NO IORG
نووترين نووچه

ئەڤرۆ نیوز:

وەزارەتا ساخلەمیا هەرێما کوردستانێ راگەهاند کو د ماوەیێ ٢٤ دەمژمێرێن بۆری دا ل هەرێما کوردستانێ ٤٩ کەس تووشی ڤایرۆسێ کۆرۆنایێ بووینە و نەخوشەک ژی مریە.

وەزارەتا ساخلەمیێ ئەو یەک ژی دیار کر کو ژ دوهی وەرە ٩٤٤ نەخوشێن کۆرۆنایێ ژی ل هەرێما کوردستانێ چارەسەر بووینە.

ل پارێزگەها دهۆکێ ژی ٣٨ کەسێن دی تووشی کۆرۆنایێ بووینە و چو حالەتێن مرنێ نەهاتینە تۆمار کرن، هەروەسا ل پارێزگەها دهۆکێ ٣٧٦ نەخوشێن کۆرۆنایێ چارەسەر بووینە.

ئه‌ڤرۆ نیوز:

وه‌زاره‌تا دارایی و ئابووری یا حكومه‌تا هه‌رێما كوردستانێ د نڤیساره‌كێ دا دیاركریه‌ كۆ دێ پاره‌یێ سێ هه‌یڤێن مامۆستایێن وانه‌ بێژ مه‌زێخیت.

لگۆری نڤیسارا وه‌زاره‌تا دارایی و ئابووری یا حكومه‌تا هه‌رێما كوردستانێ، ره‌زامه‌ندی ل سه‌ر مه‌زاختنا موچه‌یێ هه‌یڤێن 10 و 11 و 12 یێن سالا بوری یێن وانه‌ بێژان هاتیه‌ دان، رێژا پاره‌ی ژی چار ملیار و 675 ملیۆن دینارن.

د ئه‌وێ نڤیسارا وه‌زاره‌تا دارایی و ئابووری یا حكومه‌تا هه‌رێما كوردستانێ دا هاتیه‌ ژی، بۆ باوه‌رنامه‌یا به‌كالوریوس سه‌ردا 300 هزار دینارن بۆ هه‌ر هه‌یڤه‌كێ دێ هێته‌ مه‌زاختن، بۆ باوه‌رنامه‌یێن دبلوم ژی 250 هزار دینار دێ هێته‌ مه‌زاختن.

هه‌ژی گوتنێ یه‌ ل هه‌رێما كوردستانێ نوكه‌ نێزیكی 18 هزار وانه‌بێژ هه‌نه‌ و شایسته‌یێن دارایی پێ دهێنه‌ دان.

 

ئه‌ڤرۆ نیوز:

وه‌زاره‌تا ده‌رڤه‌یا ئه‌مریكا پرۆگرامه‌كێ وه‌رگرتنا په‌نابه‌رێن عیراقی را دگه‌هینیت.

دانیێل سمیس رێكخه‌رێ كارۆباری وه‌زاره‌تا ده‌رڤه‌یا ئه‌مریكا راگه‌هاند بزاڤ هاتیه‌كرن سیسته‌مێ ئه‌لكترۆنی یێ پرۆگرامێ ئه‌وان په‌نابه‌رێن  عیراقی یێن هه‌ڤكاریا هێزێن ئه‌مریكا كرین بهێنه‌ هاكرن و زانیاریێن وان بهێنه‌ دزین.

دانیێل ئه‌و چه‌نده‌ ژی راگه‌هاند بریار هاتیه‌ دان بۆ ده‌مێ 90 رۆژان پرۆگرام بهێته‌ راوه‌ستاندن بۆ ئه‌وێ چه‌ندێ پێداچوون د سیسته‌می دا بهێته‌كرن و خالێن لاواز یێن وێ بهیته‌ دیتن.

ئه‌و پرۆگرامێ وه‌زاره‌تا ده‌رڤه‌یا ئه‌مریكا تایبه‌ت ب پێدانا مافێ په‌نابه‌ریێ ب ئه‌وان وه‌لاتیێن عیراقی كو هه‌ڤكاریا هێزێن ئه‌مریكا كرین و كارێن وان بۆ پاراستنا ژیانا ئه‌وان عیراقیانه‌ ژ گه‌فان كۆ ب نه‌په‌نی دهێته‌كرن.

 

ئه‌ڤرۆ نیوز:

ئه‌ندامه‌كێ په‌رله‌مانێ كوردستانێ دیاركر پرۆسیسا خاندنا پۆلا دوازدێ نه‌بوویه‌ ئه‌گه‌رێ بلند بوونا توشبوویێن كۆرۆنایێ، دبیت به‌ری 1/3 پرۆسیسا خاندنێ یا پۆلێن دی ژی ده‌ست پێ بكه‌ت.

زێدان برادوستی ئه‌ندامێ لژنا په‌روه‌رده‌ و خاندنا بلند ل په‌رله‌مانێ كوردستانێ راگه‌هاند پشتی پرۆسیسا خاندنا پۆلا دوازدێ ل 16 ئه‌ڤێ هه‌یڤێ ده‌ستپێكری هه‌تا ئه‌ڤرۆ ڤایرۆسێ كۆرۆنایێ چ كارتێكرنه‌ك و پرۆسیس نه‌بوویه‌ ئه‌گه‌رێ بلندبوونا رێژا كۆرۆنایێ، هه‌كه‌ تا 2 هه‌یڤا بهێت بڤی شیێوه‌یی به‌رده‌وام بوو، كو ده‌مێ كۆمبوونا لژنا به‌رهنگاربوونا كۆرۆنایێ یه‌ دێ بریاره‌كا دی ده‌ربارێ پرۆسیسا خاندنێ ده‌ر كه‌ن.

ئه‌ندامێ لژنا په‌روه‌رده‌ و خاندنا بلند ل په‌رله‌مانێ كوردستانێ ئه‌و چه‌نده‌ ژی دازانین هه‌كه‌ به‌ری 1 ئادارێ، ده‌ست ب پرۆسیسا خاندنا پۆلێن دی ژ ئێكێ سه‌ره‌تای هه‌تا 11 ئاماده‌یی بهێنه‌ ڤه‌كرن، به‌لێ هه‌كه‌ ب بیته‌ ئه‌گه‌رێ بلند بوونا رێژه‌یا كۆرۆنایێ ل ناڤه‌ندێن خاندنێ، كارتێكرن ل سه‌ر پرۆسیسا خاندنێ دهێته‌كرن، هه‌كه‌ پرۆسیسا خاندنێ پاش بكه‌ڤیت ئه‌ڤه‌ دێ ژ كار كه‌ڤیت.

ئه‌ڤرۆ نیوز:

بریاره‌ ب مه‌به‌ستا دانوستاندنێ ده‌ربارێ پشكا هه‌رێما كوردستانێ ل بۆدجا 2021 یا عیراقێ شانده‌كێ حكومه‌تا هه‌رێمێ سه‌ره‌دانا به‌غدا بكه‌ت.

فارس عیسا نوونه‌رێ حكومه‌تا هه‌رێما كوردستانێ ل به‌غدا راگه‌هاند شانده‌ك ب سه‌رۆكاتیا ئاوات حه‌نابی وه‌زیرێ دارایی سه‌ره‌دانا به‌غدا دكه‌ت و ل گه‌ل لژنا دارایی یا جڤاتا نوونه‌رێن عیراقێ كۆم دبیت.

نوونه‌رێ حكومه‌تا هه‌رێما كوردستانێ ل به‌غدا ئه‌و چه‌نده‌ ژی دیاركر ئارمانجا سه‌ره‌دانێ دانوستاندنه‌ ل سه‌ر پشكا هه‌رێمێ ل بۆدجا عیراقێ كو نوكه‌ پرۆژه‌یێ یاسایێ ل جڤاتا نوونه‌رانه‌ و خواندنا ئێكێ بۆ هاتیه‌كرن.

فارس عیسای ئه‌و چه‌نده‌ ژی دا زانین هه‌تا نها چ ده‌مێن دیاریكری بۆ ئه‌وێ سه‌ره‌دانێ نه‌هاتینه‌ دانان.

 

ئەڤرۆ نیوز:

رێڤەبەرێ بەنداڤێن هەرێما کوردستانێ دیار کرییە، وەسا بریارە ب کوژمێ ٣٣ ملیار دیناران یازدە بەنداڤ ل هەرێما کوردستانێ بهێنە دروستکرن.

ئەکرەم ئەحمەدی گۆتیە ژی: بریارە یازدە بەنداڤێن دی ل دەڤەرێن جۆدا یێن هەرێما کوردستانێ دا بهێنە دروستکرن و بەرهەڤیێت تەمام بۆ وی کاری هاتینە کرن دیزاین ژی بۆ هاتینە کرن، ئەو بەنداڤە دێ ب کوژمێ ٣٣ ملیار دیناران هێنە دروستکرن، نوکە ئەم چاڤەرێ هندێ دکەین کو پارە بۆ وان بەنداڤان بهێتە تەرخانکرن و دەست ب جێبەجێکرنا وان بهێتە کرن.

ناڤهاتی گۆتیە ژی: ژ بلی وان یازدە بەنداڤان پێشنیار هاتییە کرن، نەهـ بەنداڤێن مەزنێن دی ژی ل هەرێمێ بهێنە دروستکرن، لێ وان پێدڤی ب ملیار دۆلاران هەیە و بریارە ل گەل دەستەیا وەبەرئینانێ و ژ ئالیێ وەبەرهێنەران ڤە ئەو بەنداڤە بهێنە دروستکرن.

نوکە ل هەرێما کوردستانێ پازدە بەنداڤ هەنە، کو شیانا خەزنکرن و کۆمڤەکرنا زێدەتری ١٠ ملیار مەترێن سێجا یێن ئاڤێ هەنە.

 

ئەڤرۆ نیوز ، مەحمود نهێلی:
فەرمانبەرەکێ رێڤەبەریا کارەبا ئامێدیێ د دەمێ کاری دا ئەڤرۆ 21/1/2021 د ستوونەکا کارەبێ دا دکەڤیت و بریندار دبیت و دهێتە رەوانەکرن بونەخوشخانا تەنگاڤیان ل دهوکێ.
ئەندازیار ئارام جەلال رێڤەبەرێ بەلاڤکرنا کارەبا ئامێدیێ بو ئەڤرۆ نیوز دیار کر، فەرمانبەرێ وان ب ناڤێ بەهزاد نەسرەت فەرمانبەرێ بەشێ رووناهیێ د دەمێ کاری دا توشی روودانا کەفتنێ بوویە و گۆت : زێدەباری وێ یەکی کو ڤی فەرمانبەری خوە گرێدابوو لێ قایشا وی دپرچیت و د ستوونێ دکەڤیتە ئەردی.
دیار کر، ژ ئەنجامێ ڤێ روودانێ پێیەکی ڤی فەرمانبەری شکەستیە و هاتیە رەوانەکرن بۆ نەخۆشخانا تەنگاڤیا ل دهوکێ.

ل باژێرێ پونێ سەر ب هەرێما ماهاراشترا ل هیندستانێ، مەزنترین کارگەها بەرهەمهئینانا ڤاکسینێ، کو سەر بە  پەیمانگەها پزیشکی سیرەمە و کار ل سەر دروستکردنا ڤاکسینێ کۆرۆنایێ دەکەت ئاگر بەربوویێ.
ب ئەگەرێ ئاگربەربوونێ راوەستاندنا بەرهەمهێنانا ڤاکسینێ ل وێ کارگەهێ، هاتیەکرن، کارگەهێ تاکو نها نێزیکێ 50 ملیۆن ڤاکسین بەرهەمئینایە. هەروەها گرێبەست ل گەل کۆمپانیا ئاسترازینیکا و زانکۆیا ئۆکسفۆرد هەیە بۆ بەرهەمهئینانا ملیارکا ڤاکسینان د سالا 2021دا.

 

وەزارەتا ساخلەمیا حکومەتا هەرێما کوردستانێ ئامارا 24 دەمژمێرێن بوری تایبەت ب ڤایرۆسێ کۆرۆنایێ راگەهاند 77 تووشبووییێن نوو هاتنە دەستنیشانکرن، چار توشبوو ژی مرینە و 923 تووشبوویێن بەرێ چاکبوون.
لگۆری راگەهاندنا وەزارەتا ساخلەمیا حکومەتا هەرێمێ، چوار هەزار و 130 پشکنینێن تایبەت ب ڤایرۆسی هاتینەکرن، ژ وێ ژمارێ بتنێ 77 کەس ئەنجامێن پشکنینێن وان پۆزەتیڤ بوون. زۆرترین تووشبوو ل دهۆک بوون.

رێکخراوا ساخلەمیا جیهانی: دەڤ مە چ مرن ب ڤاکسینێ نەهاتینە تومارکرن.

هاریکارێ رێڤەبەرێ گشتی یێ  رێکخراوێ (Mariângela Simão)یە، بەرازیلی یە و دژیێ 64 سالیێ دایە، راگەهاند د رێکخراوا مە دا  چ مردن ب ڤاکسینێ ڤایرۆسی نە هاتینە تومارکرن.

ئەڤ داخویانیا رێکخراوا ساخلەمیا جیهانی د دەمەکی دایە کو هاتبوو بلاڤکرن، ڤاکسینێ فایزەر چەند کەسەک کوشتی نە پشتی بکار ئیناین.

website security
WP Facebook Auto Publish Powered By : XYZScripts.com