NO IORG
Facebook

ئەڤرۆ نیوز، نەوزاد هلوری:

پشتی کو ژ ئەگەرێ هریانا گەلیێ زاویتە، رێیا هاتنوچوونێ دناڤبەرا دهوک و ئامێدیێ دا هاتیە گرتن، باژێرڤانیا زاویتە ب هەڤکاری ل گەل سەخبێریا رێک و پرا، رێیا گەلیێ زاویتە ڤەکر و هاتنوچوون ئاسایی یە.

ئەڤرۆ نیۆز، قائید میرۆ:

سالا ١٩٨٠ێ رژێما ژناڤچوویا بەعس ھەوەک بۆ ژناڤبرنا کوردێن فەیلی دەستپێکر و د ئەنجامدا بھزاران کوردێن فەیلی بوونە قوربانی و ھژمارەک زۆرژی ھاتنە دەرخستن ل عێراقێ کەسایەتیەکێ فەیلی ژی ئاماژەکر، ھێشتا حوکمەتا عێراقێ رەگەزناما عێراقی نەڤەگەڕاندیە بۆ کوردێن فەیلی.

جەواد مەلکشاھی، کەسایەتیێ کوردێ فەیلی بۆ ئەڤرۆ نیۆز دیارکر” بەری ٤٠ سالان ژ لایێ رژێما بەعسا عێراقێ ڤە ھەوەکا جینۆسایدێ دژی کوردێن فەیلی ھاتە دەستپێکرن و ژبلی کوشتن و ئەشکەنجەدان  و دەرکرنێ بھزاران کوردێن فەیلی ھاتنە دەرکرن ل عێراقێ و ناسناما عێراقی ل کوردێن فەیلی ھاتە وەرگرتن.

ئەڤی کەسایەتیێ کوردێ فەیلی ل بەغدا ئاشکراکر” پشتی بۆرینا ٤٠ سالان بسەر جینۆسایدکرنا کوردێن فەیلی ھێشتا دەستھەلاتدارێن عێراقێ نەشاینە مافێن کوردێن فەیلی وەک پێدڤی بدەن و بڕیارێن حوکمەتا بەعس کاریگەریا خوە مایە لسەر کوردێن فەیلی.

جەواد مەلکشاھی گۆتژی” گورەی دستوورێ عێراقێ فەیلی وەلاتیێن رەسەنێن عێراقێ نە، بەلێ ھیشتا ئاریشا رەگەزناما عێراقێ بۆ کوردێن فەیلی نەھاتیە چارەسەرکرن و دەمێ ئەم گەشتێ دکەین بۆ دەرڤە ژی سەرەدانا وان پشکا دکەین یێن بۆ وەلاتیێن بیانی ھاتینە دیارکرن.

29

ئەڤرۆ نیوز:

مەلتەم ئۆزەن بسپۆرا نەخوشیێن ڤەگر ل تورکیا ب رەنگەکێ راستەخوە پشکداری د بەرنامەکا کەنالێ TRT HABER یێ تورکیا دا کر و راگەهاند کو هژمارا کەسێن ل تورکیا تووشی ڤایرۆسێ کۆرۆنایێ بووینە د ناڤبەرا ٦٠٠ هەتا ٩٠٠ هزار کەسانە و رەوش هەر کو دچیت خرابتر لێ دهێت.

بەری نها ژی گەلەک بسپۆران دیار کربوون کو تورکیا درەنگ دەست ب پێرابوونێن خوەپاراستنێ کر و دێ تورکیا باجەکا مەزن ژی دەت.

 

ئەڤرۆ نیوز:

د. کاروان جەمال رێڤەبەرێ ساخلەمیا سۆران دیار کر کو پشتی پشکنینێن بەردەوام ئەڤرۆ دیار بوو کو دایکەک ل گەل دو زارۆیێن خوە کو ئاکنجیێن گوندێ سمخەیلان یێ سەر ب ناحیا سیدەکانە، تووشی ڤایرۆسێ کۆرۆنا بووینە، بریار هاتە دان کو گوند ب تەمامی بهێتە کەرەنتین کرن.

ناڤهاتی ئەو یەک ژی دیار کر کو نها ئەو دووڤچوونا هندێ دکەن دا بزانن کو ئەو کەسە چاوا تووشی کۆرۆنایێ بووینە و ئایا وان ژی ل گەل خوە کەسەک تووش کریە یان نە؟ ژ بەر هندێ ژی دێ یا پێدڤی هێتە کرن و وەکو پێنگاڤا ئێکێ ژی گوندێ سمخەیلان هاتە کەرەنتینکرن.

35

ئەڤرۆ نیوز:

چالاکڤانەکێ ئیرانی کو نەخواستیە ناڤێ وی بهێتە ئاشکرا کرن بۆ ئاژانسا بی بی سی دیار کریە کو ژ بەر کۆرۆنایێ هەتا نها پتر ژ ١٧ هزار کەسان ل ئیرانێ جانێ خوە ژ دەست داینە، لێ دەستهەلاتا ئیرانێ ژ ترسا خەلکی و هندەک بابەتێن دی یێن سیاسی راستیان ڤەدشێریت و ئامارێن ئیران بەلاڤ دکەت راست نینن.

ل گۆر هەمان چالاکڤانی کۆرۆنا ل هەموو باژێرێن ئیرانێ بەلاڤ بوویە و رۆژانە ب سەدان کەس جانێ خوە ژ دەست ددەن و دەولەتێ ژی بۆ پاراستنا جانێ وەلاتیان گەلەک خەمساری کریە.

262

ئەڤرۆ نیوز:

ئەحمەد سەحاف پەیڤدارێ وەزارەتا دەرڤە یا عیراقێ راگەهاند کو گەلەک وەلاتیێن عیراقێ ژ بەر بابەتێ کۆرۆنایێ نەشیاینە هەتا نوکە ڤەگەرنە ڤە عیراقێ و ل دەرڤەی عیراقێ ئاسی بووینە، ژ بەر هندێ ژی حوکمەتێ بریار دایە هەر وەلاتیەکێ عیراقی یێ کو ل وەلاتەکێ دی ئاسێ بوویە و هەتا نها نەشیایە ڤەگەریت ب کوژمێ سێ هزار دۆلاران هاریکاریا وان کەسان بکەت.

ناڤهاتی راگەهاند ب رێیا بالیۆزخانێن عیراقێ ل وەلاتێن جودا جودا ئەو پارەیە دێ گەهیتە دەستێ وان وەلاتیان.

 

ئه‌ڤرۆ نیوز:

وه‌زیرێ ساخله‌میا حكومه‌تا هه‌رێما كوردستانێ هوشداریێ دده‌ت و رادگه‌هینیت هه‌رێما كوردستانێ ل هه‌مبه‌ر كاره‌ساته‌كا مرۆڤی دایه‌.

د. سامان به‌رزنجی وه‌زیرێ ساخله‌میا حكومه‌تا هه‌رێما كوردستانێ ل ژماره‌یا تایبه‌ت یا خۆ ل فیبسوكی به‌لاڤكریه‌ هه‌رێما كوردستانێ ل هه‌مبه‌ر مه‌ترسیه‌كا مه‌زن و كاره‌ساته‌كا مرۆڤی دایه‌.

ئه‌ڤ راگه‌هاندنا وه‌زیرێ ساخله‌میێ پشتی ئه‌وێ چه‌ندێ هات كۆ پشتی وه‌زاره‌تا ساخله‌میێ 41 حاله‌تێن توشبوونێ ب ڤایرۆسێ كورونایی ل هه‌ولێرێ راگه‌هاندین و ژاره‌یا توشبوویێن ڤایرۆسێ كورونایێ ل هه‌رێما كوردستانێ گه‌هشته‌ 277 كه‌سان و سێ كه‌س ژی ب ئه‌گه‌ری ڤایرۆسێ كوروناێ مرینه‌.

ئه‌ڤرۆ نیوز:

په‌رله‌مانتاره‌كێ عیراقێ دیاركر ئارمانجا ڤه‌كێشانا هێزێن ئه‌مریكا ژ چه‌ند بنگه‌هه‌كێن سه‌ربازی، به‌رهه‌ڤكارینه‌ بۆ هێرشكرن و كوشتنا ژماره‌یه‌كا سه‌ركرده‌یان.

كه‌ریم محه‌مه‌داوی ئه‌ندامێ لژنا ئاسایش و به‌ره‌ڤانییێ ل جڤاتا نوونه‌رێن عیراقێ راگه‌هاند: ڤه‌كێشانا هیزێن ئه‌مریكا ژ هنده‌ك بنگه‌هان رێ و ئاوا بۆ بجهكرنا بریارا په‌رله‌مانی بۆ ڤه‌كێشانا هێزێن بیانی ژ عیراقێ، به‌لكۆ ئه‌و پێنگاڤ پشكه‌كه‌ ژ پلانه‌كا خورسكیا هێزێن ئه‌مریكایه‌ ل عیراقێ.

ئه‌ندامێ لژنا ئاسایش و به‌ره‌ڤانیێ ل جڤاتا نوونه‌رێن عیراقێ دیاركر كۆ ئارمانج ژ رێكخستنا هێزێن ئه‌مریكا ل عیراقێ ڤه‌شارتیه‌ و ئه‌ڤێ چه‌ندێ په‌یوه‌ندێ ب وێ چه‌ندێ ڤه‌ هه‌یه‌ كۆ ئه‌و هێز بچنه‌ بنگه‌هێن ئارام كۆ ب تایبه‌تی پشتی كۆ سیسته‌مێ موشه‌كیا به‌ره‌ڤانیا پاتریوت تێدا هاتیه‌ بجهكرن.

ئه‌ندامێ لژنا ئاسایش و به‌ره‌ڤانییێ ل جڤاتا نوونه‌رێن عیراقێ ئه‌و چه‌نده‌ ژی دا زانین ئه‌مریكا بزاڤێ دكه‌ت هێرشه‌كا دژوار بكه‌ته‌ سه‌ر هنده‌ك بنگه‌هێن سه‌ربازی هنده‌ك سه‌ركرده‌یان بكوژن، وه‌ك ئاماژه‌یه‌ك بۆ سه‌ركرده‌یێن حشدا شه‌عبی.

ئه‌ڤرۆ نیوز:

وه‌زاره‌تا ساخله‌میا حكومه‌تا هه‌رێما كوردستانێ د راگه‌هاندنه‌كێ دا به‌لاڤكر كۆ ل هه‌ولێری 41 كه‌سێن دی  توشیی ڤایرۆسێ كورونایێ بوون.

ئه‌ڤرۆ 6/4/2020 وه‌زاره‌تا ساخله‌میا حكومه‌تا هه‌رێما كوردستانێ د راگه‌هاندنێ دا به‌لاڤكر د به‌رده‌وامیا پشكنین و لیگه‌ریان و دووڤچوونا توشبوویان، 41 توشبوویێن ڤایرۆسێ كورونایێ كۆڤید 19 ل باژێرێ هه‌ولێر هاتنه‌ ده‌ست نیشانكرن.

وه‌زاره‌تا ساخله‌میا حكومه‌تا هه‌رێما كوردستانێ ئه‌و چه‌نده‌ژی د راگه‌هاندنێ دا دیاركر كۆ 17 ئافره‌ت و 15 زه‌لام و 9 زارۆكن، دو ژ وان ل قه‌زا سوران و سێ ل ناحیا سیده‌كان و ئێك ل گۆندێ هه‌له‌جه‌یا بچیك و ئه‌ڤێن دی ژی دناڤ باژێرێ هه‌ولێرێ نه‌ ل تاخێن كانی گه‌لی و ئالتون سیتی و شیخ ئه‌حمه‌د و كارێزان و زانكۆ و چنار و مامۆستایا 121ێ گۆلان و ژیان و زیلان سیتی، كۆ پرانیا توشبوویان  ب ئه‌گه‌رێ تێكه‌لی و په‌یوه‌ندیێ ب هه‌ردو تازیێن كۆ تاخێ كاریزان و دوو ژی به‌ری نوكه‌ ب ئه‌گه‌رێ گه‌شتكرنێ بوویه‌.

ئه‌ڤرۆ نیوز:

سه‌رۆكێ هه‌رێما كوردستانێ د په‌یامه‌كێ دا سوپاسیا وه‌لاتیان و هێزێن ئه‌مین و كارمه‌ندێن ساخله‌میێ و راگه‌هاندنكاران كر گۆت شانازیێ ژی ب وه‌ دكه‌ین.

نێچیرڤان بارزانی  سه‌رۆكێ هه‌رێما كوردستانێ د په‌یامه‌كێ دا به‌لاڤكر و تێدا هاتیه‌، سوپاسیا وه‌لاتی و ئاكنجیێن  هه‌رێما كوردستانێ دكه‌م بۆ مانا وان ل مالێن خودا پێگیربوونا وان ب رێنماییانڤه‌.

سه‌رۆكێ هه‌رێما كوردستانێ سوپاسیه‌كا تایبه‌ت بۆ كارمه‌ندێن ساخله‌میێ و پێشمه‌رگه‌ و كارمه‌ندێن باله‌فرخانه‌ین و ده‌رگه‌هێن توخیبی و ده‌زگه‌هێن ئه‌مین و راگه‌هاند و ته‌ڤایا ئه‌وان قاره‌مانێن بۆ پاراستنا كوردستانێ ژ ڤایرۆسێ كورونا دكه‌م.

website security
WP Facebook Auto Publish Powered By : XYZScripts.com