه‌و جه‌هل و یاخى یا گرتین، ئه‌وه‌ جه‌هل هاتیه‌ ڕێژتن بۆ ناڤ ژیانا مه‌، ئه‌وه‌ جه‌هل و چوویه‌ د ناڤ دامه‌زراوه‌یان و گۆشه‌ و گه‌ه و هوورده‌كاریێن جڤاكى دا!.. دخوازم بیژم، دوهی و ئه‌ڤڕۆ و سوبه‌هى ژى، دوژمن ب به‌رنامه‌ڤه‌ جه‌هلێ ل ناڤ جڤاكێ كوردی به‌لاڤ ده‌كه‌ت، به‌لێ ئه‌وا مای خه‌م و هه‌لویسته‌، ئه‌م ب خوه‌ مه‌ به‌رنامه‌ نینه‌ بۆ چاره‌سه‌ریێ، مه‌ به‌رنامه‌یه‌ك نینه‌ بۆ جه‌هلكوشتنێ!… زانین و زانست و ناڤه‌ندێن زانستی یێن كوردستانێ نه‌بووینه‌ جهێ بایه‌خێ، حوكمه‌ت كێمترین سوود ژ زانكۆیان وه‌رده‌گریت، زانكۆ د ئاسته‌كێ باش دا نینن، هنده‌ك ژ زانكۆیێن مه‌ ته‌مه‌ت مۆڵه‌كێ بایه‌خ پێ ناهێته‌ دان، پشكه‌ك ژ زانكۆیان بووینه‌ سه‌نته‌رێ بازرگانیێ، پتریا ڤه‌كۆلین و نامه‌ و تێز و تۆژینه‌یێن ئه‌كادیمی ل سه‌ر ڕه‌فێن كتێبخانه‌یان تۆز كه‌فتینه‌ سه‌ و كاری پێ ناهێته‌ كرن، زانكۆیێن مه‌ ژ ناڤه‌ندێن زانستى بووینه‌ یێن به‌خشینا باورنامه‌ و نها، مخابن باوه‌رنامه‌یێن كه‌سایه‌تی زانستی دروست ناكه‌ن، هندی پێگه‌هێ جڤاكی ب هێز دكه‌ت و وه‌ك فۆرمه‌كا بێ ناڤه‌رۆك نه‌وه‌یێن مه‌ بێ ئۆمێد دكه‌ت!.. د جڤاكه‌كى دا ئه‌وه‌ حالێ زانكۆ و زانست بیت، بێگومان جه‌هل دمینیته‌ڤه‌ و چاره‌سه‌ری زه‌حمه‌تتر دبیت، لێ جه‌هل چه‌ند هه‌بیت و چه‌ند چاره‌سه‌رى ژى زه‌حمه‌ت بیت، هه‌ر دڤێت به‌رهنگاریێ ببینین، لێ به‌رهنگاریه‌كا زانستی یا نیشتیمانبینی ل دواڕۆژێ بئافرینین!..
كرمانجكرن/ ئه‌ڤرۆ

برساتى، ئه‌و گرفتا دڤێت ب سیسته‌م بهێته‌ چاره‌سه‌ركرن پشتی جه‌هلێ، گرفتا مه‌زنا كوردان بریتیه‌ ل برساتى، چونكی به‌هرا هه‌ری زۆر یا وان لاوازیێن ل بوون، كلتوور و كه‌سایه‌تیا ئینسانێ كوردی هه‌یه‌، بۆ برساتى ڤه‌دگه‌ڕێت، گه‌ر خۆیاتر بپه‌یڤین: ـ برساتى وا ده‌كه‌ت له‌به‌ر ده‌رگه‌هێ یێن دی راوه‌ستی. ⁃برساتى چاڤا تاریك ده‌كه‌ت و ڕاست و ناڕاست، باش و شاش ل مرۆڤی تێكه‌ڵ ده‌كه‌ت و هه‌ندێ جار ته‌ ناچار دكه‌ت، بێژیه‌ نه‌ڕاست ڕاست و شاش ل ته‌ ببته‌ باش!.. ⁃ برساتى كه‌سایه‌تیا مرۆڤی ب ڕاده‌یه‌ك لاواز دكه‌ت، ئیتر نه‌شێی خوه‌ ب خوه‌ بی!.. ⁃ برساتى ڕا كوژه‌، ئه‌وێن برسی، هه‌رگیز نه‌شێن ئازادانه‌ ڕایا خوه‌ بێژن!. ⁃ برساتى نه‌خۆشییه‌ و دڤێت بهێته‌ بنبڕ كرن، (عه‌لی كوڕی ئه‌بی تاڵب)، كو چاره‌م خه‌لیفه‌یێ موسڵمانانه‌، سه‌باره‌ت هه‌ژاری و برساتى جوان فه‌رمووه‌: (گه‌ر هه‌ژاری زه‌لام با، داكوژم !..)، سه‌حكه‌ به‌لاغه‌ت و زه‌رافه‌تا هونه‌رییانه‌ی ڤێ گۆتنا ( عه‌لی كوڕی ئه‌بی تالب) بكه‌ن، چاوا بۆ بنبڕكرنا برساتیێ، مه‌جازییانه‌، حه‌رامه‌كی حه‌ڵاڵ دكه‌ت، كو كوشتنه‌!.. برساتى زۆر گرفت و كێشه‌ و خۆ شه‌رمه‌زاریێ ژى دگه‌ڵ خوه‌ دا دێنیت، به‌هرا هه‌ری زۆر یا خیانه‌تكاران،  ئه‌وێن  پشت ل نه‌ته‌وه‌ی خوه‌ كرینه‌ و  خزمه‌تا دوژمنان كرینه‌، هۆكاره‌كه‌، یان هووتر بێژین، ئێك ژ هۆكاران برساتى بوویه‌، كه‌واته‌ داكو نیشتیمان بلند ببیت، داكو ژیبوون بۆ وه‌ڵات موكم بیت، ئێك ژ ڕێكێن دروست، كوشتنا برساتیێ یه‌!.. جڤاكێ ده‌وڵه‌مه‌ند جڤاكێ كه‌مترین گرفتانه‌، به‌رۆڤاژیا وێ ژی ڕاسته‌، جڤاكێ هه‌ژار یێ گرفتێن جۆراوجۆره‌، بۆ سه‌لماندنا ڤێ گۆتنێ ژى، دشێن جڤاكێ عیراقێ ب نموونه‌ بینینه‌ڤه‌، كو كۆمه‌ڵگه‌یه‌كا هه‌ژاره‌ و كه‌تیه‌ بسه‌ر چه‌ندین گرفتێن جۆراوجۆرێن چاره‌سه‌رنه‌كری، برساتى بڕستی بۆ ئینایه‌ و تاكێن وێ ژی ڕقهه‌ڵگرتی به‌رامبه‌ر یه‌كدی، هه‌رده‌م ئاماده‌نه‌ بۆ ڤه‌ڕه‌نینا هه‌ڤدو و ئاكام بۆیه‌ گۆڕه‌پانا خوین لێ نیشتیا نه‌وه‌یان!.. كه‌واته‌ چاره‌سه‌ر بنبڕكرنا برساتى و هه‌ژارییه‌ !.. كو دبێژین جڤاكێ ده‌وڵه‌مه‌ند، دیاره‌ مه‌به‌ستا مه‌ ئه‌و كۆمه‌ڵگانه‌، كو ل ڕێكا سیسته‌م و یاسا و دابینكردنی مافان دادپه‌روه‌رانه‌ ژیان ڕێكخستینه‌، له‌وما دبیت ل ڕێكا سیسته‌مێ ڤه‌، ل ڕێكا یاسا و دادپه‌روه‌ری ڤه‌ هه‌ژاری و ده‌ردی قورسێ برساتى بهێته‌ چاره‌سه‌ركرن !. كوردستان خاك و سروشته‌كێ ده‌وڵه‌مه‌ند هه‌یه‌، ب به‌راورد ل گه‌ڵ عیراقێ، ژ هه‌موو ڕوێكێ ڤه‌ باشتره‌، به‌لێ گرفتا برسات ژى ب ته‌مامی پێ نه‌هاتیه‌ چاره‌سه‌ركرن و گه‌نده‌ڵی ژی ل لایه‌ك دی!.. داكو كوردستان باڵاتر بێت و ژیبوونا نیشتیمانی ژى باڵاتر و پته‌وه‌تر بیت، دبیت گرفتا برساتى چاره‌سه‌ر بكه‌ین، چاره‌سه‌ر ژی سیسته‌م دڤێت ، نه‌ك درىوشم و شه‌ڕی سیاسی و میدیایی!… ئه‌گه‌ر مه‌ برساتی كێمكر، خۆشه‌ویستیا نێڤبه‌را مه‌ زێده‌ دبێت، خۆشه‌ویستیی نێڤبه‌را تاكان، خۆشه‌ویستیی نێڤبه‌را تاك و حكومه‌ت، تاك و حزب و  تاك و ئه‌وێن دی !.. برساتى، دوویه‌م گرفتا سه‌ره‌كیا كورده‌ و ڕاسته‌ كار بۆ چاره‌سه‌ركردنا وێ هاتیه‌ كرن، به‌ڵام كارێ زۆر مایه‌و دبیت بیكه‌ین، به‌ڵێ ب سیسته‌م و یاسا !..

19

د. سالا ئوسمان
پشتى كو من ئه‌و وێنه‌ دیتین، خه‌مه‌كا گران ئه‌ز داگرتم، مانێ نابیت مالا ئێك ژ زانایێن نه‌ته‌وه‌ى یێن مه‌زن ببیته‌ زبڵخانه‌!.. به‌رى هندێ كو ده‌ست ب تۆماركرنێ بكه‌ن و د میانا چاڤپێكه‌فتنێ ژى دا، هه‌ر هه‌مان په‌یڤین من بۆ تیما ڕۆژنامه‌ڤانیا تۆڕا میدیایی یا ڕووداوێ كرین، كو ئه‌م هه‌موو، تایبه‌ت به‌رپرسێن ئیداریی ب هه‌موو ڤه‌ به‌رپرسین ژ خه‌مساریا شه‌رمینیێ..!
ـ زانایان پشكه‌كن ژ شووناسیێ، پشكه‌كن ژ ئه‌قل و پێشڕه‌واتیا هه‌ر نه‌ته‌وه‌یه‌كى، ب رامانه‌كا دیتر، هه‌ر ملله‌ت و نه‌ته‌وه‌ك ڕێزێ ل زانایێن خوه‌ نه‌گریت، زانایێن خوه‌ نه‌كه‌ت هێما و ڕێبه‌ر و چرایێ ڕێیێ، دڤێت رابوه‌ستین و هه‌لویستا خوه‌ ده‌رببرین، رابوه‌ستین و بپرسین، رابوه‌ستین و بترسین، وه‌ستان و هه‌لویست و پرس و ترسانه‌ك، كا چ ئیشكالیه‌ته‌كا مه‌زن د ناڤبه‌را نه‌ته‌وه‌ و زانینێ دا هه‌یه‌..؟!
ـ وه‌كى په‌یامنێرى گۆتیه‌ من، مالا زانایێ ب ناڤوده‌نگ (مه‌لای گه‌وره‌) بوویه‌ زبڵخانه‌ و كو پشتى من وێنه‌یێن وى دیتیتن و كو دووڤداتر ژى من په‌یڤى، نها ژى كو ئه‌م چه‌ند په‌یڤێن خه‌مبار ل سه‌رئێك دكه‌مه‌ گۆتار، هه‌ر ئه‌و پرسیارا بنه‌ڕه‌تی مه‌ دهه‌ژینیت: (ئه‌رێ چێدبی نه‌ته‌وه‌یه‌ك هه‌بیت ته‌مه‌تى مه‌ دڵڕه‌ق ل ئاستێ داهێنه‌رێن خوه‌؟)..!
ـ دڵره‌قیا مه‌ كوردان د مێژوویێ دا وه‌كو وێ نینه‌، زۆر جاران دپرسم، ئه‌رێ حاجی قادری كۆیی بۆ سه‌ری هه‌ڵگرت؟!.. ئه‌رێ نالی بۆ ئارامنه‌بوونا شاره‌زوورێ جهنشین بوو و ئه‌رێ پیره‌مێرد، ئه‌و پیره‌مێردێ دڵ و ڕوح و هه‌ناسا سلێمانیێ و نه‌ورۆز و په‌یڤا كوردی بوو، بۆ پشتی له‌ باژار و مه‌شخه‌ڵ و په‌یڤا ڕاچه‌نیوی یا كوردی كر و سه‌رێ خوه‌ راكر؟!.. ئێدى ب ده‌هان كه‌سێن دیتر و نموونه‌ی نوو ژى، ئه‌وه‌ عه‌بدوڵا په‌شێو، كو پشتى پتر ژ بیست و هه‌شت سالان، نها ژى نه‌ڤێت ڤه‌گه‌ڕیێته‌ڤه‌ بۆ هه‌ولێرێ و ل گه‌ڵ قوڕولیته‌ی بێركۆته‌كه‌ی، وه‌ك د شیعرا خوه‌ یا جوان دا ئاماژه‌ پێ كریه‌، ئاش دبێته‌ڤه‌..!
ئه‌م هه‌موومان به‌رپرسین ژ مالا زانایێ مه‌زن مه‌لایێ گه‌وره‌ ل كۆیێ، ئه‌و زانایێ ته‌مه‌نێ وى پڕ ژ به‌خشش و نووخوازیێ د نێڤبه‌را دوسه‌ده‌یان دا بسه‌ردا برى و مالباتا وی ژى پتر ژ سێسه‌د سالان خزمه‌تا جڤاكێ كوردی دكه‌ن، دڤێت هه‌رچی زوى، ب هه‌ماهه‌نگی ل گه‌ل وه‌زاره‌تا باژێرڤانیێ و گه‌شتوگوزار و قایمه‌قامیا كویێ و ب ڕه‌زامه‌ندیا خێزانا وى، ئه‌م خانوویه‌ بهێته‌ پاككرن و ببیته‌ ناڤه‌نده‌ك، یان مۆزه‌خانه‌یه‌ك و ب كورتی ببیته‌ پشكه‌ك ژ شووناسێ..
ئه‌م د وه‌زاره‌تا ره‌وشه‌نبیری و لاوان دا ب ئه‌ركێ خوه‌ دزانین و ژنها پێڤه‌ ده‌ست پێ بكه‌ین، دیسا دبێژین، ب هه‌ماهه‌نگی ل گه‌ل هه‌موویان، چونكو ناچێبێت مالا زانایایێن مه‌ ببیته‌ زبڵخانه‌..!
كرمانجیكرن/ ئه‌ڤرۆ

21

د. سالار عوسمان
ـ ئێك ژ پێناسه‌یێن ژیانێ، یان باشتر بێژین، ئێك ژ پێناسه‌یێن به‌خته‌وه‌ریێ، یا پێكهاتى یه‌ ژ كۆمكرنا پارچه‌یان، ئه‌و پارچه‌یێن ژیانێ، ژیان كو دڵڕه‌قی و د ناڤدا ژی دلڕه‌قیا ئۆلی و سیاسی یێن ژ هه‌ڤ جودا كرین و ل دژی هه‌ڤ دانه‌، خه‌بتاندن و نوكه‌ نیڤشكێ دلڕه‌قی و ژ هه‌ڤ عاجزیێ د به‌رامبه‌ی ئێك دا مژوولی ئاڤرویدانن ل دژی ئێك.
مرۆڤ و مرۆڤایه‌تی و تێكڕایا جوداهیان، د بنه‌ڕه‌ت دا ژ ئێك ئاخن و ئێك ده‌ستن و د مرۆڤبوونێ دا وه‌ك ئێكن و پێكڤه‌نه‌!.. كورده‌ك و فارسه‌ك، عه‌ربه‌ك و ئینگلیزه‌ك، هه‌ر دیسا یه‌هوودیه‌ك و كریستیانه‌ك، موسلمانه‌ك و ئێزیدیه‌ك، هه‌موو مه‌خڵوقێن ڕێزلێگرتینه‌ خودان و گۆیا ئه‌ردى ژى بۆ هه‌موویان ماڵن و كۆمكارن، لێ ئه‌ڤه‌ دلره‌قیا ئاینزانان، ئێكى ل سه‌ریێ دیتر باشتر دادنن دا و ژ لایێ دیتر ڤه‌ ژى، ئه‌وه‌ ململانا بێ ئارمانجا سیاسی یه‌، نیشیمان و بگره‌ ئه‌درى ژى، وه‌ك كۆمكه‌ر، پارچه‌ پارچه‌ دكه‌ت و ئاكام هه‌موو ئه‌و ته‌فزیلكرن و پارچه‌پارچه‌كرنه‌، هه‌كه‌ یا داپۆشیایی ژى بیت ب سه‌دان پاساو و بهانه‌یان، لێ پشكه‌كه‌ ژ پاشڤه‌رۆیا به‌شه‌ریه‌تێ و ل گه‌ل پاشڤه‌رۆیێ ژى دا، جۆره‌ك ژ سته‌مێ د هناڤا خوه‌ دا حه‌شاردایه‌ و هندی كه‌ڕه‌دێ ژى بكه‌ن، ئه‌و سته‌مه‌ حه‌شاردیه‌، كو بۆ ڕادده‌یه‌كى ئاشكرا دبیت و دته‌قیێت، ل دووڤ خوه‌ ژى دا، خوینێ ل سه‌ر جاده‌یان دهێلیت!.
ـ خوێنا جاده‌یان، سته‌م و دلره‌قیا ئاینی سیاسی، نیشیمان و ئیمان و مرۆڤێن ژێكجوداكری و نها پارچه‌پارچه‌، هه‌موو ل دووڤ به‌خته‌وه‌ریێ دگه‌ڕیێن و ئه‌ون رێیا هنارتنا وێ ڕۆناهیێ نه‌، كو دبێژنێ: (پێكڤه‌ژیان).
ـ به‌خته‌وه‌ریی د پێكڤه‌ژیانێ دایه‌، پێكڤه‌ژیان د كۆمكرنا پارچێن وێ دایه‌، كۆمكرنا پارچێن وێ ژى، ئه‌قڵه‌كێ مه‌زن دڤێت، ئه‌قله‌ك، پشتگێرێ دلره‌قیێ یه‌، چونكو ئه‌وا ژیان و د گه‌ل ژی دا به‌خته‌وه‌ری كوور كری، دلره‌قى بوو، دلره‌قیا ئه‌ردی، ته‌نانه‌ت ئیمان و مرۆڤ ژى پارچه‌پارچه‌كر و ئه‌ڤه‌ ئه‌و نینه‌، له‌وه‌ته‌ی كورد هه‌یه‌، پارچه‌ پارچه‌، ب سه‌ر نیشتیمانه‌كێ پارچه‌كریه‌، فیغانی ده‌گه‌هینیته‌ دونیایه‌كێ، كو خودی دونیایێ چه‌ندین پارچه‌یێن دژى ئێك و ناكۆكن و هه‌ر پارچه‌كا وان ب دلره‌قیێ به‌ربۆینه‌ گیانێ پارچه‌یێن دیتر!..
حه‌تا پارچه‌یێن وێنه‌یه‌كێ شكه‌ستى كۆمنه‌كه‌ین، ناگه‌هینه‌ وێنه‌یێ ته‌مام، هه‌تا ئه‌ندامێ، خێزانێ كۆمنه‌بن، ناگه‌هنه‌ سۆز و گه‌رمیا خێزانێ، هه‌تا به‌رسڤا هه‌موو پرسیاران كۆمنه‌كه‌ین ناگه‌هینه‌ ئه‌نجامان، هه‌تا په‌نجێن وان ب ته‌نشتا ئێك ڤه‌ نه‌بن، ناگه‌هنه‌ ده‌ست، هه‌تا برا ل پشتا ئێك نه‌بن، ناگه‌هینه‌ هێز و هه‌تا مرۆڤان ژى واتا پارچێن جیاواز كۆمنه‌كه‌ینه‌ڤه‌، ناگه‌هینه‌ به‌خته‌وه‌ریێ!..
ـ سه‌ركرده‌، ئه‌ڤجا سه‌ركردێ پۆلێك بێ یا هی وه‌ڵاته‌كى، هه‌تا پارچێن وه‌ڵاتى كۆم نه‌كه‌ت، حه‌تا نه‌شێ گریان و پێكه‌نین، لایه‌نگیر به‌رهنگار، نێزیك و دوور، پێكڤه‌ كۆمبكه‌ت، هه‌رگیز نكاریت مه‌زن ببینیت و مه‌زن به‌خورد بكه‌ت و مه‌زنى ژى چاره‌سه‌ریێ پێشكێش بكه‌ت!..
ـ دوژمنى سته‌م و غه‌دره‌كا مه‌زن ل مه‌ كریه‌ و خوه‌ مه‌ ژى ل ناڤ خوه‌ دا مه‌ قسوری ب ئێكتر نه‌كریه‌ و هه‌نوكه‌ ئه‌م هه‌مو، ماندى، پارچه‌پارچه‌ ته‌نێ مژوولى نه‌مایشكرنا ناشیرینێن ئێكین، دڤێت سه‌ركرده‌، ب نێرینه‌كا مه‌زن پارچه‌یان كۆمبكه‌ن ڤه‌، ل كۆمكرنا پارچێن دیتر ژى دا وێنێ مه‌زن، وێنێ جوان وه‌دیار دكه‌ڤیت، وێنێ پێكه‌ڤه‌ژیان، وێنێ به‌خته‌وه‌ریێ!..

29

د. سالار ئوسمان
بابه‌ته‌كێ گشتى زۆر د ڤێ ناڤه‌ندێ دا هه‌یه‌، ناڤه‌ندا عه‌قل و گفتوگۆیێ، دیسا ژى پرسیارا زۆر ژى، مانێ پرسیار ب خوه‌ بابه‌ت خولقاندنه‌ و بابه‌ت ژى جهێ حه‌واندن و هه‌لگرێ ب ده‌هان پرسیارانه‌، بلا جارێ واز ل په‌یوه‌ندیا د ناڤبه‌را بابه‌ت و پرسیارێ دا بینین و بهێینه‌ڤه‌ ل سه‌ر بابه‌تێ خوه‌ یێ سه‌ره‌كی، بابه‌تێ عه‌قل و دانوستاندن.
ـ دانوستاندن به‌رهه‌مێ عه‌قلی مرۆڤى یه‌، ئه‌و مرۆڤێ ل سه‌ر پشتا سه‌ده‌هان سه‌ربۆران گه‌هشیته‌ ئه‌ڤرۆ، تایبه‌ت سه‌ربۆرێن ته‌حل، به‌لێ سه‌ربۆرا ته‌حل وان قووناغێن مێژووی، كو مرۆڤان گوهداریا هه‌ڤدو نه‌دگرتن و ئاكام ل ته‌حلیێ گوهدارینه‌گرتن ل هه‌ڤدو، خوینه‌كا زۆر هاته‌ رێتن و نها مێژوو، شه‌رمه‌زارا وێ خوینێ یه‌!..
ـ دبیت گه‌ر ب ڕێژه‌یی ژى بیت، بێژین: قووناغا خوێنڕێژیێ، قووناغا گوهنه‌دانا هه‌ڤدو، ئه‌و قووناغا تاری، كو هه‌ر كه‌س گوه ل ده‌نگی خوه‌ دبیت و به‌س!.
ـ قوونانا ڕۆناك، قووناغا دیالۆگێ یه‌، ئه‌و قووناغا مه‌ هه‌موویان هه‌ی، ئه‌م هه‌موو دئاخڤین، ئه‌م هه‌موو گوهدده‌ین، ئه‌م هه‌موو كار دكه‌ین و پشكدارین د گه‌ل ئێك دا، به‌رپرسیا مه‌ ژى د ستوى دایه‌!..
ـ د قووناغا دانوستاندنێ دا، ئه‌م هه‌موو ده‌نگ دده‌ین، ده‌نگ بڕیارێ دده‌ت، كا كی حوكمڕانه‌ و كی ژى حوكمڕان نینه‌، هه‌ر ژ به‌ر وێ چه‌ندێ ژى دیمۆكراسی تیشكێ دئێخیته‌ سه‌ر هه‌موویان، خوه‌ ئه‌وان ژى، یێن كو ب تاریاتى بیر دكه‌ن، ب رامانه‌كا دیتر، دیمۆكراسی به‌رهه‌مێ دیالۆگێ یه‌، ئه‌و دیالۆگا به‌رهه‌مێ دستكه‌فتێ عه‌قلێ مرۆڤی، ئه‌و مرۆڤێ سه‌ربۆران فێركرى، كو ژبلى دیالۆگێ چاره‌سه‌ریه‌كا دیتر نینه‌ بۆ ژیانێ و ئێكلاكرنا كێشه‌یان!..
ـ له‌ لاپه‌ڕێ (153) ژ پرتووكا (موسوعه‌ الامپال) یا (منیر عبود)، گۆتنه‌كێ سه‌رنجا من ڕاكێشا و پێخۆش بووم د ڤێره‌ دا كێمه‌كێ ژ هه‌لویستێ وى دیاربكه‌ین، گۆتن ژى ئه‌ڤه‌یه‌: (عه‌قلێ مه‌زن دیالۆگا بۆچوونان دكه‌ت، عه‌قلێ ناڤه‌ند دیالۆگا بابه‌تانه‌ و عه‌قلێ بچووك ژى دیالۆگا كه‌سانه‌)، هه‌كه‌ ب هووری سه‌حكه‌ینه‌ ڤێ گۆتنێ، ئه‌وا ژینگه‌، واقیع، ڕه‌وش و ئاستێ دیالۆگان ل كوردستانێ بۆ مه‌ ڕۆهن دبیت!..
ـ ل كوردستانێ پتریا دانوستاندنان ده‌رباره‌ی كه‌سانه‌، ئه‌ڤجا چو ب پێهه‌لدان و ستایش بیت، یانژی ب جنێو و ناڤزڕاندنێ بیت، سه‌باره‌ت عه‌قلێ ناڤه‌ندی ژى، كو دیالۆگا بابه‌تان دكه‌ت، ڕاسته‌ دیالۆگا بابه‌تان هه‌نه‌، لێ د كێمن و د ئاستێ پێدڤی دا نینن، بۆ نموونه‌: بابه‌تێ په‌روه‌ردێ، ئه‌رێ بابه‌تێ په‌روه‌ردێ چه‌ند چوویه‌ د ناڤ دیالۆگان دا؟!.. ئه‌رێ حزبێن سیاسیی پشكه‌كى ژ دیالۆگا خوه‌ دزانن؟، ئه‌رێ میدیا، ئه‌رێ په‌روه‌رده‌ بۆیه‌ پشكه‌ك ژ خه‌ما میدیایێ؟!..ب كورتی و ب داخڤه‌، ل كوردستانێ كێمتر دیالۆگا بابه‌تان دهێته‌كرن؟!.. سه‌باره‌ت دیالۆگا بۆچوونان ژى كو عه‌قلێن مه‌زن دكه‌ن، ئه‌وا دبیته‌ جهێ مخابن هه‌لكێشیێ، چونكو دیالۆگ بۆچوونێن ل كوردستانێ ب ڕاده‌یه‌كى یا كیم و لاوازه‌، پێدڤیه‌ و دڤێت زانكۆ و ناڤه‌ندێن هزرینى، نه‌ك هه‌ر هه‌لویستێ رژد له‌بار بكه‌ن، به‌لكو دڤێت وه‌ك گرفته‌ك سه‌ح بكه‌نێ، گرفته‌ك وه‌ك نه‌خۆشی، دیاره‌ نه‌خۆشی ژى چاره‌سه‌ریا گه‌ره‌كه‌!..
ـ كۆمه‌كا دیالۆگا بۆچوون نه‌كه‌ت، كۆمه‌ك تنێ به‌رهه‌ڤ بیت دانوستاندنا ڕه‌ش و سپی یا كه‌سان بكه‌ت و قودره‌ت دیتن ڕه‌نگێن د ناڤبه‌را ڕه‌ش و سپی دا نه‌بیت، ئه‌و كۆمه‌، د پرسا د یالۆگێ دا، دڤێت وه‌ك نه‌خۆش بهێته‌ سه‌حكرن و دلسۆزێن وێ ل دووماهی چاره‌سه‌ركرنێ دا بگه‌ریێن!..
ـ چاره‌سه‌رى، كوشتنا ڕوانگا ئایدیۆلۆژیی و سیاسیان و زێندیكرنا ڕوانگا زانستیانه‌، ب كورتی زانست كلیلا چاره‌سه‌ریا وارێن ژیانێ یه‌، لێ د جڤاكێ مه‌ دا، هنده‌ ڕوانگه‌یا سیاسیان دزالن، هنده‌ ڕوانگا زانستان جهێ بایه‌خى نینن، كو ئه‌ڤه‌ ژى گرفته‌كه‌ و دڤێت زانكۆ لێ بهێنه‌ ده‌نگ.
ـ دووماهی په‌یڤ: عه‌قلێ مه‌زن، ئه‌و عه‌قلێ دیالۆگا بۆچوونێ دكه‌ت، نه‌ك جنێۆ دده‌ت و ته‌شهیر و سڤكایه‌تیێ ب كه‌سێ بكه‌ت، به‌لكو ب ڕێز ڤه‌ ل جوداهیێ دگه‌ریێت و پێ وه‌یه‌ جوداهیی مایێ ڕێز و هێز و پێز و گفتوگۆكرنێ یه‌، ئێدى دڤێت مرۆڤێن مه‌زن، ئه‌وێن پرسێن مه‌زن د ستیوو دا، گه‌نگه‌شا بۆچوونێ بكه‌ن، نه‌ك یا كه‌سان!..

18

پشكا شه‌شێ و دووماهیێ
د. سالار عوسمان
به‌رسڤا ڤان پرسیارێن گرنگ، یا باشتر بێژین هه‌لویسته‌كرن سه‌باره‌ت حزبێ و ره‌وشه‌نبیریا حزبێ و پێگه‌هاندنا كادران، كادر و خواندن، بابه‌ته‌كێ گشتى یێ هنده‌ هه‌ستیار و گرنگه‌، نابیت ب زاره‌كى د سه‌ر دا ببۆرین، له‌وا د ده‌رفه‌ت و ده‌لیڤه‌یه‌كا دیتر دا دێ به‌حس لێ كه‌ین.
میكانیزما ڕاست چیه‌؟..
نها ده‌مێ به‌رسڤا ڤێ پرسیارێ یه‌: (میكانیزما ڕاست چیه‌؟..).
ب كورتی:
ـ میكانیزما ڕاست ئه‌ڤه‌یه‌: حزب واز له‌ حوكمه‌تێ بینیت، حزب ئیكتیفائێ ب وى تیمێ خوه‌ بكه‌ت، كو ل ناڤ حوكمه‌تێنه‌ و بۆ خوه‌ هه‌لبژارتینه‌، بۆ نموونه‌ هه‌ر ژ سه‌ره‌كوه‌زیران ڤه‌ و هه‌تا ڕێڤه‌به‌رى، دڤێت حزب وان ئازاد بكه‌ت و ده‌ستێ خوه‌ نه‌ئێخیته‌ د ناڤ كارێن وان دا.
ـ بۆ پرسا پشتگیریێ ژى، پێدڤیه‌ حزب پشتگیریا حوكمه‌تێ بكه‌ت، پێدڤى قه‌ بۆ هه‌ر سه‌كته‌ره‌كى لیژنه‌یه‌كا پشتگیریێ هه‌بیت، بۆ نموونه‌ سه‌كته‌رێ ساخله‌میێ، دڤێت ب ڕێیا لیژنا پشتگیریێ سه‌كته‌رێ ساخله‌میێ، پشتگیریێ ل به‌رنامه‌ و ڕوانگه‌ و تیمێ به‌رپرس بكه‌ت، دیاره‌ ل هنده‌ جهان ناڤێ وان د وێ لیژنا پشتگیریێ دایه‌: سیبه‌ر، یان پاڵپشتى، كه‌واته‌ ئه‌ڤ پرسه‌ د بنه‌ڕه‌ت دا پشتگیریه‌ ل تیمێ حوكمه‌تێ ب مه‌به‌ستا سه‌ركه‌فتنێ.
ـ سه‌باره‌ت ب چاڤدێریێ ژى، هه‌ر حزبه‌ك بۆ چاڤدێریێ و هه‌لسه‌نگاندنێ میكانیزمه‌كا تایبه‌ت ب خوه‌ڤه‌ هه‌یه‌، كو ئارمانج تێدا ڕێگرتنه‌ ل هه‌ر لادانه‌كێ، كو ل گه‌ل به‌رژه‌وه‌ندیا گشتى دا نه‌گونجیت.
ـ پێدڤیه‌ تیما هه‌ر حزبه‌كێ ژ حوكمه‌تێ، هه‌یڤانه‌ كۆمببن، ئه‌ڤ تیمه‌ ناڤ و سه‌رۆك و به‌رنامه‌ و ئامارنج هه‌بیت، بۆ نموونه‌ چێدبیت ناڤێ تیمى هه‌مان درووشمێ هه‌لبژارتنێ بیت، وه‌ك: تیمێ كوردستانه‌كا ب هێز، یان گه‌ر درووشمێ حزبه‌كێ ئاڤه‌دانكرن بوو، تیمێ ئاڤه‌دانكردنێ، سه‌باره‌ت سه‌رۆكێ، وه‌سا باشه‌ به‌رزترین پلا حزبی د ناڤ تیمێ دا سه‌رۆكێ تیمێ بیت و بۆ به‌رنامه‌ و ئارمانجان ژى چێدبیت به‌رنامێ وان هه‌مان به‌رنامێ كۆكری حوكمه‌ت بیت و ئارمانج ژى ژ وى تیمى، بێگومان كاركرنا پێكڤه‌ و دووڤداچوون و گه‌نگه‌شه‌ و هه‌لسه‌نگاندن و ڕه‌خنه‌ و بارێ سه‌رنج و هه‌ماهه‌نگی كرنه‌ ل گه‌ل حزبێ، كه‌واته‌ نێزیك بووینه‌ ژ چاره‌سه‌ریێ، ئه‌و چاره‌سه‌ره‌ی، كو دڤێت ژ وێ ڕێكێ بیت، یان باشتر بێژین، ب ڤێ میكانیزمێ حزب و حوكمه‌ت هه‌ماهه‌نگ بن، ب رامانه‌كا دیتر ئه‌ڤه‌یه‌ میكانیزما دروست، میكانیزمه‌كه‌، كو حزب و حوكمه‌ت ل سه‌رئێك مێز كۆمببن ب بێى ده‌ستتێوه‌ردان، واته‌ هه‌م كارى پێكڤه‌ بكه‌ین و هه‌رده‌م رێ ل ده‌ستتێوه‌ردانێ دگرن !..
ـ پێدڤیه‌ سێ هه‌یڤان جاره‌كێ تیمێ حزب ژ حوكمه‌تێ ڕاپۆرتا وه‌رزی پێشكێشی سه‌رۆك و سه‌ركردایه‌تیا حزبا خوه‌ بكه‌ت و به‌رسڤێ ژى وه‌ربگریت.
دووماهی، تێگه‌هشتنا ب ڤى جۆری بیت:
ـ هه‌ر ده‌ستێوه‌ردانه‌كا حزبی یا خرابه‌، خوه‌ هه‌كه‌ ده‌ستتێوه‌ردانا بابه‌تی ژى بیت، له‌ورا پێدڤیه‌ ڕێ لێ بهێته‌ گرتن.
ـ نابیت حزب ده‌ست بێخیته‌ نێڤ كاروبارێن حوكمه‌تێ.
ـ تیما حزبێ ژ حوكمه‌تێ، ڕوانگه‌ و به‌رنامێ هه‌ڤپشك جێبه‌جێ دكه‌ن.
ـ تیما ناڤ حوكمه‌تێ هه‌ماهه‌نگێی ل گه‌ل لیژنه‌ و میكانیزم و ڕێكاره‌یان دكه‌ت.
ـ لیژنا پشتگیریێ و لیژنا چاڤدێریێ و تیمێ حوكمه‌تێ، هه‌می ئێك ئارمانجن، كو ئه‌و ژى ئارمانجا پاراستنا به‌رژه‌وه‌ندیا گشتی یه‌ و خزمه‌تكرنا هه‌ڤوه‌لاتیانه‌.

19

ده‌ستتێوه‌ردانی حزبی ئاریشه‌ و چاره‌سه‌رى  پشكا پێنجێ

د. سالار عوسمان

٢ـ ده‌ستتێوه‌ردانا بابه‌تی: ئه‌ڤ جۆره‌ ده‌ستتێوه‌ردانه‌، ب به‌راوردى ل گه‌ل ده‌ستتێوه‌ردانا خوه‌دی، ڕاسته‌ ده‌ستتێوه‌ردانكا پۆزه‌تیڤه‌، لێ هه‌ر شاشى یه‌، شاشى یه‌، چونكو ده‌ستتێوه‌ردانه‌، ب كورتی هه‌موو ده‌ستتێوه‌ردانه‌كا حزبی خراپه‌، لێ خراپ و خراپتر و خراپترین هه‌یه‌، سه‌حكه‌نێ، ئه‌و ده‌مێ حزب ده‌ستدئێخیته‌ ناڤ وارێن زانستیی، زانست چاوا ب چه‌وته‌ڕێ دا دچیت، یان ده‌مێ، كو دبینین كاره‌كێ سیاسی ده‌ست بێخیته‌ ناڤ بازاران دا، ژبلى ل قۆرخكاریی، چاوا جۆره‌ك ژ نه‌سه‌قامگیری و پشێویش ل گه‌ل خوه‌ دا دروست دكه‌ت!..ئه‌ڤه‌ ده‌ستتێوه‌ردانه‌ خراپتر و خراپترینن. ده‌ستتێوه‌ردانا بابه‌تی پێكهاتیه‌ ژ ده‌ستتێوه‌ردانێن كو حزب و كادرێن حزبێ ب نیازا باشه‌ و ل پێناڤى به‌رژه‌وه‌ندیا گشتی دكه‌ن، ب رامانه‌كادیتر ل پێناڤى به‌رژه‌وه‌ندیێن خوه‌ دا نینه‌، به‌لكو ژ پێناڤى خه‌لكى و به‌رژه‌وه‌ندیا گشتی دایه‌، هه‌ر بۆ نموونه‌، ده‌مه‌كى حزب باژێرڤانیێ راسپاردكه‌ت، كو جاده‌یا تاخه‌كى قیرَ بكه‌ت، یان گرفته‌كا كێمئاڤیێ چاره‌سه‌ر بكه‌ت، وه‌ك ل ڤێره‌ دیاره‌، كو هه‌ردو ده‌ستێوه‌ردانه‌یێن بابه‌تینه‌ و ل پێناڤى به‌رژه‌وه‌ندیا خه‌لكى دا یه‌، به‌لێ هه‌ر دڤێت دان ب وێ ڕاستیێ بكه‌ین، كو ده‌ستتێوه‌ردان و هه‌ر ده‌ستتێوه‌ردانه‌كا دى ژى، شاشه‌ و دڤێت بیر ل ڕێ و میكانیزما ڕاست بكه‌ینه‌ڤه‌!.. میكانیزما ڕاست چی یه‌؟.. پرسیاره‌كا زۆر گرنگه‌، گرنگه‌ ب وێ تێگه‌هشتنێ، كو مادام حزب هه‌یه‌ و حزب پشكه‌كه‌ ژ جڤاكێ نوو و حه‌تا نها ژى هزرا مرۆڤایه‌تی، ژبلى كو حزب به‌دیله‌كێ دیتر نینه‌ بۆ پشكداریكرن د پرۆسا حوكمڕانیی دا، كه‌واته‌ دووماهى جار ئه‌وه‌ حزبه‌ ـ بێگومان حزبا سه‌ركه‌فتى ـ دچیته‌ حوكمه‌تێ، له‌ورا كادر و جه‌ماوه‌ر و ده‌نگده‌ر پێ وه‌یه‌، كو وه‌رگرتنا وێ ده‌ستهه‌لاتێ، یان باشتر بێژین ئه‌و حوكمه‌ته‌ به‌رهه‌مێ ده‌نگێ ئه‌وانه‌ و ڕێك پشتی پێكهێنانا حوكمه‌تێ پشتى ده‌نگێ خوه‌ داین دكه‌نه‌ڤه‌، واته‌ پشتى ئه‌وێ ئێكێ دكه‌ن، كو حوكمه‌ت خزمه‌تا وان بكه‌ت، ئه‌ڤ هه‌ڤكێشه‌، ژ هاوكێشه‌یێن د ناڤا ئه‌رك و مافان دا دچیت و ب كورتی حزبێ پێ وه‌یه‌، كو حوكمه‌ت یا وێ یه‌، چونكو به‌رهه‌مێ ده‌نگێ وێ یه‌، ئه‌ڤه‌ ئه‌گه‌ر جۆره‌ك ژ ڕاستی ژى تێدا بیت، ڕاستیه‌كا ڕێژه‌یی یه‌، ڕاستیه‌ك، كو قسه‌هه‌لده‌گریت و دووڤداتر گه‌ر وار و ده‌رفه‌ت ڕوخسان، ل باره‌یه‌وه‌ ده‌دوێین!.. ده‌ستتێوه‌ردانا حزبی بوویه‌ كرده‌یه‌كا ئاسایی و ڕۆژانه‌ به‌رپرسێن بچووك و یێن مه‌زن، ده‌ستتێوه‌ردانێن خوه‌یى و بابه‌تیانه‌ دكه‌ن، ئه‌وێن ل پێناڤى به‌رژه‌وه‌ندیا خوه‌ دا و ئه‌وانژى كو ل پێناڤ و به‌رژه‌وه‌ندیا خه‌لكى دا كار دكه‌ن، هه‌موویان، باش و شاش هه‌ر ته‌ده‌خولێ د كارێ حوكمه‌تێ و دامه‌زراوه‌یێن فه‌رمى  دا دكه‌ن و خوه‌ هندی كه‌ڕه‌تێ بكه‌ن، هه‌نده‌ك ژوان وا دپه‌یڤن و دئاخڤن، وه‌ك ئه‌وێ چه‌ندێ، كو ئه‌و دڵسۆزتربن ژ ئه‌وێن دیتر ، هه‌رده‌م ژى هه‌ر وه‌سابوویه‌، یێن نه‌دلسۆزه‌ پتر بانگه‌شا دڵسۆزیێ دكه‌ن، دڵسۆز ژ به‌ر كاركرن د واری خوه‌ نه‌مایشكردنێ دا نینه‌، و نه‌مایشكار ژى وه‌ك بوو كو ل هه‌ر سه‌عات و ل گۆشه‌ك و جهه‌كى دا، ئه‌ڤجا ل جهێ خوه‌ بیت یان نه‌، قیت دبنه‌ و بووكه‌ڵه‌ ئاسا نه‌مایشا دره‌و دكه‌ن د چارچێووڤێ ڕاست دا!.. به‌رسڤا پرسیارا مه‌ نه‌دایه‌، میكانیزما ڕاست چیه‌؟. به‌رى كو به‌رسڤا ڤێ پرسیارا گرنگ بده‌مه‌ڤه‌، یان باشتر بێژم ل ده‌مێ بیركرنه‌ڤه‌ و گه‌ڕان بۆ دووماهی به‌رسڤا ڤێ پرسیارێ، هه‌سته‌كێ نه‌خۆش بۆ من هاته‌ پێش، هه‌سته‌كێ داپۆشكری بۆ ڤان پرسیارانه‌: ـ ئه‌رێ ئه‌ڤ پرسه‌: (پرسا ده‌ستتێوه‌ردانا حزبی) بوویه‌ پرسا كادرێ سیاسی و حوكومى یێن هه‌رێما كوردستانێ؟. ـ ئه‌رێ زانكۆیان، ناڤه‌ند و په‌یمانگه‌هێن حكومی و حزبی، ئه‌ڤ مژارێن هه‌نێ كرینه‌ مژارێ جێهێ به‌حس و جهێ خه‌ما خوه‌؟!.. ـ ئه‌رێ ژ راست ئه‌ڤ بابه‌ته‌، یانژی هه‌ر بابه‌ته‌كێ دیتر، كو دكه‌ڤیته‌ ناڤ بابه‌تێ گه‌لی: (ره‌وشه‌نبیریی حزبی)، ژ لایه‌ن كادرێن حزبێ ڤه‌، دهێته‌ خواندن، ب كورتی كادرێ حزبی چ و چه‌ند و چاوا دخوینیته‌ڤه‌؟!..

website security
WP Facebook Auto Publish Powered By : XYZScripts.com