NO IORG
Facebook

ئه‌ڤرۆ نيوز، له‌زگين جۆقى:

رێڤەبەرێ گشتیێ ساخلەمیا پارێزگەھا دھۆکێ دیارکر کو ساخلەمیا دھۆکێ ئەڤرۆ رێکەفتنەکا دی بۆ پشتەڤانیکرنا ساخلەمیا دەروونی ل گەل وەلاتێ ئیتالیا ھاتە ئێمزا کرن.

د. نزار عسمەت تەیب، رێڤەبەرێ گشتیێ ساخلەمیا پارێزگەھا دهۆكێ ئەڤرۆ 19ى ئيلۆنا 2018ێي قونسلا گشتی يا وەلاتێ ئيتالیا ل ھەرێما کوردستانێ سیرینا مورینی رێکخراوا (AISPO) یا ئیتالی سەرا ساخلەمیا دھۆکێ دا بۆ ئيمزاکرنا رێکەفتنەکا دی ل سەر پرۆژي پشتەڤانیکرنا ساخلەمیا دەروونى نە ب تنێ ژ روویێ ئاڤاکرنێ و ب ھێزکرنا شیانێن کارمەندێن ساخله‌ميێ، بەلکو د روویێ دەروونى ژی دا.

گۆتژى: “ئیتالیا پشتەڤانى و ھاریکاریا رێڤەبەریا گشتی یا ساخلەمیا پارێزگەھا دھۆکێ کریە. ئەڤ پرۆژە دێ یێ بەردەوام بیت بۆ ھندی ئەم بشێين د واری دەروونى دا گرنگیێ ب ساخلەمیێ بدەين، ئەڤە نە بۆ جارا ئێکی یە ئیتالیا ڤى پرۆژه‌يی ل دھۆکێ ئەنجام ددەت، بەلکو ئەڤە چەندین جارن پشتەڤانی و ھاریکاریا مە دکەن ب تایبەتی گرنگی دان ب زارۆک و گەنج و ژنان”.

زێدەتر گۆت: “قونسلا گشتی يا وەلاتێ ئیتالیا ل ھەرێما کوردستانێ و رێکخراوا (Aispo) پەیڤ خواندن ل سەر پرۆژێن پشتەڤانیکرنا ساخلەمیا دھۆکێ. ھەکە پشتەڤانیا رێکخراوێن نێڤدەولەتی نەبا و رێکخراوا (Aispo) و رێکخراوێن دێ یێن بووینە ھەڤکار ل گەل ساخلەمیا دھۆکێ ب تایبەتی ژی وەکو وەلاتێ ئیتالیا گەلەک یا زەحمەت بوو ئەم بشێین سەرەدەریێ ل گەل ڤان قەیرانان بکەن ب تایبەتی ژی د کەرتێ ساخلەمیێ دا”.

ئه‌ڤرۆنيوز:

به‌رپرسه‌كێ كۆمسيۆنا بلند يا كۆمسيۆنا هه‌لبژارتن وراپرسيێ ل هه‌رێما كوردستان راگه‌هاند، مه‌ داخواز كريه‌ ده‌ستپێكا سالا خواندنێ يا نوو بۆ پشتى هه‌لبژارتنين په‌رله‌مانێ كوردستانێ بهێته‌ پاشخستن.

ئارام نه‌جمه‌دين، ريڤه‌به‌رێ ئۆفيسا هه‌ولێرێ يا كۆمسيۆنا هه‌لبژارتنان وراپرسيێ ل هه‌ريمێ بۆ كوردستان تى ڤى گۆت” مه‌ ب نڤيساره‌كا فه‌رمى داخواز ژ كۆمسيۆنا بلند يا هه‌لبژارتنان وراپرسيێ ل هه‌رێمێ كريه‌، پرۆسا ده‌ستپێكا سالا نوو يا خواندنێ 2018 -2018 بهێته‌ پاشخستن بۆ پشتى هه‌لبژارتنێن په‌رله‌مانێ كوردستانێ”.

دياركر ژى” ژبه‌ركو هه‌تا نوكه‌ ل قوتابخانان خۆلێن فه‌رمانبه‌ران بۆ رۆژا هه‌لبژارتنان دهينه‌ ئه‌نجامدان وهه‌تا به‌رى هه‌لبژارتنان دێ به‌رده‌وام بن، له‌ما مه‌ داخواز كريه‌ په‌روه‌رده‌ ده‌ستپێكا سالا خواندنێ پاشبێخيت بۆ پشتى هه‌لبژارتنان”.

خوياكر ژى” كۆمسيۆنێ بۆ رۆژا 28 ئه‌يلوولێ ژى پێدڤى ب قوتابخانان يا هه‌ى ژبه‌ركو ل وێ رۆژێ پرۆسا ده‌نگدانا تايبه‌ت دێ هيته‌ ئه‌نجامدان”.

گۆت ژى”ئه‌م چاڤه‌رێ به‌رسڤا په‌روه‌ردێ نه‌ ل سه‌ر داخوازيا كۆمسيۆنێ”.

وه‌زاره‌تا په‌روه‌ردێ به‌رى نوكه‌ دياركربوو كو 22/9/2018 دێ بيته‌ ده‌ستپێكا سالا نوو يا خواندنێ، برياره‌ هه‌لبژارتنێن په‌رله‌مانێ كوردستانێ ل 30/9/2018 بهێنه‌ ئه‌نجامدان.

ئه‌ڤرۆ نيوز، له‌زگين جۆقى:

رێڤەبەرێ گشتیێ ساخلەمیا پارێزگەھا دھۆکێ دیارکر کو ئەڤرۆ 19-9-2018 رێکخراوا (AISPO) و قونسلا گشتی يا وەلاتی ئيتالیا ل ھەرێما کوردستانێ سیرینا مورینی و ساخلەمیا دھۆک ل قەزا زاخۆ پرۆژەکێ ساخلەمیێ بۆ خزمەتکرنا وەلاتیان ڤەکرن.

د. نزار عسمەت تەیب، رێڤەبەرێ گشتیێ ساخلەمیا پارێزگەھا دھۆکێ دیارکر کو ئەو زۆر د پێخۆشحالن تاقیگەھا نەخۆشخانا زاخۆ ھاتە ڤەکرن ب پشتەڤانیا راستەوخۆ یا وەلاتی ئيتالیا و ھەڤکاریا وەلاتی ئیتالیا د گەل ساخلەمیا دھۆکێ، دا ئەڤ پرۆژەیێن ل زاخۆ دھێنە ئەنجامدان ب پشتەڤانیا ئیتالیا ب کوژمێ دۆرێن 500 ھزار یوروریان چەندین پشک ل نەخۆشخانا زاخۆ ب ڤێ کوژمێ پاره‌يی ھاتینە دروستکرن ژ وانا ژی تاقیگەهـ و سەنتەرێ 122 و چەندین ئامیرێن نوشدارێ و کەرەستێن پێدڤی بۆ ساخلەمیا زاخۆ د گەل راھێنانا کادرێ نوشدارێ و کارمەندێن ساخله‌ميێ ل زاخۆ. ئەڤە پشکەکه‌ ژ پرۆژەیێن مە یێن بەردەوام. “ئەڤە دەمێ پێنج سالانە ئیتالیا ھەڤکاریا مە دکەت ب تایبەتی ژی رێکخراوا (Aispo) ب پشتەڤانیا راستەوخۆ یا قونسلا گشتی يا ئیتالیا”.

رێڤه‌به‌رێ گشتى يێ ساخله‌ميا پارێزگه‌ها دهۆكێ گۆتژى: “ئەڤە پینج سالا د وارێن ھەمەجۆر دکەرتێ ساخلەمیێ دا پشتەڤانى و ھاریکاریا ساخلەمیا دھۆکێ دکەن ھەتا ئەم بشێين خزمەتا خەلکێ خوە بکەين. ئەو تشتێ مە نەیی بۆ مە دابین دکەن ئیتالیا زۆر پشتەڤانیا مە کریە دڤێ قەیرانا دارایی دا. ئەم سوپاسیا وەلاتێ ئیتالیا و ب تایبەتی قونسلا گشتی یا وەلاتی ئيتالیا دكه‌ين كو بۆ گەلەک جاران ل گەل مە بەرھەڤ بووینە و پشتەڤانێ ل ساخلەمیێ کرینە”.

ئه‌ڤرۆنيوز:

هه‌ڤپه‌يمانى بۆ ديموكراسيێ ودادپه‌روه‌ريێ دكۆنگره‌كێ رۆژناڤه‌مانى دا راگه‌هاند كو به‌رهه‌م سالحى ناما ده‌ست ژكاركێشانێ ژ ئاراسته‌ى وان كريه‌ وهه‌ڤپه‌يمانيێ ژى ده‌ست ژكاركێشانا وى په‌سه‌ندكر.

محه‌مه‌ ره‌ئووف، ئێك ژ سه‌ركردێن هه‌ڤپه‌يمانيێ كو ئه‌و كۆنگرێ رۆژنامه‌ڤانى ب ناڤێ حزبا خوه‌ سازكرى گۆت” ل ده‌مێ بۆرى دچارچۆڤێ دانوستاندنێن دناڤبه‌را هه‌ڤپه‌يمانيێ وئێكه‌تيێ وپشتى راوێژه‌كا زۆر به‌رهه‌م سالح وهژماره‌كا هه‌ڤالان ئێكگرتن كره‌ بژارده‌  ل گه‌ل ئێكه‌تيێ”.

گۆت ژى”به‌رهه‌م سالح نامه‌كا ده‌ست ژكاركێشانێ ئاراسته‌ى هه‌ڤپه‌يمانيێ كريه‌ ومه‌ژى ناما وى په‌سه‌ند كريه‌”.

دياركر ” هه‌ڤپه‌يمانى وه‌كو پرۆژه‌كێ سياسى ومه‌ده‌نى دێ به‌رده‌وام بيت”.

ئه‌ڤرۆنيوز:

سكرتێرێ مه‌كته‌با سياسى يا پارتى ديموكراتى كوردستان راگه‌هاند، به‌رهه‌م سالح به‌ربژارێ هه‌ڤپشك يێ مه‌ وئێكه‌تيێ نينه‌ بۆ پۆستێ سه‌رۆك كۆمارى.

فازل ميرانى، سكرتێرێ مه‌كته‌با سياسى يا پارتى ديموكراتى كوردستان ئه‌ڤرۆ چارشه‌مبى 19/9/2018 دچارچۆڤێ بانگه‌شا هه‌لبژاتنان وناساندنا به‌ربژارێن ليستا 183 يا پارتى ل باژێرێ هه‌ولێرێ په‌يڤه‌ك پێشكێشكر.

فازل ميرانى دياركر، دێ مه‌ به‌ربژارێ خوه‌ بۆ پۆستێ سه‌رۆك كۆمارا عيراقێ هه‌بيت وبه‌رهه‌م سالح به‌ربژارێ هه‌ڤپشك يێ مه‌ وئێكه‌تيێ نينه‌.

ئه‌ڤرۆنيوز:

جڤاتا سه‌ركردايه‌تيا ئێكه‌تى نيشتمانى كوردستان ئه‌ڤرۆ چارشه‌مبى 19/9/2018 دده‌نگدانه‌كا نهێنى دا به‌رهه‌م سالح وه‌كو به‌ربژارێ ئێكه‌تيێ بۆ پۆستێ سه‌رۆكاتيا كۆمارا عيراقێ دياركر.

سه‌عدى پيره‌ په‌يڤدارێ ئێكه‌تيێ دكۆنگره‌كێ رۆژنامه‌ڤانى دا گۆت”به‌رهه‌م سالحى نامه‌ك ئاراسته‌ى جڤاتا سه‌ركردايه‌تيا ئێكه‌تيێ كربوو وبه‌رهه‌ڤيا بۆ زڤرينێ بۆ ناڤ رێزێن ئێكه‌تيێ دياركربوو”.

گۆت ژى” دده‌نگدانه‌كا نهێنى دا دناڤبه‌را به‌رهه‌م سالح وبه‌ربژارين دى، به‌رهه‌م سالح پتريا ده‌نگان بده‌ستڤه‌ئينان وبوويه‌ به‌ربژارێ ئێكه‌تيێ بۆ سه‌رۆكاتيا كۆمارا عيراقێ”.

 

ئەڤرۆ نیوز ، زنار تۆڤی:

 

ئەڤرۆ چارشەمبی 19 ئیلۆنا 2018 سۆپایێ تورکیا دەڤەرا کانی ماسێ یا سەر ب قەزا ئامێدیێ ڤە تۆپ باراکریە و وەلاتیەکێ گوندێ دوورێ ب سڤکی برینداربوویە.

سەربەست سەبری ئاکرەیی رێڤەبەرێ ناحیا کانی ماسێ بۆ ئەڤرۆ نیوز دیارکر: ئەڤرۆ چارشەمبی هێزێن پەکەکێ تەقە ل رەبیێن سۆپایێ تورکیا یێن ل سەر سنۆرێ تورکیا و هەرێما کوردستانێ کرینە ل ناحیا کانی ماسێ و پاشی شەر دناڤبەرا پەکەکێ و سۆپایێ تورکیا دا پەیدابوویە و لدووڤدا سۆپایێ تورکیا دەڤەرا کانی ماسێ تۆپ بارانکریە و ژ ئەنجامێ وێ تۆپ بارانێ توپەکا لەشکەرێ تورکیا نێزیکێ 100 مەتران نێزیکی مالێن وەلاتیێن گوندێ دوورێ کەفتیە ئاگر بەردایە دورمانێن گوندی، ناڤهاتی گۆت ژی:  ژ ئەنجامێ وێ چەندێ وەلاتیەکێ مەسیحی ب ناڤێ زادوق ئەسنیێل کو خەلکێ گوندێ دوورێ ب سڤکی بریندار بوویە و وێ تۆپ بارانێ ترسەکا مەزن ل دەف خەلکێ دوورێ و گوندێن دەوروبەر پەیداکریە.

ئه‌ڤرۆ نيوز:

رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 19ى ئيلۆنا 2018ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه‌:

100 دولارێ ئه‌مريكى 121.100 دينار
100 يۆرۆيێ ئه‌ورۆپى 140.000 دينار
100 ليرێ توركى 19.500 دينار

بۆ وه‌رگرتنا نووترين پێزانينان ل سه‌ر ره‌وشا دراڤى ژماره‌ “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه‌.

په‌يجێ EVRO news ل سه‌ر تۆرا جڤاكيا Instagram فۆلۆ بكه‌

ئه‌ڤرۆنيوز:

به‌رپرسێ لقێ ئێك يێ پارتى ديموكراتى كوردستان، سه‌ربه‌ست تروانشى، كۆمبوونه‌ك ل گه‌ل لژنا تاپۆكرنا خانيێن زێده‌گاڤى سازكر.

دڤێ كۆمبوونێ به‌حسێ وان خانيێن زێده‌گاڤى هاته‌ كرن يێن هه‌تا نوكه‌ نه‌هاتينه‌ تاپۆكرن، به‌رپرسێ لقێ ئێك داخوازكر هه‌مى ئاسانكارى بۆ خه‌لكى بهێنه‌ كرن ژبۆ تايۆكرنا خانيێن وان.

ئه‌ڤرۆ نيوز:

رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 19ى ئيلۆنا 2018ێ بهايێ زێر و زيڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه‌:

1 گرام زێرێ (ع) 18 36000
1 گرام زێرێ  (ع) 21 42500
1 گرام زێرێ  (ع) 22 44500
1 گرام زيڤ 3000

په‌يجێ EVRO news ل سه‌ر تۆرا جڤاكيا Instagram فۆلۆ بكه‌

website security