NO IORG
نوزاد هلورى/داخۆیانی

ئه‌ڤرۆ نیوز ، نه‌وزاد هلۆرى:

ب مه‌ره‌ما به‌رچاڤكرنا خوارنێن كورده‌وارى و خومالى ، كولیژا چاندنێ ل زانكویا سه‌لاحه‌دین ل هه‌ولێرێ ، رابوو ب ڤه‌كرنا ڤیسته‌ڤاله‌كا تایبه‌ت دڤى بیاڤى دا و هژماره‌كا زور یا خوارن و شیریناهیێن كورده‌وارى و خومالى هاتنه‌ به‌رچاڤكرن.

دكتور رابه‌ر فه‌تاح، ماموستایێ زانكویا سه‌لاحه‌دین و كولیژا چاندنێ بو ئه‌ڤرۆ نیوز گۆت: (ب مه‌ره‌ما به‌رچاڤكرنا خوارنێن كورده‌وارى و خومالى ، كولیژا چاندنێ ل زانكویا سه‌لاحه‌دین ل هه‌ولێرێ ، رابوو ب ڤه‌كرنا ڤیسته‌ڤاله‌كا تایبه‌ت دڤى بیاڤى دا و هژماره‌كا زور یا خوارن و شیریناهیێن كورده‌وارى و خومالى هاتنه‌ به‌رچاڤكرن).

زێده‌تر گۆت: (د ڤیسته‌ڤالێ دا هه‌ر قوتابیه‌كێ ب گوره‌ى شیانێن خوه‌ خوارن و شیریناهیێن خومالى درۆستكرن ، و ئه‌ڤ یه‌ك ژى كاره‌كێ باشه‌ و قوتابى دێ زێده‌تر پالده‌ت كو ب شێوازه‌كێ زانستى و ل په‌ى باوه‌رنامه‌یێن خوه‌ بنه‌ خودانكار و پێشه‌ و كه‌سه‌كێ به‌رهه‌مدار نه‌ك بتنێ بو خوه‌ به‌لكو بو ده‌روبه‌رێن خوه‌ ژى ، و ژلایه‌كێ دى ڤه‌ ئه‌ڤ یه‌ك ده‌رفه‌ته‌كا باشه‌ كو دڤێت به‌رپرس و ده‌ستهه‌لاتدار كار لسه‌ر ڤێ یه‌كێ بكه‌ن و ب گرنگى ڤه‌ سه‌حا كولیژا چاندنێ بكه‌ن و گرنگیێ پێ بده‌ن و كادرێن شاره‌زا پێ بگه‌هینن و بڤێ یه‌كێ هژماره‌كا گه‌نجان دێ بنه‌ خودانكار و پێشه‌ ، و هه‌ڤده‌م به‌رهه‌مێن خومالى و كورده‌وارى ژى دێ زێده‌تر به‌ر ب پێشڤه‌ چن).

44559392_404451356757752_6610470412511870976_n 44579018_311335093015387_6921781560660197376_n 44611076_248616575821045_7553952338055004160_n (1) 44652788_338173836958250_5809072683794563072_n 44693892_424327168100077_1848377023085412352_n

ئەڤرۆنيوز ، نەوزاد هلوری:

 ئه‌ڤ شه‌ڤه‌ ژ ئەنجامێ ژ دەستدانا کۆنترۆلی ، تڕومبێلەک وەرگەریا و پاشى ئاگر بەربوویێ و سێ کەس بوونە قوربانی.

دلاوەر لەتیف، بەرپرسێ راگەهاندنا هاتنوچۆنا سۆران بو ئەڤرونيوز  گۆت: (ئه‌ڤ شه‌ڤه‌ ل سەر رێیا گشتی دناڤبەرا گەلیێ عەلی بەگ و سۆران دا ژ ئەنجامێ ژ دەستدانا کۆنترۆلی ، تڕومبێلەک وەرگەریا و پاشى ئاگر بەربوویێ و سێ کەس بوونە قوربانی کو ئێک ژ وان کەسان ب ناڤێ س.م گیانێ خوە ژ دەستدایە ، کو خەلکێ گوندێ بالەکانە ل سنوورێ قەزا سۆران).

زێدەتر گۆت: (روودان ژ جۆرێ وەرگەران بوویە ،و ترومبێل ژی ژ جۆرێ BM بوو و ل رەخ و رویێن جادێ وەرگەرایە و ئاگر بەربوویێ و ب تمامی هاتیە سوتن و هەردوو بریندارێن روودانێ بۆ نەخوه‌ۆشخانا تەنگاڤیان ل سۆران هاتینە ڤەگوهاستن).

ئه‌ڤرۆ نیوز، نه‌وزاد هلۆرى:

ب هه‌لكه‌فتا سه‌ركه‌فتنا لیستا پارتى دیموكراتى كوردستان د هه‌لبژارتێن په‌رله‌مانێ كوردستانێ دا هژماره‌كا كورسیان ل سه‌ر كێم ئه‌ندامان هاتنه‌ به‌لاڤكرن.

 نزار جوندى، به‌رپرسێ راگه‌هاندنا لژنا ناوچا سیریێ بۆ ئه‌ڤرۆ نیوز گۆت: (ب هه‌لكه‌فتا سه‌ركه‌فتنا لیستا پارتى دیموكراتى كوردستان د هه‌لبژارتنێن په‌رله‌مانێ كوردستانێ و ده‌ستڤه‌ئینانا 45 كورسیان، ب هه‌ڤكاریا په‌رله‌مانتارێ پارتى ل په‌رله‌مانێ عيراقێ عومه‌ر رێكانى 11 كورسى ل سه‌ر كێم ئه‌ندامێن سنورێ كومه‌لگه‌ها سیریێ هاتنه‌ به‌لاڤكرن).

زێده‌تر گۆت: (ئه‌و كورسیه‌ ژ جورێ باشن وژ پێدڤیێن گرنگ بوون بۆ كێم ئه‌ندامێن ده‌ڤه‌رێ و ئه‌م دێ ل سه‌ر خزمه‌تكرنا  خه‌لكێ ده‌ڤه‌رێ به‌رده‌وام بین ب تایبه‌تى هه‌ژار و كێم ده‌رامه‌تان).

44526524_1164552167026620_495740234999267328_n

ئەڤرۆ نیوز، نەوزاد هلۆری:

 جودا ژ هەر دەڤەرەکا دی یا کوردستانێ ، خودانکرنا ماسیان ل گەلیێ سێپرکا یا سەر ب دەڤەرا بەرێ گارێ ل سنوورێ قەزا ئامێدیێ بۆ دو مەرەمان دهێنە ب خودانکرن.

گارە محەمەد، خودانێ پروژێ ب خودانکرنا ماسیان ل گەلیێ سێپرکا بۆ ئەڤرۆ نیوز گوت: (خودانکرنا ماسیان ل گەلیێ سێپرکا ب تنێ بۆ گوشتێ وان و فروتنێ نینە، بەلکو بۆ راکێشانا گەشتیارایە کو زێدەتر قەستا گەلیێ سێپرکا بکەن  وبۆ ئەگەر ژی کو هژمارا سەرەدانێن گەشتیاران ل سێپرکا زێدە ببیت).

زێدەتر گۆت: (ل گەلیێ سێپرکا پێنج رەنگێن ماسیان دهێنە ب خودانکرن دناڤ ئاڤا سار يا گەلی دا ، رەنگ و شێوە و جوانیەکا تایبەت دایە ئاڤ و گەلی و خەلک زۆر حەژێ دکەن بۆ سەحکرنێ  و د هەمان دەم ژی دا ماسی دهێنە فرۆتن بۆ گەشتیاران).

ئەڤرۆ نیوز، نەوزاد ھلوری:

ل دەڤەرەکا ھەرفتی و چول دا ، و یا تەژی ژ چەک و تەقەمەنی و ترومبێل ، و دار و بەرێن نەسرۆشتی و ئاڤاھی و تشتێن سەیر ، تو ل گەل 99 کەسێن نەناسیار و دناڤ فروکەیەکێ ب پەراشوتێ ھاڤێنەخوارێ ھەتاکو دگەھیە ئەڤی جھی ، و ھەردەما دگەھیە سەر ئاخێ دڤێ گزریتێ دا ، ئەگەرا مرنا تە زورە ژبەرکو ژبلی تە 99 کەسێن نەنایسار ژی بزاڤێ دکەن تە ژ ناڤ ببەن، ھەموو پێکڤە ب دوڤ کومکرنا چەک و تەقەمەنیا دکەڤن و ھەر 100 کەس ژی بزاڤا سەرکەفتنێ دکەن و داوەکو دوماھی کەس ل وێ دەڤەرێ ب ساخی بمینن، کومکرنا چەک و تەقەمەنی و سکوپێن ژێکجودا ئەرکێ تەیێ سەرەکی یە داکو خوە ب ھێز بکەی ، دلێ تە زور خوشە دەما کو تشتەکێ دبینەڤە دناڤ خانویەکێ دا ، بەلێ ژ نیشکەکێڤە کەسەک دێ تە ژناڤ بەت بێی کو تە ئاگەھی لێ ھەبیت.

خەلکی ھەموویێ دەمێ یاریەکا (باتل رولیالی) دڤێت ،باتل رویال ئانکو شەرێ مانەڤێ دژیانێ دا ژ 100 کەسێن کو بمینیت، بەلێ ل ڤێرە ب چوو شێوەیان یاری نەھاتیە درۆستکرن داکو چەند فلمەکێن باتل رویال بھێنە درۆستکرن ، ژ فلمەکێ ژاپونی بناڤێ تێن دێپ ماچ ، و باتل رویال بەحس ل چند قوتابیەکان دکەن کو ل گزریتەکێ دژیان و دژی ھەڤدوو شەرێ مان و نەمانێ دکر.

پشتی چەند سالەکا فلمێ (ھەنگەر گەمز) ب ھەمان شێوە چەند زاروک شەرێ مان و نەمانێ بو ژیانێ دکەن و تنێ کەسەک دێ بیتە سەرکەفتی و دوماھی ب یاریێ دھێت ، ئەوێن دن ھەموو دێ ژناڤ چن ، خەلکی یاریەکا بڤی رەنگی دڤیا ، بەلێ ل دوماھیێ زەلامەک بناڤێ (بریندن گرین) درۆست بوو.

برێندن گرین چێکەرێ یاریێ نەبو بەلکو فوتوگرافەر بوو ل بەرازیلێ و ل ھەڤژینا خوە جودابوو ، پشتی جودابوونێ ڤەگەریا ئیرلەندا ژبەرکو خەلکێ وی وەلاتی بوو ، و ل وێرێ بێ کار بوو و ھەر ھزرا خوە دکر، حەزا وی چویە یاریێن ڤیدیویی و چەند سالوخەتەک بو یاریا (دەری زی) درۆستکرن ، و شێوەیەکێ پێشڤەچون ب باتل رویال و وێ یاریێ ددان و بویە یاریا ( ئیچ وەن زی وەن)

ھەرچەندە برێندنی بۆ کۆمپانیا سۆنی کار دکر، بەلێ کارێ خوە ھێلا و گەشتەک بو کوریا باشوور کر و وێرێ کەسەک ب ناڤێ (چان ھان کیم) نیاسیی کو ئەو ژی درۆستکەرێ یاریان بوو، و ھەردوان پێکڤە ھزرا باتل رویالەکێ کر ، یاریەک درۆستکر ب ناڤێ (پڵەیەر ئەننەونس باتڵ گراوند)کو ئەو ژی کورتکریا (پوبجی) یە و بڤی ناڤی یاری ھاتە نیاسین ، و ئەو روژا دەست پێ کر خواست بو دەما سالەکێ یاری بھێتە چێکرن.

ئەڤ یاریە سالا 2016 دەست ب بەرھەمھاتنا وێ ھاتەکرن، بزاڤکر ب شێوەیەکێ بلەز و ب بھایەکێ ئەرزان بکەڤیتە دەست یاریکەران، دھەمان دەم دا ب رێیا ئەپدێتان ل گەل دەربازبوونا دەمی یاری بھێتە نوو و باشترکرن ، و دەستپێکێ یاری بو کومپیوتەران ھاتبوو درۆستکرن.

دەستپێکێ پوبجی یاریەکا بچوک و ئێک سالوخەت و نەخشە بوو ، بەلێ پشتی بەردەستبوونێ چەک و دەبانجە بو ھاتنە زێدەکرن، ل وی دەمی ھەتانوکە ئەڤ یاریە ھەر ب وی رەنگی بویە ، بەلێ تنێ نەخشەکێ نوو بو ھاتیە زێدەکرن ، دەما کو بەردەستکری چوو تشتەکێ نوو نەھاتبویە بەردەستکرن و زور بلەز خەلک بخوڤە مژوکر.

نەخشێ یاریێ تنێ کارێکتەرێ یاریێ بوو ، و نەخشێ مینامار و جھێن نەخشەی ئایکونە و بناڤ و دەنگترین نەخشەیێ یاریێ یە ھەتا نوکە ، ب دەھان ملیون جارا دماوەیێ چوار ھەیڤان دا یاری پێ ھاتیە کرن، د ددەما سێ روژان دا 11 میون دولار داھاتیێ وێ یاریێ بویە ، ھەتاکو ھەیڤا چوار یا سالا 2017 ب بھایێ 30 ملیون دولارن ، ملیونەکا دانەیێن ڤێ یاریێ ھاتینە فروتن، و پشتی چەند ھەیڤان چوار ملیون ھاتنە فروتن ، و ل ناڤەراستا سالا 2017 بوپجی بویە یاریا ژمارا ئێک یا خزمەتگوزاریا ستم ل کومپیوتەرێ ، و یاری ژی کەفتە بەری چەندین یاریێن مەزنێن کومپیوتەری وەکو (دوتا تو) و لیچ ئوف لێگەندس) ، و یاری بەردەوام بوو ل مەزنبوونێ بەلێ (فورتنایت) ھات و مەزنبوونا وێ ژ کومپیوتەر و ئێکسیوکس وەنێ ھاتە راوەستاندن، ژبەرکو فورتنایت یاریەکا بەزە و ژ پلەیستەیشنا فوریش دھێتە بەردەستکرن، بەلێ بوچجی ب تنێ پیسی و ئێکیوکسا وەن ئێکسە.

پوبجی ل موبایلێ زێدەتر پێ دھێتەکرن ، و رۆژانە ملیون دولار داھاتێ وێ یە، و ئایندەیێ یاریاکرنا بەتال رویال وەکو پوبجی و فورتنایت د پێشڤەچونێ دایە و کەس نوزانیت چەوا د پێشڤەچونێ دایە.

ئەڤرۆ نیوز، نه‌وزاد هلۆرى:

به‌رى نیڤرۆیا ئه‌ڤرۆ سنێله‌یه‌ك كه‌فته‌ ناڤا ئاڤا گوندێ چه‌م مشكو و خه‌ندقى، و ته‌رمێ وى ژلایێ تیمێن نقومڤانێن زاخو هاتیه‌ ده‌رئینان و هاتیه‌ ره‌وانه‌كرن بو نوژداریا داد.

دڤى واریدا “بێوار عه‌بدولعه‌زیز” به‌رپرسێ راگه‌یاندنا به‌ره‌ڤانیا باژێرى ل دهوكێ بۆ ئه‌ڤرۆ نیوز گۆت: (به‌رى نیڤرۆیا ئه‌ڤرۆ سنێله‌ك كه‌فته‌ ناڤا ئاڤا گوندێ چه‌م مشكو و خه‌ندقى ، و ته‌رمێ وى ژلایێ تیمێن نقومڤانێن زاخو هاتیه‌ ده‌رئینان و ره‌وانه‌كرن بو نوشداریا داد بۆ زانینا ئه‌گه‌را خه‌ندقیا وى).

زێده‌تر گۆت: (ناڤێ وى “ف.ن” و ژیێ وى 16 سالن و خه‌لكێ شنگالێ یه‌ و وه‌كو ئاواره‌ ل كه‌مپا چه‌م مشكو دژیت، و دخوازین كو خه‌لك خوه‌ ل ئاڤێن رووبار و بیرا دویر بێخن داكو گیانێ وان ب سلامه‌ت بیت).

ئه‌ڤرۆ نیوز، نه‌وزاد هلۆرى:

ب به‌رهه‌ڤبووونا رێڤه‌به‌رێ گشتیێ په‌روه‌ردا پارێزگه‌ها دهۆك و قایمقامێ قه‌زا سێمێل و شانده‌كێ نڤێسینگه‌ها رێكخراوا یونێسێف و رێڤه‌به‌رێ بوردێ كاروبارێن مروڤایه‌تى و ژماره‌كا به‌رپرسێن حكومى و رێكخراوێن نیڤده‌وله‌تى ، پروژێ زڤرین بو قوتابخانێ ل كه‌مپا دومێز ئێك هاته‌ راگه‌هاندن.

دڤى واریدا ئه‌حمه‌د زوبێر به‌رپرسێ راگه‌هاندنا رێڤه‌به‌ریا گشتى یا په‌روه‌ردا پارێزگه‌ها دهۆك بۆ ئه‌ڤرۆ نیوز گۆت: (دپروژه‌ى دا بزاڤ دهێنه‌كرن كو قوتابیێن ئاواره‌ و په‌نابه‌ر مینا قوتابیێن خوجهێن پارێزگه‌ها دهۆكێ بێ به‌هر نه‌بن ژ مافێ خواندنێ ، و ئه‌ڤ پرۆژه‌ ب هه‌ڤكاریا رێكخراوا یونێسێف هاتیه‌ ئه‌نجام دان)

زێده‌تر گۆت: (ئه‌ڤ پروژه‌ ل 10/10/2018 ده‌ستپێكریه‌ ودێ بو ماوێ هه‌یڤه‌كێ ڤه‌كێشیت ول سه‌رانسه‌رى پارێزگه‌ها دهوكێ ڤه‌دگریت ومه‌ره‌م ژ ئه‌نجامدانا ڤى پروژه‌ى ئه‌وه‌ هه‌ول وبزاڤ بهێنه‌ كرن كو ئه‌و قوتابیێن ژبه‌ر هه‌ر ئه‌گه‌ره‌كێ هه‌بیت په‌یوه‌ندى ب قوتابخانێ نه‌كربیت جاره‌كا دى بزڤریته‌ قوتابخانێ وهه‌مى هاریكارى وئاسانكارى بو بهێنه‌ كرن)

ئەڤرۆ نیوز، نەوزاد ھلۆری:

شەڤا بوری گەنجەکێ 20 سالی خوە لسەر بلاجکتورێ یاریگەھا وەرزشی یا بەردەرەش ھاڤێتەخوارێ و دەمدەست گیانێ خوە ژ دەست دا.

ب گورەی ئەوان زانیاریێن ئەڤرۆ نیوز دەستخوڤە ئینای ، شەڤا بوری دەروبەرێن دەمژمێر 2:00ێ ل دەما سەحکرنا یاریەکا تەپاپێ چەند گەنج دچنە سەر دیوار و بەرچانێن یاریگەھێ ، و ئێک ژ وان گەنجان دچیتە سەر بلاجکتورێ روناھیێ و پاشان خوە دھاڤێژیت خوارێ و دکەڤیتە سەر بەرجانێ یاریگەرێ ، بەلێ پاشان دەملدەست گیانێ خوە ژ دەست ددەن.

ناڤێ وی گەنجی ئەیوب عەبدولرەزاقە و ژیێ وی 20 سالە و خەلکێ قەزا بەردەرەش ، و ھەتا نوکە ئەگەرا خوە ھاڤێتنەخوار یا وی گەنجی دیار نینە، بەلێ تیمێن پەیوەندیدار تەرمێ ئەوی گەنجەی رەوانەی نوژداریا داد ل دھوکێ کریە بو زانینا ئەگەرا روودانێ.

44307955_1816663575055594_5540547067841085440_n

ئەڤرۆ نیوز، نەوزاد هلۆری:

دەمەکێ کێم بەری نوکە ئاگر بەربوو تڕومبێلەکێ دناڤبەرا کومەلگەها سیریێ و ناحیا شێلادزێ ل سنوورێ قەزا ئامێدیێ ، و ب تەمامی هاتە یوتن.

دڤی واریدا بێوار ئیبراهیم ژ بەرەڤانیا باژێری ل شێلادزێ بو ئەڤرۆ نیوز گوت: (دەمەکێ کێم بەری نوکە ژ ئەگەرێ کێشەکا تەکنینکی دناڤ ترومبێلێ دا ئاگربەربوو ترومبێلەکا قەمەرە ژ جورێ ئەلینترا و ب تەمامی هاتە سووتن).

زێدەتر گوت: (هەر چەندە کو تیما بەرەڤانیا باژێری ئاگرێ ترومبێلێ کونترولکریە، بەلێ ژبەرکو تیما بەڕەڤانیا باژێری زویکا نەهاتە ئاگەهدارکرن ، ئەڤ یەک بویە ئەگەر کو زیانێن زور ب ترومبێلێ بکەڤن ، سوپاس بو خودێ چوو زیانێن گیانی نەبون).

received_747681278932694 received_295635887715653

ئه‌ڤرۆ نیوز، نه‌وزاد هلۆرى:

پێشتر مالپه‌رێ ئه‌ڤرۆ نیوز د راپورته‌كا ڤیدیۆیى دا ده‌نگوباسێ خه‌لاتكرنا گه‌نجه‌كێ ناحیا دێره‌لوك ب ناڤێ نیهاد رێكانى به‌لاڤكر كو ژلایێ كۆمپانیا فه‌سبووكى هاتبوو‌ خه‌لاتكرن، ئه‌ڤرۆ ئه‌و گه‌نجه‌ ژلایێ زانكۆیا نه‌ورۆز ڤه‌ هاته‌ خه‌لاتكرن.

كاروان رێكانى، قوتابیێ زانكۆیا نه‌ورۆز بۆ ئه‌ڤرۆ نیوز گۆت: (وه‌كو رێزگرتن بۆ خه‌بات و وه‌ستيانا قوتابى نیهاد رێكانى  قوتابیێ پشكا كومپیوته‌ر و ته‌كنولوژيايێ كو پێشتر كار ل سه‌ر چاره‌سه‌ركرنا كێشه‌كا كۆمپانیا فه‌يسبووكى كر بوو و ژلایێ كۆمپانیا ناڤبرى ژى ده‌ستخوه‌شى لێ كر بو و ب گۆژمه‌كێ پاره‌ى هاتبوو‌ خه‌لاتكرن، و ژبه‌ر هه‌لویست و خه‌مخوریا وى ئه‌ڤرۆ ژلایێ سه‌رۆكاتیا زانكۆیا نه‌ورۆز ڤه‌ هاته‌ خه‌لاتكرن”.

 زێده‌تر گۆت: (ژبلى خه‌لاتكرنێ سه‌رۆكێ زانكۆیا نه‌ورۆز خوه‌شحالیا خوه‌ ده‌ربرى كو كورده‌ك بشێت چاره‌سه‌ریا كێشه‌یه‌كا فه‌يسبووكى بكه‌ت و بهێته‌ خه‌لاتكرن، دیسان پشته‌ڤانیا خوه‌ ژى بۆ نیهاد رێكانى ده‌ربرى بو هه‌ر كار و خزمه‌ته‌كا هه‌بیت).

website security