NO IORG
په‌یامنێر/بەرهەفکرن

ئه‌ڤرۆ نيوز، فاتما مزوورى:

په‌رله‌مانێ مه‌كه‌دۆنیا رازیبوونا خوه‌ ل سه‌ر وێ رێكه‌فتنا دیرۆكی دا، ژبۆ گوهارتنا ناڤێ كۆمارا مه‌كه‌دۆنیا یۆگسلاڤیا به‌رێ بۆ مه‌كه‌دۆنیا باكوور ل گه‌ل یونان هاتیه‌ كرن و ب ڤێ یه‌كێ ژی هه‌ڤركيێن 27 سالێن ناڤبه‌را هه‌ردو وه‌لاتان دا ب داوی بوون.

ژ كۆما 120 په‌رله‌مانته‌ران 69 په‌رله‌مانته‌ران ده‌نگ د به‌رژه‌وه‌ندیا وێ رێككه‌فتنێ دا ئه‌و ژی رێ ژبۆ ئه‌نجامدانا ریفراندۆمێ ڤالا دكه‌ت.

ل گۆری ئاژانسا نووچه‌یێن فرانس پرێس ئه‌گه‌ر گه‌لێ مه‌كدۆنیا د ریفراندۆمێ دا ده‌نگ ب به‌لێ ژبۆ گوهارتنا ناڤێ وه‌لاتێ خوه‌ بده‌ن حوكمه‌ت دێ دستوورى گوهۆڕيت، ئه‌و ژی ئێك ژ مه‌رجێن یۆنانه‌.

د روونشتنێ دا ئه‌ندامێن حزبا نه‌ته‌وه‌یی ئۆپۆزسیۆن ئاماده‌ نه‌بوون و به‌ری نه‌ها وێ حزبێ راگه‌هاندبوو كو ئه‌و پشتگێریا گوهارتنا دستوورێ ناكه‌ن.

د سالا 1991ێ دا مه‌كدۆنیا سه‌ربه‌خۆیا خوه‌ راگه‌هاند یۆنان ره‌ت دكه‌ت ئه‌و ب بكارئانینا ناڤێ مه‌كدۆنیا رازی ببيت و ته‌كه‌ز دكه‌ت كو نابيت ئه‌و ناڤه‌ ل هه‌ر وه‌لاته‌كی بهێته‌ كرن، ژبلی هه‌رێما مه‌كه‌دۆنیا باكوور.

د سالا 1993ێ دا مه‌كه‌دۆنیا ل نه‌ته‌وه‌یێن ئێكگرتی دبن ناڤێ كۆمارا مه‌كه‌دۆنیا یۆگسلاڤیا به‌رێ هات تۆمار كرن.

لێ پتر ژ 140 وه‌لاتان د ناڤ دا ئه‌مه‌ریكا و رۆسیا ب ناڤێ كۆمارا مه‌كه‌دۆنیا دان ب وی وه‌لاتی دان.

ئه‌ڤرۆ نيوز، فاتما مزوورى:

فیكتۆر بۆنداریف سه‌رۆكێ لیژنه‌یا ئاسایش و به‌رگری ل په‌رله‌مانا رووسیا دروستكرنا هێزا ڤالاهیا ئاسمانی یا ئه‌مه‌ریكی ب گه‌ف ل سه‌ر ئاسایشا ناڤده‌وله‌تی و رووسیا وه‌سفكر و راگه‌هاند، ب توندژی به‌ربروویێ به‌لاڤكرنا چه‌كێن ئه‌تۆمی یێن ئه‌مریكا ل ڤالاهیا ئاسمانی دبن.

فیكتۆر بۆنداریف پابه‌ند بونا ئه‌مه‌ریكا ب یاسایێن ناڤده‌وله‌تی ژبۆ پێك ئانینا هێزێن سه‌ربازی یێن ڤالاهیا ئاسمانی جهێ دلگرانیێ نینه،‌ لێ گه‌له‌ك گومان لدۆر وێ یه‌كێ هه‌نه‌.

گۆت ژی بنپێگرنا یاسایان ژ بال ئه‌مه‌ریكا لدۆر دروستكرنا هێزێن سه‌ربازی یێن ڤالاهیا ئاسمانی ئاسایشا ناڤده‌وله‌تی راستی مه‌ترسیێ دكه‌.

سه‌رۆكێ لیژنه‌یا ئاسایش و به‌رگری د په‌رله‌مانتا رووسیا دا راگه‌هاند ژی به‌راوردیا هێزێن ئاسمانی یێن ڤالاهیا ئاسمانی رووسیا و ئه‌مه‌ریكا نه‌ گونجاون و گۆت رووسیا ژی د رێیا رێكسختنا هێزێن سه‌رازی یێن ئاسمانی و هێزێن به‌رگریا ئاسمانی و هێزێن ڤالایا ئاسمانی هه‌ولا پێك ئانینا وێ هێزێن دایه‌.

ناڤبری هه‌روه‌ها راگه‌هاند كو رووسیا  ڤالاهیا ئاسمانی ب مه‌به‌ستا پرۆژه‌یێن مه‌ده‌نی بكار تینه‌ لێ ئالیێن ئه‌مه‌ریكا كار ژبۆ پێشڤه‌برنا چه‌كێن تایبه‌ت ب ئێریشان د رێیا ڤالاهیا ئاسمانی دكه‌.

ئه‌ڤرۆ نيوز، فاتما مزوورى:

حوكمه‌تا سوريا لڤينێن هێزێن ئه‌مه‌ریكا و توركیا ل ده‌وروبه‌رێن باژارێ منبج ل باكورێ وی وه‌لاتی شه‌مه‌زار كرن.

ئه‌ڤ هه‌لويستێ دیمه‌شقێ پشتی رۆژه‌كێ ژ ده‌ستپێكرنا لڤينێن وان هه‌ردو وه‌لاتان ل ده‌ڤه‌را منبج دهێن.

رۆژا دوشه‌مبیا بوری هێزێن ئه‌مه‌ریكا و توركیا ب درێژاها هێلا جوداكرنا ناڤبه‌را وێ ده‌ڤه‌رێ كو دبن ده‌ستێ توركیا دایه‌ ل باكوورێ سوریا و باژارێ منبج كو دبن كۆنترۆلا هێزێن سه‌ر ب سوریا ديموكراتیك كو ئه‌مه‌ریكا پشته‌ڤانيا وێ دكه‌ن دايه‌ ده‌ست ب لڤينێن له‌شكرى كريه‌.

ئاژانسا عه‌ره‌بی سوریا داخویانیه‌ك ل سه‌ر زارێ وه‌زاره‌تا ده‌رڤه‌ یا وی وه‌لاتی به‌لاڤ كریه‌ كو تێدا ب دژواری ئیدانه‌یا لڤينێن ئه‌مه‌ریكا و توركیا ل ده‌وروبه‌رێن باژارێ منبج دكه‌ت.

هه‌ڤده‌م وه‌زاره‌تا ده‌رڤه‌ یا سوریا ئاماژه‌ ب وێ یه‌كێ ژی كر كو سوپایێ ولاتێ وان دێ ژبۆ رزگاریكرنا هه‌موو ده‌ڤه‌ران و ده‌رخستنا هێزێن بیانی پارێزگاريێ ل ئێكه‌تيا ئاخ و گه‌لێ سوریا كه‌ت.

 ئه‌ڤرۆ نيوز، فاتما مزوورى:

ستیڤان ده‌میستورا شانده‌رێ ناڤده‌وله‌تی یێ نه‌ته‌وه‌یێن یه‌كگرتی بۆ سوریا راگه‌هاند، كو هه‌ڤیتنێن ته‌ڤی نۆنه‌رێن رووسیا و ئیران و توركیا ل دۆر لیژنه‌یا ده‌ستوور یا سووریا كو ل باژارێ جنیف برێڤه‌ چوون و ژبۆ ده‌ما دوو ده‌مژمێران درێژ بوو گه‌له‌ك ب مفا بوون.

دا خویاكرن ژی كو سێرگی ڤیرشینین جێگرێ وه‌زیرێ ده‌رڤه‌ یێ رووسیا راگه‌‌هاند كو وه‌لاتێن گه‌ره‌نتی دار رووسیا و ئیران و توركیا پشتی هه‌ڤدیتنێن ته‌ڤی ستیڤان ده‌میستۆرا ل جنێف ل سه‌ر وێ رێكه‌فتنێ كو گۆتۆبێژ و شیره‌تكاریێن نووتر بكه‌ن و جاره‌ك دن بێن جنێف ب كو هوربینیێن بهتر دیار بكه.

ژ بال خوه‌ ڤه‌ چاڤكانیه‌كی دیبلۆماسی ئاماژه‌ ب وێ یه‌كێ كر كو هه‌نده‌ك ناكۆكی لدۆر پێكئانینا لیستێن ناڤێن ئه‌ندامێن لیژنه‌یا ده‌ستووری هه‌یه‌ و ئالیێن روسی ل سه‌ر ئه‌نجامێن كۆنگره‌یا سووشی رژدن.

ئه‌ڤرۆ نیوز، زنار:
ئه‌ڤرۆكه‌ ژى دێ سێ یارى ژ كوما ئێكێ و دویێ ژ چارچوڤێ یاریێن موندیالا روسیا هێنه‌ ئه‌نجامدان ب ڤى شێوه‌ى.

ده‌مژمێر 3:00 پرتوگال VS مه‌غرب … عیسام شه‌والى، جواد به‌ده‌، خالد حه‌دى
ده‌مژمێر 6:00 ئوروگواى VS سعودیه‌ … ره‌ئوف خلێف، خه‌لیل بلوشى، محه‌مه‌د به‌ره‌كات
ده‌مژمێر 9:00 ئیران VS ئسپانیا … یوسف سێف، عه‌لى محه‌مه‌د عه‌لى، حه‌سه‌ن عه‌یده‌روس

ئه‌ڤرۆ نیوز، زنار:
راهێنه‌رێ هه‌لبژارتیێ ئسپانیا فێرناندو هێرو د كونگره‌كێ روژنامه‌ڤانى دا ئاماژه‌ ب به‌رهه‌ڤبونا كارفاخالى دا و په‌سنا ئاستێ هه‌لبژارتیێ ئیرانێ.
د ڤى كونگره‌ى دا ئه‌وێ هاتیه‌ رێكخستن بۆ هیروى یاریا وان هه‌مبه‌ر هه‌لبژارتیێ ئیرانێ دیاركر كو دانى كارفاخال ستێرا ریال مه‌درید و هه‌لبژارتیێ ئسپانیا نوكه‌ یێ د ئاماده‌ باشیێ دا بۆ یاریا هه‌مبه‌ر ئیرانێ ژ كوما دویێ و راهێنانێن خوه‌ ب شێوه‌كێ سروشتى لگه‌ل تیمێ كرینه‌ و چو كێماسى د تیمێ دا نینن.
ژلایه‌كێ دى ڤه‌ هیێروى په‌سنا ئاستێ هه‌لبژارتیێ ئیرانێ كر و گۆت: ئیران هه‌لبژارتیه‌كێ بهێزه‌ ژلایێ هێرشبه‌ریێ و به‌ره‌ڤانیێ ڤه‌ و د 37 یاریێن بورى دا كێمترین رێژا گۆلان لسه‌ر هاتیه‌ توماركرن له‌ورا یا ب ساناهى نابیت سه‌ركه‌فتنێ توماربكه‌ین لێ دێ ب هه‌مى هێزا خوه‌ یاریێ كه‌ین بۆ ده‌ستڤه‌ ئینانا سێ خالان.

ئه‌ڤرۆ نیوز، زنار:
راهێنه‌رێ هه‌لبژارتیێ مه‌غرب هێرڤى رینارد دیاركر هه‌ر تشتێ د شیان دا بیت دێ كه‌ن پێخه‌مه‌ت راگرتنا رونالدوى.
د كونگره‌كێ رۆژنامه‌ڤانى دا راهێنه‌رێ هه‌لبژارتیێ مه‌غرب رینارد دیاركر بۆ یاریا خه‌مبه‌ر پرتوكال كو وى پلانه‌كا باش دانایه‌ بۆ راگرتنا ستێرا جیهانى و هه‌لبژارتیێ پرتوگال كرستیانو رونالدۆ بۆ ڤێ مه‌ره‌مێ دێ دو یاریزانان ته‌رخانكه‌ین چاڤدێریا وى بكه‌ن ل ده‌مێ هێرشێن مه‌ترسیدار بۆ سه‌ر گۆلا مه‌غرب په‌یدادبن ئه‌ر چه‌ندێ دێ یا مه‌حال بیت بشێن یاریزانه‌كێ وه‌كى وى بهێته‌ راگرتن لێ ئه‌ڤ چه‌نده‌ بۆ وێ چه‌ندێ یه‌ مه‌ترسیا وى كێم بكه‌ین و هه‌ر ده‌مێ ئه‌ڤ چه‌نده‌ بجه هات دێ شێن هزر د سه‌ركه‌فتنێ دا كه‌ین.

ئه‌ڤرۆ نیوز، زنار:
د نیڤا ئێكێ یا ڤێ یاریێ دا هه‌لبژارتیێ مسرێ ب ئاسته‌كێ باش هاته‌ دیتن و شیان چه‌ندین جاراد یاریێن گه‌را دویێ دا ژ كوما ئێكێ خه‌ونا هه‌لبژارتیێ مسرێ موندیالا روسیا ب دوماهى هات پشتى توشى خوساره‌تیا دویێ بون د قاره‌مانیێ دا و ڤێ جارێ ژى لسه‌ر ده‌ستێ هه‌لبژارتیێ روسیا ب سێ گۆلان به‌رامبه‌ر گۆله‌كێ.
ن هێرشێن مه‌ترسیدار لسه‌ر گۆلا روسیا په‌یدابكه‌ن نه‌شیان چو گۆلان د ڤێ نیگێ دا بكه‌ن و ئه‌ڤ نیڤه‌ بێ گۆل ب دوماهى هات.
د نیڤا دویێ دا هه‌ر ژ ده‌سپێكێ د هێرشه‌كا هه‌ڤدژ دا به‌ره‌ڤانێ مسرى ئه‌حمه‌د فه‌تحى ب خه‌له‌تى ڤه‌ گۆله‌ك لسه‌ر وه‌لاتێ خوه‌ توماركر ل خوله‌كا 47، پشتى ڤێ گۆلێ مورالا یاریزانێن روسیا بهێزتر لێهات و شیان گۆلا دویێ ژى ب رێكا یاریزانێ خوه‌ چیریچیڤ توماربكه‌ن ل ده‌قیقه‌یا 59 و دیفدا ب سێ خوله‌كان دزیوبا شیا گۆلا سیێ ژى بكه‌ن و ئه‌نجامێ یاریێ ئێكلا بكه‌ن سه‌ره‌راى هندێ كو محه‌مه‌د سه‌لاح شیا ئه‌نجامێ یاریێ كێم بكه‌ت ب توماركرنا گۆله‌كێ ل ده‌قیقه‌یا 73 ب رێكا په‌نه‌لتیێ لێ تێرا وێ چه‌ندێ نه‌كر وه‌لاتێ خوه‌ قورتال بكه‌ت و خه‌ونا فیرعه‌ونێن مسرى ب دوماهى هات د موندیالێ دا ب دو خوساره‌تیان به‌رامبه‌ر هه‌لبژارتیێ روسیا ب ڤێ سه‌ركه‌فتنێ ب فه‌رمى سه‌ركه‌فت بۆ قوناغا شازدێ پشتى دو سه‌ركه‌فتن ل دووڤ ئێك ئیناین.

ئه‌ڤرۆ نیوز، زنار زوبێر:
هه‌لبژارتیێ سینیگال شیا مفاى ژ خه‌له‌تیێن پوله‌ندا وه‌رگرن سه‌ركه‌فتنه‌كا گرنگ و ب ساناهى لسه‌ر هه‌لبژارتیێ پوله‌ندا توماربكه‌ن ب دو گۆلان به‌رامبه‌ر گۆله‌كێ د یاریێن كوما هه‌شتێ دا.
د نیڤا ئێكێ دا هه‌لبژارتیێ سینیگال شیا نیڤا یاریگه‌هێ كونترول بكه‌ت و ده‌لیڤه‌ نه‌دا هه‌لبژارتیێ پوله‌ندا ب ساناهى خوه‌ نێزیكى گۆلا وێ بكه‌ت و ده‌رئه‌نجام شیان گۆلا ئێكێ ل ده‌قیقه‌یا 37 ژ یاریێ توماربكه‌ن ب خه‌له‌تیا به‌ره‌ڤانێ پوله‌ندا ده‌مێ د لێدانا شوته‌كێ دا ته‌په‌ ب وى كه‌فتى و ئاراستێ ته‌پێ گوهورى بۆ ئه‌گه‌رێ گۆلا ئێكێ و نیڤا ئێكێ سینیگال ب ڤى ئه‌نجامى پێشكه‌فتنا خوه‌ ب گۆله‌كێ بێ به‌رامبه‌ر دوماهى بینن.
د نیڤا دویێ دا سنیگال ب هه‌مان شێواز شیان ئاسته‌كێ باش یاریێ بكه‌ن و ب خه‌له‌تیا یاریزانێ هێلا ناڤین یا پوله‌ندا كریچوڤیاك یاریزانێ سنیگال نیانگ شیا مفاى ژێ وه‌رگریت و گۆلا دویێ و پشت راستیێ بۆ وه‌لاتێ خوه‌ توماربكه‌ن ل ده‌قیقه‌یا 60، پشتى ڤێ گۆلێ یاریزانێن پوله‌ندا هه‌مى بزاڤ كرن بۆ كێمكرنا ئه‌نجامێ یاریێ ئه‌ چه‌نده‌ ژى ل ده‌قیقه‌یا 85 بجه هات ده‌مێ یاریزانێ پوله‌ندى كریچوڤیاك شیاى ب سه‌رى گۆلا ئێكێ توماربكه‌ن پشتى ڤێ گۆلێ ژبه‌ر شێوازێ به‌لاڤبون و به‌ره‌ڤانیا چر له‌ورا یارى ب سه‌ركه‌فتنا سینیگال ب دو گۆلان به‌رامبه‌ر گۆله‌كێ ب دوماهى هات.

ئه‌ڤرۆ نیوز، زنار:
ستێرا هه‌لبژارتیێ به‌رازیل نیمار داسێلڤا راهێنانێن ئه‌ڤرۆ یێن هه‌لبژارتیێ به‌رازیل بجه هێلان پشتى ژ ئه‌گه‌رێ هنگافتنێ نه‌شیاى به‌رده‌وامیێ بده‌تێ.
د ڤى چارچوڤه‌ى نوژدارێ تایبه‌ت یێ هه‌لبژارتیێ به‌رازیل دیاركر كو ژ ئه‌گه‌رَ هه‌ست كرن ب ئێشانێ د پێ خوه‌ یێ راستێ دا نیمار نه‌شیا به‌رده‌وامیێ بده‌ته‌ راهێنانێن ئه‌ڤرۆ دگه‌ل تیمێ له‌ورا نه‌چاربوو بجه بهێلیت و یا دیار نینه‌ كا دێ سوبه‌هى شێت پشكداریێ كه‌ت د راهێنانان دا یان نه‌ و دێ چاره‌سه‌ریا پێدڤى بۆ هێته‌ كرن پێخه‌مه‌ت ب زوترین ده‌م دوباره‌ ڤه‌گه‌ریته‌ راهێنانان لێ پشته‌ڤانێن به‌رازیل پشت راستكرن كو بۆ یاریا بهێت نیمار دێ یێ به‌رهه‌ڤ بیت.

website security