NO IORG
Facebook

ئەڤرۆ نیوز، ھەیفا دۆسکی:
بەرپرسێ راگەھاندنێ ل رێڤەبەریا گشتیا ھاتنوچوونێ ل پارێزگەھا دھۆکێ بۆ ئەڤرۆ نیوز گۆت: “ھەتا نوکە 47 ژنان داخوازیا دەستوریا گشتی یا ترۆمبێلان کریە و پتری وان ترۆمبێلا پیکەم د ھاژوون”.
رائیدێ مافپەروەر، ئازاد تاھا، بەرپرسێ راگەھاندنێ ل رێڤەبەریا ھاتنوچوونا پارێزگەھا دھۆکێ زێدەتر گۆت: “ئەم حەز دکەین ژن ژی تەکسیان ب ھاژوون”.
دا زانین ژی کو بەری نوکە ئەوان بڕیارەک دەرکریە کو ھەر ژنەکا ترۆمبێلا تەکسی ب ھاژووت دێ ژ بھایێ ھژمارا تابلۆیا ترۆمبێلێ ھێتە لێبۆرین و گۆت: “سەرەرایی کو ئەڤە سێ سالە ئەڤ بڕیارە ژی ھەیی، بەلێ کەسێ نەخواستیە تەکسیێ ل دھۆکێ ب ھاژوون”.
رائیدێ مافپەروەر نەبوونا ژنێن شوفێرێن تەکسیان بۆ بیروباوەرێن بەرتەنگ یێن جڤاکی ڤەگەراندن و گۆت: “ھەکە ھەبن دێ پشتەڤانیێ لێ کەین”.

ئەڤرۆ نیوز، ھەیفا دۆسکی:
ژێدەرەکی ژ کۆمەلگەھا خانکێ بۆ ئەڤرۆ نیوز گۆت: “ئەڤرۆ گەنجەکی ب ناڤێ (ر. ک) د ژیێ 28 سالیێ دا کو خەلکێ کۆمەلگەھێ ب خوەیە، خوە ب گولەکا دەبانجێ کوشت”.
کەسەکێ نێزیکی روودانێ ب ناڤێ نائیف خانکی گۆت: “پشتی ئەم چووینە سەر کەلەخێ وی رەوشا وی یا نەباش بوو، لێ پشتی مە گەھاندیە نەخۆشخانا تەنگاڤیان ل دھۆکێ گیانێ خوە ژ دەست دا”.
دا زانین ژی کو ئەڤی کەسی گولە ل سەرێ خوە دابوو و رەوشا وی گەلەک یا ئالۆز بوو ژ بەر ھندێ ژی نەشیان بگەھیننە نەخۆشخانێ.
ئەڤی کەسی ئەو چەندە ژی دا زانین کو کوشتنا وی ژ ئەگەرێ نەخۆشیەکا دەرووونی بوویە و گۆت: نوشداریا داد ئاگەھدار کرین کو وی ب خوە گولە دانایە سەرێ خوە”.

ئه‌ڤرۆ نيوز:

ئه‌ندامه‌كا جڤاتا نوونه‌رێن عيراقێ راگه‌هاند كو د ناڤا بودجێ 2015 يێ حوكمه‌تا عيراقێ دا چار ترليۆن دينار بۆ ئاواران هاتينه‌ ته‌رخانكرن.

نه‌جيبا نه‌جيب ئه‌نداما جڤاتا نوونه‌رێن عيراقێ ل سه‌ر ليستا پارتى ديموكراتى كوردستان گۆت: “ل سه‌ر داخوازيا وه‌زاره‌تا كۆچ و كۆچبه‌ران، د بوودجێ 2015 دا، كۆژمێ چار ترليۆن دينار بۆ ئاواران هاتينه‌ ته‌رخانكرن”.

زێده‌تر گۆت: “هه‌كه‌ ئه‌ڤ خاله‌ بهێته‌ په‌سه‌ندكرن، پێشبينى دكه‌م ئه‌و بارگرانيا ل سه‌ر هه‌رێمێ هه‌تا راده‌كى سڤك ببيت”، دا زانين ژى كو نوكه‌ دهۆك د ره‌وشه‌كا خراب دايه‌ ژ به‌ر كێميا ئه‌و پارێ بۆ وێ پارێزگه‌هێ بۆ خزمه‌تكرنا ئاواران هاتى، ب گۆره‌يى پێدڤيا وان نينه‌

ئاشكه‌را ژى كر كو چه‌و چار ترليۆنه‌ دێ بۆ دابينكرنا جهێ حه‌واندن و كرينا پێدڤيێن ئاواران و دابينكرنا خوارنێ و سوته‌مه‌نيێ هێنه‌ مه‌زاختن.

نه‌جيبا نه‌جيب دا زانين ژى كو ئه‌و پارێ بۆ گه‌شه‌پێدانا پارێزگه‌هان ل مووسل ژ بودجا 2014 هاتيه‌ ته‌رخانكرن بكه‌ڤيته‌ د خزمه‌تا ئاواران دا ب تايبه‌ت د ماوێ گرتنا وێ پارێزگه‌هێ دا ژ لايێ داعش ڤه‌.

زێده‌تر ژ مليۆنه‌ك و 500 هزار په‌نابه‌رێن ئاواره‌ ل هه‌رێما كوردستانێ د بنه‌جهن و ژ ئه‌گه‌رێ قه‌يرانێن دارايى و شه‌رێ داعش بارگرانيه‌كا مه‌زن كه‌فتيه‌ سه‌ر هه‌رێما كوردستانێ.

ئه‌ڤرۆ نيوز، نيوار محه‌مه‌د سه‌ليم:

په‌رله‌مانێ كوردستانێ ب گۆره‌يى په‌يرۆێ خوه‌ يێ ناڤخۆ بڕياره‌ دو هه‌يڤان بهێنڤه‌دانا خوه‌ يا وه‌رزێ زڤستانێ وه‌ربگريت و د ڤى ماوه‌يى دا ب تنێ روونشتنێن په‌رله‌مانى نابن و كارێ لژنا دێ يێ به‌رده‌وام بيت، به‌لێ ئه‌ندامه‌كێ لژنا قانوونى ل په‌رله‌مانى ئاماژێ ب وێ چه‌ندێ دكه‌ت كو د بيت حه‌فتيه‌كێ دويان هه‌تا هه‌يڤه‌كێ ئه‌ڤ بهێنڤه‌دانه‌ بهێته‌ پاشخستن.

ڤه‌مان فه‌يسه‌ل، ئه‌ندامێ لژنانا قانوونى ل په‌رله‌مانێ كوردستانێ بۆ ئه‌ڤرۆ نيوز گۆت: “ب گۆره‌يى په‌يره‌وێ ناڤخۆ يێ په‌رله‌مانى بهێنڤه‌دانا زڤستانێ يا په‌رله‌مانى دو هه‌يڤه‌، به‌لێ ئه‌و بهێن ڤه‌دان د لژنان دا نا راوه‌ستيت و دێ كارێ وان يێ به‌رده‌وام بيت و ب تنێ قانوون ده‌رناچن”.

ل سالا ئێكێ يا ڤێ خۆلا په‌رله‌مانى، هه‌تا نوكه‌ خواندنا ئێكێ بۆ نێزيكى 84 پرۆژێن قانوونان و بڕياران هاتيه‌ كرن و خه‌فت قانوون ژى په‌سه‌ند كرينه‌ و 30 بڕيار ژى ده‌ركرينه‌، ڤه‌مان فه‌يسه‌ل گۆت: “ژ به‌ر هندێ دێ مفايى ژ بهێنڤه‌دانێ وه‌رگريت دا كو لژنه‌ باپۆرتێن خوه‌ ل سه‌ر پرۆژان ته‌مام بكه‌ن و ب ده‌سپێكرنا روونشتنان كارى بۆ په‌سه‌ندكرنا وان بكه‌ن”.

ئه‌ندامێ لژنا قانوونى ئاماژه‌ ب وێ چه‌ندێ ژى كر كو د شيانێن په‌رله‌مانى دا د ڤى ماوه‌يى دا كۆمبوونێن نه‌ئاسايى ژى ئه‌نجام بده‌ن، هه‌كه‌ هه‌ر حاله‌ت و پرسه‌كا گرنگ هه‌بيت و گۆت: “د ڤێ حه‌فتيێ دا دێ بڕيارێ ل سه‌ر ده‌ين كا ماوێ بهێنڤه‌دانا په‌رله‌مانى بۆ هه‌يڤه‌كێ يان ژى حه‌فتيه‌كێ دويان بهێته‌ زێده‌كرن، ب تايبه‌ت دێ گه‌له‌ك باشتر بيت هه‌كه‌ ژ هه‌يڤا ئێك و دو ببيته‌ هه‌يڤا دو و سێ كو د هه‌يڤا سێ دا گه‌له‌ك بهێنڤه‌دان هه‌نه‌ ل وى ده‌مى دێ مفا ژ وى ده‌مى ژى هێته‌ ديتن”.

ب گۆره‌يى په‌يره‌وێ ناڤخۆ يێ په‌رله‌مانێ كوردستانێ ژ رێكه‌فتى 1\1\2015 هه‌تا 1\3\2015 دێ بهێنڤه‌دانا زڤستانێ بيت، به‌لێ هه‌كه‌ هات و پرۆژێ قانوونا بودجێ چوو ناڤا په‌رله‌مانى، ئه‌وان ماف نينه‌ بهێنڤه‌دانێ ب راگه‌هينن هه‌تا كو دهێته‌ په‌سه‌ند كرن.

ه‌مان فه‌يسه‌ل، ئه‌ندامێ لژنانا قانوونى ل په‌رله‌مانێ كوردستانێ دا زانين ژى كو ئه‌و پێشبينى دكه‌ت بهێنڤه‌دان بهێته‌ پاشختن ب تايبه‌ت كو گه‌له‌ك پرۆژێن قانوونێن گرنگ ل به‌ر ده‌ستن پێدڤيه‌ ل ڤى ماوه‌يى ب دووماهى بهێن وه‌كو پرۆژێ دستوورێ هه‌رێما كوردستانێ و قانوونا ده‌رخستنا په‌ترۆلێ و گه‌له‌كێن دى.

ئه‌ڤرۆ نيوز:

ژ ئه‌نجامێ ڤه‌گه‌راندنا هژماره‌كا زۆر كوشتيێن داعش ئه‌وێن ب زوورى برينه‌ شه‌رى ل ده‌ڤه‌را شنگال، كه‌سوكارێن وان كه‌سان ل سه‌نته‌رێ باژێرێ مووسل ده‌ست ل خوه‌ نيشادانێ كر.

ب گۆره‌يى ژێده‌ره‌كى كو باسنيوز به‌لاڤكريه‌ كه‌سوكارێن وان كه‌سێن ل ناڤ داعش هاتينه‌ كوشتن يێن ب زوورى برينه‌ شه‌رى، رژيانه‌ سه‌ر جادان و دوريشم ل دژى چه‌كدارێن داعش بلند كرن، به‌رامبه‌ر وێ چه‌ندێ ژى چه‌كدارێن داعش ته‌قه‌ ل خوه‌نيشانده‌ران كرن.

ئه‌ڤه‌ بۆ ماوێ سێ رۆژانه ل هه‌موو ميحوه‌ران پێشمه‌رگێ كوردستانێ هێرش كره‌ سه‌ر داعش ل ده‌ڤه‌را شنگال و د ڤان رۆژان دا زێده‌ترى سێ هه‌يڤێن بۆرى ژ ئه‌ردێ ل ژێر ده‌ستێ چه‌كدارێن داعش ڤه‌گه‌رانديه‌.

ئه‌ڤرۆ نيوز:

سوبه‌هى بڕياره‌ مووچێ وه‌زاره‌تا خواندنا بلند و ڤه‌كۆلينێن زانستى و كار و كاروبارێن جڤاكى و كێم ئه‌ندام و چاڤدێريا جڤاكى ل حوكمه‌تا هه‌رێما كوردستانێ هێته‌ به‌لاڤكرن.

ب گۆره‌يى ئه‌و ژێده‌رێن ل به‌ر ده‌ست ئه‌ڤرۆ نيوز راگه‌هاند كو سوبه‌هى رۆژا ئێكشه‌مبى رێكه‌فتى 21\12\2014 بڕياره‌ مووچێ وه‌زاره‌تا خواندنا بلند و ڤه‌كۆلينێن زانستى و كار و كاروبارێن جڤاكى و كێم ئه‌ندام و چاڤدێريا جڤاكى ل حوكمه‌تا هه‌رێما كوردستانێ هێته‌ به‌لاڤكرن.

ئه‌ڤرۆ ژى سه‌ره‌رايى وێ چه‌ندێ كو بهێنڤه‌دانا فه‌رمى بوو، مووچێ هه‌ر ئێك ژ وه‌زاره‌تێن په‌روه‌ردێ و كاره‌بێ ل حوكمه‌تا هه‌رێما كوردستانێ هاتنه‌ به‌لاڤكرن.

ئەڤرۆ نیوز، لەزگین جۆقی:

بەرپرسێ لقێ 17 يێ پارتی دیموکراتی کوردستان بۆ ئەڤرۆ نیوز راگەھاند ھێزێن پێشمەرگێ کوردستانێ نوکە چوونە د ناڤ قەزا شنگال دا و شەر یێ بەردەوامە و د ده‌مه‌کێ زۆر کورت دا دێ شنگال ب تەمامێ ژ دەستین تیرورستان ھێتە رزگارکرن.

سەعید شنگالی بەرپرسێ لقێ 17 يێ پارتی دیموکراتی کوردستان بۆ ئەڤرۆ نیوز گۆت: “د چەندین میحەوەران دا ھێرش بۆ سەر شنگال دەستپێکر، د ئەنجام دا پێشمەرگێ کوردستانێ گەھشتنە ناڤ شنگال دا و تیرورست یی د رەڤن و نەشێن بەرگريێ ژ خوە بکەن”.

زێده‌تر گۆت: “ھژمارەکا زۆر يا تیرورستان ھاتنە کوشتن و شەرێ رزگارکرنا شنگال ب سەرپەرشتیا سەرۆک بارزانی دەستپێکر، نوکە شنگال یا دھێتە رزگارکرن، ھەتا دەمەکێ دێ کێم، ھەموو تاخ وکولانێن شنگال دێ هێنه‌ زرگار كرن.

مه‌سعود بارزانى، سه‌رۆكێ هه‌رێما كوردستانێ

ئه‌ڤرۆ نيوز:

ئه‌ڤرۆ د په‌يوه‌نديه‌كا تله‌فۆنى دا، سه‌رۆك كۆمارێ عيراقا فيدرال، د. فوئاد مه‌عسوم، پيرۆزباهى ل سه‌رۆكێ هه‌رێما كوردستانێ كر ب هه‌لكه‌فتا سه‌ركه‌فتنێن مه‌زنێن پێشمه‌رگه‌يى ل ده‌ڤه‌را شنگال و ده‌ستخۆشى ژى ل هێزێن پێشمه‌رگه‌يى كر بۆ وێ سه‌ركه‌فتنا مه‌زن.

د لايه‌كێ دى دوهى ئێڤارى، سه‌رۆك وه‌زيرێن عيراقێ، حه‌يده‌ر عه‌بادى، پيرۆزباهيا سه‌ركه‌فتنا مه‌زنا هێزێن پێشمه‌رگه‌يى ل سه‌رۆك بارزانى كر ب تايبه‌ت بۆ شنكاندنا گه‌مارۆدانا سه‌رێ چيايێ شنگال يا ئاواران و ده‌ستخۆشى ل پێشمه‌رگێ كوردستانێ كر و پشته‌ڤانيا خوه‌ ژى بۆ هه‌موو هاريكاريه‌كێ ژ لايێ حوكمه‌تا عيراقێ ڤه‌ ده‌ربڕى.

ئه‌ڤرۆ سێ رۆژه‌ د هێرشه‌كا به‌رفره‌هـ دا، پێشمه‌رگێ كوردستانێ ب ره‌نگه‌كێ گه‌له‌ك به‌رفره‌هـ ده‌ڤه‌رێن دكه‌ڤنه‌ بن كۆنترۆلا داعش ل سنورێ قه‌زا شنگال رزگار كرن و ب گۆره‌يى داخۆيانيێن سه‌ركردێن له‌شكرى بڕياره‌ ئه‌ڤرۆ ئازاديا شنگال ب راگه‌هينن.

ئةرشيف

ئه‌ڤرۆ نيوز، ئۆمێد وه‌لاتى:

ژێده‌ره‌كى ژ ناڤا پێشمه‌رگێ گۆلا بۆ ئه‌ڤرۆ نيوز راگه‌هاند كو درێژه‌دان د پێشره‌ويێن داعش دا، زێده‌ترى 70 كه‌سان ژ ولاتيێن سڤيل و داعش خوه‌ دايه‌ ده‌ست پێشمه‌رگێ كوردستانێ و عوێنات ژى ب ته‌مامى هاته‌ رزگار كرن.

ئه‌ڤى ژێده‌رێ ئه‌ڤرۆ نيوز پاراستن ل سه‌ر ناڤێ وى كرى دا، گۆت: “هێزێن پێشمه‌رگه‌يى حه‌وزا عوه‌ينات كو نێزيكى 2700 كيلۆمه‌ترايه‌ گرت و زێده‌ترى 70 كه‌سان ژى ژ وه‌لاتيێن سڤيل و داعش خوه‌ دايه‌ ده‌ست داعش”.

ئه‌ڤى ژێده‌رى دا زانين ژى كو پێشمه‌رگه‌ د ڤێ هێرشا خوه‌ دا گه‌له‌ك يێ هشياره‌ و هه‌تا نوكه‌ هژماره‌كا مه‌زن يا مين و ته‌قه‌مه‌نيان كو ل به‌ر وان هاتبوونه‌ ڤه‌دان ژ ناڤبرينه‌ ب تايبه‌ت ئه‌وێن ل ده‌وروبه‌رێن ئالايێن خوه‌ چاندين.

ئەڤرۆ نیوز، لەزگین جۆقی:

قایمقامێ قەزا  شنگال بۆ ئەڤرۆ نیوز دیارکر کو ھێزێن پێشمەرگێ کوردستانێ نوکە گۆندێ عەرەبان ل نیزیک سنونێ ب ناڤێ ئه‌بۆ وه‌ليد کونترۆلکر و پێشمەرگێ کوردستانێ بەرەڤ گۆندێ عه‌ملە یێ عەرەبان ڤە دچن و  وەختەکێ گەلەک نێزیک دێ مزگینیێن مەزن ل سەر دەستێن پێشمەرگێ کوردستانێ ھێنە راگەھاندن.

مەیسەر حەجی قایمقامێ قەزا شنگال گۆتژى: “تیرورست وەکو رووڤیا یێ درەڤن و نەشێن خوە ل بەر سینگێ پێشمەرگێ کوردستانێ بگرن و زیانێن زۆر مەزن گەھشتنە تیرورستان”.

زێده‌تر گۆت: “باوەر ناکەم ئێدى تیرورست بزاڤێ بكه‌ن کارێن تیرورستی ئەنجام بدەن، چونکو ڤێ جارێ پێشمەرگێ کوردستانێ وانەک نیشا تیرورستان دا، ئێدی نەوێرن جھێ ناڤێ پێشمەرگه‌يى لێ بیت خوە نێزیک بکەن، نوکە خوە کوژێن داعش یێ كەلەخێن خوە بجهـ دھێلن و ژ شنگال يێ بەر ب سوریا دچن”.

website security