NO IORG
Twitter

169

ئه‌ڤرۆ نیوز:
لژنا هه‌لبژارتنێن ئیرانێ ئه‌نجامێن فه‌رمى یێن هه‌لبژارتنێن جڤاتا شاره‌زایێن ئیرانێ ل ته‌هرانا پایته‌خت راگه‌هاندن و ل دووڤ ئه‌نجامان، هاشم ره‌فسنجانى سه‌ركردێ ریفورمخازان سه‌ركه‌فتیێ ئێكێ بوویه‌ و ل دووڤ دا محه‌مه‌د یه‌زدى سه‌رۆكێ نوكه‌ یێ ئه‌نجومه‌نێ شاره‌زایان، ل پلا دوێ هات و حه‌سه‌ن رۆحانى بوو سه‌ركه‌فتێ سیێ.

205

ئه‌ڤرۆ نیوز:
د مه‌راسیما به‌لاڤكرنا خه‌لاتێن ئوسكار ،  فلمێ سپوت لایتیش وه‌ك باشترین فلم هاته‌ ده‌ستنیشانكرن.
د 88 ه‌مین مه‌راسیمێن به‌لاڤكرنا خه‌لاتێ ئوسكار كو ل باژارێ لوس ئه‌نجلوس هاتیه‌ ئه‌نجامدان، ئه‌ڤ ساله‌ ژى لیوناردو دیكارپیرو وه‌ك باشترین ئه‌كته‌ر هاته‌ ده‌ستنیشانكرن و هاته‌ خه‌لاتكرن و بریى لارسون بۆ فلمێ room وه‌ك باشترین ئه‌كته‌را ژن هاته‌ خه‌لاتكرن.

198

ئه‌ڤرۆ نیوز:
غه‌یاس سورچى به‌رپرسێ راگه‌هاندنا مه‌لبه‌ندێ موسل یێ ئێكه‌تیا نیشمانیا كوردستانێ راگه‌هاند، ئه‌ڤرۆ چه‌كدارێن داعش ماموستایه‌كێ ئاینى كو هه‌ڤده‌م كورده‌ داینه‌ به‌ر گووللیه‌یان.
غه‌یاس سورچى به‌رپرسێ راگه‌هاندنا مه‌لبه‌ندێ موسل یێ ئێكه‌تیا نیشمانیا كوردستانێ سه‌باره‌ت ئه‌گه‌رێن گولله‌بارانكرنا وى دیاركر كو ب تومه‌تا بن پێكرنا قانوونێن داعش، هاتیه‌ گووله‌بارانكرن.

140

ئه‌ڤرۆ نیوز:
سه‌ره‌راى هه‌موو به‌رهه‌ڤیان، به‌لێ تاوه‌كو نوكه‌ ب تنێ 18 كوچبه‌ر یێن چووینه‌ ناڤ ئاخا ئسپانیا.
سه‌رۆكێ باژێرڤانیا به‌رشه‌لونه‌ راگه‌هاند” باژارێ مه‌ ژ هه‌مى ئالیه‌كێ ڤه‌ خوه‌ به‌رهه‌ڤكریه‌ بۆ پێشوازیكرنا ئاواران، به‌لێ هه‌تانوكه‌ چ كه‌سه‌ك نه‌هاتیه‌ به‌رشه‌لونه‌ كو دووه‌م مه‌زنترین باژێرى ئسپانیایه‌.

ئه‌ڤرۆ نيوز:

ل باژێرێ دهۆكێ حاله‌ته‌كێ دگمه‌نێ زارۆبوونێ هاته‌ تۆماركرن پشتى زارۆيه‌ك ل جهێ پيستێ ئاساى پێستێ وه‌كو پۆله‌كێن ماسى هه‌بوو. ئه‌و نوشدارا سه‌رپه‌رشتيا ژ دايكبوونا زارۆى دكر، دبێژيت ده‌ما دايكا وى زارۆ ب وى ره‌نگى ديتى زۆر كريه‌ گرى. نوشداره‌كێ تايبه‌تمه‌ند ژى دبێژيت: “ئه‌ڤه‌ حاله‌تێ ئێكێ نينه‌، هه‌ر 300 هزار زارۆيان ل جيهانێ كه‌سه‌ك ب ڤى ره‌نگى ژ دايك دبيت”.

ئه‌و زارۆيه‌ ل رۆژا 19ى ڤێ هه‌يڤێ ل نه‌خۆشخانا ژ ژن و ژدايكبوونێ ل باژێرێ دهۆكێ ژ دايك بوويه‌، به‌لێ پشتى سێ رۆژان ب تنێ ئه‌وى گيانێ خوه‌ ژ ده‌ست دا.
د. خاليدا حه‌سه‌ن، سه‌رپه‌رشتيا ژدايكبوونا زارۆى كريه‌ بۆ رووداو گۆت: “ئه‌و زارۆ د ده‌مێ خوه‌ دا و ب رێيه‌كا سرۆشتى و بێ نشته‌رگه‌رى ژ دايكبوو، سێ رۆژان د ژيانێ دا ما و مر، دايكا وى هه‌ر يا روونشتى بوو و دكره‌ كرى”.
ل دووڤ گۆتنا نوشدارى ئه‌و زارۆ هه‌لگرێ نه‌خۆشيا ماسى (Ichthyosis) بوو، ب تنێ كريم بۆ دهاته‌ ب كارئينان و ئه‌ڤه‌ ژى چاره‌سه‌ريا نه‌خۆشيێ نه‌دكر و ژ به‌ر هندێ گيانێ خوه‌ ژ ده‌ست دا.

د. خاليدايێ گۆتژى: “ئه‌ڤه‌ حاله‌تێ ئێكێ نينه‌ ل دهۆكێ ب ڤى ره‌نگى ژ دايك دبيت، به‌رى نوكه‌ ژى حاله‌تێن ژ ڤى ره‌نگى هه‌بووينه‌، به‌لێ نه‌خۆشيا سڤك بوويه‌ و هاتينه‌ چاره‌كرن”.

نه‌خۆشيا ماسيێ تووشى پيستێ مرۆڤى دبيت و زێده‌تر يا زكماكى يه‌، ئه‌وێ نه‌خۆشيێ ژى چار پله‌ يێن هه‌ين و ئه‌ڤا زارۆيێ دهۆكێ ژ جۆرێ پلا تۆند بوو.

هه‌ر چه‌نده‌ به‌رپرسيارێن نه‌خۆشخانێ د ئاماده‌ نه‌بووين چو پێزانينان به‌لاڤ بكه‌ن، به‌لێ ب گۆره‌ى پێزانينان ئه‌وێ خێزانێ دو زارۆيێن دژى هه‌نه‌، به‌لێ چو كێشێن ساخله‌ميێ نينن.

د. خاليدا محه‌مه‌د تايبه‌تمه‌ندا نه‌خۆشيێن زارۆيان 12 ساله‌ ب نه‌خۆشخان ژن و زارۆبوونێ كار دكه‌ت به‌حس ل وێ نه‌خۆشيێ دكه‌ت و دبێژيت: “نه‌خۆشيا ماسيان تووشى پيستێ مرۆڤى دبيت، نه‌خۆشيه‌كا به‌لاڤ ل جيهانێ و هه‌ر 300 هزار زارۆيان ئێكى ئه‌ڤ نه‌خۆشيه‌ هه‌يه‌”.

ده‌رباره‌ى به‌لاڤبوونا وێ نه‌خۆشيێ ل كوردستانێ ژى دكتورا خاليدا دبێژيت: “ب گۆره‌ى پێزانينێن من سالانه‌ ل دهۆكێ دو بۆ سێ حاله‌تێن ژ ڤى ره‌نگى ژ دايك دبن، به‌لێ رێژا نه‌خۆشيا وان كێمتره‌، ئه‌ڤ زارۆيێ ڤێ دووماهيێ ژ دايكبووى، رێژا وى گه‌له‌ك يا زێده‌ بوو، ژ به‌ر هندێ نه‌ژيا”.
ب گۆره‌ى گۆتنێن نوشدارێ هێشتا چاره‌سه‌ريا ڤێ نه‌خۆشيێ نه‌هاتيه‌ ديتن و گۆت: “باشترين سه‌نته‌رێ چاره‌سه‌ريێ ل جيهانێ هێشتا چاره‌سه‌ريا ڤێ نه‌خۆشيێ نه‌ديتيه‌، پتريا ئه‌و زارۆيێن ب ڤى ره‌نگى ژ دايك دبن حه‌فتيه‌كێ دمينن و پاشان دمرن”.

image-(10)

ژێده‌ر: رووداو

242

ئه‌ڤرۆ نيوز:
هێزێن ئه‌منى و یێن پولیسێن عیراقێ داخاز كرینه‌ هه‌ردو باژاروكێن هیت و كوبه‌یسه‌ بهێنه‌ چولكرن داكو كارئاسانى بۆ هێزێن سوپا و پولیسێن عیراقێ دروست ببیت بۆ ئه‌نجامدانا ئوپه‌راسیونا سه‌ربازى و رزگاركرنا ڤان ده‌ڤه‌ران ژ ده‌ستێ داعش.

ئه‌ڤرۆ نيوز:

بۆ جارا ئێكێ وه‌لاتێ يابانێ په‌ترۆلا خاڤا هه‌رێما كوردستانێ هاورده‌ كر.

چه‌نده‌كى به‌رى نوكه‌ ل سه‌ر ئه‌كاونتێ پلاتس ئۆيل ل سه‌ر تۆڕا جڤاكيا تويته‌رى ژ زارێ وه‌زاره‌تا بازرگانى و پێشه‌سازى يا ژاپۆنێ ڤه‌ هاته‌ به‌لاڤكرن كو وه‌لاتێ وان ئێك ژ پێشكه‌فتيترين وه‌لاتێن جيهانێ، د هه‌يڤا بۆرى دا بۆ جارا ئێكێ په‌ترۆلا هه‌رێما كوردستانێ هاورده‌ كر.

ئەڤرۆ نیوز:
د یاریا تەپا پێ دا گەلەک جاران یاری دھێتە راوستاندن ژبەر شەرو تێکدانی و باران بارینی لێ د یاریەکا خولا بەرازیلێ دا دادڤانی یاری بۆ چەند دقیقا راوستاند پشتی گیانەوەرەکی ھێرشکریە سەر یاریکەرەکی.
د یاریا دناڤبەرا ھەردو یانێن لینینزی وئاجوا سانتا ژ خولا بەرازیلێ دادڤانێ یاریێ یاری راوستاند بۆ ماوێ چەند دقیقا پشتی مارەکێ کوپرا ھێرشکریە سەر یاریکەرەکێ ل دەمی یاریکەر توشی ھنگافتنەکێ بووی خزمەتگوزارێن یاریێ ب ترومپێلا ھنگافتنا یاریکەران ھاتیە دناڤ یاریگەھێ دا بو ڤەگوھاستنا یاریکەری بۆ دەرڤەی یاریێ بۆ چارەسەریا وی لێ ژ نشکەکی ڤە مارێ کوپرا یێ بچووک ھێرشکرە یاریکەری و ئەو چەندە بۆ مەترسیەکا مەزن ل دەڤ ھەمی یاریکەر و دادڤانێ یاریێ و ئەو مار بۆ ئەگەرێ راوستاندنا یاریێ بۆ چەند خولەکا، پشتی زێرەڤانێن یاریێ ئەو مار ژی یاریگەھێ دروخستی جارەکا دی دادڤانێ یاریێ بەردەوامی دا یاریێ .

ئەڤرۆ نیوز:
ھەڤرۆشی (تحرش جنسی) ژلایێ رەگەزێ نێرڤە ل دژی رەگەزێ مێ دھێتە ئەنجامدان، وەکو ئاخفتنێن کریت و خراب و ھەتکبەر تا دگەھیتە رادێ دەستدرێژیێ کو کەرامەتا ژنێ دشکێنیت و کارتێکرنێ ل سەر دەروونێ وێ دکەت، د ڤی دەرباری دا ڤەکۆلەرەک دبێژیت: ئەو کەسێن بێ کار و کەسێن کو نەشین کونترولی ل سەر رەفتارێن خوە بکەن پتر ڤێ کریارێ ئەنجام ددەن.
د. زیکرا ئەحمەد تایبەتمەندا نەخۆشیێن دەروونی بۆ ئەڤرۆ دیارکر کو ئەو کەسێن ب ڤێ کریارێ رادبن پتر ئەون یێن کو ژیانا ھەڤژینیێ زوو پێک نەئینن و گۆت: چو فاکتەرێن رەوشتی و ئایینی لنک نەبن، دیسا ئەو کەسێن مەی ڤەدخون و مادێن ھوشبەر بکاردئینن و بەرێخوەدەنە ئەنترنێتێ و سایتێن ھوسا یان ئەو کەسێن نەخۆشیێن دەروونی ھەی یان ئەڤێن عاقلێ وان یێ کێم و تێکچوونا کەسایەتی لنک ھەبیت دبنە ئەگەر ئەڤ دیاردە زێدە ببیت.
زێدەتر گۆت: ھەڤرۆشی کارتێکرنێ ل سەر سایکولوجیا ژنێ دکەت و دەروونێ وێ پێ تێک دچیت و ھەست ب شەرمەکا زێدە دکەت و تورە دبیت گەلەک جارا بێ دەنگ و ب تنێ دمینیت، ھەست ب کێماسیێ دکەت و باوەری ب خوە نامینیت و فشارەکا دەروونی یا زێدە دکەڤیتە سەر، گۆتژی گەلەک جارا ھندەک ژ وان تووشی ئاریشێن دەروونی دبن وەکو سەدما دەروونی و خەموکیێ و ھەستکرن ب نە ئارامیێ و دو دلیێ.
ڤەکولەرێ جڤاکی رەعەد سابر دبێژیت: ئەو کەسێن بێ کار پتر ڤێ کریارێ ئەنجام ددەن و ئەو کەسێن کو نەشین کو نترولی ل سەر رەفتارێن خوە بکەن لەوا بزاڤێ دکەن غەریزا خوە تێر بکەن ب کریارێن ھەڤروشی، دەمێ ھەڤرۆشی ل بەرامبەر ژنێ دھێتەکرن بێ دەنگ دمینیت و بەرەڤانیێ ژ خوە ناکەت وێرەکی نینە بچیتە دادگەھێ سکالایێ تومار بکەت، ژبەرکو یان نەشێت ژ شەرما جڤاکی یان ژی دێ بیتە کێشە دناڤبەرا وێ و مالباتا وێ دا، گۆتژی ئاستێ رەوشەنبیریێ و نەھێلانا جیاوازیا رەگەزی و پەروەردا خێزانی گەلەک گرنگە بۆ نەھێلانا ڤی َدیاردێ.
پارێزەر جوتیار تارق زێباری دیار کر کو قانونێ سزا بۆ دانایە و رێگری لێ کریە، لێ زۆر جاران ئەو سزایێ قانوونێ دانای نابیتە رێگری کرن ژ ڤێ کریارێ و گۆت: ئەڤە دمینیتە ل سەر لاوازیا یاسایێ ب خوە، ھەروەسا لاوازیا رەوشەنبیریا گشتی و داب و نەریتێن جڤاکی ئەڤ تاوانە دناڤ جڤاکێ مە دا بەرب زێدەبونێ ڤە دچیت ل جھێن گشتی ، لێ زوربەیا وان نابنە سکالا ل دادگەھێ، ژبەرکو داب و نەریتێن جڤاکێ مە ب رەنگەکێ گشتی ڤێ چەندێ قەبیل ناکەن، ئەڤ جورێ سکالایێ ب رێژا 1 % دبیتە تاوان و ل دادگەھێن کوردستانێ دھێـە دیتن.
زێدەتر دبێژیت: ب رەنگەکێ گشتی یاسایا سزادانا عیراقی یا ژمارە 111 ل سالا 1969 کو ل ھەرێمێ ژی کار پێ دھێتەکرن ب درێژی بەحسێ ڤێ تاوانێ کریە ب تایبەت د بەندا402 و 404 دا ئاماژە پێ کریە کو سزایێ وێ زیندانکرنە ماوێ شەش ھەیڤا تا سالەکێ و غورامەکرنە ژی ھەکە دادوەری دیت پێدڤی بۆ.
مەلا جیھاد بێسفکی دا زانین کو، ئەنجامدانا ھەڤرۆشیێ ژ ئەگەرێ لاوازیا ئایینێ مرۆڤی و کەسایەتیا مرۆڤیە و بەزاندنا سنور و مافێن تاکە کەسینە، ئایینێ پیرۆزێ ئیسلامێ مرۆڤێ موسلمان وەھا پێناسە کریە کو یێ پاراستی بیت ژ ئەزمانی و دەستی دیار دبیت کو زیانا ئەزمانێ مرۆڤی کو ھەڤرۆشیێ ب کەسەکێ بکەت مەزنترە کو ب دەستێ خوە ئەزیەتا وی بکەت، گۆتژی چۆنکو ھەڤرۆشی ئارامیا جڤاکی تێک ددەت، لەورا ئیسلامێ ئەڤ کارە ب گونەە ل قەلەم دایە، ژبەرکو ستەم و زۆریێ ل سەر کەسێ بەرامبەر و حەتا ئیسلامێ ئەم ھشیار کرینە کو ب چاڤێن خوە ژی ھەڤرۆشیێ نەکەین، ئەڤجا ل سەر مە ھەموویا پێدڤیە رێگر بین بۆ نەھێلانا ڤێ دیاردا ب مەترسی و گۆنەە.

ئه‌ڤرۆ نيوز:

ئاخفتنكه‌رێ ب ناڤێ فراكسيۆنا پارتى ديموكراتى كوردستان ل په‌رله‌مانێ كوردستانێ راگه‌هاند كو پشتى كۆمبوونا فراكسيۆنا وان ل دۆر كۆمبوونا جڤاتا سه‌ركرداتيا پارتى ديموكراتى كوردستان ب مه‌ره‌ما چاكسازيان دێ پرۆژه‌كى ده‌ته‌ سه‌رۆكێ هه‌رێما كوردستانێ.

محه‌مه‌د عه‌لى ياسين، ئاخفتنكه‌رێ ب ناڤێ فراكسيۆنا پارتى ديموكراتى كوردستان ل په‌رله‌مانێ كوردستانێ بۆ ده‌زگه‌هێن راگه‌هاندنێ راگه‌هاند: فراكسيۆنا پارتى ديموكراتى كوردستان ل په‌رله‌مانێ كوردستانێ دێ پرۆژه‌كێ چاكسازيێ بۆ حزبا خوه‌ و حوكمه‌تا هه‌رێمێ ئاراسته‌ى مه‌سعود بارزانى سه‌رۆكێ هه‌رێما كوردستانێ كه‌ت.

ناڤبرى زێده‌تر گۆت: “ئه‌و پرۆژێ چاكسازيێ ژ دو پشكان پێك دهێت، ئێك يێ تايبه‌ته‌ ب حزبێ و ئه‌وێ دژى يێ تايبه‌ته‌ ب حوكمه‌تا هه‌رێما كوردستانێ”.

محه‌مه‌د عه‌لى ياسين دا زانين ژى كو بۆ چاكسازيێن ناڤ پارتێ فراكسيۆنا پارتى پێشنيازا دووباره‌ دارشتنا هه‌يكه‌لێ حزبێ دكه‌ت و داخواز ژى كريه‌ كو باره‌گايێن پارتى بهێنه‌ كێمكرن.

ئاخفتنكه‌رێ ب ناڤێ فراكسيۆنا پارتى ديموكراتى كوردستان ل په‌رله‌مانێ كوردستانێ نه‌ڤه‌شارت ژى كو بۆ چاكسازيێن ناڤ حكومه‌تێ ژى ئه‌و پشته‌ڤانيا بڕيارێن مه‌سعود بارزانى سه‌رۆكێ هه‌رێما كوردستانێ دكه‌ن.

website security
WP Facebook Auto Publish Powered By : XYZScripts.com