NO IORG
نوچێن گرنگ

ئەڤرۆ نیوز:

نێچیرڤان بارزانی سەرۆکێ هەرێما کوردستانێ پێشوازی ل هانس ئاکەربووم کونسولێ گشتی یێ وەلاتێ هۆلەندا ل هەرێما کوردستانێ کر و نێچیرڤان بارزانی راگەهاند کو هەرێما کوردستانێ دشێت مفای ژ ئەزموونا سەرکەفتی یا وەلاتێ هۆلەندا د بیاڤێ چاندنیێ دا وەربگریت، و ل هەمبەر دا کونسولێ گشتی یێ وەلاتێ هۆلەندا ژی راگەهاند کو نها پەیوەندیێن هۆلەندا و هەرێما کوردستانێ د ئاستەکێ باش دانە و هۆلەندا بەرهەڤە پەیوەندیێن خوە ل گەل هەرێما کوردستانێ د هەموو بیاڤان دا باشتر لێ بکەت.

ئەڤرۆ نیوز:

وەزارەتا ساخلەمیا هەرێما کوردستانێ راگەهاند کو د ماوەیێ ٢٤ دەمژمێرێن بۆری دا ٨٦٠ کەسێن دی ل هەرێما کوردستانێ تووشی کۆرۆنایێ بووینە و ٢٦ نەخوش ژی مرینە.

ل گۆر ئامارا وەزارەتا ساخلەمیێ ٤٥٤ نەخوشێن کۆرۆنایێ ژی ب تەمامی چارەسەر بووینە.

ل پارێزگەها دهۆکێ ژی ٣٨٣ کەسێن دی تووشی کۆرۆنایێ بووینە و ١١ نەخوش ژی مرینە، هەروەسا ٢٥٨ نەخوشێن کۆرۆنایێ ژی ل پارێزگەها دهۆکێ چارەسەر بووینە.

ئەڤرۆ نیوز:

دەزگەهێن راگەهاندنا ئیسرائیلێ دیار دکەن کو پشتی سودانێ راگەهاندی وان دڤێت پەیوەندیێن خوە ل گەل ئیسرائیلێ ئاسایی بکەن نها ژی ٥ وەلاتێن دی یێن عەرەبی بریار داینە کو پەیوەندیێن خوە ل گەل ئیسرائیلێ ئاسایی بکەن کو ئێک ژ وان ژی سعوودیێ یە.

لێ هەتا نها ژ بلی سعوودیێ ناڤێ چار وەلاتێن دی یێن عەرەبی نەهاتیە راگەهاندن.

ئەو یەک د دەمەکێ دایە کو هەتا نها ئیمارات، بەحرێن، ئوردن، سودان و مسرێ پەیوەندیێن خوە ل گەل ئیسرائیلێ ئاسایی کرینە.

ئەڤرۆ نیوز:

وەزارەتا ساخلەمیا هەرێما کوردستانێ راگەهاند کو د ماوەیێ ٢٤ دەمژمێرێن بۆری دا هزار و ٥٣ کەسێن دی تووشی کۆرۆنایێ بووینە و بیست نەخوشێن دی ژی مرینە.

ل پارێزگەها دهۆکێ ژی ٤٢٥ کەسێن دی تووشی کۆرۆنایێ بووینە و شەش نەخوشێن کۆرۆنایێ ژی مرینە.

ل گۆر ئامارا وەزارەتا ساخلەمیێ ٤٠٠ نەخوشێن کۆرۆنایێ ژی ب تەمامی چارەسەر بووینە کو ٢٠٧ ژ وان ژ پارێزگەها دهۆکێ نە.

ئه‌ڤرۆ نیوز:

په‌یڤدارێ وه‌زاره‌تا ساخله‌میا هه‌رێما كوردستانێ راگه‌هاند د ده‌مێ 24 ده‌مژمێرێن بوری دا ژماره‌یا توشبوویێن كورونایێ زێده‌بوویه‌ و جهێ مه‌ترسیێ یه‌.

ئه‌ڤرۆ 22/10/2020 ب به‌رهه‌ڤبوون و سه‌رپه‌رشتیا وه‌زیرێ ساخله‌میێ، جڤاتا راوێژكاریا نوشدارێن بسپور و راوێژكار و خودان ئه‌زموون ل گه‌ل رێكخراوا ساخله‌میا جیهانی، تایبه‌ت ل سه‌ر ره‌وشا كورونایێ ل هه‌رێما كوردستانێ كۆمبوون.

د.ئاسو حه‌وێزی په‌یڤدارێ وه‌زاره‌تا ساخله‌میا هه‌رێما كوردستانێ راگه‌هاند پێدڤی ب پشكداربوونا هه‌موو ته‌خ و چینێن جڤاكی یه‌ بۆ هشیاركرنا وه‌لاتیان بۆ خو پاراستنێ ژ ڤایرۆسی، چه‌ند وێڤه‌تره‌ ژماره‌یا توشبوون ومریان ب كورونایێ ل هه‌رێما كوردستانێ زێده‌ دبیت، بتنێ رۆژا 21/10/2020 ژماره‌یا توشبوویان د 24 ده‌مژمێران دا هزار و 78 توشبوو بوون.

تانوكه‌ ژ ماره‌یا توشبوویێن كورونایێ ل هه‌رێما كوردستانێ گه‌هشتیه‌ 64 هزار و 823 كه‌سان، ژ ئه‌ڤێ ژماره‌یێ 38 هزار و 561 كه‌س ساخبووینه‌ و 2 هزار و 226 كه‌س ژی مرینه‌ و 24 هزار و 36 توشبوو چاره‌سه‌ریێ وه‌ر دگرن.

ئه‌ڤرۆ نیوز، مه‌حمود نهێلى:

ژ ئه‌نجامێ بوردومانا فرۆكیێن توركیا بو سه‌ر گوندێن سه‌رگه‌لێ و سگێرى یێن سنورێ ناحیا دێره‌لۆك بو ماوێ چه‌ندین ده‌مژمێرایه‌ ئاگر به‌ربوویه‌ دارستانا چیایێ ده‌ڤه‌رێ. سامى ئوشانه‌ رێڤه‌به‌رێ ناحیا دێره‌لۆك بو ئه‌ڤرۆ نیوز دیاركر، كو دره‌نگى شه‌ڤا ده‌رباز بووى فرۆكه‌یێن له‌شكه‌رێ توركیا چه‌ندین جاران ده‌وروبه‌رێن گوندێن سه‌رگه‌لێ و سگێرێ یێن ده‌ڤه‌را نهێلێ به‌ردومانكرینه‌ و ترس دوودلى ئێخستیه‌ دلێ خه‌لكێ ده‌ڤه‌رێ دا و گۆت: ( هه‌ر ژ ئه‌نجامێ ڤێ بوردومانێ ئاگر به‌ربوویه‌ دارستان و ره‌ز و بیستانێن خه‌لكێ ڤان هه‌ر دوو گوندان و زیانێن مالى گه‌هاندینه‌ هاولاتیان.

ئاشكرا كر: تا به‌رى نیڤرۆ ئه‌ڤرۆ 22/10/2020 ئه‌ڤ ئاگره‌ نه‌هاتبوو كونترولكرن.

ئەڤرۆ نیوز:

سەرۆک مەسعود بارزانی پێشوازی ل خانم ئاگایاما یوشیکۆ کونسولا وەلاتێ یابانێ ل هەولێرێ کر و د روونشتەکێ دا بەحسی رەوشا عیراقێ و ئاریشێن نها ل دەڤەرێ هاتنە کرن.

کونسولا وەلاتێ یابانێ راگەهاند کو وەلاتێ وێ دڤێت پەیوەندیێن خوە ل گەل هەرێما کوردستانێ ب هێزتر لێ بکەت و سەرۆک بارزانی ژی کەیفخوەشیا خوە ل هەمبەر بزاڤێن یابانێ ل عیراقێ و هەرێما کوردستانێ دیار کر و داخوازا سەرکەفتنێ بۆ کونسولا یابانێ ل هەولێرێ کر.

ئەڤرۆ نیوز:

وەزارەتا دارایی و ئابووری یا هەرێما کوردستانێ راگەهاند کو د چارچۆڤێ بەرنامێ چاکسازیێ دا وان سکالا ل سەر بیست کۆمپانیان ل هەرێما کوردستانێ تۆمار کرینە و دێ دەنە دادگەهێ.

وەزارەتا دارایی دیار ژی کریە کو ژ بەر نەدانا باجێ و بنپێکرنا قانوونان دێ وان کۆمپانیا دەنە دادگەهێ.

ئەڤرۆ نیوز:

وەزارەتا ساخلەمیا هەرێما کوردستانێ راگەهاند کو د ماوەیێ ٢٤ دەمژمێرێن بۆری دا ٧٩٧ کەسێن دی ل هەرێما کوردستانێ تووشی کۆرۆنایێ بووینە و هەروەسا ٣٢ نەخوشێن کۆرۆنایێ ژی مرینە.

ل گۆر ئامارا وەزارەتا ساخلەمیێ د ماوەیێ ٢٤ دەمژمێرێن بۆری دا ٤٦٥ نەخوشێن کۆرۆنایێ ژی ب تەمامی چارەسەر بووینە کو ٢٦٠ ژ وان ل پارێزگەها دهۆکێ نە.

ئەڤرۆ نیوز:

سەرۆک بارزانی سەبارەت ب هێرشا ئەندامێن حەشدا شەعبی ل سەر بارەگایێ لقێ ٥ یێ پارتی پەیامەک بەلاڤکر و راگەهاند کو هێرشا ل سەر بارەگایێ لقێ پارتی و سڤکاتیکرن ب ئالایێ کوردستانێ نیشا ددەت کو ئەو کەسێن ئەو کارە کری چەند بێ رەوشتن و پاشکەفتی نە و دڤێت حوکمەتا عیراقێ وان کەسان سزا بدەت.

ئەڤە ژی دەقێ پەیاما سەرۆک بارزانی یە:

بەناوی خوای بەخشندە و میهرەبان

هەواڵی پەلاماردانی بارەگای لقی ٥ـی پارتی لەلایەن تاقمێکی گێرەشێوێنمان پێ گەیشت، کە لە ئەنجامی ئەو کردەوە نایاساییەدا سووکایەتییان بە ئاڵای پیرۆزی کوردستان و ئاڵای پارتی کردووە.

بە توندترین شێوە ئیدانەی ئەو پەلامارە نامەردانەیە دەکەین و لێرەدا ڕایدەگەیێنین ئەم جۆرە پەلامار و دەستدرێژییانە بە هیچ شێوەیەک لە پێگەی کورد و بەها باڵاکانی گەلی کوردستان کەم ناکەنەوە، بەڵام بەڕوونی دواکەوتوویی و بێ فەرهەنگی و عەقڵیەتی ئەو تاقمە شەڕانگێزە بۆ هەموو لایەک دەردەخات.

ئەو چاوەڕوانییەمان لە حکومەتی فیدڕاڵی عێراق هەیە کە ئیجرائاتی پێویست لە بەرامبەر ئەو پەلاماردەرانە بگرێتە بەر، لە هەمان کاتدا جەختیش لەوە دەکەینەوە ئەوانەی بیانەوێ پەلاماری پارتی بدەن و سووکایەتی بە بەهاکانی گەلی کوردستان بکەن، دواجار باجی ئەو کارەیان دەدەن.

مەسعود بارزانی

17ی تشرینی یەکەمی 2020

website security
WP Facebook Auto Publish Powered By : XYZScripts.com