NO IORG
زنار توڤى/بەرهەفکرن

ئەڤرۆ نیوز:

پەرلەمانێ عیراقێ ل دور پرۆژە قانوونا بودجا سالا 2019 د دانوستاندنان دا یە، وەزیرێ دارایی یێ عیراقێ ژی راگەھاندیە، کو ئەو پرۆژە قانوونا ھاتیە بەرھەڤکرن، ل گەل دیتنێن حوکمەتا نوکە ناگونجیت.

هێشتا روونشتنا پەرلەمانتارێن عیراقێ ل دور پرۆژە قانوونا بودجێ سالا بهێت یێ عیراقێ یا بەردەوامە، د وێ کۆمبوونێدا دکتۆر فوئاد حسێن، جێگرێ سەرۆک وەزیری و وەزیرێ دارایی یێ عیراقێ د روونشتنا پەرلەمانی دا پرۆژە قانوونا بودجێ پێشکێشی پەرلەمانی کریە و گۆت: پرۆژە قانوونا بودجێ یا سالا 2019 ژ ئالیێ حوکمەتا عەبادی ڤە ھاتیە بەرھەڤکرن، وان ژی کێشە ل گەل ھەنە، ژبەرکو بۆچوونێن حوکمەتا نوکە د جودا نە.‌

جێگرێ سەرۆک وەزیری و وەزیرێ دارایی یێ عیراقێ گۆت ژی: چەندین وەزارەتێن حوکمەتا عیراقێ و نوونەرێن ھەرێما کوردستانێ بۆچوونێن خوە ل دور بودجێ داینە دیارکرن، ھەروەسا بەرھەڤیا خوە بۆ هاریکاریەکا شەفافانە ل گەل پەرلەمانی ل دور پرۆژە قانوونا بودجێ نیشان دایە.

ئەڤرۆ نیوز ، زنار تۆڤی:

پشتی گەهشتنا نووچێ بن ئاڤبوونا به‌له‌مەکا كۆچبه‌ران ل كه‌نارێن شارۆچكێ دیكیلی یێ سەر ب پارێزگەها ئزمیرێ ڤە، تیمێن هەوارهاتنێ گه‌هشتنه‌ جهێ روودانێ.

ل دەمژمێر شەش و 20 خوله‌كی سپیدێ ل دەڤەرا دەنیز كۆی، دو كۆچبه‌ران ب مه‌له‌ڤانیان خۆ رزگاركرینە و دیارکریه، کو به‌له‌ما وان بن ئاڤ بوویە‌ و 10 كه‌سێن دیتر دبێ سه‌روشینن.
پشتی تیمێن هەوارهاتنێ هاتینە ره‌وانه‌کرن بۆ وی جهی، دەست ب کارێن لێ گه‌ریانێ و پشكنینێ کریە، لێ هێشتا تەرمێن وان نەهاتینە دیتن.

ئەڤرۆ نیوز:

وه‌زیرێ بازرگانیا عیراقێ لێژنه‌کا بلند پێکئینایە ژ بۆ باشترکرنا فورمێن خوارنێ و كرینا مادێن خوارنێ و باشكرنا كوالێتیا مادان راگه‌هاندیە.

محەمەد ھاشم ئەلعانی، وەزیرێ بازرگانیا عیراقێ بۆ میدیایێن عێراقی راگەهاندیە، کو ھەڤدەم ل گەل باشترکرنا مادێن خوارنێ دێ بزاڤێ کەین وێ فۆرمێ دەولەمەندتر لێ بکەین و مادێن خوارنێ یێن دیتر بۆ زێدە بکەین.

گوت ژی، مە لیژنەک پێکئینایە بۆ دانوستاندنێ ل سەر ڤی بابەتی و دابینکرنا پارێ پێدڤی بۆ ماوێ سالەکێ، نەکو بۆ ماوێ 6 هەیڤان، لدووڤ بڕیارا ژمارە 986 یا نەتەوێن ئێکگرتی، ل سالا 1997چەند بڕگەک ژ مادێن خوارنێ ب رێیا بریکاران ب سەر وەلاتێن عێراقێدا دهێنە دابەشکرن و سالانە گۆژمەکێ پارەی بۆ دهێتە تەرخان کرن.

ئەڤرۆ نیوز ، زنار:

پشتی چار سەرکەفتنان ل سەر ئێک د خولا ئیسپانیا و جاما شاهی و چامپیۆنزلیگا ئورۆپی دا، یانا ریال مەدرید بریار ل سەر مانا سۆلاری ددەت و دێ وی راهێنەری هێلیت.

رۆژنامەڤانێ ئیسپانی خۆسیە لویس سانچێز ل (elchiringuitotv) ئاشکرا دکەت، کو سانتیاگۆ سۆلاری یێ ئەرجەنتینی و راهێنەرێ دەمکی یێ یانا ریال مەدرید ژ لایێ ئیدارا وێ یانێ مانا وی د وی پۆستی دا هەتا دووماهیا ڤی وەرزی پێ هاتیە راگەهاندن.

هەروەسا وی رۆژنامەڤانی گۆتیە، سۆلاری هێمنی و ئارامی بۆ وێ یانێ ڤەگەراندیە و ئیدارا یانا ریال مەدرید ژی ب باشی دزانیت کو ئەڤ راهێنەرە یێ بەردەوام بیت.

سۆلاری شیایه چار سەرکەفتنان تۆمار بکەت و یانا وی شیایە ١٥ گۆان بکەت و ب تنێ دو گۆل لێ هاتینە تۆمارکرن و باشترین دەستپێک هەبوویە د مێژوویا یانا مەدریدی دا.

ئەڤرۆ نیوز:

سەرۆک وەزیرێن ھەرێما کوردستانێ دیارکریه کو ھەرێما کوردستانێ دێ ل سەر بنەمایێن پێکڤەژیانا نەتەوەیی و ئۆلی و ڤەحەواندن و پاراستنا ئاوارە و پەنابەران یا بەردەوام بیت.

نێچیرڤان بارزانی، سەرۆک وەزیرێن ھەرێما کوردستانێ پێشوازی ل گرەیھام فرەنکلین، سەرۆکێ رێکخستنا سەماریتان پێرس یا ئەمریکی کریە و د وێ ھەڤدیتنێ دا فرەنکلینی رۆلێ خەلک و حوکمەتا ھەرێمێ بۆ حه‌واندن و دابینکرنا خزمەتگوزاریان بۆ ئاوارەیان و قۆربانیێن پێشمەرگەی و خەلکێ کوردستانێ د روو ب رووبوونا شەرێ ل دژی تیرۆرێ و پاراستنا ھەموو پێکھاتان دا بلند نرخاند.
ھەروەسا د وێ هەڤدیتنێ دا بەحسێ ھاریکاریێن رێکخستنا خوە بۆ ئاوارەیان کر و مانا کریستیانان ل عیراقێ وەک پێکھاتەکێ گرنگ یا جڤاکێ عیراقێ ب پێدڤی زانیە.

ژ لایێ خوە ڤە سەرۆک وەزیرێن ھەرێمێ، رۆلێ فرەنکلینی د ھاریکاریکرنا ئاوارە و پەنابەران دا بلند نرخاندیە و گۆت ژی: خەلک و حوکمەتا ھەرێما کوردستانێ دێ ل سەر بنەمایێ پێکڤەژیانا نەتەوەیی و ئۆلی و ڤەحەواندن و پاراستنا ئاوارە و پەنابەران د بەردەوام بن، ھەروەسا داخواز ژ جڤاکا نێڤدەولەتی کر ،ھاریکاریا ھەرێما کوردستانێ د سەپاندنا کولتوورێ پێکڤەژیانێ ل سەرانسەری عیراقێ دا بکەت.

ئەڤرۆ نیوز:

ل شەڤا بوری ھەرسێ سەرۆکاتیێن عیراقێ پرسا تەمامکرنا کابینا نوو یا حوکمەتا عیراقێ و رەوشا سیاسی و ئێمناھیا سنۆرێ ل گەل وەلاتێ سووریێ گۆتوبێژکرن.

هەروەسا ل شەڤا بوری ھەرسێ سەرۆکاتیێن عیراقێ د بەیاننامەکا ھەڤپشک دا راگەھاندیە، کو بەرھەم سالح، عادل عەبدولمەھدی و محەمەد حەلبووسی، ل کۆچکا سەلام ل بەغدا کۆم بوون و دووماهی پێشھاتێن عیراقێ گۆتوبێژ کرینە.

دیسا ھەرسێ سەرۆکاتیان پرسا تەمامکرنا کابینا نوو یا حوکمەتێ و پرسا بوودجێ عیراقێ یێ سالا 2019 گۆتوبێژ کرینە، هەروەسا وان داخواز ژی کریە کو ئەوو پارێزگەھێن ژ بەر ئەگەرێن شەری و تیرۆرێ زیان ڤێکەفتین ل بەرچاڤ بھێنە وەرگرتن.

ئەڤرۆ نیوز:

هندەک كه‌س شه‌ڤانه‌ پشتی کاركرنێ سەرێ خوە د‌شۆن، لێ هندەک ژی حەز دکەن سەرێ خوە ل سپێدەهیان بشۆن، لێ ژ روویێ ساخلەمیێ ڤە سەر شوشتنا ل سپێدەهیا‌ گەلەک ژ یا شەڤێ باشتره.

ڤەکۆلینێن نۆشداری سه‌لماندیە کو ‌خۆشوشتنا ب شەڤێ زڤرینێ خوینێ چالاك دکەت، هه‌روه‌سا كاریگه‌ری ل ‌سه‌ر كێمكرنا په‌سنتانا خوینێ و خوینبه‌ران هه‌یه‌ و هەڤدەم خانێن پیستی نوو دکەت و هاریکاره‌ بۆ زوو سارێژبوونا برینان، ئه‌ڤه‌ ژ بلی هندێ کو مرۆڤی ژ دوو دلیێ دوور دئێخیت.

هه‌روه‌سا به‌رگریا له‌شی ب هێز دئێخیت ل دژی ڤایرۆس و نه‌خۆشیان.
ب ئەگەرێ وێ چەندێ کو زڤرینا خوینێ چالاك دکەت، هەروەسا كاریگه‌ری ل سه‌ر پێدانا وزێ ب‌ له‌ش و شیانێن وێ هه‌یه‌.

سەر شوشتنا ل سپێدەهیا‌ هاریکاریا ڤەگوهاستنا ئۆكسجینی ددەت بۆ هەموو ئه‌ندامێن له‌شی، كو‌ ئه‌ڤە ژی مرۆڤی ژ خه‌مۆكیێ و بێزاریێ دوور دئێخیت.

ئەڤرۆ نیوز:

وەسا بریارە‌ ئه‌ڤرۆ ئێکشه‌مبێ‌ 11 چریا دویێ پرۆسا دابه‌شكرنا مووچێ هەیڤا تەباخێ یێ فه‌رمانبه‌ران ده‌ست پێ بكەته‌ڤە و چه‌ند جهەک دێ مووچه‌ی وه‌رگرن.

ئه‌ڤرۆ ئێكشه‌مبێ‌‌ دێ مووچێ هه‌ردو وه‌زاره‌تێن شه‌هیدان و كاروبارێن ئه‌نفالكریان، هەروەسا وه‌زاره‌تا دارایی و ئابووری هێته دابه‌شکرن.

دیسا هه‌ر ئه‌ڤرۆ دێ مووچێ كه‌سوكارێن شه‌هیدان و ئه‌نفالكریان هێته دابه‌شکرن.

ئەڤرۆ نیوز:

وەزارەتا دەرڤە یا رووسیا رەخنە ل پشتەڤانیا ئەمریکا بۆ کوردێن رۆژئاڤایێ کوردستانێ گرتیە و راگەهاندیە، کو واشنتونێ دڤێت دەولەتەکا کوردی ل سووریێ دروست بکەت.

ماریا زاخارۆڤا پەیڤدارا وەزارەتا دەرڤە یا رووسیا دیارکریه، کو ئەمریکا دخوازیت دەولەتەکا کوردی ل سووریێ دابمەزرینیت و روژهەلات و روژئاڤایێن وی وەلاتی ژێک ڤەقەتینیت.

پەیڤدارا وەزارەتا دەرڤە یا رووسیا ماریا زاخارۆڤایێ خۆیاکریە ژی، ئەمریکا ب بهانەیا گەفێن تورکیا ل سەر سووریێ، پشتەڤانیا هەسەدێ دکەت، لێ بابەت نە ب وی رەنگی یە و ئەمریکا دخوازیت دەولەتەکا کوردی دابمەزرینیت.

ئەڤرۆ نیوز:

ل‌ هندەک وەلاتێن جیهانێ هندەک جه هه‌نە كو ب تنێ ژن لێ د‌ژین و چو زەلام تێدا نینن‌.

ئۆمۆژا – كینیا:
گوندێ ئۆمۆژا ل‌ كینیا ل سالا 1990 ژ لایێ ژنەکێ ڤه‌ بناڤێ رێبێكا هاتیە ئاڤاکرن‌، ب تنێ ژن ل ڤی گوندی دژین و چو زەلام لێ نینن.

سه‌ماحه‌ – مسر:
گوندێ سه‌ماحه‌ ل مسرێ ل سالا 1998 هاتیە ئاڤاکرن‌ و ب سه‌دان بیژن ل وی گوندیدا د‌ژین و چو زەلام ل گەل نینن‌، ئەڤ گونده‌ ژ لایێ‌ وه‌زاره‌تا چاندنا مسرێ هاتیە دانان و ئەردێ چاندێ یێ دایە وان ژنێن ل وی گوندی ‌دا دژین بۆ هندێ کو خوە ب کارێ جۆتیاریێ ڤە مژۆل‌ بكه‌ن.

نۆیڤا – بەرازیل:
هەموو خەکێ گوندێ نۆیڤا ل بەرازیل هه‌موو ژنن‌ و چو زەلام لێ نیین، د وی گوندی دا نێزیکی 600 كچ و ژنان کو ژیێ وان ژ 25 بۆ 40 سالیێ دایه‌، ئەو ژی کارێ جۆتکاریێ و بخودانکرنا تەرشوکەوالی دکە

website security