NO IORG
Facebook

ره‌جه‌ب ته‌يب ئه‌ردوگان و بينالى يلدرم

ئه‌ڤرۆ نيوز:

سه‌رۆك كۆمار و سه‌رۆك وه‌زيرێن توركيا د په‌يوه‌نديه‌كا ته‌له‌فونى دا سه‌ره‌خوشى ئاراسته‌ى سه‌رۆكێ هه‌رێما كوردستانێ كرن و دلگرانيا خوه‌ ب شه‌هيدبوونا شه‌ش پێشمه‌رگه‌ و برينداربوونا هه‌شت پێشمه‌رگێن دى ده‌ربرى.

ل دووڤ راگه‌هاندنه‌كا سه‌رۆكايه‌تيا هه‌رێما كوردستانێ، د په‌يوه‌نديا ته‌له‌فونى دا كو رۆژا سێ شه‌مبى هاتيه‌ ئه‌نجام دان، ره‌جه‌ب ته‌يب ئه‌ردوگان و بينالى يلدرم  دلگرانيا خوه‌ سه‌باره‌ت شه‌هيدبوونا شه‌ش پێشمه‌رگه‌ و برينداربوونا هه‌شت پێشمه‌رگان گه‌هانديه‌ بارزانى كو ژ ئه‌نجامێ هێرشا فرۆكێن توركيا بۆ چيايێ شنگالێ شه‌هيد و برينداربوون.

د پشكه‌كا دى يا راگه‌هاندنێ دا هاتيه‌: هه‌ردو لايان سه‌ره‌خوشى ل بارزانى و كه‌س و كارێن شه‌هيدێن روودانێ كرينه‌ و هيڤيا چاره‌بوونه‌كا بله‌ز بۆ برينداران خواستيه‌.

هه‌روه‌سا  ره‌جه‌ب ته‌يب ئه‌ردوگان و بينالى يلدرم دياركرينه‌ كو ئه‌و روودانه‌ ب چ ره‌نگه‌كێ ب ئه‌نقه‌ست نه‌بوويه‌ و ژ ئه‌نجامێ شاشيێن فرۆكان بوويه‌.

 

 

15

زاخۆ،ھشیار دوبانکی:
گرنگی دان ب یاریا تەپا پێ ل کوردستانێ ژ لایێ ھەمی یانێن ھەرێمێ یا بەربەلاڤە و ھەمی دەما بزاڤ دھێنەکرن کو کرگنگی ب یاریزانێ کورد بھێتەدانێ لێ بتنێ ئەو یاریزانێ یاریا تەپا پێ بیت و ھەکە بەرێ خوە بدەینە یاریێن دی ل سەر ئاستێ دێ بینن سەدان یاریزانێن خودان شیان ل سەر ئاستێ ھەرێمێ و ھەتا قارەمانێن نێڤدەولی دەستکەفتی ب دەستخوڤە تومارکرینە و چاڤدێر وەرزشی ل زاخۆ ژی وەسا دبین ھەکە ئەو پشتەڤانیا ل تەپا پێ ھاتیەکرن ب رێژەکا کێمتر گەلەک پشتەڤانی ل چەند یاریێن دی ھاتبا کرن نوکە زاخۆ دا گەلەک دەستکەڤتیان ب دەستخوڤە ئینت ل سەر ئاستێ ھەرێمێ و عیراقێ و نێڤدەولی .
ل دەستپێکێ عەبدولرەحمان سوبحی شروڤەکارێ یاریا تەپا پێ ل زاخۆ دبێژیت : یانا زاخۆ ل گەل گوھورینا دەستەکا کارگێری و سەروکێ یانێ ھەتا نوکە بتنێ ئەوان ھزر ل وێ چەندێ کریە یاریزانێ کورد یێ تەپا پێ پێش بێخێت.
ھەردیسان ناڤبری گوت ژی: ھەکە گرنگی ب کورێن زاخۆ یێن تیما باسکت بولێ و خولێکدانێ بھێتەدانێ ئەز باوەرم و پشت راستم دێ زاخۆ مفایەکێ مەزن ژ ئەڤان ھەردو یاریا بینت و ئەنجام ژی دێ سەرکەفتی بن ھەردیسان د ماوەکێ کورت دا یاریزانێن زاخۆ دێ وەکو پیشەکار ل خولێن عەرەبی و زوربەیا یانێن عیراقێ یاریێ کەن.

چاڤدێرەکێ وەرزشی: مە یاریزانێن خودان شیان و ئاست بلند ھەنە

حەکیم حەجی قادر ئێک ژوان کەسێن بەردەوام دیڤچوونا وەرزشا زاخۆ دکەت ژلایێ خوڤە گوت: مە یاریزانێن خودان شیان و ئاست بلند ھەنە لێ پشتەڤانی نینە و وەکو دیار ئەڤ سالە یاریزانێن زاخۆ یێن باسکت بولێ بۆ یانێن بەغدا دخولا پلا نایاب دا کەن و ھەردیسان چار ھەتا پێنج یاریزان نوکە زاخۆ ھەنە ئاستێ ئەوان ژ چ یاریزانێن دی کێمتر نینە ل سەر ئاستێ عیراقێ لێ پێدڤی پشتەڤانیێ نە .
ناڤبری ئاماژە ب وێ چەندێ ژی کر ھەکە پشتەڤانی ھەبیت زاخۆ ل سەر ئاستێ باسکت بولێ دێ شێت ئەنجامێن باش ب دەستخوڤە ئینت ژبەرکو زاخۆ شنگەستەکێ مەزن باش ھەیە بۆ یاریا باسکت بولێ بو نمونە چار یاریزانێن زاخۆ بۆ ھەلبژارتیێ لاوان ھاتبوونە داخوازکرن.

قارەمانەکێ خولێکدانێ: ھەر دەمێ پشتەڤانی ھەبیت ئەو باوەرم ل قارەمانێن جیھانێ ئەنجامان تومارکەن

18142890_1475041869236455_1857306032_n
ئەحمەد عەدنان قارەمانیێ خولێکدانێ ل زاخۆ دبێژیت: ئەنجام و دەستکەفتین تیما خولێکدانا زاخۆ ئاخفن ھەمی کەس ژی باش دزانن بێ پشتەڤانی تیما خولێکدانی ئەوان ئەو دەستکەفتیێن ماوێ بوری ب دەستخوڤە تومارکرینە و ھەکە پشتەڤانی ھەبیت ئەو پشت راستن دێ ل سەر ئاستێ وەلاتێن عەرەبی و جیھانی ژی شێن ئەنجامان تومارکەن.

41

ئەڤرۆ:
راھێنەرێ یانا ئەتلەتیکو بلباو ئەرنیستو فالفیردی دھێتە ھژمارتن ئێک ژ بەربژارێن ب ھێز بۆ وەرگرتنا پوستێ راھێنەریا یانا ئەرسینال یا ئنگلیزی ل جھێ راھێنەرێ فەرەنسی یێ یانێ یێ نوکە ئەرسین ڤینگر .
ل دویڤ گوتنا رۆژناما مارکا یا ئیسپانی یانا ئەرسینال حەزا ئینانا راھێنەرێ ئەتلەتیکو بلباو ھەیە فالفیردی ھەیە ژبەرکو شێوازێ کرنا یاریا وی گەلەک یا نێزیکی یا راھێنەرێ نوکە یێ یانێ یە و ئەوێ رۆژنامێ دیارکریە ژی راھێنەرێ نوکە یێ یانا ئەرسینال ڤینگر ب رێژەکا مەزن پشتی بورینا ٢١ سالان دێ پوستێ ڤێ یانێ ب جە ھیلیت سەرەرای دەربازبوونا وێ بۆ دووماھیا کاسا ئنگلتەرا و ئەڤ وەرزە دێ دووماھی وەرزێ ڤینگری بیت ل گەل یانا لەندەنی پشتی ماوەکێ درێژ کو ٢١ سالان ل گەل ڤێ یانێ مای .
ئەوێ رۆژنامێ ئاشکراکریە ژی ڤینگری دڤێت پوستێ راھێنەریا یانێ ب جە بھێلت پشتی ئەو زاخا مەزن ژلایێ جەماوەرێ یانێ کەڤتیە سەر وی و تایبەت ڤی وەرزی کو ئاستێ ئەرسینال نە ل ئاستێ پێدڤی یە دخولا ئنگلتەرا دا ھەردیسان قارەمانیا چامپیونیز لیگ دا ژی ل سەر دەستێ میونیخ ل دو یاریان ب پێنج گولان بەرامبەر گولەکێ خوسارەت بووی ل یاریگەھا خوە و دەرڤەی یاریگەھا خوە ژی ئەڤێ چەندێ کارتێکرنەکا مەزن ل راھێنەرێ فەرەنسی کریە دەست ژ پوستێ راھێنەریا یانێ بەردەت.
ھەردیسان مارکا دیارکریە ژی بەرپرسەکێ یانا ئەرسینال بۆ جارا دویێ یە د ماوێ کێمتر ژ ھەیڤەکێ پەیوەندی ب فالفیردی دکەت ب نەھێنی ڤە ب مەرەما وەرگرتنا پوستێ راھێنەریا یانا ئەرسینال.

ئەڤرۆ نیوز:
ھەوالگیرییا فێدرالی یا رۆسیا ئاشکرا کر کو بەلگە ھەنە ئاماژە دکەنە ھەبوونا دانوستانان د ناڤبەرا رێکسختنا تیرۆرستی یا داعشێ و گرۆپێن دی یێن تیرۆرستی دا ب مەرەما ئێکگرتنا رێزێن وان و تێکەلبوونێ.
ئەلکسەندەر بۆرتنیکۆڤ، سەرۆکێ سازییا ھەوالگیرییا فێدرالی یا رۆسیا راگەھاند: سەرکردەیێن داعشێ و گرۆپێن دی یێن تیرۆرستی ستراتیژیێن خوە دگوھرن و دەست ب ھنارتنا چەکدارێن خوە کریە بۆ یەمەنێ و ئەفغانستان و ئەفریقیا و ب وێ رێیێ دێ تۆرەکا نوو یا تیرۆرستی چێکەن.
بۆرتنیکۆڤی گۆت ژی: سەرکردەیێن گرۆپێن مینا داعش و ئەلنوسرە نھا دبینن دەڤەرێن بن کۆنترۆلا خوە ژدەست ددەن لەورا تەکتیکێن خوە دگوھرن.

128

ئەڤرۆ نیوز، ھەژار مەعروف:
راپورتێن رۆژنامەڤانی ل ئیسپانیا ئاشکراکرینە کارگێریا یانا ریال مەدرید داخوازی ژ راھێنەرێ تیمێ یێ فەرەنسی زێدان کرینە سیاستەتا خوە ب گوھوریت ئەوا ل دەمێ بوری کو بتنێ پشت بەستن ل سەر کەریم بن زیما و رونالدو گارس بێل کر .
رۆژناما مارکا ژلایێ خوڤە دیارکریە ژێدەرێن دەنگوباسی ل نێزیکی یانێ ئاشکراکرینە کارگێریا یانێ باوەریەکا مەزن ب راھێنەرێ خوە زێدان ھەیە و بتنێ پشتی یاریا کلاسیکو داخوازی ژێ ھاتیەکرن سیاستەتا خوە ل سەر پشت بەستنا BBC ب گوھوریت و گرنگی بتنێ ب ئەوان یاریزانان نەدەت ھەر چەندە بەری نوکە سیاسەتا وی ل سەر ئەڤان یاریزانان یا سەرکەفتی بوو دەستکەفت ئەنجام تومارکرن لێ ل دەمێ ھەر سێ یاریزان ل گوپیتکا ئاستێ خوە لێ نوکە پێدڤی یە ئەو شێواز بھێتە گوھورین.
مارکا دیارکریە ژی نێزیکی ١٦ ھەیڤانە زێدان ئەرکێ یانا ریال مەدرید وەرگرتی ھەر ژ دەستپێکا وی یا وەرگرتی ھەتا دووماھی یاری ژی بتنێ زێدان پشت بەستنێ ل سەر ئەوان ھەرسێ یاریزانان کەت کو گەلەک جاران یاریزانێن دی یێن وەکو موراتا و رودرێگیز و ئیسکو ئەسینسیو ل گوپیتکا ئاستێن خوە نە لێ پشت بەستنێ ل سەر ئەوان ناکەت پتر گرنگی دەتە BBC.

50

ئەڤرۆ:
راھێنەرێ ئیتالی و یێ یانا بایرن میونیخ کارلوس ئەنشلوتی دیارکر ئەو بەردەوام یێ بزاڤێن رازیکرنا کابتنێ تیمێ فلیپ لام دکەت بۆ ل بریارا خوە لێڤەبیت و دەست ژ یاریا تەپا پێ ل دووماھیا ڤی وەرزی نەدەت.
کارلوس ئەنشلوتی ل کونگرێ رۆژنامەڤانی یێ یاریا بایرن میونیخ بەرامبەر بروسیا دورتموند ئەوا بریارە ئەڤ شەڤە بھێتەکرن ژ چارچوڤێ پێش دووماھیا کاسا ئەلمانیا زێدەتر دیارکر ئەو گەلەک یێ خەمبارە ژبەر ئەو بریارا کابتنێ تیمێ لام دایی کو ل دووماھیا ڤی وەرزێ دەست ژ یاریا تەپا پێ ب ئێک جاری بەردەت کو ئەو دبینت ھەتا نوکە ژیێ وی یێ ھاریکارە ئەو بشێت بەردەوامی ب دەتە یاریا تەپا پێ ژبەرکو شیانێن وی گەلەک باشن و نوکە ژی دبینت ئێک ژ باشترین یاریزانێن خوە ل ھێلا بەرەڤانیا تیمێ .
راھێنەرێ ئیتالی ئاشکراکر ژی دێ رۆژەک ھێت ئەو بشێت لام رازیبکەت و بۆ وەرزێ بھێت ژی بەردەوامی ب دەتە یاریا تەپا پێ ل گەل یانا خوە بایرن میونیخ ژبەرکو ئەوان ھێشتا پێدڤی ب شیانێن ئەوی ھەیە.
ھەژی گوتنێ یە فلیپ لام یێ ٣٣ سالی دێ ھەڤبەستا وی ل دووماھیا ڤی وەرزی ل گەل یانا باڤاری ب دووماھی ھێت ئەو ژی بەری نوکە دیارکری یە ل گەل دووماھی ھاتنا ھەڤبەستا وی ل گەل بایرن ئەو دێ دەست ژ یاریا تەپا پێ بەردەت ب ئێک جاری.

نتيجة بحث الصور عن انشيلوتي لام

ئەڤرۆ:
رۆژنامەیێن کەتەلونی و ئیسپانی دیارکرینە یانا بەرشەلۆنا گەھشتیە رێککەفتنێ ل گەل گولچیێ خوە یێ ئەلمانی مارک ئەندریە تیر شتیگن بۆ درێژکرنا ھەڤبەستا خوە ل گەل یانا کەتەلونی.
رۆژناما موندو دیپورتیڤو دیارکریە شتیگن ھەڤبەستا وی ل گەل یانا بەرشەلۆنا ھەتا ھاڤینا ٢٠١٩ یە لێ کارگێریا یانا بەرشەلۆنا داخوازی ژ گولچیی ناڤبری کریە ھەڤبەستا خوە ل گەل یانێ درێژ بکەت ھەر چەندە ئەڤ رێککەفتنە بەری یاریا کلاسیکو ب چەند رۆژان ھاتبوو کرن لێ پشتی وی ئاستێ بلند یێ گولچیێ ئەلمانی د یاریا کلاسیکو دا پێشکێشکری جارەکا دی یانا بەرشەلۆنا داخوازی لێ کریە زیکا ب گەھنە وێ رێککەفتنێ و ھەڤبەست بھێتە درێژکرن بۆ ماوەکێ درێژ.
ئەوێ رۆژنامێ دیارکریە ژی کارگێریا یانا بەرشەلۆنا ل گەل تیر شتیگن گەھشتینە رێککەفتنێ بۆ ئیمزاکرنا ھەڤبەستا خوە ھاڤینا ٢٠٢٢ و دبیت ل چەند رۆژێن بھێت ب فەرمی ئەڤ ھەڤبەستە بھێتە راگەھاندن.

 

نتيجة بحث الصور عن شتيغن

ئه‌ڤرۆ نیوز:
عه‌مید هه‌لگورد حكمه‌ت رێڤه‌به‌رێ گشتى یێ راگه‌هاندن و هشیاریا نیشتمانى ل وه‌زاره‌تا پێشمه‌رگه‌ى كریارا هێرشا فرۆكێن شه‌ركه‌ر یێن توركیا بۆ سه‌ر شنگالێ شه‌رمزار كر كو شه‌ش پێشمه‌رگه‌ شه‌هید بوون و 8 پێشمه‌رگه‌ برینداربووین و بۆ رۆژناما ئه‌ڤرۆ گۆت” زێده‌تر ژ ساله‌كێ یه‌ ب رێیێن دبلوماسى و حزبێن سیاسى و لایه‌نێن دى ئه‌م كار ل سه‌ر هندێ دكه‌ین كو په‌كه‌كه‌ ل شنگال خوه‌ ڤه‌كێشیت ژبه‌ر كو ب نێرینا مه‌ هه‌بوونا په‌كه‌كێ ل ڤێ ده‌ڤه‌رێ دێ بیته‌ ئه‌گه‌رێ دروستبوونا شه‌ره‌كێ هه‌رێمایه‌تى و هه‌وا شه‌رێ فرۆكێن توركیا یێن دوهى بۆ سه‌ر شنگالێ نێرینا مه‌ سه‌لماند، هیڤیدارین په‌كه‌كه‌ هێزێن خوه‌ ل ڤێ ده‌ڤه‌رێ ڤه‌كێشیت، ئه‌گه‌ر نه‌ ره‌نگه‌ ده‌ڤه‌ر تووشى حاله‌تێن زێده‌تر یێن نه‌خواستى ببیت كو د ئه‌نجام دا دێ زیانێن مه‌زن گه‌هنه‌ خه‌لكێ ده‌ڤه‌رێ”
وه‌زاره‌تا پێشمه‌رگه‌ى ژى، د راگه‌هاندنه‌كێ دا ئاماژه‌ ب وێ یه‌كێ كریه‌ كو ئه‌و بۆمبه‌بارانكرنا فرۆكێن توركى بۆ سه‌ر چیایێ شنگالێ كرى ژ ئه‌نجامێ هه‌بوونا هێزا په‌كه‌كێ یه‌ و توپبارانكرنا پێشمه‌رگه‌ى ژ ئالیێ فرۆكێن توركى ڤه‌ جهێ قه‌بوولكرنێ نینه‌”.

ئەڤرۆ نیوز،ھەژار مەعروف:
راپورتێن رۆژنامەڤانی یێن نێزیکی یانا ریال مەدرید وەسا داینە دیارکرن یانا ریال مەدرید دێ ژ شیانێن یاریزانێ خوە یێ وێلزی بێ باربیت بۆ دەمەکێ درێژ ژبەر ئەو ھنگافتنا توش بوویێ ل یاریا کلاسیکو پشتی ھاتیە گوھورین ل خولەکا ٣٦ ژبەر ھنگافتنێ .
رۆژناما مارکا دا دیارکریە راپورتا نوژداری یا یانا ریال مەدرید بۆ دەستەیا راھێنەریا تیمێ ئاشکراکریە گارس بێل دبیت بۆ پێنج یاریێن بھێت یێن یانا ریال مەدرید نەشێت پشکداریێ بکەت کو یێ ھەتا چار یاریان مسوگەر دێ بێ باربن ژ شیانێن وی .
وێ رۆژنامێ ئاشکرا کریە ژی بێل بۆ یاریا دیپورتیڤو لەکەرونیا و گرناتە و ڤالنسیا ژ لالیگا نەشێت پشکدار بیت ھەردیسان ھەردو یاریێن بەرامبەر ئەتلەتیکو مەدرید ژ چامپیونیز لیگ ژی .
ژلایەکێ دوڤە دوھی یاریزانێ فەرەنسی یێ ھێلا بەرەڤانیا یانا مەدرید راھێنان ب شێوەیەکێ دروست راھێنانێن خوە کرن و رۆژنامەیێن ئیسپانی وەسا داینە دیارکرن بۆ یاریا ئەڤ شەڤەكا دى فاران دێ ل جھێ راموس وەکو یاریزانەکێ سەرەکی یاریێ کەت.

نتيجة بحث الصور عن بيل مصاب

نتيجة بحث الصور عن تمارين ريال مدريد 2017

ئه‌ڤرۆ نیوز:
سه‌رۆك كومارێ توركیا ره‌جه‌ب ته‌یب ئه‌ردوگان سه‌باره‌ت بۆمبه‌بارانكرنا فرۆكێن توركیا بۆ شنگالێ گۆت” به‌رى بۆمبه‌بارانكرنێ ، پێشوه‌خت مه‌ رووسیا، ئه‌مریكا و حكومه‌تا هه‌رێما كوردستانێ ل هێرشا سه‌ر شنگالێ بۆ لێدانا په‌كه‌كێ ئاگادار كرینه‌، ئه‌م ناهێلین شنگال ببیته‌ پێگه‌هێ په‌كه‌كێ”.
سه‌رۆك كومارێ توركیا ئاماژه‌ ب وێ چه‌ندێ ژى كر كو ئه‌وا ل شنگال رووداى ب چ ره‌نگه‌كى به‌رامبه‌ر پێشمه‌رگه‌ى نه‌بوویه‌ و ده‌مێ مه‌ زانى پێشمه‌رگه‌ یێن بووینه‌ قوربانى ئه‌م گه‌له‌ك دلگران بووین.
سه‌رۆك كومارێ توركیا ئاماژه‌ ب وێ یه‌كێ ژى كر كو ئوپه‌راسیونێن وان ل شنگال و باكوورێ سووریا دێ به‌رده‌وام بیت.

website security
Facebook Auto Publish Powered By : XYZScripts.com