NO IORG
روان/بەرهەفکرن

ئه‌ڤرۆ نيوز:

به‌رى چه‌نده‌كێ وه‌زاره‌تا دارايى د راگه‌هاندنه‌كێ دا، ب فه‌رمى مووچێ هه‌يڤا 9 يێ هه‌موو وه‌زاره‌تان راگه‌هاند و ب ڤى ره‌نگى:

به‌رى چه‌نده‌كێ وه‌زاره‌تا دارايى د راگه‌هاندنه‌كێ دا، ب فه‌رمى مووچێ هه‌يڤا 9 يێ هه‌موو وه‌زاره‌تان راگه‌هاند و ب ڤى ره‌نگى:

– رۆژا دوشه‌مبى 18 ڤێ هه‌یڤێ، یێ هه‌یڤا 9 یێ دیوانا وه‌زاره‌تا پێشمه‌رگه‌ى و لیوایێن 1 دێ هێته‌ به‌لاڤكرن، سێ شه‌مب و چارشه‌مب 19 و 20 ڤێ هه‌یڤێ، دێ یێ یه‌كه‌یێن 80 و 70 هێته‌ به‌لاڤكرن
21 هه‌یڤێ دێ مووچێ:

– فەرماندەیا پێشمەرگێ زێرەڤانی.
– فەرماندەیێ پۆلیسی بەرگری و فریاكەوتن.
– ئەنجوومەنێ ئاسایش.
– دەزگایێ گشتیی ئاسایش.

رۆژا 24 هه‌یڤێ دێ مووچێ خێزانێن شه‌هید و ئه‌نفالكریان و زیندانیێن سیاسى و ڤان جهان هێته‌ به‌لاڤكرن:

– وەزارەتا دارایی و ئابووری.
– وەزارەتا شەهیدان و ئەنفالكراوان.
– وەزارەتا پلاندانان.
– دیوانا چاودێری دارایی.
– مافی مرۆڤ.
– ناوچێن كوردستانی
– دەستەیيا ژینگەهێ
– دەستەيا وەبەرهێنان.
– دەستەيا دەستپاكی.
– كۆمیسیۆنا باڵا يا  هەڵبژارتنێن كوردستانێ.

26ڤێ دێ موچێ په‌روه‌ردێ و خواندنا بلند هێته‌ به‌لاڤكرن و 27 ڤێ هه‌یڤێ دێ یێ وه‌زاره‌تا ناڤخو و ساخله‌میێ و ده‌زگه‌هێ مین هێـته‌ به‌لاڤكرن و رۆژا 28 هه‌یڤێ دێ موچێ كێم ئه‌ندامان و ڤان جهان هێـته‌ به‌لاڤكرن.

– وەزارەتا شارەوانی و گەشتوگوزار.
– وەزارەتا ئاوەدانكردنەوە و نیشتەجێ‌كردن.
– وەزارەتا گواستنەوە و گەیاندن.
– وەزارەتا پیشەسازی و بازرگانی.
– وەزارەتا كشتوكاڵ و سەرچاوەكانی ئاو.
– وەزارەتا ئەوقاف و كاروباری ئایینی.
– وەزارەتا رۆشنبیری و لاوان.
– وەزارەتا سامانە سرووشتییەكان.
– وەزارەتا كار و كاروباری كۆمەڵایەتی.
– وەزارەتا داد.
– ئەنجوومەنێ دادوەری.
– سەرۆكایەتییا هەرێما کوردستان.
– سەرۆكایەتییا پەرلەمانێ کوردستان.
– سەرۆكایەتییا ئەنجوومەنێ وەزیران.

ئه‌ڤرۆ نيوز:

ژ ئه‌گه‌رێ بكارئينانا په‌يڤا كوردستان، د گوتاره‌كێ دا، ئه‌ڤرۆ ل په‌رله‌مانێ كوردستانێ، عوسمان بايده‌مير په‌رله‌مانتارێ هه‌ده‌پێ ژ ئاليێ ده‌سته‌يا سه‌رۆكاپه‌تيا په‌رله‌مانى ب دو رۆژان ژ په‌رله‌مانى هاته‌ ده‌رێخستن.

پشتى ناڤێ كوردستان ئيناى، عایشەنوور باخچەکاپلی جێگرا سه‌رۆكێ په‌رله‌مانێ توركيا ژ بايده‌مير پرسى، كوردستان ل كيرى يه‌؟ عوسمان بايده‌مير ژى ده‌ستێ خوه‌ ل سه‌ر دلێ خوه‌ دانا و گۆتى: كوردستان يێ ل ڤێره‌.

 

ئه‌ڤرۆ نيوز:
په‌رله‌مانێ ئه‌لمانیا د روونشتنا خوه‌ یا ئه‌ڤرۆ دا بریارا به‌رده‌وامیا مه‌شقدانا هێزێن پێشمه‌رگه‌ی ژ ئالیێ هێزێن ئه‌لمانی ڤه‌ په‌سه‌ند كر و كوژمێ 6.9 ملیون یورو بۆ ڤێ مه‌به‌ستێ ژى ته‌رخان كرن.
په‌رله‌مانێ ئه‌لمانیا درێژكرنا ده‌ما مانا هێزێن فیدرال یێن ئه‌لمانیا د هه‌ڤپه‌یمانیا نێڤده‌وله‌تی یا شه‌رێ دژی داعشێ دا ل ئیراق و سووریێ په‌سه‌ندكر، ل گۆری بریارا په‌رله‌مانێ ئه‌لمانیا مه‌شقدان و هاریكاریكرنا هێزێن پێشمه‌رگه‌ی ژى دێ یا به‌رده‌وام بیت.
ئه‌لمانیا 150 راویژكارێن سه‌ربازى ره‌وانه‌ى هه‌رێما كوردستانێ كرینه‌ و راهێنان ب نێزیكى پێنج هزار پێشمه‌رگان كریه‌، هه‌روه‌سا پتر ژ دو هزار ته‌نێن چه‌ك و ته‌قه‌مه‌نیان ب كوژمێ زێده‌تر ژ 95 ملیون دۆلاران ره‌وانه‌ى هه‌رێما كوردستانێ كرینه‌.

ئه‌ڤرۆ نيوز:

تێرێزا مه‌ى سه‌رۆك وه‌زيرێن به‌ريتانيا په‌يوه‌نديه‌كا ته‌له‌فونى ل گه‌ل نێچيرڤان بارزانى سه‌رۆك وه‌زيرێن هه‌رێمێ ئه‌نجام دا، د په‌يوه‌نديا ته‌له‌فونى دا، سه‌رۆك وه‌زيرێن به‌ريتانيا راگه‌هاند: به‌ريتانيا دێ يا به‌رده‌وام بيت د خه‌باتا خوه‌ دا بۆ پاراستنا ماف و ناسناما گه‌لێ كورد ل چارچووڤێ ده‌ه‌ستوورێ عيراقێ.

سه‌رۆك وه‌زيرێن به‌ريتانيا پشته‌ڤانيا خوه‌ بۆ هه‌رێما كوردستانێ و گه‌لێ كورد ل عيراقه‌كا ئێكگرتى دا دووپات كر و داخواز كر چاكسازيێن حوكمه‌تا هه‌رێما كوردستانێ ل كه‌رتێن سياسى و ئابوورى و ئاسايشێ به‌رده‌وام بن هه‌تا وه‌كو سازيێن هه‌رێما كوردستانێ د خزمه‌تا گه‌لێ كورد دابن.

 

ئه‌ڤرۆ نيوز:

رۆژناما ماركا يا ئسپانى به‌لاڤ كريه‌ كو ئه‌ڤرۆ هه‌ردو ياريزانێن ريال مه‌دريد گاریس به‌یڵ و رافائێل ڤاران پشكدارى د مه‌شقێن ب كوم  يێن تيپێ دا كريه‌ كو ل ئه‌بوزه‌بى دهێته‌ سازكرن.

ريال ل باژێرێ ئه‌بوزه‌يى يێ ئيماراتى خوه‌ بۆ ياريا پێش دووماهيێ يا جامێن جيهانى يا يانان به‌رهه‌ڤ دكه‌ت كو برياره‌ رۆژا چارشه‌مبى به‌رامبه‌ر يانا جه‌زيره‌ يا ئيماراتى ئه‌نجام بده‌ت.

 

ئه‌ڤرۆ نيوز:

ل تاخێ سه‌يداوا ل باژێرێ هه‌ولێرێ كه‌سه‌كى ب گولله‌يه‌كێ خوه‌شكا خوه‌ ژكوشت، په‌يڤدارێ پۆليسان ژى دبێژيت: روودان قه‌زا و قه‌ده‌ر بوو و ڤه‌كولين ل روودانێ ده‌ست پێ كريه‌.

هوگر عه‌زيز په‌يڤدارێ پۆليسێن هه‌ولێرێ راگه‌هاند، ئه‌و هاتنه‌ ئاگاداركرن كو ل تاخێ سه‌يداوا ل هه‌ولێرێ كو روودانه‌كا نه‌خواستى دروست بوويه‌، پشتى گه‌هشتينه‌ جهێ روودانێ ده‌ركه‌ت كه‌سه‌كى ب گولێ خوشكا خوه‌ كوشتى يه‌، به‌لێ روودان قه‌زا و قه‌ده‌ر بوو و ڤه‌كولين ل روودانێ ده‌ست پێ كريه‌.

 

ئه‌ڤرۆ نيوز:

سەرۆک وەزیرێن ھەرێما کوردستانێ نێچيرڤان بارزانى د ديداره‌كێ دا ل گه‌ل  نێچیرڤان بارزانی بالیۆزێ ئەلمانیا ل ئیراقێ دياركر : پێدڤییە ئەگەرێن سەرھلدانا داعشێ ژ ئالیێ بەغدایێ ڤە بھێن چارەکرن تاکو دوبارە توندوتیژی سەرنەھلەدەت ڤە.

نێچیرڤان بارزانی ئەڤرۆ پێشوازی ل سیریل نان بالیۆزێ ئەلمانیا ل ئیراقێ کر، تێدا بالیۆزێ ئەلمانیا پشتەڤانیا وەلاتێ خوە بۆ حکومەتەکا بھێز ل ھەرێما کوردستانێ دیارکر و تەکەزی ل دانوستاندنێن رژد د ناڤبەرا ھەولێر و بەغدایێ دا د چوارچووڤێ دەستووری دا کر.
د ئالیەکێ دیێ ئاخفتنێن خوە دا بالیۆزێ ئەلمانیا سوپاسییا خەلک و حکومەتا ھەرێما کوردستانێ بۆ وێ خزمەتا پێشکێشی ئاوارەیان کری کر و بەردەوامییا پشتەڤانییا وەلاتێ خوە د ھاریکاریکرنا ئاوارە و پەنابەران دا دوپاتکر.

ئه‌ڤرۆ نيوز:

ئه‌وقافا دهۆك ل دۆر خواندنا ماسته‌ر و دكتورايێ بۆ فه‌رمانبه‌رێن سه‌ر ب ئه‌وقافێ ڤه‌،  ئاگاداريه‌ك به‌لاڤ كريه‌ و تێدا هاتيه‌ فه‌رمانبه‌رێ دڤێت بخوينيت:

1.پێدڤیە (2) سال خزمەتا فعلی هەبیت .
2.تەمەنێ وی بو ماستەرێ (45) سال زێدەتر بن .بو دکتورایێ (50) سال زێدەتربن.
3.نمرێت وی کێمترنەبین ژ (65%) بو ماستەرێ کێمترنەبن..بودکتورایێ ژ (75%).
4. پێدڤەیە ئەو برواناما ب دەست خوڤە ینابیت ب ڤەرمانا وەزاری بیت .و مولەتا خاندنێ وەرگرتبیت .فەرمانا وەزاری یا پەسەندکرنا بروانامێ هەبیت هه‌روه‌سا دياركريه‌ كو ماوێ دیارکر بتنێ(7) حەفت روژن و پتر پێزانينا، بلا فه‌رمانبه‌ر سەرەدانا ئەوقاف قەزادهوک بکەن بەشێ خویەتی .

ئه‌ڤرۆ نيوز:

لژنا دارايى ل په‌رله‌مانێ عيراقێ سه‌باره‌ت پرۆژه‌ قانوونا بودجێ سالا 2018 كوم بوو و رۆژا دوشه‌مبى دێ سه‌رنج و تێبينێن خوه‌ ل سه‌ر پرۆژه‌ى راده‌ستى سه‌رۆكاتيا په‌رله‌مانى كه‌ت.

ئه‌حمه‌د حاجى بريارده‌رێ لژنا ارايى دياركر مه‌ره‌ما مه‌ ژ راده‌ستكرنا ڤان تێبينيان ئه‌وه‌ كو سه‌رۆكايه‌تيا په‌رله‌مانى پێشكێشى حوكمه‌تا عيراقێ بكه‌ت.
ئه‌حمه‌د حاجى  ئاماژه‌ ب گرنگترين خالێن تێبينييێن كوردان كرن كو پشكا هه‌رێمێ بكه‌نه‌ 17% و په‌يڤێن نه‌قانوونى وه‌كو پارێزگه‌هێن هه‌رێما كوردستانێ و ديار نه‌كرنا بودجێ پێشمه‌رگه‌ پێك دهێت.

ئه‌ڤرۆ نيوز:

مه‌كته‌با سياسى يا پارتى ديموكراتى كوردستان ب هه‌لكه‌فتا 65 ساليا دامه‌زراندنا ئێكه‌تيا ئافره‌تێن كوردستانێ په‌يامه‌كا پيروزباهيێ به‌لاڤ كريه‌ و گه‌رمترين پيرۆزباهى ل سكرتێر و ئه‌ندامێن مه‌كته‌با سكرتاريه‌ت و هه‌ڤالێن جڤاتا بلندا ئێكه‌تيا ئافره‌تێن كوردستانێ كريه‌.

مه‌كته‌با سياسى يا پارتى ديموكراتى كوردستان دياركر كو ئێكه‌تيا ئافره‌تان شيايه‌ د ته‌مه‌نێ خوه‌دا، رۆله‌كێ به‌رچاڤ مل ب ملێ خه‌باتا رزگاريخوازا گه‌ل و بزاڤا سياسى ل هه‌موو قوناغ و شێوازێن خه‌باتێ بگێريت.

مه‌كته‌با سياسى يا پارتى ديموكراتى كوردستان پشته‌ڤانيا خوه‌ بۆ بۆ ئێكه‌تيا ئافره‌تان دووپات كريه‌ڤه‌ و هيڤى خواستيه‌ هه‌رده‌م پێشه‌نگ بن بۆ بده‌ستڤه‌ئينانا گشت ماف و داخوازيێن ئافره‌تان.

website security
Facebook Auto Publish Powered By : XYZScripts.com