NO IORG
په‌يامنێر

ئەڤرۆ نیوز، بارزان مزووری:

دلشاد محەمەد راگەهاندنکار ژ پشکا هاتن و چوونا شێخان بۆ ئەڤرۆ نیوز گۆت: (ئەڤرۆ دەمژمێر 7:50 خولەک سپێدێ رێککەفتی 6/10/2020 ل سەر رێکا سەرەکیا شێخان بۆ قەسرۆک ل نێزیک گوندێ”پیربوب”روودانەک دناڤبەرا ترۆمبێلەکا پیکاپ تویتا و ترومبێلەکا پیکاپ گرێت روودا د ئەنجام دا کەسەکی گیانێ خوە ژ دەست دا و دو کەس ژی بریندار بوون و بۆ نەخوشخانا شێخان یا گشتی هاتنە ڤەگۆهاستن).

ئەڤرۆنیۆز، هەرهین محەمەد:

هونەرمەندێ‌ گەنج هەڤال ئیبراهیم دیدارەكێ‌ دا بۆ ئەڤرۆ نیۆز دیاركر كو نوكە ئەو مژولی چێكرنا سترانەكێ‌  یە ب ناڤێ‌ (دنیا دەورە)  كو ژ پەیڤ و ئاوازێن هەلبەست ڤان غەریب قادر و ژڤانە ل دەمەكێ‌ نێزیك ل كەنالێ‌ وی یێ‌ یوتیوبی بهێتە بەلاڤكرن.

هەڤالی زێدەتر ژی گۆت: (ناڤەروكا ڤێ‌ سترانێ‌ ل سەر هندێ یە ل ڤێ‌ دووماهیێ‌ خەلكی گەلەك خوەشتڤێن خوە ژدەست داینە و دبێژیت “دنیا دەورە لبەر دلێ‌ من بێ‌ سەبرە ئەزێ‌ چبكەم ڤان بهارا ئەز نابینم دوست و یارا كانێ‌ كەنیا ڤان زارۆكا كا شاهێن زاڤا و بوكا”).

ئەڤرۆ نیوز، بارزان مزووری:

جەهوەر عەلی بەگ میرێ‌ ئێزدیان د كارۆبارێن پەیوەندیان دا بۆ ئەڤرۆ نیوز دیاركر ئەڤرۆ دەمژمێر 11 بەری نیڤرۆ رێكکەفتی 4/10/2020 هندەك كەسێن نەنیاس هێرش كریە سەر ترۆمبێلا”بەشیر كوری” ل نێزیك گوندێ‌ بێبانێ‌ سەر ب ناحیا ئەلقوش د ئەنجام دا بەشیر كوری دهێتە كوشتن دناڤ ترۆمبێلا وی دا.

ناڤهاتی خویاكر بەشیر كوری ئێك ژ وان بازرگانێن مەزن یێن ئێزدی بۆ كارێن مەزن یێن خێرخوازی ئەنجام دان چەندین پرۆژێن خزمەتگوزاری و نوێژەنكرنا مەزارگەهێن ئاینی و هولێن بیرەوەریا دروست كرینە ئێكەم كارێ‌ وی دروستكرنا مالا هێلینا سێویان بوو ل شاریا.

ناڤهاتی گۆت: (داخواز ژ حكومەتا هەرێما كوردستانێ‌ و ئیدارا ئەلقوش دكەین ب زیترین وەخت تاوانبارا دەستەسەر بكەن ژ بەر کو د ماوەیەكێ‌ كێم دا ئەڤە دووەم رویدانە ل دەڤەرا شێخان دهێتە ئەنجام دان، ئەڤە دووەم كەساتیێ‌ ئێزدی یە دهێتە كوشتن ئەڤە بازرگانە و یێ دی ژی كەساتیێ‌ ئایینی بوو، بەلێ‌ سوپاس بۆ هێزێن ئەمنی یێن شێخان كو بكۆژێ‌ كوشتنا كەسایەتیێ‌ ئایینی دەستەسەركرن ئەم پشتراستین ئەو كەسێ‌ بەشیر كوری ژی تیرۆر كری دهێتە دەستەسەركرن).

120727448_1237955886597170_2261837193719000817_n 120733761_722791038312232_7170305771749863797_n 120746265_2789940797956708_2199616232753802105_n 120759257_3475543919233525_7523951801312968352_n

ئەڤرۆ نیوز، بارزان مزووری:

جوتیارەك ل گوندێ‌ كەندی سەر ب ناحیا قەسرۆك بۆ ئێكەم جارە ل سەر ئاستێ‌ پارێزگەها دهوك جورێ‌ دارەكا بیانی بناڤێ‌”پاولونیا”دهێتە چاندن، جورێ‌ وێ‌ دارێ‌ ل دەرڤەی وەلاتی بۆ هەرێمێ‌ رەوانە كریە.

مەهدی دەكانی جوتیارێ‌ دار چاندنی بۆ رۆژناما ئەڤرۆ دیار كر ئەڤ جورێ‌ بهاترین دارە ل جیهانێ‌ ژ بۆ كارێن دارتاشیێ‌ دهێتە بكارئینان سەدان جورێن كەل و پەلێن ناڤ مالێ‌ و فەرمانگەها لێ‌ دهێن دروست كرن.

ناڤهاتی خویاكر ئەڤە ماوێ‌ پێنج هەیڤە ئەڤ دارە هاتینە چاندن ل وەلاتێ‌ ئیتالیا شتلێن ڤان دارا بومە یێن هاتین لدوڤ داخازیێ.

ناڤهاتی گۆت: زێدەتری 16 هزار دار هاتینە چاندن بۆ ماوێ‌ پێنج سالا دهێتە بكارئینان ژلایێ‌ دارتاشان ڤە.

ئەڤرۆ نیوز، بارزان مزووری:

لوقمان سلێمان، بەرپرسێ‌ نڤیسینگەها راگەهاندنێ‌ ل پەرستگەها لالش بۆ ئەڤرۆ نیوز گۆت: (لدوڤ بریارا میرێ‌ ئێزدیان و جڤاتا روحانیا ئێزدیان كۆ ئەڤ سالە رێورەسمێن جەژنا جەمایێ‌ ناهێن گێران ،ژبەر مەترسیا بەلاڤ بونا ڤایرۆسێ‌ كورونایێ‌ هەرچەندە ئەڤ جەژنە مەزنترین جەژنا ئێزدیانە كۆ بۆ ماوێ‌ حەفت رۆژا رێورەسم دهێن ئەنجام دان هەر رۆژێ‌ بشێوەیەكێ‌ جودا رێورەسمێن ئاینی دهێن ئەنجام دان بەلێ‌ ژبەر پاراستنا ژیانا وەلاتیان).

ناڤهاتی خویاكر سالانە رێورەسمێن جەژنا جەمایێ‌ هەموو ل پەرستگەها لالش دهێن ئەنجام دان ل رێكەفتی 7/10/2020 رێورەسم دەست پێ‌ دكەن هەتا 13/10 دوماهیك دهێن هزارەها ئێزدی ل كوردستانێ‌ و دەرڤەی وەلاتی بەشدار دبن.

ناڤهاتی گۆت: (بەری چەند رۆژە میرو جڤاتا روحانیا ئێزدیا ب رێكا بەیاننامەكێ‌ داخاز یا هەموو ئێزدیانكری ئەوێن دەرڤەی وەلاتی دژین كۆ بەرهەڤیێن خۆ نەكەن بۆ بەشداریا وان ل جەژنا جەمایێ‌ ل پەرستگەها لالش ئەڤسالە جەژن ناهێتە گێران).

ئەڤرۆ نیوز، عەلی حاجی:

ل گورستانا گوندێ بەرزیرێ یا سەر ب قەزا زاخۆ ڤە ب ئامادەبونا هەژمارەکا بەرپرسێن حزبی و ژ حکومی و ژمارەیەکا کەسایەتیێن دەڤەرا زاخۆ تەرمێ وی هاتە خاک سپاردن .

سالح حەیدەر کارگێرێ لقا هەشت یا پارتی دیموکراتی کوردستان د پەیڤەکێ دا گۆت: (ژ دەست دانا شڤان شێخویی خوسارەتیەکا مەزن بوو ژبەر کو ڤی کەسی ژیەکێ درێژ د پێخەمەتی حزبایەتی و نیشتیمان پەروەریێ دا دەرباز کر بەلێ کورونایێ گەلەک سەرکردە و کەسایەتی و کەسانێن عەسکەری ژ مە دوور کرن و پارتی دیموکراتی کوردستان یا زەنگینە ب سەرکردە و کەسایەتیێن ژێهاتی و شڤان شێخو د بوهارا ژیێ خوە دا ئەم هێلاین و سەر بلندیێ بۆ بنەمالا خودێ ژێ رازی ژبەر کو دژیەکێ بچیک دا وی خزمەتەکا باش دناڤ رێزێن ئێکەتیا قوتابیێن کوردستانێ و پارتی دا کربوو هەر ژبەر هندێ ژی زیکا پلا کارگێریێ دناڤ لقا هەشت دا وەرگرت و ژ دەست دانا ڤی کەسی هەڤ خەمیەکا مەزنە بۆ دەڤەرا زاخۆ و ئەندام و لایەنگرێن پارتی).

120221625_856038185131830_5524364970930267140_n 120270531_2668928320089928_6933203941985919489_n 120342026_761980181289820_4220310359163626028_n 120366830_3144055619038069_8542973517830037635_n 120426293_3825187390829449_7914882144789773612_n

ئەڤرۆ نیوز، مەحمود نهێلی:

فرۆکێن تورکیا دەریێ بێرا ل چیایێ هنداڤا گوهەرز سەر ب ناحیا دێرەلۆک ل قەزا ئامێدیێ بەری نیڤرۆیا ئەڤرۆ ٢٩/٩/٢٠٢٠ بوردومان کر .

سامی ئوشانە رێڤەبەرێ ناحیا دێرەلۆک بو ئەڤرۆ نیوز دیار کر: کو ئەڤە جارا گەلەکی یا دەڤەرا وان دهێتە بوردومان کرن و گۆت :(بوردومانا ڤێجارێ گەلەک یا نێزیک بوویە و دیار ژی کر  پتر ژ چار موشەکان ل وێ دەڤەرێ داینە  و ترس و دو دلی ئێخستیە دلێ خەلکی دەڤەرێ، ل دەمێ بوردومانێ ل دێرەلۆکی خانی هەژیانە.  کو جهێ هاتیە بوردومانکرن نێزیکی کیلومەترەکی دووری گوندێ گوهەرز و بلاڤەیە و دورێن سێ کیلومەتران دووری سەنتەرێ ناحیا دێرەلۆکێ یە).

و ئاشکرا کر تا نوکە زیانێن ڤێ بوردومانێ نەهاتیە زانین.

ئەڤرۆ نیوز، عەلی حاجی :

سەروكێ‌ فراكسیونا زەر ل ئەنجومەنێ‌ پارێزگەها دهوكێ‌ بۆ ئەڤرۆ نیوز دیار كر حكومەتا عێراقێ‌ رێژەیەكا كێم ژ گازا سپی دێ‌ رەوانەی پارێزگەها دهوكێ‌ كەت بەلێ‌ ئەو رێژەیە تێرا پارێزگەهێ‌ ناكەت و پێدڤیە حكومەتا هەرێما كوردستانێ‌ ژی ژلایێ‌ خوەڤە پشكەكێ‌ دابین بكەت دا كو ئەو گاز ب سەر وەلاتیان دا بهێتە بەلاڤ كرن .

زێدەتر هشیار گوللی گۆت : (بریار بوو د ماوەیێ‌ سێ‌ روژێن بوری دا بەهرا گازاس سپی یا یارێزگەها دهوكێ‌ كو ئەوا 7 ملیون و 900 هزار لیتر بۆ پارێزگەها دهوكێ‌ ژلایێ حكومەتا عێراقێ‌ ڤە هاتینە دابین كرن گەهشتبایە پارێزگەها دهوكێ‌ بەلێ‌ هەتا نوكە نەهاتیە رەوانە كرن و ئەم ب هێڤی نە دەمەكێ‌ نێزیك دا بهێتە رەوانە كرن، هەر چەندە ئەو پشكە گەلەك كێمە تا كو هەر خێزانەك بشێت بەرمیلەكا گازا سپی وەربگریت ژبەر كو پارێزگەها دهوكێ‌ پێدڤی ب 54 ملیوت لترایە و بۆ هەر سێ‌ پارێزگەهێن هەرێما كوردستانێ‌ ژی حكومەتا عێراقێ‌ بتنێ‌ 50 هزار لتر دابین كرینە ئەڤجا ژبەر ڤێ‌ چەندێ‌ پێدڤی یە حكومەتا هەرێما كوردستانێ‌ ژلایێ‌ خوە رێژەیەكا دیتر یا یا گازا سپی دابین بكەت ل سەر پشكا پارێزگەها دهوكێ‌ هەتا كو بشێن دەمەكێ‌ نێزیك دا پروشەیا گازا سپی بهێتە دەست پێكرن و زێدەتر وەلاتی سد مەند ببن).

ناڤهاتی ئەو چەندە ژی گۆت: (هەر دەمێ پشكا پارێزگەها دهوكێ‌ گەهشتە دەست ب رێڤەبەریا بەلاڤ كرنا بەرهەمێن نەفتێ‌ د وی دەمی دا دێ‌ چاڤدێریەكا  باش ل سەر كەین دا كو د زووترین دەم دا ل دویڤ پلانەكا باش دەست ب بەلاڤ كرنا پروسەیا گازا سپی بۆ مالان بهێتە كرن ژبەر كو ئەم یێ‌ بەرەڤ وەزرێ‌ زڤستانێ‌ ڤە دچین و دێ‌ وەلاتیان پێدڤی ب وێ‌ گازا سپی هەبیت).

 
ئەڤرۆ نیوز،عەلی حاجی :
بەرپرسێ راگەهاندنا ساخلەمیا زاخۆ بۆ ئەڤرۆ نیوز دیار کر روژانە تووشبوویێن کورونایێ دهێنە تومار کرن و هەتا نوکە ژی ١٤٥٩ کەس ل زاخۆ تووشی کورونایێ بوینە و پێدڤی خەلک ژی پتر هوشیاریا خوە پاراستنێ لدەف خوە بلند بکەت .
زێدەتر ئەمیر عەلی گۆت : بۆ دەما ٢٤ دەمژمێرێن بوری دا ژ سەرجەمێ ٧٠ تێستێن هاتینە ئەنجام دان ٢٤ کەس ل سنورێ قەزا زاخۆ تووشی کورونایێ بوینە و سەرجەمێ گشتی ژی دبیتە ١٤٥٩ کەس و ژ وان ژی ٩٠ کارمەندێن مەیێن ساخلەمیێ نە و روژانە ژی حالەتێن گیان ژ دەست دانێ دهێنە تومار کرن لەورا پێدڤی یە خەلکێ مە زێدەتر هەستا هوشیاریێ ل دەف خوە دروست بکەت داکو ژ ڤایروسێ کورونایێ پاراستی بن و تیمێن مە ژی بەردەوامن ل سەر وەرگرتنا تێستان بۆ زانینا حالەتێن روژانەیێن کورونایێ و هەکە ئاستێ خوە پاراستنا وەلاتیان ب ڤی رەنگی بیت دڤیت حالەتێن زێدەتر بهێنە تومار کرن .

ئەڤرۆ نیوز، بارزان مزووری:

سەردار یەحیا عەبدولعەزیز قائیمقامێ قەزا شێخان بۆ ئەڤرۆ نیوز دیاركر رێكا ناوەران دناڤبەرا مووسل و شێخانێ دا ئەڤە شەش هەیڤ بوون  هاتیە داخستن هەموو رێك یێن دناڤبەرا باژێرێن مووسل و هەرێمێ‌ هاتبوونە ڤەكرن بتنێ‌ ئەڤ رێكا سەرەكی مابوو، مە ب گرنگ زانی ئەڤ رێكە بهێت ڤەكرن ب نڤیسارەكا فەرمی بۆ پارێزگەها دهوك وان ژی ژلایێ‌ خوە ڤە بۆ وەزارەتا نافخۆ رەوانەكر ئەڤرۆ رێكکەفتی 27/9/2020  بریارا ڤەكرنا وێ‌ رێكێ‌ هاتە دان ب شێوەیەك فەرمی هاتە ڤەكرن.

ناڤهاتی خویاكر ل دووڤ رێنمایێن ساخلەمیێ‌ هێزێن نافخۆ و تیمێن ساخلەمیێ‌ دێ‌ سەرەدەریێ‌ دگەل وەلاتیان كەن ژ بۆ پاراستنا ژیانا وەلاتیان ژ ڤایرۆسێ‌ كورونایێ‌ ئەوێن هاتن و چوونێ‌ دناڤبەرا پارێزگەها مووسل و پارێزگەها دهوك تایبەت شێخان ژ بەر كو ئەڤە نێزیكترین رێكە بۆ پارێزگەها دهوكێ بۆ هاتن و چوونا وەلاتیان.

ناڤهاتی گۆت: ئەڤ رێكە بتنێ‌ بۆ هاتن و چوونا وەلاتیان و فەرمانبەرا و ترۆمبێلێن بچیك دهێتە ڤەكرن بۆ بازرگانی و ترۆمبێلێن مەزن رێك ل وان ناهێتە دان.

website security
WP Facebook Auto Publish Powered By : XYZScripts.com