NO IORG
زنار توڤى/بەرهەفکرن

ئەڤرۆ نیوز ، زنار تۆڤی:

یاریێن گەرا ئێکی یێن خولا چامپیۆنزلیگا ئورۆپا دێ بەردەوامی هەبیت، ئەڤرۆ ژی دێ هەشت یاریێن دیتر د دو دەمێن جۆدا دا برێڤەچن و قارەمانا سێ وەرزێن بوری دێ دناڤا یاریگەه و پشتەڤانێن خوە دا یاریێ کەت.

یارییێن ئەڤرۆ یێن چامپیۆنزلیگێ ب ڤی رەنگی نە:

ئەیاکس – ئەیک ئەسینا 19:55
شاختار دۆنتێسک – هۆفێنهایم 19:55

بنفیکا – بایرن میونشن 22:00
مانچستەر سیتی – لیۆن 22:00

ریال مەدرید – رۆما 22:00
ڤیکتۆریا پلزن – سیسکا مۆسکۆ 22:00

ڤالنسیا – یوڤێنتوس 22:00
یۆنگ بۆیز – مانچێستەر یونایتد 22:00

ئەڤرۆ نیوز ، تۆڤی:

د سەرەدانا خوە یا ئێکێ دا بۆ باژێرێ بەسرا جێگرێ سه‌رۆكێ پەرلەمانێ عیراقێ گۆت: سه‌رۆك بارزانی و حوکمه‌تا هه‌رێما کوردستانێ پشته‌ڤانێن داخوازیێن خه‌لكێ به‌سرانه‌.

پشتی دەست ب کاربوونا وی وەکو جێگرێ سەرۆکێ پەرلەمانێ عیراقێ و ل گەل شاندەکێ پەرلەمانێ عیراقێ به‌شیر حه‌داد جێگرێ سەرۆکێ پەرلەمانێ عیراقێ د ئێكه‌م سه‌ره‌دانا خوه‌ دا بۆ باژێرێ به‌سرا، د گۆتاره‌كێ دا ل باژێرێ به‌سرا دیارکر: کو سه‌رۆك بارزانی و نێچیرڤان بارزانی و گه‌لێ كوردستانێ ژی پشته‌ڤانێن خەلکێ به‌سرانه‌ و مالێن كوردستانیان بۆ خه‌لكێ به‌سرا دڤه‌كرینه‌.

ناڤهاتی گۆت ژی: دڤێ خولێ دا پەرلەمانێ عیراقێ یێ رژده ل سەر‌ ئه‌ركێن خوه‌ یێن چاڤدێری و قانووندانانێ و دێ ب مۆكومی و سۆز جێبه‌جێ كه‌ت، دیسا ئەو وەکو پەرلەمانێ عیراقێ دێ سەرەدانێن مەیدانی و ژنێزیک هایداربوون ل سەر ژیارا وەلاتیان بۆ هەموو پارێزگەهێن ئەنجامدەن.

ئەڤرۆ نیوز :

دو هزروبیرێن جۆدا هەنە ل سەر جوانیێ، هندەک دبێژن مەرجێ جوانیێ ناخێ مرۆڤیه و هندەک ژی دبێژن رووگەشی مەرجێ سەرەکی یێ جوانیێ یە.

ئەڤە ژی لیستا ناڤێن وان وەلاتانە یێن کو جوانترین کچ تێدا ژ دایک دبن:

تورکیا: ئێکە ژ وان وەلاتێن کو زۆرترین ژنێن جوان تێدا ژ دایک دبن.

بەرازیل: وەلاتێ سامبا ب ژێدەرێ خانمێن جوان یێن گەردونی دهێته دانان، وەلاتێ بەرازیل ب پیستێ ئەسمەر و پرچێ کال یێ ناڤدارە، زۆرترین کارێ نمایشا جلکان دکەن ب ئەگەرێ لەشەکێ رێکوپێک و سەرنجراکێش.

ئۆکرانیا: خانمێن ئۆکرانیا ژی د وەلاتەکێ دا دژین کو یێ پرە ژ سروشتێ کەسک و ئاڤ و هەوایەکێ ئەفسانەیی، خودان جوانیەکا دەگمەنن.

رووسیا: خانمێن رووسی خودان تێکەلیەکا رۆژئاڤایی و رۆژهەلاتینە، خودان بەژن و بالایەکا رێکوپێک و بلندن.

فەنزویلا: ئێکن ژ وان خانمێن زۆرترین ناسناڤێ شاهجوانیێ ب دەستڤە دئینن، ٢١ جاران ناسناڤێ شاهجوانا جیهانی ب دەستڤەئینایه.

ئەڤرۆ نیوز ، زنار تۆڤی:

پەیڤدارێ وه‌زاره‌تا كارو كاروبارێن كۆمه‌لایه‌تى ل هه‌رێمێ رادگه‌هاندیه کو ئەڤرۆ چارشه‌مبی دێ‌ مووچێ هەیڤا خزیرانێ یێ وه‌زاره‌تا كارو كاروبارێن كۆمه‌لایه‌تى هێتە دابه‌شکرن.

هه‌مزه‌ خۆشناو، پەیڤدارێ وه‌زاره‌تا كارو كاروبارێن كۆمه‌لایه‌تى ل هه‌رێمێ دیارکریە کو ئەو ژ لایێ وه‌زاره‌تا دارایی ڤە هاتینە‌ ئاگەهدارکرن کو ئەڤرۆ چارشه‌مبی 19 ئیلۆنێ دێ مووچێ وه‌زاره‌تا كارو كاروبارێن كۆمه‌لایه‌تى هێتە دابه‌شکرن.

ئەڤرۆ نیوز :

د ڤەکۆلینەکا نوو دا دەرکەفتیە، کو ئەو زەلامێن ژنێن وان د قەلەو دلێ وان‌ یێ خۆشتره‌.

هەروەسا دیارکریە، ئه‌و زەلامێن هەڤژینی ل گەل ژنێن قه‌له‌و دا كرین دلێ وان یێ‌ خۆشتره‌ و زێدەتر دکەنن و زێدەتر دژین ب‌ به‌راورد ل گەل وان زەلامێن ژنێن وان د زه‌عیف.

وێ ڤەکۆلینێ ئەگەر بۆ وێ چەندێ ڤەگەراندینە کو ژنێن قه‌له‌و رووخۆشترن و پتر ئاخفتنێن خۆش دكه‌ن و دکەنن ب به‌راورد ل گەل‌ ژنێن زه‌عیف كو‌ پتریا دەمی ژ خوە درازینە، هه‌روه‌سا ژنێن قه‌لە‌و زێدەتر بزاڤێ دکەت کو هەڤژینێ خوە دلخۆش بكەت و دلێ وی رابگرێت، هۆكارەکێ دی ژی ئه‌وه‌، ژنێن قه‌لە‌و زێدەتر لدەف زەلامان د سه‌رنجراكێشن‌.

ئەڤرۆ نیوز ، زنار تۆڤی:

سەرۆکێ ئەمریکا رسوماتێن زێدەتر یێن گومرگی ب سەر کۆمارا چینا میللیدا دسەپینیت.

ئاژانسا (بلومبێرگ) دیارکریە، کو ئەو بریارا دۆنالد ترەمپێ سەرۆکێ ئەمریکا هەڤدەمە ل گەل بزاڤێن ستیڤن منۆچین، وەزیرێ خەزینا ئەمریکا بۆ دەست پێکرنا دانوستاندنان سەبارەت ب پەیوەندیێن ئابووری یێن واشنتون و پەکینێ.

ل حەفتیا بوری دۆنالد ترەمپی ئاماژە ب ئەگەرێ زێدەکرنا رسوماتێن گومرگی ل سەر لەسەر کەلوپەل و بەرهەمێن چینێ ب گۆژمێ 200 ملیار دۆلاران ل رۆژا ئەینی 14/9/2018 دایه و بریاردایه وان رسوماتێن گومرگی یێن زێدە ب سەر بەرهەمێن چینی دا ب سەپینیت.

ئەڤرۆ نیوز :

هزرکرنا زەلامان ب تەمامی ژ یا ژنان یا جۆدایە، هەر ئێکێ ژ وان هزرکرن و دیتنەکا جۆدا بۆ تشتان هەیە، ئەڤەژی لدووڤ جۆداهیا سرۆشتێ وانە.

د ئێکەم دیتنا ژن و زەلامان دا، هەر ئێک ژ وان هزر ل چەند تشتێن جۆدا دکەت، ئەڤە ژی گرنگترین ئەو تشتێن سەیرن کو د ئێکەم ژڤان دا هزرێ لێ دکەن.

.کاریگەریا میکیاژی:
دەمێ زەلامەک دبینیت کو ژنەکێ گەلەک میکیاژ دانایە، هزرێ ل هندێ دکەت دەمێ یا بێ میکیاژ دێ رەنکێ وێ یا چاوا بیت، ئەرێ دێ هەر ب جوانی مینیت یان ژی دێ یا کرێت بیت، ژبەر ڤێ چەندێ ئەڤ خالە دێ مەژیێ زەلامان د ئێکەم دیتن دا داگیر کەت.

. شێوێ وێ ژنی پشتی چەند سالان:
نە ب تنێ دێ هزرا وی زەلامی بۆ جوانیا وی دەمی چیت، بەلکو دێ هزر ل داهاتی ژی کەت، کو پشتی چەند سالێن دیتر دێ رەنگێ وێ چو لێ هێت.

. پێکەنینا وێ ژنێ:
زەلام چاڤەرێ هندێ دکەن کو ئەو ژن بگرنژیت بۆ هندێ کو کەنیا وی ببینیت، وی دڤێت بزانیت ئەرێ ئەو ژن یا خەمۆکیە یان ژی یا رووگەش و دەڤ ب کەنیە.

. شێوێ وێ پەیوەندیێ:
زەلام د ئێکەم ژڤان دا هزر ل هندێ دکەن، بۆچیە ئەو هاتیە ڤی ژڤانی، ئەرێ دێ بیته پەیوەندیەکا حەز ژێکرنێ، یان یا هەڤالینیێ، یان ژی چو ژ وان نە.

. دەستێن وێ خانمێ:
هەکە چاڤێ زەلامی د ئێکە ژڤاندا کەفتە سەر دەستێ وێ خانمێ ئەڤە مانا هندێ ددەت کو گرنگیێ پێ ددەت، لەوما دێ بەردەوام تەماشە کەتێ، دێ پشکەکا جوانیا وێ ژنێ ژ جوانیا دەستێن وێ بینیت.

.جانتا وێ خانمێ:
جار جاران دێ چاڤێ وی زەلامی د ئێکەم ژڤاندا چیتە سەر جانتا دەستێ وێ خانمێ، دێ وەسا بینیت کو هندی جانتا وێ یا مەزنتربیت ئەو خانمە یا هشیارتر و سەرنجراکێشترە، جوانی و شێوێ وێ جانتێ دێ کاریگەریێ ل سەر هزرکرنا وی زەلامی کەت، هندەک زەلام د ئێکەم ژڤاندا هزرێ ل هندێ دکەن، کانێ چو تشت دناڤا وێ جانتێ دا هەیە و چەندە گرنگیا خوە هەیە، کو بۆ وی ژڤانی د وێ جانتێدا هەلگرتی.

ئەڤرۆ نیوز ، زنار تۆڤی:

تۆرا میدیایی یا بلومبێرگ یا ناڤدارا جیهانی رێزبەندیا وان وەلاتان ئاشكرا كریە یێن کو ل جیهانێدا پاسپۆرتان دفروشنە وەلاتیان، ئەڤە ژی ب رێیا وەبەرهێنانێ و دانانا گۆژمەکێ دیارکری یێ پارەی د بانكێن واندا.
وی مالپه‌ری نڤێسیە کو بهایێ پاسپۆرتان ل وەلاتەکێ بۆ وەلاتەکێ دیتر یا‌ جۆدایه‌، بۆ نموونه‌ ل هندەک وەلات بهایێ وێ دگەهیته‌ چەند ملیۆن دۆلاران و ل هندەك وەلاتێن دیتر پاسپۆرت ب چه‌ند هزار دۆلاران دهێتە فرۆتن.

هەروەسا گۆتیە، ل وەلاتێ نه‌مسا ل سالا 1985 قانوونەک دەرکەفتیە، کو هه‌ر بازرگانەکێ بشێت ب بهایێ 23.7 ملیۆن دۆلاران وه‌به‌رهێنانی ل وی وەلاتی بكەت، دێ شێت پاسپۆرتا نەمسایی وەرگریت، هەروەسا دوورگه‌یا قوبرسا یۆنانێ ب گۆژمێ 2.3 ملیۆن دۆلاران دێ شێی پاسپۆرتێ وەرگری.

هه‌ر ئێك ژ‌ دورگه‌یێن مالتا و وەلاتێ توركیا ژی پاسپۆرتێ ددەنە هەر كه‌سەکێ بشێت بهایێ یه‌ك ملیۆن دۆلاران وه‌به‌رهێنانێ ل وان هەردو وەلاتان بكەت.
هه‌روه‌سا دوورگه‌یا سانت كیتس ونیفیس ب گوژمێ 150 هزار دۆلاران پاسپۆرتێ ددەن، دیسا دوورگه‌یا سان لوسیا و دۆمێنیكا ژی ب گۆژمێ 100 هزار دۆلاران پاسپۆرتێ ددەن.

ئەڤرۆ نیوز ، زنار تۆڤی:

ئه‌ڤرۆ ئەینیێ 14 ئیلۆنا 2018 هەڤپه‌یمانیا میحوه‌رێ وه‌ته‌نى محه‌مه‌د حه‌له‌بوسى په‌رله‌مانتار و پارێزگارێ ئه‌نبارێ ب ‌فه‌رمى بۆ وه‌رگرتنا پۆستێ سه‌رۆكێ په‌رله‌مانێ عیراقێ كاندیدكر، کو میحوه‌رێ وه‌ته‌نى د نوکە دا زۆرینه‌یا په‌رله‌مانتارێن سوننی ب خوەڤە دگریت.

هەڤدەم له‌یس دلێمى پەیڤدارێ فه‌رمى یێ هەڤپه‌یمانیا میحوه‌رێ وه‌ته‌نى گۆتیە:کو حه‌له‌بوسى ژ هەژی سه‌رۆكاتیا په‌رله‌مانێ عیراقێ ‌یه‌، هەروەسا ئه‌وێن ئیمزا بۆ حه‌له‌بوسى كرین پتری 50 په‌رله‌مانتارێن سوننی نە.

website security