NO IORG
Twitter

ئه‌ڤرۆ نیوز:

رێڤه‌به‌رێ به‌نكا نێڤ ده‌وله‌تی راگه‌هاند ب ئه‌گه‌رێ به‌لاڤبوونا ڤایرۆسێ كورونایێ كوڤید19 جوداهیا ته‌خاتیا جڤاكی و نه‌یه‌كسانیێ د جیهانی دا زیده‌كریه‌.

ده‌یڤید مالپاس رێڤه‌به‌رێ به‌نكا نێڤ ده‌وله‌تی د راگه‌هاندنه‌كێ دا به‌لاڤكریه‌ رێژه‌یا زۆربوونا ئه‌و زیانێن ئابووری یێن كۆ ب ئه‌گه‌رێ كورونایێ ل به‌ر جیهانێ كه‌تین، دناڤا ئه‌وان كه‌سێن ئاكنجیێن وه‌لاتێن نوو پێگه‌هشتی كۆ ژێده‌رێ ژیانا وان بۆ ناهێته‌ مسوگه‌ركرن.

ناڤبری ئه‌و چه‌نده‌ ژی دیاركر ئه‌و كاره‌ساتێن ب ئه‌گه‌رێ ڤایرۆسێ كورونایێ ل وه‌لاتێن نوو پێگه‌هشتی سه‌رهلدایه‌ زۆر دژوار و كارتێكه‌رن ل ژێرخانا ئه‌وان وه‌لاتان كریه‌ .

ده‌یڤید مالپاس رێڤه‌به‌رێ به‌نكا نێڤ ده‌وله‌تی ئه‌و چه‌نده‌ ژی راگه‌هاند ئابوورێ جیهانێ پێدڤی ب چه‌ندین سالانه‌ تا ڤه‌گه‌ریت ئه‌وی ئاستێ به‌ری سه‌رهلدانا ڤایرۆسی.

نوكه‌ زێده‌تری 10 ملیۆن و 820 هزار توشبووییێن ڤایرۆسێ كورونا هه‌نه‌ ل ته‌ڤایا جیهانێ، ژ ئه‌ڤێ ژماره‌یێ ژی 519 هزار و 275 كه‌سان گیانێ خوه‌ ژ ده‌ست داینه‌ و زێده‌تری شه‌ش ملیۆنان ژی ساخ بووینه‌.

ئەڤرۆ نیوز، زنار تۆڤی:

 

لژنا سەرپەرشتیکرنا مووەلیدان ل پارێزگەها دهۆکێ دیار کر: بۆ هەر ئەمپێرەکا کارەبا مووەلیدان بۆ هەیڤا خزیرانێ ٨٥٠٠ دینار هاتینە دەست نیشان کرن.

 

 

هەکار هروری نوونەرێ خودانێن موەلیدان د لژنا سەرپەرشتیا مووەلیدان دا ل دهۆکێ بۆ ئەڤرۆ نیوز دیار کر: بۆ هەر ئەمپێرەکێ کارەبا مووەلیدان بۆ هەیڤا خزیرانێ ل سنورێ پارێزگەها دهۆکێ 8 هزار و 500 دینار هاتینە دیار کرن.

9

ئه‌ڤرۆ نیوز:

ئه‌ڤرۆ بهایی پترۆلێ جاره‌كا دی بلندبوونه‌كا نوو توماركر و بهایێ هه‌ر به‌رمیله‌كا پترۆلێ یا برێنت ل بازارێن جیهانی 42.24 دۆلاران كرین و فروتن پێ هاتیه‌كرن.

بهایێ پترۆلا ته‌كساس بلند بوویه‌ كۆ 39.99 دۆلاران كرین و فروتن پێ هاتیه‌كرن.

بلند بوونا بهایێ پترۆلێ ل بازارێن جیهانێ پشتی بریارا وه‌لاتێن پشكدار ل ئوپێكی هات كۆ بریارا كێمكرنا هتنارتنا پترۆلی بۆ ده‌مێ هه‌یڤه‌كا دی درێژكر، هه‌روه‌سا ده‌ستپێكرنا كارگه‌هان و به‌رهه‌م ئینان و پیشه‌سازی ل وه‌لاتێن ئه‌ورۆپا كۆ ل ده‌مێ بوری ب ئه‌گه‌رێ قه‌ده‌غه‌یا هاتنوچونێ هاتبوونه‌ راوه‌ستاندن.

ئه‌ڤرۆ نیوز:

نێزیكی 78% یا وه‌لاتیێن روسیا ب به‌لێ ده‌نگ دا ب راستڤه‌كرنا دستورێ وه‌لاتی، كۆ رێك ب ڤلادیمێر پوتنی دهێته‌ دان ژبلی ئه‌ڤێ خولا سه‌رۆكاتیێ، بۆ دو خولێن دی ب بیته‌ سه‌رۆك.

پشتی دهی ده‌نگدانا وه‌لاتیێن روسیا ل سه‌ر راستڤه‌كرنا دستورێ وه‌لاتی برێڤه‌ چووی، ئه‌ڤرۆ دوماهی ب جوداكرنا ده‌نگان هات، 77.92% یا ده‌نگان ب به‌لێ بوون و پشته‌ڤانیا راستڤه‌كرنا دستورێ وه‌لاتی دكرن، بتنێ 21.37% ب نه‌خێر ده‌نگ دابوون، دده‌مه‌كی دا نێزیكی 65% یا وه‌لاتیان پشكداریی ده‌نگدانێ دا كربوون، به‌ریا نها لایه‌نێن ئوپوزسیونێ ل روسیا ل دژی ئه‌وێ راستڤه‌كرنێ بوون، چه‌ند خونیشاندان ژی كرن.

ئه‌ڤ راستڤه‌كرنا دستوری، ڤلادیمێر پوتن دشێت هه‌تا سالا 2036 وه‌ك سه‌رۆكێ روسیا بمینیت لگۆری ئه‌وێ چه‌ندێ ئه‌ڤ خولا سه‌رۆكاتیێ ل 2024 ب دوماهی دهێت و بوی هه‌یه‌ ل دو خولێن دی ژی خوه‌ هه‌لبژێریت وه‌ك سه‌رۆك.
پوتن پشتی جوسیف ستالین زۆرترین ده‌م ل ده‌سه‌لاتێ دا مایه‌ چ وه‌ك سه‌رۆك وه‌زیر و سه‌رۆكێ وه‌لاتی.

ئه‌ڤرۆ نیوز:

شاندێ بلندێ وه‌زاره‌تا پێشمه‌رگه‌یێ هه‌رێما كوردستانێ ب سه‌رۆكاتیا فه‌ریق جه‌مال ئێمینكی سوپاسالارێ پێشمه‌رگه‌ی ب سه‌ره‌دانه‌كێ گه‌هشته‌ به‌غدا و ل گه‌ل به‌رپرسێن بلندێن وه‌زاره‌تا به‌ره‌ڤانیا عیراقێ كۆم دبیت.

لیوا قاره‌مان كه‌مال جێگرێ سوپاسالارێ وه‌زاره‌تا پێشمه‌رگه‌ی بۆ كارۆبارێن ئوپراسیونان راگه‌هاند د ئه‌ڤێ سه‌ره‌دانێ دا دێ كۆمبوونان ل گه‌ل به‌رپرسێن وه‌زاره‌تا به‌ره‌ڤانیا عیراقی و دانوستاندنێ ل سه‌ر چه‌ند پرسه‌كێن سه‌ربازی كه‌ین.

تانوكه‌ هه‌رێما كوردستانێ چه‌ندین جارا داخازا هه‌ما هه‌نگیێ ل گه‌ل سوپایێ عیراقێ كریه‌ بۆ كۆنترولكرنا ره‌وشا ئه‌منی یا ده‌ڤه‌رێن كوردستانی یێن ده‌رڤه‌ی ئیدارا هه‌رێمێ كۆ ل هنده‌ك جهان گرۆپێن تیرۆریستی كریارێن تیرۆری ئه‌نجام دده‌ن.

ئه‌ڤرۆ نیوز:

عادل روكابی وه‌زیرێ كارۆبارێن جڤاكی یێ عیراقێ راگه‌هاند ب ئه‌گه‌رێ ڤایرۆسێ كورونایێ و داكه‌تنا بهایێ پترۆلێ رێژه‌یا هه‌ژاریێ بلند بوویه‌ بۆ 34%.

وه‌زیرێ كارۆبارێن جڤاكی یا حكومه‌تا عراقێ ئه‌و چه‌نده‌ ژی راگه‌هاند: داكه‌تنا بهایێ پترۆلێ كارتێكرن ل سه‌ر زێده‌بوونا رێژه‌یا بێكاریێ ل عیراقێ دروستكر و بوویه‌ ئه‌گه‌رێ ئه‌وێ چه‌ندێ ژی رێژا هه‌ژاریێ ژ 22% بلند بیت بۆ 34%، هاتنا ڤایرۆسێ كورونایێ ژی بوویه‌ ئه‌گه‌رێ دروستبوونا قه‌یرانا ئابووری و ساخله‌میێ، له‌ورا وه‌زاره‌ت هه‌ولدده‌ت ئه‌ڤێ قه‌یرانێ ب ریكا هه‌ڤكاریێن نێڤ ده‌وله‌تی بۆ ڤه‌دیتنا چاره‌سه‌ریین بله‌ز د پێخه‌مه‌تا رێگرتن ژ زێده‌بوونا رێژه‌یا هه‌ژاریێ و بێكاریێ.

وه‌زیرێ ناڤبری ئه‌و چه‌نده‌ ژی دا زانین زێده‌باری ئه‌وان پلانێن ده‌وله‌تێ كۆ چه‌ندین رێ و ئاوا بكار ئیناینه‌ هه‌ڤكاریا ته‌خا هه‌ژار بكه‌ت ب رێكا پارڤه‌كرنا پێدڤیێن رۆژانه‌ ب ئه‌گه‌ری قه‌ده‌غه‌یا هاتنوچونێ زیان به‌خش بووین.

ئەڤرۆ نیوز، مەحمود نهێلی:

هێزێن ئەسمانی یێن سوپایێ تورکیا گوندێن بنارا چیایێ گارەی ل سنورێ قەزا ئامێدیێ ب دژواری بۆردومان کرن.

گوندێ سارکێ و بێرا ل ناحیا دێرەلۆک ژلایێ فرۆکەیێن تورکیا ڤه هاتنە بوردومانکرن.

سامی ئوشانە رێڤەبەرێ ناحیا دێرەلۆک بو ئەڤرۆ نیوز دیار کر، کو ئەڤرۆ دەمژمێر ١١ ی بەری نیڤرۆ شیڤا بێرا و ئاقارێ گوندێ سارکێ هاتیە بوردومانکرن لێ تانوکە زیانێن وێ بوردومانێ نەهاتینە زانین و گۆت ژ ئەنجامێ ڤێ بوردومانێ چێدبیت ببیتە ئەگەرێ سوتنا رەز و بیستانێن وه‌لاتیان.

 

ئه‌ڤرۆ نیوز:

فه‌ره‌نسا ل دژی توركیا، كارڤه‌دانه‌كا وێ خوه‌ ڤه‌كێشان بوو ژ هه‌ڤپه‌یمانیا باكورێ ئه‌تله‌سی ناتویێ .

خوه‌ ڤه‌كێشانا فه‌ره‌نسا ب ئه‌گه‌رێ نه‌رازیبوونێ ل دژی توركیا كۆ هه‌ردوك ئه‌ندامێن ناتونه‌، فه‌ره‌نسا د وێ هزرێ دایه‌ كۆ ئه‌و وه‌لاته‌ رێزێ ل بنه‌مایێن ناتو ناگریت.

فه‌ره‌نسا داخازێ دكه‌ت كۆ ئه‌ندامێن ناتو ب فه‌رمی پێگیربوونا خوه‌ ب قه‌ده‌غه‌كرنا هنارتنا چه‌كی بۆ لیبیا ژلایێ توركیا بهێته‌ راگه‌هاندن.

توركیا ب هنارتنا چه‌كی و میلیشیایێن چه‌كدار پشكداری شه‌رێ ناڤخویێ لیبیا دا دكه‌ت و هه‌ڤكاریا حكومه‌تا ویفاقا نیشتمانیا لیبیا ل دژی سوپایێ نیشتمانیێ ئه‌وی وه‌لاتی دكه‌ت.

ئه‌ڤرۆ نیوز:

ئه‌ڤرۆ ئوپراسیونا به‌رفره‌ها سه‌ربازی ل باكورێ باژێرێ به‌غدا ده‌ستپێكر.

ناڤه‌ندا راگه‌هاندنا ئه‌منی به‌لاڤكریه‌ كۆ فه‌رمانده‌یێ ئوپراسیونێن به‌غدا ب سه‌رپه‌رشتیا فه‌رمانده‌یێن ئوپراسیونێن هه‌ڤپشك هه‌وه‌كا سه‌ربازی به‌رفره‌هـ ل باكورێ به‌غدا ده‌ستپێكر بۆ ژناڤبرنا تیرۆریستین داعشێ.

ئه‌و چه‌نده‌ ژی هاتیه‌ راگه‌هاند كۆ ئوپراسیون ل سه‌ر بنه‌مایێ زانیاریێن هه‌والگری و ب پشته‌ڤانیا هێزێن ئاسمانی یێن عیراقێ دهێته‌ برێڤه‌برن.

د راگه‌هاندنێ دا هاتیه‌ ژی كۆ هێزێن ئه‌منی رێ پیڤا ده‌ڤه‌رێن باكورێ به‌غدا كه‌ن ژبوی موكمكرنا ئاسایش و سه‌قامگیریێ و ده‌سته‌سه‌ركرنا داخازكریان.

 
ئەڤرۆ نیوز:
دەستهەلاتا فرۆکەڤانیا شارستانی ل عیراقێ دەمێ راگرتنا گەشتێن ئەسمانی هەتا 15 تیرمەهێ درێژ کر.

ئەڤرۆ چارشەمبی، فرۆکخانا نێڤدەولەتی یا سلێمانیێ راگەهاند: دەستهەلاتا فرۆکەڤانیا شارستانی یا عیراقی بریارا دەمێ راگرتنا گەشتێن ئەسمانی ل هەموو فرۆکخانێن عیراقێ هەتا ١٥/٧/٢٠٢٠ درێژ کریە و ئەو ل سەر ڤێ چەندێ هایدار کرینە.

دیارکریە ژی: ئەو بڕیارە گەشتێن فرۆکێن هەیڤا سۆر و لەشکەری و هەڤکاریێن ساخلەمیێ و هەوارهاتنێ ڤەناگریت.

website security
WP Facebook Auto Publish Powered By : XYZScripts.com