NO IORG
Authors Posts by شه‌وكه‌ت ئامێدى

شه‌وكه‌ت ئامێدى

شه‌وكه‌ت ئامێدى
11 POSTS 0 COMMENTS

11

هه‌روه‌كی زۆر جاران مه‌ ئاماژه‌ پێكری، د زۆربه‌ی شه‌ر و پێكداداناندا هنده‌ ئامانچێن ئیكونۆمی و ڕامیاری و سه‌پاندنا ده‌سهه‌لاته‌كێ، ڕاسته‌خوه‌ یان نه‌ ڕاسته‌خوه‌ یا د ناڤ بابه‌تێن شه‌ران دا هه‌ی.
یا ڕۆهن و ئاشكه‌را بوو، ده‌مێ ئه‌ردوغانی ڕاسته‌خوه‌ و نه‌ ڕاسته‌خوه‌ پشكداری د شه‌رێ ده‌ڕعا و ڕه‌قه‌دا كری. مه‌به‌ستا وی ڕێزگاركرنا وان باژاران نه‌ بوو، مه‌به‌ستا وی یا سه‌ره‌كی هنده‌ گرۆپێن توندڕه‌و ل گه‌ل چه‌تێن ئیسلامی یێن كورد ب ده‌ستڤه‌بینیت ژ بۆ شه‌ڕێ عه‌فرینێ و منبجێ دا په‌یه‌ده‌ و هه‌ڤپه‌یمانێن وێ ژ ئه‌وان جهان دوور بێخن و ڕێ یا ده‌ریای (ئاڤی) ل كوردان قوت بكه‌ت! د هه‌مان ده‌مدا تومۆگرافیا عه‌فرینێ وه‌كی نوكه‌ عه‌ره‌ب و توركومان ل كه‌ركووكێ دگوهۆرن. ئه‌و ژی ب ئینانا كۆچبه‌رێن عه‌ره‌ب و تورك ژ بۆ عه‌فرینا داگیركری و ده‌وروبه‌رێن وێ.
لێ پشتی ڕۆسیا و توركیا و ئه‌مریكا هه‌می جۆرێن تیرۆریستان ل ئه‌دلبێ خركرین. نوكه‌ ئه‌ردوغان دخوازیت ب ڕێ یا ئه‌ڤی شه‌رێ مایی، هه‌می ئه‌وان خوینڕێژان ب دزی ڤه‌ د ناڤ كۆچبه‌ران ڕا بینیته‌ توركی یا دا. پاشی ل دووڤ پێدڤی ببه‌ته‌ شه‌ڕێ په‌كه‌كه‌ و ل قه‌ندیلی ب جهـ بكه‌ت ژ بۆ پاشه‌رۆژێ. ژ لایه‌كێ دی ڤه‌ ئه‌و دخوازیت ڕۆژهه‌لاتێ فوراتی ژی وه‌كی عه‌فرینێ لێ بكه‌ت، ل هه‌مان ده‌مدا دبێژیت ئه‌م ناخوازین چ هێرشێن سوپایی بێهنه‌كرن ژ بۆ سه‌ر ئدلبێ. ئه‌وژی چاواشه‌كرن و به‌ر به‌رزه‌كرنا ئه‌ڤی كارێ ڕه‌شه‌ ل به‌ر چاڤان. ل ڤێره‌ كا دێ هه‌لویستا په‌یه‌ده‌، پارتێن باشووری، ده‌سهه‌لاتا عیراقێ چ بیت؟ ژ بیرنه‌كه‌ن پیچه‌ك ب دلێ ئیرانێ ژی نینه‌، به‌لێ نوكه‌ شه‌په‌رێن وێ دشكه‌ستینه‌.
ده‌مێ ئه‌م نوكه‌ باسێ ئه‌ڤان گرۆپێن تیرۆریست و پێكه‌كه‌ و قه‌ندیلی دكه‌ین. ژ بیر نه‌كه‌ ئه‌ڤه‌ گورزی هه‌رێ مه‌زن و گرانه‌ دژی كوردێن باشوور. ئه‌گه‌ر هه‌ر ژ نوكه‌ كاره‌كێ گونجای ژ بۆ نه‌هێته‌ كرن.
شه‌وكه‌ت ئامێدی

23

شه‌وكه‌ت ئامێدی

زۆربه‌ی زۆری جڤاك و ملله‌تێن جیهانێ، ئه‌و ملله‌تێن كه‌ڤنه‌ د ناڤ شه‌ر و پێكدادانان دا، خۆپاراستن و به‌رگری دبیته‌ پشكا وان یا هه‌را مه‌زن، ڕاسته‌ هه‌یبه‌ت و خۆڕاگری به‌هرا هه‌را مه‌زنه‌ د هه‌ر سه‌ركه‌فتنه‌كێ دا. لێ ل سه‌رده‌مێ نوكه‌ ژ ده‌ریا و بیابانان دا یێ گولله‌ و گورزێن مه‌زن ل شكه‌فت و گه‌لیان دده‌ن و ئه‌گه‌ر لێ ته‌نگ ژی ببیت ده‌ستێ خوه‌ یێ ڕه‌ش، بێ چو گومانه‌كێ درێژدكه‌ن لێزه‌ر و كیمیاوی و هنده‌ جاران جه‌رسۆمی ژی دێ بكارئینن، ل سه‌ر ڤان هه‌می نه‌هامه‌تیاران. ئه‌م وه‌ك گوله‌كێ د هه‌مان ده‌م دا ڕۆناهیه‌كێ دبینن و چاڤێ زۆربه‌ی په‌رپرس و خوانده‌ڤان و ڕه‌وشه‌نبیرێن مه‌ یێ ل وێ پیچا ڕۆناهیێ و دێ بیر لێ كه‌نه‌ڤه‌، كا دێ چاوا ئه‌وێ ڕۆناهیێ پارێزن و به‌رفره‌هتر لێ كه‌ن. ئه‌و ڕۆناهی ژی په‌روه‌ردا ساخله‌مه‌، شه‌ڕ چێ به‌رگری بیت چ سه‌پاندن بیت. دێ هه‌ر دووماهیه‌ك ژ بۆ هێت و قوربانێن وی ژی وه‌ك برینه‌كا به‌رده‌وام ژ به‌رچاڤان به‌رزه‌نابیت. چ قوربانیێن گیانی، سۆتن، وێرانكرن، كۆچبه‌ری، ئیكۆنوومی، جڤاكی.. هتد. لێ چ قورنانی نا گه‌هنه‌ قوربانیێن په‌روه‌رده‌یی، قوربانیین په‌روه‌رده‌یێ دبیته‌ ئه‌گه‌را شه‌له‌ل و لاوازی و پاژڤه‌چوونا جڤاكێ ب هه‌می چینوته‌خان ڤه‌، چونكو ژ ناڤچوون یان وێرانكرنا باژاره‌كی. دێ ب ده‌مه‌كێ دیار، ئه‌گه‌ر جانتر نه‌، دێ وه‌كی وی هێته‌ ئاڤه‌دانكرن. لێ لاوازی و بنپێكرنا بنه‌مایێن په‌روه‌ردا هه‌ر جڤاكه‌كێ. دێ بیته‌ ئه‌گه‌را لاوازی و ژ بنچوونا نفشه‌كی (جیله‌كی) كامل. ئه‌گه‌ر پشتی سه‌رهه‌لدانا پیرۆز ب چه‌ند ساله‌كان، ده‌سهه‌لاتێ ده‌ست ب په‌روه‌رده‌كا پێدڤی كربا، دا نوكه‌ مه‌ جڤاكه‌كێ ساخله‌ما ب كێمترین، كێموكاسی هه‌با، دا ملله‌ت شێت د ناڤبه‌را ڕه‌ش و سپی دا هنده‌ ڕه‌نگێن دی بینیت، ئه‌ڤه‌بوو ئێك ژ ئه‌گه‌رێن براكوژیێ (نه‌قه‌بوه‌ولكرنا ئێكودو) نوكه‌ مه‌ كاره‌بایه‌كا به‌رده‌وام، ئاڤه‌كا پاقژ، خواندنگه‌هێن پێدڤی، خه‌سته‌خانێن باش. دا ملله‌ت گه‌هیته‌ ئاسته‌كێ وه‌سا یێ بلندێ ب خۆباوه‌ر، شوونا شووست و پارك و جادان پاقژكه‌ین! دا پاقژ ڕاگرین. شوونا زیندانا مازنكه‌ین و پۆلیس و ئاسایشا زێده‌كه‌ین، دا ب چاڤدێریا جڤاكێ هه‌ر تشته‌ك هێته‌ پارستن، نوكه‌ شوونا مه‌ زۆربه‌ی خوارن و پێدڤیا ژ ده‌رڤه‌ئینابان، دا زۆربه‌ی به‌رهه‌م و متایێ زێده‌ ڕه‌وانه‌ی ده‌رڤه‌ی هه‌رێمێ كه‌ین.. لێ موخابن ئه‌مێ ل سه‌ر بیرێن گازێ و ئه‌مێ ل هاڤینان ژ گه‌رماندا دمرین و زڤستانان ژ سه‌رمادا د قه‌رسین. ئه‌مێ ل سه‌ر كانیێن ئاڤا چیا و ئاڤا بتلان ڤه‌دخوین. زێده‌باری به‌نداڤ و هه‌تاڤ و گه‌لیان، ئه‌مێ ل تاریێ دژین. ده‌مێ سه‌رێ به‌رپرسه‌كی تێشیت. نه‌خۆشخانێن ده‌رڤه‌ی وه‌ڵاتی یێ ل هیڤیا وان. زارۆیێن زۆربه‌ی به‌رپرسان یێ ل زانكۆیێن به‌ریتانی و ئه‌مریكی و ئسكه‌ندناڤی. ئه‌ڤه‌ ژی ژ كێم باوه‌ریا وان ژ به‌رهه‌م و ده‌رهینانێن ملله‌تی یه‌. ده‌ستنیشانه‌كا بێ گومان. چ ملله‌تان ل دێ ژمارا هه‌رێمێ پێتر خواندنگه‌هـ، په‌یمانگه‌هـ، كۆلیچ و زانكۆ د ناڤدا نینن، ل دی ژمارا ئه‌وان هه‌می په‌یمانگا و كۆلیچ و زانكۆیان. هه‌رێمێ ژماره‌كا پێ واته‌ ژ خه‌بیر و ماسته‌ر، عه‌مید، دكتۆر و پرفیسۆر و بسفۆران یێن هه‌ین و ئاستێ زانستی و به‌رهه‌مێ زۆر به‌ی ژ وان یێ ل چۆكان!. خالا ژ هه‌میان ب خه‌م و دل ئێشتر ئه‌ڤه‌یه‌: چ هه‌ژار چ هه‌یی، چ موسته‌فید، چ زه‌ره‌رمه‌ند80% د نه‌ڕازی و ده‌ڤگازنده‌ و بێ ئومێد و كێم سه‌قامگیر بێ چاره‌سه‌رن. ئه‌ڤه‌ هه‌می دبنه‌ كێم باوه‌ریا جڤاكی ب ده‌سهه‌تێ و تاخێن جڤاكێ ل ناڤ ئێكدا و وه‌ك گۆمه‌كا ئاڤێ ئه‌و ماسیێن تێدا یێ ئێكودو دخۆن بێ هیچ هه‌سته‌ك. له‌وما مه‌ پێدڤی په‌روه‌رده‌كا پێدڤیه‌ ژ بوو دروستكرنا زۆربه‌ی مرۆڤێن ڕۆژهه‌لاتی چ كچ و چ كوڕ. پێدڤیه‌ ئه‌م وێ كه‌سایه‌تیێ د ناڤ خوه‌دا ئاڤاكه‌ین ده‌مێ زارۆكێ مه‌ ژ دو سالی دكه‌ڤیت ئه‌و ب خوه‌ ڕاببی ته‌ سه‌ر پیان، ژ چار سالی جلوبه‌رگان بكه‌ته‌ به‌ر خوه‌ و بێخیت، ژ چارسالی هه‌تا ئه‌و د مالدا بیت ب هه‌می ڕییان ڤه‌ هاریكارێ مالێ بیت و ب تایبه‌ت هاریكاریا دایكێ. دا خوه‌ ئێك ژ ئه‌ندامێن مالێ بزانیت و سوباهی چ كچ چ كور دا وه‌ك پێدڤی هاریكاربن ل گه‌ل ئێك د ژیانا هه‌وسه‌رگیری دا. ژ دوازده‌سالی پێدڤیه‌ زۆربه‌ی جهێن كاران بزانیت، ل پازده‌سالی بۆ ده‌مه‌كێ تایبه‌ت، ئه‌گه‌ر جهـ هه‌بیت ئه‌و ل كارخانه‌كێ، ئۆفیسه‌كێ، خوارنگه‌هه‌كێ كاره‌كێ سڤك بكه‌ت. دا ل پاشه‌ڕۆژێ بشێت كاره‌كێ گونجای یێ ب دلێ خوه‌ هه‌لبژێریت، باشه‌ زۆربه‌ی خه‌لكێ مه‌ ئه‌كادمی بیت، لێ هه‌میان ئه‌و شیان نینن، له‌وما پێدڤیه‌ به‌ری قووناغا ئاماده‌یی فێرخوازان ل بێژینكێ بكه‌ن و هه‌ر ته‌خه‌كێ ل دی شیانێن وان ڕێ یه‌كا گونجاو نیشان بده‌ن. د ئه‌ڤان هه‌می قووناغان دا ژی. ب هووری فێری حه‌ژێكرنا خوه‌ و سروشتی و به‌رانبه‌ری خوه‌ و نشتیمان و ملله‌تی نێشان بده‌ن. ل ڤێره‌ دێ شێین پشت ب مرۆڤێ خوه‌ ببه‌ستین د گه‌له‌ك واران دا. به‌روڤاژی ڤێ ئێكێ: دێ زارۆ بیته‌ هه‌ژده‌ سال پێدڤیه‌ دایك نانێ دانیته‌ به‌رسینگى، ئامانێن وی یان وێ هه‌لگریت و بشووت، مینه‌كا دی مرۆڤ پسیاره‌كێ ژ زۆربه‌ی كه‌سان دكه‌ت. شوونا به‌رسڤه‌كا جان بده‌ت یان دان ب شاشیێ بینیت، یان ل چاره‌سه‌رێ بگه‌ریت، یان دارخوازا لێخۆشبوونێ بكه‌ت: ئێك سه‌ر دێ ب گومان كه‌ڤیت و به‌رگریێ ل خوه‌ كه‌ت و حاشا ل ڕاستیا كه‌ت و هه‌می هه‌ست و ئه‌ڤین و كار و خۆشه‌وستیان. دێ كه‌نه‌ دل ئێشی و ڕه‌ق و نه‌حه‌زی و چنه‌د چه‌په‌ریدا. له‌وما دێ بینین زۆربه‌ی وێرانكرنا مالباتان (ته‌لاق) هیچ ئه‌گه‌رێن بنه‌ڕه‌تی نینن و پاشه‌مانی د دووڤ دا دئێت. هه‌ر بابه‌ته‌ك ژ ڤان ژی پێدڤی ب ده‌مژمێرانه‌ دا كو مرۆڤ بكاریت ب ڕۆهنێ و به‌رفره‌هی شلۆڤه‌ بكه‌ت. ئه‌ڤ هه‌می كێشه‌ و ئاریشه‌ ژ سالا 2004 هه‌تا 2016 ب چه‌ندین جاران ب نڤیسین یێن ئارێسته‌ی وه‌زاره‌تا په‌روه‌ردێ هاتینه‌ كرن، لێ مخابن ل سه‌رده‌مێ مامۆستا (عه‌بدول عه‌زیز ته‌یب) تێ نه‌بیت. ب دیتنا من چو به‌رپرسێن پێدڤی نه‌ بینه‌ وه‌زیرێن په‌روه‌ردێ. هه‌روه‌سا زۆربه‌ى پێشنیاز یان ئاگه‌داریه‌ك د گه‌هیتێ ئه‌گه‌ر چاڤدێریه‌كا ڕامیاری ل دووڤ نه‌بیت. بێگومان دێ بێ به‌رسڤ مینیت و وه‌ك به‌ره‌كی تاڤێ نه‌ بیره‌كا بێ بن دا. هه‌رچه‌نده‌ مه‌ ده‌م و ده‌رفه‌ت و ده‌سكه‌فتێن مه‌زن و به‌ركه‌فتی و زێرین یێ ژ ده‌ستداین. به‌لێ نوكه‌ ژی ئه‌گه‌ر هنده‌ به‌رپرس ل خوه‌ بزڤڕنه‌ڤه‌ و ئه‌و ته‌ڤنه‌ ڕێ یا مه‌ هه‌ی. ل موخله‌كا هوور بكه‌ن و هه‌ر پارچه‌كێ ل دو ئاست و كولتوور و شیانێن هه‌رێمێ ب ده‌سسبێخن و ته‌ڤنه‌ ڕێ یه‌كا نوو ژ بو په‌روه‌ردا هه‌رێمێ دارێژن. بێگومان دێ د ده‌مه‌كێ كورت شێین زۆربه‌ی كێم و كورێن خوه‌ ڕاستكه‌ینه‌ ڤه‌. چنكی ئه‌و جڤاكێن گه‌هشتینێ خه‌لكێ وان چ چاڤ و ده‌ست و مێشكێن زێده‌ نینن. ئه‌وژی مرۆڤن وه‌ك مه‌!. به‌ری دووماهیێ ب ڤێ بابه‌تێ بینین ب بۆچوونا من، زۆربه‌ی جاران مه‌ كوردان شوونا شۆره‌شان. مه‌ هه‌ر شه‌ڕێن كرین. چونكی جوداهیه‌كا مه‌زن یا هه‌ی، د ناڤبه‌را شه‌ڕ و شۆره‌شان دا. به‌رهه‌مێ هه‌می شه‌ڕان ژی پاژڤه‌چوونا جڤاكانه‌. ئه‌و ژی بابه‌ته‌كا دوور و درێژه‌. ئه‌گه‌ر ده‌رفه‌ت هه‌بیت. دێ شێین ب ده‌مه‌كێ درێژ ل سه‌ر په‌یڤین.

14

شه‌وكه‌ت ئامێدى
به‌رێزان یا ڕۆهن و ئاشكه‌رایه‌، ل زۆربه‌ی جڤاك و وه‌ڵاتێن جیهانێ، گوند و ده‌شت و چیا و سه‌ر چاڤێن ئاڤێ و گه‌شت و گوزار، موریكا پشتێ یا ئیكونوومی، ساخله‌می، دروستبوونا هه‌لێن كاری و به‌له‌نسێ ژیانێ د نابه‌را هه‌می باژاران و گوندان دا. ل ڤێره‌ باژار دێ وه‌كی ئاشی و پاسه‌وانان لێ هێن. ئه‌وێن ل و گوندان دژین، جۆتیار و به‌رهه‌مدارێن ملك و سه‌رچاڤێن ژیانێ، ئه‌مما باژار. ب ڕێ یا پێشه‌سازی و بازرگانی ڤه‌. دان و وه‌رگرتنا وان هه‌ردوكان ب پێكڤه‌، دێ بیته‌ ئه‌گه‌را ڕاگرتنا به‌له‌نسه‌كا زۆربه‌ی ته‌خێن ژیانێ و ئیكونۆمیه‌كێ ب هێز و ساخله‌م. هه‌ر وه‌سا ئه‌ به‌له‌نسه‌ ل دێ گرانیا خوه‌. دێ جهێ خوه‌ گریت ل گه‌ل هه‌ڤسۆیێن (جیرانێن) نێزیك و جڤاكێن دی.
لێ ئه‌گه‌ر ئه‌م به‌رێ خوه‌ بده‌ینه‌ هه‌رێما كوردستانێ، نه‌ ل مینا ئاشی یه‌ نه‌ یا ئاشه‌ڤانێ و پاسه‌وانی و سه‌خبێری ژی یا ل ئاستێ لاوازیێ. ئه‌ڤه‌ چه‌ند ساله‌ هه‌ر ژ قه‌ندیلی هه‌تا زاخۆ. پێكه‌كه‌ ده‌ستێ دانایه‌ سه‌ر و ب خه‌یالا خوه‌ دێ خه‌باتا خوه‌ ژ باشووری ده‌سپبێكه‌ن، هه‌ر وه‌سا خه‌لكی ب سه‌دان گوندان نه‌شێن بچنه‌ ناڤ ڕه‌ز و پاوانێن خوه‌. دا بیچه‌ك بارێ باژاران ژی سڤكتر لێ بهێت، ژ لایێ ڕۆژئاڤایێ باشوورێ هه‌رێمێ ڤه‌، هه‌ر ژ زاخو هه‌تا خانقینێ یا ئێخستی یه‌ بن( خالا١٤٠ێ.) ده‌سهه‌لاتا هه‌رێمێ ژی ب زۆربه‌ی پارت و كاپینێن ده‌سهه‌لاتێ ڤه‌. ژ لایێ په‌روه‌ردێ، پیشه‌سازی، چاندنێ،گه‌شت و گوزاریێ د ئاسته‌كێ هه‌رێ لاواز و نزمی دا بوو. چاڤێ وان مال ده‌رمالێ به‌غدا و هاریكاریێن ناڤ ده‌وله‌تی و مووجان. ل دوماهیێ وه‌ك په‌ڕنده‌كێ بێ شه‌په‌ر لێ هاتن. ب كورتی په‌ڕنده‌كێ بێ شه‌به‌ڕ. هه‌ر دێ ستایێ وی یان وێ ل سه‌ر ملی بیت و دێ چاڤێ وان ل هه‌ر كه‌سه‌كی بیت. خێره‌كێ ل گه‌ل بكه‌ت. ئه‌و كه‌س ژی چ دوست بیت چ دوژمن. هه‌تا دوماهیێ كه‌س ب خێران نه‌ دژیت و نه‌ ژیایه‌. هه‌ر وه‌سا ئه‌و خێرا نوكه‌ دوژمن ل گه‌ل مرۆڤی دكه‌ت ژه‌هرا سوباهیه‌. ئه‌گه‌ر خودێ حه‌زبكه‌ت دێ دده‌قه‌كا دی دا چاره‌سه‌رێ ئێخینه‌ به‌ر چاڤ ب ناڤێ په‌روه‌رده‌ و شه‌ر،،،

31

شه‌وكه‌ت ئامێدى
ده‌مێ مرۆڤ به‌رێ خوه‌ دده‌ته‌ ژیانێ، ژیێ مرۆڤی هندێ درێژ و ب ده‌ستێ مرۆڤی نینه‌، هه‌می سه‌رهات و سه‌ربۆرێن خه‌لك و ملله‌تان ب سه‌رێ مرۆڤی بهێن. پاشی مرۆڤ په‌ند و زانین و سه‌ركه‌فتنا یان لاوازی و شكه‌ستنا ڕا بخه‌ندقیت.
دئێته‌ گۆتن ل سه‌رده‌مێ میرێن به‌درخانیان، ئێك ژ وان میران بڕیار دا شه‌ڕێ ده‌سهه‌لاتا توركی بكه‌ت. لێ مخابن ده‌مێ ئه‌وی قاسدێن خوه‌ ژ بۆ سه‌رۆك هێز و عه‌شیره‌تان هنارتین، دا هاریكاریا وی بكه‌ن دژی توركان، هنده‌ك ژ خێل و هۆز و عه‌شیره‌تێن ده‌وروبه‌رێن وانێ، گۆتێ د ڤی ده‌می دا ئه‌م نكارین یان نا خوازین هاریكاربین. ئه‌وی سووند ب ته‌لاقێ خار، ئه‌ز هه‌تا هه‌ردو پێن خوه‌ نه‌كه‌مه‌ت گۆما وانێ دا ئه‌ز شه‌ڕێ ل گه‌ل توركان نه‌كه‌م، میر كه‌فته‌ شه‌ره‌كێ بێ واته‌ (مه‌عنا) دژی هووز و عه‌شیره‌تێن وانێ، ئه‌وان هه‌می هۆز و عه‌شیره‌تان ژی به‌رخودانه‌كا باش كر دژی میری، شه‌ڕ چه‌ند مه‌هان كێشا، هنده‌ رویهسپی و مامۆستایێن ئوولی چوونه‌ نك میری و گۆتیێ، ئه‌رێ میر! ته‌ دگۆت ئه‌ز دێ ل گه‌ل توركان جه‌نگم، نوكه‌ تۆ یێ برایێن خوه‌ یێ كورد دكۆژی؟ میر ما و به‌رسڤا وان دا و گۆت، من ب ته‌لاقا یێ سووند خاری، هه‌تا ئه‌ز هه‌ردو پێن خوه‌ نه‌كه‌مه‌ت ئاڤا گۆما وانێ دا، ئه‌ز چو شه‌ڕان ل گه‌ل توركان ناكه‌م، مامۆستایان گۆتێ باشه‌ به‌لێ ته‌ برایێن خوه‌ یێن كورد خلاسكرن، ئه‌وی گۆت هۆسایه‌، مامۆستایان گۆتێ تۆ شه‌ڕی ڕاوه‌ستینه‌، ئه‌م دێ چاره‌سه‌ره‌كێ ژ بۆ ته‌ ببینین، مامۆستایان مه‌شكه‌ك (كه‌ڤلێ په‌زه‌كی یێ نه‌ دڕیای)، فڕێكره‌ سه‌ر گۆما وانێ بڕی ئاڤكر و ئینا، ڤالاكره‌ ئامانه‌كێ به‌رفره‌هـ. پاشی گۆته‌ مێری دێ وه‌ره‌ هه‌ردو پێن خوه‌ بێخه‌ت د ناڤ ڤێ ئاڤێدا و هه‌ره‌ شه‌ڕێ توركان و چو ته‌لاقێن ته‌ ناكه‌ڤن. میر قائیل بوو، لێ پشتی كورد ب ده‌ستێن برایێن خوه‌ یێن كورد ڤه‌براندین.
جهێ دلئێشێ یه‌ نه‌ په‌كه‌كه‌. نه‌ زۆربه‌ی خه‌بات و شه‌ڕ و پێكدادانێن كوردان دژی دوژمنان، یێ هه‌مان شاشیان دوباره‌دكه‌ن و بێ هێچ ئه‌گه‌ر و پیركرنه‌كا نشتیمانی و نه‌ته‌وه‌یی، ئه‌گه‌ر به‌رێ خوه‌ بده‌ینه‌ په‌كه‌كێ، ل ده‌سپێكێ ئه‌و چوونه‌ لبنانێ و فه‌لستینێ و هاری فه‌لستینیان دژی ئسرائیلیان، ل ڤێره‌ هاریكاریا فه‌لستینیان ل دژی ئسرائیلیان، چ مفایه‌ ژ بۆ خه‌باتا باكوور یان هه‌ر پارچه‌كێ، پاشی هاتنه‌ سووریا دژی كوردێن ڕۆژئاڤا و باشووری و عه‌بدوڵا ئوجه‌لان كره‌ قوربانی، ب ده‌ستێن ده‌سكیسیا ئه‌مریكی و ئسرائیلی و توركی.
ئه‌ڤه‌ زێده‌تر ژ سهـ سالانه‌ كه‌فتینه‌ باشووری و ب ئاشكه‌را یێ دژی زۆربه‌ی پارتێن كوردێ باشوور ڕادبن، هه‌روه‌سا ب ئاشكه‌را دپه‌یڤن. ئه‌م دێ خه‌باتێ ژ باشوور ده‌سپێكه‌ین. هه‌ر وه‌كی جاره‌كێ كۆمارا زاب دامه‌زراندی و ده‌ست ب شه‌رێ براكوژیێ كری. ده‌ستێ وان دخۆش بن ده‌مێ ئه‌وان هاریكاریا پێشمه‌رگه‌ی كری، دژی چه‌تێن داعشان، لێ ژ بیر ژی نه‌كه‌ن ئه‌وان زه‌رتر ژ ده‌هـ گوندێ برایێن ئێزدی ل ده‌وروبه‌رێ شه‌نگارێ ڕاده‌ستی حه‌شدا نه‌شه‌عبی كرن. هه‌روه‌سا مانا وان ل شنگار و مه‌خمۆر و كه‌ركووك و قه‌ندیلان، دێ بیته‌ مه‌ترسیه‌كا مه‌زن ل سه‌ر باشووری و دوور یان نێزیكی دێ جه‌میل بایك و قه‌ریلان كه‌نه‌ مینا برێز ئوجه‌لانی لێهێت. ل ڤێره‌ پسیاره‌ك دروست دبیت! هه‌ر ل سه‌ر زێری، به‌رواریباڵان، سێ چوكلكا توخیبی، گوندێن سیده‌كان هه‌تا نێزیكی قه‌ندیلی. ئه‌و هه‌می پاسدار ژی یێن خالێن چیایی دا ده‌رباز دبن ل به‌ر چاڤێن په‌كه‌كێ. هه‌ر وه‌سا زۆربه‌ی خالێن وان ل سه‌ر سنووران وه‌ك چاڤێ ڕۆژێ دیارن، باشه‌ بۆچی چ ده‌نگ ژ برێزان ناهێت؟ باشه‌ ئه‌و هه‌می هێز و ته‌قه‌مه‌نی ما بۆ كه‌نگینه‌؟ مخابن جهێ دلئێشێ یه‌، چنكی چ با و چ باران ژ ژی یێ به‌فرێ كێم دكه‌ن. ئه‌وژی كوردن و برایێن مه‌نه‌ و مالا وانه‌. لێ پێدڤیه‌ خه‌باتا هه‌ر پارچه‌كی ل دی خوازت و كه‌ش و هه‌وایێن نه‌ته‌وه‌یی و نشتیمانی بن. بێ كو هیچ زیانه‌ك ب لایانه‌كێ دی بكه‌ڤیت.

22

شه‌وكه‌ت ئامێدى

ده‌مێ مرۆڤ به‌رێ خوه‌ دده‌ته‌ ژیانێ، ژیێ مرۆڤی هندێ درێژ و ب ده‌ستێ مرۆڤی نینه‌، هه‌می سه‌رهات و سه‌ربۆرێن خه‌لك و ملله‌تان ب سه‌رێ مرۆڤی بهێن. پاشی مرۆڤ په‌ند و زانین و سه‌ركه‌فتنا یان لاوازی و شكه‌ستنا ڕا بخه‌ندقیت.
دئێته‌ گۆتن ل سه‌رده‌مێ میرێن به‌درخانیان، ئێك ژ وان میران بڕیار دا شه‌ڕێ ده‌سهه‌لاتا توركی بكه‌ت. لێ مخابن ده‌مێ ئه‌وی قاسدێن خوه‌ ژ بۆ سه‌رۆك هێز و عه‌شیره‌تان هنارتین، دا هاریكاریا وی بكه‌ن دژی توركان، هنده‌ك ژ خێل و هۆز و عه‌شیره‌تێن ده‌وروبه‌رێن وانێ، گۆتێ د ڤی ده‌می دا ئه‌م نكارین یان نا خوازین هاریكاربین. ئه‌وی سووند ب ته‌لاقێ خار، ئه‌ز هه‌تا هه‌ردو پێن خوه‌ نه‌كه‌مه‌ت گۆما وانێ دا ئه‌ز شه‌ڕێ ل گه‌ل توركان نه‌كه‌م، میر كه‌فته‌ شه‌ره‌كێ بێ واته‌ (مه‌عنا) دژی هووز و عه‌شیره‌تێن وانێ، ئه‌وان هه‌می هۆز و عه‌شیره‌تان ژی به‌رخودانه‌كا باش كر دژی میری، شه‌ڕ چه‌ند مه‌هان كێشا، هنده‌ رویهسپی و مامۆستایێن ئوولی چوونه‌ نك میری و گۆتیێ، ئه‌رێ میر! ته‌ دگۆت ئه‌ز دێ ل گه‌ل توركان جه‌نگم، نوكه‌ تۆ یێ برایێن خوه‌ یێ كورد دكۆژی؟ میر ما و به‌رسڤا وان دا و گۆت، من ب ته‌لاقا یێ سووند خاری، هه‌تا ئه‌ز هه‌ردو پێن خوه‌ نه‌كه‌مه‌ت ئاڤا گۆما وانێ دا، ئه‌ز چو شه‌ڕان ل گه‌ل توركان ناكه‌م، مامۆستایان گۆتێ باشه‌ به‌لێ ته‌ برایێن خوه‌ یێن كورد خلاسكرن، ئه‌وی گۆت هۆسایه‌، مامۆستایان گۆتێ تۆ شه‌ڕی ڕاوه‌ستینه‌، ئه‌م دێ چاره‌سه‌ره‌كێ ژ بۆ ته‌ ببینین، مامۆستایان مه‌شكه‌ك (كه‌ڤلێ په‌زه‌كی یێ نه‌ دڕیای)، فڕێكره‌ سه‌ر گۆما وانێ بڕی ئاڤكر و ئینا، ڤالاكره‌ ئامانه‌كێ به‌رفره‌هـ. پاشی گۆته‌ مێری دێ وه‌ره‌ هه‌ردو پێن خوه‌ بێخه‌ت د ناڤ ڤێ ئاڤێدا و هه‌ره‌ شه‌ڕێ توركان و چو ته‌لاقێن ته‌ ناكه‌ڤن. میر قائیل بوو، لێ پشتی كورد ب ده‌ستێن برایێن خوه‌ یێن كورد ڤه‌براندین.
جهێ دلئێشێ یه‌ نه‌ په‌كه‌كه‌. نه‌ زۆربه‌ی خه‌بات و شه‌ر و پێكدادانێن كوردان دژی دوژمنان. یێ هه‌مان شاشیان دوباره‌دكه‌ن و بێ هێج ئه‌گه‌ر و پیركرنه‌كا نشتیمانی و نه‌ته‌وه‌یی. ئه‌گه‌ر به‌رێ خوه‌ بده‌ینه‌ په‌كه‌كێ. ل ده‌سپێكێ ئه‌و چوونه‌ لبنانێ و فه‌لستینێ و هاری فه‌لستینیان دژی ئسرائیلیان. ل ڤێره‌ هاریكاریا فه‌لستینیان ل دژی ئسرائیلیان، چ مفایه‌ ژ بۆ خه‌باتا باكوور یان هه‌ر پارچه‌كێ…پاشی هاتنه‌ سووریا دژی كوردێن ڕۆژئاڤا و باشووری و عه‌بدوڵا ئوجه‌لان كره‌ قوربانی، ب ده‌ستێن ده‌سكیسیا ئه‌مریكی و ئسرائیلی و توركی.
ئه‌ڤه‌ زێده‌تر ژ سهـ سالانه‌ كه‌فتینه‌ باشووری و ب ئاشكه‌را یێ دژی زۆربه‌ی پارتێن كوردێ باشوور ڕادبن، هه‌روه‌سا ب ئاشكه‌را دپه‌یڤن. ئه‌م دێ خه‌باتێ ژ باشوور ده‌سپێكه‌ین. هه‌ر وه‌كی جاره‌كێ كۆمارا زاب دامه‌زراندی و ده‌ست ب شه‌رێ براكوژیێ كری. ده‌ستێ وان دخۆش بن ده‌مێ ئه‌وان هاریكاریا پێشمه‌رگه‌ی كری، دژی چه‌تێن داعشان، لێ ژ بیر ژی نه‌كه‌ن ئه‌وان زه‌رتر ژ ده‌هـ گوندێ برایێن ئێزدی ل ده‌وروبه‌رێ شه‌نگارێ ڕاده‌ستی حه‌شدا نه‌شه‌عبی كرن. هه‌روه‌سا مانا وان ل شنگار و مه‌خمۆر و كه‌ركووك و قه‌ندیلان، دێ بیته‌ مه‌ترسیه‌كا مه‌زن ل سه‌ر باشووری و دوور یان نێزیكی دێ جه‌میل بایك و قه‌ریلان كه‌نه‌ مینا برێز ئوجه‌لانی لێهێت. ل ڤێره‌ پسیاره‌ك دروست دبیت! هه‌ر ل سه‌ر زێری، به‌رواریباڵان، سێ چوكلكا توخیبی، گوندێن سیده‌كان هه‌تا نێزیكی قه‌ندیلی. ئه‌و هه‌می پاسدار ژی یێن خالێن چیایی دا ده‌رباز دبن ل به‌ر چاڤێن په‌كه‌كێ. هه‌ر وه‌سا زۆربه‌ی خالێن وان ل سه‌ر سنووران وه‌ك چاڤێ ڕۆژێ دیارن، باشه‌ بۆچی چ ده‌نگ ژ برێزان ناهێت؟ باشه‌ ئه‌و هه‌می هێز و ته‌قه‌مه‌نی ما بۆ كه‌نگینه‌؟ مخابن جهێ دلئێشێ یه‌، چنكی چ با و چ باران ژ ژی یێ به‌فرێ كێم دكه‌ن. ئه‌وژی كوردن و برایێن مه‌نه‌ و مالا وانه‌. لێ پێدڤیه‌ خه‌باتا هه‌ر پارچه‌كی ل دی خوازت و كه‌ش و هه‌وایێن نه‌ته‌وه‌یی و نشتیمانی بن. بێ كو هیچ زیانه‌ك ب لایانه‌كێ دی بكه‌ڤیت.

28

شه‌وكه‌ت ئامێدی

یا دیار و ئاشكه‌رایه‌، ل هه‌ر جڤاكه‌كێ، یان ل هه‌ر وه‌ڵاته‌كی، یاسا و ڕێسایێن خوه‌ یێن هه‌یین و كێم یان زێده‌ ئه‌و یاسا و بنه‌ما ل دو ده‌سهه‌لات و نه‌ریت و كولتوورێن وێ جڤاكێ دئێنه‌ بكارئینان. هه‌ر وه‌سا ل هه‌ر فه‌رمانداریه‌كێ بنه‌مایێن خوه‌ یێن تایبه‌تێن هه‌یین وه‌ك نه‌خشه‌كێ جوان پێدڤیه‌ ڕۆژانه‌ فه‌رمانبه‌ر كاروبارێ  هه‌ڤوه‌لاتیان بێ چو جوداهیه‌ك ب ڕێڤه‌ببه‌ت. به‌لێ ل ناڤ هنده‌ جڤاكان دا ده‌مێ هه‌ڤولاتیه‌ك پێدڤی كاره‌كێ ب ساناهیه‌ كو بۆ بێهته‌كرن. هنده‌ فه‌رمانبه‌ر ئه‌وێ فه‌رمانداریێ ب مال و مولكێ خوه‌ دزانن (نزانن ئه‌و ژ بۆ كارێ هه‌ڤوه‌لایان یێ ل وێرێ)، یان دێ به‌ربه‌ست و گرێ یان ل به‌رانبه‌ری دروست دكه‌ن، یان دێ بینێ نابیت یان هه‌ره‌ فلان ڕۆژێ وه‌ره‌ڤه‌، یان به‌رپرس ل ڤێره‌ نینه‌، یان نابیت دێ ل سه‌ر خاترا ته‌ چێكه‌م. یان ل سه‌ر خاترا فلانی.. هتد. پێدڤیه‌ ئه‌و كار ژی بێی هیچ منه‌ت و بارگرانی ڤه‌ بێهنه‌ جهبه‌جهكرن. لێ مخابن به‌روڤاژی تێنه‌ به‌رجاڤ. هنده‌ جاران ژی مافێ هه‌ڤوه‌لاتیان دئێته‌ بنپێكرن، د ڕێ یا واسته‌ و واسته‌كاری و په‌رتیل و خزم و دوست و ده‌سهه‌لاتان ڤه‌. ئه‌ڤه‌ ژی ڕێچكه‌كه‌ ژ ڕێچكێن نه‌عه‌داله‌تی و گه‌نده‌ڵی و یاسا بن پێكرن و.. پاشكه‌فتنا جڤاكێ و بێ باوه‌ری د ناڤبه‌را زۆربه‌ی تاخێن جڤاكێ دا. زۆربه‌ی ژ ئه‌گه‌ران ژی، یان ل سه‌ری كه‌سانه‌كی یێ ده‌ست ب بنپێكرنا یاسایكری، یان هنده‌ كه‌سان یێ ده‌سپێكری و نه‌هاتی نه‌ سزادان، ل ڤێره‌ هێدی هێدی ئه‌وێن ئاست نزم و كه‌سایه‌ت یا وان لاواز دێ ئه‌ڤێ هه‌لێ نێچیركه‌ن و بیته‌ پاشكه‌ڤتنا جڤاكێ د زۆربه‌ی واران دا. ل دووماهیێ دێ بیته‌ دیارده‌كا نه‌شرین ل دی ئاستێ نه‌ته‌وه‌یی و نشتیمانی و ل ناڤ ده‌وله‌تی. به‌لگه‌ژی (ئیزبات ژی) ژمارا ڕێژه‌یی (نسبی) یا كۆمارا عیراقی یا گه‌نده‌ڵی، یا ل گۆلپیتكان. هنده‌ جاران سوماڵ یا ل پشت كۆمارا عیراقێ، جهێ دل ئێشێ یه‌، هه‌رێما كوردستانێ ژی پشكه‌كه‌ ژ عیراقێ

16

شه‌وكه‌ت ئامێدى
ده‌مێ مرۆڤ گوهـ ل وه‌زاره‌تا په‌روه‌ردێ یا هه‌رێمێ و ئه‌و ده‌زگه‌ه و فه‌رماندێن په‌روه‌ردێ دگریت. وه‌سا یا دیاره‌ ئه‌و یێ ل گه‌ل جڤاكه‌كا دی دپه‌یڤن، ئه‌و ل شوونا چاره‌سه‌ر و پێداچوونێن بنه‌ڕه‌تی بكه‌ن، ئه‌وێ دكه‌ڤنه‌ گومان و پارستنێ و هنده‌ جاران ژی ڕه‌ڤین ژ ئه‌وان بڕیار و كارێن هاتینه‌ كرن. ئه‌گه‌ر هنده‌ك ژ وان نه‌زانن، جڤاك ژ به‌ر ئه‌ڤان هه‌می سه‌ربۆرێن د سه‌ر هه‌رێمێ دا هاتین، باش دزانیت كا بارێ كه‌رێ مه‌ ل گیرێ خواربی یه‌، لێ مخابن هێشتا گه‌له‌ك نزانن. ده‌زگه‌هێن په‌روه‌ردێ ل هه‌ر وه‌ڵاته‌كی كلیلا ئه‌مانێ یه‌، دلێ هه‌می چه‌ق و تایێن جڤاكێ یه‌، ده‌مه‌كێ لاوازیه‌ك یا پێڤه‌ دیاربیت. جڤاك هه‌می لاواز دبیت. هه‌روه‌سا ده‌مێ لاوازیه‌ك دكه‌ڤیتێ وه‌كی زۆربه‌ی نه‌ساخیان زۆ زۆ دیار نابیت. هنده‌ جاران شه‌ش سال پێدڤێن هه‌تا دیار دبیت. هه‌ر لاوازیه‌ك ژی روودده‌ت، ب سه‌دان هزاران دبنه‌ قوربانی، ئه‌نجام و ئه‌گه‌رێن ڤێ شكه‌ستێ، پێشی ده‌هـ سالان ب ده‌هان خالان و ب ده‌هان دان و وه‌رگرتن یێ ل گه‌ل وه‌زاره‌تا هه‌رێما كوردستانێ هاتینه‌ كرن، لێ مخابن جهێ دل ئێشێ یه‌، هه‌تا نوكه‌ژی زۆربه‌ی پۆستان یێن تاتینه‌ تژیكرن ب ڕێیێن حزبی و نیاسین و پێ به‌رپرسایه‌تی، زۆربه‌ی ئه‌گه‌رێن ڤێ لاوازبوونێ ژی ئه‌ڤه‌بوون:ـ
ـ ئینانا ته‌ڤنه‌ڕێ یا په‌روه‌ردا سوێدی (ئه‌ڤه‌ ده‌هـ ساله‌ سوێد ب خوه‌ یا پێڤه‌ دنالیت).٢ـ مه‌ناهج، ٣ــ نه‌بوونا كادرێ ژێهاتی ل دو ئاستێ پێدڤی. ٤ـ گۆتنا وانان ل ده‌رڤه‌ی ده‌وامێ. ٥ـ كورتیا ده‌می ژ به‌ر ئه‌وان هه‌می پێهندانان. 6ـ بارودۆخێن ڕامیاری و ئالۆزیین ئیكۆنوومی و ب ده‌هان خالێن دی.
د ئه‌ڤی ئاستێ نزمدا پسیار دروست دبن؟ ئه‌ڤه‌نه‌ كادر و ده‌رچوویێن په‌یمانگه‌ه و زانكۆیێن مه‌، ئه‌ڤه‌نه‌ دبنه‌ فه‌رمانبه‌رێن مه‌، ده‌سهه‌لات ژ ڕێڤه‌به‌ریا بیست و حه‌فت سالان ڕێڤه‌به‌ری، هێشتا ژ پیڤازان هه‌تا نانی، ژ مه‌مكێن زارۆیان هه‌تا دارێن تابووتێن مه‌ یێ ژ توركیا و ئیرانێ دئێت.
چاره‌سه‌ر: ١ـ زۆربه‌ی زۆری مامۆستان تێركه‌ن و په‌روه‌رده‌كه‌ن ب په‌روه‌رده‌كا سه‌رده‌م.
٢ـ په‌یداكرنا مه‌نهه‌جه‌كێ گونجا و پێدڤی ل دو كولتوور و كه‌ش و هه‌وا و ئاستێ جڤاكی. ٣- زڤڕینه‌ڤه‌ ژ بۆ پسیار و پێشنیازێن مامۆستایێن به‌رێز، چاره‌سه‌را دروست یا ل نك وان.

8

شه‌وكه‌ت ئامێدى

ده‌مێ مرۆڤ به‌رێ خوه‌ دده‌ته‌ دیرۆكا كوردان و دده‌ته‌ به‌ر دیرۆكا هه‌ر ملله‌ته‌كی، چ ئه‌و ملله‌ت یێ ئازاد بیت، یان یێ سه‌ربخوه‌ بیت. مرۆڤ شه‌رمێ ژ خوه‌ دكه‌ت ژ شاشی و ده‌ستدانا هه‌ل و ده‌رفه‌تان. یا ژ هه‌میان مه‌زنتر و تالتر، دوباره‌كرنا شاشیێن دیرۆكی ل سه‌ر ئاستێ نه‌ته‌وه‌یی.
ئه‌م باش دزانین ده‌سهه‌لاتێن ئیرانیان و توركان، د هێچ ده‌مه‌كی دا گورمژینه‌كا دۆستایه‌تی ل گه‌ل ئێك نه‌كریه‌ و ناكه‌ن، ئه‌گه‌ر كێش و پرس و لاوازی و ژ ناڤبرنا كوردان تێ نه‌بیت.
یا ڕۆهن و ئاشكه‌رابوو، ده‌مێ داعش هاتیه‌ دروستكرن، ب ناڤ، ئه‌و دژی سه‌فه‌ویان بوون. لێ ئه‌و گورزێن وان ل سوننان داین چارێكه‌كا وان ل شیعان نه‌دایه‌! هه‌ر وه‌سا نه‌ ڕاسته‌خوه‌ یان ڕاسته‌خۆ، زۆربه‌ی چه‌تێن داعشان د ڕێ یا توركا ڕا تاتنه‌ ناڤ ئاخا عیراق و سووریێ. هه‌ڤپه‌یمانێن مه‌ ل گه‌ل ڕۆسیا و ئامریكا پێ د ئاگه‌هدابوون.
نوكه‌ ژی توركیا و ئیران یێ ڤێ بزاڤا مه‌زن دكه‌ن ژ بۆ داڕژتنا پلانه‌كا هه‌تا هه‌تایێ دژی كوردان، ل جڤینێن ئاستانا و سووشی، مه‌به‌ستا وان ژی ئه‌وه‌ وه‌ك په‌یمانا سایكسپیكۆ یا ڕه‌ش، ب ڕه‌شی دوباره‌كه‌نه‌ڤه‌، ئه‌و ژی باوه‌ری ئینان ب ده‌سهه‌لاتا سووری و نڤیسینا دستووری كو ئه‌م یێ ل گه‌ل ده‌وله‌تا سووری هندی یا ئێك پارچه‌ بیت. ئه‌گه‌ر نه‌ بۆ مه‌ هه‌یه‌ بێ هێین و وه‌به‌كن هه‌ر وه‌كی مه‌ دڤێت، واته‌ پشتی سه‌د سالێن دی كوردێن ڕۆژئاڤا به‌حسێ سه‌ربخوه‌یه‌كێ بكه‌ن، توركیا و ئیران ڕێگرن، هه‌ر وه‌سا ژ بۆ ئیرانێ، مانا ده‌سهه‌لاتا شیعی و ڕێخۆشبوون ژ بۆ حه‌سه‌ن نه‌سروڵلایێ ل لوبنانێ. ئه‌وا نوكه‌ ئه‌ز شه‌رمێ ژ خوه‌ دكه‌م، ئه‌ڤه‌یه‌! هێشتا ئاگرێ ب مالێن كوردان ڤه‌ یێ دئێنه‌ كوشتن و ده‌ربه‌ده‌ركرن، ب سه‌دان هزاران عه‌ره‌ب و خه‌لكێ بیانی ل سه‌ر ئاخ و مولكێن كوردان ئاكنجیكرن. ده‌ستدرێژی یا مۆڕالی یا ل سه‌رمه‌ دئێته‌كرن، شوونا ئێك بگرن و ببنه‌ ده‌سته‌ك دژی پلانێن دوژمنان، وه‌ك جاران هنده‌كێن د بێژن سووچێن ئه‌ڤان و ئه‌وێن دی نه‌. ئه‌ڤه‌یه‌ دلئێشی، نه‌زنی، دزین ژ ڕاستیان و ملله‌ت و نشتیمان پارازیێ. ب بۆچوونا من ژ بۆ كوردێن ڕۆژئاڤا نوكه‌ژی نه‌ دره‌نگه‌، ئه‌گه‌ر ئێكاتیه‌كا وان هه‌بیت ل سه‌ر ئاستێ نه‌ته‌وه‌یی و نشتیمانی.

17

شه‌وكه‌ت ئامێدى/سوید

یا ڕۆهن و ئاشكه‌رایه‌، ژ به‌رێ دا كێشا كوردان تێنه‌بیت، چو جاره‌كێ تورك و عه‌ره‌ب و فارسان نه‌ وه‌ك ده‌سهه‌لات، نه‌ وه‌ك ملله‌ت ل گه‌ل ئێك نه‌ بریه‌ سه‌ر. یا ل بیرا مه‌ به‌ری گشتپرسیێ ب شه‌ش هه‌یڤان، ده‌مێ وه‌زیرێ به‌رگریێ ئیرانێ چوویه‌ توركیا و پاشی هه‌ردو ب دوقوولی و ئێك ئێك ل گه‌ل ده‌سهه‌لاتا عیراقێ جڤیاین. نه‌خشه‌ڕێیه‌ك دان دژی دسهه‌لاتا كوردی. ئه‌و ژی ئه‌ڤه‌بوو، چو ده‌سهه‌لاتێن ب هێز و چو شۆره‌شێن ڕه‌وشه‌نبیری ل چو پارچێن كوردستانێ نه‌هێلن. ١- ڕێككه‌فتن ل گه‌ل لایانه‌كێ كوردی ب ڕێیا كه‌ركووك و مه‌خموور و سحێلان ڕا بێهنه‌د كوردستانێ دا و ئه‌و سۆپایێ عیراقی ئه‌وێ ل زۆلوپیا ب ڕێیا فرۆكان كێشایه‌ وێرێ. د ده‌مێ هه‌ڤلێر دكه‌ڤیته‌ ده‌ستێن سۆپایێ عیراقی دا. هێزێن عیراقی و توركی و ئیرانی ب جلوبه‌رگێن حه‌شدا شه‌عبی ڤه‌، ل دهۆك و هه‌ڤلێرێ بگه‌هنه‌ ئێك، پاشی هێزێن توركی ژ بۆ قه‌ندیلی ڤه‌ بچن و هێزێن ئیرانی ل سه‌ر چیایێ شنگاری بمینن. هه‌رێم ژی وه‌ك پارێزاگان لێ بێهێت. هه‌ر وه‌ك ل سه‌ر ده‌مێ سه‌ددامی و هێشتا ناخۆشتر. به‌لێ ده‌مێ پێشمه‌رگێ قاره‌مان به‌رگری گری ل پردێ، ل پشت قوشتپه‌ و ل سحێلا، ب فیتكا ئه‌مریكی هێزێن عیراقی واز ل هێرشان ئینان. ٢- ئه‌وان دڤیان كه‌ركووك و سوله‌یمانی و حه‌له‌بچه‌ ژ دهۆك و هه‌ڤلێری جوداكه‌ن و د ده‌مه‌كێ ئێك یان دو سالی دا ئه‌وان تێر پاره‌كه‌ن و هنده‌ خزمه‌تگوزاریان بۆ دروست بكه‌ن و هه‌ڤلێرێ و دهۆكێ برسیكه‌ن. دروستكرنا پره‌كا دێ د ڕێ یا سحێلان ڕا د ناڤبه‌را توركیا و عیراقێ دا. دا ببیته‌ به‌دیلێ پرا ئیبراهیم خه‌له‌یلی، ب ڕێیا ئه‌و هێزێن كوردی ئه‌وێن ل سوله‌یمانیێ ل گه‌ل په‌كه‌كه‌ هێرشان بینه‌ سه‌ر هه‌ڤلێرێ و دهۆكێ هه‌تا دهۆك دكه‌ڤیته‌ د ده‌ستێن ئه‌و هێزێن هیرشكه‌ردا. پاشی ب هاریكاریا توركیا هه‌می ب پێكڤه‌ پێكه‌كه‌ یان ژ ناڤببه‌ن یان ژ قه‌ندیلی بیننه‌ خارێ.
٣- ئه‌گه‌ر ئه‌ڤێ ژی سه‌رنه‌گرت، توركیا ب هاریكاریا ئیرانێ نه‌ ڕاسته‌خوه‌، قه‌ندیلی بگریت و هندی تێرۆریسه‌ته‌ك، ئیسلامێن توندڕه‌و، حه‌شدا نه‌شه‌عبی، هندی مرۆڤكۆژ هه‌بن ل قه‌ندیلی ئاكنجی بكه‌ن و هه‌ر ده‌مه‌كی هه‌رێم كه‌فته‌ د ئارامیه‌كێ دا یان پێشڤه‌چوونه‌ك ب خوه‌ڤه‌ دیت. ئه‌و گرۆپ ڕاسته‌خۆ و نه‌ ڕاسته‌خۆ ببنه‌ ئێشه‌كا گران ژ بۆ هه‌رێمێ. ئه‌ڤه‌ ژی نه‌ تشته‌كێ ب دزیڤه‌یه‌، یان هونه‌ره‌كێ مه‌زنه‌ كه‌سێ نه‌ دزانی. هنده‌ هێزێن كوردی ژ ڤێ پلانێ به‌رفره‌هتر دزانی. بۆچی ئه‌ڤ كارێن وه‌سا نه‌شرین هاتینه‌ دارشتن ل دژی كوردان؟ یا دیار و ئاشكه‌رایه‌، كورد حه‌تا نوكه‌ یێن شه‌ڕی و به‌رگریێ دكه‌ن ب ناڤێ شۆره‌شێ. ئه‌گه‌ر شۆره‌ش با، ده‌مێ مام چه‌لال ته‌له‌بانى پووته‌ ب كورێ خوه‌ نه‌دای. پێدڤی بوو به‌دیله‌ك ژ بۆ وی هه‌با. ده‌مێ د ناڤ زۆربه‌ی پارتان دا گه‌نده‌لی ده‌سپێكری. پێدڤی بوو، ئێك یان دو پارتان خوه‌ كربا سه‌ركه‌روان و هنده‌ ئه‌ندام و به‌رپرس ژ پارتان دوورئێخستبان و دادوه‌ریه‌كا بێ لایانه‌ ل گه‌ل هاتباكرن. سیاسه‌ت و فه‌رمانداری و بازرگانی ژێكجوداكربا، هه‌ر وه‌سا ب سه‌دان به‌لگێن دی یێن لاواز بوونه‌ ئه‌گه‌را پاشڤه‌چوونا كوردان ب سالان. دێ دوباره‌كه‌مه‌ڤه‌. ئه‌گه‌ر كوردان گشتپرسی كربا یان نه‌. ئه‌ڤ دوژمنه‌ دا هه‌ر ڤی كارێ ناشرین كه‌ن. هه‌روه‌سا هه‌رده‌مه‌كێ ژ ده‌ستێ ده‌سهه‌لاتا شیعی بهێت، ئه‌وا ژ ده‌ستێ سه‌ددامی نه‌هاتی، ئه‌و دێ ته‌مام كه‌ن.

16

شه‌وكه‌ت ئامێدی
گومان تشته‌ك نینه‌ ل گه‌ل مرۆڤان ژ دایك دبیت. به‌لێ گومان د ناڤبه‌را مرۆڤان دا دئێته‌ ئاڤاكرن، كه‌نگی گومان دروست دبیت؟ ده‌مێ مرۆڤ ب جاران دبینیت نه‌ ڕاستی و نه‌هه‌ماهنگی و نه‌دادوه‌ری د به‌رانبه‌ری خوه‌ دا دبینیت، ئه‌ڤه‌ ژی د گه‌رێته‌ڤه‌ ل سه‌ر په‌روه‌ردا بنه‌ڕه‌تی یا هه‌ر مرۆڤه‌كی یان پارته‌كا ڕامیاری یان زۆرینا جڤاكی، ل جڤاكه‌كێ وه‌ك جڤاكێ هه‌رێما كوردستانێ، ئه‌ڤه‌ ب سه‌دان ساله‌ یا ژ بۆ ئازادی و دادپه‌روه‌ری دنالیت، ل ده‌مێ سه‌رهه‌لدانا پیرۆز چ مرۆڤ ل چ زه‌ڤیێن دی یێن ئه‌ردی نه‌ هاتینه‌ د ناڤ هه‌رێمێ دا، هه‌ر ئه‌و توخم و ئه‌و مرۆڤن. جهێ دل ئێشێ بوو، هه‌می پارتێن ل سالا 1991 ده‌سهه‌لات ب ده‌سڤه‌ئینایی. ل شوونا ئه‌و ده‌ست ب خه‌باته‌كا ڕه‌وشه‌نبیری و هزرا نه‌ته‌وه‌ی بكه‌ن، زۆربه‌ی زۆری ژ ئه‌وان ده‌ست ب ده‌ستئینانا پله‌و پارا و سامانێ كر، د ڤێره‌ دا هه‌میان وه‌كی ئێك ب ده‌سڤه‌نه‌هات. چو قانوون و ڕێسا ژی نه‌بوون چوو ڕێگریا لێ بگرن، هه‌تا گه‌هشته‌ براكۆژی و دو ئیداره‌یی و خۆفرۆتن قه‌یران ل دو قه‌رانان چ د ڕامایاری چ د ئیكۆنۆمی، هه‌تا گه‌هشتیه‌ ده‌رز و پارچه‌پارچه‌بوونا پارتان ل سه‌ر پله‌ و پاه‌ و ب ناڤێ نشتیمان په‌روه‌ریێ. ل ڤێره‌ بێگومان دێ درووشم و سینبوولێن ئازادیخوازیێ و نشتیمانی و وه‌ڵاتپارێزی هێنه‌ بلندكرن و دوور ژ هه‌می بنه‌مایێن ڕاستی و مرۆڤایه‌تی، ل ڤێره‌ ئه‌گه‌ر پارته‌ك یان چه‌ند كه‌سانه‌ك د ڕاست و دروست ژی بن. دێ ب نه‌راستی و شاشی هێنه‌ به‌رچاڤان. چونكی پیچه‌كا ڕاستی یێ د ناڤ گه‌له‌ك نه‌ڕاستیێ دا یا شاشه‌. هه‌ر وه‌سا گه‌له‌ك باوه‌ری د ڤنابه‌را جڤاكێ و ده‌سهه‌لاتێ دا ژی نه‌مایه‌، ژ به‌ر سۆز و په‌یمانێن بێ ئه‌نجام. به‌لگه‌ژی ژ بۆ ڤێ ده‌قێ. ئه‌م یێن دبینین. زۆربه‌ی پارتێن هه‌رێمێ، به‌رێ داخوازی و به‌رژه‌وه‌ندیێن ملله‌تی، ئه‌وان دڤێت پارتا به‌رانبه‌ر ژ ناڤ ببه‌ن، ژ به‌رهندێ ئه‌گه‌ر ئه‌و لایه‌نێن نه‌ ڕازی. ئه‌و ب خوه‌ ژی ده‌نگان بهه‌ژمێرن دێ ئه‌و یان هنده‌كێن دی هه‌ر د نه‌ ڕازی بن. چونكی پرا باوه‌ریێ د ڤنابه‌را وان دا یا هه‌رڤتی. چاره‌سه‌ر:
1ـ هه‌ردو پارتێن ده‌سهه‌لات نه‌رمتر و گه‌رمتر بچنه‌ پێش ژ بوو ئه‌و لایه‌نێن دی.
2ـ ده‌ست ب شۆره‌شه‌كا ڕه‌وشه‌نبیری یا سه‌رانسه‌ر و به‌رده‌وام. ئه‌گه‌ر نه‌ دێ هه‌ر بێژین خۆزیێن پار!

website security