NO IORG
نوزاد هلورى/داخۆیانی

ئەڤرۆ نیوز ، نەوزاد ھلۆری:

سپێدەیا ئەڤرۆ ھەتا نھا بەفر بارین ل سەنتەرێ قەزا ئامێدیێ و چیایێ گارە و چەند دەڤەرەکێن دن ل سنوورێ قەزا ئامێدیێ بەفر بارین بەردەوامە.

نێچیرڤان دیاب پولیسەکێ ھاتن و چوونێ یە ل سەنتەرێ قەزا ئامێدیێ و دەوروبەران بو ئەڤرۆ نیوز گۆت: ( سپێدەیا ئەڤرۆ بەفر بارین ل سەنتەرێ قەزا ئامێدیێ و سیلاڤێ و دەروبەران دەستپێکر و دەڤەر سپی کریە ، بەلێ نەبویە سەدەم کو رێک بھێنەگرتن ).

زێدەتر گۆت: ( ئەم وەکو پولیسێن ھاتن و چوونێ ل سیلاڤی َو جھێن دن د بەرھەڤیی َداینە بو ھاریکاریکرنا شوفێر و وەلاتیان داکو توشی چوو ئاریشە و کێشەیان نەبن ).

ژلایەکێ دنڤە جەلال بەرواری فەرمانبەر لسەر چیایێ گارەی بو ئەڤرۆ نیوز گۆت: ( ئەڤرو ل سەر چیایێ گارە و دەروبەران بەفرە باش بارییە و دڤەر سپی کریە ، ھندەک جھان ژی بویە سەدەم کو ترومبێل نەکارن وەکو پێدڤی ھاتن و چونێ بکەن ، بەلێ تیما رامالینا بەفرێ بو راکرنا بەفرێ ل سەر رێیا چیایێ گارە یا لسەر خەت و ئەو جھێن پێدڤی بەفرێ رادکەت ).

ئەڤ سالە ئەڤە دبیتە جارا سێیێ ل سنوورێ قەزا ئامێدیێ بەفر دباریت ، و ل گورەی پێشبینیان ئەڤ شەڤە ژی دێ پێلەکا بەفرێ ب سەر ئامێدیی َدا ھێت.

قەزا ئامێدیێ سنوور دارە ل گەل باکوورێ کوردستانێ و ب دەڤەرەکا سار و بەفرینی دھێتە نیاسین ، و ھزار و 400 مەتران ژ روویێ بەریایێ بلندە.

23897571_145994666160846_889049400_n 23898009_145994652827514_903017389_n 23899255_145994642827515_1167879199_n 23899480_145994636160849_1501239148_n 23899518_145994659494180_504539693_n 23972460_145994662827513_1256415504_n 24008651_145994656160847_726803329_n 24020132_145994639494182_2050962681_n snow

ڤيديۆ: ژ فه‌يسبۆكى هاتيه‌ وه‌رگرتن

ئه‌ڤرۆ نیوز ، هلۆرى:

گه‌نجه‌كێ كومه‌لگه‌ها سیریێ یا سه‌ر ب ناحیا شێلادزێ ل سنوورێ ده‌ڤه‌را ئامێدیێ ب دووباره‌كرنا داهێنانه‌كا بیانى ، 10 كیلویێن ماسیان پێكڤه‌ لسه‌ر رووبارێ شین گرتن.

دڤى واریدا ” ئه‌یوب رێكانى” ئه‌و گه‌نجه‌ بو ئه‌ڤرۆ نیوز گۆت: ( ماوه‌یه‌كێ زۆر هه‌ر جار جار دچمه‌ ماسیان و پرانیا جاران ژى ب تور و شوكان بویه‌ ، به‌لێ ڤێجارێ من ڤیا داهێنانه‌كا دوباره‌كرى كو یا بیانى بوو ، من شیان 10 كیلویێن ماسیان پێكڤه‌ بگرم) زێده‌تر گۆت: ( ئه‌و داهێنان پێكدهێت ژ لێدوانا دوو سندوقێن ته‌ماته‌یان پێكڤه‌ و پاشان دێ هه‌ڤیرى كه‌یه‌ د وان سندوقان دا و كه‌نه‌كێ لسه‌رێ هه‌ردوو سندوقان هێلى و كه‌یه‌ د ئاڤێ دا ، بڤى ره‌نگى دى َماسى دوان كونان دا چیته‌ خوارنا دناڤا سندوقێ دا و هه‌ر ماسیه‌كا كو بچته‌ د سندوقێ دا نكاریت ده‌ربكه‌ڤیت ڤه‌ ، و زور جاران ژى ئه‌و ماسیێن كو دچنه‌ د سندوقێ دا دبیته‌ پالده‌ر كو هنده‌ك ماسیێن دن ژى بولایێ خوه‌ و ناڤا سندوقێ بكێشیت)

ناڤبرى دیاركر ژى كو ئه‌وى لسه‌ر رووبارێ شین ل سنوورێ كومه‌لگه‌ها سیریێ ئه‌ڤ داهێنان ئه‌ڤرۆ رۆژا پێنجشه‌مبى رێكه‌فتى 23 چریا دوویێ 2017 تاقى كریه‌ و گۆت: ( ئه‌و كه‌سانێن كو ئه‌ڤێ رێكێ تاقى دكه‌ن پێدڤى یه‌ سندوقا خوه‌ باش گرێده‌ن و ب شه‌ڤ ب هێله‌ د رووبارى دا و سپێدێ سه‌حا سندوقێ بكه‌ن ئانكو گرنگه‌ پشتى ماوه‌یه‌كێ چه‌ندین ده‌مژمێران ژ نوو سه‌حا سندوقێ بهێته‌كرن)

ئه‌ڤرۆ نیۆز، هلۆرى:

ده‌زگه‌هێ روانگه‌ گه‌را چارێ یا خه‌لاتێن خوه‌ ل سه‌ر به‌هره‌مه‌ندێن گه‌نج  يێن ژيێ وان دناڤبه‌را 15 بۆ25 سالى دا به‌لاڤكرن، كو ژ چه‌ندین خه‌لاتان پێكدهاتن.

زیره‌ك ژێدار، رێڤه‌به‌رێ راگه‌هدنا ده‌زگه‌هێ روانگه‌ بۆ ئه‌ڤرۆ نیۆز گۆت،  ئێڤاريا ئه‌ڤرۆ پێنج شه‌مبى، ده‌زگه‌هێ روانگه‌ ده‌ست ب به‌لاڤكرنا گه‌را چارێ یا خه‌لاتێن روانگه‌ ب سه‌ر گه‌نج و لاوێن به‌هره‌مه‌ند به‌لاڤكرن.

زێده‌تر گۆت، ئه‌و خه‌لاتێن ئه‌ڤرۆ هاتینه‌ به‌لاڤكرن لسه‌ر گه‌نج و لاوان پێكدهێن  ژخه‌لاتێن ئێكه‌م و دووه‌م وسێه‌مێن د وارێ( كورته‌ فلم ، كورته‌ چێروك ، هونه‌رێ ریسایكلین ، فوتۆگرافى ، تاك ژه‌نیا موزیكێ ، داهێنانێن زانستى ، وێنه‌كێشان و ده‌ستپێشخه‌ریا كارى) دا بوون.

ئه‌ڤرۆ نیۆز، نه‌وزاد هلۆرى:

به‌رى نها هه‌موو ماسیێن گه‌لیێ زاویته‌ ژ كه‌ركوكێ دهاتن، به‌لێ پشتى تێكچوونا ره‌وشا كه‌ركوكێ، دنهادا ماسى ژهه‌ولێرێ و ده‌روبه‌ران بۆ گه‌لیێ زاویته‌ دهێنه‌ دابینكرن ، هنده‌ك ژى ب قاچاخى دگه‌هنه‌ زاویته‌ ،ئه‌ڤه‌ سه‌ره‌راى ‌وان ئالۆزیان 60% كارتێكرن ل بازارێ ماسیێن زاویته‌ كریه‌.

بێوار دوسكى سه‌ره‌دانا گه‌لیێ زاویته‌ كر بۆ خوارنا ماسى، بۆ ئه‌ڤرۆ نیۆز گۆت، گه‌لیێ زاویته‌ ناڤوده‌نگيه‌كا باش يا هه‌ى‌ و ئه‌و كه‌سێن ل ڤێره‌ كاردكه‌ن دشاره‌زانه‌ به‌رهه‌ڤكرنا خوارنا ماسی دا ، ئه‌ڤه‌ سه‌ره‌راى كو تام و خوه‌شیا ماسیێ گه‌لیێ زاویته‌ گه‌له‌ك خوشتره‌ ژ جهێن دى، ژبه‌ركو ماسیێ ڤێره‌ ژكه‌ركوكێ دهێن و ماسیێن كه‌ركوكێ ب ناڤوده‌نگن ژ بۆ تاما خوه‌، و ئه‌م وه‌كو هه‌ڤال هنده‌ك جاران دهێنه‌ ڤێره‌ بۆ خوارنا ماسیان.

نیوار محسن خودانێ خارنگه‌هه‌كێ يه‌ ل گه‌لیێ زاویته‌، دیاركر، تێكچوونا ره‌وشا كه‌ركوكێ 60% كارتێكرن ل بازارێ وان و كێمبوونا ماسیێن گه‌لیێ زاویته‌ كریه‌ و بۆ ئه‌ڤرۆ نیوز گۆت، به‌رى كه‌ركوك بكه‌ڤیته‌ دبن ده‌ستێ حه‌شد شه‌عبى و هێزێن عیراقى دا، هه‌موو ماسیێن گه‌لێ زاویته‌ ژ كه‌ركوكێ دهاتن ، به‌لێ تێكچوونا ره‌وشا كه‌ركوكێ كارتێكرنه‌كا مه‌زن ل سه‌ر هاتنا ماسیان و بازارێ فرۆتنا وان ل گه‌لیێ زاویته‌ كریه‌ ، ژبه‌ركو دنهادا ل شوونا ماسیێن كه‌ركوكێ، ماسى ژهه‌ولێرێ و ده‌روبه‌ران دهێن و خه‌لك وه‌كو به‌رێ ماسیان ل گه‌لیێ زاویته‌ ناكریت، چونكى ماسیێ كه‌ركوكێ يێ ب تام و خوه‌شتر بو و باشتر دهاته‌  ب خودانكرن ژى ،به‌لێ سه‌ره‌راى هه‌موو ئالۆزى و نه‌خوه‌شیان ژى، نها ب رێيێن قاچاخ رێژه‌یه‌كا ماسیان ژ كه‌ركوكێ دگه‌هنه‌ گه‌لیێ زاویته‌.

زێده‌تر گۆت، رۆژانه‌ زێده‌ترى هزار كیلویێن ماسیان ل سه‌ر چار هزار دیناران دگه‌هنه‌ گه‌لیێ زاویته‌  و ئه‌م ژى كیلویا ماسیان ل گه‌ل چێكرن و به‌رهه‌ڤكرنێ ب 15 هزار دیناران د فرۆشین  كو به‌رى نها ب 20 هزار دیناران دهاتنه‌ فروتن .

خودانێ خوارنگه‌ها ناڤبرى دیاركر ژى كو ل هه‌موو پارێزگه‌ها دهوكێ ب تنێ گه‌لیێ زاویته‌ وه‌كو جهه‌كێ گوزارى بۆ خوارنا ماسیان دهێته‌ نياسين ودڤێت حوكمه‌ت ڤێ چه‌ندێ ل به‌رچاڤ وه‌ربگريت وگۆت، بو پارێزگه‌ها دهۆكێ شانازیه‌ كو جهه‌كێ وه‌كو گه‌لیێ زاویته‌ ل سه‌ر ئاستێ كوردستانێ و دهۆكێ ب جهه‌كێ گوزارى بۆ خوارنا ماسیان بهێته‌ دیاركرنن.

خوياكر ژى، خه‌لك ژهه‌موو ده‌ڤه‌رين هه‌رێما كوردستانێ سه‌ره‌دانا گه‌لیێ زاویته‌ دكه‌ن، ژبه‌ركو كارمه‌ندێن تايبه‌ت ل ڤى جهى يێن هه‌ين كو دشاره‌زانه‌ دچێكرن وبه‌رهه‌ڤكرن و خه‌ملاندنا ماسى.

23899317_145574416202871_1265521465_n 23897740_145574406202872_54070248_n

ئه‌ڤرۆ نیۆز، نه‌وزاد هلۆرى:

ده‌مه‌ك به‌ریا نها دو زارۆك كو هه‌ردو برایێن ئێكبوون  د گۆمه‌كا ئاڤێ دا ل سنۆرێ كومه‌لگه‌ها چره‌ یا سه‌ر ب قه‌زا شێخان خه‌ندقین.

بێوار عه‌بدولعه‌زیز، به‌رپرسێ راگه‌هاندنا به‌ره‌ڤانیا باژێرى ل دهۆكێ بو ئه‌ڤرۆ نیوز گۆت، ده‌مه‌ك به‌ریا نها ل گوندێ (داره‌تویا عارف ئاغا) ل كومه‌لگه‌ها چره‌ یا سه‌ر ب قه‌زا شێخان ڤه‌، دو زارۆك كو برايێن هه‌ڤدو بوون  وناڤێن وان (سه‌روه‌ر عه‌بدولستار 7 سال، سه‌فوان عه‌بدالستار 10 سال) د گۆمه‌كا ئاڤێ دا خه‌ندقین.

بێوارى خوياكر، ئه‌و گۆما ئاڤێ ژلايێ حه‌فاره‌كێ هاتبوو‌ كولان وهه‌روه‌سا ژى هێلابوو.

زێده‌تر گۆت، ئه‌و هه‌ردو زارۆك ژلایێ خه‌لكێ ده‌ڤه‌رێ ژوێ گۆما ئاڤێ دا هاتینه‌ ده‌رئینان و ره‌وانه‌یێ نوشداريا  داد هاتینه‌كرن.

ئه‌ڤرۆ نیوز ، نه‌وزاد هلۆرى:

ئه‌ڤرۆ دادگه‌ها فیدرالى یا عیراقێ ئه‌نجامێن ریفراندۆما هه‌رێما كوردستان و ده‌ڤه‌رێن كوردستانیێن ده‌رڤه‌یێ كارگێریا هه‌رێما كوردستانێ و هه‌موو ئه‌و كارێن كو ژ ئه‌نجامێ ریفراندۆمێ هاتینه‌ پێش هه‌لوه‌شاندن ، ڤێ یه‌كێ كارڤه‌ندانێن زۆر ده‌زگه‌هێن راگه‌هاندن و جادده‌ و ل تورێن جڤاكى ل په‌ى خوه‌ درۆستكرن ، و میدیاكار و نڤیسكاره‌كێ دیرینێ پارێزگه‌ها دهۆكێ ژى دده‌تن دیاركرن كو دادگه‌ها فیدرالى ب ڤێ بریارێ قه‌نجى ل كوردان كر ب مه‌رجێ كورد بشێن مفاى ژێوه‌ربگرن.

ئیسماعیل تاهر جانگیر میدیاكار و نڤیسكارێ دێرین ل پارێزگه‌ها دهوكێ بۆ ئه‌ڤرۆ نیوز گۆت: ( ده‌ما كو دادگه‌ها فیدرالى یا عیراقێ بریار لسه‌ر هه‌لوه‌شاندنا ئه‌نجامێن ریفراندۆما هه‌رێما كوردستانێ دایى ، كاره‌كێ باش كر ، ژبه‌ركو حكومه‌تا هه‌رێما كوردستانێ دشێت ل په‌ى ئه‌وێ بریارێ سه‌ره‌ده‌رى و ره‌فتارێ ل گه‌ل به‌غدا بكه‌ت و ئه‌گه‌را سه‌ركه‌فتنا وێ ژى به‌رامبه‌ر عیراقێ هه‌یه‌ ، ژبه‌ركو ب چوو شێوه‌یان ریفراندۆما هه‌رێما كوردستانێ ب بریارا دادگه‌ها عیراقێ ناهێته‌ هه‌لوه‌شاندن ، و مافێ وێ نینه‌ ، به‌لكو مه‌سعود بارزانى خودانێ ریفراندۆمێ یه‌ ، هه‌ر ئه‌و یان ژى ب راوبوچونه‌كا دى یا جه‌ماوه‌رى ریفراندۆم دێ هێته‌ هه‌لوه‌شاندن )

زێده‌تر گۆت: ( نها كوردان دوو چیچك ب به‌ره‌كێ هنگافتن ، و كورد دشێن ب بریارا دادگه‌ها فیدرالى بچنه‌ به‌غدا و د به‌رامبه‌ر ژى دا ریفراندۆم دێ هه‌ر مینیت یا ساخله‌م و درۆست و دشیان ژى دایه‌ كو لسه‌ر ئاستێ نیڤده‌وله‌تى كار ب ریفراندۆمێ بهێته‌كرن و د ده‌مه‌كێ گونجاى دا مافێن كوردان پێ بهێنه‌ بجهئینان ، نوكه‌ ده‌لیڤه‌كا زۆر گرنگه‌ كو حكومه‌تا هه‌رێما كوردستانێ بریارا دادگه‌ها فیدرالى یا عیراقێ بكاربینیت بۆ ل گه‌ل به‌غدا و دانوستاندنان پێ ئه‌نجام بده‌ن ، و هه‌موو مافێن كوردان ب تایبه‌تى مافێن دارایى ده‌ستخوڤه‌ بینن و ریفراندۆمێ ژى بو كه‌سانێن سیاسى بهێلیت كو ئه‌و كار لسه‌ر بكه‌ن ژبه‌ركو ریفراندۆم دێ هه‌ر مینیت مولكێ كوردان و گه‌لێ كوردستانێ)

میدیاكار و نڤیسكارێ ناڤبرى د درێژاهیا ئاخفتنێن خودا دیاركر ژى كو دادگه‌ها فیدرالى ئه‌و ماف نینه‌ و نكاریت ژى ده‌نگێن چوار ملیون كوردان ژناڤ ببه‌ت و گۆت ژى: ( ژ دوولایه‌نان ڤه‌ كورد مفادارێن هه‌لوه‌شاندنا ئه‌نجامێن ریفراندۆمێ نه‌ ژلایێ دادگه‌ها فیدرالى یا عیراقێ ، و دادگه‌هێ قه‌نجیه‌كا باش ل كوردان كر ب تایبه‌تى دنهادا به‌لێ ب مه‌رجه‌كێ كورد و حكومه‌تا هه‌رێما كوردستانێ بشێن مفاى ژێوه‌ر بگرن و لسه‌ر عیراقێ بكه‌ن بهانه‌ كو ریفراندۆم بویه‌ تشته‌كێ بورى و بهێلن بۆ سیاسیان ، ب هزرا من عیراق بخوه‌ ژى پێدڤى ب ده‌رگه‌هه‌كێ بۆ و ئه‌و ژى ل ده‌لیڤه‌كێ دگه‌ریان كو جاره‌كا دى هه‌ردوو پێكڤه‌ ده‌ست ب دانوستاندنان بكه‌ن ڤه‌)

ئەڤرۆ نيوز، نەوزاد ھلۆری:‏
پرۆژێ ئاڤا ستراتیجیا دەڤەرا بارزان کو زێدەتری 51 گوندان پێکڤە گرێددەت و ئاڤێ ژ گەلیێ ‏بالندا و رووبارێ شین بۆ ھەموو سنۆرێ دەڤەرا بارزان دبەت، ماوەیێ سێ سالایە کار تێدا دھێتە ‏کرن و ھەتا نھا 60% ھاتیە بجھئینان، پرانیا گوندێن دەڤەرێ ژی بۆ دەستکەفتنا ئاڤا ڤەخوارنێ ئاڤا ‏رووباران بکاردئینن و ئەڤێ یەکێ ژی کارتێکرن ل ساخلەمیا وەلاتیان کریە. رێڤەبەرێ ئاڤا بارزان ‏ددەتە دیارکرن کو ھەتا پرۆژێ ستراتیجیێ ئاڤا بارزان ب دووماھی نەھێت ئەو نەشێن چو چارەیان ‏ببینن.‏

پرۆژێ ئاڤێ دێره‌لۆك (6)
سەمیع سەدیق ئێکە ژ وەلاتیێن گوندێ بالندا دیارکر کو گوندێ وان پتری ٨٠٠ کەسان تێدا ئاکنجی ‏نە و ھەتا نھا ئاڤا پیسا رووباری بکاردئینن و گۆت: “پرۆژەکێ ئاڤێ ل سالێن نوتان ژ بوو گوندێ مە ‏ھاتیە چێکرن و ئاڤا وێ ژ رووبارێ شین ل گەلیێ بالندا دھێتن و ئاڤا رووبارێ شین ژی ژ بەر ‏ھەبوونا گوھۆڕینێن کەش و ھەوایی ژ لایێ ساخلەمیێ ڤە نە یا دروستە و دیسا چەندین جھێن ‏خودانکرنا پەزی و جھێ راوەستاندنا چێلان و پیساتیێ چەندین مال و خوارنگەھان و سەیرانیان ‏ژی دچیتە سەر رووباری کو ئەڤ یەک ژی دبیتە سەدەما پیستبوونا ئاڤا مە یا ڤەخوارنێ، دخوازین ‏کو حوکمەتا ھەرێما کوردستانێ چارەسەریا ئاڤا مە بکەت”.

پرۆژێ ئاڤێ دێره‌لۆك (4)
ئەندازیارەکی ژ کۆمپانیا ئارگەیا تورکی کو کۆمپانیا بجھئینەرا پرۆژێ ئاڤا بارزانە و نەڤیا ناڤێ ‏خوە بێژیت بۆ ئەڤرۆ گۆت: “ب رەنگەکێ گشتی نھا کار ل سەر چێکرنا پرۆژێ ئاڤا بارزان یا ‏بەردەوامە و کارێن پرۆژەی ب دووماھی ھاتینە و نھا کار ل سەر چێکرنا تۆڕا ناڤخوەیی دکەین، ‏ئەگەرێ گیرۆبوونا وێ ژی دزڤریت بۆ قەیرانا دارایی ژ بەر کو کار ب سستی ب رێڤەدچوون، ھەکە ‏چو کێشێن تەکینکی و کێشێن گرێدایی قەیرانا دارایی نەھێنە پێش، دێ سالا بھێت ب دووماھیی ‏ھێت”.‏

پرۆژێ ئاڤێ دێره‌لۆك (1)
ژ لایێ خوە ڤە ئەندازیار زیاب میقداد رێڤەبەرێ ئاڤا بارزان دیارکر کو وەلاتیێن دەڤەرا بارزان ‏مافدارن ل سەر نەبوونا ئاڤا پاقژ و بۆ ئەڤرۆ گۆت: “ھندەک ژ گوندێن دەڤەرا بارزان بۆ ‏دەستکەفتنا ئاڤا ڤەخوارنێ پەنایێ بۆ ئاڤا رووباران دبەن ھەر بۆ نموونە وەلاتیێن گوندێ بالندا و ‏کومەلگەھا وەلات ژێری و گوندێ سەڤرە و بازێ و ھەتا دگەھیتە نێزیکێ بارزان ئاڤا رووباران ‏بکاردئینن، بەلێ نھا پرۆژەکێ ستراتیجیێ مەزن ژ لایێ حوکمەتا ھەرێما کوردستانێ ژ بوو ھەموو ‏دەڤەرا بارزان دھێتە چێکرن و 51 گوندێن بالندا ھەتا شیڤەدزێ ب خوە ڤە دگریت، دێ مفایی ژ ‏ئەوێ تۆڕا ئاڤێ وەرگرن، ب تەمامبوونا ئەویی پرۆژەیی چو ئاریشەیێن ئاڤێ ل دەڤەرێ نامینن”.‏

پرۆژێ ئاڤێ دێره‌لۆك (5)

زێدەتر گۆت: “نھا ب رەنگەک بەردەوام کار ل سەر پرۆژێ ستراتیجیێ ئاڤا بارزان دھێتەکرن، بەلێ ژ ‏بەر قەیرانا دارایی کارێن وان ب خاڤی ب رێڤە دچن”.‏

پرۆژێ ئاڤێ دێره‌لۆك (3)

پرۆژێ ئاڤێ دێره‌لۆك (5)

ئه‌ڤرۆ نيوز، نه‌وزاد هلۆرى:

د بەردەوامیا کار و پرۆژێن خوە دا ل چەند رۆژێن بوری سەروکاتیا باژێرڤانیا شێلادزێ چەندین جاددە و کولانێن نوو ل سەنتەرێ باژێرێ شێلادزێ ڤەکرن و قێر و کونکرێت و تێکەل کرینە ، بڤێ یەکێ ژی رێژایەا چێکرنا جاددەیێن شێلادزێ بویە 80%.
دڤی واریدا ” ھەزار بێدەیی” سەرۆکێ باژێرڤانیا شێلادزێ بو ئەڤرۆ گۆت: ( سەرەرای کو قەیرانە و کارتێکرن ل کار و پروژەیێن ناحیا شێلادزێ ھاتەکرن ، بەلێ ژ بەر پێدڤی یا دەڤەرێ و وەلاتیان لسەر بودجا گەشەپێدانا پارێزگەھا دھۆکێ کومەکا جاددەیێن نوو یێن نافخوەیێ شێلادزێ ھاتنە ڤەکرن و چێکرن و ھندەک ژی ھاتینە کونکرێت و قێر و تێکەلکرن و ئەم لسەر کارێن خوە ژی بەردەوامین )
زێدەتر گۆت: ( ل چەند رۆژێن بوری ل سنوورێ سەروکاتیا باژێرڤانیا شێلادزێ 12 ھزار و 502 مەترێن جاددەیێن نافخوە ھاتینە قێرکرن ، و 14 ھزار و 806 مەتر ژی ھاتینە تێکەل و زفتکرن ، و دیسان 150 مەتر ژی ھاتینە کونکرێت کرن و ل گەل درۆستکرنا 65 مەترێن ئاڤرێژان وەکو قەسیس ، بڤێ یەکێ ژی رێژەیا چێکرنا جاددێن نافخوەیێن شێلادزی َگەھشتە 80%)
سەرۆکێ باژێرڤانیا شێلادزێ دیارکر ژی کو ئەو نھا لسەر چێکرنا چەند پرۆژەیەکێن دن بەردەوامن ب تایبەتی بو تاخێ شەھیدان و گۆت ژی: ( کار و پروژێن مە دێ د بەردەوام بن ھەتاکو ھەموو جاددەیێن شێلادزێ بھێنە چێکرن و دەمەک نێزیک دێ ھەموو کولانێن تاخێ شەھیدان ھێنە کونکرێتکرن )

ئەڤرۆ نیوز، نەوزاد ھلوری:
ب ھەلکەفتا رۆژا جیھانیا زەلامان ئێکەتیا زەلامان ل ھەولێر کونگرەیەکێ رۆژنامەڤانی ئەنجام دا و تێدا داخوازکر کو پێدڤی یە رۆژا جیھانیا زەلامان ل کوردستانێ ژی وەکو ھەموو وەلاتێن جیھانێ ببیتە رۆژەکا فەرمی.

ئەژێ ئیبراھیم سەرۆکێ ئێکەتیا زەلامێن کوردستانێ د کونگرەیەکێ رۆژنامەڤانی دا ل ھەولێر دیارکر کو رۆژا جیھانیا زەلامان د رۆژەکا وەکو ئەڤرۆ دا ل زێدەتر ژ 70ێ وەلاتێن جیھانێ ب فەرمی ھاتیە نیاسین، بەلێ ل ھەرێما کوردستانێ نەھاتیە نیاسین و گۆت: (ھەموو زەلامان پێدڤی ب ژیانەکا ئازاد ھەیە و پێدڤی یە بریارێ ل سەر چارەڤیس و مافێن خوە بدەت وەکو چاوا ئافرەت ئازادن لسەر ھزر وب یر و ئەرک و مافێن خوە، ھەروەسا زەلام ئەو پشکا جڤاکی یە کو بەرپرسیارەتی و پەیداکرنا پاریێ ژیانێ و بارگرانیا خێزان و سەرکردایەتی و ھەموو جورە پێشڤەبرنەکا دەولەتێ د ستوویێ وان دایە).

زێدەتر گۆت: (پێدڤی یە ئەڤ رۆژ ببیتە سەدەم کو مافێن زەلامان زێدەتر بھێنە گەرنتیکرن و ببیتە رۆژەکا فەرمی ل کوردستانێ و ل پەی ئەوێ رۆژێ ئەرک و مافێن وان بھێنە دیارکرن و پاراستن ، ب زەلام ژی ب ئاراستەیەکێ باشتر خزمەتا جڤاکی بکەن).

ئەڤرۆ نیوز، نەوزاد ھلۆری:
شەڤا بوری پێشمەرگێ ھەردوو شورشێن ئیلون و گولانێ کو پێشتر ژی پشکداری د کومارا مھاباد ل رۆژھەلاتێ کوردستانێ کر بو و ل گەل بارزانیێ نەمر چویە ئێکەتیا سوفیەت ، وەغەرا داویێ کر.

شەڤا بوری پێشمەرگە و کەسایەتی ” تەیمور جەعفەر موسا ” کو ب ئێک ژ کوردپەروەر و پێشمەرگێن دێرین و ھەڤالێ بارزانیێ نەمر دھێتە نیاسین دژیێ 87 سالیێ دا وەغەرا داویێ کر و ل بارزان ھاتە ڤەشارتن ، و ئێک بوویە ژ کوردێن سەر ب عەشیرەتا شکاک ل رۆژھەلاتێ کوردستانێ.

ناڤبری ئێک بوویە ژ پێشمەرگێن چەلەنک و قارەمان د ھەردوو شورەشێن ئیلون و گولانێ دا و رولەکێ بەرچاڤ ژی ھەبوویە د کومارا مھاباد دا ل رۆژھەلاتێ کوردستانێ و ل گەل بارزانیێ نەمر ژی چوبویە ئێکەتیا سوڤیەتی و پشتی 12 سالان مانەڤا ل وێ جارەک دن ڤەگەرا باشوورێ کوردستانێ و ل گەل بارزانیێ نەمر درێژی بە خەباتا خوەیا پێشمەرگایەتی و شورشگێری دا و ل کونگرەیێ 13ێ پارتی دا رولەکێ بەرچاڤ ھەبویە دناڤا رێزێن پارتی و ل بەر رولێ وی ژلایێ سەروک بارزانی ڤە ب مەدالیا زێری ھاتە خەلاتکرن.

ناڤبری ل گورستانەکا بارزان ھاتە ڤەشارتن و تازیا وی ژی ل ئێک ژ مزگەفتنێن پیرمام ھاتیە دانان.

1 2 3 4

website security
Facebook Auto Publish Powered By : XYZScripts.com