NO IORG
نیوار/بەرهەفکرن

ئه‌ڤرۆ نيوز:

د کەڤندا و ب تایبەتی د جڤاکێ کوردەواری دا تاتو دھاتە چێکرن بۆ ژن و ‏زەلامان ژ بۆ مەرەما جوانیێ، لێ دوی دەمی دا ئامیرێن پێشکەفتی نەبوون کو ‏ھەموو جور و نەخشێن تاتویا بھێنە چێکرن، لەورا ب رەژیێ و شیری دھاتنە ‏چێکرن، لێ نھا گەلەک ئامیرو دەرمانێن پێشکەفتی دەرکەفتینە و گەلەک جورێن ‏تاتویا دھێنە چێکرن و ژێبرن.‏

ھونەر حسێن، شێوەکار و ھوستایێ چێکرنا تاتویە کو ل سەنتەرەکێ چێکرنا تاتوی ‏کار دکەت و دبێژت: پتریا وان کەسێن دھێن تاتوی ل سەر دەستێ خوە چێدکەن ‏کچن و رۆژانە ھەتا ھەشت کچان دھێنە دەف من تاتوی بۆ چێدکەم کو دھێن ‏ناڤێن ھەڤالێن خوە ل سەر دەستێ خوە چێدکەن.‏

ھونەر گۆتژی: ڤێ تاتوی ئەم چێدکەین بۆ دەمێ شەش ھەیڤان و د بەرێ دا ب ‏شیری و رەژیێ تاتو چێدکرن ل سەر دەستان و نھا د پەشێمانن، یان جوان نە ‏چێکریە، لەوما دھێنە لدەف مە ژێ دبەن و ب رێژا 90% دھێتە ژێبرن و د جڤاکێ ‏مە یێ کوردی دا تاتو نە تشتەکێ جوانە، بەلێ ھێدی ھێدی یا دبیتە نەریتەک د ‏جڤاکی دا.‏

ھەروەسا ھونەر گۆت: پتریا وان کەسێن تاتوی بۆ خوە چێدکەن ب رێیا تورا ‏جڤاکی یا سناپی پەیوەندیێ ب مە دکەن و ھەر وێنەک یان ناڤەکێ وان ڤیا دشێن ‏ب رێیا ڤێ تورێ ببینن و بھێن بخوە چێکەن.‏

مەتین سەفەر، ڤەکولەرێ دەروونی دیار کر کو چێکرنا تاتوی ل سەر لەشی چ ‏ژلایێ کوران، یان کچان ڤە بیت بتنێ بۆ مەرەما جوانیێ یە و جوانی ژی ئێک ژ ‏سیمایێن گەشبینیێ و ئارامیێ و خوەشیێ یە کا چاوا دەمێ کچ مکیاژی ددانیت و ‏جوان دبیت و ئارام دبیت وەسان کچ ب چێکرنا تاتوی ژی ئارام دبیت و گۆت: ‏چونکی ئەو تاتویە بۆ جوانیێ ل سەر لەشێ خوە چێکریە، بەلی َد جڤاکێ کوردی دا ‏ب تایبەتی بۆ کچێ ئەڤ تشتە ب شەرمە و نەجوانە و پتریا خەلکی ژی ب چاڤەکێ ‏کێم سەح دکەنێ و ئەڤ کچە دکەڤیتە بەر رەخنەگرتنێ و کێم دیتنێ و ئەڤ ‏چەندە ژی دبیتە رەنگڤەدانەکا نەرینی ل سەر مەزاج و ئارامیا وێ کچێ، بەلی ‏َدمینتە ل سەر کەساتیا وێ کا ھەتا چ رادە دشێت بەرھنگاری داب و نەریتان ببیت ‏ژبۆ پاراستانا ئازادی و ئارامیا خوە.‏

رۆژان سەبری، ڤەکولەرا جڤاکی دیار کر کو دکەڤندا باب و باپیرێن مە دەق و ‏نیشان بتنێ ل سەر دەست و ئەنیێن خوە چێدکرن نھا گەنجێن مە ژ کورو کچان ‏فێر بووینە تاتوی ل سەر دەستێن خوە چێدکەن چ وێنە بن یان ھەر نیشانەک و ‏ناڤەک بیت و گەلەک جاران ژی کچ تاتوی بکار دئینن بۆ جوانیا بریێن خوە و ئەڤ ‏یەکە ژی ل دەڤ کچان بوویە نەریت و چێکرتا ڤان تاتویا ژی چاڤلێکرنا وەلاتێن ‏بیانیە و دبیت ل دەف گەلەک کەسان ئەو کەسێن تاتوی ل سەر دەست و پارچێن ‏لەشێ خوە چێدکەن بھێنە ھژمارتن ژ مرۆڤێن نەباش و گۆت: چونکی ئەڤە نە ‏ژداب و نەرێتێن مەیە و دبیت ل گەل جڤاکی کوردی نەگونجیت.‏

ژ لایێ ئاینی ڤە مەلا سەرمەد جەمیل دیار کر کو پێغەمبەرێ مە (سلاڤ لێ بن) ‏دبێژت: لەعنەت ل وی کەسی بن یێ تاتوی ددانیتە ل سەر لەشێ خوە و ئەو کەسێ ‏بۆ خەلکی چێدکەت و گۆت: لەورا ئەو کەسێ بێ بەھرە ژ دلوڤانیا خودێ، چونکی ‏خودێ مرۆڤ یێ دروستکری و ژنوو کەسەک رابیت ب چێکرنا تاتوی ل سەر ‏ئەندامەکێ لەشێ خوە و ب گوھۆریت و ژبلی ڤێ چەندێ ژی زیانە بۆ لەشی و ھەر ‏تشتەکێ ببیتە زیان بۆ لەشی حەرامە.‏

ئه‌ڤرۆ نيوز:

شارەزایەکێ دەروونی ئاشکرا کر کو ھندەک ژ کافتریا و جھێن فرۆتنا نارگیلێ دەرمانێن ‏ھۆشبەر دکەنە دناڤ نارگیلێ دا و بکاردئینن بۆ راکێشانا گەنجان و گۆت: ئێک ژ نەخۆشیێن ‏دەروونی یێن ڤی سەردەمی بکارئینانا ماددێن ھۆشبەرە بێی کو گەنج ئاگەھدار بن، لەوما ‏پێدڤیە ب ھووری چاڤدێریا کافتریا و جھێن نارگیلێ بھێتە کرن.‏

تەنیا بەدرەدین، شارەزایێ دەروونی تایبەت بۆ رۆژناما ئەڤرۆ دیار کر کو نەخۆشیێن ‏دەروونی گۆھۆڕین ل سەردا ھاتیە و گۆت: ل گورەی ئەو دووڤچوونا مە بۆ کری دەرکەفتیە ‏کو نھا جۆرەکێ نەساخیێ یێ بەلاف دبیت دناڤ جڤاکێ مەدا ئەو ژی بکارئینانا ماددێن ‏ھۆشبەرە بێی کو گەنجێن مە د ئاگەھدار بن، ئەو ژی ب رێیا تێکەلکرنا ماددێن ھۆشبەر ل ‏گەل نارگیلێ و نھا ھندک ژ کافیێن ھەرێما کوردستانێ ماددێن ھۆشبەر دکەنە دناڤ نارگیلێ ‏دا و ددەنە گەنجێن سەرەدانا وان دکەن.‏

تەنیا زێدەتر گۆت: لەوڕا گەنج بێی کو د ئاگەھدار بن تووشی ماددێن ھۆشبەر دبن و ‏بەردەوام ژلایێ دەروونیڤە د ئاسایی نینن و ھەتا نەچنە ئەوێ کافیێ و نارگیلێ بکار ‏نەئینن ئاسایی نابن.‏

تەنیا بەدرەدین د بەردەوامیا ئاخفتنێن خوە دا گۆت: بەری دو ھەیڤان نەخۆشەکێ ‏سەرەدانا من کر و پشتی چەندین بزاڤان بۆ مە دەرنەکەفت ئەگەرێن نەخۆشیا ئەڤی ‏گەنجی یا دەروونی چنە، بەلێ مە پشکنین بۆ ئەنجام دان و دەرکەفت ژلایێ ئێک ژ کافتریا ‏دەرمانێ ھۆشبەر ھاتیە بکارئینان دناڤا نارگیلێ دا و چەندین گەنج تووشی نەخۆشیا ‏دەروونی بووینە و ھەتا نەچنە ئەڤێ کافیێ ھەست ب ئارامیێ و ئاسایی بوونێ ناکەن.‏

تەنیا بەدرەدین ئەو چەندە ژی گۆت: ماددێن ھۆشبەر ئێکە ژ نەخۆشیێن ڤی سەردەمی و ‏پێدڤیە وەلاتی د ئاگەھدار بن بتایبەتی تەخا گەنجان ب ھشیاری ڤە سەرەدەریێ بکەن و ‏نەچنە ھەموو کافی و جھەکێ فرۆتنا نارگیلێ دا کو تووشی ماددێن ھۆشبەر نەبن، چونکی ‏بێی کو مرۆڤ ئاگەھدار بیت ھندەک کافی دەرمانێن ھۆشبەر تێکەلی نارگیلێ دکەن.‏

ھەروەسا شارەزایێ دەروونی گۆت: مەرەم ژ ئەڤی کارێ خراب و مەترسیدار ئەوە داکو ‏گەنج بەردەوام سەرەدانا ئەڤان جھان بکەن و بکڕێن خوە زێدە بکەن، لەوڕا پێدڤیە ‏حوکمەت و لایەنێن پەیوەندیدار چاڤدێریەکا ھوور ل سەر ئەڤان جھێن بکارئینانا نارگیلێ ‏ددانن بەرۆڤاژی مەترسیەکا زۆر ل سەر گەنجان پەیدا کریە.‏

ئه‌ڤرۆ نيوز:

بسپۆرەکێ ئابوری ئاماژە بڤێ چەندێ دکەت ھەتا سالا داھاتی حوکمەت نەشێت رەوشا ‏مووچێ فەرمانبەران ئاسایی بکەت و دیارکر، پارەیەکێ زۆرێ ھەرێما کوردستانێ د ھالک ‏بانکدا عاسێ بویە و ژبەر سزایێن نێڤدەولەتی لسەر تورکیا ھەرێم نەشێت ددەمێ نوکەدا ‏ئەڤی پارەی راکێشیت.‏

دکتۆر ھاشم زێباری، بسپۆرێ ئابوری بۆ رۆژناما ئەڤرۆ گۆت”‏‎ ‎ھەرێما کوردستانێ رۆژانە ‏زێدەتر ل 250 ھزار بەرمیلێن پەتڕۆلێ تنێریت بازاڕێت جیھانێ و کو داھاتێ پەتڕۆلێ ‏دگەھیتە ناڤبەرا 400 ھەتا 450 ملیار دینارێن بۆ حوکمەتێ ڤەدگەڕن، دگەل داھاتێ ‏نافخۆ کو نزێکی 130 ملیار دینارن دگەل پارێ بەغدا ھەیڤانە 317 ملیار دینارن ھەموو ‏داھات دگەھیتە 895 ملیار دینارێن عێراقی، کەواتە داھاتێ ھەرێما کوردستانێ بەھرا دانا ‏مووچێ فەرمانبەران ھەیە بێی چو بڕینەک، بەلێ ئاریشە د چەند خالەکادایە، یا ئێکێ ‏ژبەر ناکۆکیێن لسەر گرێبەستێن پەتڕۆلێ ھەی پەتڕۆلا ھەرێما کوردستانێ د بازاڕی دا ‏بھایەکێ کێمتر دھێتە فرۆتن، ئەڤەژی گورەی راپۆرتا دیۆلێت، مخابن ھەموو ولاتێن جیھانێ ‏و کۆمپانی بەرھەڤنینە پەتڕۆلا ھەرێما کوردستانێ ب بھایێ رۆژانە بکڕن و ئەرزانتر دھێتە ‏فرۆتن، تنێ پەتڕۆلا ھەرێما کوردستانێ ب رێیا تورکیا دھێتە فرۆتن، ھەگەر عێراق ئێک ‏بەرمیلا پەتڕۆلێ ب 69 دۆلاران یان ھندەک کێمترژی بفرۆشیت ئەڤە ھەرێم ئێک بەرمیلا ‏پەتڕۆلێ کێمتر ل 50 دۆلاران دفرۆشیت، ئەڤە ئێک ژوان ئاریشەیان.‏

ئەڤی بسپۆرێ ئابوری گۆتژی” ئێک ژ ئاریشەیێن دی کو حوکمەت نەشێت ئەڤسالەدا ‏پاشەکەفتا لسەر موچێ فەرمانبەران لاببەت بۆ قەڕێن زۆر ڤەدگەڕیت یێن سالێن بۆری، ئێک ‏ئاریشەیێن مە وەک شارەزایێن ئابوری ھەی حوکمەت ئامار و داتایێن دروست بەلاف ناکەت، ‏لەوڕاژی ب دروستی نوزانین حوکمەتێ چەند قەڕ کرینە سالێن بۆری، بتایبەتی قەڕێن ‏گشتی، بھەر حال وەک حوکمەتێ بەلافکری 25 ملیار دۆلاران ھەرێم یا قەڕدارە، کەواتە زۆر ‏گرێبەست ھەنە دگەل رۆسنەفت و گەنەل ئێنێرژی گرێبەست ھەمبەر وەرگرتنا پەتڕۆلێ ‏ھاتینەکرن، ئەف شێوەیێ گرێبەستێن ھاتینەکرن کۆمپانیێن بیانی کرینە بەشدار د پڕۆژێن ‏وەبەرئیانا پەتڕۆلێ دا.‏

دکتۆر ھاشم زێباری دیارکر” ھەموو پارێ فرۆتنا پەتڕۆلا ھەرێما کوردستانێ دچیتە ‏بانکەکا تورکیا بناڤێ ھالک بانک، ل ئەنقەرە ئەف بانکەژی کەفتیە بن سزایێن ئەمریکا ‏بۆسەر وەلاتێ تورکیا، بڤێ چەندێ ژی پارەیەکێ زۆرێ فرۆتنا پەتڕۆلا ھەرێما کوردستانێ ‏دناڤا ھالک بانکدایە و ھەرێم نەشێت کێشیت ژبەر ئەڤان سزایێن نێڤدەولەتی، ژبەر ئەڤان ‏ئەگەرێن من بەحسکری ھەتا سالا داھاتی حوکمەتا ھەرێما کوردستانێ نەشێت رەوشا دانا ‏مووچێن فەرمانبەران ئاسایی بکەت، حوکمەتا ھەرێما کوردستانێ پەتڕۆلا ھەراج کریە و ل ‏دەرڤەی بڕیارێن رێکخراوا ئۆپێک دفرۆشیت و بۆیە ئەگەرێ ڤێ چەندێ بھایەکێ زۆرێ ‏کێمتر بھێتە فرۆتن.‏

د. ئه‌حمه‌د ئه‌نوره‌، سه‌رۆكێ ده‌سته‌يا ده‌ستپاكيا هه‌رێمێ

ئەڤرۆ نيوز:

سەرۆکێ دەستەیا نەزاھا ھەرێما کوردستانێ بۆ رۆژناما ئەڤرۆ دیار کر، د ئەڤ سالە دا ‏ھژمارەکا کەیسێن گەندەلیێ ل دام و دەزگەھێن حوکمەتا ھەرێما کوردستانێ ھاتینە ‏تۆمارکرن و بۆ دادگەھان ھاتینە ھنارتن و دبێژیت: 32 کەیسێن گەندەلیێ ل پارێزگەھێن ‏ھەرێما کوردستانێ ب دووماھی ھاتینە و 15 کەیسان ژی بڕیارا تۆمەتبارکرنێ ل سەر ‏ئاشکرا بوویە.‏

د. ئەحمەد ئەنوەر، سەرۆکێ دەستەیا نەزاھا ھەرێما کوردستانێ خویا ژی کر، د شەش ‏ھەیڤێن دەستپێکا ئەڤ سالە دا، 112 کەیسێن گەندەلیێ ھاتینە تۆمارکرن، ژ وان ژی 18 ‏کەیسێن گەندەلیێ ل پارێزگەھا دھۆکێ، 56 ل ھەولێرێ و 38 کەیس ژی ل سلێمانیێ ‏بوون و گۆت: “بڕیارا دووماھیێ یا دادگەھان بۆ 15 کەیسان دەرکەفتیە، شەش کەیس ‏ھاتینە بەردان و 11 کەیسان ژی لێبۆرینا گشتی بۆ دەرکەفتیە”.‏

گۆتژی: “ل پارێزگەھا دھۆکێ نەە کەیسێن گەندەلیێ ل دادگەھا تاوانانە و نەە ژی ل ‏دادگەھا کەتنێ نە”.‏

ل دۆر وان کەیسێن گەندەلیێ، کا پتر د چ بیاڤ دابوون، دکتۆر ئەحمەد گۆت: “ئەو کەیسە د ‏بیاڤێن جودا یێن گەندەلیێ دابوون و ھەموویان پەیوەندی ب گەندەلیێ ڤە ھەبوو، مینا: ‏دزی، بەرتیل، خراب بکارئینانا دەستھەلاتێ بۆ بەڕژەوەندیا تایبەت، دەستکەفتێن ‏نەشەرعی و چەند جۆرێن دی یێن گەندەلیێ، تۆمەتبار ژی بەرپرس، فەرمانبەر و کەسێن ‏جوراوجورن”.‏

ئه‌ڤرۆ نيوز:

بەرپرسێ ھۆبا راگەھاندنێ ل ئوفیسا دھۆکێ یا کۆمسیونا سەربخوە یا ھەلبژارتن و ‏راپرسیێ ل ھەرێما کوردستانێ دیار کر، ھەتا نوکە نێزیکی 5% وەلاتیێن دھۆکێ سەرەدانا ‏بنگەھێن تۆمارکرنا دەنگدەران کری نە.‏

جیھاد حەمید، بەرپرسێ ھۆبا راگەھاندنێ ل ئوفیسا دھۆکێ یا کۆمسیونا سەربخوە یا ‏ھەلبژارتن و راپرسیێ بۆ رۆژناما ئەڤرۆ دیار کر، کۆمسیۆنا بلندا سەربخوە یا ھەلبژارتن و ‏راپرسیێ ل ھەرێما کوردستانێ بڕیار دابوو، ھەتا 11-8-2018 وەلاتی سەرەدانا بنگەھێن ‏تۆمارکرنا دەندەران بکەن بۆ تۆمارکرنا ناڤێن خوە، لێ ژ بەر کو رێژەکا گەلەک کێم یا ‏وەلاتیان سەرەدانا بنگەھان کربوو، کۆمسیۆنێ ئەو دەمە بۆ 16-8-2018 درێژ کر و گۆت: ‏‏”ھەتا نوکە نێزیکی 5% وەلاتیێن دھۆکێ سەرەدانا بنگەھێن تۆمارکرنا دەنگدەران کری نە ‏بۆ تۆمارکرنا ناڤێن خوە”.‏

جیھادی خویا ژی کر، گەلەک زەحمەتە کۆمسیۆن جارەکا دی ڤی ژڤانی درێژ بکەت، ژ ‏بەرکو دەلیڤە نەمایە، داکو ئەو ناڤێن د ھێنە ڤەگوھاستن یان ئاریشەک تێدا ھەبیت یان ‏دھێنە گوھۆڕین کۆمسیۆن ل ھەولێرێ چارەکەت و گۆت: “ھندەک ناڤ ل سەر تۆمارێ ‏زێدەبووینە یان ھندەکان خوە ڤەگوھاستیە، لەو دڤێت ھەتا 1ئیلۆنێ کۆمسیۆن وان تمام ‏بکەت، داکو ناڤێ وان کەسێن خوە ژ بنگەھەکی بۆ ئێکێ دی ڤەگوھاستی ناڤێن وان ل وان ‏بنگەھان بھێن”.‏

ئه‌ڤرۆ نيوز:

رەوشا ئابووری یا تورکیا و پرسێن د ناڤبەرا تورکیا و ئەمریکا دا د رۆژەڤا سەرکردێن وەلاتێن ‏جیھانێ دانە و د ڤێ مژارێ دا ئیمانوێل ماکرۆن سەرۆک کۆمارێ فرەنسا راگەھاند کو دڤێت ل ‏تورکیا دادگەە و بەنکا ناڤەندی سەربخوە بن و پرسێن ل گەل ئێکەتیا ئورۆپا و ئەمریکا ب رێیا ‏دبلۆماسیێ بھێنە چارە کرن و گۆت: (ئەم دخوازین د چارچۆڤێ ھەڤپەیمانیا ئەتلانتیک (ناتۆ) دا ‏پرسێن ل گەل تورکیا بھێنە گەنگەشە کرن و دەستێوەردانێن دەستھەلاتدارێن تورکیا د بەنکا ‏ناڤەندی و دادگەھان دا نەمینیت و د وارێن سیاسی و ئابووری دا ریفۆرمێن پێدڤی بھێنە کرن).‏

سەباستیان کورز سەرۆک وەزیرێن نەمسا ژی راگەھاند کو گرنگە تورکیا پێنگاڤێن ئەرێنی بۆ ‏چارەکرنا قەیرانا ئابووری ب ھاڤێژیت و رێنماییێن ئێکەتیا ئورۆپا د وارێن مافێن مرۆڤی، ‏دیمۆکراسیێ و ئابووریێ دا ب جدی وەربگریت و گۆت: (نابیت ھەموو دەستھەلات ل وەلاتەکی ‏بکەڤیتە دەستێ کەسەکی دا و تایبەت ژی گرنگە کو بەنکا ناڤەندی و دادگەە ھەردەم سەربخوە بن و ‏دەستھەلاتدار دەستێوەردانێ د کارێن دادگەھان و بەنکا ناڤەندی دا نەکەن).‏

ھەر د ڤێ مژارێ دا ئەنجێلا مێرکەل شیرەتکارا ئەلمانیا ژی راگەھاند بو وان گرنگە کو ئابووریا ‏تورکیا بھێز بیت و دیمۆکراسی و مافێن مرۆڤی د ئاستا ھەری بلند دا بن و گۆت: (تێکچونا ئابووریا ‏تورکیا ئانکۆ قەیرانێن ئابووری و سیاسی یێن تورکیا نە د بەرژەوەندیا چ وەلاتەکی جیھانێ دانە و ‏بۆ ڤێ یەکێ ژی دڤێت حوکمەتا تورکیا ژی پێنگاڤان ب ھاڤێژیت و خوە د ھەموو ئالیان دا نێزیکی ‏ئورۆپا بکەت، ژ بەر کو ئەم گرنگیێ ددەینە ئارامیێ و رەوشا ئابووری و سیاسی یا تورکیا و بۆ ‏رزگاربوونا ژ قەیرانا ئابووری ژی پێدڤیە بەنکا ناڤەندی سەربخوە بیت و دادگەە بێ ئالی بن و نە د ‏بن کۆنترۆلا دەستھەلاتێ دا بن).‏

شیرەتکارا ئەلمانیا راگەھاند ژی کو د رۆژێن داھاتی دا دێ سەرۆک کۆمارێ تورکیا سەرەدانا ئەلمانیا ‏کەت و گۆت: (بەرنامێ مە یێ گەنگەشێ ل گەل سەرۆک کۆمارێ تورکیا دیارە و ئەم دخوازین ‏ھەموو پرسێن د ناڤبەرا خوە دا ب دانوستاندنان و دبلۆماسیێ چارە بکەین و بۆ ڤێ چەندێ پێدڤیە ‏حوکمەتا تورکیا پێنگاڤان ب ھاڤێژیت و دێ ل گەل بەرێز ئەردۆگانی رەوشا ئابووری، سیاسی، رەوشا ‏مافێن مرۆڤی، دیمۆکراسیێ، گرتنا رۆژنامەڤان و سیاسەتمەداران گەنگەشە کەین و دیسان رەوشا ‏سووریێ ژی دێ بابەتەکا دی یا گەنگەشا مە بیت).‏

ئه‌ڤرۆ نيوز:

سەرۆکێ پارتا ئازادیا کوردستانێ دیار دکەت کو ئیران نھا د ھەموو بیاڤەکێ دا تووشی قەیرانێ ‏ھاتیە و ب تایبەتی قەیرانا شەرعیەتێ و خوەنیشادانێن ل سەرێ سالێ ھەتا نھا ل ھەموو ئیرانێ ژی ‏نیشا ددەن کو ئێدی گەلێن ئیرانێ ب گشتی ژ سیستەمێ بێزار بووینە، بۆ رۆژھەلاتێ کوردستانێ ژی ‏دڤێت ئەم وانان ژ ئەزموونێن بۆری وەربگرین و خەلکێ خوە نەکەینە قوربانی و دڤێت خوە بۆ ‏قۆناغا داھاتی بەرھەڤ بکەین و چاڤەرێ دەلیڤان بین.‏

حسێن یەزدانپەناهـ سەرۆکێ پارتا ئازادیا کوردستانێ د دیدارەکا تایبەت دا بۆ رۆژناما ئەڤرۆ دیار ‏کر کو دەمەکە دەستھەلاتا نھا ل ئیرانێ شەرعیەتا خوە ژ دەست دایە، سەرێ سالێ ھەتا نھا ژی ‏خوەنیشادان ب رەنگێن جودا جودا ل پرانیا باژێرێن ئیرانێ ھەنە، ئەو یەک ژی نیشا ددەت کو ‏ھەموو نەتەوێن نھا ل ئیرانێ دژین ل دژی ڤێ دەستھەلاتێ نە و دخوازن دەستھەلاتا ئیرانێ ژناڤ ‏بچیت، درووشم و داخوازیێن خەلکی ژی ھەموو بۆ ژناڤچوونا ڤێ دەستھەلاتێ نە و گۆت: (ئیران ‏تووشی قەیرانەکا ھەموو ئالی بوویە، قەیرانا سیاسی، ئابووری و جڤاکی و نھا رەوشا ژیانا وەلاتیان ‏ل ئیرانێ گەلەکێ خراب بوویە، ھەموو تاکێن ئیرانی گەھشتینە ڤێ باوەریێ کو ھەتا دەستھەلاتا نھا ‏یا ئیسلامی ل ئیرانێ ھەبیت خەلک ناگەھنە مافێن خوە و ئازاد نابن و ژ بەر ھندێ ژی داخوازا ‏نەمانا دەستھەلاتا ئیرانێ دکەن).‏

سەرۆکێ پارتا ئازادیا کوردستانێ د پشکەکا دی یا ئاخڤتنا خوە دا ئەو یەک ژی دیار کر کو رەوشا ‏رۆژھەلاتێ کوردستانێ بێگومان جودایە و داخوازیێن کوردان ژی ل ئیرانێ جودانە، چونکو ب سالانە ‏کورد ل ئیرانێ بۆ مافێن خوە یێن نەتەوی شەری دکەن و ب ھزاران شەھید بۆ ڤێ ئارمانجا پیرۆز ‏داینە و خەباتا مە ھەتا نھا ژی یا بەردەوامە، نابیت پارتێن رۆژھەلاتێ کوردستانێ خوە بکەنە ‏پشکەک ژ ئۆپۆزسیۆنا ئیرانێ، چونکو داخوازیا مە یا سەرەکی نھا رزگاریا نیشتمانی یە، وەلاتێ مە ‏ھاتیە داگیرکرن و ئەم وەکو پارتا ئازادیا کوردستانێ بۆ ئازادیا وەلاتێ خوە خەباتێ دکەین و گۆت: ‏‏(من دڤێت بێژم کو ئەرکێ مە ل چاڤ ئۆپۆزسیۆنا ئیرانێ جودایە، ئەو نھا شەری دکەن کو ل ‏تەھرانێ ببنە دەستھەلاتدار، ھەلویستێ وان ل دۆر مافێ کوردان ل ئیرانێ ژی خرابە ژ بەر ھندێ ‏ئەز دبێژم نابیت ئەم ببینە پشکەک ژ ئۆپۆزسیۆنا ئیرانێ، دڤێت ئەم خوە ب ھەموو رەنگەکێ بۆ ‏قۆناغا داھاتی ل ئیرانێ و رۆژھەلاتێ کوردستانێ بەرھەڤ بکەین).‏

ل دۆر ستراتیژیا پارتێن سیاسی یێن رۆژھەلاتێ کوردستانێ بۆ ڤێ قۆناغێ ژی سەرۆکێ پارتا ئازادیا ‏کوردستانێ دیار کر کو بەری ھەر تشتەکێ من دڤێت بێژم کو ھەتا نھا ژی ھەلویستێ جڤاکێ ‏نێڤدەولەتی و ئەو ھێزێن کو داخوازا ژناڤچوونا ئیرانێ دکەن ل دۆر مافێ کوردان ل رۆژھەلاتێ ‏کوردستانێ زەلال نینە، ژ بەر ھندێ ژی دڤێت پارتێن سیاسی یێن رۆژھەلاتێ کوردستانێ وانان ژ ‏ئەزموونێن بەرێ وەربگرن و لاوێن کورد نەکەنە قوربانی، دڤێت ئەم سیاسەتا چاڤەرێ بوون ئانکۆ ‏مفا وەرگرتن ژ دەلیڤان بۆ خوە ئەساس وەربگرین، دڤێت ئەم بزانین کا چ تشتەک د بەرژەوەندیا ‏وەلاتێ مە دایە دڤێت ئەم ڤێ بکەین و گۆت: (ھەتا نھا دیار نینە کا دێ ئاراستا گوھۆرینێن نھا ل ‏ئیرانێ بەر ب کیڤە بچن، ژ بەر ھندێ ژی باشترین کارێ کو نھا ل رۆژھەلاتێ کوردستانێ بھێتە کرن ‏ئەڤە کو ئەم خوە ب ھەموو رەنگەکێ بەرھەڤ بکەین و چاڤەرێ دەلیڤا بین، مخابن ھەتا نھا چو ‏بەرھەڤی نەھاتینە کرن و یا ھەری پێدڤی کو نھا بھێتە کرن ژی دروستکرنا بەرەیێ کوردستانی یە ‏ل رۆژھەلاتێ کوردستانێ کو بشێت بۆ ھەر پێشھاتەکێ بەرھەڤ بیت).‏

حسێن یەزدانپەناهـ ئەو یەک ژی دیار کر کو نھا ئەرکێ مە یێ سەرەکی ژناڤبرنا رژێما ئیرانێ نینە، ‏چونکو براستی ژی ئەو یەک بارەک گرانە و دڤێت ئەم ب جھێ ھندێ کار بۆ رزگاریا نیشتمانی ‏بکەین، ئەم وەکو پارتا ئازادیا کوردستانێ دبێژین کو نھا دەمەکێ گونجایە کو ئەم کار بۆ بەرەیەکێ ‏کوردستانی بکەین و خوە بۆ ھەر گوھۆڕینەکێ ل ئیرانێ بەرھەڤ بکەین، گەلێ مە ل رۆژھەلاتێ ‏کوردستانێ بۆ شۆرەشێ بەرھەڤە و ئەو چاڤەرێ نە کو پارتێن سیاسی بریارەکا دروست و ھەڤپشک ‏بدەن و گۆت: (دڤێت ھەموو پارتێن رۆژھەلاتێ کوردستانێ نھا ل سەر ستراتیژیەکا ھەڤپشک بۆ ‏رزگاریا نیشتمانی ل رۆژھەلاتێ کوردستانێ کار بکەن، مخابن ھەتا نھا ئەڤ پێکڤە کارکرنە دروست ‏نەبوویە و ھەر ئالیەک ل گۆر بەرنامێ خوە کار دکەت).‏

سەرۆکێ پارتا ئازادیا کوردستان د دووماھیا ئاخڤتنا خوە دا ژی ئەو یەک دیار کر کو دڤێت پارتێن ‏سیاسی ب جھێ خەلکێ مە ل رۆژھەلاتێ کوردستانێ بریار نەدەن، ھندەک ئالێ دبێژن مە فیدرالی ‏دڤێت ھندەک بەحسێ کۆنفیدراسیۆنا دیموکراتیک دکەن و ئالیەکێ دی تشتەکێ جوداتر دبێژیت، ‏دڤێت پارتێن سیاسی زەمینێ بۆ خەلکی خوەش بکەن و رێ بدەن دا خەلک بریارا دووماھیێ بۆ خوە ‏بدەن، چونکو دڤێت ژبیر نەکەین بریارا مافێ چارەنڤیسێ ل رۆژھەلاتێ کوردستانێ د دەستێ ‏خەلکی دایە و دڤێت ھەموو پارت و ئالیێن سیاسی یێن رۆژھەلاتێ کوردستانێ ژی ڤێ راستیێ باش ‏بدەنە بەرچاڤ و گۆت: (نھا دەمەکێ گونجایە کو بەرەیێ کوردستانێ بھێتە ئاڤاکرن و وەکو سازیەکا ‏نەتەوی کار بکەت و بشێت بریارا شەری یان ژی ئاشتیێ و ھەموو بریارێن دی بۆ پاشەرۆژا ‏رۆژھەلاتێ کوردستانێ بدەت، ژبیر نەکەین ھەتا بەرەیەکێ کوردستانی ل رۆژھەلات نەھێتە ئاڤاکرن ‏ئەم نەشێین دەست ب دبلۆماسیەکا سەرکەفتی بۆ پاشەرۆژا گەلێ خوە د ئاستێ جیھانی دا بکەین، ‏چونکو ھەکە رەوشا قەیراناوی یا ئیرانێ وەسا بەردەوام بیت دڤێت کورد خوە بۆ ھەر پێشھاتەکێ ‏بەرھەڤ بکەن و نھا باشترین تشت ئاڤاکرنا بەرەیێ کوردستانی یە کو بشێت بریارێن گرنگ بۆ ‏بەرژەوەندیا گەلێ مە ل رۆژھەلاتێ کوردستانێ بدەت).‏

ئەڤرۆ‎ نيوز:

بەرپرسێ‎ ‎جڤاتا‎ ‎سەرکردایەتیا‎ ‎پارتی‎ ‎دیموکراتی‎ ‎کوردستان‎ ‎ل‎ ‎کەرکووک‎ – ‎گەرمیان‎ ‎راگەھاند،‎ ‎کەرکووک‎ ‎باژێرەکێ‎ ‎داگیرکریە‎ ‎وھەتا‎ ‎نومە‎ ‎دھێتە‎ ‎تەعریبکرن‎ ‎وپشتی‎ 16 ‎ئوکتۆبەرێ‎ ‎ھەتا‎ ‎نوکە‎ 12 ‎ھزار‎ ‎خێزانێن‎ ‎عەرەب‎ ‎یێن‎ ‎ل‎ ‎کەرکووکێ‎ ‎ھاتینە‎ ‎ئاکنجیکرن،‎ ‎لەوما‎ ‎پارتی‎ ‎دیموکراتی‎ ‎کوردستان‎ ‎ب‎ ‎سەربلندی‎ ‎وکەرامەت‎ ‎نەبیت‎ ‎ب‎ ‎بن‎ ‎دەستی‎ ‎ناڤەگەریت‎ ‎بۆ‎ ‎کەرکووکێ‎.‎

پشتی‎ ‎خیانەتا‎ 16 ‎ئوکتۆبەرێ‎ ‎ھەتا‎ ‎نوکە‎ ‎پرۆسا‎ ‎تەعریبێ‎ ‎ل‎ ‎باژێرێ‎ ‎کەرکووکێ‎ ‎یا‎ ‎دەست‎ ‎پێکری‎ ‎وبەردەوام‎ ‎خیزانێن‎ ‎عەرەب‎ ‎ل‎ ‎باشوور‎ ‎وناڤەراستا‎ ‎عیراقێ‎ ‎دھێنە‎ ‎ئاکنجیکرن‎ ‎ل‎ ‎وی‎ ‎باژێری‎ ‎ب‎ ‎مەرەما‎ ‎وێ‎ ‎چەندێ‎ ‎دەستھەلاتا‎ ‎کوردی‎ ‎ل‎ ‎وی‎ ‎باژێری‎ ‎کێم‎ ‎ببیت‎ ‎ویا‎ ‎عەرەبی‎ ‎زێدەتر‎ ‎بیت‎.‎
ل‎ ‎دۆر‎ ‎وێ‎ ‎چەندێ،‎ ‎بەرپرسێ‎ ‎جڤاتا‎ ‎سەرکردایەتیا‎ ‎پارتی‎ ‎دیموکراتی‎ ‎کوردستان‎ ‎ل‎ ‎کەرکووک‎ – ‎گەرمیان‎ ‎کەمال‎ ‎کەرکووکی‎ ‎دکۆنگرەکێ‎ ‎رۆژنامەڤانی‎ ‎دا‎ ‎راگەھاند‎” ‎ئەم‎ ‎ب‎ ‎وێ‎ ‎ئومێدی‎ ‎یین‎ ‎ھاتین‎ ‎بۆ‎ ‎ڤێرێ‎ ‎کار‎ ‎بکەین‎ ‎بۆ‎ ‎خزمەتکرنا‎ ‎کەرکووکێ‎ ‎وگەرمیان‎ ‎بۆ‎ ‎وێ‎ ‎چەندێ‎ ‎پارتی‎ ‎ب‎ ‎ھیز‎ ‎بیت،‎ ‎چونکی‎ ‎ل‎ ‎ھەر‎ ‎جھەکێ‎ ‎پارتی‎ ‎ب‎ ‎ھێز‎ ‎بیت‎ ‎کوردستان‎ ‎بەر‎ ‎ب‎ ‎سەربخوەیێ‎ ‎وسەرکەفتنێ‎ ‎دچیت‎ ‎وئەو‎ ‎ھەموو‎ ‎تۆمەتێن‎ ‎بۆ‎ ‎پارتی‎ ‎ھاتینە‎ ‎دروستکرن‎ ‎بەروڤاژی‎ ‎وتنێ‎ ‎پارتی‎ ‎یە‎ ‎بۆ‎ ‎رزگاریا‎ ‎گەلێ‎ ‎کوردستانێ‎ ‎ب‎ ‎پاقژی‎ ‎کاردکەت،‎ ‎لەوما‎ ‎پشتا‎ ‎مە‎ ‎ب‎ ‎خەلکێ‎ ‎کەرکووکێ‎ ‎وگەرمیان‎ ‎یا‎ ‎قایمە‎”.‎

سەبارەت‎ ‎ڤەکرنا‎ ‎رێیا‎ ‎کەرکووک‎ – ‎ھەولێر‎ ‎،‎ ‎کەمال‎ ‎کەرکووکی‎ ‎گۆت‎” ‎رێککەفتن‎ ‎دناڤبەرا‎ ‎ھەرێما‎ ‎کوردستانێ‎ ‎وبەغدا‎ ‎یا‎ ‎ھاتیە‎ ‎کرن‎ ‎بۆ‎ ‎ڤەکرنا‎ ‎رێیا‎ ‎کەرکووک‎ – ‎ھەولێر‎ ‎وسەرۆک‎ ‎بارزانی‎ ‎وسەرۆکێ‎ ‎حوکمەتا‎ ‎ھەرێما‎ ‎کوردستانێ‎ ‎وپارتی‎ ‎گەلەک‎ ‎بزاڤ‎ ‎کرینە‎ ‎بۆ‎ ‎ڤەکرنا‎ ‎وێ‎ ‎رێ‎ ‎چونکی‎ ‎ئەم‎ ‎ل‎ ‎گەل‎ ‎خوەشگوزەرانیا‎ ‎خەلکی‎ ‎نە‎ ‎نەکو‎ ‎کێشە‎ ‎بۆ‎ ‎خەلکی‎ ‎بھێتە‎ ‎دروستکرن‎ ‎وئەو‎ ‎شەرێ‎ ‎ل‎ ‎پردێ‎ ‎ژی‎ ‎ھاتیە‎ ‎کرن‎ ‎ئەرک‎ ‎بوو‎ ‎بھێتە‎ ‎کرن،‎ ‎ژبەرکو‎ ‎کوردستان‎ ‎دمەترسیێ‎ ‎دا‎ ‎بوو‎ ‎وئەم‎ ‎نەچووینە‎ ‎سەر‎ ‎وان،‎ ‎بەلکو‎ ‎وان‎ ‎ھێرش‎ ‎کربوو،‎ ‎لەوما‎ ‎رێککەفتن‎ ‎یا‎ ‎ھاتیە‎ ‎کرن‎ ‎ونوکە‎ ‎پرەکا‎ ‎ئاسنی‎ ‎یا‎ ‎ھاتیە‎ ‎دانان‎ ‎وبەری‎ ‎جەژنا‎ ‎قوربانی‎ ‎دێ‎ ‎ھاتنوچوون‎ ‎دناڤبەرا‎ ‎کەرکووک‎ – ‎ھەولێر‎ ‎دەستپێکەت،‎ ‎ھەکە‎ ‎کێشە‎ ‎بۆ‎ ‎نەھێتە‎ ‎دروستکرن،‎ ‎ئەگەر‎ ‎نە‎ ‎ئەم‎ ‎دبەرھەڤین‎ ‎بۆ‎ ‎ڤەکرنا‎ ‎وێ‎ ‎رێ‎”.‎

ل‎ ‎دۆر‎ ‎زڤرینا‎ ‎پارتی‎ ‎بۆ‎ ‎کەرکووکێ،‎ ‎بەرپرسێ‎ ‎جڤاتا‎ ‎سەرکردایەتیا‎ ‎پارتی‎ ‎ل‎ ‎کەرکووک‎- ‎گەرمیان‎ ‎گۆت‎”‎کەرکووک‎ ‎یا‎ ‎ھاتیە‎ ‎داگیرکرن‎ ‎وکۆدەتا‎ ‎یا‎ ‎ل‎ ‎سەر‎ ‎ھاتیە‎ ‎کرن‎ ‎کو‎ ‎مخابن‎ ‎ل‎ ‎‎16 ‎ئوکتۆبەرێ‎ ‎گرۆپەکێ‎ ‎خیانەتکار‎ ‎ھاریکاریا‎ ‎وان‎ ‎لایەنان‎ ‎کر‎ ‎کو‎ ‎دخواست‎ ‎دەستکەفتێن‎ ‎کوردستانێ‎ ‎تێک‎ ‎بدەن‎ ‎وبۆ‎ ‎بەرژەوەندیا‎ ‎کەسایەتی‎ ‎یا‎ ‎خوە،‎ ‎کەرکووک‎ ‎رادەستی‎ ‎داگیرکەران‎ ‎کر‎ ‎وشەرێن‎ ‎پردێ‎ ‎وسحێلا‎ ‎کوردستان‎ ‎پاراست‎ ‎ودەمێ‎ ‎پارتی‎ ‎دزڤریت‎ ‎بۆ‎ ‎کەرکووکێ‎ ‎ب‎ ‎کەرامەت‎ ‎وسەربلندی‎ ‎نەکو‎ ‎ب‎ ‎بن‎ ‎دەستی‎ ‎وئەوێن‎ ‎خوینا‎ ‎خیانەتێ‎ ‎ژدەستدا‎ ‎بیت،‎ ‎بالا‎ ‎دەست‎ ‎بن‎”.‎

کەمال‎ ‎کەرکووکی‎ ‎گۆت‎ ‎ژی‎” ‎چەندین‎ ‎گرۆپێن‎ ‎حەشدا‎ ‎شەعبی‎ ‎وپۆلیسێن‎ ‎فیدرالی‎ ‎ودژە‎ ‎تیرۆر‎ ‎ومیلیشیێن‎ ‎جودا‎ ‎جودا‎ ‎یێن‎ ‎دناڤ‎ ‎کەرکووکێ‎ ‎دا‎ ‎ھەین‎ ‎وپشتی‎ 16 ‎ئوکتۆبەرێ‎ ‎وھەتا‎ ‎نوکە‎ 12 ‎ھزار‎ ‎خێزان‎ ‎ژ‎ ‎باشوور‎ ‎وناڤەراستا‎ ‎عیراقێ‎ ‎یێن‎ ‎ل‎ ‎کەرکووکێ‎ ‎ھاتینە‎ ‎ئاکنجیکرن‎ ‎ومژوولی‎ ‎دانا‎ ‎ئەردێ‎ ‎چاندنێ‎ ‎نە‎ ‎ژی‎ ‎بۆ‎ ‎عەرەبان‎ ‎کو‎ ‎ژجھێن‎ ‎دی‎ ‎یێن‎ ‎ئیناینە‎ ‎کەرکووکێ‎ ‎بۆ‎ ‎تەعریبکرنا‎ ‎وێ،‎ ‎لەوما‎ ‎پێدڤیە‎ ‎ئەڤە‎ ‎بھێتە‎ ‎چارەسەرکرن‎ ‎وشڤ‎ ‎ورۆژ‎ ‎کاربکەین‎ ‎بۆ‎ ‎چارەسەکرنا‎ ‎وان‎ ‎کێشان‎”.‎

ئەڤرۆ نيوز:

پشتی کۆمبوونا ل گەل سەرۆک کۆمارێ تورکیا، سەرۆک وەزیرێن عیراقێ راگەھاند، ‏تورکیا سۆز دایە کو عیراق دێ پشکا خوە ژ ئاڤا دیجلە و فوراتی ب تەمامی ‏وەرگریت و گۆت:(عیراق رێ نادەت ل سەر ئاخا وێ چو گرۆپەک مەترسیێ ل سەر ‏ئاسایشا تورکیا دروست بکەت).‏

حەیدەر عەبادی ئاشکرا ژی کر کو کۆمبوونا ل گەل رەجەب تەیب ئەردۆگان ‏بەحسێ پرسا تیرۆر، ئاڤ و وزێ و چەند پرسێن دی کریە و گۆت: (ئەردۆگان ‏دوپات کر کو تورکیا دێ یا پێگیری سۆزێن خوە بیت و دێ د ئاڤەدانکرنا عیراقێ دا ‏یا ھاریکار بیت و پێشوازیێ ژی ل ڤەکرنا قونسلخانا تورکیا ل مووسل دکەن).‏

سەرۆکێ توریکا و سەرۆک وەزیرێن عیراقێ ل دۆر پەترۆلا کەرکووکێ دانوستاندن ‏کرن و عەبادی گۆت:(دێ کار کەین بۆ وێ چەندێ پەترۆلا کەرکووکێ ب زووترین ‏دەم ب رێیا تورکیا بھنێرینە دەرڤە).‏

ئەردۆگان ژی کۆمبوونا ل گەل عەبادی ب باشی ب ناڤ کر و راگەھاند، رێزێ ل ‏سەروەریا ئاخا عیراقێ دگرین و عیراقێ قوناغێن داعش و ریفراندۆمێ دەربازکرن ‏و ئەم ھەردەم گرفتێن عیراقێ ب یێن خوە دزانین و عیراق و تورکیا د گەلەک ‏بابەتان دا ئێک چارەنڤیسێ ھەی.‏

ل دۆر پەکەکێ، ئەردۆگان گۆت:(مە بۆچوونا خوە ل دۆر پەکەکێ بۆ عەبادی دیار ‏کر و ل گەل عیراقێ ل دۆر رووبرووبوونا تیرۆرێ د ھەڤڕاینە).‏
سەرۆکێ تورکیا ئاشکرا ژی کر کو تورکمانێن کەرکووکێ رووبروو ھێرش و ‏تالانکرنێ بووینە و گۆت:(ئەم ل سەر ڤەکرنا دەرگەھەکێ سنووری یێ نوو ل گەل ‏عیراقێ یێن رێککەفتین).‏

ئه‌ڤرۆ نيوز:

رێڤه‌به‌ريا هاتنوچوونا پارێزگه‌ها دهۆكێ ل قه‌زا زاخۆ راگه‌هاند كو ئه‌وان پشكا دانا سزايێن سه‌ر ترۆمبێلان ب قست خسته‌ كارى.

د راگه‌هاندنه‌كێ دا كو رێڤه‌به‌را هاتنوچوونا زاخۆ به‌لاڤكريه‌، تێدا ئاگه‌هداريا هه‌موو شوفێران دكه‌ت كو هۆبا تۆماركرنا پشكا دانا سزايان “غرامات” ل سه‌ر ترۆمبێلان ب قست هاته‌ ڤه‌كرن، هه‌ر وه‌لاتيه‌كێ بڤێت سزايێ ل سه‌ر ترۆمبێلا خوه‌ بده‌ت دشێت ب ره‌نگێ قست د ماوێ ساله‌كێ دا بده‌ت.

website security