NO IORG
Authors Posts by سەربەست تروانشى

سەربەست تروانشى

سەربەست تروانشى
4 POSTS 0 COMMENTS

17

سه‌ربه‌ست تروانشی
سه‌رۆك بارزانی ب هێزا ئیرادێ و خوینا شه‌هیدان و ئاگرێ لویلیا تڤه‌نگا پێشمه‌رگه‌ی شیا هێزا سه‌ره‌كیا داعش ژناڤ ببه‌ت و حورمه‌ت و كه‌رامه‌تا گه‌لێ خوه‌ بپارێزیت. ته‌نها بریارا دروست یا جه‌نابێ سه‌رۆك بارزانی و خوینا عه‌زیزێن وه‌لاتێ مه‌ بوون هه‌ولێر پاراستی، ئه‌وێن ب ئه‌رزانی وژدانا خوه‌ دفرۆشن و مه‌زنترین غه‌درێ ڤه‌دشێرن، نه‌شێن دیرۆكێ به‌رڤاژی بكه‌ن، سه‌رۆك بارزانی پێش هه‌می مڕۆڤایه‌تیێ ڤه‌ بها و قوربانیێن ڤی شه‌ڕی ب ستویێ خوه‌ڤه‌ گرتن
ئه‌ڤه‌ ژی بوو دیرۆكه‌كا تژی سه‌روه‌ری كو هه‌ر جهێ كورد لێ بن شانازیێ پێ دكه‌ن كه‌ربوكینا دوژمنا ب ئارمانج گرتنا سه‌رۆك بارزانی دانپێدانه‌ ب مه‌زناهیا جه‌نابێ وی، سه‌رۆك دێ مینیت ئه‌و چیایێ مه‌زنێ چ بیڤه‌له‌رز نه‌شێن بهه‌ژینن.
*ئه‌ندامێ ئه‌نجومه‌نێ سه‌ركردایه‌تیا پارتی و به‌رپرسێ لقا ئێك

67

سه‌ربه‌ست تروانشى*
به‌رى (39) سالان رۆژه‌كا نه‌خۆش و گران ب سه‌رملله‌تێ كورد دا هات، د وێ رۆژێ دا رێبه‌ر و سه‌ركردێ مه‌زنترین شۆره‌شێن بزاڤارزگاریخوازا ملله‌تێ مه‌ (مه‌لا مسته‌فا یێ بارزانى) وه‌غه‌ركر.
بارزانیێ نه‌مر باركر، لێ هه‌رده‌م یێ ساخه‌ ژ به‌ر كو نه‌ ب تنێ پشكه‌كه‌ ژ دیرۆكێ، به‌لكو وى مێژوو یا دروست كرى، نیاسینا بارزانیێ نه‌مر و به‌حسكرنا سیفه‌ت و كه‌سایه‌تیا وى یا كاریزمایى ب چه‌ند دێره‌كێن نڤیسینێ ب دووماهیك ناهێت، لێ گه‌لێ كورد و هه‌ر تاكه‌كێ كورد قه‌ردارى ماندیبوون و خه‌باتا وى یه‌ ژ به‌ر كو ئێكرێزى و رێخستنا ناڤمالا كوردى ئێك ژ ئارمانجێنسه‌ره‌كى یێن (بارزانیێ نه‌مر) بوویه‌، د درێژه‌یا كاروانێ خه‌باتا خوه‌دا (بارزانیێ نه‌مر) چ جاران ده‌ستبه‌ردارى مافێن نه‌ته‌وه‌یى و كوردینێ نه‌بوویه‌ بۆ دوژمن و داگیركه‌رێن كوردستانێ و ژ به‌ر هندێ ئه‌ میێن گه‌هشتینه‌ ڤێ قووناغێ ئه‌گه‌ر رۆنتر بێژم ئه‌گه‌ر بارزانى ل سه‌رده‌مێ كۆمارا كوردستانێ، خوه‌ راده‌ستى حوكمه‌تا عێراقێ كربا، چریسكا شۆره‌شا ئیلۆنێ هلنه‌دبوو، و شۆره‌شا گولانێ دووڤ دا نه‌دهات و راپه‌رین نه‌دبوو، و هه‌رێما كوردستانێ نه‌ دگه‌هشته‌ ڤێ قووناغێَ و نه‌دبوو خودانا ڤان ده‌ستكه‌فتێن نوكه‌ مه‌ هه‌یین. روحیه‌تا به‌رگرى و ته‌حه‌دیا (بارزانیێ نه‌مر) ل ده‌ره‌جه‌كێ بوو، به‌رى هه‌میان دوژمنى په‌سنا وى دكر. بارزانیێ باب قوتابخانه‌ك دامه‌زراند كو تێدا كه‌لتوور و وانێن ئاشتى و پێكڤه‌ژیان و ئێكدو قه‌بوولكرن و ئێكرێزیێ د ناڤبه‌را هه‌مى پێكهاتێن خه‌لكێ كوردستانێ دا بۆ مه‌ دهێنه‌ گۆتن و ئه‌م ژێ فێر دبین، بارزانیێ نه‌مر چ جاران ده‌ستبه‌ردارى كوردستانیه‌تا كه‌ركووكێ نه‌بوویه‌. په‌یاما وى كوردایه‌تى و مرۆڤایه‌تى بوو، ل دژى سته‌م و زوورداریێ بوو، بۆ هه‌مى گه‌لێن جیهانێ. نه‌ ب تنێ ل كوردستانێ به‌لكو ل عێراق و رۆژهه‌لاتا ناڤه‌راست (مه‌لا مسته‌فا بارزانى) ببوو هێمایێ خه‌لكێ سته‌ملێكرى. هزاران سلاڤان بۆ گیانێ بابێ روحى و نه‌ته‌وه‌یى (بارزانیێ نه‌مر) و هه‌مى شه‌هیدێن بزاڤا رزگاریخوازا ملله‌تێ كورد دهنێرم و سۆزێ دده‌م به‌رده‌وام بین ل سه‌ر رێبازا پیرۆزا بارزانیێ نه‌مر.
*به‌رپرسێ لقێ ئێكى 1/3/2018

61

ئه‌ڤرۆ ل هه‌مى باژێر و باژێركێن كوردستانێ كه‌یف و خۆشى و شاهى و ئاهه‌نگن، ب هه‌لكه‌فتا ریفراندۆما سه‌ربه‌خوه‌یێ. ل ده‌مێ ئه‌م به‌حسێ شه‌هیدان دكه‌ین بۆ هندێ نینه‌ ئه‌م خه‌ما وان نوو كه‌ینه‌ ڤه‌، ژبه‌ر هندێ ئه‌م به‌حس دكه‌ین، چونكى شه‌هید سه‌رۆكانیا شیانێن ملله‌تێ مه‌نه‌ ژبۆ ژیاره‌كا سه‌رفراز هه‌روه‌سا دا جیلێ تازه‌ بزانیت، چه‌ند قه‌هره‌مان مه‌ ژ ده‌ست داینه‌ و پێداگیریه‌ ل سه‌ر خزمه‌تكرنا بێ به‌رامبه‌ر و قوربانیدانه‌ ژ بۆ گه‌ل و نیشتیمان و مرۆڤایه‌تیێ، ئه‌م دێ به‌رده‌وام ل سه‌ر رێبازا شه‌هیدا درێژیێ ب قوربانیدانێ ده‌ین. بێگومان ئه‌گه‌ر مه‌ ئه‌ڤه‌ كر چ ده‌لیڤه‌ نینه‌ دێ بسه‌ركه‌ڤین. ئه‌ڤه‌ ئه‌و رۆژه‌ هات ئه‌وا ملله‌تێ مه‌ چه‌ندین ساله‌ ل هیڤیێ، ئه‌ڤه‌ ئه‌و رۆژه‌ ئه‌وا چه‌ندین قه‌هره‌مانان خوه‌ بۆ كریه‌ قوربان. دڤێت ئه‌م باش بزانین هه‌ر ده‌م ده‌لیڤه‌ نابن ل پێشیا ملله‌تێ مه‌ و پێدڤیه‌ مفایى ژ ده‌لیڤا وه‌ربگرین هه‌تا دووماهیك راده‌ (25/9) دێ بیته‌ پشكه‌ك ژ دیرۆكا كوردستانێ، ئه‌وێن ب ده‌نگێ به‌لێ پشكداریێ د ریفراندۆمێ دا دكه‌ن دروستكه‌رێن ڤێ دیرۆكێ نه‌
و ل بلنداهیا چیایێ مه‌تینى شه‌ره‌ف ل وان كه‌سان دباریت یێن ب ده‌نگێ (به‌لێ) ده‌نگێ خوه‌ ده‌ن.
خه‌لكێ خۆراگرێ كوردستانێ
پێشمه‌رگێن قه‌هره‌مان پێشره‌وێن خه‌بات و قوربانیدانێ. رێیا سه‌ركه‌فتنێ هات ڤه‌وژارتن سه‌ركه‌فتنا پێشڤه‌ دهێت، ئه‌وا بخوینێ بده‌ستڤه‌هاتى ب ده‌نگێ (به‌لێ) و ده‌وله‌تێ ل سه‌ر ڤێ ئاخا عه‌زیز دروستبوو ڤه‌. درێژه‌پێده‌رێن رێبازا ئه‌نفالچیان دڤێت بزانن و باش د وێ راستیێ بگه‌هن كو ئه‌و ده‌م ده‌ربازبوو ب ئاگر و ئاسن بشێن بریارێن خوه‌ ل سه‌ر خه‌لكێ كوردستانێ بسه‌پینن ئه‌م نزانین كه‌نگى ئه‌و رۆژه‌ دێ هێت ده‌سته‌لاتدارێن عێراقێ بێژن به‌سه‌ ژ سته‌م و زۆرداریێ دژى خه‌لكێ كوردستانێ یێ بێ گونه‌ه.
كه‌نگى دێ ئه‌و ده‌م هێت ژ خوین رێتنا كوردا تێر ببن؟
چه‌ند پرسیاره‌ك
ـ پرسیارا ئێكێ بۆ عه‌ره‌بێن عێراقێ ب سونه‌ و شیعه‌ ڤه‌ ب سه‌دان هزار كورد ل سه‌ر ده‌ستێ ده‌سته‌لاتدارێن هه‌وه‌ هاتنه‌ شه‌هیدكرن، مانه‌ ب تنێ گونه‌ها وان ئه‌و بوو چونكى كورد بوون؟
ـ پرسیارا دووێ چه‌ند هزار له‌شكرێ هه‌وه‌ ب ئێخسیرى كه‌فتنه‌ ده‌ستێ كوردان، ئه‌رێ كوردان یه‌ك ژ وان عه‌ره‌با كوشت؟ چونكو عه‌ره‌به‌؟ به‌رسڤ نه‌خێر..
ـ پرسیارا سیێ بۆ ده‌سته‌لاتدارێن به‌غدا ب سه‌دان هزار عه‌ره‌ب ژ هه‌مى باژارێن عێراقێ ژ به‌ر نه‌بوونا ته‌ناهیێ، نه‌ ره‌ڤین و ل كوردستانێ هاتنه‌ پاراستن، ئه‌رێ جهه‌ك ته‌نا د عێراقێ دا هه‌یه‌ هه‌ڤوه‌لاتیێن هه‌وه‌ ئه‌وێن ل سه‌ر مال و حالێن خوه‌ دره‌ڤن تێدا بهێنه‌ ئاكنجیكرن؟
ـ پرسیارا چارێ، بۆ ده‌سته‌لاتدارێن به‌غدا هوون دشێن گره‌نتیێ بده‌ن خه‌لكێ عێراقێ (50) سالێن دى خوینرێتن و تیرۆر و وێرانكرن ل عێراقێ ب دووماهى بهێت؟ ـ به‌رسڤ نه‌خێر.
ـ پرسیارا پێنجێ، پتره‌ ژ (1400) سالان شیعه‌ و سونه‌ ئێكودو دكوژن و (100) ساله‌ عه‌ره‌بێن شیعه‌ و سونه‌ كوردان دكوژن، گره‌نتیه‌ك هه‌یه‌ ئه‌ڤ كومكوژیه‌ ب دووماهى بهێت؟ دیسا به‌رسڤ نه‌خێر.
ـ ئه‌ز وه‌ك پێشمه‌رگه‌كێ كوردستانێ ڤێ پسیارێ ژ سه‌ركردێن جیهانێ دكه‌م، ب تایبه‌تى سه‌ركردێن وه‌لاتێن زلهێز، ئه‌رێ مه‌ وه‌ك كورد یان خه‌لكێ كوردستانێ خه‌ته‌ره‌ك ل سه‌ر سنۆرێن وه‌لاته‌كى دروست كریه‌؟.
ـ پسیاره‌كا دى بۆ رایا گشتى ئه‌وێن به‌حسێ دیمۆكراتیه‌ت و مافێ مرۆڤى دكه‌ن، گونه‌ها مه‌ چیه‌ هه‌كه‌ ئه‌م ریفراندۆمێ بكه‌ین؟، چ جۆره‌ ته‌عدایه‌ك تێدایه‌، پتره‌ ژ (100) سالان هوون یێ عه‌ره‌بان ل سه‌ر حسابا خوینا ملله‌ته‌كێ ماف لێخوارى و زولملێكرى رازى دكه‌ن.
ـ ئه‌ڤه‌ دروست وێ چه‌ندێ دگه‌هینیت تشته‌ك ب ناڤێ مافێ مرۆڤى ل ئه‌ورۆپا و ئه‌مریكا بۆ گه‌لێن بنده‌ست نینه‌.
ئۆمێده‌وارم ده‌نگێ من بگه‌هیته‌ وان.
ـ پسیارا من بۆ وه‌لاتێن ئیسلامێ ژى ئه‌ڤه‌یه‌:
(ئه‌گه‌ر خودێ مرۆڤ دابن ژ (نێره‌كى و مێیه‌كى) (ئاده‌م و حه‌وا)، پاشى كربنه‌ قه‌بیله‌ و نه‌ته‌وه‌ ما ئه‌م ژى نه‌ته‌وه‌ك نینین ژ وان نه‌ته‌وێن خودێ به‌حس دكه‌ت؟
ـ وه‌ ل ده‌مێ خودێ مرۆڤ داین ب ماف نه‌داینه‌؟ و مرۆڤ د مافا دا یه‌كسان نه‌كرینه‌؟ و ئه‌ڤه‌ مه‌زنترین سه‌رپێچى و بێئه‌مریا خودێ نینه‌؟
هه‌وه‌ تشته‌ك ب ناڤێ (امه‌ الاسلامیه‌)، نه‌هێلایه‌ یان هه‌وه‌ كریه‌ قوربانى وژدانا خوه‌، ملله‌تێن هه‌وه‌ ژى یێن تووشى خرابترین ره‌نگێن تیرۆرا توندره‌وا ئیسلامى بووین.
دڤێت ئه‌م دبه‌رهه‌ڤ بین بۆ هه‌ر پێشهاته‌كێ، دڤێت به‌رهه‌ڤیێن مه‌ د وه‌سا بن ل ئاستێ كریاران بن، چونكى كریارێن مه‌ زۆر دمه‌زنن.
هه‌كه‌ مه‌ به‌رهه‌ڤیێن خوه‌ ته‌مامكرن چ جار دوژمنى چ پێ چێنابیت دڤێت به‌رده‌وام ئه‌م پێشڤه‌ بچین و حسابێ بۆ گه‌فێن دۆژمنا نه‌كه‌ین.
ئه‌م دزانین كه‌س نه‌مایه‌ ل دونیایێ مافێ خوه‌ نه‌وه‌رگرتى، به‌لێ كه‌سێ ئه‌و ماف نه‌دایه‌ كه‌سێ ب ساناهى هه‌تا نوكه‌ دوژمنا یارى ب پاشه‌رۆژا مه‌ دكرن و یارى ب هه‌مى وارێن ژیارا مه‌ دكرن نوكه‌ رۆژا مه‌ گه‌له‌ك یا گه‌رمه‌ ل به‌ر مه‌ زوى دبۆریت و ل به‌ر دوژمنا زور یا گرانه‌.
ئه‌ڤ رۆژه‌ روژێن ژیارێ نه‌ نه‌یێن نه‌مانێ نه‌، ئه‌گه‌ر ئه‌م باش د بابه‌تى بگه‌هین دێ هه‌مى شیانێن خوه‌ مه‌زێخین و دێ هه‌ول ده‌ین دو به‌رامبه‌ر كارێ خوه‌ زێده‌كه‌ین د گۆره‌پانا شۆلى دا، مه‌ره‌م پێ ئه‌وه‌ ئه‌م دشێین گه‌له‌كێ بكه‌ین.
دڤێت دوژمن ژى باش بزانن ئه‌و رێكا مه‌ گرتى و ئه‌و ئارمانجا ئه‌م داخواز دكه‌ین ب سه‌دان هزار شه‌هید مه‌ ژبۆ داینه‌، ب ساناهى دروست نه‌بوویه‌.
ئه‌ڤ شه‌ڕه‌ ب كه‌یفا دوژمنان خلاس نابیت، مه‌ دڤێت بێژین ئه‌ڤێن خوه‌ زه‌حمه‌ت دده‌ن گه‌له‌كن ل ده‌مێ ئه‌م به‌رێ خوه‌ ده‌ینه‌ شه‌رێ دوژمنى زور گه‌شبینین، چونكو ملله‌تێ مه‌ كه‌س نه‌مایه‌ تێدا پشكدار نه‌بۆى و هه‌مى ل هیڤیا سه‌ركه‌فتنێ نه‌. دوژمن ب هه‌مى رێیا هاتنه‌ مه‌،جار نهێنى و جار ئاشكرا جار نه‌رم جار ب ئیسلاما توندره‌و جار ب تیرۆره‌كا مه‌زن د هه‌مى ده‌مان دا و د هه‌مى كاودانان دا وره‌یا مه‌ گه‌له‌ك یا به‌رز بوو، ئه‌ڤه‌ بوویه‌ هۆكارێ بێئومێدى و شكه‌ستنا دوژمنان، هه‌كه‌ مه‌ تێگه‌هشتنه‌كا دیرۆكى هه‌با، ئه‌م دا به‌رى نوكه‌ ڤێ كه‌ین و مه‌ گیرۆ نه‌دكر،به‌لێ نوكه‌ مه‌ قیامه‌تا دوژمنى راكر و ب له‌ز ئه‌ڤه‌ هاته‌كرن مه‌ گیرۆ كر، هه‌ر لڤینه‌كا دوژمن بكه‌ت ڤێ جارێ فه‌رمان بارا دوژمنى یه‌ ل ده‌ڤ دوژمنان په‌یڤا كورد هه‌مى تشتان سه‌رئێك و بنئێك دكه‌ت، ژ به‌ر هندێ ب شه‌ڤ و رۆژ پێڤه‌ دمژوولن نه‌ڤێن بهایێ داره‌كا مازى مافى بده‌ن كوردان، دبێژن ئه‌سل دا كوردا ماف نینه‌.
ل ده‌مێ بێ هێز و لاواز دبن دبێژن كوردان مافێ خوه‌ هه‌یه‌، به‌لێ ل به‌رفره‌هیێ دێ ل هزار رێیا گه‌رهن كو خوه‌ ژ ڤێ په‌یڤێ خلاس كه‌ن، ل ده‌مێ خوه‌ خلاسكر بۆ كه‌سێ رۆن ناكه‌ن، بۆچى مه‌ وه‌ گۆت و بۆچى په‌شێمان بووین دڤێت ئه‌م هه‌مى پێِشمه‌رگه‌ بین و ب ره‌نگه‌كێ وه‌سا خوه‌ حازر بكه‌ین كو دوژمنى جورئه‌ت نه‌بیت ب كوته‌كى ئیرادا خوه‌ ل سه‌ر مه‌ بسه‌پینیت، ره‌تكرنا ریفراندۆمێ كێمتر نینه‌ ژ ئه‌نفالان چونكى ئه‌گه‌ر مه‌ ماف نه‌بیت ره‌ئیا خوه‌ بێژین، كا مه‌ چ دڤێت واته‌ دانپێنه‌دانه‌ ب مه‌ وه‌ك مرۆڤ، گه‌له‌ك جاران دوژمنى هه‌ولدایه‌ ملله‌تێ مه‌ بخاپینیت و جهێ داخێ یه‌ هنده‌ك جار سه‌ركه‌فتن بده‌ستڤه‌ئینایه‌ ل هنده‌ك جها و د هنده‌ك مه‌جالاندا، به‌لێ سوپاس بۆ خودێ ملله‌تێ مه‌ گه‌هشتیه‌ وى راده‌ى پیلانێن دوژمنى باش دخوینیت هێشتا حبرێ قه‌له‌مێ وان هشك نه‌بووى راستیا وێ بۆ دیار دبیت. دوژمنى خه‌نجه‌را خوه‌ یا ئینایه‌ ده‌ر و هنده‌ك پشتا خوه‌ دده‌نێ، دڤێت ئه‌م ژ دوژمنان باوه‌رنه‌كه‌ین، چونكو چ د به‌ریكێن دوژمنا دا نه‌مایه‌، نه‌ هێزه‌ك ئێكگرتى هه‌یه‌ و نه‌ ئیراده‌ك موكم هه‌یه‌ و نه‌ گه‌له‌ك وه‌فادار هه‌نه‌. ئه‌گه‌ر تو نوكه‌ دیرۆكێ بهه‌لسه‌نگینى، دێ بینى ملله‌تێ مه‌ یێ ل گوپیتگێ چونكى ئه‌و ملله‌تێ هه‌مى كه‌سێن وێ (بچیك و مه‌زن و ژن و مێ )، هه‌مى ئاماده‌ى قوربانیدانێ بن، ئه‌ڤه‌ تشته‌كێ كێم وێنه‌یه‌ ل جیهانێ و دڤێت ئه‌م شانازیێ بخوه‌ ببه‌ین كو مه‌ ملله‌ته‌كێ هۆسا هه‌ى و دوژمن باش دڤێ راستیێ گه‌هشتینه‌.
ئه‌وێن شول ب ڤى كاودانى نه‌، دێ بێژن (ئه‌و مارێ بمن ڤه‌ نه‌ده‌ت بلا 100 سالێن دى عمرێ وى یێ درێژ بیت ) ئه‌رێ ئه‌وێ خودانێ مارى چ ژ هه‌ڤنیشتیمانیا وى مایه‌ چ ژ ناسناما وى مایه‌ چ ژ دیرۆكا وى مایه‌؟ ئه‌رێ پسیار؟ یێن هۆسا د ناڤ مه‌دا بن باشتره‌ یان نه‌؟ به‌رسڤ تاكید نه‌خێر، چونكو مه‌ پێدڤى ب ڤان جۆره‌ كه‌سان نینه‌ و پشتا خه‌و ژى پێ راست ناكه‌ین. بلا ئه‌م ئه‌ڤ ساله‌ بكه‌ین سالا مرنا دوژمنى، به‌لێ دڤێت ئه‌م گه‌له‌ك ب هشیارى كاربكه‌ین دا نه‌كه‌ڤینه‌ د شاشیان دا و بتایبه‌ت یێن دیرۆكیدا، چونكو دڤێت نوكه‌ ئه‌م باش و خرابیێن خوه‌ ژێكجودا بكه‌ین، هه‌ر چه‌نده‌ دلسۆز و راستگۆ و مێرخاس د ته‌نگاڤیان دا دیاردبن.
بلا هزرێ دهندێ دا نه‌كه‌ین هێزا دوژمنى گه‌له‌كه‌ و هێزا ته‌ یا كێمه‌، ئه‌م هه‌ر رازى نابین هزر د هندێ دا بهێته‌ كرن، ل ده‌مێ مه‌ بریار داى شه‌رێ دوژمنى بكه‌ین ب تنێ ئه‌م چه‌ند كه‌سه‌ك بوون، به‌لێ نوكه‌ دوژمن هزار حسابا بۆ هێزا مه‌ دكه‌ت. ئه‌م دێ بێژین پێشمه‌رگێن قه‌هره‌مان هوون ل پێشیا مه‌نه‌، ئه‌م ژى پشته‌ڤانێن وه‌ینه‌ و ل ته‌نگاڤیا ب هه‌مى هێز و ئیرادا خوه‌ ئه‌م ل گه‌ل وه‌ینه‌ ل به‌رۆكێن پێشیا شه‌رى. ئه‌م پێكڤه‌ به‌ر ب جیهاده‌كا راسته‌قینه‌ د رێكا خودێ و گه‌ل و نیشتیمانى داینه‌.
*به‌رپرسێ لقێ ئێك

73

 

ئه‌ڤرۆ ده‌ستپێكا ئاماده‌كاریێن پیرۆزترین ئه‌ركێن د دیرۆكا خه‌لكێ كوردستانێ دا و بـ ملیۆنان خه‌لكى مه‌ چه‌ندین ساله‌ چاڤه‌رێى ڤێ رۆژێ

دڤێت تاكێ كوردستانى هه‌ست ب بارێ به‌رپرسیاره‌تیا خوه‌ بكه‌ت ب ره‌وشته‌كێ بلند و ب باوه‌رییه‌ك بنه‌جه و سه‌رده‌میانه‌ و بـ رێیێن یاسایى و دیمۆكراتى ڤێ هه‌لمه‌تێ ب رێبێخین و پشكداریه‌كا كارا تێدا بكه‌ین رۆژه‌كا دیرۆكى و ده‌رفه‌ته‌كا گه‌له‌ك گرنگ بۆ ملله‌تێ مه‌ په‌یدا بوویه‌ وه‌ ل به‌ر ده‌ستێ مه‌یه‌.
ـ(25/9) (25/9) رۆژا حسابا دیرۆكى یه‌ بلا ئه‌م هه‌مى غه‌زه‌با خوه‌ ئه‌وا ئه‌ڤه‌ چه‌ندین ساله‌ كه‌تیه‌ سه‌رئێك دارێژین سه‌ر دوژمنى پێخه‌مه‌ت بده‌ستڤه‌ئینانا هه‌مى ئارمانجا و ب رێكێن ئاشتى و دیمۆكراسى.
ـ ئه‌ڤه‌ ئه‌و رۆژه‌ هات ئه‌وا ملله‌تێ مه‌ چه‌ندین ساله‌ ل هیڤیێ، ئه‌ڤه‌ ئه‌و رۆژه‌ ئه‌وا چه‌ندین قه‌هره‌مانان خوه‌ بۆ كریه‌ قوربان و ئه‌گه‌ر پێویست بوو، مه‌ پێدڤى ب هێشتایه‌ خوه‌ بكه‌نه‌ قوربان و ئه‌ڤ ملله‌ته‌ یێ به‌رهه‌ڤه‌، به‌لێ دڤێت ئه‌ڤێن خوه‌ كریه‌ قوربان هه‌ر و هه‌ر د وژدانا مه‌دا بژین و وان ژبیرنه‌كه‌ین، چونكى ب سایا خوینا وان ئه‌م ئه‌ڤرۆ ب ئارامى دژین و هه‌مى ده‌ڤه‌رێن دى د ناڤ خینێ دا دگه‌ڤزن ئێكه‌مین ئه‌رك ئه‌وه‌ ئه‌م ڤیانا خوه‌ ده‌رباره‌ى وه‌لاتێ خوه‌ و چیایێن خوه‌ و ده‌شت و رووبارێن خوه‌ و دلسۆزى و وه‌فاداریا خوه‌ بۆ ئاخا خوه‌ دیاربكه‌ین، ئه‌و كه‌سێ هزرێ د ملله‌تێ خوه‌ دا نه‌كه‌ت و ب دلسۆزى كار بۆ نه‌كه‌ت، ئه‌و كه‌سێ د ڤێ چه‌ندێ دا نه‌گه‌هیت و هه‌ست د دلێ خوه‌ دا نه‌كه‌ت، بلا چاڤه‌رێى چاره‌نڤیسه‌كێ باش نه‌كه‌ت بلا هه‌ر كه‌سه‌ك هه‌لسه‌نگاندنا خوه‌ بكه‌ت و رووب رووكرنا ده‌روونا خوه‌ بكه‌ت، نابیت رێ بده‌ینه‌ نه‌یارێن خوه‌ ب كوته‌كى ئیرادا خوه‌ ل سه‌ر مه‌ بسه‌پینن، نابیت ملله‌تێ مه‌ ل ڤان سه‌ركه‌فتنا راوه‌ستیت ئه‌وێن ب خوینا شه‌هیدان بده‌ستڤه‌ هاتین دڤێت ئه‌م باش بزانین هه‌ر ده‌م ده‌لیڤه‌ نابن ل پێشیا ملله‌تێ مه‌ و پێدڤیه‌ مفاى ژ ده‌لیڤا وه‌ربگرین تا دووماهیك راده‌.
سوپاس بۆ خودێ شه‌نسێ مه‌ كه‌فته‌ ل گه‌ل رۆژا حسابا حه‌سما مه‌وقفێ چه‌ندین سالێن شۆره‌ش و راپه‌رینان و دێ سوپاسیا خودێ كه‌ین شه‌ره‌فا هه‌مى قوربانیه‌كێ ژى بكه‌ته‌ قسمه‌تێ مه‌، هه‌مى تشت دێ ده‌ستپێكه‌ن و لاپه‌رێن محاسبا دیرۆكێ ژى دێ ده‌ستپێكه‌ن، دڤێت د ڤێ قووناغێ دا دا ئه‌م هه‌مى وه‌سا كاربكه‌ین دا سه‌ركه‌فتن پێشمه‌ڤه‌ بهێت. شهاده‌ت د رێیا وه‌لاتیدا هه‌لویسته‌ك شه‌ریف و پیرۆزه‌، ئه‌و ملله‌تێ خوه‌ گوریكه‌ر هه‌بن بێگومان و مسۆگه‌ر دێ گه‌هیته‌ ئارمانجێن خوه‌ و ئه‌م گه‌له‌ك یێن نێزیكبووین ژ ڤان ئارمانجان و سه‌ركه‌فتنا دوماهیێ.
ئه‌ڤ رێیا مه‌ گرتى هند هێز و جه‌ساره‌تێ ده‌ته‌ مه‌ ئه‌گه‌ر مه‌ ئه‌ڤ هێز و جه‌ساره‌ته‌ دروست بكارئینان دوژمن ل وى ده‌مى دێ راده‌ستى ئیرادا حه‌قیێ و دادپه‌روه‌ریێ بیت. دڤێت هه‌ر و هه‌ر د كارێ خوه‌ دا پشتبه‌ستنێ ل سه‌ر ڤێ هێز و جه‌ساره‌تێ بكه‌ین دا بگه‌هینه‌ ئارمانجێن خوه‌.
ئه‌م دێ به‌رده‌وام ل سه‌ر رێبازا شه‌هیدا درێژیێ ب قوربانیدانێ ده‌ین، بێگومان ئه‌گه‌ر مه‌ ئه‌ڤه‌ كر چ ده‌لیڤه‌ نینه‌ دێ بسه‌ركه‌ڤین.
به‌رێزان:
ئه‌م ل هه‌مبه‌ر ده‌رفه‌ته‌ك دیرۆكى داینه‌ پشتى هه‌مى خه‌بات و قوربانیدانێ ل پێناڤێ پاراستنا ئاخا خوه‌ و سه‌روه‌ریا نیشتیمانى،شانازیه‌ ئه‌م به‌ر ب سه‌ربخوه‌یێ ڤه‌ دچین و دێ دووماهیێ ب ده‌ستهه‌لاتا بیانایا ئینین بۆ حه‌تا حه‌تایێ ب ئانه‌هیا خودێ.
ئه‌ڤرۆ ئه‌م یێن د روو ب رووبوونه‌كا دیرۆكى دا ب مۆرالا بلندا نیشتیمانپه‌روه‌ر و باوه‌ریا پێشمه‌رگایه‌تى ل سه‌ر هاتى دروستكرن و ب وێ قه‌ناعه‌تا ب هزاران قه‌هره‌مانان خوه‌ پێ شه‌هید كرى دێ به‌ر ب گوپیتكا ئارمانجان ڤه‌ چین ژ بۆ بده‌ستڤه‌ئینانا ژیانه‌ك سه‌ربلند و كامه‌ران (25/9) دێ بیته‌ پشكه‌ك ژ دیرۆكا كوردستانێ.
ئه‌وێن ب ده‌نگێ به‌لێ پشكداریێ د ریفراندۆمێدا دكه‌ن دروستكه‌رێن ڤێ دیرۆكێنه‌، ئه‌و ئاخا ب زۆرى دوژمنان برى ئه‌و مافێ ب ئاگر و ئاسن ژ مه‌ ستاندى
ئه‌و وه‌لاتێ چه‌ندین جار هاتى وێرانكرن، دێ ب گۆتنه‌كێ ب تنێ هه‌میێ قه‌ره‌بۆكه‌ین ئه‌و ژى ل رۆژا (25/9) ب به‌لێ ده‌نگى بۆ سه‌ربخوه‌یا كوردستانێ بده‌ین.
كوردێن نشتیمانپه‌روه‌ر:
ب گۆتنا به‌لێ دێ تۆلا شه‌هیدێن به‌رى (100) سالان ڤه‌كه‌ین، ترس و بێئۆمێدى ره‌نگه‌كه‌ ژ مرنێ مه‌ یێ خوه‌ پاراستى و دێ خوه‌ پارێزین.
مه‌ قوربانى یێن داین و ئه‌م د ئاماده‌ى قوربانى دانێینه‌ ژ پێخه‌مه‌ت به‌خته‌وه‌رى و ئازادیا گه‌لێ خوه‌. ئازادى و سه‌ربه‌خوه‌یى ئه‌و حه‌قه‌ یێ خودێ دایه‌ مه‌ وه‌كى هه‌مى گه‌لێن دونیایێ ئه‌ڤه‌ ژى وێ چه‌ندێ دگه‌هینیت خودێ ل سه‌ر مه‌ فه‌رز دكه‌ت ل (25/9) بچینه‌ سه‌ر سندۆقێن ده‌نگدانێ و ب ده‌نگێ به‌لێ بۆ سه‌ربخوه‌یا كوردستانێ، ده‌نگێ خوه‌ بده‌ین غه‌زه‌ب بۆ دوژمنان و ره‌حم و دلۆڤانى بۆ گه‌لێن هه‌ژار ده‌نگێ به‌لێ بۆ سه‌ربخوه‌یا كوردستانێ كاریگه‌رتره‌ ژ تانك و فرۆكه‌ و له‌شكه‌ران، خه‌بات و قوربانیدانا پێشمه‌رگه‌ و خه‌لكێ دلسۆز و نیشتیمانپه‌روه‌ر و هه‌ژار ئه‌م ژ خاله‌كا زۆرا لاواز به‌ر ب سه‌روه‌ریه‌كا زۆرا مه‌زن ئیناین ئه‌ڤه‌ بابه‌ته‌كێ چاره‌نڤیسازه‌ مه‌زنترین شاشى ئه‌وه‌ ئه‌م یاریا ب چاره‌نڤیسێ گه‌لێ خوه‌ بكه‌ین، خه‌لكێ كوردستانێ شۆره‌ش نه‌كرینه‌ چونكو یێ برسى بوو سه‌رجه‌مێ هه‌مى قوربانیان و هه‌مى شه‌هیدان بۆ ڤێ ژیارێ نه‌بوویه‌، یا دوژمنان ل سه‌ر مه‌ سه‌پاندى ژ چونه‌یێ، ئه‌ڤرۆ دروستكر گه‌له‌ك قووناغێن سه‌خت و دژوار مه‌ ده‌ربازكرن. مه‌ ئه‌ڤرۆیه‌كا ته‌نا و ئارام و به‌خته‌وه‌ر بۆ خه‌لكێ خوه‌ دروستكر ئه‌م هه‌مى خه‌لكێ كوردستانێ شانازیێ پێ دكه‌ین و پێدڤه‌، بهۆست بهۆست كوردستانێ بپارێزین.
خووشك و برایێن هێژا:
یا دروست ئه‌وه‌ كو نه‌یارێن گه‌لێ مه‌ یێ دترسن ژ ئه‌نجامدانا ریفراندۆمێ چونكى سه‌ركه‌فتنا ریفراندۆمێ ئه‌و هێزه‌ یا كو چ دوژمن نه‌شێن به‌رهه‌نگار ببن، مێرخاسى و عه‌گیدى و دلسۆزى بلا ژبۆ سه‌رئێخستنا ریفراندۆمێ بیت، گه‌له‌ك خۆشمێر و عه‌گیدان خو كره‌ قوربان داكو ئه‌م هه‌بین و بۆ مه‌ ژى شه‌ره‌فه‌ك زۆر مه‌زنه‌ درێژیێ ب رێبازا وان بده‌ین و بۆ هه‌ر جۆره‌ قوربانیه‌كێ دئاماده‌بین و نه‌بینه‌ شه‌همزارێن نفشێ داهاتى و پشتبه‌ستن ب سالۆخه‌تێن وان قه‌هره‌مانێن خوه‌ شه‌هیدكرى ئێك ژ گرنگترین پیڤه‌رێن سه‌ركه‌فتنا گه‌لێ مه‌نه‌، ئه‌ڤه‌ وێ چه‌ندێ دگه‌هینیت چ مه‌ترسى ل سه‌ر كوردستانێ نینن و كه‌سێ مافێ ده‌ستدرێژكرنێ ل سه‌ر كوردستانێ نینه‌ و كه‌س ژى نه‌شێت سنۆرێن مه‌ ببه‌زینیت.
ئه‌ى ملله‌ت:
دڤێت ژبیرنه‌كه‌ین
• چه‌ند خوین و رۆندك هاتنه‌ رێتن.
• چه‌ند زارۆ مانه‌ بێ باب.
• چه‌ند ژن مان بێ هه‌ڤژین.
• چه‌ند گوند هاتنه‌ وێرانكرن.
• چه‌ند دێر و مزگه‌فت و په‌رستگه‌ه هاتنه‌ سۆتن.
• چه‌ند قه‌هره‌مان د چه‌په‌رێن شه‌ره‌فێ دا گیانێ خوه‌ كره‌ قوربان.
• چه‌ند خۆشمێران سه‌رێ خوه‌ دانا.
• چه‌ند شۆره‌شگێر دبن ئه‌شكه‌نجێ و ل سه‌ر دارێ سێدارێ شه‌هیدبوون.
• وه‌ چه‌ندین جار مرۆڤێن كوردستانى هاتنه‌ بێ كه‌رامه‌تكرن، ما ئه‌ڤنه‌ هه‌مى بهایێ هندێ نائینن رۆژا (25/9) بچینه‌ سه‌ر سندۆقێن ده‌نگدانێ و ب یه‌ك گۆتن ئه‌و ژى به‌لێ یه‌ بۆ دروستبوونا ده‌وله‌تا كوردستانى. خه‌لكێ كوردستانێ یێ بریندار چه‌ندین ساله‌ خوین ژ برینێن وان دهێت ل (25/9) دێ ب ده‌نگێ به‌لێ هه‌مى برینا سارێژكه‌ین و گیانێ شه‌هیدان شادكه‌ین و دێ ده‌وله‌تێ دروست كه‌ین.
پا دیندارى و خودێ نیاسین بۆ كه‌نگى یه‌؟ ئه‌رك و پێگریى و مرۆڤایه‌تى بۆ كه‌نگى یه‌؟ زه‌لامینى و مه‌ردایه‌تى بۆ كه‌نگى یه‌؟، نیشتیمانپه‌روه‌رى و هه‌ڤوه‌لاتیبوون بۆ كه‌نگى یه‌؟ مه‌ بۆ چ رۆژه‌كێ هێلایه‌ به‌رسڤا ڤێ هه‌مى زولم و وه‌حشى گه‌ریێ بده‌ین ژنێن قه‌هره‌مان كچێن ده‌لال دایكێن جه‌گه‌ر سۆتى، قوتابى و لاوێن كوردستانێ رۆژ رۆژا وه‌یه‌ نابیت ئێدى كێماسیێ ل سه‌ر خوه‌ قه‌بوول بكه‌ین مامۆستا و فه‌رمانبه‌رێن خۆراگر ئه‌ڤه‌ ئه‌و ده‌م هات كو د قادا خه‌باتێ دا خۆیاكرنا دلسۆزى و وه‌فاداریا خوه‌ بۆ پاشه‌رۆژا گه‌لێ خوه‌ دیار بكه‌ین. جۆتیار و پاله‌ و كاسبكار و هه‌ژارێن كوردستانێ پێشمه‌رگێن قه‌هره‌مان پێشره‌وێن خه‌بات و قوربانیدانێ رێیا سه‌ركه‌فتنێ هات ڤه‌وژارتن سه‌ركه‌فتنا پێشڤه‌دهێت، ئه‌وا بخوینێ بده‌ستڤه‌هاتى ل 25/9 ب ده‌نگێ به‌لێ بپارێزین و ده‌وله‌تێ ل سه‌ر ڤێ ئاخا عه‌زیز دروست كه‌ینه‌ ڤه‌.
خه‌لكێ شنگالێ.. خودانێن فه‌رمان و قوربانیدانێ:
د هه‌مى ژیارا وه‌دا وه‌كى ئه‌ڤرۆ ناهه‌لكه‌ڤیت تۆلا (74) فه‌رمانا ڤه‌كه‌ن. شنگالێ بزڤریننه‌ ڤه‌ بۆ باوه‌شا كوردستانێ و ئاڤه‌دان بكه‌ن و هه‌مى مافێن وان یێن ژیانێ و ئۆلى د شنگاله‌كا ئارام و ئاڤه‌دان و به‌خته‌وه‌ر دا بهێنه‌ پاراستن.
ل به‌ر رۆناهیا په‌یاما (شه‌ڕفه‌ددین) ئه‌وا كو ل به‌رى (800) سالان ئه‌مر دكه‌ت دبێژیت (جابێ بده‌نه‌ كوردستانێ دا قایم بكه‌ن ئیمانێ شه‌رفه‌ددین میره‌ ل دیوانێ).
هه‌رنه‌ سه‌ر سندۆقێن ده‌نگدانێ پێكڤه‌ ب ده‌نگێ به‌لێ بۆ سه‌ربه‌خویا كوردستانێ ده‌نگێ بده‌ن. ئێزدیێن قه‌هره‌مان ل سه‌ر قه‌ناعه‌ت و باوه‌ریا شه‌رفه‌ددینى ل رۆژا 25/9 هه‌رنه‌ سه‌ر سندۆقێن ده‌نگدانێ و ب ده‌نگێ (به‌لێ) بۆ سه‌ربخوه‌یا كوردستانێ ده‌نگى بده‌ن، ئه‌ڤه‌ ب تنێ تێرا هندێ هه‌یه‌ دووماهى ب فه‌رمانان بهێت بۆ حه‌تا حه‌تایێ.
مه‌زنترین تۆلڤه‌كرنا جینۆسایدا سالا (2014) ده‌نگدانه‌ ب به‌لێ بۆ سه‌ربخوه‌یا كوردستانێ هه‌مى خه‌لكێ كوردستانێ پشته‌ڤانێن هه‌وه‌ نه‌.
ب ڤێ هه‌لكه‌فتێ سۆز و په‌یمانان نوو دكه‌ینه‌ ڤه‌ تاوانبارێن جینۆسایدا شنگالێ چو ده‌مه‌كى ده‌ستان لێ نه‌پارێزین حه‌تا ب سزایێن غه‌در و خیانه‌تا خوه‌ دگه‌هن.
بۆ هندێ فه‌رمان دوباره‌ نه‌بنه‌ ڤه‌ ل (25/9) پێكڤه‌ ب ده‌نگێ به‌لێ بۆ سه‌ربخوه‌یا كوردستانێ ده‌نگى بده‌ن ئه‌وێن ئه‌ڤرۆ كوشتنا برایێن مه‌سیحى حه‌لال دكه‌ن و ده‌ستدرێژیێ دكه‌نه‌ سه‌ر مال و سامان و گیانێ وان، دڤێت باش بزانن ب ملیۆنان خه‌لكێ مه‌ هه‌ڤپشكێن خه‌مێن وانن و دێ مینین به‌ره‌ڤانكه‌ر و پارێزه‌رێن وان. برایێن مه‌سیحى دێ مینن خودانێن هه‌مى مافێن خوه‌ یێن ره‌وا د وه‌لاتێ خوه‌ دا، ئه‌ڤرۆ شانازیه‌ هه‌مى برایێن مه‌سیحى د كوردستانا خوه‌ دا ب ئارامى و ته‌ناهى به‌خته‌وه‌ر دژین.
دێ ب سه‌ركه‌فتیانه‌ ریفراندۆمێ ئه‌نجامده‌ین و دێ ده‌وله‌تا خوه‌ ژى راگه‌هینین، چ روى بده‌ت بلا روى بده‌ت وه‌ چ جۆره‌ قوربانیه‌ك پێویست بیت ئه‌م دئاماده‌ینه‌.
هه‌ر بژیت خه‌لكێن كوردستانێ
بمرن نه‌یارێن گه‌لان سه‌ربه‌ست تروانشى به‌رپرسێ لقێ ئێكێ پارتى.

website security
WP Facebook Auto Publish Powered By : XYZScripts.com