NO IORG
Authors Posts by شڤان سالم گولى

شڤان سالم گولى

شڤان سالم گولى
4 POSTS 0 COMMENTS

6

شڤان سالم گولى

چه‌ند رۆژه‌كه‌ ولاتێ ئیرانێ ل سه‌ر ئاستێن باژێرێن جداجدا ئه‌گه‌ر نه‌بێژین ل سه‌رانسه‌ری وه‌لاتی روبه‌روی توره‌بوونا خه‌لكی بوویه‌ ژ سیاسه‌تا گشتی و ب تایبه‌ت ژی دارایی یا برێڤه‌به‌رنا وه‌لاتی ئه‌ڤ یه‌ك بوویه‌ ئه‌گه‌ره‌كا ب هێز بۆ هندێ كو خه‌لكێ ولاتی دژی ڤێ یه‌كێ نه‌رازیبوونا خوه‌ ده‌رببرن. دیاره‌ ئیران د سێ ده‌هه‌یێن بۆری دا یه‌ك ژ وان وه‌لاتان بوویه‌ كو پری كێشمه‌كێشا سیاسی بوویه‌ د ناڤبه‌را ده‌ستهه‌لاتدارێن وه‌لاتی ڤه‌ و ڤێ یه‌كێ كێم و زێده‌ ره‌نڤگڤه‌دانا خوه‌ ل سه‌ر شه‌قام  و بڕێڤه‌برنا ئیرانێ هه‌بوویه‌ و ئه‌ڤ یه‌ك ب تایبه‌ت د ڤان چه‌ند سالێن داویێ دا پتر به‌رچاڤ دكه‌ڤیت د تایبه‌ت پشتی سه‌رهلدانا ب ناڤ بهارا عه‌ره‌بی ل 2011ێ ل سووریا و پاشان هاتنا داعشا بۆ ئێراقێ كارب ده‌ستێن ئیرانێ دڤی ماوه‌ی دا ب تمامی گه‌ل و پرسا دارایا خه‌لكی پشتگوهخستینه‌ و زۆره‌ك ژ داهاتێ ئیرانێ ل ڤان وه‌لاتێن مه‌ باس لێ كرین و یه‌مه‌ن و لوبنان دهێت مه‌زاختن هه‌لبه‌ته‌ باجا ڤێ یه‌كێ ژی خه‌لكێ ئاسایی ددن. له‌وما ژی ئه‌گه‌ر هنده‌ك سه‌رنجا خوه‌ بده‌ینێ ئیران دڤان ده‌ سالێن بۆریدا تووشی هنده‌ك دیاردێن كۆمه‌لایه‌تی وه‌ك( دزی و له‌شفرۆشیا ئاشكه‌را و تووشبوونا ژماره‌كا زۆرا خه‌لكی ب ماددێن هۆشبه‌ر).. هتد بوویه‌ ئه‌ڤ چه‌نده‌ بوویه‌ ئه‌گه‌ر كو جڤاكێ ئیرانێ ب راستی ژی تووشی شله‌ژان و ژهه‌ڤ ته‌رابوونێ ببن و ژئه‌نجامێ ڤێ كه‌له‌كه‌بوونێ ئێدی د ڤان رۆژێن بووری دا خه‌لكی ئه‌ڤ كه‌رب و توره‌بوونا خوه‌ ژ ده‌ستهه‌لاتێ زۆر ب بۆێرانه‌ ته‌قاند و رۆژانه‌ سه‌ر شه‌قاما. ئه‌وا سه‌رنجا مرۆڤی رادكێشیت هنده‌ك ژ دروشم و هیتافێن خۆنیشادران بوون ژ وان (سووریێ به‌رده‌ و هزر ل حالێ مه‌ بكه‌، مه‌رگ بۆ خامنه‌یی، ئه‌ی مه‌لایێن بێ شه‌رم وه‌لاتی به‌ردن، ئه‌ی شاهێ ئیرانێ بزڤره‌ بۆ ئیرانێ، و ئیران ب بێ شاه ڤالایه‌ ژ لێ پرسینێ)، ره‌نگه‌ ئه‌گه‌ر هنده‌ك مرۆڤ باش سه‌رنجا خوه‌ بدانیت سه‌ر ڤان هیتافا ب پشت راستی ڤه‌ د ماوێ 39 سالێن بۆریدا ئانكو پشتی روخانا شاهی و هاتنا رژێما مه‌لایی بۆ سه‌ر ده‌ستهه‌لاتێ ل ئیرانێ دبیت ئه‌ڤ یه‌كه‌م جار بیت ئه‌ڤ جۆره‌ هیتافه‌ د ناڤا خه‌لكی دا بهێتنه‌ هه‌لدان و یه‌كه‌م جاره‌ خوه‌پیشاندانه‌ك ل وه‌لاتێ ئیرانێ ب بێ گازیا (مه‌رگ بۆ ئیسرائیل و مه‌رگ بۆ ئه‌مریكا)بهێت كرن. ئه‌ڤه‌ بخوه‌ د ناڤه‌رۆكا خوه‌دا هه‌لگرێ بیروكه‌ و په‌یامه‌كا سیاسی یا زیقه‌ و ئه‌و په‌رێ توره‌بوون و بێزاریا گه‌لێن ئیرانێ ژ ده‌ستهه‌لاتا سیاسی ل ڤی وه‌لاتی ده‌ردبریت و ئه‌ڤه‌ و ژبلی هندێ كو هه‌ر د ناڤا ڤان خۆنیشاندانان دا گازیه‌كا دهاته‌ راگه‌هاندن (ئیستقلال ئازادی كۆمارا ئیرانی)، ئه‌ڤه‌ د ده‌مه‌كی دا د هه‌موو راپه‌ره‌ینا خه‌لكێ ئیرانێ ل دژی شاهێ ئیرانێ  گازیا وان (ئیستقلال ئازادی كومارا ئیسلامی) بوویه‌ لێ ئێدی رویی راسته‌قینه‌ یێ كۆمارا ئیسلامی بۆ خه‌لكی ئاشكه‌را بوویه‌ و ئێدی وان كۆماره‌كا ئیرانی دڤێت نه‌ك ئیسلامی. هاوار كرن و په‌نابرن به‌ شاهێ ئیرانێ ئه‌و شاهێ كو سه‌دان هزار خه‌لك ب كوشتن دای هه‌تا تاجا ده‌ستهه‌لاتێ ل ئیرانێ هێلای دیسان گازیه‌ك روونه‌ كو مه‌لایان سیاسه‌ته‌كا زۆر ژ یا شاهی خرابتر و وێرانكه‌ر تر ل ڤی وه‌لاتی په‌یا كریه‌. ب گشتی د قووناغا نها دا ئه‌وا دیار دبیت ژ ڤان هوتافێن خه‌لكی هه‌لداین وه‌سا دیاره‌ خه‌لكێ ئیرانێ د نها دا جاڤه‌رێێ ده‌سته‌كێ ده‌ره‌كی بكن كو دگازیا وان بچیت و نها خه‌لك ژ هه‌ر قووناغه‌كا دی پتر به‌رهه‌ڤه‌ دژی ده‌ستهه‌لاتا مه‌لایا ل ئیرانێ راپه‌رن..

32

دبیت بۆ گه‌له‌ك ژ مه‌ جهێ پرسیارێ بیت ئه‌رێ مه‌ره‌ما هنده‌ك لایه‌نێن سیاسی یێن كوردی ب پشته‌ڤانیكرنا (نووری مالكی) سه‌رۆك وه‌زیرێن به‌رێ یێ حوكمه‌تا عیراقا فیدارل چیه‌؟…ئه‌رێ ئه‌ڤ پشته‌ڤانیكرنا هه‌نێ كه‌نگی ده‌سپێكر؟ هه‌لبه‌ت هه‌كه‌ مرۆڤ هنده‌ك ب هووری هزر د ڤی بابه‌تی دا بكه‌ت هنده‌ك سه‌رداڤێن گرنگ هه‌نه‌ كو به‌لگه‌یێن حاشا هه‌لنه‌گر ددنه‌ ده‌ست مرۆڤی ل دۆر پشته‌ڤانیكرنا ڤان لایه‌نان بۆ مالكی
كو ب باوه‌را من سه‌رچه‌قێن ڤێ پشتڤه‌نیا وان ئالینا بۆ مالكی ڤه‌دگه‌رن بۆ سالێن 1964ێ و بالێ مه‌كته‌با سیاسی یا پارتی و بالێ جه‌نابێ مه‌لا مسته‌فا بارزانی كو ب (جه‌لالی و مه‌لایی) هاتنه‌ ناساندن هه‌ر چه‌نده‌ ئه‌ڤ باله‌ د ناڤا رێزێن پارتی دا مان بو ماوه‌یه‌كێ لێ كێش و بێش به‌رده‌وام بوون و شۆل بو هنده‌ك خه‌ونێن دی هاتنه‌كرن كو ئێك ژ وان خه‌ونان ژی دامه‌زراندنا (ئێكه‌تیا نیشتمانیا كوردستان)بی پشتی نسكۆیا 1975 ئه‌ڤه‌ د ده‌مه‌كی دا كو د وێ قووناغێ دا پتری هه‌ر گاڤه‌كێ پێویستی ب ئێكرێزی بۆ ته‌بایی هه‌بوو ئارمانج و ئێكه‌تیا نیشتمانی ب رۆنی پتری هندێ كو دژایه‌تیكرنا رژێما به‌غدا بیت، لێ د دژایه‌تیكرنا پارتی ژی دا بێ كێماسی نه‌بوویه‌ و ده‌ست د چه‌ندین پیلانا دا ل دژی پارتی هه‌بوویه‌ ب تایبه‌ت ل سه‌رێن د ناڤبه‌را دیمۆكراتا كوردستانێ و پارتی بگره‌ ئیناندن ده‌را گۆرێ مسته‌فا بارزانی ژی كو ئه‌ڤه‌ بابه‌ته‌كه‌ مه‌ ناڤێت بچین د ناڤ وره‌دوكاریان دا و دیرۆكا هه‌ر دو پارتان پڕی ئه‌ڤرازی و نشیڤی یه‌.
ژ بلی ڤێ ئێكێ و ل داویا داوی هه‌ر دو پارتیا پشتی تێپه‌راندنا قووناغین به‌ره‌یی جۆت و به‌ره‌ی كوردستانی و جاره‌كا دی شه‌رێ ناڤخوه‌ قه‌ناعه‌ت ب ل هه‌ڤ گه‌هشتنێ ئینا و په‌یمانا ستراتیجی ئیمزاكرن، لێ ئه‌ڤه‌ چه‌نده‌ وه‌سا دیاره‌ د دلێ هه‌موو سه‌ركردایه‌تیا ئێكه‌تی نه‌بوو بیت هه‌ر چه‌نده‌ ئه‌گه‌ر ب ده‌ڤ ل وی چاڤێ دا دیار نه‌كرن.
ئه‌گه‌ر ئه‌م هنده‌ك سه‌رنجا خوه‌ بده‌ینه‌ سه‌ر هه‌م ئێكه‌تیا نیشتمانی و هه‌م وان پارتێن دی یێن سیاسی ب تایبه‌ت (گۆران و كومه‌ل) پێگه‌یا سیاسی یا ڤان لایه‌نێن سیاسی ئه‌ون یێن ‌كو چارچووڤی ده‌ستهه‌لاتداریا وان ژ لایێ جوگرافی ڤه‌ هه‌ڤسنۆرێن وه‌لاتێ ئیرانێ نه‌ و ڤێ چه‌ندێ باندۆرا خوه‌ یا هه‌ری ب هێز ل سه‌ر ڤان ئالیان هه‌یه‌ و ده‌لیڤه‌ دایه‌ ئیرانێ بشێت مایتێكرنه‌كا راسته‌وخوه‌ د بریارێن سیاسیێن ڤان ئالییان دا بكت هه‌لبه‌ته‌ ئیران ب پشته‌ڤانێ ژماره‌ ئێك یێ مالكی ل ده‌ڤه‌رێ دهێته‌ ناسكرن و ئه‌ڤ پشته‌ڤانی كرنه‌ ژی زۆر ب ئاشكه‌رایی پشتی چوونا مالكی د به‌ره‌یێ دژی پارتی دیمۆكراتی كوردستان دا دیار دبیت، دیسا پێگه‌ها جه‌ماوه‌ری و سیاسیا پارتی و سه‌رۆك بارزانی ل ناوچێ و بگره‌ ل سه‌ر ئاستێ په‌یوه‌ندیێن ناڤده‌وله‌تی و دیسا ئازراندنا مژارا ده‌وله‌تا كوردستانێ ب بێ باكی ژ لایێ بارزانی ڤه‌ ژ خالێن هه‌ری ب هێزن كو دژایه‌تیكرنا مالكی و ئیرانێ به‌رامبه‌ر ب پارتی توندتر لێ بكن و هه‌لبه‌ت په‌رت و به‌لاڤبوونا ئێكه‌تیا نیشتمانی ژی دوور نینه‌ ژ ئه‌نجامێ وێ پێگه‌ها پارتی بیت كو ب چو ره‌نگه‌كی ب دلێ (نوشێروان مسته‌فا)ی نه‌بوویه‌ و ئه‌نجامێ وێ ژی دامه‌زراندنا (بزاڤا گۆران) بوویه‌ كو بنه‌ما و چارچووڤی كاركرنا وێ له‌تكرن و دژایه‌تیكرنا پارتی و ب تایبه‌ت بارزانی بوویه‌ و بۆیه‌رێن بۆری ژی هه‌می شاهدن ڤێ چه‌ندێ نه‌، هه‌لبه‌ته‌ جودابوونا بزاڤا گۆران ژ ئێكه‌تی نیشتمانی داویئینان ب وی ڤایرۆسێ دژایه‌تیكرنا پارتی د ناڤ ئه‌ندامێن سه‌ركردایه‌تیا ئێكه‌تی دا نه‌ئینا و ڤه‌رێژا وێ چه‌ندێ ژی د ب دوو بال بوونا سه‌ر ژ نوو یا ئێكه‌تی دا دیار دبیت كو ئه‌و ژی هه‌ر دوبالێن (زۆرینه‌یامه‌كته‌با سیاسی) (هێرو خان) و بالێ (ناڤه‌ندا بریار) كو ئه‌ڤ ئێكه‌ بو ئه‌گه‌ره‌كا سه‌ره‌كی كو نۆشێروان مسته‌فا هه‌ر زوو هه‌ست ب دوبه‌ركیبوونا ئیكه‌تیا نیشتمانی بكت و شیا بالێ زۆرینه‌ رازی بكت بۆ ئیمزاكرنا رێكه‌فتنه‌كا ل هه‌ڤ تێگه‌هشتنێ د ناڤبه‌را ئێكه‌تی و گۆران دا كو بنیاتێ وێ ل سه‌ر هه‌ولدان بۆ كێمكرنا ده‌ستهه‌لاتا پارتی نه‌ك تشته‌كێ دی هه‌لبه‌ته‌ ئیران و مالكی خودان رۆلێ سه‌ركی بووینه‌ د ڤان بۆیه‌ران دا پشته‌ڤانی ژی ل ڤێ پێنگاڤێ هاته‌ كرن … بۆیه‌رێن پشتی ڤێ ل هه‌ڤ هاتنێ ژی ل په‌رله‌مانێ عیراقێ رۆن و ئاشكه‌را ده‌ربرینێ ژ به‌ر ب (فیدالیزما پارێزگه‌ها) ل عیراقێ دكت كو هه‌وله‌كا ئاشكه‌را یه‌ بۆ جدا كرنا هه‌ر ئێك ژ پارێزگه‌هێن (سلێمانی و كه‌ركووك و حه‌له‌بچه‌) د بینات دا ئه‌ڤ یه‌ك خواست و ویستا سه‌ركردایه‌تیا گۆران و پشكه‌ك ژ ئێكه‌تیا نیشتمانی بوویه‌ نها ژی كار بۆ ڤێ ئێكێ دكن، لێ ئه‌ڤ ئێكه‌ ب چو ئاوایه‌كێ ل گه‌ل درووشم و خه‌باتا پتر ژ نیڤ سه‌ده‌یا باشۆر هه‌ڤ ناگریت ته‌نانه‌ت دگه‌ل ویستا لایه‌نگرێن وان پارتێ سیاسی ژی هه‌ڤ ناگریت و ئه‌ڤه‌ د ده‌مه‌كێ دایه‌ كو كورد یێ ده‌رگه‌هێ ده‌وله‌تبوونێ دقوتن و ئه‌ڤا دهێته‌كرن زڤرینا كوردانه‌ و خالا ده‌ستپێكێ و ب باوه‌را من پارتی و ژماره‌كا سه‌ركردێن ئێكه‌تیا نیشتمانی و زۆبه‌ریا حزب و لایه‌نێن كوردستانی ژ بلی گۆڕان و كۆمه‌ل ب چو ره‌نگه‌كی ب ڤێ چه‌ندێ رازی نابن نها ژی گۆران بۆ په‌كخستنا پرۆسا ریفراندۆمێ ب هه‌می شیانێن خوه‌ دژایه‌تیا وێ یه‌كێ دكت ته‌نانه‌ت پشتی پارتی رازیبوون نیشان دای بۆ زڤرینا د، یوسڤی بۆ برێڤه‌برنا ئێكه‌م كۆمبوونا په‌رله‌مانی و پاشی كه‌سه‌كێ دی ب سه‌رۆكایه‌تیا په‌رله‌مانێ هه‌ر ژ لیستا گۆران بهێته‌ دانان، لێ مه‌ هه‌میان په‌یاما گۆران و هه‌لۆیستێ وان دیت، ئه‌ڤه‌ د ده‌مه‌كێ دا كو گۆران به‌رده‌وام بانگه‌شه‌یا هندێ دكر كو پارتی خوه‌ پێ ژ په‌رله‌مانی پیرۆزتره‌، لێ ئه‌وا نها گۆران دكه‌ت چو رامانه‌كێ نادت ژ بلی هندێ كو گۆران خوه‌ پێ ژ ده‌وله‌تا كوردی پیرۆزتره‌.

29

ته‌ڤگه‌را گۆڕان یا ژ ئه‌نجامێ وێ ژ هه‌ڤدووریا د ناڤا سه‌ركردایه‌تیا ئێكه‌تیا نیشتمانی دا كو دبهت ئه‌و رێكه‌فتنا ستراتیجا د ناڤبه‌را ئێكه‌تی و پارتی دا یه‌ك ژ ئه‌گه‌رێن هه‌ری سه‌ركی یێن په‌یدابوونا وێ ته‌ڤگه‌رێ بیت، پشتی بۆرینا نێزیكی نه‌ه سالان ئه‌و رێكخه‌رێ خوه‌ یێ كو د چاڤێن وان دا مرۆڤه‌ك كاریزما و پێشه‌نگ بوو ژ ده‌ست دا و نها مینا زارۆیه‌كێ بێ باب د مینیت ئه‌و بابێ كو زۆربه‌یا لایه‌نگرێن گۆڕان د وێ باوه‌رێ دانه‌ كه‌س نه‌شێت وێ ڤالاتیا وی ل پشت خوه‌ هێلای پڕ بكت هه‌ر چه‌نده‌ ئه‌ڤ هزرا وان دژی گۆتنێن وان بخوه‌نه‌ كو ده‌رباره‌ی سه‌ركردێن پارتێن دی دا دگۆتن، لێ نها ئه‌و بخوه‌ یێن تووشێ وێ لێهمشتێ بووین و ئه‌و بخوه‌ ل سه‌ر خوه‌ بووینه‌ دیده‌ڤان كو نه‌شین جهێ نوشیروان مسته‌فای پڕ بكن..
نوشێروان مسته‌فا ب جدابوونا خوه‌ ژ ئێكه‌تیا نیشتمانی شیا كۆمه‌كا ئه‌ندام و لایه‌نگرێن وێ پارتێ كو زۆربه‌یا وان كه‌سێن یاخی بوون ژ سیاسه‌تا ئێكه‌تی نیشتمانی و ئه‌گه‌رێ وێ یێ سه‌ره‌كی ژی مه‌ ل سه‌ری باسكر ل دۆر خوه‌ كۆم بكت و ب هزر ئایدیایه‌كا نوی پشكداری پرۆسا سیاسیا ڤێ هه‌رێمێ ببیت ب تایبه‌ت ژی پشتی كو كۆمه‌كا بانگه‌شێن بریقه‌دار و كریارێن رۆكه‌ش كری د ناڤا خه‌لكی دا شیا مه‌یلا زۆر ژ خه‌لكی بۆ خوه‌ راكێشیت لێ ئه‌ڤ چه‌نده‌ زۆر نه‌ڤه‌كێشا، هه‌ر چه‌نده‌ ته‌ڤگه‌ره‌ ب ئاشكه‌را باس ل هه‌بوونا كێش و ناكۆكیا د ناڤا خوه‌ دا ناكت، لێ ب راستی ژی كریار د دیار و روۆن كو بال بالێن چه‌قێن خوه‌ ب سه‌ر بزاڤا گۆڕانێ ژی دا گرتیه‌ و ئه‌ڤ چه‌نده‌ زۆرتر پشتی دووركه‌فتنا نوشێروان مسته‌فا ژ مه‌یدانا سیاسی و نه‌خوه‌ش كه‌فتنا وی دیار دبیت هه‌ر چه‌نده‌ ئه‌و وه‌ك باله‌كێ ریفۆرمخواز ژ ئێكه‌تیا نیشتمانێ ڤه‌بوون، لێ نها گۆڕان بخوه‌ د ناڤ خوه‌دا بالێ ریفورمخوازان هه‌یه‌ و دژی زوه‌رك ژ سیاسه‌تا سه‌ركردایه‌تیا گۆرانێ نه‌ ل هه‌مبه‌ری كێشه‌ و بویه‌رێن ڤێ داویێ ل كوردستانێ و ب تایبه‌ت ئه‌وا گرێدای ب سیاسه‌تا گۆڕان د گه‌ل هنده‌ك پارتێن دی ب تایبه‌ت ژی پارتی دیمۆكراتی كوردستان و ته‌گه‌ره‌ خستن ل هه‌مبه‌ر به‌ر ب پێشچوونا پرسا هه‌رێمێ ل ناوچێ و نێزیكبوونێ ژ مالكی هه‌لبه‌ته‌ ل هه‌مبه‌ری ڤێ ره‌وتا ریفورمخواز ژی ره‌وته‌كا توندره‌و كو ب راستی ژی زۆر د دیار و ئاشكه‌رانه‌ پری كینه‌ ب دلن ل هه‌مبه‌ر پارتی و ته‌نانه‌ت ده‌ستێ خوه‌ ژ چو كریاره‌كێ ژی نادن پاش بۆ كێمكرنا رۆلێ پارتی د ناڤبه‌را ڤان هه‌ردو ره‌وتان دا ره‌وته‌كا میانره‌و خۆیا دكت كو مه‌ره‌مێن وان تنێ جێ به‌جێكرنا وان ئامانجێن بریقه‌دارن كو ل دووڤ وێ ئامانجێ ده‌ست ژ لایه‌نێن خوه‌ به‌رداینه‌ و نها خه‌باتێ پێخه‌مه‌ت وێ یه‌كێ دكن هه‌ر چه‌نده‌ ئه‌ڤ ره‌وه‌ته‌ زۆر لاوازتر دیار دكت ژ هه‌ر دوو ره‌وتێن دی لێ هه‌ر چاوا بیت نوشێروان مسته‌فا هه‌تا رادده‌یه‌كێ شیابوو ڤان وه‌رتان ل ژێر یه‌ك خیڤه‌ك كۆم بكن و نه‌هێلیت ئه‌ڤ چه‌نده‌ گه‌شه‌ بكت و ئه‌نجامێن خراب لێ بكه‌ڤن، لێ ئه‌وا جهێ پرسێ یه‌ ئه‌رێ ته‌ڤگه‌را گۆڕان دێ پشتی نه‌مانا نوشێروان مسته‌فای چاوا شێت ڤێ خیڤه‌تێ ب هه‌می ره‌نگێن خوه‌ڤه‌ ڤه‌دای راگریت؟ دبیت ئه‌وا مه‌ باس لێ كری هنده‌ك لایه‌نان باش خواندبیت و هه‌ست پێ كربیت و گۆڕان وه‌ك زه‌لامێ نه‌ساخ دیت بیت، له‌وما هه‌ر زۆر پێشنیازا هه‌ڤگرتنێ ئاراسته‌ی ته‌ڤگه‌رێ كر، لێ ب باوه‌را من ئه‌ڤ یه‌ك هند ئاسان نابیت و بزاڤا گۆڕان سه‌ررای هه‌می كێش بێشێن خوه‌ ڤه‌ چو هه‌ڤگرتنه‌كێ ل گه‌ل هیچ لایه‌نكێ ناكت لێ یا ژ وێ گرنگتر ژی ئه‌وه‌ دڤێت گۆڕان بزانیت ئه‌و قاعیدێ وێ یێ جه‌ماوه‌ری ل دۆر نوشێروان مسته‌فای كوم ببوو هه‌ر چه‌نده‌ ئه‌و د داخۆیانیێن خوه‌دا وێ یه‌كێ ره‌د دكن، لێ ئه‌ڤه‌ راستیه‌كا حاشا هه‌لنه‌گره‌ و دڤێت ئه‌و ژی ڤێ یه‌كێ بزانن یا ژ وێ ژی گرنگتر ئه‌ڤ ئه‌ڤ ته‌ڤگره‌ یا ل ناڤا كه‌دواره‌كێ كورده‌واری و رۆژهه‌لاتا ناڤه‌راست دا كو رولێ بنه‌مالێ زۆر گرنگه‌ و كه‌سێن نێزیكی نوشێروان مسته‌فای وه‌ك مالبات هند ب ئاسانی ده‌ست ژ جهێ وی به‌رناده‌ن و ئه‌ڤ یه‌كه‌ ژی دێ گۆڕان تووشی كێشه‌یان كت، له‌وما ژی ژ ئه‌وا مه‌ باس كری گۆران پشتی نوشێروان مسته‌فای دوور نینه‌ تووشی قه‌یرانێن مه‌زن ببیت و ئه‌نجامێ وێ ژی دابه‌شبوونا لایه‌نگرێن وێ بیت ل سه‌ر پارتی و ئێكه‌تی دا، لێ دوور دبینم گۆڕان وه‌ك ته‌ڤگه‌ر بریارا حه‌لكرنا خوه‌ بده‌ت گۆران وه‌ك ته‌ڤگه‌ر دێ مینیت لێ ئه‌و پیگه‌یا خوه‌ یا جه‌ماوه‌ری نابیت و ئه‌و گۆرانا دمینیت دێ زۆر توندتر بیت ژ ئه‌وا نها دبینین …

30

ترامپ ئه‌و سه‌رۆكێ زۆره‌ك ژ بانگه‌شه‌یا خوه‌ یا هه‌وا هه‌لبژارتنان بۆ دژاتیكرنا موسلمان و وه‌لاتێن موسلمانان ته‌رخانكری، سه‌رئه‌نجام سه‌ره‌دانا وه‌لاتێ سعوودیا عه‌ره‌بی كر ئه‌و سعوودیه‌ پێگه‌یه‌كا به‌رچاڤ و گرنگ د جیهانا ئیسلامی دا هه‌ی ژ بلی هندێ كو ژ لایێ ئاینی ڤه‌ ژی قیبله‌یا هه‌می موسلمانێن جیهانێ یه‌..
دبیت هنده‌ك وه‌سا بۆ بچن كو ئه‌ڤ سه‌ره‌دانا ترامپی بۆ سعوودیه‌ هه‌ڤدژیه‌كا مه‌زن ل گه‌ل وێ بانگه‌شه‌یا بۆ دكر هه‌یه‌ و تبلا تۆمه‌تێ ئاراسته‌ی وی بكه‌ن لێ ژ لایه‌كی دی ڤه‌ ئه‌ڤ ئێكه‌ زۆر ئاسایێ یه‌ و بانگه‌شه‌یێن بریقه‌دار د هه‌وێن زۆره‌ك ژ سه‌رۆكێن وه‌لاتان دا دهێته‌كرن و دبیت چو جاران ژی هنده‌ك ژ وان نه‌هاتبن جێ به‌جێكرن یان ژی د ماوه‌یێن پیڤه‌ری دا نه‌هاتبن جێ به‌جێكرن..
دبیت هنده‌ك ب زه‌حمه‌ت بیت مرۆڤ ترامپی د ڤێ ترازیا هه‌ڤدژی و سه‌ره‌دانا وی بۆ سعوودیه‌ دا بكێشیت و بریارێ ل سه‌ر بده‌ت لێ هه‌ر چاوا بیت ئه‌ڤ سه‌ره‌دانه‌ هنده‌ك راستیان دیار دكت، ئه‌و ژی ئه‌وه‌ كو ترامپی باش هه‌ست ب وێ چه‌ندێ كریه‌ كو پێدڤیه‌ سه‌ره‌ده‌ریی ل گه‌ل جیهانا ئسیلامی بكت..
ئه‌و سه‌ره‌رایێ وێ دژبه‌ریێ ل گه‌ل موسلمانان یان بێژین ولاتێن موسلمانان باش تێگه‌هشتیه‌ كو وه‌لاتێن ئیسلامی ب گشتی و وه‌لاتێن رۆژهه‌لاتا ناڤه‌راست ب تایبه‌ت پارچه‌یه‌كا زۆر گرنگن ژ وێ نه‌خشه‌یا سیاسی و جوگرافی و ئابووریا ڤێ جیهانێ و مرۆڤ دشێت رۆژهه‌لاتا ناڤه‌راست ژ به‌ر وێ گرنگیا مه‌، باس لێ كری ب دلێ دنیایێ ب ناڤ بكت ئه‌ڤ گرنگیا مه‌ باس لێكری رۆله‌كێ به‌رچاڤ هه‌بوویه‌ د هندێ دا كو هه‌ر ئالۆزیه‌كا بكه‌ڤێت ناوچا ناڤبری كارتێكرنا وێ ته‌ڤی جیهانێ هه‌بیت و هه‌ر سه‌قامگیریه‌كا هه‌بیت ژی كارڤه‌دانێن وێ به‌روڤاژی یا سه‌ری نه‌..
ترامپ وه‌ك ئه‌م هه‌می دزانین مرۆڤه‌ك سه‌رمایه‌داره‌ گرنگیا ئابووری ل ڤێ ناوچێ بۆ وی زۆر گرنگه‌، ژ بلی وێ ژ ئالیێ سیاسی ژی ئه‌مریكا چاڤێن وێ زۆر ل سه‌ر ڤێ ناوچێ هه‌نه‌، له‌وما ژی ئه‌مریكا ژ بۆی پاراستنا وی دلێ مه‌ باس لێ كری و ساخله‌میا گیانێ خوه‌ زۆر ب هووراتی و گرنگی سه‌ره‌ده‌ریێ ل گه‌ل رۆژهه‌لاتا ناڤین دكت..
باشترین ده‌ریكی ئه‌مریكا پێ ده‌ربازی ناوچێ ببیت مفا وه‌رگرتنه‌ ژ وێ دو جه‌مسه‌ریا ل ناڤچێ زال ژ لایێ سیاسی و مه‌زهه‌بی ڤه‌ ب سه‌ركێشیا هه‌ر یه‌ك ژ ئیران و وه‌لات و گرۆپێن سه‌ر ب وێ ڤه‌ وه‌ك (سووریا عێراقا نها و حزب الله‌ و حوسیێن یه‌مه‌ن و په‌كه‌كه‌) ژ لایه‌كێ دی ڤه‌ سعوودیه‌ و وه‌لاتێن عه‌ره‌بی ل كه‌نداڤی دیاره‌ هه‌ر یه‌ك ژ وان جه‌مسه‌رێن مه‌ باس لێكرین بۆ به‌ره‌ڤانیێ ژ خوه‌ هانا بۆ دو هیزێن ژ خوه‌ مه‌زنتر برینه‌ و ئه‌و ژی رۆسیا و هه‌ڤالبه‌ندێن وێ و ئه‌مریكا و هه‌ڤپه‌یمانێن وێ نه‌.
ئیران هه‌ر ژ پشتێ سه‌رهلدانا شۆره‌شا 1979ێ ل دژێ ره‌زا شاهێ په‌هله‌وی و هاتنا رژێما مه‌لا بۆ سه‌ر ده‌ستهه‌لاتێ وه‌ك وه‌لاته‌ك دژ ئه‌مریكا ل ناوچێ دیاردبیت و به‌رژوه‌ندیێن ئه‌مریكا ل ژێر گه‌ف خستینه‌ و ئه‌مریكا ژ بۆ پاراستنا خوه‌ سعوودیه‌ و وه‌لاتێن كه‌نداڤی وه‌ك هه‌ڤالبه‌نده‌كێ باش دبینیت.
ب تایبه‌ت ژی پشتی وێ سیاسه‌تا نه‌رم و نولا دیمۆكراتێن ئه‌مریكا (ئوباما)ی د ماوێ ده‌ستهه‌لاتا خوه‌ دا ل گه‌ل ئیرانێ په‌یادكر، بوو ئه‌گه‌رێ سه‌ربه‌ردانا ئیرانی ل ناوچێ دا و بالا ده‌ستیا وێ و خوه‌ نێزیك كرن ل جێ به‌جێ جێ كرنا خه‌ونا هیلالا شیعی هه‌ر وه‌سا په‌ره‌ پێدانا ب پرۆژێ خوه‌ یێ ئه‌تۆمی ژی ئه‌ڤه‌ هه‌ر دو ژ وان خالانه‌ كو ترامپ زۆر پێ دلگران و تۆره‌.
له‌وما ژی ئه‌ڤ سه‌ره‌دانا ترامپی بۆ سعوودی و وێ پێشوازیا گه‌رما لێ هاتی كرن دبیت هه‌لگرێ په‌یامه‌كا عه‌ربی ـ ئه‌مریكی بیت بۆ ئیرانێ و نها ئیرانێ ژی ئه‌ڤ چه‌نده‌ زۆر ب باشی خواندی یه‌ و دوور نینه‌ وه‌لاتێن كه‌نداڤی ب پشته‌ڤانیا ئه‌مریكا به‌ره‌یه‌كێ یه‌كگرتی دروست بكت بۆ راوه‌ستیانا بالا ده‌ستیا ئیرانێ و ئه‌مریكا دێ ب ڤێ ئێكێ پتر ژ دو چویچكا ب به‌ره‌كی كوژیت ژ وان (فرۆتنا زۆر یا چه‌كێ ب بهایێن خه‌یالی بۆ وه‌لاتێن عه‌ره‌بی و داهاته‌كێ باش دێ بیت بۆ ئه‌مریكا و مفاوه‌رگرتن ژ هێزێن عه‌ره‌بی بۆ پارێزگاری كرنێ ژ به‌رژوه‌ندیێن ئه‌مریكا و دوور ژی نینه‌ ئه‌مریكا ل هه‌مبه‌ر پاراستنا عه‌ره‌بان ژ گه‌فێن ئیرانێ داخوازا پاره‌یێن زۆر یانژی پشكێن زۆر ژ وه‌لاتێن ناوچێ بكت و ئه‌ڤ چه‌نده‌ د گۆتنێن ترامپی دا ب روونی به‌رچاڤ دكت).
ـــــــــــــــــــــــــــــــ
سێڤ و مازی و هری…پێدڤی ب چالاكیه‌كا بازرگانینه‌
جه‌میل خالد ئه‌ترووشی
سێ بنه‌مایێن گرنگن، ده‌لیڤا هه‌نارده‌كرنێ هه‌یه‌ ژ به‌ر كو كه‌ره‌سته‌یێن ده‌ستپێكینه‌ د وارێ پێشه‌سازیدا، ئه‌ركێ حوكمه‌تێ یه‌ بازارێ وان چالاك بكه‌ت و د به‌رژه‌وه‌ندیا ئابوورێ هه‌رێمێ دایه‌، ژ به‌ر هێزا ئابوورى و هێزا له‌شكرى دو هێزێن هاوته‌ریپن و شه‌نگستێن سه‌ره‌كینه‌ بۆ بنیت دانانا وه‌لاتان و ئه‌گه‌رێن پێشڤه‌چوونێ نه‌. مژاره‌ك هه‌یه‌ دبێژیت ده‌ستقوتان ب ده‌سته‌كی د شیاندا نینه‌، ئه‌ڤه‌ گرنگیا ڤان دو بابه‌تایه‌، نها هه‌رێم به‌ر ب ریفراندوم و ده‌وله‌تبوونێ دچیت، هێزا له‌شكرى د ئاسته‌كێ به‌رز دایه‌، هێزا ئابووری به‌ر ب زالبوونێ ل سه‌ر ئاسته‌نگان دچیت وپێنگاڤێن باش هاڤێتینه‌ لێ نه‌ د هه‌می واراندا.
سێڤ و مازی به‌رهه‌مێن خومالینه‌، دارا سێڤێ یا به‌ربه‌لاڤه‌ ل هه‌رێمێ وپێدڤی چاڤدانێ یه‌ لێ دارا مازیێ یا خورسته‌ و خودانێ وێ ئه‌وه‌ یێ دچنیت، سێڤ یا خوه‌خه‌رجه‌ ل سه‌ر ئاستێ هه‌رێمێ یا فه‌ره‌ هاورده‌كرن بهێته‌ سنۆرداركرن د بازاریدا ده‌مێ به‌رهه‌مێ خومالی دكه‌فته‌ بازاری و ده‌لیڤه‌ نه‌هێته‌ دان سێڤا بیانی بازاری كونترۆل بكه‌ت، دیسا سێڤ ژ كه‌ره‌ستێن سه‌ره‌كی یه‌ بۆ پیشه‌سازیا ڤه‌خوارنێن جودا، هه‌رێما كوردستانێ یا زه‌نگینه‌ ب ڤێ دارێ و سێڤا به‌رواری بالا یا ب ناڤوده‌نگه‌، ئه‌ڤی به‌ر هه‌مێ سه‌رده‌مه‌كێ زێرین هه‌بوو و یا ب ره‌واج بوو ل سه‌ر ئاستێ عیراقێ و داخوازكه‌رێن وێ هه‌بوون ژ كه‌نداڤی، لێ جهێ داخێ یه‌ نها د ڤێ ئازادیێ دا ئه‌و به‌هایه‌ نه‌مایه‌ و ب تنێ بازارێن هه‌رێمێ دده‌ست دا مایه‌، ئه‌و ژی سێڤا بیانى هه‌ڤركیا وێ دكه‌ت. جۆتیار هه‌نه‌ باخچێن سێڤان راستكرن و ژ ناڤبرن، ژ به‌ر نه‌بوونا به‌كاربه‌ری.
پێدڤیه‌ حوكمه‌ت بهێته‌ سه‌ر هێل و داخوازیین جۆتیاران جێبه‌جێ بكه‌ت، كوگه‌هێن پاراستنا فێقی ل ناڤچه‌یێن پێدڤی به‌رهه‌ڤ بكه‌ت، كارگه‌هێن سڕك و گڤاشتن و قوتیكرنێ دابمه‌زرینیت داكو به‌رهه‌م ب هه‌ده‌ر نه‌چیت و د ئاینده‌ دا مفا ژێ بهێته‌ وه‌رگرتن و ئاسانكاری هه‌بن بۆ كار وپێَدڤیێن فه‌ر وه‌ك ده‌رمان و ئامیرێن سه‌ره‌كی.
ده‌رباره‌ی بابه‌تێ مازی و هریێ، مه‌ بهیستیه‌ پیشه‌ هه‌نه‌ به‌ر ب نه‌مانێ دچن مینا پینه‌دۆزیێ و سه‌خبێریا ده‌مژمێران، لێ به‌رهه‌م هه‌بن و به‌ر ب نه‌مانێ ڤه‌ بچن و مفا ژێ نه‌هێته‌ وه‌رگرتن نه‌خاسمه‌ د ڤێ قه‌یرانا دارایی دا جهێ پرسیارێ به‌ بۆچی سه‌رده‌مێ به‌رێ ره‌واجا وان هه‌بوو، مفادار لێ زور بوون ژ گوندنشین و خودانكه‌رێن ته‌رش و ته‌والی. لێ نها بازارێ وان سسته‌ و به‌ر ب نه‌مانێ دچیت و كه‌س پووته‌پێ ناكه‌ت. مازی چن نها ناچنه‌ مازیێ وه‌ك كار. گه‌ر سه‌ره‌دانا ره‌شمالێن ئاژه‌لدارا بكه‌ی دێ گازندێن نه‌ فرۆتنا هریێ بۆ ته‌ دكه‌ن كو ره‌واجا وێ نه‌مایه‌ و كه‌س چ پێ ناده‌ت.
ئه‌ركێ حوكمه‌تێ یه‌ بازارا ڤان هه‌ردو به‌رهه‌مان چالاك بكه‌ت، ئابووری ناسێن هه‌رێمێ رۆلێ خوه‌ بگێرن د چالاك بن و بازاره‌كێ بۆ ببینن دێ ته‌خه‌كێ زورێ وه‌لاتیان ژێ مفادار بن و دیسا هه‌نارده‌كرن چه‌كه‌كێ دو سه‌ره‌ دده‌ستێ حوكمه‌تێدا، دراڤێ بیانی بۆ په‌یدا دكه‌ت.

website security
Facebook Auto Publish Powered By : XYZScripts.com