NO IORG
Twitter

ئه‌ڤرۆ نیوز، نه‌وزاد هلۆرى:

ئێڤاریا ئه‌ڤرۆ ل گه‌لیێ عه‌لى به‌گ ل سنورێ قه‌زا سوران، وه‌لاتیه‌ك دچياى دا كه‌فت و ب دژوارى برینداربوو.

.عیماد كه‌نعان، رێڤه‌به‌رێ به‌ره‌ڤانیا باژێرى ل قه‌زا سۆران دیاركر كو گه‌شتیاره‌ك ل ئێك ژ چیایێن سنورێ قه‌زا سۆران ل نێزیك گه‌لیێ عه‌لى به‌گ دا كه‌فت و ب دژوارى بریندار دبیت و گۆت: (ئه‌و وه‌لاتى ئاكنجیێ هه‌ولێرێ یه‌، ب مه‌ره‌ما گه‌شتوگۆزارێ هاتيه‌ سنوورێ قه‌زا سۆران  ب تایبه‌تى گه‌لیێ عه‌لى به‌گ، به‌لێ ژبه‌ركو شاره‌زایى نه‌بوویه‌ د ئه‌نجام دا دچیاى دا دكه‌ڤیت و ب دژوارى بریندار دبیت).

زێده‌تر گۆت: (پشتى كو ئه‌م هاتینه‌ ئاگه‌هداركرن، تیمێن مه‌ ئێكسه‌ر ل جهێ روودانێ به‌رهه‌ڤبوون و شیان رزگار بكه‌ن).

ئه‌ڤرۆ نیوز، هه‌ژار مه‌عروف:

ئێکه‌تیا ته‌پا پێ یا عیراقی ب فه‌رمی داخوازیه‌ک پێشکێشی ئێکه‌تیا ته‌پا پێ یا عمان کر بۆ ئه‌نجامدانا یاریه‌کا هه‌ڤالینی دناڤبه‌را هه‌ردو هه‌لبژارتیێن عیراق و عمان ل ٢٤ هه‌یڤا بهێت بو خوبه‌رهه‌ڤکرن بۆ قاره‌مانیا ئاسیا یا ته‌پا پێ ئه‌وا بریاره‌ ل وه‌لاتێ ئیمارات بهێته‌کرن ل ده‌ستپێکا سالا ٢٠١٩ بهێته‌کرن.

ئه‌ندامێ ئێکه‌تیا ته‌پا پێ یا عیراقی فالح موسا دیارکر ل دویڤ داخوازیا راهێنه‌رێ سلوڤانی کاتانیش ئه‌وان داخوازی ژ ئێکه‌تیا عمانی کریه‌ بۆ ئه‌نجامدانا یاریه‌کا هه‌ڤالینی.

هه‌ردیسان ناڤبری دیارکر ژی بریاره‌ ل ٢٠ ڤێ هه‌یڤێ ل باژێرێ دوبی یێ ئیماراتی یاریه‌کا هه‌ڤالینی ل گه‌ل هه‌لبژارتیێ بولیڤیا ئه‌نجامدان وه‌کو خوبه‌رهه‌ڤکرن بۆ قاره‌مانیا ئاسیا یا بهێت.

B1812C15-91DF-41B6-B7A1-13EA3350CDE1

 

ئەڤرۆ نیوز:

پەرلەمانێ عیراقێ ل دور پرۆژە قانوونا بودجا سالا 2019 د دانوستاندنان دا یە، وەزیرێ دارایی یێ عیراقێ ژی راگەھاندیە، کو ئەو پرۆژە قانوونا ھاتیە بەرھەڤکرن، ل گەل دیتنێن حوکمەتا نوکە ناگونجیت.

هێشتا روونشتنا پەرلەمانتارێن عیراقێ ل دور پرۆژە قانوونا بودجێ سالا بهێت یێ عیراقێ یا بەردەوامە، د وێ کۆمبوونێدا دکتۆر فوئاد حسێن، جێگرێ سەرۆک وەزیری و وەزیرێ دارایی یێ عیراقێ د روونشتنا پەرلەمانی دا پرۆژە قانوونا بودجێ پێشکێشی پەرلەمانی کریە و گۆت: پرۆژە قانوونا بودجێ یا سالا 2019 ژ ئالیێ حوکمەتا عەبادی ڤە ھاتیە بەرھەڤکرن، وان ژی کێشە ل گەل ھەنە، ژبەرکو بۆچوونێن حوکمەتا نوکە د جودا نە.‌

جێگرێ سەرۆک وەزیری و وەزیرێ دارایی یێ عیراقێ گۆت ژی: چەندین وەزارەتێن حوکمەتا عیراقێ و نوونەرێن ھەرێما کوردستانێ بۆچوونێن خوە ل دور بودجێ داینە دیارکرن، ھەروەسا بەرھەڤیا خوە بۆ هاریکاریەکا شەفافانە ل گەل پەرلەمانی ل دور پرۆژە قانوونا بودجێ نیشان دایە.

ئه‌ڤرۆنيوز:

برياره‌ سوباهى سێشه‌مبى 13/11/2018 مووچێ وه‌زاره‌تا داد وجڤاتا دادوه‌رى بهێته‌ به‌لاڤكرن.

هه‌روه‌سا ل رۆژا چارشه‌مبى 14/11/2018 مووچێ وه‌زاره‌تا كار وكاروبارين جڤاكى وخودان پێدڤيێن تايبه‌ت دێ هێته‌ به‌لاڤكرن.

ئه‌ڤرۆنيوز:

رۆژنامه‌كا مسرى ژ زارێ هژماره‌كا به‌رپرسێن ئه‌منى به‌لاڤكر كو 20 چه‌كدارين توندره‌و كو هه‌لگرێن ره‌گه‌زنامێن سعودى ومسرى و چه‌ند وه‌لاتين دى بوون، ل گزيرتا سينا يا مسرى پلانه‌ك بۆ هێرشكرنێ ل سه‌ر سعوديێ دانابوو.

رۆژناما(الفجر) يا مسرى رۆهنكر” ئه‌و چه‌كدارێن توندره‌و كو هاتينه‌ ده‌سته‌سه‌ركرن پلان بۆ چه‌ندين كريارێن تيرۆرستى ل دژى وه‌لاتێ سعوديێ دارێشتبوو ژوان تيرۆركرنا محه‌مه‌د بن سه‌لمان شازادێ سعوديێ وهژماره‌كا كه‌سايه‌تى وسه‌ركردێن ناڤدار يێن وه‌لاتێن دى يێن عه‌ره‌بى”.

ل دووڤ وێ رۆژنامێ، ئه‌و گرۆپ ژ 20 كه‌سان پێكهاتبوو وهه‌لگرێن ره‌گه‌زنامێن سعودى ومسرى وچه‌ند وه‌لاتێن دى يێن جيهانێ بوون.

دياركر ژى” پشتى هه‌ماهه‌نگيێ ل گه‌ل ده‌زگه‌هێ هه‌والگيرى يێ مسرى كو ل گه‌ل هه‌والگيريا سعوديێ دئالوگۆركرنه‌كا به‌رده‌وام يا پێزانينان بوو، ده‌زگه‌هێ ئاسايشا نيشتمانى يێ مسرى شيا وى گرۆپى ل باكوورێ ده‌ڤه‌را سينا ده‌سته‌سه‌ر بكه‌ت وپشتى ئه‌نجامدانا ڤه‌كۆلينێ دگه‌ل وان دا، پتريا ئه‌ندامێن وى گرۆپى دانپێدان كر كو پلان بۆ چه‌ندين كريارێن تيرۆرستى دارێشتينه‌”.

ئه‌ڤرۆ نیوز، نه‌وزاد هلۆرى:

ب مه‌ره‌ما پێشڤه‌برنا كه‌رتێ گه‌شتوگۆزار د وه‌رزێ زڤستانێ دا، ده‌سته‌یا گه‌شتوگۆزارا هه‌رێما كوردستانێ به‌رهه‌ڤیان ژ بو ڤیسته‌ڤال و به‌ریكانه‌ و چالاكیێن زڤستانێ دكه‌ت.

نادر روستایى، په‌یڤدارێ ده‌سته‌یا گه‌شتوگۆزار یا هه‌رێما كوردستانێ بۆ ئه‌ڤرۆ نیوز گۆت: (ل كوردستانێ هه‌موو جوره‌ گه‌شتوگۆزار دهه‌ر چوار وه‌رزان دا هه‌نه‌، به‌لێ نه‌بوونا شیانێن پێدڤى به‌شه‌ك ژ وان جورا مرینه‌ و لاوازى تێدا كه‌فتیه‌، حوكمه‌تا هه‌رێما كوردستان و وه‌زاره‌تا گه‌شتوگۆزار و ده‌سته‌یا گه‌شتوگۆزارێ دنهادا بزاڤێ دكه‌ت كو كه‌رتێ گه‌شتوگۆزارا زڤستانێ ژى به‌ر ب پێشڤه‌ ببه‌ت)

زێده‌تر گۆت: (نوكه‌ ئه‌م یێ به‌رهه‌ڤیان دكه‌ین كو هژماره‌كا ڤیسته‌ڤال و به‌ریكانه‌ و یاریێن ترومبێل و سه‌ربه‌فرێ و چالاكیێن جوداجودا ل ده‌ڤه‌رێن به‌فرین یێن هه‌رێما كوردستانێ ئه‌نجام بده‌ین، مه‌ هه‌ڤكارى ل گه‌ل كه‌رتێ تایبه‌ت و كومپانیێن گه‌شتیارى یێن زڤستانى هه‌نه‌).

په‌یڤدارێ ده‌سته‌یا گه‌شتوگۆزار یا هه‌رێما كوردستانێ دیاركر ژى كو پرانیا ئه‌وان چالاكیان دكه‌ڤنه‌ سنوورێ هه‌ردوو پارێزگه‌هێن هه‌ولێر و سلێمانى و زێده‌تر گۆت: ( ل سنوورێ پارێزگه‌ها دهۆك ب تایبه‌تى ده‌ڤه‌را ئامێدیێ شیانێن ئه‌نجام دانا ڤیسته‌ڤال و یارى و سه‌ركێشیێن ترومبێلان و چالاكیێن جوراوجور هه‌نه‌، دشیاندایه‌ رێڤه‌به‌ریا گشتى یا گه‌شتوگۆزارا دهۆك ب هه‌ڤكاریا كومپانیێن گه‌شتوگۆزار و كه‌رتێ تایبه‌ت ئه‌وان چالاكیان ئه‌نجام  بده‌ن، ژبه‌ركو ب هه‌مان شێوه‌ ل سلێمانیێ و هه‌ولێر ژى دهێنه‌كرن).

ژبلى ڤیسته‌ڤال و چالاكێن به‌فرێ ژلایێ حوكمه‌ت و كومپانى و كه‌رتێ تایبه‌ت، دهه‌مان ده‌م دا ل هه‌رێما كوردستانێ زێده‌تر ژ 14 گروپێن چیاڤانى هه‌نه‌، ئه‌و ژى دشێن پشكداریێ د چالاكیێن به‌فرێ دا بكه‌ن، دڤى واریدا روستایى گۆت: (گروپێن چیاڤانى ل كوردستانێ روله‌كێ كارا هه‌یه‌ د چالاكیێن زڤستانى دا و ئه‌و ژى پشكه‌كا سه‌ره‌كى پێكدئینن، ژبه‌رڤێ گرنگه‌ بو چالاكیێن زڤستانى مفایه‌كێ باش ل وان گروپان ژى بهێته‌ وه‌رگرتن).

ئه‌ڤرۆنيوز:

وه‌زيرێ دارايى يێ عيراقێ، فوئاد حسێن، ئه‌ڤرۆ دوشه‌مبى 12/11/2018 پشكدارى دروونشتنا په‌رله‌مانێ عيراقێ دا كر كو يا گرێداى بوو ب دانوستاندنێ ل دۆر پرۆژێ قانوونا بودجا گشتى يا عيراقێ بۆ سالا 2019.

ده‌زگه‌هێن راگه‌هاندنێ يێن عيراقى به‌لاڤكر كو فوئاد حسێن وه‌زيرێ دارايى يێ عيراقێ پشكدارى دروونشتنا ئه‌ڤرۆ يا په‌رله‌مانێ عيراقێ دا كر بۆ دانوستاندنێ ل سه‌ر ده‌ستكارى كرن وراستڤه‌كرنا برگێن بودجا گشتى يا عيراقێ بۆ سالا 2019.

دهێته‌ زانين جڤاتا وه‌زيرێن عيراقێ، لژنه‌ك ب سه‌رۆكاتيا فوئاد حسێن وه‌زيرێ دارايى پێكئينابوو بۆ پێداچوونێ ل سه‌ر پرۆژێ قانوونا بودجا عيراقێ.

ئه‌ڤرۆنيوز:

نوشداره‌كێ تایبه‌تمه‌ندێ نه‌خوشیێن پیستى و جوانكاریێ دیار كر كو رشك جوره‌ مشه‌خوره‌كێ بچووكه‌ دناڤ داڤێن پرچا سه‌رى دا هه‌یه‌، بریێا مژینا خوینێ د بن پیستێ پرچا سه‌رى دا دژیت، گوت ژى: برێیا هێكا زێده‌ دبیت كو گه‌له‌ك هویرن و ره‌نگێ سپی بریقه‌داره‌ و ب پیستێ پرچێ ڤه‌ دمینیت. ده‌مێ هێكا دكه‌ت و ئه‌و هێك بۆ ده‌مێ 7 هه‌تا 10 رۆژا مشه‌خوره‌كێ تمام ژێ دروست دبیت، بۆ ده‌مێ 6 هه‌تا 14 رۆژان دژیت و دگه‌هیت كو ئه‌و ژى هێكا دانیت.

ته‌لال ره‌شيد، نوشداره‌كێ تایبه‌تمه‌ندێ نه‌خوشیێن پیستى و جوانكاریێ  بۆ نوش نيوز گوت ” چ پێدڤیه‌ ل سه‌ر ماموستا و قوتابخانێ بۆ پاراستنێ ژڤى مشه‌خورى ونه‌ به‌ربه‌لاڤ بوونا ڤێ ئاریشێ ل قوتابخانان؟ ئه‌وژى دڤێت ماموستا رۆله‌كێ مه‌زن هه‌بيت‌ بۆ به‌ربه‌ڵاڤ نه‌بوونا ڤى مشه‌خورى ئه‌و ژى ب ڤان رێيا:

. ده‌ستنیشانكرنا ده‌مێن دیاركرى بۆ پشكنین كرن بۆ پرچێن هه‌موو قوتابیان ب شێوه‌یه‌كێ گشتى.

. دایك و باب و سه‌میانێن زارۆ و قوتابیان ئاگه‌هدار بكه‌ن ل ده‌مێ هه‌ست كرن ب به‌ربه‌ڵاڤبوونا ڤى مشه‌خورى دناڤ قوتابیان دا.

. دایك و باب و سه‌میانێن وان قوتابیان بهێنه‌ فێركرن بۆ چاره‌سه‌ركرنا نه‌هێلانا ڤى مشه‌خورى دناڤ پرچێ دا.

سه‌باره‌ت هه‌بوونا رشكا و شه‌رم كرنێ گوت: هه‌بوونا رشكا دپرچێ دا چو په‌یوه‌ندى ئێكسه‌ر نینه‌ ب پاقژیا پرچا سه‌ری ڤه‌، له‌ورا پێدڤى ب شه‌رمێ ناكه‌ت وهه‌ر ده‌مێ ئه‌ڤ ئاریشه‌ په‌یدابیت، ژبه‌ركو ئه‌ڤ مشه‌خورێ دهێته‌ ڤه‌گوهاستن ب رێیا په‌یوه‌ندیا راسته‌وخوه‌ ئه‌و ژى ده‌ست ب ده‌ست كرن یان ده‌ست كرن ب پرچێ یان به‌رئێك كه‌فتنا سه‌رێ وى كه‌سێ كو ئه‌ڤ مشه‌خوره‌ هه‌بیت بۆ پرچا كه‌سى به‌رامبه‌ر دهێته‌ ڤه‌گوهاستن و ئه‌و كه‌س تووش دبیت.

نوشدارێ تایبه‌تمه‌ند پیست و جوانكاریێ ده‌رباره‌ى گرنگترین رێیێن ڤه‌گوهاستنێ گوت:

  • رشكێ شه‌ش پێ هه‌نه‌ و نه‌شێت فڕینێ بكه‌ت له‌ورا هاتنوچوونا وێ گه‌له‌ك كێمه‌، ب رێيا په‌یوه‌ندیا ئێكسه‌ر، ده‌ست كرنا ئێك یان ژى نێزیك بوونا مروڤان ژئێك.

- ل جهێن گه‌له‌ك قه‌ره‌بالغ به‌لاڤ دبیت ژوانا ژى: قوتابخانه‌، چاكسازیان، كه‌مپێن ئاواران..

-. ئه‌ڤ جورێ مشه‌خورى دچیته‌ هه‌ر كه‌سه‌كێ، به‌لێ زێده‌تر و تایبه‌تى زارۆیان ل قوتابخانێ.

  • بكار ئینانا جلكێن كه‌سێ هه‌لگرێ ڤێ مشه‌خورى و ب رێيا له‌شى و په‌یوه‌ندیا ئێكسه‌ر یا نێزیك بوون و خشاندنا جلكان.

نوشدارێ تایبه‌تمه‌ند ئاماژه‌دا كو هنده‌ك خالێن گرنگ هه‌نه‌ بۆ خوه‌ پاراستنێ، ژوانا:

  • رشك ل ناڤ میێن بن كه‌فشا، میێن بریا، ريه و سمبێلێن زه‌لامان دژیت.
  • دژیت ل سه‌ر جلكان و كولاڤێ ژبه‌ركو تنێ ل سه‌ر پیستى دژیت برێیا مژینا خوینا بن پیستێ مرۆڤى.
  • رشك ل ده‌رڤه‌ى پرچا مرۆڤى ژى دژیت.
  • هه‌ر ده‌مێ ئه‌ڤ جوره‌ مشه‌خوره‌ دناڤ پرچا سه‌رێ ئه‌ندامه‌كێ خێزانێ دا هاته‌ دیتن، پێدڤیه‌ هه‌موو ئه‌ندامێن خێزانێ پشكنین بۆ بهێـته‌ كرن و چاره‌سه‌رى ژى بۆ وى كه‌سى بهێته‌ كرن ئه‌وێ تووش بووى.
  • ل ده‌مێ دیتنا رشكێ دناڤ خێزانێ دا پێدڤیه‌ كه‌سێن نێزیك و جیرانان ئاگه‌هدار بكه‌ى داكو به‌ربه‌ڵاڤ نه‌بیت.
  • هه‌ر ده‌مێ رشك دیتن دناڤ پرچا سه‌رێ قوتابى دا پێدڤیه‌ كارگێریا قوتابخانێ بهێته‌ ئاگه‌هدار كرن و پێرابوون بهێنه‌ كرن بۆ پشكنین هه‌مى قوتابیان و چاره‌سه‌ریا كه‌سێن تووش بووى.

  • هه‌ر چه‌ند گرنگیێ ب پاقژیا زارۆ و قوتابیێ خوه‌ بده‌ى و سه‌رێ وى بشووى دێ بره‌نگه‌كێ ساناهیتر رشك هێنه‌ دیتن و زووتر چاره‌سه‌رى بۆ دهێته‌ كرن، له‌ورا هیڤى و داخازێ دكه‌ین كو شه‌رمێ نه‌كه‌ن ل ده‌مێ هه‌بوونا رشكى دناڤ پرچێ دا.

نوشدار ته‌لال ره‌شید ل دور نیشانێن وێ گوت: خوریانا سه‌رى، ب تایبه‌تى ل ده‌ستپێكا تووش بوونێ و هه‌روه‌سا پشتى كو ب چاڤ دهێنه‌ دیتن یان هێكا وێ ب شێوه‌یه‌كێ ئاشكرا خوه‌ ب پرچێ ڤه‌ دگریت.

ل دوماهیێ ژى نوشدارێ تایبه‌تمه‌ندێ پیست و جوانكاریێ ئاماژه‌ ب چاره‌سه‌ریێ دا گوت: مادده‌یه‌كێ شل وه‌ك ده‌رمان دهێته‌ بكار ئینان، هنده‌ك جاران شامپو تایبه‌ت پرچێ كو بۆ ده‌مه‌كێ كورت پێڤه‌ بیت پاشان برێیا شه‌یه‌كێ ددانێت وێ هویر بن دا كو هه‌ر چ ئه‌و مشه‌خورێ رشك و هێكێ توێ هه‌نه‌ دگه‌ل شه‌یێ بهێنه‌ده‌ر، پاشان پرچ باش دهێته‌ شیشتن.پشتى 3 هه‌تا 5 رۆژا جاره‌كا دى ئه‌و كریارا ل سه‌رى مه‌ ئاماژه‌ پێدایى دهێته‌ دوباره‌كرن بۆ نه‌هێلا وى مشه‌خورى دناڤ پرچێ.

ئه‌ڤرۆنيوز:

هه‌ردو وه‌زاره‌تێن ناڤخوه‌ وساخله‌ميێ ل هه‌رێما كوردستانێ ل سه‌ر شێوازێ چاڤديريكرنا ده‌رمانخانان رێككه‌فتن ولژنه‌ك بۆ ڤێ مه‌ره‌مێ دێ هێته‌ پێكئينان. 

خالس قادر، په‌يڤدارێ وه‌زاره‌تا ساخله‌ميێ ل هه‌رێما كوردستانێ ئه‌ڤرۆ دوشه‌مبى 12/11/2018 دكۆنگره‌كێ رۆژنامه‌ڤانى دا، راگه‌هاند” ئه‌ڤرۆ كۆمبوونه‌ك دناڤبه‌را وه‌زاره‌تا ساخله‌ميێ ووه‌زاره‌تا ناڤخوه‌ دا هه‌بوو بۆ بجهئينانا بريارێن جڤاتا وه‌زيرێن هه‌رێما كوردستانێ”.

په‌يڤدارێ وه‌زاره‌تا ساخله‌ميێ ئاشكراكر” دكۆمبوونێ دا بريار هاته‌ دان ب پێكئينانا لژنه‌كا هه‌ڤپشك ل سه‌ر ئاستێ پارێزگه‌هان دناڤبه‌را قايمقاميه‌ت ورێڤه‌به‌ريێن ساخله‌ميێ ووه‌زاره‌تا ناڤخوه دا‌”.

دياركر ژى” ل دووڤ برياران، پێدڤيه‌ ب زووترين ده‌م لژنه‌ ه‌ست ب كاربن ودئێك ده‌م دا ده‌ست ب بجهئينانا برياران بهێته‌ كرن ئه‌وژى قه‌ده‌غه‌كرنا ده‌رمانێن كواليتيا وان نزم وقه‌ده‌غه‌كرنا ئينانا ده‌رمانێن قاچاخ”.

ئاماژه‌ كر” ل دووڤ بريارێن كۆمبوونێ، سزايێ ئينانا ده‌رمانێن قاچاخ دێ هێته‌ زێده‌كرن وتنێ ئه‌و كه‌س دشێن ده‌رمانان ب فرۆشن كو ژلايێ وه‌زاره‌تا ساخله‌ميێ ووه‌زاره‌تا ناڤخوه‌ مۆله‌ت پێ هاتيه‌ دان” .

ئه‌ڤرۆنيوز:

شاره‌زايه‌كێ له‌شكرى يێ عيراقێ راگه‌هاند، مه‌ترسيێن داعشێ ل سه‌ر سنوورێن عيراقێ ل سووريێ دكه‌ڤيته‌ دناڤ رووبه‌رێ 32 كيلۆمه‌تران دا ودياركر كو زێده‌تر ژ سێ هزار چه‌كدارێن داعشێ ل وێ ده‌ڤه‌رێ يێن هاتينه‌ دۆرپێچكرن كو 600 ژوان عيراقى نه‌.

هیشام هاشمى، شاره‌زايێ له‌شكرى يێ عيراقى گۆت” نوكه‌ هه‌بوونا چه‌كدارێن داعشێ ل ده‌ڤه‌را (باغووزى) يێن كۆمبووين كو مه‌ترسيدارترين ده‌ڤه‌ره‌ ل نێزيك سنوورێن عيراقێ وسووريێ وهژمارا چه‌كدارێن داعشێ ل وێ ده‌ڤه‌رێ دگه‌هيته‌ سێ هزار كه‌سان كو 800 بيانى نه‌ و600 عيراقى نه‌ وپتريا وان سه‌ركردێن مه‌زن يێن ريكخراوا داعش يا تيرۆرستى نه”‌.

هاشمى دداخۆيانيه‌كا رۆژنامه‌ڤانى دا گۆت ژى” مه‌ترسيێن سه‌ر سنوورێن عيراقێ ل ده‌ڤه‌رێن باكوورێ رووبارێ فوراتێ ده‌ست پێ دكه‌ت ب ده‌ڤه‌را رومانه‌ هه‌تا ده‌ڤه‌رێن باشوورێ به‌عاج وجه‌زيره‌ وراوه‌ ب رووبه‌رێ 32 كيلۆمه‌تر، پێشبينيا وێ چه‌ندێ ژى دهێته‌ كرن كو داعش كريارێن تيرۆرستى ب قايشێن بۆمبه‌رێژكرى ب ئاراسته‌يا سنوورێ عيراقێ ئه‌نجام بده‌ت بۆ هاتنا دناڤ ئاخا عيراقێ دا”.

website security