NO IORG
Email

15

 

ئەڤرۆ نیوز:

 

رۆژناما سپورت یا كه‌ته‌لۆنی به‌لاڤكریه: کو‌ كیكی سیتینی راهێنه‌رێ به‌رشه‌لۆنا دڤێتن شێوێ یاریكرنا تیمێ ب گوهۆریت بۆ یاریا به‌رامبه‌ر بایرن میۆنخ د قوناغا چارێك دوماهیێ، ل قاره‌مانیا چامپیۆنز لیگێ دا، كو دێ ئه‌و یاریە ل ئه‌ینیێ برێڤه‌ چیتن.

وێ رۆژنامێ دیار کریە: کو یانا بایرنێ باشترین شیانێن جه‌سته‌یی هه‌نه،‌ ژ به‌ر ڤێ چه‌ندێ سیتین هزر د ‌وێ چه‌ندێ دا دكه‌تن، کو پلانا یانێ بو 4-4-2 ب گوهۆریتن.

دیسان گۆتیە: راهێنه‌رێ یانه‌یا كه‌ته‌لۆنی دڤێتن ب وێ پلانێ، ته‌پێ پتر ل دەف خوە بهێلن بۆ ده‌مه‌كێ درێژ و تۆرا گولا خوە ژ گولكرنێ ب پارێزن، ل گه‌ل مفا وه‌رگرتنێ ژ هێزا مێسی د هێلا هێرشبه‌ریێ دا،
سیتین وه‌سا دبینیتن نابیت ب سێ هێرشبه‌ران یاریێ به‌رامبه‌ر بایرن بکەت، دڤێتن هێلا ناڤه‌راست بهێز بكه‌تن و دهێلا هێرشبه‌ریێ دا یاریێ ب مێسی و سوارێزی بكه‌ت و گریزمان دێ ل سه‌ر كورسیكا یه‌ده‌ک روونیت.

 

ئەڤرۆ نیوز:
ئەڤرۆ ل هاڤینگەها دوكان ل سلێمانیێ، هەردو مەكتەبێن سیاسی یێن پارتی دیموكراتی كوردستان و ئێكەتی نیشتمانی كورستان‌ كۆمبوون و پشتی كۆمبوونێ‌ ژی هەردو ئالیان راگەهاندنەكا هەڤپشك بەلاڤ كر.
دەقێ‌ راگەهاندنا هەڤپشك یا پارتی و ئێکەتیێ:

ل رۆژا سێشەمبیێ‌ رێكەڤتی 11 / 8 / 2020 شاندێن دانوستاندكارێن پارتی و ئێکەتیێ ل هاڤینگەها دوكان كۆمبوون و چەند مژارێن گرێدایی پەیوەندیێن دناڤبەرا هەردو ئالیان دا گەنگەشە كرن و بریارێن پێدڤی هاتنە وەرگرتن.
1. هەردو ئالی ئێك دەنگبوون ل سەر بجهئینانا ناڤەرۆكا رێككەفتنا سیاسی یا دناڤبەرا پارتی و ئێکەتیێ دا یاكو ل 4 ئادارا 2019 هاتیە ئیمزا كرن ژ هەموو لایەكێ‌ ڤە ب گشتی و ب تایبەتی بابەتێ‌ پەرلەمانی و حكومەتێ‌، ب ئاوایەكی وەسا كو هاریكار بیت بۆ حوکمەت و ئۆرگانێن وێ‌ ب مەرەما سەركەفتنێ‌ ب سەر وێ‌ رەوشا ساخلەمی دا یاكو پەژیكا كۆرۆنا دروست كریە و هەروەسا رەوشا ئابووری و باشتركرنا ژیان و ژیارا وەلاتیان.
2. هەردو ئالی ئێك دەنگبوون ل سەر پشتەڤانیكرنا حوکمەتا هەرێما كوردستانێ‌ بۆ حوكومرانیێ‌ ل سەرانسەرێ‌ كوردستانێ‌، بۆ ڤێ‌ مەرەمێ‌ ژی ب پێدڤی دزانین رێككەفتنا ئیداریا دناڤبەرا هەردولا دا بهێتە بجهـ ئینان، هەروەسا ل هەر جهەكی ئاریشەك پەیدا ببیت ب تێگەهشتن و هاریكاریا دناڤبەرا هەردولا دا، ل بەرچاڤگرتنا لایەنێن دی یێن پشكدارێن حوکمەتێ‌ چارەسەری بۆ بهێتە دیتن و هەروەسا شۆركرنا وێ‌ بۆ هەموو دەڤەران دپاشەرۆژێ‌ دا.
3. راگەهاندنێن هەردولا خوە دووربێخن ژ شێوازێ‌ نڤیسین و بەلاڤكرنا ئاخڤتنێن زڤر دهەموو كەنالێن راگەهاندنێ‌ دا.

4. هەردولا ئێك دەنگبوون ل سەر لەزكرنێ‌ ل بجهئینانا برگا ئێكێ‌ ژ خالا شەشێ‌ یا رێككەفتنا سیاسی یا دناڤبەرا هەردو ئالیان دا، بۆ ڤێ‌ مەرەمێ‌ ژی لژنەکا تایبەت و بسپۆر ژ هەردولا بهێتە پێكئینان بۆ هاریكاریكرنا حوکمەتا هەرێما كورستانێ‌ و زێدەتر خزمەتكرنا وەلاتێن هەرێمێ‌.

5. دەربارەی قانوونا هەلبژارتنان و هەلبژارتنێن بەروەخت یێن جڤاتا نوونەرێن عیراقێ‌، وەكو ئێکهەلویست هەردولا ئێك دەنگبوون كو دەزگەهێن هەلبژارتنێن پارتی و ئێكەتی ب هەڤپشكی و ب دانوستاندن ل گەل تیمێن هەردولا د حوکمەت و جڤاتا نوونەرێن عیراقێ‌ دا وی بابەتی دیراسە بكەن و پێشنیارێن گونجای بدەنە هەردو مەكتەبێن سیاسی.

6. بۆ مفا وەرگرتنێ‌ ژ دەمی و بلەز بجهئینانا بریاران، بریار هاتە دان كۆمبوونا بەرفرەها هەردو مەكتەبێن سیاسی ل دەمەكی نێزیك ل سەرۆكاتیا هەرێما كوردستانێ‌ ل هەولێرێ‌ بهێتە ئەنجام دان.
پارتی دیموکراتی کوردستان
ئێكەتی نیشتمانی كوردستان

 

 
ئەڤرۆ نیوز:

 
رێڤەبەریا گشتی یا ساخلەمیا پارێزگەها دهۆکێ راگەهاند: 25 تووشبوویێن دی یێن ڤایرۆسێ کۆرۆنایێ ل دهۆکێ کو د نەخۆشخانێدا بوون، پشتی هەموو پشکنین بۆ هاتینە کرن، دیاربوو کو ب تەمامی چارەسەربووینە و ب سلامەتی ژ نەخۆشخانێ دەرکەفتن و چوونە د ناڤ کەسوکارێن خوە دا.

 
هەروەسا گۆتیە: ب ئه‌ڤێ چەندێ ژمارەیا چارەسەربوویان گەهشتنە 533 کەسان و نوکە 781 نەخۆش ماینە د نەخۆشخانێ دا .

 

ئەڤرۆ نیوز:
وەزارەتا ساخلەمی و ژینگەها عێراقێ راگەھاند: د ٢٤ دەمژمێرێن بوری دا، دو ھزار و ٧٤٣ حالەتێن نوو یێن کۆرۆنایێ و دوگو ھزار و ١٤١ حالەتێن باشبوونێ و ٥٤ حالەتێن وەغەرکرنی ھاتینە تۆمار کرن.

ھەتا نوکە ١٥٦ ھزار و ٩٩٥ کەس ل عیراقێ تووشی ڤایرۆسێ کۆرۆنایێ بووینە، ژ وان ژی پێنج ھزار و ٥٣١ کەسان وەغەرکریە، دیسان ١١٢ ھزار و ١٠٢ کەس ژی چێبووینە.

 

ئەڤرۆ نیوز، زنار تۆڤی:
هونەرمەند ئیسماعیل جومعە پشتی بۆ دەمێ شەش هەیڤان مایە ل دەرڤەی وەلاتی ب مەرەما وەرگرتنا چارەسەریێ، ئەڤرۆ سێشەمبی ڤەگەریا کوردستانێ، ب ناڤێ مالپەرێ ئەڤرۆ نیوز داخوازا سلامەتیێ بۆ دخوازین.

 
ئەڤرۆ نیوز، زنار تۆڤی:

 
ئەڤرۆ سێشەمبی 11.8.2020 ب بەهانەیا هەبوونا گەریلایێن پەکەکێ، هێزێن ئەسمانی یێن سوپایێ تورکیا چیایێ گابنێرکی ل دەڤەرا بەرواری بالا یێ سەر ب قەزا ئامێدیێ ڤە بۆمبەباران کر.

 
ئەڤرۆ ل دەمژمێر 1:00 پشتی نیڤرۆ فرۆکێن تورکی چیایێ گابنێرکی بۆمبە بارانکر، لێ هەتا نوکە زیانێن وێ بۆمبەبارانێ نەهاتینە زانین، لێ دەنگەکێ ب هێز ژ وێ بۆمبەبارانێ هات.

 
ئەڤرۆ نیوز:

 
درەنگ نڤستن و کێم خەوی چەندین زیانان دگەهیننە ساخلەمیا مرۆڤی، ئەڤ چەندە باندۆرەکا دۆمدرێژ ل سەر لەشێ مرۆڤی دروست دکەت.
مالپەرێ ویب تۆب بەحسێ باندۆرێن خراب و نەرێنی یێن درەنگ نڤستنێ د شەڤێ دا کریە:
. باندۆرێ ل سەر ساخلەمیا دلی دکەت و ئەگەرێ توشبوونێ ب نەخۆشیێن دل و جەلتا مەژی زێدەتر لێ دکەت.
. مەترسیا توشبوون ب پەنجەشێرێ زێدەتر لێ دکەت.
. حەزا سێکسی ل دەف زەلامان کێم دکەت.
. ئەگەرێ توشبوون ب قەلەویێ زێدەتر لێ دکەت.
. تەرکیزێ کێم دکەت و شیانێن فێربوونێ لاواز دکەت.
. ئەگەرێ توشبوون ب خەمۆکیێ زێدەتر لێ دکەت.
. باندۆریا نەرێنی ل سەر پیستی دکەت و کۆلاجین و پرۆتینێ پیستی کێم دکەت.

 

ئەڤرۆ نیوز، زنار تۆڤی:

 
موقەدەمێ مافپەروەر ئازاد تاها بەرپرسێ راگەهاندنا رێڤەبەریا گشتی یا هاتنوچوونا پارێزگەها دهۆکێ،
بۆ ئەڤرۆ نیوز دیار کر: د روودانەکا ترافیکێ دا سێ کەس برینداربوون.
ناڤهاتی زێدەتر ئاشکرا کر: ئەڤرۆ دوشەمبی 2020/8/10 ل دەمژمێر (6:00) ئێڤاری ل باژێرێ زاخۆ و ل تاخێ بێدارێ دو ترۆمبێلان لێکدا، کو ترۆمبێلەکا تایبەت نیسان رەنگێ سپی، ل گەل ترۆمبێلەکا تایبەت هوندا جیب رەنگێ سپی بوویە، د ئەنجامدا سێ کەسێن پیادە بریندار بوون و زیانێن مادی ب وان ترۆمبێلان ژی کەفتن.

 

 
ئەڤرۆ نیوز:

وەزارەتا پەروەردەیا حوکمەتا هەرێما کوردستانێ بڕیار دایە نێزیکی 10 نمرێن دیتر بۆ قوتابیێن پۆلا 12 ڤەگەرینیت، هەر چەندە هەموو سالان گرفتێن خەلەتیان د پرسیارێن ویزاری دا دروست دبن.

 
پشتی ب دووماهی هاتنا ئەزموونێن نیشتمانی یێن پۆلا 12ی ئامادەیی، ب ئەگەرێ هندەک خەلەتیان دناڤا پرسیاران دا، وەزارەتا پەروەردا حوکمەتا هەرێما کوردستانێ ژ ئالیێ ژمارەکا قوتابیان و مامۆستایان ڤە روو ب روو رەخنەیێن دژواربوو.

ل رۆژا 6 تەباخێ وەزارەتا پەروەردێ راگەهاند: ل وانێن زیندەزانی و عەرەبی و ئینگلیزی و کوردی و کیمیایێ خەلەتی هەبوون، لەوما وان 32 نمرە بۆ ڤوتابیان ڤەگەراندن.

 

ئەڤرۆ نیوز:

 

 

ئەڤرۆ دووشەمبی سەرۆکێ هەرێما کوردستانێ فەرمانەکا هەرێمی ئیمزاکر بۆ دەستبکاربوونا عەبدولرەحمان سەدیق، وەکو سەرۆکێ دەستەیا پاراستن و گەشەپێدانا ژینگەهێ ل هەرێما کوردستانێ.
دبەیاننامەكێدا سەرۆكاتیا هەرێما كوردستانێ‌ ڕاگەهاند: سەرۆكێ‌ هەرێما كوردستانێ‌ نێچیرڤان بارزانی فەرمانەك ئیمزاكر بۆ دانانا عەبدولرەحمان سەدیق وەكو سەرۆكێ‌ دەستەیا پاراستن و گەشەپێدانا ژینگەهی ل هەرێمێ.
درێورەسمێن دامەزراندنێ دا، نێچیرڤان بارزانی سەرۆکێ هەرێمێ، ئاماژە دا رولێ‌ عەبدولرەحمان سەدیقی و خزمەتا وی د وارێ‌ پاراستن و بەلاڤكرنا رەوشەنبیریا ژینگەهێ دا، ژبەركو ناڤبری هەر ژ سالا 1991 د وی واریدا كار کریە، پشتی سالا 2003 وەزیرێ‌ ژینگەهێ‌ بوو د حوکمەتا عیراقێ دا.

website security
WP Facebook Auto Publish Powered By : XYZScripts.com