NO IORG
هه‌لبژارتى2

ئه‌ڤرۆ نیوز:

سه‌رۆكێ حوكمه‌تا هه‌رێما كوردستانێ، ل قوتابخانه‌یه‌كا توخیبێ پارێزگه‌ها هه‌ولێرێ زه‌نگا ده‌ستپێكرنا سالا نوو یا خاندنێ لێ دا.

ئه‌ڤرۆ مه‌سرور بارزانی سه‌رۆكێ حوكمه‌تا هه‌رێما كوردستانێ، ل قوتابخانه‌یه‌كا باژێركێ به‌حركێ توخیبێ پارێزگه‌ها دهۆكێ زه‌نگا ده‌ستپیكرنا سالا نویا خاندێ لێدا و د په‌یڤه‌كێ دا ژی  راگه‌هاند خوشحالم ئه‌ڤرۆ زه‌نگا ده‌ستپێكرنا پرۆسه‌یا خاندنێ لی دده‌ین، بۆ ئه‌وێ چه‌ندێ پرۆسه‌یا خاندنێ بۆ پۆلا 12 یا ئاماده‌یی و پاشی خاندنا پۆلا ئێك و دوێ یێن بنه‌ره‌تی ده‌ست پێ بكه‌ن.

سه‌رۆكێ حوكمه‌تێ ئه‌و چه‌نده‌ ژی راگه‌هاند سوپاسیا وه‌زیرێ په‌روه‌ردێ دكه‌ین ب بزاڤ و ماندووبون و دانانا میكانزمه‌كێ بۆ ده‌ستپێكرنا پرۆسه‌یا خاندنێ، ب تایبه‌تی دئه‌ڤان كاودانێن نوكه‌دا ده‌رباز دبین و سوپاسیا مامۆستایان ژی دكه‌م كۆ به‌رده‌وام د ئه‌ركی دابووینه‌ كۆ به‌رده‌وام پێشه‌نگن دخزمه‌تكرنێ دا.

ئه‌ڤرۆ نیوز:

په‌رله‌مانتاره‌كێ عیراقێ دیاركر حوكمه‌تا عیراقێ چ ده‌ستكه‌فت نه‌بوویه‌ هه‌ژی به‌حسكرنێ بیت ژ ده‌ستپێكێ هه‌تا نوكه‌، داخازێ ژ جڤاتا نوونه‌ران دكه‌ین ڤه‌كۆلینیێ ل گه‌ل مسته‌فا كازمی سه‌رۆك وه‌زیر بكه‌ن، ب ئه‌گه‌رێ پاش كه‌تنا پارڤه‌كرنا موچه‌ی.

محه‌مه‌د خالد ئه‌ندامێ جڤاتا نوونه‌رێن عیراقێ راگه‌هاند ل ده‌مێ چار هه‌یڤێن بوری زێده‌باری پشته‌ڤانیا نێڤ ده‌وله‌تی و سیاسی بوو، هێشتا وه‌ك پێدڤی نینه‌ و چ ده‌ستكه‌فته‌ك نه‌بوویه‌ ب بیته‌ جهێ هه‌ژی گوتنێ، تانوكه‌ حوكمه‌ت نه‌شیایه‌ موچه‌ی پارڤه‌ بكه‌ت و بڤێ ئه‌گه‌ری كابینا كازمی 3 ملیار دۆلاران قه‌ر داره‌.

ئه‌ندامێ جڤاتا نوونه‌رێن عیراقێ ئه‌و چه‌نده‌ ژی راگه‌هاند كۆ ئه‌ڤ حوكمه‌ته‌ حوكمه‌تا قه‌رانه‌ نه‌ك حوكمه‌تا چاكسازیی و داهات و نه‌هێلانا گه‌نده‌لیێ یه‌، پێدڤیه‌ جڤاتا نوونه‌ران ب ئه‌ركێ سه‌ر ملێن خو رابیت و بانگهێشتا سه‌رۆك وه‌زیران بكه‌ت و لێپرسینێ ل گه‌ل بكه‌ت بۆچ 40 رۆژه‌ موچه‌ پاشكه‌تی یه‌ .

ئه‌ڤرۆ نیوز،بارزان مزوورى:
سه‌ردار یه‌حیا عەبدلعەزیز،قائیمقامێ قه‌زا شێخان بۆ ئه‌ڤرۆ نیوز دیاركر رێكا ناوه‌ران دناڤبه‌را مووسل و شێخان ئه‌ڤه‌ شه‌ش هه‌یڤه‌ هاتیه‌گرتن، هه‌موو رێك یێن دناڤبه‌را باژێرێن مووسل و هه‌رێمێ هاتینه‌ ڤه‌كرن بتنێ ئه‌ڤه‌ مایه‌ ژئه‌گه‌رێ خرابیا ناحیا باشیك ژ ئه‌نجامێ به‌لاڤ بوونا ڤایرۆسێ كورونا ژبه‌ركۆ د نها دا باشیك د ره‌وشه‌ك خراپ دایه‌ له‌ورا هه‌تا نها بریارا ڤه‌كرنا وێ رێكێ نه‌هاتیه‌ دان،
ناڤهاتى خویاكر گرنگیا ڤه‌كرنا ڤێ رێكێ بۆ ده‌ڤه‌را شێخان گه‌له‌ك یا گرنگه‌ ژلایێ ئابوورى و ئاینى ژى ژبه‌ركۆ گه‌له‌ك ژ كه‌ساتیێن ئاینى یێن ئێزدیان ل ناحیا باشیك پێدڤى یه‌ رۆژانه‌ سه‌ره‌دانا په‌رستگه‌ها لالش بكه‌ن دیسان رۆژانه‌ ژماره‌كا مه‌زن یا فه‌رمانبه‌رێن شێخان و ده‌وروبه‌ر ل مووسل و باشیك ده‌شتا نه‌ینه‌وا دهێنه‌ شێخان ده‌واما وان ل شێخان و ده‌وروبه‌ره‌ د نها دا ئاسته‌نگ بۆ ڤان هه‌موو كه‌رتا یا دروست بوىە له‌ورا یا پێدڤىە ئه‌ڤ رێكه‌ بهێتە ڤه‌كرن به‌لێ ژبه‌ر رێنمایێن ساخله‌میێ ئه‌ڤ رێكه‌ هاتیه‌ گرتن و تا راده‌یه‌كى باش ژى ڤایرۆسێ كورونا ل شێخان ژ ئه‌گه‌رێ گرتنا ڤێ رێكێ هاتیه‌ كونترۆل كرن.

ناڤهاتى گۆت:هه‌تا نها بریار ل سه‌ر ڤه‌كرنا وێ رێكێ نه‌هاتیه‌ دان ژبه‌ركۆ بریا ردێ ل سه‌ر دوو ئیدارا هێتە دان مووسل و دهوك مه‌ یا داخازكرى كۆ كومبین ل سه‌ر ڤه‌كرنا وێ به‌لێ هه‌تا نها كومبون نه‌هاتینە كرن به‌لێ ئه‌ڤرۆ ب نڤیسارا فه‌رمى مه‌یا ره‌وانه‌كرى كۆ دڤێ حه‌فتیێ دا بهێتە ڤه‌كرن به‌لێ به‌رى بهێتە ڤه‌كرن ،پێدڤى یه‌ هه‌ردوو لا كارى بكه‌ن بۆ دابینكرنا وان تیمێن پێدڤى ب لژنه‌كا تایبه‌ت یا ساخله‌میێ دگه‌ل لژنه‌كا ئه‌منى و فه‌رمانگه‌هه‌كا ئیقامه‌یا بهێت دانان بۆ پاراستنا ژیانا وه‌لاتیان ژ ڤایرۆسێ كورونا ، ده‌مێ ئه‌ڤ رێكه‌ بهێت ڤه‌كرن بتنێ هاتن و چوونا وه‌لاتیان و فه‌رمانبه‌رایه‌ بازرگانى دڤێ رێكێ دا ناهێتك رن بتنێ ترۆمبێل بچیك دێ ده‌ستیرى بۆ هێت دان.

ئه‌ڤرۆ نیوز:

رێڤه‌به‌راتیا ئاڤا دهۆكێ د راگه‌هاندنه‌كێ دا به‌لاڤكریه‌ ژ به‌ر كاركرن و ڤه‌گۆهاستنا ئه‌و بوریێن ئاڤێ د كه‌ڤنه‌ پرۆژه‌یێ ئه‌نده‌رپاسا جاده‌یا بارزان و سه‌خبێریكرنا وان بۆ ده‌مێ چه‌نده‌كێ دێ ئاڤ هێته‌ راوه‌ستاندن ئانكو ئاڤ بۆ چه‌ند تاخه‌كێن باژێری ناچیت هه‌تا كار كرن تێدا ب دوماهی دهێت.

د راگه‌هاندنا رێڤه‌به‌راتیا ئاڤا دهۆكێ ئه‌و چه‌نده‌ ژی هاتیه‌ دیاركرن كۆ ئه‌و تاخێن ئاڤ بۆ ناچیت و بۆ چه‌نده‌كێ ئاڤ دێ ژێ هێته‌ برین دیاركرینه‌ وه‌ك شندوخا و شه‌هیدا و ئازادی و سێ گركا و بنتیكا و روناهی و تاخێ ره‌زان و سه‌ربه‌ستی و دیاری و مهاباد و نزاركێ و نزاركا 51 و محامیا و ئێتیت، ناعورێ و گژه‌ به‌را و پیشه‌سازی و كۆمه‌لگه‌ها به‌رۆشكێ و سه‌رهلدان و جمعیا به‌رۆشكێ و كانی مه‌همه‌دكێ.

د راگه‌هاندنا ئاڤا دهۆكێ دا هاتیه‌ هاتیه‌ كۆ ل رۆژا 27/9/2020 ئاڤ دێ هێته‌ راوه‌ستاندن بۆ ده‌مێ 72 ده‌مژێران ژ به‌ر ئه‌نجامدانا چه‌ند كاره‌كێن ته‌كنیكی ل ناڤ ئه‌نده‌ر پاسێن نوو دا.

دوماهیێ رێڤه‌به‌راتیا ئاڤا دهۆكێ ئه‌و چه‌نده‌ دیاركریه‌ كۆ هیڤی خازین ژ خه‌لكی ده‌ڤه‌رێن ناڤ هاتینه‌ دیاركرن هشیار بن و هاریكار بن د گه‌ل مه‌دا ژبو به‌رژه‌وه‌ندا گشتی یا باژێرێ دهۆكێ بلا ئاڤێ كۆم ڤه‌ بكه‌ن بۆ خوه‌ دا ئاریشه‌ په‌یدا نه‌بن.

ئه‌ڤرۆ نیوز:

سندۆقا دراڤ یا نێڤ ده‌وله‌تی پیرۆزباهیێ ل پارێزگارێ نوو یێ به‌نكا ناڤه‌ندا عیراقێ دكه‌ت به‌رهه‌ڤیا خوه‌ ژی بۆ هه‌ڤكاریكرنا عیراقێ ده‌ربری.

به‌نكا ناڤه‌ندا عیراقێ د به‌یاننامه‌یه‌كێ دا راگه‌هاند مسته‌فا غالب پارێزگارێ به‌نكا ناڤه‌ندی ب شێوه‌یه‌كێ كونفرانس ڤیدیویی، ل گه‌ل سندۆقا دراڤ یا نێڤ ده‌وله‌تی كۆمبوو.

د ئه‌وێ كۆمبوونێ دا، لگۆری به‌یاننامه‌یا به‌نكا ناڤه‌ندا عیراقێ هاتیه‌، دانوستاندن ل سه‌ر ره‌وشا ئابووری و دارایی یا عیراقێ هاته‌كرن.

به‌نكا ناڤه‌ندا عیراقێ راگه‌هاند سندۆقا دراڤ یا نێڤ ده‌وله‌تی به‌رهه‌ڤیا خوه‌ بۆ هه‌ڤكاریكرنا عیراقێ ب رێكا پێشكێشكرنا راوێژكاریا هونه‌ری هه‌ماهه‌نگی و سیاسه‌تا دارایی و دراڤی و پلانانا رێكخستنا دارایی نیشاندایه‌.

ب بریارا مسته‌فا كازمی سه‌رۆك وه‌زیرێ عیراقێ، گوهورین ل ژماره‌یه‌كا به‌رپرسێن بلندێن عیراقێ هاته‌كرن، كۆ ئێك ژ ئه‌وان گوهورینان دانانا مسته‌فا غالب ب پارێزگارێ نوو یێ به‌نكا نێڤ ده‌وله‌تی ل عیراقێ بوو.

ئه‌ڤرۆ نیۆز، عه‌زیز هه‌ورامی

حكوومه‌تی عێرق و كوردستان به‌رده‌وامن له‌ گفتوگۆ بۆ ڕێكه‌وتنی كۆتایی له‌سه‌ر بوودجه‌ و مووچه‌ و كێشه‌ هه‌ڵپسێردراوه‌كانی تر،سه‌رۆكی فڕاكسیۆنی پارتی ده‌ڵێ، گفتووگۆكان به‌رده‌وامن و گه‌شبینین هه‌ردوو حكوومه‌ت بگه‌نه‌ ڕێكه‌وتنێكی زۆر باش.

د.فیان سه‌بری سه‌رۆكی فڕاكسیۆنی پارتی له‌ ئه‌نجوومه‌نی نوێنه‌رانی عێراق به‌ ئه‌ڤرۆ نیۆزی ڕاگه‌یاند:” له‌ ئێسته‌دا وه‌فێكی حكوومه‌تی هه‌رێمی كوردستان له‌ به‌غداییه‌ بۆ گفتوگۆكردن له‌سه‌ر بوودجه‌ی ساڵی 2021 حكوومه‌تی عێراق و به‌شه‌ بوودجه‌ی كوردستان.

هه‌روه‌ها ئاماژه‌ی به‌وه‌كرد:” له‌ ڕۆژانی ئاینده‌ وه‌فێكی باڵای حكوومه‌تی هه‌رێمی كوردستان ده‌گاته‌ به‌غدا بۆ درێژه‌دان به‌ گفتووگۆكانی نێوان هه‌ردوو حكوومه‌ت له‌سه‌ر بوودجه‌ و كێشه‌كانی هه‌ڵپسێدراوه‌كانی تری نێوان هه‌ردوو حكوومه‌ت”.

زیاتر وتی:” له‌ پێوه‌ندییه‌ ته‌له‌فۆنییه‌كه‌ی نێوان سه‌رۆك وه‌زیران مه‌سروور بارزانی و مسته‌فا كازمی و وه‌ سه‌ردانی مسته‌فا كازمی بۆ هه‌رێمی كوردستان و كۆبوونه‌وه‌ی له‌گه‌ڵ به‌رپرسانی باڵای كوردستان، لێكتێگێشتنی باش هه‌یه‌ له‌ نێوان هه‌ردوو حكوومه‌ت بۆ ڕێكه‌وتن”.

وتیشی:” ئه‌و ڕێكه‌وتنه‌ی هه‌یه‌ بۆ سێ مانگ له‌سه‌ر ناردنی مانگانه‌ 320 ملیار دینار بۆ كوردستان وه‌ك خۆی جێبه‌جێ ده‌كرێت”.

سه‌رۆكی فڕاكسیۆنی پارتی ده‌ڵێ:” گه‌شبینین هه‌ردوو حكوومه‌ت بگه‌نه‌ ڕێكه‌وتنێك قاجانزی بۆ هه‌ردوو لاهه‌بێت به‌رده‌وامیش ده‌درێت به‌ ڕێكه‌وتنه‌كه‌.

 

 ئه‌ڤرۆ نیوز:

ده‌سه‌لاتدارێن ئه‌مریكا راگه‌هاندن ئه‌و ژنا بزاڤا ژه‌هركرنا دونالد تره‌مپی دایی هاته‌ گرتن.

لگۆری گوتنێن به‌رپرسێن ئه‌مریكا به‌لاڤكرین، ئه‌و ژنا هاتیه‌گرتن گۆمانا ئه‌وێ چه‌ندێ ل سه‌ره‌ كۆ پوسته‌كێ ژه‌هركری هنارتیه‌ بۆ تره‌مپی كۆ به‌ری بگه‌هتێ هاتیه‌ ژناڤبرن.

ئه‌و ژنا هاتیه‌ گرتن كۆ ل كه‌نه‌دا بزاڤكریه‌ بچیته‌ ئه‌مریكا ل ده‌مێ ده‌سته‌سه‌ركرنێ دا چه‌ك ڤێ هاتیه‌ دیتن، هه‌روه‌ك ئه‌گه‌رێ ئه‌وێ چه‌ندێ هه‌بوویه‌ ژلایێ ئیدارا ئه‌مریكا سكالا ل سه‌ر بهێته‌ توماركرن ب ژبه‌ر ئه‌وان كارێن وێ كرین.

ل چه‌ند رۆژێن بووری دا، ب رێكا پوسته‌كی كۆ ئاراسته‌ی كۆچكا سپی هات بووكر، بزاڤا ژه‌هركرنا دونالد تره‌مپی سه‌رۆكێ ئه‌مریكا هاتیه‌ دان ب رێكا ماده‌یێن ریسین به‌لێ ژلایێ ئێف بی ئایی و خزمه‌تگۆزاریێن نه‌په‌نی ئه‌و بزاڤ هاته‌ ژناڤبرن پاشی هاته‌ به‌لاڤكرن.

ئه‌ڤرۆ نیوز:

بریاره‌ ئه‌ڤرۆ شانده‌كێ دو وه‌زاره‌تێن حوكمه‌تا هه‌رێما كوردستانی بچنه‌ به‌غدا و دو كۆمبوونان ل به‌غدا ساز بكه‌ن.

بریاره‌ ئه‌ڤرۆ شاندێن هه‌ردو وه‌زاره‌تێن پلاندانانێ و دارایی یا حوكمه‌تا هه‌رێما كوردستانێ، بۆ درێژه‌دان ب كۆمبوون و دانوستاندنێن ده‌ربارێ پرۆژه‌یێ بودجا سێ سالێن بهێت یا عیراقێ سه‌ره‌دانا به‌غدا بكه‌ن.

ئارمانج ژ ئه‌ڤان سه‌ره‌دان و كۆمبوون و دانوستاندنه‌ ل سه‌ر دارشتنا ستراتیژیه‌تا پرۆژه‌یێ بودجا سێ ساێن بهێت یا عیراقێ، كۆ هه‌رێما كوردستانێ ژی ل دارشتنا ستراتیژیه‌تا پرۆژه‌یێ بودجه‌یێ دا پشكدار بیت.

ئه‌ڤرۆ نیوز:

سه‌رۆكێ ئه‌مریكا راگه‌هاند حه‌فت ده‌وله‌تێن دی یێن عه‌ره‌بی ژی بزاڤا ئاسایكرنا په‌یوه‌ندیێن خوه‌ لگه‌ل ئیسرائیلێ دده‌ن.

دونالد تره‌مپ سه‌رۆكێ ئه‌مریكا پشتی ل گه‌ل شێخ ناسر سه‌باح ئه‌حمه‌د كورێ مه‌زنێ شاهێ كوێتێ راگه‌هاند كوێت ژی دشێت په‌یوه‌ندیێن خوه‌ ل گه‌ل ئیسرائیلێ ئاسای بكه‌ت، حه‌فت یان هه‌شت ده‌وله‌تێن دی یێن عه‌ره‌بی بزاڤا ئه‌وێ چه‌ندێ دده‌ن كۆ په‌یوه‌ندیێن وه‌ ل گه‌ل ئیسرائیلێ ئاسای بكه‌ن.

رۆژا 15/9/2020 ب چاڤدێریا سه‌رۆكێ ئه‌مریكا دونالد تره‌مپ ل واشنتون، عه‌بدلا بن زاید وه‌زیرێ ده‌رڤه‌یێ ئیماراتێ و بنیامین نه‌تاناهو  سه‌رۆك وه‌زیرێ ئیسرائیلێ رێكه‌تنا ئاشتیێ ئیمزاكرن.

ئه‌ڤرۆ نیوز:

وه‌زاره‌تا ساخله‌میا حوكمه‌تا عیراقێ بزاڤا كرینا ڤاكسینێ دژه‌ كورونایێ ژ چینێ دده‌ت.

سه‌فا ته‌میمی بریارده‌رێ لژنا ساخله‌میێ ل جڤاتا نوونه‌رین عیراقی راگه‌هاند  رۆژا 18/9/2020 لژنه‌یا وان میڤداناریا حه‌سه‌ن ته‌میمی وه‌زیرێ ساخله‌میا عیراقێ كر.

حه‌سه‌ن ته‌میمی وه‌زیرێ ساخله‌میا عیراقێ ئه‌و چه‌نده‌ ب لژنه‌یا مه‌ راگه‌هاندیه‌ كۆ بزاڤا ئه‌وێ چه‌ندێ دایه‌ جڤاتا وه‌زیران پاره‌ی دابین بكه‌ن بۆ گرێبه‌ستا كرینا ڤاكسینێ دژه‌ كورونایێ كۆمپانیا سینوفارم یا چینی رازی بكه‌ت.

د ناڤه‌راستا هه‌یڤا هه‌شت كۆمپانیا سینوفارم به‌رهه‌م ئینانا ڤاكسینێ بۆ چاره‌كرنا ڤایرۆسێ كورونایێ راگه‌هاند، كۆ ل بۆ ماوه‌یێ دوجاران ل ده‌مێ 28 رۆژان ده‌نه‌ توشبوویێ كورونایی و بهایێ وێ 140 دۆلارن بۆ هه‌ر نه‌خوشه‌كی.

website security
WP Facebook Auto Publish Powered By : XYZScripts.com