NO IORG
ڤیدیۆ

ئه‌ڤرۆ نيوز:

پشكه‌ك ژ هێزێن 70 يێن سه‌ر ب ئێكه‌تى نشتيمانى كوردستان ڤه‌ ده‌ڤه‌را ته‌لوه‌رد و پێشه‌سازى ل ده‌وروبه‌رى كه‌ركووك چۆلكر.

هنده‌ك پێزانين ئاماژێ بۆ وێ چه‌ندێ دكه‌ن كو پێشتر پلان بۆ ڤێ ڤه‌كێشانێ هاتبيته‌ دانان، چونكو هه‌موو كه‌لوپه‌لێن وان د ئاماده‌ بوون و ئێكسه‌ر خوه‌ ڤه‌كێشايه‌.

ئه‌ڤرۆ نیوز ، هلورى:

به‌لاڤبوونا گرته‌یه‌كا ڤیدیویێ یا شوفێره‌كێ لوریێ كو ب شێوه‌یه‌كێ جوان و سه‌رنجراكێش پشتا و پشت دچیته‌ جهێ راوه‌ستانێ تورێن جڤاكى ب خوڤه‌ مژولكرینه‌.

ئه‌ڤا ل خوارێ گرته‌یه‌كا ڤیدیویێ یه‌ و ل تورێن جڤاكى به‌لاڤبوویه‌ نمونه‌ و شیان و زیره‌كیا شوفێره‌كێ لوریێ نیشان دده‌ت بێێ كو كه‌سه‌ك وى ئاگه‌هدار بكه‌ت لوریێ د جهه‌كێ به‌رته‌نگ دا دبه‌تن د پاركا راوه‌ستانا جهێ تایبه‌ت ب لوریان ڤه‌ ، ئه‌ڤه‌ سه‌ره‌راى كو جهه‌كێ به‌رته‌نگه‌.

مالپه‌را گیزمودو ئه‌و پارچه‌ ڤیدیو به‌لاڤكریه‌ دیاركر كو هنده‌ك شوفێر هه‌نه‌ پێدڤى یه‌ خه‌لاتێ نوبل وه‌ربگرن ژبه‌ركو كارێن هونه‌رى و جوان ب ئرتومبێلێن بارهه‌لگر و ب زه‌حمه‌ت دكه‌ن بێى كو ئاماژه‌ ب جهـ و ناڤ و نیشانێن شوفێرى بكه‌ت.

 

ئه‌ڤرۆ نيوز ، نه‌وزاد هلۆرى:
دوهى ل كه‌رنه‌ڤالا ئاكرێ بو سه‌ربه‌خوه‌ى یا كوردستانێ هژماره‌كا زور یا خه‌لكێ ئاكرێ و ده‌روبه‌ر و ده‌ڤه‌رێن دن یێن كوردستانێ پشكداربوون ، ب ره‌نگه‌ك جودا ژ كه‌رنه‌ڤالێن دن یێن پشته‌ڤانیا ریفراندۆم و سه‌ربخوه‌ى یا كوردستانێ كه‌رنه‌ڤال ب ئه‌نجامدانا چه‌ندین چالاكیان ب رێڤه‌ چوو و تێدا 100 خه‌تیرێن ئاگرێ نه‌ورۆزى َوه‌كو هێما بو دوماهى هاتنا رێكه‌فتنامه‌یا سایكس پیكو ، و بلندكرنا زێده‌تر ژ هزار و 500 ئالایێن كوردستانێ لسه‌ر خانویێن كه‌ڤنێن ئاكرێ ل هه‌ردوو تاخێن گوره‌ڤا وچوسته‌یان ب رێڤه‌چوو.

ئه‌ڤرۆ نيوز:

چه‌ند تۆڕێن جڤاكى ژ كه‌نالێ نيڤ فه‌رميێ حوكمه‌تا عيراقێ ديمه‌نه‌كێ كوشتنا ئێك ژ ستێركڤانێن داعش به‌لاڤكريه‌ كو د ده‌مێ شه‌رى دا دهێته‌ كوشتن.

 

ئه‌ڤرۆ نیوز:
كه‌سه‌كی ب ترومبێله‌كێ ل باژارێ شارلۆتسڤیل ل ویلایه‌تا ڤێرجینیا یا ئه‌مریكا دا ناڤ كۆمه‌كا خوه‌نیشانده‌ران و ل گۆری گۆتنا پۆلیسێن وی باژاری د ئه‌نجام دا دو كه‌س هاتنه‌ كوشتن و نۆزده‌ كه‌س ژی بریندار بووینه‌.
ب سه‌دان سپیپێستێن نه‌ته‌وه‌په‌رست خوه‌نیشاندان ل بشارلۆتسڤیل ل ئه‌مریكا كرن و هه‌مبه‌ر دا ب سه‌دان خوه‌نیشاندانێن دژی وان هاتنه‌ كرن و خوه‌نیشنده‌رێن داویێ بزاڤا ئینانه‌خوارێ یا ئالایێ سپیپێستێن نه‌ته‌وه‌په‌رست كرن و د ئه‌نجام دا توندوتیژی چێبوون.
پشتی پۆلیسان به‌لاڤه‌ ب خوه‌نیشانده‌ران كری كه‌سه‌كی كو ل گۆری گۆتنا میدیا ئه‌مریكی چێدبیت سپیپێستێن نه‌ته‌وه‌په‌رست بیت ب ترۆمبێله‌كێ ب سنگ و سنگ دا ناڤ خوه‌نیشانده‌ران و پاشی پشتوپشت ژی چوو و دا سه‌ر خه‌لكێ د رێیێ دا، ویلایه‌تا ڤێرجینیا ژی ره‌وشا نه‌ئاسایی راگه‌هاندو سه‌رۆكێ ئه‌مریكا ئه‌و یه‌ك شه‌رمزار كر و داخوازا ئێكگرتنێ ژ خه‌لكی كر.
ل هه‌مان باژار هه‌لیكۆپته‌ره‌كا پۆلیسان كه‌فت و هه‌ردو فرۆكه‌ڤانێن وێ گیانێ خوه‌ ژده‌ست دا.

ئەڤرۆ نیوز ، ھلوری:
ھێزێن ئەمن و ئاسایشا قەزا ئاکرێ شیان ب زوترین دەم ئاریشەیا دناڤبەرا ھەردوو خێزانێن ھەرکی و زێباری ل سنوورێ قەزا ئاکرێ ب راوەستینیت ، ل گورەی زانیاریێن ئەڤرۆ نیوز سوبەھی سپێدێ پشتی کومبونەکێ دناڤبەرا ھەردوو عەشیرەتێن ھەرکی و زێباری دێ تەرمێن کوشتیێن روودانێ ھێنە ڤەشارتن و ئەڤرۆ نیوز ژی ڤیدیویا خولەکا ئێکێ یا شەرێ دناڤبەرا ھەردوو خێزانان بەلاڤ دکەت.
پێشتر بێدار لەزگین عەبدولقەھار زێباری ئێک ژ ئاغا و کەساتیێن عەشیرەتا زێباری لسەر روودانێ بو ئەڤرۆ نیوز دیارکر بوو کو ئەڤرۆ ئێڤاری ل گوندێ بناڤ “باژێرەیی” ل سنووری ناحیا گردەسێن یا سەر ب قەزا ئاکرێ شەرەک دناڤبەرا دوو خێزانێن ھەرکی و زێباری روویدا و د ئەنجام دا کوشتی و بریندار ل ھەردوو لایان دروستبوون ، کو ئەو ژی کەسەک ل خێزانا زێباری و دوو کەس ژی ل خێزانا ھەرکی ھاتینە کوشتن ، و بریندار ژی ل ھەردوو لایان ھەنە کو بو نەخوشخانەیێن ئاکرێ ھاینە رەوانەکرن)
زێدەتر گۆت:( ئەڤ شەرە شەرەکێ خێزانی بوویە لسەر جوکەکا ئاڤێ و چوو پەیوەندی ب عەشیرەتگەریێ ڤە نینە و ئەم وەکو کەساتی و ئاغایێن زێباری لسەر خەتین ل گەل ھێزێن ئەمنی بو ئاسایکرنا پەیوەندیێن دناڤبەرا ھەردوو خێزانان داکو چوو حالەتێن مەزنتر روونەدەن ، و ئەم یێ پەیوەندیێ ب ھەردوو عەشیرەتان ژی دکەین کو بابەتی نەکەن عەشیرەتگەری و ھەردوولا بزاڤێ بکەن بو ئاسایکرنا پەیوەندیان )
ل بارا ئەگەرا سەرەکی یا روودانێ بو ئەڤرۆ نیوز گۆت: ( ئەڤ روودانە بو سالێن ١٩٨٠ دزڤریت کو دوو خێزانێن زێباری و ھەرکی پێکڤە ل گوندەکێ دژین و ئاریشە چەندین جاران روویدایە بەلێ ئەڤ جارە کوشتن و برینداربوون درۆست بوویە و موختارێن ھەردوو لایان ژی ھاتینە کوشتن)

وێنەگر و راپۆرت ، نەوزاد ھلۆری:
ھەموو رووبارێن ھەرێما کوردستانێ بەر ب ئاراستەیێ رۆژھەلات دچن ، بەلێ رووبارێ خەلان یا سەر ب ناحیا خەلیفان ل سنوورێ قەزا سوران بەر ب ئاراستەیێ رۆژئاڤا دچیت و ئەڤ یەک ژی بوویە جھێ سەرنجراکێشا وەلاتیان و رۆژانە ھژمارەکا زۆر قەستا سەر وی رووباری دکەن.
دڤی واریدا فارس سیناوای وەلاتیەکێ دەڤەرێ یە دیارکر کو رووبارێ خەلان بەروڤاژی ھەموو رووبارێن کوردستانێ ب ئاراستەیێ رۆژئاڤا دچیت و بۆ ئەڤرۆ نیوز گۆت: ( ئەگەرا سەرەکی یا کو رووبارێ خەلان یا سەر ب ناحیا خەلیفان بەر ب ئاراستەیێ رۆژئاڤابوون بچیت ئەوە کو ئەڤ رووبار ل خالا سنووری یا حاجی ئومەران دھێتە خەلیفان کو ھەموو نشێڤی یە ، بەروڤاژی دیسان رووبارەکێ دن ل دەڤەرێ ھەیە کو ئەو ژی ل گەلیێ بالندا بەر ب خەلیفان دھێت کو ئەو ژی ب ئاراستەیێ رۆژھەلاتە و دیسان نشیڤی یە واتە ھەردوو رووبار ل سنوورێ خەلیفان ھەر ئێک ژی ب ئاراستەیەکێ دچیت ، بەلێ دەما کو ھەردوو دگەھن ئێک ھەردوو پێکڤە دیسان بەر ب ئاراستەیێ باکوورێ رۆژئاڤا دچن کو ئەڤ یەک ژی وەکو رووبارێ نیلە کو تنێ ئەو بە ئاراستەیەکێ جودا ژ ھەموو رووبارێن دن دچیت)
زێدەتر گۆت: ( دێژاھیا رووبارێ خەلان نێزیکێ 30کم و ل رۆژھەلاتێ کوردستانێ دھێتە باشوورێ کوردستانێ و پاشان بەر ب سنوورێ پارێزگەھا موسل ڤە دچن ، ئەڤ رووبار ل دەڤەرێ گرنگی یا خوە ھەیە و زێدەباری کو چەندین جھێن گەشت و گوزاری لێ ھەنە و خەلکەکێ زور قەست دکەتێ د ھەمان دەم دا ژێدەرێ ئێکانەیێ ب خودانکرنا تەرش و کەوال و چەندین جورێن دەرامەت و چاندنێ یە)

ئەڤرۆ نیوز :
رێکخراوا تیرورستی یا داعش ھەردوو منارەیێن حەدبا و مزگەفتا نوری ل موسل تەقاندن ، ئەڤێ یەکێ ژی کارڤەدانێن نافخویی و نیڤدەولی دوڤ خوە ھێلان ژ بەرکو منارا حەدبا و مزگەفتا نوری دوو ھێمایێن شارستانی و دیروکی یێن پارێزگەھا موسل بوون.
دیسان مزگەفتا نوری سەرەرای کو مزگەفتەک دیروکی و گرنگ بوو ل موسل د ھەمان دەم دا ئەو مزگەفت ژلایێ داعشێ ژی زور یا گرنگ بو ژ بەرکو ئێکەمین جار داعشێ ب رێیا مینبەرا مزگەفتا نوری خەلافەتا داعشێ ل عیراق و سوریا راگەھاند.
تەقاندنا منارا حەدبا و مزگەفتا نوری د دەمەکێ دایە کوە ێزێن عیراقی ل موسلا کەڤن گەلەک نێزیکێ منارێ و مزگەفتێ ببوون کو مەزنترین پێگەھێ داعشێ دکەفتە وێرێ و داعشێ نەڤیایە کو ئەڤ یەک بکەڤیتە د دەستێن ھێزێن عیراقی دا ژبەرکو ل گورەی ھندەک زانیاریان گەلەک بەلگەنامەیێن داعشێ ژ بریارێن کوشتنا وەلاتیان و گرێبەستێن نەفتێ و بازرگانی و رەڤاندن و کرین و فروتنا کچ و ژن و زاروکان ل وێرێ دھاتن ھەلگرتن.

ڤێرە کلیک بکە بو دیتنا تەقینا منارا حەدبا

website security
Facebook Auto Publish Powered By : XYZScripts.com