NO IORG
روان/بەرهەفکرن

ئه‌ڤرۆ نيوز:

پارێزگه‌رێ‌ دهۆكێ‌ داخوازێ‌ ژ وه‌لاتیێن هێژا یێن پارێزگه‌ها دهۆكێ‌ دكه‌ت ته‌قه‌كرنێ‌ راگرن و ره‌وشێ‌ تێك نه‌ده‌ن و نه‌بنه‌ ئه‌گه‌رێ‌ په‌یدابوونا روودانێن دلته‌زین و نه‌چاڤه‌رێكری.
دوپات دكه‌ن كو ته‌قه‌ كرن دیارده‌كا نه‌شارستانی یه‌ و ژ بلی زیانان چو ئه‌نجامێن دی نینن، له‌ورا هیڤیا مه‌ ژ خه‌لكێ‌ مه‌ ئه‌وه‌ ل گه‌ل مه‌ و ده‌زگه‌هێن ئێمناهیێ‌ د هاریكار و هه‌ڤكار بن و ته‌قه‌ كرنێ‌ ب هه‌موو ره‌نگه‌كی راگرن.
فه‌رهاد ئه‌مین ئه‌ترووشی
پارێزگه‌رێ‌ دهۆكێ‌
شه‌ڤا 18 ل سه‌ر 19\10\2017 

ئه‌ڤرۆ نيوز:

رێڤه‌به‌ريا گشتى يا په‌روه‌ردێ، ئاگه‌هدارى يا سه‌رجه‌م ماموستايان دكةت كو رێڤه‌به‌ريا گشتى يا په‌روه‌ردێ ل ديوانا وه‌زاره‌تا په‌روه‌ردێ (110) پلێن سه‌رپه‌رشتيارى ل هه‌ردوو قوناغان (بنه‌ره‌تى وئاماده‌يى ) بو پارێزگه‌ها دهوكێ راگه‌هاندينه‌ ودوماهيك ژڤان بو پێشكێشكرنێ 18/10/2017 .

ژبه‌ر كو ئه‌ڤه‌ (5) ساله‌ پلێن سه‌ريه‌رشتيارى نه‌هاتينه‌ راگه‌هاندن وه‌زاره‌تا په‌روه‌ردێ بريار دا (24) پلێن سه‌رپه‌رشتيرى بو قوناغا بنه‌ره‌ت ل هه‌ر (10) په‌روه‌ردێن قه‌زا سه‌ر ب رێڤه‌به‌ريا گشتى يا په‌روه‌ردێ ل پارێزگه‌ها دهوكێ و (76) پله‌ بو قوناغا ئاماده‌يى ب راگه‌هينيت وفورمێن پێشكێشكرنێ دێ هێنه‌ دابه‌ش كرن ل يه‌كێن سه‌رپه‌رشتياريا په‌روه‌رده‌يى ( بنه‌ره‌ت وئاماده‌يى ) بيت .
مه‌رجێن پێشكێشكرنێ :
1. خزمه‌تا فعلى دكارێ ماموستايى دا ل دويف باوه‌رناما ب ڤى شێوه‌ى بيت :
أ . ئه‌و ماموستايێن هه‌لگرێن باوه‌رناما دبلوم بو باغچێ زاروكان خزمه‌تا وى ژ (13 ) كێمتر نه‌بيت .
ب. بو هه‌لگرێن باوه‌رناما بكالوريوس وده‌رچويێن په‌يمانگه‌ها راهێنان وگه‌شه‌پێدانا په‌روه‌رده‌يى وخزمه‌تا وان (12) سال كێمتر نه‌بيت .
ج. . بو هه‌لگرێن باوه‌رناما دبلوما بلند خزمه‌تا وان (11) كێمتر نه‌بيت .
د. باوه‌رناما ماسته‌ر خزمه‌تا وان ژ( 10) كێمتر نه‌بيت .
هـ. باوه‌رناما دكتوراه خزمه‌تا وان ژ( 9) كێمتر نه‌بيت .

2. ژيێ وى ژ ( 50) سالان زێده‌تر نه‌بيت .
3. دڤێت ماموستايێ داواكار فه‌رمانا جێگيربونێ ( تثبيت ) بو هاتبيته‌ كرن .
4. ژروويێ جه‌سته‌يى يێ ساخله‌م بيت .
5. كه‌سايه‌تيه‌كا ب هێز هه‌بيت وچێ نه‌رينى (سلبى) ل سه‌ر نه‌بيت .
6. هيچ جوره‌ سزاييه‌ك ژ ئه‌نجامێ ليژنا ڤه‌كولينێ ناهتبيته‌ ئاراسته‌كرن ب تايبه‌ت ئه‌ڤان كاران ( به‌دره‌وشتى – ده‌ست پيسى – سه‌خته‌كرن دبروانامان دا ) وئه‌و كارێن په‌يوه‌ندى ب ئه‌زموون ونمرێن قوتابيان ڤه‌ هه‌ى خو ئه‌گه‌ر ئه‌و سزا ب فه‌رمى ژى هاتبيته‌ هه‌لوه‌شاندن .
تێبينى :
1. ژبه‌ر كو ئه‌ڤه‌ بو ماوێ (5) ساله‌ پلێن سه‌رپه‌رشتيارى نه‌هاتينه‌ راگه‌هاندن ژبه‌ر ڤێ چه‌ندێ تاكو ژيێ (55) ساليێ مافێ پێشكێشكرنا داخازيان هه‌يه‌ ( بتنێ بو ئه‌ڤ ساله‌ ) .
بو سه‌رپه‌رشتيارى ده‌روونانسى : هه‌لگرێن برواناما بكالوريوس خزمه‌تا كردارى (فعلى ) (9) سال وزێده‌تر مافێ پێشكێشكرنێ هه‌يه‌ بتنێ بو ئه‌ف ساله‌ .

ئه‌ڤرۆ نیوز:

سه‌رۆك بارزانى ب هه‌لكه‌فتا وه‌غه‌ركرنا جه‌لال تاله‌بانى سكرتێرێ گشتى یێ ئێكه‌تیا نیشتمانیا كوردستانێ، په‌یامه‌كا هه‌ڤخه‌میێ راگه‌هاند و حه‌فتیه‌كا به‌هیێ راگه‌هاند.
مه‌سعود بارزانى سه‌رۆكێ هه‌رێما كوردستانێ د په‌یامه‌كا ڤیدیویى دا راگه‌هاند” د ڤێ رۆژا خه‌مگین دا، پرسه‌ و سه‌ره‌خوشیا خوه‌ دگه‌هینمه‌ خێزانا تاله‌بانى ب تایبه‌تى هیرۆخانێ و كاك بافل و كاك قوباد و ژ دل هه‌ڤپشكێ خه‌ما وانم”.
بارزانى دیاركر: ژ ده‌ستدا سه‌ركرده‌كێ وه‌كو مام جه‌لال، زیانه‌كا مه‌زنه‌ بۆ گه‌لێ مه‌ و ب سناهى پرنابیت، ژ خودێ هیڤى خوازم، مام جه‌لال ب به‌هه‌شتا به‌رین شاد بكه‌ت.
بارزانى ئاماژه‌ دا وێ یه‌كێ كو وى هه‌ڤاله‌ك و برا و پشته‌ڤانه‌كێ ب هێز ژ ده‌ستدا و گۆت” جهێ شانازیێ یه‌ كو ئه‌م هه‌ردوك پێكڤه‌ ل گه‌ل برایێن دى، ئه‌م شیاین گه‌له‌ك ئالوزیان ل سه‌ر رێیا خه‌بات و تێكوشینا مه‌ راكه‌ین، هه‌روه‌سا مه‌ گه‌له‌ك قوناغێن تال و نه‌خوش ده‌رباز كرن، شانازى یه‌ كو گه‌له‌ك ژ ده‌ستكه‌فتێن ئه‌ڤرۆ بۆ ته‌بایى و برایه‌تیا مه‌ داناى د زڤریت”.
بارزانى ئێكرێزى ب باشترین وه‌فا بۆ مام جه‌لالى وه‌سف كر و گۆت” نوكه‌ باشترین وه‌فا بۆ گیانێ برایێ به‌رێز مام جه‌لال و گیانێ هه‌موو شه‌هیدێن رێیا رزگاریخوازا گه‌لێ كوردستانێ، ئه‌وه‌ كو ئێكرێزیا خوه‌ بهێزتر بكه‌ین، ب وێ یه‌كێ ژى دشێین بگه‌هیننه‌ ئارمانجا پیرۆز كو سه‌ركردێن مه‌ و ب هزاره‌هان شه‌هیدان گیانێ خوه‌ ژ پێخه‌مه‌ت به‌خت كرى”.

ئه‌ڤرۆ نیوز:

وه‌زاره‌تا دارایى و ئابوورى یا حكومه‌تا هه‌رێما كوردستانێ دیاركر كو رۆژا چوارشه‌مبى و پێنج شه‌مبى رێكه‌فتى 4 -5 / 10 / 2017 دێ موچه‌یێن پێشمه‌رگێن خانه‌نشین هێته‌ دابه‌شكرن. رۆژا ئێك شه‌مبى و دووشه‌مبى رێكه‌فتى 8 – 9 / 10 / 2017 ژى دێ موچه‌یێن خانه‌نشینێن شارستانى هێنه‌ دابه‌شكرن.

ئه‌ڤرۆ نیوز:
ئه‌لیكسانده‌ر نوڤاك، وه‌زیرێ وزه‌یا رووسیا راگه‌هاند، پشتى ریفراندۆما هه‌رێما كوردستانێ، پێدڤیه‌ پرۆسا هنارتنا په‌ترۆلا هه‌رێما كوردستانێ یا به‌رده‌وام بیت.
سه‌باره‌ت گه‌فێن توركیا، وه‌زیرێ وزه‌یا روسیا گۆت” دێ دیراسه‌تێ ل سه‌ر گه‌فێن توركیا بۆ راگرتنا په‌ترۆلا هه‌رێمێ كه‌ین”.
روسیا ب گرێبه‌ستا ئێك ملیار دولار، بوریا غازا سروشتى یا هه‌رێما كوردستانێ ب رێیا كۆمپانیا روزنه‌فت دێ بۆ بازارێن جیهانێ راكێشیت كو كار ل سه‌ر پێنج زه‌ڤیێن به‌رهه‌مئینانا غازا سروشتى دكه‌ت.

ئه‌ڤرۆ نیوز:

سه‌ركردایه‌تیا ئاك پارتى، ئه‌ڤرۆ ب سه‌رۆكاتیا ره‌جه‌ب ته‌یب ئه‌ردوگان كۆم بوو و بڕیار دا، هه‌ر وه‌كو به‌رێ په‌یوه‌ندیێن خوه‌ ل گه‌ل هه‌رێما كوردستانێ به‌رده‌وامیێ پێ بده‌ن.

ماهر ئوناى، په‌یڤدارێ پارتا داد و گه‌شه‌پێدان ( ئاك پارتى) ئاماژه‌ ب وێ یه‌كێ كر كو د كومبوونێ دا به‌حسێ وێ یه‌كێ ژى كریه‌  كو” كوردێن عیراقێ دوستێن مه‌ یێن كه‌ڤنارن، وه‌كو چاوان مه‌ پشته‌ڤانى ل ده‌ستكه‌فتێن وان كرینه‌، دێ ب هه‌مان شێوه‌ د به‌رده‌وام بین، به‌لێ د هه‌مان ده‌مدا ئه‌م ره‌فتارێ ل گه‌ل ئه‌نجامێن ریفراندومێ ناكه‌ین و دانپێدانێ پێ ناكه‌ین”.

ئه‌ڤرۆ نیوز:

د ڤێ ڤيديويێ دا هشيار زێبارى به‌رسڤا وێ چه‌ندێ دده‌ت ئه‌رێ دێ چاره‌نڤيسێ عه‌ره‌بێن ل كوردستانێ دژين، پشتى ريفراندومێ چ بيت

ئه‌ڤرۆ نیوز:
هه‌ژار به‌روشكى رێڤه‌به‌رێ راگه‌هاندنا زانكۆیا جیهان بۆ ئه‌ڤرۆ دیاركر كو وه‌ك ئه‌ركه‌كێ نیشتیمانى و رێزگرتن بو خه‌بات و قوربانیدانا پێشمه‌رگێن قاره‌مان و گیانێ هزاران شه‌هیدان، زانكویا جیهان ب گشت ستافێ خوڤه‌ ژ (سه‌روكایه‌تى و یاریده‌ده‌ر و ماموستاو فه‌رانبه‌ران) ب شانازیڤه‌ پالپشتیا خو ده‌ربرى بو پشته‌ڤانى و به‌شدارى د بانگه‌شا به‌لێ بو ریفراندۆم و سه‌ربه‌خویا كوردستانێ دا، وئێكه‌م زانكو بوو ده‌ست ب به‌لاڤكرن و هلاویستنا دروشم و پوسته‌را كرى ل دهوكێ و گۆت” تا نها 150 تابلویێن جودا جودا هاتینه‌ هلاویستن ل ناڤا باژارى و جهێن جودا جودا”.
زانكویا جیهان ل دهوكێ ل سالا2013ێ هاتیه‌ دامه‌زراندن و نوكه‌ ژ 6 به‌شان پێك دهێت (زمانێ ئنگلیزى، زانستێن كومبیوته‌رى، دارایى وبانك، ژمێریارى، كارگێرى كار، هونه‌رێ شێوه‌كارى).

ئه‌ڤرۆ نيوز:

سه‌رۆكايه‌تيا هه‌رێمێ د راگه‌هاندنه‌كێ دا ل دۆر كومبوونا ئه‌ڤرۆ يا سه‌رۆك بارزانى كو ل سحێلا ل  ل گه‌ل نوونه‌رێ تايبه‌تێ سه‌رۆكێ ئه‌مريكا و نوونه‌رێن هه‌ڤپه‌يمانان ئه‌نجام داى دياركر كو ئه‌مريكا ل شوونا ريفراندومێ به‌ديله‌ك دايه‌ كوردان، به‌لێ بارزانى دياركريه‌ كو بريارا ريفراندومێ يا پارتێن سياسى يه‌ و ل نێزيك دێ به‌رسڤا وه‌ ده‌ين.

website security
Facebook Auto Publish Powered By : XYZScripts.com