NO IORG
روان/بەرهەفکرن

ئه‌ڤرۆ نیوز:

مه‌سعود بارزانى سه‌رۆكێ هه‌رێما كوردستانێ به‌رسڤا فراكسیونا ئێكه‌تیێ دا ل سه‌ر گرتنا حه‌یدر شه‌شو و راگه‌هاند : گرتنا حه‌یده‌ر شه‌شو پرسه‌كا سیاسى نینه‌ و په‌یوه‌ندى ب پارتى ڤه‌ ژى نینه‌ و ناهێلێن ده‌رڤه‌ى قانوونێ و وه‌زاره‌تا پێشمه‌رگه‌ى چ هێزه‌كا دى هه‌بیت.

ل دۆر پرسا گرتنا حه‌یده‌ر شه‌شو، 7 نیسانێ فراكسیونا ئێكه‌تیێ ل په‌رله‌مانێ كوردستانێ گرتنا حه‌یده‌ر شه‌شو ب ژدوارى شه‌رمزاركربوو و هێرش كربوونه‌ سه‌ر سه‌رۆكاتیا هه‌رێمێ و پارتى دیموكراتى كوردستان.

ئه‌ڤرۆ نيوز:

ل دووڤ به‌لگه‌نامه‌كێ، پشكا دارايى يا ده‌سته‌يا حه‌شد شه‌عبى، پشته‌ڤانيا هێزه‌كا ئێزدى كو سه‌ر ب حه‌شد شه‌عبى ڤه‌يه‌ دكه‌ت ب  كوژمێ دو مليار  و 625 مليون ديناران  و ئه‌و پاره‌ بۆ وان هاتيه‌ ته‌حويل كرن بۆ دهۆكێ و هه‌ر چه‌كداره‌كێ كوژمێ 825 هزار ديناران وه‌ردگريت.

ل دووڤ به‌لگه‌نامێ كو NRT به‌لاڤكريه‌ ئه‌ڤ پاره‌ هه‌ر ئێك ژ موراد شەرو سەلمان و جەمیل غانم جومەر و عەبدولکەریم یوسف حەنا وه‌رگرتينه‌ و ل سه‌ر ئه‌ندامێن ئێزدى يێن حه‌شد شه‌عبى به‌لاڤ كرينه‌.

ئيزدى

ئه‌ڤرۆ نیوز:

ئومێد سه‌باح په‌یڤدارێ سه‌رۆكاتیا هه‌رێما كوردستانێ سه‌باره‌ت ده‌سته‌سه‌ركرنا حه‌یده‌ر شه‌شو رونكرنه‌ك به‌لاڤكریه‌ و راگه‌هاندیه‌: پشتى كو تاقمه‌ك ل ده‌ڤه‌را شنگال د بزاڤا دامه‌زراندنا هێزه‌كێ دا بوون ل ده‌رڤه‌ى هه‌موو چوارچوڤێن قانوونى و وه‌زاره‌تا پێشمه‌رگه‌ى، ل ده‌ستپێكا هه‌یڤا 2 یا ئه‌ڤ ساله‌ هاتنه‌ ئاگه‌هداركرن كو رێ پێ ناهێته‌ دان چ هێزه‌ك ل ده‌رڤه‌ى ده‌ستهه‌لاتا قانوونێ بهێته‌ دروستكرن و دو هه‌یڤ موله‌ت پێ هاته‌ دان، به‌لێ ئه‌و درژبوون ل سه‌ر ته‌حه‌دایا ده‌ستهه‌لاتا هه‌رێمێ له‌وما ب چ ره‌نگه‌كێ رێ ب چ هێزه‌كا نه‌قانوونى ناهێته‌ دان و سه‌رپێچیكار ل دووڤ قانوونێ دێ ره‌فتار ل گه‌ل هێته‌ كرن.

ئه‌ڤرۆ نیوز:
موئه‌یه‌د ته‌یب چاڤدێرێ سیاسى و په‌رله‌مانتارێ به‌رێ یێ عیراقێ راگه‌هاند كو هاتنا عه‌بادى بۆ هه‌ولێرێ ئه‌و یه‌ك دیاركر كو سیاسه‌تا كوردستانێ و سه‌ركردایه‌تیا كوردى یا راست و دروسته‌ .
موئه‌یه‌د ته‌یب گۆت ژى: هاتنا حه‌یده‌ر عه‌بادى بۆ كوردستانێ ، رامانا وێ چه‌ندێ ژى ناده‌ت كو هه‌موو كێشێن هه‌رێمێ و به‌غدا دێ چاره‌ بن، به‌لكو چاره‌كرنا هه‌ر كێشه‌یه‌كێ بۆ هه‌ولێر و به‌غدا یا گرنگه‌، له‌وما ئه‌گه‌ر د ڤێ سه‌ره‌دانا عه‌بادى دا هه‌موو ئاریشه‌ نه‌هاتبنه‌ چاره‌كرن، پێنگاڤه‌كا باشه‌ بۆ گه‌هشتن ب رێككه‌فتنا دووماهیێ.

ئه‌ڤرۆ نیوز:
گرۆپه‌ك ژ چه‌كدارێن به‌ره‌یێ نوسره‌ ل سه‌ر رێیا حه‌له‌ب 300 وه‌لاتیێن كورد یێن كانتونا عفرینێ ره‌ڤاندن و ئه‌و وه‌لاتى ره‌ڤاندنه‌ ده‌ڤه‌ره‌كا بن ده‌ستهه‌لاتا چه‌كدارێن به‌ره‌یێ نسره‌.

ل گۆر ده‌نگوباسه‌كێ ئاژانسا هاوار، چه‌كدارێن به‌ره‌یێ نسره‌ ل رێیا حه‌له‌ب و ل ده‌ڤه‌را ته‌یارا ل ئیدلیب، كو دكه‌ڤیته‌ رۆژئاڤا پارێزگه‌ها حه‌له‌ب، ئه‌ڤرۆ خاله‌كا پشكنینێ داناینه‌ و رێ ل 5 پاسان كرتیه‌ كو وه‌لاتیێن كانتونا عفرینێ تێدا بوون و هه‌مى گرتینه‌ و بۆ ده‌ڤه‌ره‌كا بن ده‌ستهه‌لاتا خوه‌ ڤه‌گوهاستینه‌.

ئه‌ڤرۆ نیوز:
سه‌رۆكێ هه‌رێما كوردستانێ پیرۆزباهیا رزگاركرنا تكریت ل حه‌یده‌ر عه‌بادى كر و هه‌ر دو ئالیان رژدى ل سه‌ر هه‌ماهه‌نگى و هه‌ڤكاریا به‌رده‌وام د ناڤبه‌را هێزێن عیراقى و پێشمه‌رگه‌ى كر.
ئه‌ڤرۆ د په‌یوه‌ندیه‌كا ته‌له‌فونى دا، د ناڤبه‌را مه‌سعود بارزانى سه‌رۆكێ هه‌رێما كوردستانێ و حه‌یده‌ر عه‌بادى سه‌رۆك وه‌زیرێن عیراقێ، بارزانى پیروزباهی ل سه‌رۆك وه‌زیرێن عیراقێ كر ب هه‌لكه‌فتا ئازادكرنا تكریت ژ ئالیێ هێزێن عیراقى ڤه‌ و شكه‌ستنا تیرورستان ل ده‌ڤه‌رێ، هه‌روه‌سا سه‌رۆك وه‌زیرێن عیراقێ پیرۆزباهیێن خوه‌ ئاراسته‌ى سه‌رۆك بارزانى كرن ب هه‌لكه‌فتا سه‌ركه‌فتنێن به‌رچاڤ یێن هێزێن پێشمه‌رگێ كوردستانێ به‌رامبه‌ر تیرورستان.

ئه‌ڤرۆ نیوز:

جڤاتا ئاسایشا هه‌رێما كوردستانێ كوشتنا بكوژێ شه‌هید هوجام پشتراستكر و د به‌یاننامه‌كێ دا ئاماژه‌ ب وێ یه‌كێ كریه‌: شڤێدى ل ده‌مژمێر 8 و 45 ده‌قیقه‌، ل تاخێ قاهیره‌ یێ باژێرێ مووسل، تیرورست ( موه‌فه‌ق ئه‌سعه‌د ئه‌سكه‌نده‌ر) هاته‌ كوشتن و دو ژ هه‌ڤالێن وى ب گرانى برینداربووینه‌.
تیرورست ( موه‌فه‌ق ئه‌سعه‌د ئه‌سكه‌نده‌ر) سه‌ره‌راى ئه‌نجامدانا چه‌ند كریارێن تیرورستى ل 25 هه‌یڤا ئێك ل باژێرێ مووسل، ئه‌فسه‌ره‌كێ پێشمه‌رگه‌ ب ناڤێ ( هوجام سورچى) ب ره‌نگه‌كێ هوڤانه‌ شه‌هیدكربوو.

ئه‌ڤرۆ نیوز:

پشتى كو رێككه‌فتنا د ناڤبه‌را ئیرانێ و وه‌لاتێن 5+1 هاتیه‌ راگه‌هاندن، ژماره‌كا زور ژ خه‌لكێ ئاكنجیێن باژێرێ ته‌هرانێ رژیانه‌ سه‌ر جادان و خوه‌شحالیا خوه‌ ب وێ رێككه‌فتنێ ده‌ربرین.
دوهى ئیران و وه‌لاتێن 5+1 ل وه‌لاتێ سویسرا ل باژێرێ لوزان لسه‌ر دوسیا ئه‌تومیا ئیرانێ كومبوون و پشتى ماوه‌یه‌كێ درێژ یێ گفتوگویان لسه‌ر دوسه‌یا ئه‌تومیا ئیرانێ رێككه‌فتن.
ئه‌ڤ رێككه‌فتنه‌ گه‌له‌كا گرنگ بوو دناڤبه‌را هه‌ردوو لایان دا و ئێدى ئابلوقا ئابورى لسه‌ر ئیرانێ دێ رابیت و ئیران دێ چالاكیێن ئه‌تومى ب شێوه‌یه‌كێ سنوردار مه‌شینیت لژێر چاڤدێریا وه‌لاتێن 5+1.

V

NM

ئه‌ڤرۆ نیوز:

وه‌زیرێ به‌ره‌ڤانیا عیراقێ راگه‌هاند پشتى ئازادكرنا تكریت، دێ قه‌ستا هه‌ردو پارێزگه‌هێن ئه‌نبار و مووسل كه‌ن و ژێده‌رێن سه‌ربازى رادگه‌هینن كو ب ئارمانجا ئازادكرنا پارێزگه‌ها ئه‌نبار، سوپایێ عیراقێ هێزه‌كا مه‌زن ره‌وانه‌ى وێ پارێزگه‌هێ كریه‌.
خالید عوبه‌یدی وه‌زیرێ به‌رڤانیا عیراقێ راگه‌هاند كو ئازادكرنا تكریت دێ بیته‌ خالا ده‌ستپێكێ بۆ ئازادكرنا ده‌ڤه‌رێن نه‌ینه‌وا و ئه‌و ده‌ڤه‌رێن دى یێن دده‌ستێ داعش دا.

ئه‌ڤرۆ نیوز:
باراك ئوباما سه‌رۆكێ ئه‌مریكا راگه‌هاند رێككه‌فتنا ئیران و رۆژئاڤا یا باشه‌ و دێ رێكێ ژ ئیرانێ گریا كو ببیته‌ خودان چه‌كێ ئه‌تۆمى.
د كۆنفرانسه‌كێ رۆژنامه‌ڤانى دا ئوباما گۆت: مه‌رجێ هه‌لگرتنا سزایان ل سه‌ر ئیرانێ یا گرێدایه‌ ب وێ چه‌ندێ كانێ دێ ئیران پێگریێ ب رێككه‌فتنێ كه‌ت.

website security