ئاستێ‌ ئاڤێ‌ ل دهۆكێ‌ نێزیكی 10 مه‌تران كێمبوویه‌

ئاستێ‌ ئاڤێ‌ ل دهۆكێ‌ نێزیكی 10 مه‌تران كێمبوویه‌

ئه‌ڤرۆ، ئه‌میر ئه‌ترووشی:

رێڤه‌به‌رێ ئاڤا ژێرزه‌ڤی ل پارێزگه‌ها دهۆكێ راگه‌هاند، زه‌نگا مه‌ترسیا هشكه‌سالی لێدایه‌ ل گه‌له‌ك جه و ده‌ڤه‌ران  ئاستێ ئاڤا ژێر ئه‌رد ژی گه‌له‌ك كێمبوویه‌ و بێگۆمان ژی هه‌تا وه‌رزێ هاڤینێ دێ ئاستێ ئاڤێ هێشتا كێمتر بیت و گۆت: ل هنده‌ك جهـ و ده‌ڤه‌ران به‌ری نۆكه‌ هه‌تا 200 مه‌تران ئاڤ ژبن ئه‌ردێ ده‌ردكه‌ڤت، لێ نۆكه‌ 250 مه‌تران ئه‌رد دهێته‌ كولان، هه‌ر ژ نۆكه‌ ئاڤ ده‌ركه‌ڤیت، ئه‌ڤه‌ ب خۆ ئاماژه‌كا مه‌ترسیداره‌ ل سه‌ر كێمبوونا ئاستێ ئاڤێ”.

ناجی ئیبراهیم، رێڤه‌به‌رێ ئاڤا ژێرزه‌ڤی ل پارێزگه‌ها دهۆكێ ب وه‌كاله‌ت بۆ ئه‌ڤرۆ دیار كر: “بۆ به‌رهه‌نگاریا هشكه‌سالی پێدڤیه‌ هه‌ر نۆكه‌ به‌رهه‌ڤی بهێنه‌ كرن، چونكو پێشبینی دهێته‌ كرن وه‌رزێ هاڤینێ دا ژێده‌رێ ئاڤا ڤه‌خارنێ ل هنده‌ك گوندان هشك بن، هه‌ر نۆكه‌ ئاستێ ئاڤێ دناڤبه‌را پێنج هه‌تا 10 مه‌تران كێمبوویه‌، ل هنده‌ك جهـ و ده‌ڤه‌ران به‌ری نۆكه‌ هه‌تا 200 مه‌تران ئاڤ ژبن ئه‌ردێ ده‌ردكه‌ڤت، لێ نۆكه‌ 250 مه‌تران ئه‌رد دهێته‌ كولان، هه‌ر ژ نۆكه‌ ئاڤ ده‌ركه‌ڤیت، ئه‌ڤه‌ ب خۆ ئاماژه‌كا مه‌ترسیداره‌ ل سه‌ر كێمبوونا ئاستێ ئاڤێ”.

ئاشكه‌را كر: “ل سه‌رانسه‌رێ پارێزگه‌ها دهۆكێ سێ هزار و 400 بیرێن ئاڤێ هاتینه‌ دروستكرن، هنده‌ك ژی بۆ كارێن ڤه‌خارنێ، هنده‌ك ژی بۆ كارێن چاندنێ هاتینه‌ دروستكرن، به‌رده‌وام خه‌لك داخوازا مۆله‌تان دكه‌ن بۆ چێكرنا بیرێن ئاڤێ، ئه‌م پشته‌ڤانی ل وان دكه‌ین”.

د ماوێ‌ 10 سالێن بۆری دا ل هه‌رێما كوردستانێ‌، 49 هزار و 500 بیرێن ئیرتیوازی هاتینه‌ لێدان و زێده‌تر 50% ژ وان بیران بێ‌ مۆله‌ت هاتینه‌ لێدان و ژ ڤی سه‌رجه‌می ژی 12 هزار و 400 بیر بۆ مه‌ره‌مێن ئاڤ ڤه‌خوارنێ‌ و 10 هزار و 400 بیر بۆ مه‌ره‌مێن چاندنێ‌ و 929 بۆ پێشه‌سازیێ‌ هاتینه‌ لێدان.

کۆمێنتا تە