NO IORG
هه‌لبژارتى3

 

ئەڤرۆ نیوز:

برێکارێ میرێ ئێزدیان بۆکاروبارێن گەنجان دیار کر: ئەمریکا ٥٠٠ هزار دۆلارێن دی بۆ نووژەنکرنا پەرستگەها لالش تەرخانکرن.

میر هەرمان میرزا بەگ بریکارێ میرێ ئێزدیان ڕاگەهاند: نوکە قۆناغێن نووژەنکرنا پەرستگەها لالش دەستپێکرینە و بزاڤێن ئێزدیان و حکومەتێ و ئەمریکا بۆ نووژەنکرنا تەمامیا پەرستگەهێ د بەردەوامن.

گۆت ژی: ب ئامادەبوونا کونسولێ گشتی یێ ئەمریکا و راوێژکارێن ئێزدیان، ئەمریکا٥٠٠ هزار دۆلارێن دی بۆ نووژەنکرنا پەرستگەها لالش تەرخانکرن.

 
ئەڤرۆ نیوز:
سەرۆك كۆمارێ‌ توركیا رەجەب تەیب ئەردۆغانی، داخواز ژ سەرۆك وەزیرێن عیراقێ‌ مستەفا كازمی كریە، کو سەرەدانا وی وەلاتی بكەت.
دبەیاننامەكێدا نڤێسینگەها سەرۆك وەزیرێن عیراقێ‌ دیار کریە: د نامەكا تایبەت دا سەرۆكێ‌ توركیا رەجەب تەیب ئەردۆغانی ب فەرمی داخواز ژ مستەفا كازمی كریه، سەرەدانا ئەنقەرە بكەت.
لدووڤ وێ بەیانناما نڤێسینگەها سەرۆك وەزیرێن عیراقێ، فاتح یلدز بالیۆزێ توركیا ل عیراقێ‌ ناما ئەردۆغانی گەهاندیە مستەفا كازمی.

 ئه‌ڤرۆ نیوز:

وه‌زیرێ ده‌رڤه‌یێ عیراقێ راگه‌هاند ڤه‌كێشانا ئه‌مریكا ژ عیراقێ دێ ئه‌نجامێن خراپ دیڤ خوه‌ ئینیت.

وه‌زیرێ ده‌رڤه‌یێ ئه‌مریكا و عیراقێ شرۆڤه‌یا بریارا واشنتونێ بۆ ڤه‌كێشانا بالوزخانه‌یا ئه‌مریكا ژ به‌غدا دكه‌ن و دانوستاندنی ل سه‌ر ئه‌وان رێكاران دكه‌ن، كۆ حوكمه‌تا عیراقێ بۆ رێگرتن ژ دووباره‌نه‌بوونا هێرشێن بۆ سه‌ر بالیوزخانه‌یا ئه‌مریكا دێ بكار ئینیت.

وه‌زاره‌تا ده‌رڤه‌یا عیراقێ د به‌یاننامه‌یه‌كێ دا راگه‌هاند فوئاد حسێن وه‌زیرێ ده‌رڤه‌یێ عیراقێ دلته‌نگیا خو ژ بریارا ڤه‌كێشانا بالیوزخانه‌یا ئه‌مریكا ده‌ربریه‌ و ئه‌نجامێن خراپ دێ دیڤ ئه‌وێ بریارێ دا هێن، حوكمه‌تا عیراقێ چه‌ندین رێكارێن ئه‌منی و سیاسی و دیپلوماسی بكار ئیناینه‌ بۆ رێگرتن و راوه‌ستاندنا هێرشان بۆ سه‌ر ده‌ڤه‌را سه‌وز و فرۆكخانه‌یێ و سوز ژی دایه‌ ل ده‌مه‌كێ زۆر نێزیك ئه‌نجامێن ئه‌وان ریكاران ده‌ربكه‌ڤن.

وه‌زیرێ ده‌رڤه‌یێ ئه‌مریكا سوزدا د هه‌ر بریاره‌كێ دا دوماهی پێشهاتان شرۆڤه‌ بكه‌ن وهه‌بوونا په‌یوه‌ندیه‌كا باش ل گه‌ل عیراقێ بگرنگ دزانین هه‌موئه‌گه‌رێن بهێت یێن بالیوزخانه‌یێ ل گه‌ل وه‌زیرێ ده‌رڤه‌یێ عیراقێ دێ دانوستاندنێ كه‌ین.

دا ئەڤرۆ نیوز،عەلی حاجی:

ب گورەی وان زانیاریێن ب دەست ئەڤرۆ نیوز کەڤتین ئەڤرۆ ل رۆژا چار شەمبێ کارگێرێ لقا هەشت یا پارتی دیموکراتی کوردستان شڤان شێخو ژ ئەگەرێ ڤایروسێ کورونایێ ل ئێک ژ نەخوشخانەیێن وەلاتێ تورکیا گیانێ خوو ژ دەست دا و بریارە هەر ئەڤرۆ روژا چار شەمبێ تەرمێ وی ب رێیا دەروازەیێ نێڤ دەولەتی بگەهیتە باژێرێ زاخۆ و تەرمێ وی بهێتە خاک سپاردن و بۆ دەما چار روژایە ناڤبری توشی کورونایێ ببوو و ب گورەی ئاخڤتنێن کەس و کارێن وی شڤان شێخوی چو نەخوەشیێب دیتر نەبون و ل ئێک ژ نەخوشخانەیێن گازی عەنتابێ چارەسەریا وی دهاتە کرن .

 

ئەڤرۆ نیوز، زنار تۆڤی:

ژ ئەگەرێ ناكۆكیێن ئالیێن سیاسی ل ‌سه‌ر پرسا بازنێن هه‌لبژارتنان، محه‌مه‌د حه‌لبۆسی، سه‌رۆكێ پەرلەمانێ عیراقێ، پرۆسا ده‌نگدانێ بۆ‌ برگا بازنێن هه‌لبژاتنان بۆ روونشتنا رۆژا شه‌مبی‌ ل 10 هەیڤا بهێت پاشخست.

هندرین دۆسكی، ئەندامێ په‌رله‌مانتارێ عیراقێ بۆ ئەڤرۆ نیوز دیار کر: هەبوونا ناكۆكیان وەکریە، کو ئالیێن سیاسی نەشیان بگەهنە چو ئەنجامان، ل سەر بابەتێ بازنێن هەلبژارتنان، لەوما ده‌نگدان بۆ وێ برگێ بۆ 10 هەیڤا بهێت هاتە پاشخستن‌، هەروەسا د روونشتنا پەرلەمانی دا دێ ئەو پرسە هێتە ئێکلا کرن‌، دیسان تایبه‌تمه‌ندی بۆ‌ چ پارێزگەهێن عیراقی ژی نابیت.

ئه‌ڤرۆ نیوز:

زه‌نگا سالا نوو یا خواندنێ 2020/2021 هاته‌ لێدان

ئه‌ڤرو رۆژا ئێك شەمبى، ل ئاماده‌یا صادق بەهائەدين و ب ئاماده‌بوونا د.عەلى تەتەر پارێزگارێ دهۆكێ و رێڤه‌به‌رێ گشتى یێ په‌روه‌ردێ و هاریكارێ رێڤه‌به‌رێ گشتى و رێڤه‌به‌رێن په‌روه‌رده‌ێن قەزا دهۆك رۆژهه‌لات و رۆئاڤا و لێژنا په‌روه‌ردێ ل ئه‌نجوومه‌نێ پارێزگه‌ها دهۆك و نوونەرێن ئێكەتيا ماموستيان – قوتابيان و ژمارەكا مامۆستا و سه‌رپه‌رشتیارێن په‌روه‌رده‌یى زه‌نگا سالا نووى یا خواندنێ هاته‌ لێدان كو بريارە ئەڤرو سەرجەم قوتابيێن قوناغا 12 ئامادەيى ب هەمى پشكێن خوڤە دەواما ئاسايى بكەن.

د په‌یڤه‌كێ دا پارێزگارێ دهۆكێ سالا نوو یا خواندنێ ل سەرجەم مامۆستا وقوتابيان پيرۆزكر و هیڤى خاست كو هەمى لايەك دهاريكاربن بۆ سەرئێخستنا ڤێ پروسێ ‌.

د.عەلى تەتەر ده‌ستخۆشى ل مامۆستا و قوتابیێن په‌روه‌ردا پارێزگه‌ها دهۆك كر و رۆلێ وان به‌رز نرخاند كو د ره‌وشه‌كا وه‌سا یا ب زه‌حمه‌ت دا ل پارێزگه‌ها دهۆكێ ئه‌و هەڤكار وهاريكار بون كو ده‌رگه‌هێن قوتابخانان ڤه‌كه‌ن و به‌رده‌وامیێ بده‌نه‌ خواندنا خوه‌، هەوەسا پارێزگارێ دهوكێ داخاز ژهەمى مامۆستا وقوتابيان كر كو ل ئاستێ بەرپرسايەتيێ دا بن بۆ بجهئينانا رێنمايێن خوپارێزيێ ژڤايروسێ كورونا .

هه‌ژى گوتنێ یه‌ نێزیكى 45000 هزار قوتابى يێن قوناغا 12 ئامادەيى ل پارێزگه ها دهوكێ دناڤ 279 ئامادەيان دا دێ ده‌ست ب خواندنێ كه‌ن .

 ئه‌ڤرۆ نیوز:

وه‌زاره‌تا ساخله‌میا هه‌رێما كوردستانێ راگه‌هاند ل 24 ده‌مژمێرێن بوری دا 520 توشبوویێن نوو ب كورونایێ هاتنه‌ توماركرن، 33 كه‌سان ژی گیانێ خوه‌ ژ ده‌ست دایه‌.

وه‌زاره‌تا ساخله‌میا هه‌رێما كوردستانێ د راگه‌هاندنه‌كێ دا به‌لاڤكریه‌ و تێدا هاتیه‌ كۆ 4253 پشكنین هاتینه‌ ئه‌نجامدان و ده‌ركه‌تیه‌ ل هه‌ولێرێ 109 كه‌س و سلێمانێ 95  و ل گه‌رمیان 21 و دهۆك 271 و هه‌له‌بجه‌ 424 كه‌س تووشی كورونایێ بووینه‌.

د راگه‌هاندنا وه‌زاره‌تا ساخله‌میا هه‌رێمێ دا دیاركریه‌ كو 264 كه‌س ساخبووینه‌ و 33 كه‌سان گیانێ خوه‌ ژ ده‌ست دایه‌ كو 13 كه‌س ل دهۆكێ بوونه‌.

120220675_3841141565936408_577990990875859631_n

ئه‌ڤرۆ نیوز:

جڤاتا نووونه‌رێن عیراقێ د كۆمبوونه‌كا تایبه‌ت ب بازنه‌یێن هه‌لبژارتنان د یاسایا هه‌لبژارتنێن جڤاتا نوونه‌رێن عیراقێ دێ رێك ئێخیت.

محه‌مه‌د ئه‌مین فارس ئه‌ندامێ جڤاتا نوونه‌رێن عیراقێ راگه‌هاند رۆژا شه‌مبیێ جڤاتا نوونه‌رێن عیراقێ ل سه‌ر یاسایا هه‌لبژارتنان كۆم دبیت  دانوستاندنان تایبه‌ت ل سه‌ر بازنه‌یێن هه‌لبژارتنان دكه‌ت، هه‌تا نوكه‌ لایه‌نێن عیراقی ل سه‌ر بازنه‌یێن هه‌لبژاتنان نه‌گه‌هشتینه‌ رێكه‌تنێ.

ناڤبری ئه‌و چه‌نده‌ ژی راگه‌هاند زۆرینه‌یا فراكسیون و كوتله‌یان ده‌نگ ب یاسایا هه‌لبژارتنان و پارڤه‌كرنا پارێزگه‌هان بۆ چه‌ند بازنه‌یه‌كان دایه‌ نوكه‌ په‌شێمان بووینه‌.

محه‌مه‌د ئه‌مین ئه‌و چه‌نده‌ ژی دازانین كۆ فراكسیونا پارتی رژده‌ ل سه‌ر ئه‌وێ چه‌ندێ كۆ عیراق ب بیته‌ 18 بازنه‌یێن هه‌لبژارتنان.

ئه‌ڤرۆ نیوز:

ده‌سته‌یا نه‌زاهه‌یا عیراقێ دیاركر ل ده‌مێ سێ هه‌یڤێن بوری 97 ئوپراسیونێن ده‌سته‌سه‌ركرنێ ئه‌نجامداینه‌ و زێده‌تری 85 تومه‌تبار ژی ب تاوانا گه‌نده‌لیێ و ب هه‌ده‌ردانا مالێ گشتی هاتینه‌ گرتن.

رێڤه‌به‌راتیا ڤه‌كۆلینا ده‌سته‌یا نه‌زاهه‌یا عیراقێ د به‌یاننامه‌یه‌كێ دا راگه‌هاند ل ده‌مێ سێ هه‌یڤێن بوری بتنێ ل رێڤه‌به‌راتیا ڤه‌كۆلینێن به‌سرا 20 ئوپراسیون ئه‌نجامداینه‌ و تێدا 110 مامه‌له‌یێن به‌لێنده‌راتیێ ده‌ست ب سه‌ردا هاتینه‌ گرتن كۆ بهایێ وان پێنج ملیار دینارن.

ده‌سته‌یا نه‌زاهێ ئه‌و چه‌نده‌ ژی دیاركریه‌ كۆ 147 مامه‌له‌یێن خانه‌نشین بوونێن ساخته‌ دا هاتیه‌گرتن و تایبه‌ت ل كه‌یسێن قوربانیێن تیرۆرێ كۆ بهایێ وێ گه‌هشتیه‌ 10 ملیار دیناران و چه‌ندین مامه‌له‌یێن دانا قه‌ران  ل نه‌جه‌ف هاتینه‌گرتن، كۆ دبنه‌ 7 ملیار دینار و چه‌ندین جورێن قه‌رێن دی ژی كۆ دبنه‌ 5 ملیار دینار.

ده‌سته‌یا نه‌زاهه‌یا عیراقی ئه‌و چه‌نده‌ ژی دا زانین كۆ چه‌ندین كه‌یسێن گۆمانی و گه‌نده‌لێ هه‌یه‌ ل نه‌خوشخانه‌یێن تایبه‌ت ب پشكنینا كورونایێ ب بهایێ 400 هزار ملیۆن دیناران.

ئه‌ڤرۆ نیوز:

ئه‌ڤرۆنیڤرۆ22-9-2020 د.علی ته‌ته‌ر پارێزگا‌رێ‌ دهۆكێ‌ دگه‌ل نوونه‌رێن  هۆلێن شه‌هیانا و یاریێن وه‌رزشی كۆمبوو، دكۆمبوونێدا ب ئاماده‌بوونا ماجد سه‌ید صالح جێگرێ‌ پارێزگا‌رێ‌ دهۆكێ‌ ب وه‌كاله‌ت به‌حسێ‌ ره‌وشا خه‌لكێ‌ پارێزگه‌هێ‌ وكارتێكرنا ڤایروسێ‌ كورونا  ل سه‌ر ژین وژیارا  وه‌لاتی وخودان كاران و رێنمایێن ته‌ندورستی یێن به‌رهنگاربونا ڤایروسی و پێگریا وه‌ڵاتیان ب وان رێنمایان هاته‌ كرن.

نونه‌رێن هۆلێن شه‌هیانا داخاز ژپارێزگا‌رێ‌ دهۆكێ‌ كر كو هاریكاریا وان بكه‌ن و ده‌رگه‌هێن هۆلێن شه‌هیان  ڤه‌كه‌ن وبه‌رهه‌ڤیا خو دیاركر  كو دێ‌ ب هه‌موو ره‌نگا هه‌ڤكاربن  دگه‌ل ژۆرا ئوپه‌راسیونا ودێ‌ پێگریێ‌  ب هه‌موو  رێنمایا كه‌ن یێن بو وان دهێنه‌ ده‌ست نیشانكرن.

ژلایێ‌ خوڤه‌ پارێزگارێ‌ دهۆكێ‌ ته‌كه‌زكر كو دڤێت ئه‌م هه‌موو پێگریێ‌ ب رێنمایێن ته‌ندورستی بكه‌ین و ل رۆژێن بهێت ژۆرا ئوپه‌راسیونا ل پارێزگه‌ها دهۆكێ‌ دێ‌ كۆمبوونه‌كێ‌ دگه‌ل نونه‌رێن هۆلا سازكه‌ت وبابه‌تێ‌ ڤه‌كرنا هۆلا گه‌نگه‌شه‌كه‌ت وهه‌كه‌ دیت ڤه‌كرنا وان دبه‌رژه‌وه‌ندایا گشتی دا یه‌  دێ‌ رێنمایێن تایبه‌ت ده‌ركه‌ن وهۆلێن شه‌هیانا ویاریێن وه‌رزشی ل دووڤ وان رێنمایا هێنه‌ ڤه‌كرن.

هه‌ژی گوتنێ‌ یه‌ ئه‌ڤرۆ به‌ری نیڤرو ژماره‌كا خودانێن هۆلێن شه‌هیان ویاریێن وه‌رزشی خرڤه‌بوونه‌كا ئاشتیانه‌  ل به‌ر ده‌رگه‌هێ‌ پارێزگه‌هێ‌ ئه‌نجامدابوو وداخاز كربو كو پارێزگه‌ها دهۆكێ‌  رازیبوونا خو دیاركه‌ت وهۆلێن شه‌هیانا و یاریێن وه‌رزشی بهێنه‌ڤه‌كرن.

website security
WP Facebook Auto Publish Powered By : XYZScripts.com