NO IORG
زنار توڤى/بەرهەفکرن

ئەڤرۆ نیوز ، زنار تۆڤی :

بڕیاره‌ ل رۆژا سێشه‌مبیا بهێت هه‌ردوو سه‌رۆكێن ئەمریکا و فرنسا بۆ گوتۆبێژکرنێ دەرباره‌ی چه‌كێ ئه‌تۆمی یێ ئیرانێ ل‌ كۆچكا سپی كۆم ببن.
ئاژانسا رۆیته‌رز دیارکریە،کو به‌رپرسەکێ كۆچکا سپی راگەهاندیە،کو دۆنالد تره‌مپێ سه‌رۆكێ ئه‌مریكا بریاره‌ ل ‌گه‌ل ئیمانوێل ماكرۆن سه‌رۆكێ فڕه‌نسا كۆمبوونه‌کێ ئه‌نجام بده‌ن بۆ بەحسكرنا چه‌كێ ئه‌تۆمی یێ ئیرانێ و هه‌روه‌سا هەڤپه‌یمانیا هێرشێن سه‌ربازی بۆ سه‌ر سووریێ.
ئه‌ڤە ژی پشتی وێ رێككه‌فتنا دناڤبەرا تەهرانێ و ئه‌مریكا و هەر پێنچ ژ‌ وەلاتێن زلهێز دهێت بۆ دەستبەردانا ئیرانێ ژ‌ به‌رنامێ‌ ئەتۆمی،ب مەرەما كێمكرنا سزایێن ئه‌مریكا بۆ سه‌ر وی وەلاتی‌،کو دۆنالد تره‌مپی ب خراپترین رێككه‌فتن ددا‌نیت،هەروەسا ل هەیڤا ترەمپی ئاگاهداریەک بۆ وەلاتێن فر‌نسا و ئه‌لمانیا و بریتانیا هنارتیە بۆ چاكسازیكرنێ د وێ رێككه‌فتنێ دا و هێرشا هندێ كریە،کو سزایێن ل ‌سه‌ر ئیرانێ لا نادەت.

محه‌مه‌د جه‌واد زه‌ریف وه‌زیرێ ده‌رڤە یێ ئیرانێ ل نیویۆرك راگه‌هاند،کو تەهرانێ چه‌ند بژارده‌یه‌ك داینه‌ ئه‌مریكا بۆ ده‌رچوون ژ وێ‌ رێككه‌فتنێ، هه‌روه‌سا كارڤەدانێن ئیرانێ به‌رامبه‌ر ده‌رچوونا واشنتۆنێ ژ رێككه‌فتنا به‌رنامێ وی یێ‌ ئەتۆمی‌ باش نابیت.

هەروەسا حوکمه‌تا ئیرانێ ئاشكرا كریە،کو هەتا هندەک لایەنێن دیتر هه‌بن رێزێ بگرن دەستا ژ وێ رێككه‌فتنێ بەرنادەت،ب تنێ د دەمەکێ دا ئەڤە دێ بیت،دەمێ کو ئه‌مریكا ژ وێ‌ رێككه‌فتنێ ده‌ربچیت.

ئەڤرۆ نیوز ، زنار تۆڤی :

په‌رله‌مانێ توركیا ئەنجامدانا هه‌لبژارتنێن پێشوه‌خت په‌سه‌ند كر و لدووڤ وێ بریارێ هه‌لبژارتنێن پێشوەخت دێ ل 24 خزیرانا بهێت هێنه ئەنجامدان.
میدیایێن تورکی داینە دیارکرن،کو په‌رله‌مانێ توركیا بریار ل سه‌ر هه‌لبژارتنێن پێشوه‌خت دا و بریارا ئەنجامدانا هەلبژارتنان ل 24 خزیرانا بهێت په‌سه‌ند كر.
ره‌جه‌ب ته‌یب ئه‌ردۆگانی سه‌رۆك کۆمارێ توركیا به‌ری دو رۆژان بریار دابوو ل هەیڤا خزیرانا بهێت هه‌لبژارتنێن پێشوه‌خت ل تورکیا بهێنە ئەنجامدان،ب ڤێ چەندێ ژی بۆ ماوێ سال و نیڤان ده‌مێ هه‌لبژارتنان پێشخست.
په‌سه‌ندكرنا بریارا پێشخستنا هه‌لبژارتنان پشتی وێ چەندێ هات كو دوهـی كۆمسیۆنا ده‌ستووری یا پەرلەمانێ تورکیا پرۆژه ‌بریارا ھەلبژارتنێن پێشوه‌خت ئاراستەی جڤاتا گشتیا پەرلەمانێ تورکیا کربوو.

ئەڤرۆ نیوز ، تۆڤی :

گەلەک ره‌فتارێن ژنان هه‌نە كو سه‌رنجا زەلامان رادكێشن و پێدڤیه‌ ژن زۆر ب‌ ژیرانه‌ مامه‌لێ دڤی واری دا بکەن، به‌لێ چه‌ند ره‌فتار هه‌نە کو په‌یوندی ب روخسارێ خانمان ڤە‌ هه‌یه‌،کو گەلەک سه‌رنجا زەلامان رادكشن و یێن گرنگ ژی ئەڤەنە‌:
1. زەلام به‌رده‌وام حه‌ز د‌كه‌ن ده‌ستێ خوە بکەنە پرچێ خۆشتڤیا خوە، به‌لێ دەمێ ژن ب خوە ده‌ستێ خوە دکەنە پرچێ خوە، گەلەک كاریگه‌ریێ دکه‌نه‌ سه‌ر زەلامان و هه‌ستێ وان د‌جولیت دەر‌باره‌ى حەز ژێکرنا وان‌.
2. زەلام سه‌رسامن ب بەرێخودانا خوشتڤیا خوە،دەمێ تەماشەی ناڤچاڤێن وان دكه‌ن و چاڤ ب ناڤ چاڤان دکەڤن.
3.هه‌موو گاڤا‌ زەلام حه‌ز‌ ژ هندێ دکه‌ن،کو تەماشەی دێمێ خۆشتڤیا خوە بكه‌ن،دەمێ كتێبەکێ دخوینیت‌،یان دەمێ تەماشەی ته‌له‌فزیۆنێ دکەت، یان ژی دەمێ ب ته‌ركیز كارەکێ دکەت، چونكی‌ ئه‌ڤ كاره‌ سه‌رنجا وان رادکێشیت.
4. خالا ل روویێ ژنان ئێکە ژ‌ وان تشتێن،کو زەلام به‌رده‌وام پێ سه‌رسامن، چونكی ئه‌ڤه‌ هه‌ستەکێ جۆدا و تایبه‌تمه‌ند دبەخشیتە وان ژنان،یێن کو ئه‌ڤ جۆرێ خالان هه‌ین‌ ل دەف زەلامان.
5. گرنژینا سه‌ر روویێ ژنان دەمێ هەڤژینێن خوە دبینن پشتی رۆژەکا دوور و درێژ ژ كاركرنێ،ئێکە ژ وان سیحرێن ب ‌هێز یێن کو زەلام پێ سه‌رسامن ژ هەڤژینا خوە یان ژی خۆشتڤیا خوە.

ئەڤرۆ نیوز ،زنار تۆڤی :

سه‌رۆكێ پارتەکا ئیسلامى ل توركیا ره‌خنێ ل ئه‌ردۆغانی دگریت و دبێژیت،هەکە هوسا بچیت، نه‌ كوده‌تا، به‌لکو دێ شۆرەشەک ل دژى ده‌ستهەلاتا وی به‌رپا بیت.
ته‌مه‌ل كه‌رموڵا ئۆغڵو،کو سه‌رۆكێ حزبا سه‌عاده‌ت یا توركییه‌،د‌ لێدوانەکێدا ئه‌ڤرۆ ره‌خنێن توند ل سه‌رۆكێ توركیا گرتینە‌ و به سه‌ركوتكاریێ تۆمه‌تبار كریه‌.
رۆژناما زه‌مان یا توركى كه‌رموڵا گوتیە،کو شۆرەش ژ ئه‌نجامێ سه‌ركوتكاریێ دروست دبن،نوکە ده‌ستهەلاتا ئاكپارتی ژی سته‌مكاریێ پەیرەو دکەت و ئه‌ڤە ژی د ئه‌نجامدا دێ بیته‌ ئەگەرێ یاخیبوونا گه‌لێ توركیا ژ ڤێ ده‌ستهەلاتێ‌ و گوتیە ژی، ئه‌ڤ ده‌ستهەلاتا‌ نوکە خەلەتیێن كوژەک‌ ده‌رهه‌قی وەلاتیێن خۆ دکەت.
نەرازیبوونا حزبێن توركیا ژ‌ حالەتێ ئاوارته‌،پشتی كوده‌تایا ته‌مووزا 2016 ژ‌لایێ حزبا ئه‌ردۆغانی هاتیە راگه‌هاندن.
دوهی ژی پارتیا گه‌ل یا كۆمارى جەهەپێ ل توركیا‌، داخوازى ژ‌ حزبان كر کو خۆپیشاندانەکێ ساز بكه‌ن بۆ هندێ کو حالەتی ده‌ستهه‌لاتا ئاوارته‌ ژ ڤی وەلاتی هه‌لبوەشینن‌.
ده‌ستهەلاتا ئاكپارتى كوده‌تایا 2016 كریه‌ مەزنترین هێجەت بۆ لێدانا ئۆپۆزسیۆنێ و نه‌یارێن خۆ،لدووڤ راپۆرتێن نێڤده‌ولەتی ب ده‌هان هزار كه‌س ب تۆمه‌تا ئه‌نجامدانا كوده‌تایێ ل‌ توركیا خستینە گرتیخانان.

ئەڤرۆ نیوز ، زنار تۆڤی :

بریارە ئەڤرۆ سێشەمبی 17.4.2018 پەرلەمانێ عێراق كۆمبوونا خوە یا ئاسایی ساز بكەت و هژمارەکا پڕۆژێن قانوونی یێن ناكۆكی ل سەر خستینە بەرنامێ كاری.
روونشتنا ئەڤرۆ یا پەرلەمانی دوماهی روونشتن نینە و لدووڤ ماوێ درێژكری یێ پەرلەمانی هەتا 30 خزەیرانا بهێت پەرلەمان دشێت كۆمبوونان ئەنجام بدەت و ئەڤ خولا پەرلەمانی ماوێ وی هەتا دەمێ بریار هاتیە دان ب دوماهی ناهێت، لەوما دڤی ماوەی دا دێ شێت روونشتنێن ئاسایی و نە ئاسایی ساز کەت.
بریاره ل روونشتنا ئەڤرۆ یا پەرلەمانێ عێراقێ پرۆژە قانوونا نوونەران ل دادگەها تێهەلچوونێ و هژمارەکا پڕۆژە قانوونێن دیتر بێخنە بەرچاڤ، بەلێ هیچ بەرنامەکێ كاری ل پێگەهێ فەرمی یێ پەرلەمانێ عێراقێ نەهاتیە بەلاڤ كرن.
بریارە ئەڤ خولا پەرلەمانی دوماهی روونشتنا خۆ ئەنجام بدەت،ل رۆژا هەلبژارتنان كو 12ی ئەیارا داهاتی، خولا پێنجێ یا پەرلەمانێ عێراقێ دێ هیێتە هەلبژارتن و خولا چارێ یا پەرلەمانێ دێ ب دوماهی هێت.

ئەڤرۆ نیوز ، زنار تۆڤی :

لدووڤ نووچەیێن فەرمی یێن رژێما سووری ل شەڤا بوری فرۆکخانا شەعیرات ل رۆژهەلاتا پارێزگەها حومسێ ل سووریێ هاتیە بوردۆمان کرن.
پشتی وێ بۆردومانێ ئەمریکا رەتکریە کو سوپایێ وی وەلاتی فرۆکخانا سووریێ بۆردومان کربیت و سوپایێ ئیسرائیلێ ژی راگەهاندیە، ”کو مە هیچ کۆمێنتەک بۆ وی نووچەی نینە“.
ئەو فرۆکەخانا سەربازی ژلایێ میلیشیاتێن ئیرانی و حزبوللا یا لوبنانی،کو ل دەستپێکا شەرێ نافخۆیی یێ سووریێ هاریکاریا رژێما سووریێ دکەن و وەک بنگەهەکێ سەربازی بکارئینایه.
ل هەیڤا ئادارا 2011 شەرێ نافخۆیی ل سووریێ دناڤبەرا گرووپێن ئۆپۆزسیۆنێ و رێکخراوێن تیرۆریستی یێن داعش و قاعیدە و رژێما سووریێ دروست بوویە.
ب ئەگەرێ وی شەری زێدەتر ژ پێنج ملیۆن وەلاتیێن سووری ئاوارە بووینە و پتری نیڤ ملیۆن کەسان ژی گیانێ خوە ژ دەست دایە.

ئەڤرۆ نیوز ، زنار تۆڤی :

دکتۆر نیل ستانلی سەرۆکێ بەرێ یێ رێکخراوا نڤستن یا بریتانی دبێژیت،هەکە مرۆڤ د ژوورەکا گەرمدا بنڤیت دێ خەونێن نەخۆش بینیت،لەوما دڤێت پلا گەرماتیا ژوورێ دناڤبەرا 16 بۆ 18 پلەیان دابیت،هەتاکو ب ئاسانی خەوا مرۆڤی بهێت.

د راپۆرتەکێدا نیل بۆ رۆژناما ئیندپندنت دیارکریە،کو دڤێت پلا گەرماتیا لەشێ خوە بینینە خوار هەتاکو بەردەوام ل 37 پلەیا سەدیدا جهگیر ببیت .
دیسا نیل ستانلی شیرەتان دکەت،کو دڤێت مرۆڤ د ژوورەکا هین دا بنڤیت،هەتاکو ژ چەندین کێشەیێن نە نڤستنێ وەکی پخپخێ و وەستیانا هەناسەدانێ خوە بپارێزین .

هەروەسا دبێژیت،هەکە مرۆڤ بەری نڤستنێ خوارنێ بخوت دێ پلەیا گەرما لەشێ مرۆڤی زێدە بیت و دێ ب زەحمەت مرۆڤ نڤیت و دێ خەونێن نەخۆش ژی بینیت.

ئەڤرۆ نیوز، زنار تۆڤی :

ئەڤرۆ ئەینیێ ل باژێرێ نیون یێ سۆیسری ئەنجامێن تیرۆپشکا قۆناغا بەری دوماهیێ یا چامپیۆنزلیگێ هاتنە راکێشان و ب ڤی رەنگی بوون.
یانا ریال مەدرید یا ئیسپانی و یانا بایرن میۆنشن
یا ئەلمانی کەفتنە هەمبەری ئێک و یانا لیڤەرپۆل یا ئنگلیزی و یانا رۆما یا ئیتالی کەفتنە هەمبەری ئێک.

FB_IMG_1523618880591

FB_IMG_1523618876551

 
ئەڤرۆ نیوز :

 

خانما‌ سترانبێژ هێلی لۆڤێ، ل پێگه‌هێ تایبه‌ت یێ خۆ ل تۆرا جڤاکی یا ئینستیگرامێ چه‌ند وێنه‌کێن نوو یێن خۆ بەلاڤە كرینه‌،کو‌ بۆ ئێکه‌م جاره‌ ب ڤی شێوه‌ی ده‌ردکه‌ڤیت و بوویە جهێ بەحسکرنا حەزژێکەرێن وێ.
هێلی لۆڤێ ل تۆرا جڤاکی یا ئینستیگرامێ گەلەک حەز ژێکریێن خوە هەنە‌، چونكه‌ وێنێن جوان و سەرنجراکێش بەلاڤە دکەت و ڤێ جارێ ژی وێنێن جوان و روخسارەکێ جوان نیشاندایە و هه‌وادارێن وێ دبێژن د ستایل و جلێن خوە دا خوە وه‌كی كیم كارداشیانێ لێکریە.

 

ھێلی لۆڤ ل سالا 1988 ژ‌ دایكبوویه‌،چه‌ند ڤیدیۆ كلیپ هەنە‌ و پشکداری د دوو فلمێن سینه‌مایی دا كریه‌،د ماوه‌کێ کێم دا ل‌ ھه‌رێما كوردستانێ و جیھانێ دا، ناڤودەنگەکێ ھونەری په‌یدا كریە،هەروەسا ب‌ ئێک ژ 100 كاریگه‌رترین كه‌سایه‌تیێن جیهانێ بۆ سالا 2015 هاتیە ھه‌لبژارتن،نوکە مژۆلی كارێ بازرگانیێ یه‌ و وێ ژ پڕۆژێ ڤەكرنا مەزنترین سه‌نته‌رێ جوانكاریێ ل هەرێما كوردستانێ ده‌ست پێكریە.

 

 

 

 

Screenshot_٢٠١٨-٠٤-١٣-١٢-٥٠-٣٧-1-1

 

Screenshot_٢٠١٨-٠٤-١٣-١٢-٥٠-٤٤-1-1-1

 

Screenshot_٢٠١٨-٠٤-١٣-١٣-٠٣-٤٤-1-1

ئەڤرۆ نیوز ، تۆڤی :

فراکسیۆنا پارتی ل پەرلەمانێ کوردستانێ روهنکرنەک ‌ ده‌رباره‌ی موچێ یه‌که‌یا پاسه‌وانان بەلاڤکریە و تێدا هاتیە،ب ‌خۆشحالی ڤە پشتی کو‌ حوکمه‌ت شیای پێداچوونێ د‌ مووچێ فه‌رمانبه‌ران دا بکەت و سیسته‌مەکێ نوو یێ مووچه‌ی راگه‌هاندی،تا راده‌کێ باش بزاڤ هاتیە کرن،کو رێژه‌یا پاشکەفتی کێم بکەت و مووچەی‌ بلند بکەت،به‌لێ چه‌ند رۆژن‌ نەرا‌زیبوونەکا ره‌وا،ژ لایێ به‌رێزان ل یه‌که‌یا پاسه‌وانان هه‌بوو،کو مووچێ ئه‌وان نەهاتبوو ده‌ستکاری ‌کرن،ئەم ژ فراکسیۆنا پارتی ب‌ هووری و جددی ل‌ گه‌ل به‌رێزان ژ وه‌زارەتا نافخۆ و دارایی و یه‌که‌یا پاسه‌وانان ل ‌سه‌ر خه‌ت بووین بۆ ڤێ مه‌به‌ستێ،ب خۆش حالی ڤە نوکە ژ ‌لایێ به‌رێز وه‌زیرێ نافخۆ هاتینە دلنیاکرن،کو مووچێ یه‌که‌یا پاسه‌وانان ژی لدووڤ سیسته‌مێ نوو یێ مووچەی دێ هێتە ده‌ستکاری کرن،لەوما ئەم وه‌ک فراکسیۆنا پارتی هەوە دلنیا د‌که‌ین‌،کو هەموو گاڤا دێ پشتەڤانێ داخوازیێن هەوە یێن ره‌وا و هەموو فه‌مانبه‌رێن کوردستانێ ‌بین.
فراکسیۆنا پارتی دیموکراتی کوردستان

website security
Facebook Auto Publish Powered By : XYZScripts.com