NO IORG
Email

17

 
ئەڤر نیوز:

 

وەزارەتا ساخلەمیا هەرێما کوردستانێ راگەهاند: دو تووشبوویێن نوو یێن کۆرۆنا یێ ل دەڤەرن گەرمیان هاتنە دەست نیشانکرن.

 

هەروەسا گۆتیە: د بەردەوامیا پشکنین و لێگەریانێ لدووڤ گومانلێکریان و تووشبوویان، دو تووشبوویێن دی یێن ڤایرۆسێ کۆڕۆنا یێ ل دەڤەرا گەرمیان هاتنە دەست نیشانکرن، کو زەلامەکێ ٤٧ سالی و زارۆیەکێ ٩ سالیە، ھەردو ژی بەرکەفتیێن تووشبوویێن بەرێنە.

 

 
ئەڤرۆ نیوز:

 

 

 

43 تووشبوویێن دی یێن کۆرۆنا ل سلێمانیێ هاتنە تۆمار کرن، وەزارەتا ساخلەمیا هەرێما کوردستانێ دبێژیت: ب تنێ چار تووشبوویی بەرکەفتیێن تووشبوویێن بەرێنە.
هەروەسا دیار کریە: کەسێن تووشبوویی 28 زەلام و 13 ژن و کچەک و کورەکێ گەنجن، ژ بلی چار کەسان کو بەرکەفتیێن تووشبوویێن بەرێنە، هەموو یێن دیتر نیشانێن وێ نەخۆشیێ هەنە.

20

 
ئه‌ڤرۆ نیوز:

 

 

یانا میلان یا ئیتالى دخوازیت هه‌ڤبه‌ستێ ل گه‌ل یاریزانێ هه‌لبژارتیێ ئیرانى و یانا زینیت یا روسى سه‌ردار ئه‌زمون ئیمزا بكه‌ت بۆ ڤه‌گوهاستنێن بهێت.

 

 

رۆژناما كاتشیو مێركاتو یا ئیتالى به‌لاڤه‌كریه‌، کو  به‌رپرسێن یانا میلان گرنگى ب ڤه‌گوهاستنا سه‌ردار ئه‌زمون دایه‌ بۆ وه‌رزێ نوو لێ به‌رپرسێن یانا یانا زینیت راگه‌هاندى یه‌ ئه‌و ب مه‌رجه‌كى دێ ده‌ستا ژ ستێرا خوه‌ یا ئیرانى به‌رده‌ت ئه‌وژى به‌رامبه‌ر كوژمێ 25 ملیون یورۆیان.

 
هه‌ژى گوتنێ یه‌ سه‌ردار ئه‌زمون یێ 25 سالى ئێك ژ به‌رنیاسترین هێرشبه‌رانه‌ نوكه‌ ل سه‌ر ئاستێ ئیرانى كو ل سالا 2013 ژ تیما لاوێن سه‌به‌هان یا ئیرانى په‌یوه‌ندى ب یانا روبن كازان یا روسى كربوو كو ده‌ستپێكێ یاریێ بوو تیما دوێ یا وێ یانێ كر و پاش سالا دویڤدا هاته‌ سه‌رئێخستن بوو تیما ئێكێ و هه‌تا نوكه‌ یارى ل سێ به‌رنیاسترین یانێن روسى كریه‌ ئه‌وژى روبن كازان و روستوڤ و نوكه‌ ژى یارى ل زینیت یا روسى كه‌ت و هه‌تا نوكه‌ 162 یارى دخۆلا روسیا دا كرینه‌ و شیایه‌ 52 گول توماركرینه‌ كو ل وه‌رزێ ئه‌ڤ ساله‌ ل گه‌ل زینت د هه‌مى قاره‌مانیان وێ یانێ پشكدارى كرى 29 یارى ئه‌نجامداینه‌ شیایه‌ 14 گولان توماربكه‌ت كو 10 ل خۆلا روسیا و 2 قاره‌مانیا چامپیونیز لیگ و 2 د كاسا روسیا دا و وى یاریزانێ ناڤبرى 46 یارى ل گه‌ل هه‌لبژارتیێ ئیرانى كرینه‌ و 31 گول تۆمار كرینه‌.

 
ئەڤرۆ نیوز:

 

وەزارەتا ساخلەمیا هەرێما کوردستانێ تووشبوونا 29 کەسێن دی ب ڤایرۆسێ کۆرۆنا یێ ل هەولێرێ راگەهاند، کو 27 کەس ژ وان بەرکەفتیێن تووشبوویێن بەرێنە.

 

 

هەروەسا گۆتیە: د بەردەوامیا پشکنین و لێگەریانێ لدووڤ گومانلێکریان و تووشبوویان، بیست و نەهـ تووشبوویێن دی یێن ڤایرۆسی کۆڕۆنا یێ ل ھەولێرێ هاتنە دەستنیشانکرن، پێنج زەلام و نەهـ ژن و سێ کچێن گەنج، دازدە زارۆک، دو یان نیشانێن وێ نەخۆشیێ ھەنە و ئەوێن دیتر ھەموو بەرکەفتێن تووشبوویێن بەرێنە، ھەموو ئاکنجیێن ناڤا باژێرێ هەولێرێ نە.

 

 

ئەڤرۆ نیوز، زنار تۆڤی:
موقەدەمێ مافپەروەر ئازاد تاها بەرپرسێ هوبا پەیوەندی و راگەهاندنێ ل رێڤەبەریا هاتنوچوونێ ل پارێزگەها دهۆکێ، بۆ ئەڤرۆ نیوز دیار کر: د روودانەکا هاتنوچوونێ دا کەسەک بریندار بوو.

 

 

ناڤهاتی زێدەتر ئاشکرا کر: ئەڤرۆ ئەینیێ ٥/٦/٢٠٢٠ ل دەمژمێر (١١:٤٠) سپێدێ ل سەر جۆتسایدێ هاتنوچۆونێ یێ قەزا بەردەرەش روودانەک ژ جۆرێ لێگدان روودایە دناڤبەرا ترۆمبێلەکێ ژ جۆرێ BMW تایبەت و پایسکلەکێ، د وێ روودانێ دا ئەو کەسێ پایسکل دهاژۆت ب گرانی بریندار بوویە و هاتیە رەوانەکرن بۆ نەخۆشخانا بەردەرەش بۆ چارەسەریێ.

79

 
ئەڤرۆ نیوز:

 

 

وەزارەتا ساخلەمیا عیراقێ راگەهاند: ل سەرانسەری وەلاتی هزار و شەش کەس تووشی ڤایرۆسێ کۆرۆنا یێ بوون،ئەڤە ئێکەمجارە ئەڤ ژمارە د رۆژەکێدا دهێتە تۆمار کرن، هەروەسا 14 تووشبوویان ژی گیانێ خوە ژ دەستداینە.

هەروەسا گۆتیە: نەهـ هزار و 642 پشکنین بۆ دەستنیشانکرنا وی ڤایرۆسی هاتینە کرن، هەتا نوکە 281 هزار و 901 پشکنین هاتینە کرن، رێژا هەرە مەزن یا تووشبوویان ل بەغدایە و ئەڤرۆ 528 کەس تووشبووینە.

 
ئەڤرۆ نیوز:

 

 

وەزارەتا ساخلەمیێ 77 تووشبوویێن دی یێن کۆرۆنا یێ ل پارێزگەها سلێمانیێ راگەهاندن، سەرجەمێ گشتی یێ تووشبوویێن کۆرۆنا یێ ل هەرێما کوردستانێ گەهشتە هزار و 15 تووشبوویان.

هەروەسا گۆتیە: د بەردەوامیا پشکنین و لێگەریانێ لدووڤ گومانلێکریان و تووشبوویان، 77 تووشبوویێن دی یێن ڤایرۆسێ کۆرۆنا یێ ل پارێزگەها سلێمانیێ هاتنە دەست نیشانکرن، کو 40 زەلام و 25 ژن و 3 کچێن گەنج و 3 کورێن گەنج و 6 زارۆکن.
وەزارەتا ساخلەمیێ دیار کریە ژی: کو 21 تووشبوویی بەرکەفتیێن تووشبوویێن بەرێنە و 56 تووشبوویێن دیتر نیشانێن وێ نەحۆشیێ هەنە.

 
ئەڤرۆ نیوز:

 
وەزارەتا ساخلەمیا هەرێما کوردستانێ تووشبوونا سێ کەسێن دی ب کۆرۆنا یێ ل سنوورێ پارێزگەها هەلەبجە راگەهاند، کو ئاکنجیێن خورمالن.

 
هەروەسا گۆتیە: د بەردەوامیا پشکنین و لێگەریانێ لدووڤ گومانلێکریان و تووشبوویان، سێ تووشبوویێن دی یێن دیکەی ڤایرۆسێ کۆرۆنا یێ ل هەلەبجە هاتنە دەست نیشانکرن، کو زەلامەکێ 49 سالی و ژنەکا 46 سالی و زارۆیەکێ 7 سالیە.

 

 

 

ئەڤرۆ نیوز:
د. فەرهاد محەمەد مستەفا، رێڤەبەرێ ساخلەمیا چەمچەمال راگه‌هاند: ل سنورێ قەزا چەمچەمال، (5) کەس ب ڤایرۆسێ کۆرۆنا یێ هاتنە تۆمار کرن.
گوتیە ژی: کەسێن تووشبوویی (2) زەلام و (3) ژن و چار ژ تووشبوویان ئاکنجیێن ناحیا تەکیەی کاکەمەندن و بەرکەفتیێن وی تووشبوویێ وەغەرکری یێ بەرێنە، تووشبوویێ دیتر ژی خۆجهێ ناحیا شۆرشە و نیشانێن وی ڤایرۆسی لێ هەنە.

 

 
ئەڤرۆ نیوز:

 

 

وەزارەتا ساخلەمیا هەرێما کوردستانێ راگەهاند: حەفت کەسێن دی ل گەرمیان تووشی ڤایرۆسێ کۆرۆنا یێ بوون، کو سێ زەلام و سێ ژن و کچەکا 18 سالیە.
هەروەسا دیار کریە: د بەردەوامیا پشکنین و لێگەریانێ لدووڤ گومانلێکریان و تووشبوویان، حەفت تووشبوویێن دی یێن ڤایرۆسێ کۆرۆنا یێ ل دەڤەرا گەرمیان هاتنە دەست نیشانکرن، ژ وان ژی سێ ژن د تەمەنێ 44، 38 و 20 سالیێ دانە، هەروەسا سێ زەلام، د تەمەنێ 35، 30 و 30 سالیێ دانە، ل گەل کچەکا گەنج د تەمەنێ 18 سالیێ دایە، ھەموو بەرکەفتیێن تووشبوویێن بەرێنە.

 

 

website security
WP Facebook Auto Publish Powered By : XYZScripts.com