NO IORG
هه‌لبژارتى4

ئه‌ڤرۆ نیوز،بارزان مزوورى:
كامیران به‌رزنجى،به‌رپرسێ چاڤدێرى و بازرگانى ل قه‌زا به‌رده‌ره‌ش بۆ ئه‌ڤرۆ نیوز گۆت:د سالا بورى دا ل سنورێ قه‌زا به‌رده‌ره‌ش بكۆژمێ 10 ملیۆن 86500 هزارا جهێن جودا جودا هاتینه‌ سزادان دگه‌ل داخستنا 139 جهێن ناڤ بازارى دا،

ناڤهاتى خویاكر 15 ته‌ن دو سه‌د كیلۆ یێن هه‌موو جورێن خارنێ یێن ماوێ وان ب سه‌رڤه‌چوى هاتینه‌ ناڤبرن ، سه‌ره‌دانا 4540 جهێن گشتى كرینه‌ یێن دناڤ بازارى دا هوشدارى دایه‌ 1725 جهان ژبه‌ر نه‌پێگریا رێنمایێن لژنا ئابوورى یا قه‌زایێ،437 به‌لێن بۆ وان جهێن گشتى هاتینه‌ دان.

ھەکار ھروری پەیڤدارێ لژنەیا خودانێن موالیدەیێن ئەھلی ل دھوکێ راگەھاند ژ بەر کارکرنێ د ویستگەھێن کارەبا گشتی دا ل ھژمارەکا تاخێن دھۆکێ ئەڤرۆ کارەبا گشتی دێ ھێتە برین و ل شوونا وێ کارەبا موالیدەیان دێ بۆ وەلاتیان ھێتە بەردان.

پەیڤدارێ لژنەیا خودانێن موالیدەیێن ئەھلی ل دھۆکێ دیارکر ژی ژ بوی وێ چەندێ بارگرانی دروست نەبیت د ئەڤ شەڤە دا و کارەبا موالیدەیان ب دروستاھی بھێتە بەردان ئێڤاریا ئەڤرۆ بوۆ ماوێ ئێک دەمژمێر دێ موالیدە ھێنە ڤەمراندن.
سەبارەت ب وان تاخێن دێ کارەبا گشتی لێ ھێتە برین ھەکار ھروری گوت کو ئەو ھاتینە ئاگەھدارکرن کو ھەر ژ دەڤ نەخوشخانەیا تەنگاڤیان تا پیشەسازیا دھوکێ ھەروەسان ژ تاخێ شندوخا تا نزارکێ کار تێدا دھێتەکرن.

ھەکار ھروری پەیڤدارێ لژنەیا خودانێن موالیدەیێن ئەھلی ل دھۆکێ راگەھاند ژ بەر کارکرنێ د ویستگەھێن کارەبا گشتی دا ل ھژمارەکا تاخێن دھۆکێ ئەڤرۆ کارەبا گشتی دێ ھێتە برین و ل شوونا وێ کارەبا موالیدەیان دێ بو وەلاتیان ھێتە بەردان.
پەیڤدارێ لژنەیا خودانێن موالیدەیێن ئەھلی ل دھۆکێ دیارکر ژی ژ بوی وێ چەندێ بارگرانی دروست نەبیت د ئەڤ شەڤە دا و کارەبا موالیدەیان ب دروستاھی بھێتە بەردان ئێڤاریا ئەڤرۆ بۆ ماوێ ئێک دەمژمێر دێ موالیدە ھێنە ڤەمراندن.
سەبارەت ب وان تاخێن دێ کارەبا گشتی لێ ھێتە برین ھەکار ھروری گوت کو ئەو ھاتینە ئاگەھدارکرن کو ھەر ژ دەڤ نەخوشخانەیا تەنگاڤیان تا پیشەسازیا دھۆکێ ھەروەسان ژ تاخێ شندوخا تا نزارکێ کار تێدا دھێتەکرن.

لژنا بلندا ئێمناهیێ ل پارێزگه‌ها سلێمانیێ راگه‌هاند، سه‌ره‌راى راگه‌هاندنا راگرتنا خوه‌نیشادانێن بێ مۆله‌ت، جهێ دلگرانیێ یه‌ هنده‌ك كه‌س و لایه‌ن ل سه‌ر گوهۆرینا سه‌متا داخوازیێن ره‌وایێن خه‌لكى به‌رده‌وامن و بۆ مه‌رم و ئه‌جندایێن خوه‌یێن كه‌سوكى بكاردئینن.

لژنا بلندا ئێمناهیێ ل پارێزگه‌ها سلێمانیێ د به‌یانه‌كێ دا راگه‌هاند، سه‌ره‌راى راگرتنا خوه‌نیشادانێن بێ مۆله‌ت كو ل رۆژا نه‌هى ڤێ مه‌هێ هاتیه‌ راگه‌هاندن، هنده‌ك كه‌س و لایه‌ن بۆ مه‌رم و ئه‌جندایێن جودا و خه‌ون دیتن ب قاره‌مانیێ ڤه‌ و به‌ریكانا سه‌ركێشییا پێلا نه‌رازیبوونان ل سه‌ر حسابا ژیانا خه‌لكى، سه‌متا خوه‌نیشادانێن مامۆستا و فه‌رمانبه‌ران دگوهۆرن بۆ تێكدانا ره‌وشا ئارامیێ ل پارێزگه‌ها سلێمانیێ و هه‌له‌بجه‌ و هنده‌ك باژار و باژاركێن دى یێن سه‌ر ب ئیدارێن سه‌ربخوه‌ ڤه.

لژنا ئێمناهیێ ل پارێزگه‌ها سلێمانیێ هه‌ژماره‌كا بریاران ده‌ركر و راگه‌هاند، تێكدانا ره‌وشا ئاساییشێ ب گشتى و بتایبه‌ت ل باژارێ سلێمانیێ هێلا سۆره‌ و خوه‌نیشادانێن بێ مۆله‌ت ژى باجه‌كا گران و سزایه‌كێ توندێ قانوونى هه‌یه‌.

ئاشكرا ژى كر، هێزێن ئاساییشێ پلان و رێكار و رێنمایێن نوو هه‌نه‌ كو ب زووترین ده‌م ئارامیێ ڤه‌گه‌رینن پارێزگه‌ها سلێمانیێ، هه‌وا ده‌سته‌سه‌ركرنێ ژى بۆ كه‌سێن قانوونێ بنپێدكه‌ن و زیانێ دگه‌هینن مولكێ گشتى دێ به‌رده‌وام بیت.

لژنا ئێمناهییا سلێمانیێ گۆت ژى: پێدڤییه‌ كه‌نالێن راگه‌هاندنێ ژى ل ده‌مێ رۆمالا خوه‌نیشادانان پێگیریێ ب قانوونێ بكه‌ن و خوه‌ ژ ئالۆزكرن و تێكدانا ره‌وشێ بپارێزن، به‌رۆڤاژى وێ یه‌كێ ژى دێ تووشى سزایێن قانوونیێن توند بن.

ئەڤرۆ نیوز:
وەزیرێ دەرڤەیێ ئیراقێ ڕاگەھاند، ئیراق بزاڤان دکەت وەک دەولەت کاری ل گەل ئیرانێ بکەت و مایتێکرنا د کاروبارێن ناڤخۆیا عیراقێ دا د بەرژەوەندیا ئیرانێ دا نینە.
فۆئاد حسێن وەزیرێ دەرڤەیێ ئیراقێ بۆ رۆژناما بیلادی یا بەحرینی ڕاگەھاند، عیراق و ئیران دو وەلاتێن ھەڤسووینە ددەمێ ھەبوونا ھەر دوبەرەکیەکێ دا ب ئاشکرایێ دانوستاندنَی دێ ل گەل ئیرانێ کەین، ب تایبەتی پشکەک ژوان پەیوەندی ب دەستێوەردانان ڤە ھەیە.
فوئاد حسێن ھەروەسا گۆت: د پرسێن ھەڤپشکدا ل گەل ئیرانێ دێ پێکڤە کار کەین، بۆ نموونە ئیران ل بەرھنگاربوونا ھێشا چەکدارێن داعشێ بۆ سەر عیراقێ ھاریکاریا مە کریە.
وەزیرێ دەرڤەیێ ئیراقێ ئەو چەندە ژی بەرچاڤکر، لاوازیا پڕانیا پێگەھێن دەولەتێ سەدەما بەلاڤ بوونا گەندەلیێ و پەیدا بوونا مافیایان بوویە، پلان و بزاڤێن کەتورای و سیاسی و رێکخستنێ ژی ھەنە، بۆ ئامادەکرنا بنەمایێن بەرھنگار بوونا وێ گەندەلیێ، ھەڤدەم سەرێ ١٠٠ سالایە عیراق د شەری دا دژیت، چ شەڕێ ناڤخۆیی یا یێن دەرەکی ل گەل ئیران و کویتێ زێدەباری شەڕێ تائیفەگەری ل پشتی سالا ٢٠٠٣.
وەزیری دەرڤەیێ عیراقێ ھەروەسا دیارکر، ھەتا نوکە ئیراق یا قەرێن شەڕێ ل گەل ئیرانێ ددەت، کو ب دوەمین شەڕێ درێژ پشتی شەڕێ جیھانی یێ دووێ دھێتە نیاسین کو بۆ ٨ سالان ڤەکێشایە.

ئه‌ڤرۆ نیوز:

سه‌رۆكوه‌زیرێن ئیراقێ راگه‌هاند؛ د بودجه‌یا سالا 2021 دا خالا سه‌ره‌كی ڤه‌كرنا ده‌لیڤه‌یێن كاری یه‌ بۆ ده‌رچوویان.

موسته‌فا كازمی، سه‌رۆكوه‌زیرێن ئیراقێ ئه‌ڤرۆ د داخویانییه‌كێ دا راگه‌هاند؛ جڤاتا وه‌زیران ئه‌ڤرۆ یان سوبه‌ دێ گۆتوبێژان ل دۆر بودجه‌یا سالا 2021 كه‌ن و خالا سه‌ره‌كی ڤه‌كرنا ده‌لیڤه‌یێن كاری بیت بۆ ده‌رچوویان.

لژنه‌یا دارایی ل جڤاتا نوونه‌ران راگه‌هاندییه‌، بڕیاره‌ بودجه‌یا 2021 ل داویا ڤێ حه‌فتیێ بگه‌هیت په‌رله‌مانێ و ئه‌گه‌رێن گیرۆبوونا وێ ژی، گوهۆرینا د بهایێ په‌ترۆلێ دایه‌ ل سه‌ر ئاستێ جیهانی كو یه‌ك به‌رمیل گه‌هشتییه‌ چل و نه‌هـ دۆلاران.

 

ئه‌ڤرۆ نیوز:

وه‌زاره‌تا به‌رگرییا ئه‌مریكا پێنتاگۆنێ ب فه‌رمانا سه‌رۆكێ وه‌لاتێ خوه‌ پتریا هێزێن وه‌لاتێ خۆه ژ سۆمالێ ڤه‌كێشان. ‌

وه‌زاره‌تا به‌رگرییا ئه‌مریكا پنتاگۆنێ ئاشكه‌راكر، دۆنالد ترامپ، سه‌رۆكێ نها یێ ئه‌مریكا فه‌رمان دایه‌ تا ناڤه‌راستا هه‌یڤا بهێت پتریا هێزێن ئه‌مریكا ژ سۆمالێ بهێنه‌ ڤه‌كیشان، به‌رى دۆنالد ترامپ كوچكا سپى بجهـ بهێلیت ئه‌و پرۆسه‌ دێ ب دوماهى هێت.

پێنتاگۆن د به‌لاڤكرنه‌كێ دا ئاشكه‌راكر، دێ پێداچوونه‌كێب هێزێن خۆه‌ ل رۆژهه‌لاتێ ئه‌فریقیا ژى كه‌ن، ئه‌و هێزێن ژ سۆمالێ دهێنه‌ ڤه‌كێشان ژى، دێ ببۆ وه‌لاتێن ده‌ردۆرا سۆمالێ ڤه‌ هێنه‌ ڤه‌گوهاستن، بۆ به‌رده‌وامییا فشارێ ل سه‌ر رێكخستنێن تیرۆرستى.

پێشتر روژناما وۆل ستریت جۆرنال ئاشكه‌راكربوو، هێزێن سه‌ربازى یێن ئه‌مریكا ل سۆمالێ دێ بو بنگه‌هێن سه‌ربازى یێن جیبۆتى و كینییا هێنه‌ ڤه‌گوهاستن.

ئه‌مریكا نێزیكى 700 سه‌ربازان ژ هێزێن تایبه‌ت بۆ مه‌شق و راهێنانا سوپایێ سۆمالێل وى وه‌لاتى جێگیركرینه‌.‌

ئاژانسا رۆیته‌رز ژ زارێ به‌رپرسه‌كێ پێنتاگۆنێئاشكرا كرییه‌، ئه‌و هێزێن ئه‌مریكى یێن ل سۆمال دمینن، دێ ل مه‌قه‌دیشۆ یا پایته‌ختێ وى وه‌لاتى هێنه‌ بنه‌جهكرن.

ئه‌ڤرۆ نیوز:

سه‌روكوه‌زیرێن حكومه‌تا هه‌رێما كوردستانێ راگەهاند؛ سباهى دێ ده‌ست ب دابه‌شكرنا مووچێ فه‌رمانبه‌را هێته‌كرن.

مەسرور بارزانی، سەرۆکوەزیرێن هەرێما کوردستانێ  د كۆمبوونا ئه‌ڤرۆ یا جڤاتا وه‌زیران دا راگەهاند:سوبه‌ دێ ده‌ست ب دابه‌شكرنا مووچه‌یێ فه‌رمانبه‌رێن هه‌رێمێ كه‌ن و به‌رده‌وام د گه‌ل موسته‌فا كازمی، سه‌رۆكوه‌زیرێن  ئیراقێ د گۆتوبێژان دابوو و سۆزدایه‌ پرسا مووچه‌ی چاره‌ بكه‌ت.

مەسرور بارزانی دیار ژی كریه‌، ئه‌گه‌ر به‌غدا 320 ملیار دینار بۆ هه‌رێمێ نه‌هنارتن، حکومەتا هەرێمێدێ مووچه‌یێ فه‌رمانبه‌ران ب  قه‌ر دابین كه‌ت و گه‌ر پارێ بەغدا گه‌هشت دێ ل شوینا قه‌ران هێته‌دان و ژبه‌ر وێ یه‌كێ ژی سباهى سپێدێ دێ ده‌ست ب دابه‌شكرنا مووچا هێته‌كرن.
حكومەتا هەرێما كوردستانێ بۆ دابەشكرنا مووچەىپێتڤى ب 895 ملیار دینارایه‌، بەلێ ب بڕینا 18% پارێ پێتڤى بۆ ‏مووچە دبیته‌ نێزیكى 745 ملیار دینارا.‏

 

ئه‌ڤرۆ نیوز:

كۆمپانییا فایزه‌ر یا ئه‌مریكى و بایۆنتیك یا ئه‌لمانى راگه‌هاند، ئه‌وان داخوازا مۆله‌تا به‌رهه‌مئینان و به‌لاڤكرنا ڤاكسینێ دژى كۆرۆنایێ پێشكێشى ئێكه‌تییا ئه‌ورۆپا كرییه‌.

هه‌ردو كمپانییان ئاشكرا كر، دوهى ئه‌وان داخوازا مۆله‌تێ ژ ئێكه‌تییا ئه‌ورۆپا كرییه‌ و هیڤینه‌ بشێن د ڤێ مه‌هێ دا ده‌ست ب به‌لاڤكرنا وى ڤاكسینى بكه‌ن ل وه‌لاتێن ئه‌ورۆپا.

پشتى سه‌ركه‌فتنا ڤاكسینێ وان هه‌ردو كۆمپانییان داخواز ژ ده‌سته‌یا خوارن و ده‌رمانان یا ئه‌مریكى كربوو مۆله‌تا به‌رهه‌مئینان و به‌لاڤكرنێ بده‌نێ، دوهى ژى ئه‌و داخواز پێشكێشى ئێكه‌تییا ئه‌ورۆپا كرییه‌، هه‌رده‌مێ مۆله‌تا فه‌رمى ژى وه‌رگرت دێ ده‌ست ب به‌لاڤكرنێ كه‌ن.

ژ ئالییێ خوه‌ڤه‌ ئۆرسۆلا فۆن دێر لاین، سه‌رۆكا كۆمسیۆنا ئه‌ورۆپا رۆژا پێنجشه‌مبییا بۆرى راگه‌هاند بوو، ئێكه‌تییا ئه‌ورۆپا به‌رى داوى هاتنا ئه‌ڤساله‌ دێ مۆله‌تێ ده‌ته‌ ڤاكسینێ فایزه‌ر و بایۆنتیك.

 

ئەڤرۆ نیوز:

وەزارەتا دارایى و ئابوورى یا حکومەتا هەرێما کوردستانێ دێ مولکەکێ حکومەتێ ل سەر جادا ٦٠ مه‌ترى یا هه‌ولێرێ بۆ مووچه‌یان فرۆشیت.

ئه‌ڤرۆ ئێكشه‌مبى، ژێده‌ره‌كێ ژ وەزارەتا دارایى و ئابوورى یا حکومەتا هەرێما کوردستانێ راگەهاند: بریارە ل رۆژا ئێكشه‌مبىیا بهێت جهێ یانا (ئاوێزه‌یا خێزانى) کو جهەکێ حکومىیە و د کەڤیتە سەر جادا ٦٠ مه‌ترى یا هه‌ولێرێ و رووبەرێ وێ ٧ هزار و ٨٠٠ مه‌ترێن دوجانه‌، د سەر ئێک زێدەکرنەکێ دا بهێتە فرۆشتن.

لدووڤ وى ژێدەرى ژى ئەڤ بزاڤا حکومەتێ بۆ دابینکرنا پشكه‌كا مووچەیێ فەرمانبەرێن هەرێما کوردستانی یە.

ئه‌ڤرۆ نیوز:

ئێكه‌تییا نشتیمانییا كوردستانێ و ته‌ڤگه‌را گۆرانێ ئه‌ڤرۆ سات یازده‌یێ سپێدێ ل ده‌باشان دێ كۆمبن و پرسا لامه‌ركه‌زییا سلێمانیێ بابه‌تێ سه‌ره‌كی یێ كۆمبوونێ یه‌.

ل گۆر زانیاریێن دهۆك نیوز، ئێكه‌تییا نشتیمانییا كوردستانێ و ته‌ڤگه‌را گۆرانێ ئه‌ڤرۆ سات یازده‌یێ سپێدێ دێ ل ده‌باشان كۆمبن، كۆمبوون ب شێوه‌یه‌كێ گرتی و دوور ژ راگه‌هاندنێ هێت كرن، لێ ل گۆره‌ى زانیارییان بابه‌تێ سه‌ره‌كی یێ كۆمبوونێ پرسا لامه‌ركه‌زییه‌تا سلێمانیێ و پاشخستنا مووچه‌ی و نه‌رازیبوونا خه‌لكی یه‌.

لاهۆر شێخ جه‌نگی و باڤل تاله‌بانی، هه‌ڤسه‌رۆك و ئه‌ندامێن مه‌كته‌با سیاسی یا ئێكه‌تیێ و ژ ئالیێ گۆرانێ ژی ڤه‌ عومه‌رێ سه‌ید عه‌لی و هه‌ژماره‌كا ئه‌ندامێن گۆرانێ د پشكدارن و كۆمبوون ل سه‌ر داخوازیا پاڤل تاله‌بانییه‌ كو به‌رییا سێ رۆژان داخواز ژ عومه‌ سه‌ید عه‌لی كربوو.

هه‌روه‌ها بریاره‌ ب ده‌ستپێشخه‌ریا ئێكه‌تیێ، كۆمبوونا سێ قۆلی د ناڤبه‌را پارتی، ئێكه‌تی و گۆرانێ ل سه‌رۆكاتییا هه‌رێما كوردستانێ د چه‌ند رۆژێن بهێت دا بهێـت كرن.

 

website security
WP Facebook Auto Publish Powered By : XYZScripts.com